YOHANES 19の有名な聖句

シェア

Ta hakko ke ri Yesus ne ei-ago do naanne, ta lii ke No, ”Moko ke!” Moko ta pejhune ke ri No ne kattu No, ta happo le ke ne henga No.

Do toi ke ri Yesus ta do moko ke hari-hari, jhe mita tobo ke ne do hure do bhuke pa dhara Buku Lidara-Likewahhu Deo, ta lii ke No, ”Ta hae koko ke Ya.”

Ta ngadde ri Yesus ina No nga ana hekola do ddhei No ne, do titu paanne, ta lii pa ina No, ”Ina, napoanne ke ne ana ri Ina.” Ta dhai ta lii ke Yesus pa ana hekola No ne, ”Napoanne ke ne ina au.” Jha ri ti awe naanne ta hamme ke ri ana hekola do naanne, ne ina ri Yesus ne ta pee pa ammu no.

Ta dhai ro la nga Yesus, ta ngadde ke Yesus ri ro do alla ke pemade. Hakku pepade dho ke ri ro ne kae No. Tapulara ri heddau ngati horodhadhu do na harre ta tabbho ke ne hibi-bhoro Yesus ri kepoke, moko ta mili dhangnge ke ne ei-lanynyo-raa.

Ne jadhi ne lai do naanne mita petobe ke ne nga ne do hure do bhuke pa dhara Buku Lidara-Likewahhu Deo, ”Bhule dho ie ta hahhi he ne rui No do pepada.” Pa dhara Buku Lidara-Likewahhu Deo lema do hure do bhuke, ”Do ta tengare No ri ro, No do alle petabbho ri ro he.”

Moko ta mahu-anni ke Yesus nga hape miha ne ajhu ketoe No ne la era do pehune ta ”Era Rui Kabbha Kattu”. (Pa dhara lii Ibrani do pale ta Golgota.)

Ta tao ke ri do horodhadhu he, hewue labba ngati kelai-kelai ajhu do dudu do kanna, jhe petaddho pa kattu Yesus. Ta alla pemina harre ta pepake ke ri ro pa Yesus hewue juba do dalu kelere mea