AMASIWI AŴALESA 2001 (Drama NT)

<div class="version vid947 iso6393lam" data-vid="947" data-iso6393="lam">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="p"> 1Pe&#331;ka &#373;alila&#373;ile ukupalanya kuli &#373;o ati: Ukwelelwa a&#373;antu ukulukutembela impindi yonse nekuwulo'kutembuka. 2&#372;alila&#373;ile ati: Mumusi umbi emwali umusololwesi, utaalukutonda-po &#373;aLesa neli kuwala&#331;guluka-po a&#373;antu. 3Naka&#373;ili emwali namukakusyala mumusi wopele; naye alukwisa kuli ye li&#373;ili li&#373;ili, nekula&#373;ila ati: &#330;gamumpindile-ko kumupate wanji. 4Lomba alikene impindi ikulu; sombi pantanjile alila&#373;ile mumutima wakwe ati: Na&#331;gawa ati nsitonda-po &#373;aLesa, neli kuwala&#331;guluka-po a&#373;antu, 5na&#331;gawe' fyo, pakuti uyu-mukakusyala aluku&#331;katasya, &#331;kamupindila-ko, e&#331;gesa mukumpensya lukoso pakuti pakwisa kwakwe ukwansiku syonse. 6Ka&#373;ili &#373;alila&#373;ile &#373;aSikulu ati: Kamumfwe'fyo ifi ala&#373;ile umusololwesi uyo usendeme. 7Kansi &#373;aLesa ta&#373;aka&#373;apindila-ko a&#373;a &#373;asalulwile, a&#373;aluku&#373;alilila pakasu&#373;a napa&#373;usiku, na&#331;gawa ati &#373;alukukokola kuli &#373;o impindi ikulu? 8Ndukumu&#373;uleni ati &#373;aka&#373;apindila-ko bwa&#331;gu bwa&#331;gu. Na&#331;gawe'fyo, pakwisa Umwana waMuntunsi, kani akasa&#331;ga ukucetekela pacalo capansi?</div><div class="p"> 9Naka&#373;ili &#373;alila&#373;ile ukupalanya uku kuli &#373;ambi a&#373;alukulicetekela ati tuli walu&#331;geme, nekuluku&#373;apufya lukoso &#373;ambi &#373;onse, ati: 10A&#373;antu &#373;a&#373;ili &#373;aliinjile mwitempuli mukutembela, umo muFalisi, umbi muso&#331;kesi. 11UmuFalisi uyo aliimakene, nekulitembelela ifi ati: Mwe&#373;aLesa, ndukumutoteni pakuti nsipalene ne&#373;antu &#373;ambi, a&#373;akukakatisya ukwakwi&#373;a, ne&#373;asendeme, ne&#373;amacende, neli nikoti muso&#331;kesi uyu. 12Ndalikanyo'kulya impindi si&#373;ili umulu&#331;gu umo, nekulukufumya pekumi ukuposa kuli &#373;aLesa ifintu fyonse ifi mpoka. 13Sombi umuso&#331;kesi uyo, ili emakene ukutali, taasumine ukwinwina neli menso akwe kwiulu; sombi alilipamine munti&#373;i, nekula&#373;ila ati: Mwe&#373;aLesa, muncitile'&#331;kumbu ne&#373;o, nembifi! 14Ndukumu&#373;uleni ati uyu-muntu aliile kunanda yakwe ulu&#331;geme, ukucila napamu&#373;yakwe; pakuti a&#373;antu &#373;onse ulilemya, akapufiwa; sombi ulipufya, eukalemiwa.</div><div class="p"> 15Ka&#373;ili &#373;aliletele kuli &#373;o nencece sya&#373;o, ati &#373;asitintile-po; sombi a&#373;asambile, paku&#373;one'fyo, &#373;ali&#373;akenye. 16Sombi &#373;aYesu &#373;ali&#373;etile, nekula&#373;ila ati: &#372;alekeni a&#373;anice ati &#373;ese kuli ne&#373;o; teku&#373;akanya; pakuti U&#373;ufumu bwa&#373;aLesa &#373;uli ku&#373;aku&#373;e'fi. 17Icinenene ndukumu&#373;uleni ati a&#373;antu &#373;onse, utaakapoka-po U&#373;ufumu bwa&#373;aLesa koti mwanice, uyo tesi akenjile-mo mulya neli kwinjila konse.</div><div class="p"> 18Pe&#331;ka'po impemba imbi yali&#373;epwisye ati: Mwe&#373;aSambisi a&#373;aweme, mbancite'ndo mukupyana umweo wamuyayaya? 19Kumfwa &#373;aYesu ka&#373;amwe&#373;a ati: Mbanindo ulukunjilika ne&#373;o ati Uweme? Tapali-po umuntu uweme, sombi &#373;amo &#373;e&#331;ka, e&#373;aLesa! 20Uliisi amafunde ati: Tekucito'&#373;ucende; tekwipaya'&#373;antu; tekwi&#373;a; tekusimika ifyaku&#373;epa; ucindike &#373;awiso na&#373;anoko. 21Naye ati: Nalukufilame' fyo fyonse ukufuma kumpindi ya&#373;usa&#331;kwa bwanji. 22Na&#373;o &#373;aYesu, pakumfwe'fyo, &#373;alila&#373;ile kuli ye ati: Icintu cimo eci tokwete: fyonse' fyo ifi uli nafyo, ukapelaike kuwape&#331;gele; eli uka&#373;a nema&#373;oni kwiulu; ukese ili undonda! 23Sombi, pakumfwe'fyo, naye ali&#373;ele nensoni ukwakuti, pakuti ali&#373;ilile ukwakuti. 24&#372;aYesu pakumu&#373;one'fyo &#373;alila&#373;ile ati: Kulikatesye ukwakuti ukwinjila mu&#372;ufumu bwa&#373;aLesa a&#373;o a&#373;ali nema&#373;oni! 25Pakuti capepi ku&#331;gamela ukwinjila pesiso lyansi&#331;gano, ukucila napamu&#373;ile ukwinjila muWufumu bwa&#373;aLesa. 26Lomba a&#373;o, a&#373;aumfwile' fyo, &#373;alila&#373;ile ati: Mbaninani lomba uwisi ukupuluka? 27Sombi na&#373;o ati: Ifyo-fintu ifika&#331;ga a&#373;antu, filiisi&#373;ilwe kuli &#373;aLesa. 28Kumfwa Petilo ati: &#372;oneni, twalisile ifyesu, nekulukumulondeni. 29Na&#373;o &#373;alila&#373;ile kuli &#373;o ati: Icinenene ndukumu&#373;uleni ati, tapali-po umuntu uwa sile i&#331;anda, neli mukasi, neli &#373;akwa&#373;o, neli a&#373;amufyele, neli &#373;ana, pakuti pa&#372;ufumu bwa&#373;aLesa, 30utaakapoka-po impindi ino ifyakucilo' kwakuti, napampindi ikesa umweo wamuyayaya.</div><div class="p"> 31Pe&#331;ka'po &#373;alitwite a&#373;o ikumi na&#373;a&#373;ili, nekula&#373;ila kuli &#373;o ati: &#372;oneni, tulukuya kuJelusalemi lomba fyonse'fyofintu ifyalembelwe ku&#373;akusimika fikakonsiwa ifyakuMwana waMuntunsi. 32Pakuti akalo&#373;elwa ku&#373;enafyalo, nekupufiwa, nekupensiwo'kwakuti, nekusipilwa nemate: 33ka&#373;ili &#373;akamupuma nekumwipaya: pe&#331;ka pakasu&#373;a ka&#373;usitatu aka&#373;uka-po li&#373;ili. 34Sombi na&#373;o ta&#373;aisi&#373;ile-po ifyafintu ifyo neli cimo; nemasiwi ayo alifisilwe kuli &#373;o; na&#373;o ta&#373;afibwene-po ifintu ifyo ifyala&#373;ilwe.</div><div class="p"> 35Lomba, ili &#373;alukupalamina kuJeliko, pali&#373;ele ati imbi impofu yaJiikele mumbali yansila, ukulukulomba-lomba. 36Pe&#331;ka, pakumfwa ama&#373;umba alukupita, yali&#373;epwisye ati: Mbafindo ifi? 37Na&#373;o &#373;alii&#373;ulile ati: Ni&#373;aYesu &#373;akuNasaleti e&#373;alukupita. 38Nayo yali&#373;ilicisye ati: Mwe&#373;aYesu, mwe&#373;ana &#373;akwe Dafidi, muncitile'&#331;kumbu. 39Na&#373;o a&#373;atanjile &#373;aliikenye ati: Kawikele celele! Sombi yali&#373;ilicisye ukwakucila ati; Mwe&#373;ana &#373;akwe Dafidi, muncitile'&#331;kumbu! 40Lomba &#373;aYesu &#373;aliimakene, neku&#373;a&#373;ula ati &#331;gawailete kuli &#373;o. Ili yapalamine, &#373;aliipwisye ati: 41Ulukufwaya ati ncite'ndo kuli we&#373;o? Nayo ati: Mwe&#373;aSikulu, ati mpoke ukula&#373;a kwanji. 42Kumfwa &#373;aYesu ka&#373;aye&#373;a ati: &#330;gopoke ukula&#373;a ko&#373;e: ukucetekela ko&#373;e kwakukosya. 43Impindi iyo yopele yalipokele ukula&#373;a kwaiyo, nekuluku&#373;alonda, ili i&#373;alemya &#373;aLesa; a&#373;antu &#373;onse na&#373;o, paku&#373;one'fyo, &#373;ali&#373;acindicile &#373;aLesa.</div>
 </div>
 </div>
</div>

Lamba Bible Version © United Bible Societies, 1959. 

Peŋka ŵalilaŵile ukupalanya kuli ŵo ati: Ukwelelwa aŵantu ukulukutembela impindi yonse nekuwulo'kutembuka. Ŵalilaŵile ati: Mumusi umbi emwali umusololwesi, utaalukutonda-po ŵaLesa neli kuwalaŋguluka-po aŵantu. Nakaŵili emwali namukakusyala mumusi wopele; naye alukwisa kuli ye liŵili liŵili, nekulaŵila ati: Ŋgamumpindile-ko kumupate wanji. Lomba alikene impindi ikulu; sombi pantanjile alilaŵile mumutima wakwe ati: Naŋgawa ati nsitonda-po ŵaLesa, neli kuwalaŋguluka-po aŵantu, naŋgawe' fyo, pakuti uyu-mukakusyala alukuŋkatasya, ŋkamupindila-ko, eŋgesa mukumpensya lukoso pakuti pakwisa kwakwe ukwansiku syonse. Kaŵili ŵalilaŵile ŵaSikulu ati: Kamumfwe'fyo ifi alaŵile umusololwesi uyo usendeme. Kansi ŵaLesa taŵakaŵapindila-ko aŵa ŵasalulwile, aŵalukuŵalilila pakasuŵa napaŵusiku, naŋgawa ati ŵalukukokola kuli ŵo impindi ikulu? Ndukumuŵuleni ati ŵakaŵapindila-ko bwaŋgu bwaŋgu. Naŋgawe'fyo, pakwisa Umwana waMuntunsi, kani akasaŋga ukucetekela pacalo capansi?
Nakaŵili ŵalilaŵile ukupalanya uku kuli ŵambi aŵalukulicetekela ati tuli waluŋgeme, nekulukuŵapufya lukoso ŵambi ŵonse, ati: Aŵantu ŵaŵili ŵaliinjile mwitempuli mukutembela, umo muFalisi, umbi musoŋkesi. UmuFalisi uyo aliimakene, nekulitembelela ifi ati: MweŵaLesa, ndukumutoteni pakuti nsipalene neŵantu ŵambi, aŵakukakatisya ukwakwiŵa, neŵasendeme, neŵamacende, neli nikoti musoŋkesi uyu. Ndalikanyo'kulya impindi siŵili umuluŋgu umo, nekulukufumya pekumi ukuposa kuli ŵaLesa ifintu fyonse ifi mpoka. Sombi umusoŋkesi uyo, ili emakene ukutali, taasumine ukwinwina neli menso akwe kwiulu; sombi alilipamine muntiŵi, nekulaŵila ati: MweŵaLesa, muncitile'ŋkumbu neŵo, nembifi! Ndukumuŵuleni ati uyu-muntu aliile kunanda yakwe uluŋgeme, ukucila napamuŵyakwe; pakuti aŵantu ŵonse ulilemya, akapufiwa; sombi ulipufya, eukalemiwa.
Kaŵili ŵaliletele kuli ŵo nencece syaŵo, ati ŵasitintile-po; sombi aŵasambile, pakuŵone'fyo, ŵaliŵakenye. Sombi ŵaYesu ŵaliŵetile, nekulaŵila ati: Ŵalekeni aŵanice ati ŵese kuli neŵo; tekuŵakanya; pakuti Uŵufumu bwaŵaLesa ŵuli kuŵakuŵe'fi. Icinenene ndukumuŵuleni ati aŵantu ŵonse, utaakapoka-po Uŵufumu bwaŵaLesa koti mwanice, uyo tesi akenjile-mo mulya neli kwinjila konse.
Peŋka'po impemba imbi yaliŵepwisye ati: MweŵaSambisi aŵaweme, mbancite'ndo mukupyana umweo wamuyayaya? Kumfwa ŵaYesu kaŵamweŵa ati: Mbanindo ulukunjilika neŵo ati Uweme? Tapali-po umuntu uweme, sombi ŵamo ŵeŋka, eŵaLesa! Uliisi amafunde ati: Tekucito'ŵucende; tekwipaya'ŵantu; tekwiŵa; tekusimika ifyakuŵepa; ucindike ŵawiso naŵanoko. Naye ati: Nalukufilame' fyo fyonse ukufuma kumpindi yaŵusaŋkwa bwanji. Naŵo ŵaYesu, pakumfwe'fyo, ŵalilaŵile kuli ye ati: Icintu cimo eci tokwete: fyonse' fyo ifi uli nafyo, ukapelaike kuwapeŋgele; eli ukaŵa nemaŵoni kwiulu; ukese ili undonda! Sombi, pakumfwe'fyo, naye aliŵele nensoni ukwakuti, pakuti aliŵilile ukwakuti. ŴaYesu pakumuŵone'fyo ŵalilaŵile ati: Kulikatesye ukwakuti ukwinjila muŴufumu bwaŵaLesa aŵo aŵali nemaŵoni! Pakuti capepi kuŋgamela ukwinjila pesiso lyansiŋgano, ukucila napamuŵile ukwinjila muWufumu bwaŵaLesa. Lomba aŵo, aŵaumfwile' fyo, ŵalilaŵile ati: Mbaninani lomba uwisi ukupuluka? Sombi naŵo ati: Ifyo-fintu ifikaŋga aŵantu, filiisiŵilwe kuli ŵaLesa. Kumfwa Petilo ati: Ŵoneni, twalisile ifyesu, nekulukumulondeni. Naŵo ŵalilaŵile kuli ŵo ati: Icinenene ndukumuŵuleni ati, tapali-po umuntu uwa sile iŋanda, neli mukasi, neli ŵakwaŵo, neli aŵamufyele, neli ŵana, pakuti paŴufumu bwaŵaLesa, utaakapoka-po impindi ino ifyakucilo' kwakuti, napampindi ikesa umweo wamuyayaya.
Peŋka'po ŵalitwite aŵo ikumi naŵaŵili, nekulaŵila kuli ŵo ati: Ŵoneni, tulukuya kuJelusalemi lomba fyonse'fyofintu ifyalembelwe kuŵakusimika fikakonsiwa ifyakuMwana waMuntunsi. Pakuti akaloŵelwa kuŵenafyalo, nekupufiwa, nekupensiwo'kwakuti, nekusipilwa nemate: kaŵili ŵakamupuma nekumwipaya: peŋka pakasuŵa kaŵusitatu akaŵuka-po liŵili. Sombi naŵo taŵaisiŵile-po ifyafintu ifyo neli cimo; nemasiwi ayo alifisilwe kuli ŵo; naŵo taŵafibwene-po ifintu ifyo ifyalaŵilwe.
Lomba, ili ŵalukupalamina kuJeliko, paliŵele ati imbi impofu yaJiikele mumbali yansila, ukulukulomba-lomba. Peŋka, pakumfwa amaŵumba alukupita, yaliŵepwisye ati: Mbafindo ifi? Naŵo ŵaliiŵulile ati: NiŵaYesu ŵakuNasaleti eŵalukupita. Nayo yaliŵilicisye ati: MweŵaYesu, mweŵana ŵakwe Dafidi, muncitile'ŋkumbu. Naŵo aŵatanjile ŵaliikenye ati: Kawikele celele! Sombi yaliŵilicisye ukwakucila ati; Mweŵana ŵakwe Dafidi, muncitile'ŋkumbu! Lomba ŵaYesu ŵaliimakene, nekuŵaŵula ati ŋgawailete kuli ŵo. Ili yapalamine, ŵaliipwisye ati: Ulukufwaya ati ncite'ndo kuli weŵo? Nayo ati: MweŵaSikulu, ati mpoke ukulaŵa kwanji. Kumfwa ŵaYesu kaŵayeŵa ati: Ŋgopoke ukulaŵa koŵe: ukucetekela koŵe kwakukosya. Impindi iyo yopele yalipokele ukulaŵa kwaiyo, nekulukuŵalonda, ili iŵalemya ŵaLesa; aŵantu ŵonse naŵo, pakuŵone'fyo, ŵaliŵacindicile ŵaLesa.

ស្ដាប់នូវ Luku 18