ខគម្ពីរពេញនិយមពី Genesis 6

ចែក​រំលែក

Ciinllugguarauq ilulliqluni-llu yugmek pilillruciminek yirluku nuna.

ATANREM tangrrai nunam yui assiitqapiggluteng kesianek, umyuangcarluteng assiilngurnek caliarkameggnek.

Tau͡gaam ATANREM ilukegcitkaa Noah.

Waniwa Noah-mek qanemcit. Noah ellualriarullruuq canganarqutaunani kiimi yuullgutmini. Yuuluni pillgutekluku Agayun.

Tua-i-llu ATANEQ qanerluni, “Piunrirciqanka yuut piliallrenka, ungungssit mikellriit angelriit, yaqulget-llu, ciinllugguariima piliaqellrucimnek.”

Yuut amlleriut saggluteng nunamun, nasaurlurnek-llu irniangluteng. Ilaita qilagmiut tangrrait paniita kenegnartaciit cucukek'ngameggnek-llu nulirturluteng. Tua-llu ATANEQ qanertuq, “Yuk unguvamavkarngaitaqa tuquarkauluni taqumiin. Waken ayagluni unguvangaituq allrakut yuinaat arvinlegen (120) cipluki.” Tamaani yugpagtangqellruuq nuna. Agayutem qetunrai kinguvengellruut yuut paniita irniaritnek. Tamakut alingyuilnguullruut niitnaulriaruluteng-llu.

Noah-m-llu Agayutem alerquutii tamalkuan aturluku tuaten piuq.

Agayutem Noah qanrutaa, “Umyuangua yuut tamalkuita piunrirnaluki, tamarmeng ellam yui arenqialata ilalkuurulluteng.

Angyarpali muragmek assilriamek uitavililuki ucii, taarrluku ilua elatii-llu.

Agayutem tangvallrani ellam yuin tamarmeng assiilnguq aturluku.

Angyamun-llu ekluki malruuqaqluki arnacaluq angucaluq-llu tamalkuitnek ungungssinek yaqulegnek-llu, nangenritniartut.