ខគម្ពីរពេញនិយមពី ကမ္ဘာဦးကျမ်း 9

ចែក​រំលែក

တစ်ဖန် ဘုရားသခင်​က “​ငါ​နှင့် သင်​တို့​ကြား​၌​လည်းကောင်း​၊ သင်​တို့​နှင့်အတူ​ရှိ​သော သက်ရှိသတ္တဝါ​အပေါင်း​တို့​ကြား​၌​လည်းကောင်း ခေတ်ကာလ​အစဉ်အဆက် ငါ​ပြု​သော​ပဋိညာဉ်​၏​အမှတ်လက္ခဏာ​မှာ ဤသို့​ဖြစ်​၏​။ ငါ​၏​သက်တံ​ကို မိုးတိမ်​၌ ငါ​ထား​၏​။ ထို​သက်တံ​သည် ငါ​နှင့်​မြေကြီး​ကြား​၌​ပြု​သော ပဋိညာဉ်​၏​အမှတ်လက္ခဏာ​ဖြစ်​လိမ့်မည်​။

မိုးတိမ်​၌ သက်တံ​ပေါ်လာ​သောအခါ ထို​သက်တံ​ကို​ငါ​ကြည့်​၍ ဘုရားသခင်​နှင့် မြေကြီး​ပေါ်​ရှိ သတ္တဝါ​အမျိုးမျိုး​တည်းဟူသော သက်ရှိသတ္တဝါ​အပေါင်း​တို့​ကြား​၌ ငါ​ပြု​သော ထာဝရ​ပဋိညာဉ်​ကို ငါ​အောက်မေ့​မည်​”​ဟု မိန့်​တော်မူ​၏​။

လူ​၏​အသက်​ကို​သတ်​သော​သူ​သည် လူ့​လက်​ဖြင့်​အသတ်​ခံရ​မည်​။ အကြောင်းမူကား ဘုရားသခင်​သည် မိမိ​၏​ပုံသဏ္ဌာန်​အတိုင်း လူ​ကို​ဖန်ဆင်း​တော်မူ​၏​။

ဘုရားသခင်​သည် နောဧ​နှင့် သူ​၏​သား​တို့​ကို​ကောင်းချီးပေး​လျက် “​များစွာ​မွေးဖွား​၍ တိုးပွား​ကြ​လော့​။ မြေကြီး​ကို​ပြည့်​စေ​ကြ​လော့​။

အသက်ရှင်​၍ လှုပ်ရှားသွားလာတတ်သောသတ္တဝါ​ရှိသမျှ​သည် သင်​တို့​၏​စားစရာ​ဖြစ်​လိမ့်မည်​။ စိမ်းလန်း​သော​အပင်​တို့​ကို သင်​တို့​အား ငါ​ပေး​သကဲ့သို့ ခပ်သိမ်း​သော​အရာ​တို့​ကို သင်​တို့​အား ငါ​ပေး​၏​။

တောရိုင်းတိရစ္ဆာန်​ရှိသမျှ​၊ မိုးကောင်းကင်​ငှက်​ရှိသမျှ​၊ မြေ​ပေါ်မှာ​တွားသွား​သော​သတ္တဝါ​ရှိသမျှ​နှင့် ပင်လယ်​ငါး​ရှိသမျှ​တို့​သည် သင်​တို့​ကို ကြောက်ရွံ့​ထိတ်လန့်​ကြ​လိမ့်မည်​။ ထို​တိရစ္ဆာန်​တို့​ကို သင်​တို့​လက်​သို့ ငါ​အပ်​ပြီ​။

သင်​တို့​သည် များစွာ​မွေးဖွား​၍ တိုးပွား​ကြ​လော့​။ မြေကြီး​ပေါ်မှာ ပြည့်နှက်​ကြ​လော့​။ မြေကြီး​ပေါ်မှာ တိုးပွား​ကြ​လော့​”​ဟု မိန့်​တော်မူ​၏​။