ខគម្ពីរពេញនិយមពី Genesisi 32

ចែក​រំលែក

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Ene a wombile, a txi khene: “Ni leke ni txi tsula, nguko wuronga wu gwimbile.” Aniko Jakobe a mxamute, a txi khene: “Ani kha ni na mbi kuleka ngako u si ni katekisi.”

Se Jakobe a to sala ekha. Ku to humelela m'thu wokari a txi ta lwa nayo, kala kuza ku txi gwimba wuronga.

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Nga ti m'thu wule a nga wona ti to kha mxuli Jakobe ngu kupfinyana nayo, a to mpeka ha digunyunguni ka nyonga, se nyonga ya Jakobe yi to hambaneka mbimo yi a nga txi lwa nayo.

Ene a to mu wotisa, a txi khene: “Ngawe mani ditina dako kani?” Se Jakobe a xamute, a txi khene: “Ngani Jakobe.”

Jakobe a muwotisile, a txi khene: “Na ku kombela ni gele ditina dako.” Aniko ene a to mxamula, a txi khene: “Ngu kutxani u txi ni wotisa ditina dangu kani?” Se a to mkatekisa kona hale.

Ani kha ni nga ni fanelo yo mahelwa wotshe wuxinji, ni wotshe wunene awu u nga va nawo kwangu, ani txithumi txako. Ani ni ti kova ni mtxheketelo dwe, mbimo yi ni nga txhatuka mnambo wuwa wa Jordhani, se konkuwa ni na ni mitxawa yimbidi.

Ngu mhaka yeto, va ka Israyeli kha va dyi msiha wa ha nyongani, wu ku ngu ha ka digunyungu, kala nyamsi, nguko ngu kona ha msihani ka nyonga Txizimu txi nga dayisa Jakobe.

Jakobe a to khene kambe: Txizimu txa tate wangu Abrahamu, Txizimu txa tate wangu Isaake, awe MKOMA, u nga ni gela u txi khawe: “Tshumela u tsula ditikoni kwanu, amu u nga velekelwa kona, ni na kuxayisa ta tinene.”

Na ku kombela, ni lamulele manzani ka mkomwangu Esawu, nguko na m'thava, ati to a nga thuka a txi ta e ta hi daya, ani ni vamame, ni vanana.