ខគម្ពីរពេញនិយមពី Luk 14

ចែក​រំលែក

« Ɓo' nu waaɗ hay nga so ɗah, a joyiɗ to waaɗ waaɗi uup wi a waaɗ baab ɓa na yaay ɓa, ɓitiice, kuɓuuciŋ ɗe, taambɗoh ciŋ ɗe, po haf ce sah, wala a minanɗi nik taalubeeniŋ ngo.

Ɓo' nu degukɗi kurwaani a joy daaƴohu, a ñaakee nga so ɗah, a minɗi nik taalubeeniŋ ngo.

Laam ɓo' nu meeɓ haf ce ɗah, a hey ruhsiɗasse, te ɓo' nu ruhsiɗ haf ce ɗah, a hey meeɓse. »

Yeesu degga nga ne : « Wa mand ɗaa, ali ɓo' minɗi nik taalubeeniŋ ngo nga ɗu, ne a faɗɗi in ci a raak jen ɗah.

Ɓo' nga ɗu waaɗ tufkiɗ taɓah jimimim ɗah, a ɓoofanɗi, a marak, a kind ini a raak, andi wa heya mine reehiɗ e ? A tumɗi ineem, a yipa po ƴut, a minuu wa kurkiɗ ɗah, ɓooɓi na hee wa hote hey ɗe ƴene ; ɓa woyee ne : “ Ƴaari cambiɗ taɓahi waaye a minɗaa reehiɗ ! ”

Waaye fu eɗohee kañam ɗah, ɓeeɗka ñakiɗ ci, na ɓeendkiɗ ci na lafñiɗ ci na fuuliɗ ci. Ɓa minanɗi ɗa wa wirind, a Kooh na hee ɗa wa wirnde ŋ mbeha aa hee hultiɗohe yurhiɗ ci, tahha po fu hey sume. »

Ee, meɗa, wa in baahiɗ, waaye meɗa kaɗ po wa jemisɗi ɗah, wa min jemɗohissu na ye ? Wa raakiɗɗi kehƴi njiriñ te wa minanɗi kotar, wa hee hey mbetse. Ɓo' nu raak nof kerhoha ɗah, a kerhaat. »