ខគម្ពីរពេញនិយមពី SAHRUOTHUNA 1

ចែក​រំលែក

Cakhutaata Khazing ta, “Kiema hmingsuo malie a lu pata cawsaa sa ung siy; iema ca riyliy lie a awpa ngaa, avuo lie a awpa pavaa, ing lie a ziypa sahring, alyi lie a awpa saruopa phangting hne alyi cunglie a valepa saruopa phangting cunglie kha naw ama hnyi aa,” a ta. Caacuonakawta Khazing ta cawsaa kha ama hmingsuo a lu pata a sa yi, Khazing hmingsuo a lu pata a sa yi; capaa hne canung a sa yi.

Khazing ta iema kha thluechiy pi yi te, “Saata a hluvsa sa ung la pungzaa ung la, alyi lie hing bi ung la alyi hing te tie ung; riyliy lie a awpa ngaa, avuo lie a zulepa pavaa alyi lie a awpa a hringpa saruopa phangting cunglie hing naw hnyi tie ung,” a ta yi.

A hruothu lie Khazing ta alyi hne avuo a sa tiy yi ta

alyi ca hmingsuo hnyi vyi, a hrikatlawpa tana a cuo. Riyliy ca zingna ta buvkhung te Khazing Thlaapa ca tiy cunglie ca aa khie.

Cakhutaata Khazing ta, “Khena aw se,” ta te khena a aw.

Khazing ta a tuepa bangkhuo kha mang te a pha hringhruo a ta. Zuoluo kha a khung, mawdiy vya chiy te ning caruvna ta a cuo.

Khazing ta khena ca a pha ta pata a hmung. Cakhutaata khena ca zingna taata a che.

Khazing ta, “Mang tie ung, alyi lie a pupa hmung a hnyipa thingkungruokung bangkhuo hne a thyi chunglie hmung a hnyipa thingkung bangkhuo hing nama ning riypa tana ica pi yi.

Khazing ta khena ca Ningchung ta te, zingna ca Zuo a ta. Zuoluo ca a khung, mawdiy vya chiy te, capa ca ning khana ta a cuo.

Cakhutaata Khazing ta, tiy liekhingkhuo lieta tiy hne tiy pache riypata aa kung pata avuo aw se a ta.

Phyipaliypa ruosaa bangkhuo, avuo lie a zupa pavaa bangkhuo, alyi lie a valepa saruopa bangkhuo, a huv a sungpa a hringpa bangkhuo cuota thinghnaaruohnaa bangkhuo hing ning riypata i pi yi,” a ta. Cakhutaata cahaacata a vya cuo.

Khazing ta, “Chung hne zuo a che riypa hne ning hne kung hne cuo a che riypata aa kungpa avuo lie kha khena aw sala

Cakhutaata Khazing ta, “Alyi lie hing uohnaasiyyhnaa, hmung a hnyipa hne a thyi chunglie a hmung a hnyipa thingkungruokung phangting pu se,” ta te capa haa cata a vya cuo.

Cahaacata Khazing ta aa kung pata avuo pa-aw sa te a rawlie a awpa tiy hne a cunglie a awpa tiy ta pata che te capa haa cata ama aw.

Alyi lie ca uohnaasiyyhnaa, hmung a hnyipa hne a thyi chunglie hmung a hnyipa thingkungruokung phangting ta a pu. Khazing ta capa ca a pha ta pata a hmung.

Khazing ta khena lepa suohning tue te, a le viepa khena ta ningchung kha uv te a caw viepa khena ta zuo kha a uv. Aasiy zaw kha a sa.

Cakhutaata Khazing ta, “Avuo rawlie a awpa tiy ca suv kha ta a hmya se la alyi huvpa a luo se ta te capa haa cata a vya cuo. Khazing ta alyi huvpa ca Alyi ta te, suv kha lie aa hmyapa tiy ca Riyliy a ta. Khazing ta capa ca a pha ta pata a hmung.

Khazing ta iema ca thluechiy pi yi te, “Pungzaa ung la riyliy tiy chunglie hing bi mya ung, pavaa ca alyi lie hing pungzaa mang sue,” a ta.

Cakhutaata Khazing ta, “Alyi lie hing a hringpa saruopa phangting: ing lie a ziypa sahring phangting, ruosaa phangting hne aa valepa saruopa phangting aw se, ta te capa haa cata a vya cuo.

Cakhutaata Khazing ta, “Tiy chunglie a hringpa tiy saruopa phangting aw sala alyi cung luo avuo lie khiy pavaa phangting zaw a zu yi se,” a ta.

Khazing ta alyi lie a awpa ruosaa phangting, ing lie a ziypa sahring phangting, hne alyi lie aa valepa saruopa phangting kha a sa yi. Khazing ta capa ca a pha ta pata a hmung.