ខគម្ពីរពេញនិយមពី Matay 5

ចែក​រំលែក

iniyan za trau nu padepe' za lrawlraw mu mukuwa meretra'a i makalusu kana vitaw, 'azika'azi meretra' i itras kana pulrawlrawan, maruwaya pasenan kana saruma'enan. mararesan, nanmu senan mu pasenanni i ngawayan kana trau, pana'uwan kanazu nanmu paelrangan na 'inava, semenay puitras kananmu Temama i itras.>>

<<maw mu a senan i punapunan. na kazekalran na pinarahan i itras kana zenan 'azi ta pakavulri.

na 'inava za kiniyaanger na trau mu kemuda kana mika'inavayan a; nana'u kana Viruwa i itras nazu!

na mianger miturus pakakawang kanantu nirangeran na Viruwa i itras na trau mu kemuda kana mika'inavayan a; na Viruwa i itras tu i pakumaway nazu!

mawmu marengaya ku kanmu, kalramanu nanmu 'alra, pawnung kiyanuni na pakakuwatreng kanmu na trau.

na pakanumau za kalramalraman i lu'em na trau mu kemuda kana mika'inavayan a; maw a zinekalranan kana kanatal i itras nazu!

na pareka'inavanava kana trau mu kemuda kana mika'inavayan a; ku lralrak kakuwa kanazu na Viruwa i itras!

muramawan kanantu pinamelriyan zi nana i anger na trau mu kemuda kana mika'inavayan a; tu i dele'usaw na Viruwa i itras nazu!

na muramawan pakawang kanantu nirangeran kana Viruwa i itras zi kipakakuwatreng na trau mu kemuda kana mika'inavayan a; maw a zinekalranan kana kanatal i itras nazu!

na mianger melraman temara za trau mu kemuda kana mika'inavayan a; na Viruwa i itras kemazu melraman temara kanazu!

<<nu 'alrana kurelrang mu kaninku zi kisiri mu kana trau, pakakuwatreng kanmu, marengay za marekamelrimelri za ngay kemuwatreng kanmu, i inmu kuwadakuda kana mika'inavayan a. kasemangal, 'alrana kani i itras ulra merevaw a pakasahar za muramawan kanmu zi kazu inepetr; na patralritralri a kinaaziyu ziyan maw mararesan kipakakuwatreng za trau.>>

na kemaira apelr i anger na trau mu kemuda kana mika'inavayan a; kiyatuluz kanantu iyatuvang veray na piyaemanan na Viruwa i itras nazu!

<<maw mu na iyam kana trau i punapunan. na iyam nu iniyan lra tu ka'asilr mu, zi 'azi lra maruwa masalr mareveliyas 'asilr. mutu rimekan lra i intaw, 'inava nu i'atelr, kalrawalrawayay kidupa' za trau.

mutulre'aya mu, kamawan kananmu Temama i itras maw a mutulre'ay.>>

nu venavati mu mu, nu maw mu, maw kema ta, nu amelri mu, amelri kema ta; nu marengay ziya za sazu mu maw mupana kemay kanizu na pimamelri.>>

<<kinger mu lra ulra kemani a turu marengay: <na kiyamatra kiyamatrayay venales, na kiwalri kiwalriyay venales.> mawmu marengaya ku kanmu, ivavales kana temariyaeman kanmu na trau.

nannu matra na tarawalran nu pupamelri kannu mu, kerutru pupana, 'atelran! nu parainiyan ta za saya i iyan i zazek mu para'inava kana mutani peniya ta zazek i zikok. nu papamelri kannu nu lima na tarawalran mu, salretevu putani, 'atelran! nu parainiyan za saya i iyan i zazek mu para'inava kana mutani peniya na zazek i zikok.>>