ខគម្ពីរពេញនិយមពី Matay 7

ចែក​រំលែក

<<nu kiyanun mu, zi kiyaveray mu; nu maaya' mu, zi kaatrevung mu; tremunetrun kana 'alrevan mu, zi truwalranay mu za 'alrevan.

'alrana kiyanun ziya mu, zi kiyaveray; na maaya' mu, kaatrevung; na tremunetrun kana 'alrevan mu, mutruwalr na 'alrevan lra.

<<semeneng, na kinger ziya kananni nanku ngay zi miturus mu, kamawan kana misayhuwan na trau parahan kana ruma' i danapan i itras

<<semeneng, nu maranger mu kemuda kitara za trau mu, kemazuwa mu temara za trau; i ini mu maw tu kuret ni Mosē zi tu panadam na patralritralri na tatena' tu pauwayan.>>

izu na tremepa mukuwa kana uwavaawan na sulray mu kemudakuda kana sa'utr, na dalan mu kemudakuda kana kakuwalengan kemakawang, na atrevung na trau mu kaytayan.>>

<<inmu usavak kemay kana sa'utr na sulray; 'alrana izu na makuwa kana matrepu na sulray mu mawna lawas, na dalan 'inava nu kemakawang ta, na mukuwaani na trau mu kazuwan.

ara kuwatrenga mu, malrazam mu ziya melak kana 'inava na eman veray kananmu lralrak, nanmu Temama i itras kamelriyalra 'azi puwapuwa veray za 'inava na eman kana kiyanun kantaw na trau ziyamaw?

<<iparevativati kemuret za trau, zi 'azi taw mu sayvangi na Viruwa i itras. 'alranu, kemuda mu parevativati kemuret za trau mu, na Viruwa i itras tu kamawanaw sayvang kanmu; mimanay mu za eman vakesiyu venakesiyu mu, na Viruwa i itras kemazu pimanay kana mararesan na vakesiyu venakesiyu veray kanmu.

mawmu, izu na kinger kananni nanku ngay zi 'azi miturus mu, kamawan kana mapungaw na trau parahan za ruma' kana vutrevutrek i itras.

kemuda zi mawmau mena'u u tu rimekan na kawi i matra kanannu wadadiyan, mawmu 'azi milingaw kanannu matra na ma'izang na puwalrepus awa? ulra ma'izang a puwalrepus kanannu matra, kuwadakuda marengay kana wadadiyan <kuwa puelakaw nannu rimekan na kawi i matra> ziyamaw?

<<temaranapawa mu kana mavetra' na patralritralri. zuwa nazu kanmu i ngawayan mu, seme'er ta i panayan mu kamawan za siri, i savakan mu maw na malemu na suwasuwan i alalas. karuwa mu pakumaw mena'u kanazu kemay kanantu paelrangan. na su'asu'ar 'azi karuwa mivuwa' za budo, na sangka 'azi karuwa mivuwa' za tepur.

na 'inava na kawi mivuwa' za 'inava; na kuwatreng na kawi mu mivuwa' za kuwatreng.

na 'inava na kawi 'azi mivavuwa' za kuwatreng; na kuwatreng na kawi 'azi mivavuwa' za 'inava.

'azi mivavuwa' za 'inava za vuwa' na kawi mu aeteken, 'atelranay kana apuy i savakan.