ខគម្ពីរពេញនិយមពី ရှင်လုကာ 6

ចែក​រំលែក

သူများ လိုအပ်ဝိုဇာမှန်သမျှဝို ပေးကမ်းလိုက်ပါ။ အဲမိုမှဘဲ့ နန်းနို့ လိုအပ်ဝိုဇာဝို ရဂေ့လိမယ်။ ဘုရားရှင်ဟ နန်းနို့တွက် ပိုပီးများများဝမ်ဆန့်ဝို့ သိထည့် ဖိထည့် လှုခါထည့်ပီး ဘေးဝိုဂိုမှ ဖိကလဝိုထိ များပြားဝို ပမာဏဝို ပလန်လည်ပေးကမ်းဇာ ခံရလိမယ်။ ပေးကမ်းဝိုခါမှာ နည်းများမဆို ဟဲရာတိုင်းတာဝိုဘဲ့ သုံးသုံး နန်းနို့သုံးရားဝို တိုင်းတာတိုင်း ပလန်ပေးကမ်းဇာခံရလိမယ်။

အဲမိုမျိုးဘဲ့ ကောဝိုလူဟ ကောဝိုဇာဒွေဝိုဘဲ့ တွီးရိဂျော့ သူဟ ကောဝိုဂါးဝိုဘဲ့ ပြောတတ်ရယ်။ ကောဘဲဝိုလူကလလောဝါ သူ့စိထဲမှာ ကောဘဲဝိုဇာဒွေဝိုဘဲ့ တွီးရိဂျော့ ကောဘဲဝိုဇာဝိုဘဲ့ လုပ်တတ်ရယ်။ အဲဂျော့ လူတစ်ယော့ပြောဆိုဝို ဂါးဒွေဟ သူ့နို့ရဲ့စိဝို ဖော်ပြလေ့ရှေ့ရယ်” ဆိုပီး မိတော်မူလေရယ်။

အဲမိုစား ရန်သူဒွေဝို မေတ္တာထားပီး ကောကော ပြုမူဆစ်ဆံဂေ့ပါ။ ဟဲရာဇာဝိုမှ ပလန်လည်ရရှေ့ဝို့ မျှော်လင့်ချင့်ထားဘဲန ချေးငှားဂေ့ပါ။ ဘုရားရှင်ဟ လူဒိုင်းအပြင် ကျေးဇူးသိတတ်ဘဲဝိုလူ၊ ဆိုးယုတ်ဝိုလူဒွေ ပေါ်ဝို မေတ္တာထားရိဂျော့ အဲမျိုးလုပ်မယ်ဆိုဝါ ဆုလာဘ်ဂီးဝို ရဝို့အပြင် နန်းနို့ဟ မြင့်မြတ်ဆုံး ဘုရားရှင်ရဲ့ သားမီးဒွေဖြစ်ကြော သက်သေပြပါလိမယ်။

နန်းနို့ရဲ့ အဖဘုရားရှင်ဟ လူဒိုင်းပေါ်ဝို နားညှာတာဝိုမျိုး ခြားသူဒွေပေါ်မှာလဲ နားညှာတာဂေ့ပါ။

ကိုယ်တော်ယေရှုဟ ဆစ်ပီး မိတော်မူဇာဟ “ခြားသူဒွေဝို စစ်ကြောစီရင်ဝိုဇာဒွေ လုပ်န၊ အဲမျိုးဆိုဝါ ဘုရားရှင်ဟလဲ နန်းနို့ဝို စစ်ကြောစီရင်မှာမုဝ။ သူများဝို ပြစ်ဒဏ်သတ်မှတ်ဇာ လုပ်န၊ ဘုရားရှင်ဟလဲ နန်းနို့ဝို ပြစ်ဒဏ်သတ်မှတ်ဇာ လုပ်မှာမုဝ။ ခြားသူဒွေဝို ခွမ့်လွှတ်ပေးရယ်ဆိုဝါ ဘုရားရှင်ဟလဲ နန်းနို့ဝို ခွမ့်လွှတ်ပေးပါလိမယ်။”

ကိုယ်တော်ယေရှုဟ ဆစ်ပီး သွန်သန်ပီး “ငါဟောကြားတော်မူဇာဝို နားထော်နေဝို နန်းနို့ဝို ငါပြောမယ်၊ နန်းနို့ရဲ့ရန်သူဒွေပေါ်ဝို မေတ္တာထားဂေ့ပါ။ နန်းနို့ဝို မူးနေဝိုသူဒွေပေါ်ဝို ကောကျိုးဝို ပြုပေးဂေ့ပါ။” နန်းနို့ဝို ကလီဆဲသူဒွေဝိုလဲ ဘုရားရှင်ဟ ကောဝိုဇာဒွေ ပေးသနားဝို့ ဆုတောပေးဂေ့ပါ။ နန်းနို့ဝို ညှဉ်းပန်းနှိစစ်သူဒွေတွက်လဲ ဆုတောပေးပါ။

ကိုယ့်ဝို ပြုမူဆစ်ဆံဇေရှင်ဝိုတိုင်း သူများပေါ်ဝို ပြုမူဆစ်ဆံပေးပါ။

ဇုံတယော့ဟ နန့်ပါးတစ်ဖက်ဝို ရိုက်ရယ်ဆိုဝါ သူ့ဝို နော့ပါးတစ်ဖက်ဝိုပါ ရိုက်ခိုင်းလိုက်ပါ။ ဇုံတယော့ဟ နန့်ရဲ့ပေါ်အမ်းဂီဝို တောရယ်ဆိုဝါ သူ့ဝို နန့်တွမ်းခံအမ်းဂီဝိုပါ ပေးလိုက်ပါ။ နန့်ဆီဟ ခုခု တောခံလာသူဒွေဝို ပေးကမ်းလိုက်ပါ။ နန့်နဆိုင်ဇာခုခုဝို ယော့ယော့ဟ ယူဝါးရယ်ဆိုဝါ သူ့ဆီဟနေ ပလန်ပီး တောပါန။

“သစ်ပမ်ကောဟ ကောဘဲဝို သီးဝိုသီးနိုင်ရ။ အဲမိုမျိုးဘဲ့ ကောဘဲဝို သစ်ပမ်ဟလဲ သီးကောဝို သီးနိုင်ရ။

လူဒွေဟ သီးဝိုကေ့ပီး ဟဲမျိုးပမ်ဖြစ်ရယ် ဆိုဇာဝို သိဂေ့ရယ်။ ဥပမာနေန ပြောရမယ်ဆိုဝါ နန်းနို့ဟ ဆူးပမ်ဟနေ သဖန်းသီးဝို ခူးနိုင်ဘဲဝိုမျိုး ချုံပုတ်ဟနေလဲ ဗျစ်သီးဝို ခူးရိရမှာမုဝ။