ខគម្ពីរពេញនិយមពី ရှင်လုကာ 1

ចែក​រំលែក

အဇာဖြိုက်လို့ဆိုကေ ဘုရားရှင်အတွက် မဖြိုက်နိုင်ဆိုဟာ တစ်ခုတောင်မဟိ” လို့ပြောခ‌ရေ။

ယေခါ မာရိက “အကျွန်ဟာ ဘုရားရှင်ရဲ့ အစီခံတစ်ယောက်ဖြိုက်ပါရေ။ အသင်ပြောရေစကားအတိုင်း အကျွန့်ကို ဘုရားရှင် အလိုတော်ဟိရေအတိုင်း ဖြိုက်ပါစီ” လို့ပြောခရေ။ ယေပြီးဟာနဲ့ ယင်းနတ်ဒေဝါဟာ မာရိနားက ထွက်လားခရေ။

နတ်ဒေဝါကလည်း “ဉာဏ်အလင်းတော်ဟာ အသင့်ပါးကို သက်ရောက်ပြီးကေ အမြင့်မြတ်ဆုံးဘုရားရှင်ရဲ့ တန်ခိုးတော်ဟာလည်း အသင့်ကို လွှမ်းမိုးလားလိမ့်မယ်။ ယင်းကြောင့် အသင်မွီးလာဖို့သားဟာလည်း ဘုရားရှင်ရဲ့သားတော်လို့ အခေါ်ခံရလိမ့်မယ်။

ဘုရားရှင်ရဲ့သတင်းစကားဟာ အမှန်ဖြိုက်လာဖို့လို့ အသင်ကယုံကြည်ဟာကြောင့် အသင်ဟာ အမှန်ကို မင်္ဂလာဟိရေ” လို့အကျယ်ကြီး အော်ပြောလိုက်တေ။

အသင်ဟာ ကိုယ်ဝန်ရလာပနာ သားတော်တစ်ပါးဖွားမြင်လိမ့်မယ်။ သူ့နာမေကို ယေရှုလို့ ခေါ်ရဖို့။ သူဟာ မြင့်မြတ်တဲ့လူတစ်ယောက် ဖြိုက်လာပနာ အမြင့်မြတ်ဆုံး ဘုရားရှင်ရဲ့သားတော်လို့ အခေါ်ခံရလိမ့်မယ်။ သူ့ရဲ့အဖိုးအဖီးဖြိုက်တေ ဒါဝိဒ်ဘုရင်ပိုင်မျိုး သူ့လူမျိုးတိကို အုပ်စိုးနိုင်တဲ့အခွင့်အာဏာကို ဘုရားရှင်က သူ့ကို ပီးအပ်တော်မူလိမ့်မယ်။ သူဟာ ယာကုပ်ရဲ့အမျိုးအနွယ်တိဖြိုက်တဲ့ အစ္စရေးလူမျိုးအပေါင်းရို့ကို ဘုရင်အဖြိုက် အမြဲတမ်း အုပ်စိုးတော်မူပနာ သူ့ရဲ့ နန်းဆက်ဟာလည်း တစ်ခါလည်းသို့ ပျက်လားဖို့မဟုတ်” လို့ပြောခရေ။

ယပြီးကေ နတ်ဒေဝါက သူမကို “မကြောက်ပါကေ့၊ မာရိ။ ဘုရားရှင်က အသင့်ကို မျက်နှာသာပီးတော်မူရာ။