ខគម្ពីរពេញនិយមពី Ageun 24

ចែក​រំលែក

Kotema atiar, “Wu EJAKAIT, Edeke loka ejakaitika Aburaam, kenainair, koinakinai arereŋ lolo, kitodik ejakaitika Aburaam asianut.

Aso kojau kwana, apese naatemari eoŋ ebe, ‘Kooku amotikon, kenainait kamat’; kosodi ŋesi da ebe, ‘Komat, eruanakini da ikonikaalai’; koraun nin naiseikinit ekonibulesit Isaak; nen do ajenunia ebe itodik ekajakait asianut.”

Kitoloma Isaak Rebeka owema loka Sara totoke, koyana ŋes, korau akeberu; komina ŋes; kitalakarite Isaak nakedaunia totoke atwanare.

Kilipakis Rebeka arereŋ, kotemasi atiar, “Inacikosi, korau ijo toto naka ilukumin luka ilukumin itomon, akoniwur da kirumia erute loka ŋul kaluelaete kes.”

Eoŋ da kesiyapoikini jo kama ejai EJAKAIT, Edeke loka akuj ido Edeke loka akwapisinei, ebe mam imanyakini ikakoku aberu naelomuni kotoma apesur nuko Kanaan, nukaneeboio eoŋ. Konye ilosi akwapuka, neejaas iinacanaka, komanyak okokuka Isaak aberu kaŋina.”