ខគម្ពីរពេញនិយមពី Zuwã 14

ចែក​រំលែក

— Rowẽ hã wa ĩsisa'u aima rẽme za'ra wa'wa. Ĩte rowẽ hã, wa aima sõmri za'ra wa'wa. Rowẽ ti'ai ãma 're idahâimana za'ra mono te te aima 're isõmri za'ra wa'aba mono nei õ di. Aiwi robzei'õ za'ra wa'aba tõ aipẽ'ẽ 'remhã. Duré aipahi za'ra wa'aba tõ.

Tawamhã Zezusi hã te tãma siwasu'u, ãne: — Wa hã bâdâdi uptabi duré tô sena 'Re ihâimana u'âsi mono nhimiroti duré dahâimanazém nhomri'wa. Ni'wa hã ĩ'ãma 're morĩ õ nherẽ, Ĩmama u hã wisi waihu'u õ di za.

Tawamhã Zezusi hã te duré tãma nharĩ za'ra, ãne: — Aiwi robzei'õ za'ra wa'aba tõ, aipẽ'ẽ 'remhã. 'Re ihâimana u'âsi mono si saze za'ra wa'aba. Duré ĩzaze za'ra wa'aba.

Tazahã, Dapawapto'wa hã Ĩmama Tipẽ'ẽzani hã, ĩnhisi na za te te we isatõrĩ hã, te za uburé pese marĩ hã te te aima 're waihu'u za'ra wa'wa. Uburé ĩnhimiroti na te za duré te te 're aipo're pu'u za'ra wa'wa.

— Ni'wai ma ĩnhimiroti hã waihu'u pese wamhã, duré te te 're a'madâ'â pese mono wamhã, ta hã ĩzawi pese 'wa. Te te 're ĩzawi pese mono wa, te za Ĩmama hã te te 're sawi pese. Ĩzama wa za duré te 're sawi pese. Tawamhã wa za tãma hâi'ré, 're ĩhâimana mono zé hã.

Ĩmama wi, wa za waptẽ. Tawamhã ta hã te za we satõ Dapawapto'wa ihâiba amo hã, asiré 're hâimana u'âsi za'ra wa'aba mono da. Ĩzazei'õ'wa ti'ai ãma 're idahâimana za'ra mono hã, 'Re ihâimana u'âsi mono Pẽ'ẽzani hã da te waibui waihu'u õ di, da te 'madâ'â waihu'u za'ra õ wa, duré da te iwaihu'u za'ra da hã, dama waihu'u õ wa. Tanei õ di, a norĩ wa'wa hã. Aima waihu'u pese za'ra wa'aba di, asiré 're hâimana za'ra wa'aba mono wa, duré aipẽ'ẽ 're, za 're hâimana u'âsi za'ra wa'aba mono wa.

Duré uburé marĩ hã ĩnhisi na 're iwaptẽrẽ za'ra wa'aba mono hã, wa za te aima 're a'manharĩ 'wa. Ĩmama ãma 're aiwata za'ra wa'aba mono da, te ãma aima 're a'uwaimrami aba mono wa. Uburé siwa'ru marĩ hã, ĩnhisi na ĩwi 're waptẽrẽ za'ra wa'aba mono wamhã, wa za te ãma aima 're a'uwaimrami 'wa.

Tawamhã Zezusi hã te duré tãma nharĩ za'ra, ãne: — Aima ĩzawi pese za'ra wa'aba wamhã, ĩnhimiroti te za 're i'madâ'â pese za'ra wa'aba mo.

Ĩmama nhorõwa ãma hã rob're za'ẽtẽ di, 're idasi'ubumroi mono zéb da hã. Tamemhã wa za asô robza'ra pese za'ra wa'wa. Ãnei õ 'wa'âhã, te aré aima rowasu'u za'ra wa'aba õ di.

Ĩmorĩ wamhã, duré te asô robza'ra pese za'ra wa'aba parimhã, apâ wa za wei mo, ĩsiré te ãma asimroi wa'aba mono da, 're ĩnhamra mono zéb ãma, 're ai'ubumroi wa'aba mono da.

Tawamhã Tome hã ma tô sadanha, ãne: — Wanhib'apito, nimomo i'aimorĩzé hã wa te waihu'u za'ra õ di. E niha wa za waihu'u za'ra ni, bâdâdi hã.