ខគម្ពីរពេញនិយមពី Zuwã 13

ចែក​រំលែក

Ĩnhimiroti itém na, wa za oto aima roti za'ra wa'wa, ãne: 'Re asisawi pese za'ra wa'aba mono. Te 're i'asawi pese za'ra wa'aba mono ne, aihâiba mono bâ te za 're asisawi pese za'ra wa'aba mo. Ãne hã 're asisawi pese za'ra wa'aba mono wamhã, te za da te 're aiwaihu'u za'ra wa'wa, ĩsiré 're i'anomro aba mono na hã.

Wa hã Asib'apito wa'aba nherẽ, duré ate za'ra wa'wa Rowahutu'wa nherẽ, te aipara upsõ za'ra wa'aba wamhã, tane te za duré 're asipara upsõ za'ra wa'aba mo. Wa ãma aima asanho za'ra wa'wa, ĩsine 're 'manharĩ za'ra wa'aba mono da.

Tahawa Zezusi hã ma sada'â, ãne: — Ãhã na hã sadaihu'u õ di aima hã, te i'manharĩzé hã. Zahadu wap si te za iwaihu.

Tô sena wa za aima waihu'u za'ra wa'wa, ãne: Wada'uri zarina titede'wai ma romhuri'wa hã pire na hâimana waihu'u õ di, tinhib'ihâ'a nhipai u hã. Tane duré romreme 'wapéi'wa hã pire na hâimana waihu'u õ di, tizatõrĩ'wa nhipai u hã.

à hã ĩnhimiroti hã oto aima waihu'u pese za'ra wa'aba wa, aima 're rowẽ uptabi za'ra wa'aba mono di za, ãma 're aihâimana za'ra wa'aba mono wa, 're 'manharĩ za'ra wa'aba mono wamhã.

Tawamhã saihuri ré, ma tô wahudu, Zezusi hã. Ti'uza ihâpa hã ma tô waze. Dasi'u'õzé hã ma tô duré 'mai'â. Taha na ma tô si'awasisi. Taha parimhã, â ma tô aza'wa, piza'a 're nho'a wa. Tawamhã isiré 're inomro mono norĩ te te oto i'apara upsõ na ma tô sãna'rata. Taha pari dasi'u'õzém na ma tô nasi apara u'õ.