ខព្រះគម្ពីរពេញនិយមពី អេសាយ 42 | ខព្រះគម្ពីរ

1

អេសាយ 42:6-7

ព្រះគម្ពីរភាសាខ្មែរបច្ចុប្បន្ន ២០០៥

យើងនេះហើយជាព្រះ‌អម្ចាស់! យើងបានហៅអ្នកមក ស្របតាមសេចក្ដីសុចរិតរបស់យើង។ យើងកាន់ដៃអ្នក យើងទុកអ្នកដោយឡែក ហើយតែង‌តាំងអ្នកជាសម្ពន្ធ‌មេត្រី សម្រាប់ប្រជា‌ជន ឲ្យអ្នកធ្វើជាពន្លឺដល់ប្រជា‌ជាតិនានា ប្រោសមនុស្សខ្វាក់ឲ្យភ្លឺ នាំជនជាប់ជាឈ្លើយសឹកចេញពីទីឃុំ‌ឃាំង ព្រមទាំងរំដោះប្រជា‌ជនដែលរស់នៅក្នុង ភាពងងឹត ឲ្យបានចេញរួចផង។

ប្រៀបធៀប

រុករក អេសាយ 42:6-7

2

អេសាយ 42:8

ព្រះគម្ពីរភាសាខ្មែរបច្ចុប្បន្ន ២០០៥

យើងមាននាមថា ព្រះ‌អម្ចាស់ យើងមិនប្រគល់សិរី‌រុងរឿងរបស់យើង ទៅឲ្យព្រះណាផ្សេងទៀតឡើយ! យើងក៏មិនឲ្យព្រះក្លែង‌ក្លាយណា ទទួលការសរសើរតម្កើងជំនួសយើងដែរ!

ប្រៀបធៀប

រុករក អេសាយ 42:8

3

អេសាយ 42:1

ព្រះគម្ពីរភាសាខ្មែរបច្ចុប្បន្ន ២០០៥

ព្រះ‌អម្ចាស់មានព្រះ‌បន្ទូលថា: លោកនេះហើយជាអ្នកបម្រើ ដែលយើងគាំទ្រ ជាអ្នកដែលយើងបានជ្រើសរើស និងជាទីគាប់ចិត្តរបស់យើង។ យើងដាក់វិញ្ញាណរបស់យើងលើលោក។ លោកនឹងបង្ហាញឲ្យប្រជា‌ជាតិទាំង‌ឡាយ ស្គាល់ការវិនិច្ឆ័យ។

ប្រៀបធៀប

រុករក អេសាយ 42:1

4

អេសាយ 42:3-4

ព្រះគម្ពីរភាសាខ្មែរបច្ចុប្បន្ន ២០០៥

លោកនឹងមិនកាច់ផ្ដាច់ដើមត្រែងណា ដែលទក់ហើយនោះទេ ហើយលោកក៏មិនផ្លុំពន្លត់ភ្លើង ដែលហៀបនឹងរលត់នោះដែរ លោកនឹងនាំមកនូវការវិនិច្ឆ័យពិតមែន! លោកនឹងមិនទន់ខ្សោយឡើយ លោកអង់‌អាចជានិច្ច រហូតទាល់តែធ្វើឲ្យមានការវិនិច្ឆ័យ នៅលើផែនដី ហើយមនុស្សនៅតាមកោះនានានាំគ្នា រង់‌ចាំទទួលវិន័យពីលោក។

ប្រៀបធៀប

រុករក អេសាយ 42:3-4

5

អេសាយ 42:16

ព្រះគម្ពីរភាសាខ្មែរបច្ចុប្បន្ន ២០០៥

យើងនឹងធ្វើឲ្យមនុស្សខ្វាក់ដើរនៅតាមផ្លូវ ដែលគេពុំស្គាល់ យើងនឹងដឹកដៃគេដើរតាមផ្លូវ ដែលគេពុំធ្លាប់ដើរ យើងនឹងប្ដូរភាពងងឹត ឲ្យទៅជាពន្លឺនៅមុខពួកគេ ហើយធ្វើឲ្យផ្លូវរដិប‌រដុប ប្រែទៅជាផ្លូវរាបស្មើ។ យើងពិតជាធ្វើដូច្នោះមែន គឺយើងនឹងសម្រេចការទាំងនោះពុំ‌ខាន។

ប្រៀបធៀប

រុករក អេសាយ 42:16

6

អេសាយ 42:9

ព្រះគម្ពីរភាសាខ្មែរបច្ចុប្បន្ន ២០០៥

មើលចុះ! ហេតុ‌ការណ៍ផ្សេងៗដែលកើតមាន នៅគ្រាដំបូង បានសម្រេចជារូបរាងអស់ហើយ យើងក៏ប្រាប់ឲ្យអ្នករាល់គ្នាដឹង នូវហេតុ‌ការណ៍ឯទៀតៗដែលនឹងកើតមាន គឺយើងប្រាប់ឲ្យអ្នករាល់គ្នាដឹងមុន ហេតុ‌ការណ៍ទាំងនោះកកើតជារូបរាង។

ប្រៀបធៀប

រុករក អេសាយ 42:9

ខគម្ពីរពេញនិយមពី អេសាយ 42ចែក​រំលែក

ខគម្ពីរពេញនិយមពី អេសាយ 42