Matthew 1
1
Jisu Khrista ne potsaneko
1Abraham nu David, David nuo Jisu Khrista shühye lüsida; 2Abraham yo Isaac pari, Isaac yo James pari; James yo Judas mo pü sazühzürako pariyi. 3Süze Juda-e Tamarpü yono Perez mo Zora unyi münuyi; Perez yo Hezron pari mo Hezron yo Aram pariyi; 4Aram yo Aminadab mo Aminadab yo Nasahon mo Nashon yo Salmon pariyi; 5Salmon-e Rakhab pü yono Boaz ngoyi, mo Boaz-e Ruth yono Obed münuyi, mo Obed yo Jese pariyi; 6Mo Jesse yo David Küdeo pariyi, David-e thazü Uria cemipü yono Solomon münuyi. 7Mo Solomon yo Rehoboam pari; Rehoboam yo Abijah mo Abijah yo Asa; 8Mo Asa yo Jehosafat; mo Jehosafat nu Joram, mo Joram, mo Joram nu Uzia. 9Süsari Uzia yo Jothan pari, Jothan yo Ahaz, mo Ahaz yo Hezekia; 10Mo Hezekia yo Manasseh mo Manesseh nu Amon, süsa Amon nu Josia. 11Süsa puko tüzüh die Babylon lü vota küto müsühce Josia nu Jekhonia mo sazüdzürako münuyi. 12Mo puko tüzüh Babilon lü kütasa Jekhonia Salethel münuyi; mo Salethel yo Zerubabel pariyi. 13Mo Zerubabel yo Abiud pari; mo Abiud yo Eliakim pariyi; mo Eliakim yo Azor pariyi. 14Süze Azor yo Zadok yo Akhim mo Akhim yo Eliud pariyi; 15Mo Eliud yo Eliazar mo Eliazar yo Mathan mo Matthan yo James; 16Mo James nu Joseph, Mary nopu, süpü yono Jisu Khrista li küti-o münuyi. 17Hihibi die Abraham yono vo David kütso nuye kürida; mo David yono votüzüh Babilon lü küvo kütso nuye kürida; süze puko tüzüh Babilon lü küvo lüno vori Khrista kütso ri nuye kürida.
Jisu kümünu dzüh
18Süze, Jisu Khrista kümünu hibi; Pu zu Mary po Joseph unyi küri küto küpo püh ma kütace; unyi küzüh lhü küta mhuzü Mary Kümüsa Rüpü lüno nulhüpü ba küta seyita. 19Süsa pu nupu Joseph kümathomi püh zo tina, pu püh müthi mhüzü thüce thinyi mo die mükhrüh pu kha küva lübata. 20Eli, pu zü süko müdo kübace, yhie, Nyep-o shoyimi püh pu mholü puce vori die pu yisü, Yhie, No David nu Joseph, no Mary yi püh n cemi thi müprüh tahite. Kükrenamori, pu nu lhüpü kübao sü Kümüsa Rüpü lüno zo kütina. 21Pu thüpunumi püh münu süto, mo no Pu za thopüh Jisu zi die cito. Kükrenamori, Pupu thümako küphoma lüno puko küla sü kütona. 22Mha hiko thi küta, kükrenamori, Nyepoo sadzühkesemi talü podie; 23Yhie Rülimi phosühpü püh nulhü pü yito, sidie thüpunumi püh münu yito, mo puko Pu za thopüh Immanuel thito, mo Immanuel co Jihova uzüh bate; zi püh kümütao tsühyi kütona. 24Süsa Joseph pu küzüh lüno co süri die Nyiepoo shoyimi puce po küsü bi die pu cemi zühyita. 25Eli, süpü pu nu nura süo münuyi kümothe pupu cemi süpu züh thünothüpu thimo. Süsano nu süo za thopüh Jisu ciyi.
ទើបបានជ្រើសរើសហើយ៖
Matthew 1: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.