LUUTI MAGONA YƐPƐI
MAGONA YƐPƐI
Ndiilɛli yɛpɛ wove kɔlooni Luuti ma, i yɛ kpundɛ watiisia hu lɔ Kitileweblɛisia ti Ngɔlɛi hu. Luuti, Moabaitimɔi nyahei, i yɛlɔ hinijɔɔyahu a Isleɛlaitimɔ. Ji i haani, Luuti koya waa veilɔ ngi Isleɛlaiti yemɔi wɛ kɛ livalama waa Isleɛl Yewɔi wɛ. Kɛlɛmei, i hinii nina majɔilɔ ngi hinii mbondɛisia lia, tawao hinijɔi ji hu mia i woteni a Devidi ngi mamahumami, Isleɛl maha wai.
Kitileweblɛisia ti yɛpɛ wove i kpundɛ hinda hu gɛlɔ na wani ji Ngewɔ nungeisia ti woveni ngi ma. Luuti lubei na gɛlɔ na wani kɛnyɛmɔi na gama i woteni Isleɛl Yewɔi gama, tawao famia i woteni a lanayableisia ye ngila.
Njɛpɛwoi nasia ti Kɔlɛi ji hu
Naomi yamanga Bɛtilɛmi taa Luuti 1:1-22
Luuti i Boasi malenga 2:1—3:18
Boasi i Luuti wumbunga nyahajɔya hu 4:1-22
ទើបបានជ្រើសរើសហើយ៖
LUUTI MAGONA YƐPƐI: RMB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mende Bible Portions © Bible Society in Sierra Leone and Lutheran Bible Translators, 2020.