Matiw 28
28
Jesu yakhal kih peemuutt
(Mar 16:1-8; Luk 24:1-12; Yoh 20:1-10)
1Bwoon Puus Nookdyi, tarrbyitt p'ar Puus Wu'shee mhi shaptarr, bhi Maryamu Magdalin kihh naa'shumm rah Maryamu wu'zeh mwopp dum p'ee naah kihshirr ni.
2Bhi m'ee tabhal'yill w'u bhall-bhall yakhal, p'ee m'ee gu'lop khi Naan tong sam kih dhengNaan, sam byit elleng w'u mwopp oghod phi kihshirr ni dyishig, tong dyikihh. 3Gu'lop nyi bhangg mellep sakk-sakk kaa naan'tihngg se, yakhal looh'lop khinyi pyaah pengg kaa snow se. 4Bhaann chaat bwut mhitapp kihshirr ni mwopp fokk, harr mwopp chaat yill kaa kumm gurum se.
5Gu'lop ni sat shwarab ni mwopp le, “Tapp kihkhirmuut y'aa wunn mou, p'ee ih man ih le wunn phi lyap a Jesu w'u deh mwopp pwas seh. 6Baah nyi se dyi mou; baa yakhal kihh seen, kaa deh satt wunn seh. Taah wu naah pee w'u deh kihh dhen diy. 7Bwoonrooh wu naah, bhi wu dum laah-laah wu satt zheppkamm khinyi mwopp wu le, ‘Baa yakhal kih peemuutt, nyi p'ee dum Galili ky'een wunn. Wunn p'ee kad naah nyi nhighin. T'o, wu naah, baa ih satt wunn.’ ”
8A nyi seh bhi shwarab ni mwopp reen laah-laah phi kihshirr ni sh'i kihkhirmuut w'u roob kihh rettyit weett. Mwopp chaat shu'shu p'ee dum yakshiiy bii mihhseh zheppkamm khi Jesu ni mwopp. 9N'ook wu'khimhi bhi Jesu kang kihh mwopp, bhi tog kihh mwopp le, “Ih kihh tog kihh wunn e'h!” Shwarab ni mwopp taah mwarrap-lang sh'i kwag nyi, mwopp soyill nyi. 10Bhi Jesu satt mwopp le, “Tapp kihkhirmuut yak wunn mou. Dum wu satt em'naa mwopp wu le nw'aa dum Galili bhi nw;aa wopp p'ee kad naah a'n nhighin.”
Mhitapp kihshirr mwopp yakshiiy ya'khal khi Jesus
11Kaarooh shwarab ni mwopp arr mwaan, bhi pakk mhitapp kihshirr ni mwopp dhel dhighin khishikhitt Urshalima, bhi mwopp yakshiiy kapp bii w'u yakhal seh prist wu'nan ni mwopp. 12Kaarooh prist wu'nan ni mwopp sh'in k'ang kihh mwoohnan mwopp, bhi mwopp bheett bii w'u p'ee sh'in; mwopp pihh gag shaghal mhi'lek ni mwopp. 13Mwopp satt mwopp le, “Wu kihh satt gurum mwopp wu le, kaarooh wunn wak dheeh s'aam khipar, bhi zheppkamm khi'gwar nw'aa teer ji m'ang kumm gw'ar watt. 14Mihh pwoo mhize ni dhel kom govno, bhi munn p'ee dwakk nyi tapp sh'in mee'bii wunn mou.” 15Bhi mhi'lek ni mwopp lapp shaghal ni, mwopp sh'in bii w'u mwopp dyangg runn seh. Harr shi-shinn kihhshe se bhi pwoo mihhse ni kihh dum naar Zhepp Yahuda mwopp.
Dhakk wu'yon w'u Jesu yet dheeh Ekklesiya
(Mar 16:14-18; Luk 24:36-49; Yoh 20:19-23; DKZ 1:6-8)
16Bhi zheppkamm w'u kaghapaad baa'kihmeh ni mwopp dum Galili. Mwopp dum kih bwumm w'u deh Jesu khi t'en satt mwopp le nw'aa dum nhighin seh. 17Kaarooh mwopp naah nyi nhighin, bhi mwopp soyill nyi; dhangg pakk mwopp pihhzeenn mou. 18Bhi Jesu shang taah kihpee mwopp diy, bhi satt mwopp le, “Naan pihh pee a'n kaah koohmeeh dhighin dhengNaan kihh dhighin yill ni zag. 19Pee'mhinyi, bhi wu dum wu l'e tihh Seghen'gurum w'u yill ni weett mwopp dheeh mhi-dumdang na diy. Wu kihh sh'in baptisma mwopp dhighin Shumm mhi Puup, kihh mhi L'aa, kihh mhi Riin Wu'bhangg, 20yakhal w'u kihh sh'in kamm mwopp tihh mwopp kyeer kapp bii w'u ih kamm wunn seh. Wu naah, a'n kihshag kihh wunn twass harr kyess khi gangg w'u mwasseh.”
ទើបបានជ្រើសរើសហើយ៖
Matiw 28: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Matiw 28
28
Jesu yakhal kih peemuutt
(Mar 16:1-8; Luk 24:1-12; Yoh 20:1-10)
1Bwoon Puus Nookdyi, tarrbyitt p'ar Puus Wu'shee mhi shaptarr, bhi Maryamu Magdalin kihh naa'shumm rah Maryamu wu'zeh mwopp dum p'ee naah kihshirr ni.
2Bhi m'ee tabhal'yill w'u bhall-bhall yakhal, p'ee m'ee gu'lop khi Naan tong sam kih dhengNaan, sam byit elleng w'u mwopp oghod phi kihshirr ni dyishig, tong dyikihh. 3Gu'lop nyi bhangg mellep sakk-sakk kaa naan'tihngg se, yakhal looh'lop khinyi pyaah pengg kaa snow se. 4Bhaann chaat bwut mhitapp kihshirr ni mwopp fokk, harr mwopp chaat yill kaa kumm gurum se.
5Gu'lop ni sat shwarab ni mwopp le, “Tapp kihkhirmuut y'aa wunn mou, p'ee ih man ih le wunn phi lyap a Jesu w'u deh mwopp pwas seh. 6Baah nyi se dyi mou; baa yakhal kihh seen, kaa deh satt wunn seh. Taah wu naah pee w'u deh kihh dhen diy. 7Bwoonrooh wu naah, bhi wu dum laah-laah wu satt zheppkamm khinyi mwopp wu le, ‘Baa yakhal kih peemuutt, nyi p'ee dum Galili ky'een wunn. Wunn p'ee kad naah nyi nhighin. T'o, wu naah, baa ih satt wunn.’ ”
8A nyi seh bhi shwarab ni mwopp reen laah-laah phi kihshirr ni sh'i kihkhirmuut w'u roob kihh rettyit weett. Mwopp chaat shu'shu p'ee dum yakshiiy bii mihhseh zheppkamm khi Jesu ni mwopp. 9N'ook wu'khimhi bhi Jesu kang kihh mwopp, bhi tog kihh mwopp le, “Ih kihh tog kihh wunn e'h!” Shwarab ni mwopp taah mwarrap-lang sh'i kwag nyi, mwopp soyill nyi. 10Bhi Jesu satt mwopp le, “Tapp kihkhirmuut yak wunn mou. Dum wu satt em'naa mwopp wu le nw'aa dum Galili bhi nw;aa wopp p'ee kad naah a'n nhighin.”
Mhitapp kihshirr mwopp yakshiiy ya'khal khi Jesus
11Kaarooh shwarab ni mwopp arr mwaan, bhi pakk mhitapp kihshirr ni mwopp dhel dhighin khishikhitt Urshalima, bhi mwopp yakshiiy kapp bii w'u yakhal seh prist wu'nan ni mwopp. 12Kaarooh prist wu'nan ni mwopp sh'in k'ang kihh mwoohnan mwopp, bhi mwopp bheett bii w'u p'ee sh'in; mwopp pihh gag shaghal mhi'lek ni mwopp. 13Mwopp satt mwopp le, “Wu kihh satt gurum mwopp wu le, kaarooh wunn wak dheeh s'aam khipar, bhi zheppkamm khi'gwar nw'aa teer ji m'ang kumm gw'ar watt. 14Mihh pwoo mhize ni dhel kom govno, bhi munn p'ee dwakk nyi tapp sh'in mee'bii wunn mou.” 15Bhi mhi'lek ni mwopp lapp shaghal ni, mwopp sh'in bii w'u mwopp dyangg runn seh. Harr shi-shinn kihhshe se bhi pwoo mihhse ni kihh dum naar Zhepp Yahuda mwopp.
Dhakk wu'yon w'u Jesu yet dheeh Ekklesiya
(Mar 16:14-18; Luk 24:36-49; Yoh 20:19-23; DKZ 1:6-8)
16Bhi zheppkamm w'u kaghapaad baa'kihmeh ni mwopp dum Galili. Mwopp dum kih bwumm w'u deh Jesu khi t'en satt mwopp le nw'aa dum nhighin seh. 17Kaarooh mwopp naah nyi nhighin, bhi mwopp soyill nyi; dhangg pakk mwopp pihhzeenn mou. 18Bhi Jesu shang taah kihpee mwopp diy, bhi satt mwopp le, “Naan pihh pee a'n kaah koohmeeh dhighin dhengNaan kihh dhighin yill ni zag. 19Pee'mhinyi, bhi wu dum wu l'e tihh Seghen'gurum w'u yill ni weett mwopp dheeh mhi-dumdang na diy. Wu kihh sh'in baptisma mwopp dhighin Shumm mhi Puup, kihh mhi L'aa, kihh mhi Riin Wu'bhangg, 20yakhal w'u kihh sh'in kamm mwopp tihh mwopp kyeer kapp bii w'u ih kamm wunn seh. Wu naah, a'n kihshag kihh wunn twass harr kyess khi gangg w'u mwasseh.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation