Markus Yakshiiy
Yakshiiy
Pwoo'wurett sarr Markus shee sh'i satt le, “Mihhse a pwoo'wurett kaah Jesus Kristi, L'aa khi Naan.” R'an ni kihh kamm le Jesu a gwooh kihh sh'in bii, yakhal nyi kihh maa'pee kaah bii weett. Mwopp kihh mak naah maa'pee khinyi dhighin kamm khinyi, kihh bhall w'u nyi kihh nyi kaah mumullung mwopp, kihh rooh kihh fwa shigbis khi gurum mwopp. Jesu kihh satt pwoo kaah shin le a riy a L'aa khi Gurum w'u riy ji p'ee shwat gurum mwopp pwoo shigbis.
Markus ran pwoo kaah Jesu fyaad bhall-bhall, kihh satt a bii w'u Jesu sh'in mett pwoo w'u kihh satt kooh kamm w'u kihh sh'in. Kaarooh shee klap'ran ni kihh pwoo kaah Yohanna Gu-Baptisma, kihh pwoo kaah baptisma w'u Yohanna sh'in Jesu kihh zhwaan'pee w'u Shetan sh'in nyi, bhi gu ran Markus ni y'aa ran pwoo kaa dhakk bar gurum kihh kamm khi Jesu. Kaarooh byitt kihh m'ang, puus kihh r'u, bhi mhi-dumdang Jesu ni mwopp sihkhitt man nyi rihh-rett, dhangg mhi'tonn Jesu ni mwopp kihh sihkhitt mang'yit nyi. Wangg w'u dum sihkhitt klap'ran Markus ni sh'in pwoo kaah shaptarr mhi kyess khi t'ong khi Jesus dhighin yill ni, w'u a pwoo kaah rooh mwopp pwas nyi kihh sheepmuutt, kihh ya'khal kih peemuutt khinyi.
Pwoo'wurett sarr Markus kihh pee w'u mwopp ran kyess khinyi diy vel. Mhi'man mwopp kihh satt le a m'ee gurum w'u dyikk ran wu'zeh mhi kyess khi Pwoo'wurett sarr Markus ni; wato Markus 16:9-19. Mwopp kihh satt le baah a Markus ran mihhse sh'i kaah mhishin mou.
Bii w'u dhighin Pwoo'wurett sarr Markus ni a kihhshe se:
Sh'ee khi pwoo'wurett. 1:1 – 13
Kamm khi Jesu naar gurum dhighin Galili 1:14 – 9:50
Yakhal Galili dum putt Urshalima 10:1-52
Shaptarr w'u kyess ni dhighin Urshalima kihh pee w'u kuss-kuss kihh Urshalima ni 11:1-15:47
Yakhal kih peemuutt khi Jesu 16:1-8
Pwookaah dyinggshik kihh k'aa khi dhengNaan khi Daah Jesu w'u yakhal kih peemuutt 16:9-20
ទើបបានជ្រើសរើសហើយ៖
Markus Yakshiiy: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus Yakshiiy
Yakshiiy
Pwoo'wurett sarr Markus shee sh'i satt le, “Mihhse a pwoo'wurett kaah Jesus Kristi, L'aa khi Naan.” R'an ni kihh kamm le Jesu a gwooh kihh sh'in bii, yakhal nyi kihh maa'pee kaah bii weett. Mwopp kihh mak naah maa'pee khinyi dhighin kamm khinyi, kihh bhall w'u nyi kihh nyi kaah mumullung mwopp, kihh rooh kihh fwa shigbis khi gurum mwopp. Jesu kihh satt pwoo kaah shin le a riy a L'aa khi Gurum w'u riy ji p'ee shwat gurum mwopp pwoo shigbis.
Markus ran pwoo kaah Jesu fyaad bhall-bhall, kihh satt a bii w'u Jesu sh'in mett pwoo w'u kihh satt kooh kamm w'u kihh sh'in. Kaarooh shee klap'ran ni kihh pwoo kaah Yohanna Gu-Baptisma, kihh pwoo kaah baptisma w'u Yohanna sh'in Jesu kihh zhwaan'pee w'u Shetan sh'in nyi, bhi gu ran Markus ni y'aa ran pwoo kaa dhakk bar gurum kihh kamm khi Jesu. Kaarooh byitt kihh m'ang, puus kihh r'u, bhi mhi-dumdang Jesu ni mwopp sihkhitt man nyi rihh-rett, dhangg mhi'tonn Jesu ni mwopp kihh sihkhitt mang'yit nyi. Wangg w'u dum sihkhitt klap'ran Markus ni sh'in pwoo kaah shaptarr mhi kyess khi t'ong khi Jesus dhighin yill ni, w'u a pwoo kaah rooh mwopp pwas nyi kihh sheepmuutt, kihh ya'khal kih peemuutt khinyi.
Pwoo'wurett sarr Markus kihh pee w'u mwopp ran kyess khinyi diy vel. Mhi'man mwopp kihh satt le a m'ee gurum w'u dyikk ran wu'zeh mhi kyess khi Pwoo'wurett sarr Markus ni; wato Markus 16:9-19. Mwopp kihh satt le baah a Markus ran mihhse sh'i kaah mhishin mou.
Bii w'u dhighin Pwoo'wurett sarr Markus ni a kihhshe se:
Sh'ee khi pwoo'wurett. 1:1 – 13
Kamm khi Jesu naar gurum dhighin Galili 1:14 – 9:50
Yakhal Galili dum putt Urshalima 10:1-52
Shaptarr w'u kyess ni dhighin Urshalima kihh pee w'u kuss-kuss kihh Urshalima ni 11:1-15:47
Yakhal kih peemuutt khi Jesu 16:1-8
Pwookaah dyinggshik kihh k'aa khi dhengNaan khi Daah Jesu w'u yakhal kih peemuutt 16:9-20
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation