Markus 1
1
Yohanna Gu-Baptisma dhakk arr ji khi Jesu
(Mat 3:1-12; Luk 3:1-18; Yoh 1:19-28)
1Mihhse a sh'ee khi Pwoo'wurett kaah Jesu Kristi, L'aa khi Naan.#1:1 “Pakk r'an w'u gyet shak mwopp kihh r'an w'u satt le W'u a l'aa khi Dauda, l'aa khi Ibrahim.”
2Nyi a rih-ran dhighin klap'ran khi Ishaya gu-wanggshiiy le,
“Ghi naah, a'n p'ee lop laa'lop keena ky'een gha;
nyi p'ee dhakk arr ji keegha dhangg ghi kihh ji.”#1:2 Mal 3:1
3“Dhekheh m'ee gurum kihh peetpee dhighin dh'em le,
‘Wu dhakk arr Daah Naan,
Wu zan arr ni lhidum fyaad.’”
4A nyi seh bhi Yohanna Gu-Baptisma dyingg shin gurum mwopp dhighin dh'em, y'aa satt orr baptisma w'u kihh kamm le gurum mwopp tu'wapp tihh Naan fwa shigbis khimwopp diy. 5Dw'uu gurum w'u v'ur kwangyill Yahudiya kihh mwooh Urshalima mwopp kihh pwat duam kihpee nyi diy, mwopp kihh lapp'iih shigbis keeru, bhi kihh sh'in baptisma mwopp Kihgoon Urdu. 6Yohanna ni gyet kihh lop a looh w'u mwopp raah a kihh shoop brihngg'tukhus dhakhatt, yakhal kihh bwakhat a zaall shi'm bwoon niy; kihh so a shebhell yakhal kihh mwak a mwoon w'u shwat dh'em tong diy. 7A mihhse a pwooNaan w'u Yohanna ni kihh satt gurum ni mwopp: “M'ee gwooh mett wu'an kudyi kihh ji bwoon nah. Gwooh a'n ih mak dheeh kromm w'u p'ee kurum ih shwat kwaghashag khinyi shiiy nyi mou. 8Wu'an phi sh'in baptisma wunn a sh'i a'm, dhangg wu'nyi p'ee sh'in baptisma wunn a sh'i Riin Wu'bhangg.”
Yohanna sh'in baptisma Jesu
(Mat 3:13-17; Luk 3:21-22)
9Dhighin t'eer mhizeh ni mwopp bhi Jesu tong Nazaret w'u dhighin yill Galili sam diy, bhi Yohanna sh'in baptisma nyi Kihgoon Urdu. 10Kaarooh kihh tong dhighin a'm k'aa, bhi naah dhengNaan y'aa wangg, yakhal naah Riin Wu'bhangg tong sam kaah niy kaa duu'duu se. 11Bhi m'ee dhekheh tong put kih dhengNaan satt le, “Gha a L'aa keena w'u ih kihh wall gha; ih kihh klihngshangg kihh gha pwetd.”
12Abet bhi Riin ni dum kihh nyi dh'em. 13Tong nhighin p'ee t'eer laar feerr, bhi Shetan kihh ji kihh v'ur zhwaan'pee mwopp nyi. Tong nhighin dh'em naar lwaa'dhem mwopp, bhi mhi'lop khi Naan mwopp kihh kok kih nyi nhighin.
Jesu peet zheppkamm keeniy wu'shee
(Mat 4:12-17; Luk 4:14-15)
14Bwoonrooh mwopp bwakhat Yohanna Gu-Baptisma luh'shakhat, bhi Jesu dum Galili kihh satt Pwoo'wurett khi Naan nhighin. 15Kihh satt le, “Pee wull, dhenglong khi Naan wull kuss. Wu tu'wapp wu pihhzeenn Pwoo'wurett ni!”
16Kaarooh Jesu kaah mwaan pwoo Kur'am Galili, bhi Naah Siman mwopp kihh emnhikhin Andrawus phi kor tenggsherep a'm, p'ee gyet mwopp a mhi-yaksherep. 17Bhi Jesu satt mwopp le, “Wu ji, wu langdang na, bhi a'n p'ee l'e tihh wu dheeh mhi ji kihh gurum kihpee na diy.” 18Abet bhi mwopp yet tenggsherep keeru, mwopp dumdang nyi.
19Kaarooh y'aa mwaan dyi lee, bhi naah Yakub, em Zebedi mwopp kihh emnhikhin Yohanna dhighin kong'am, mwopp kaah dhakk tenggsherep keeru. 20Bhi Jesu peet mwopp abet. A nyi seh bhi mwopp yet puup ru dheeh nhighin dhighin kong'am ni kihshag kihh mhi-dhakkshaghal khimwopp, bhi mwopp langdang Jesu.
Jesu put kihh m'ee riin wu'bis
(Luk 4:31-37)
21Jesu kihh zheppkam keenyi ni mwopp sam dum Kafarnahum. P'ar Puus Nookdyi bhi Jesu dhel dhighin Luh'kang bhi y'aa sh'in kamm nhighin. 22Aa'phi gurum mwopp kihh kamm khinyi pwetd, p'ee kihh sh'in kaam ni mwopp a kaa gwooh kihh satt mhi kaah m'iin se, baah a kaa mhikamm W'aar mhi Musa mwopp kihh sh'in seh mou. 23Nhighin abet bhi m'ee gurum w'u kihh mumullung dhighin shin nhighin dhighin Luh'kang khimwopp ni zhaal dhekheh niy le, 24“Wa-a-a-i 'y! Ghi yet munn arr m'uun e'h, Jesu Gu-Nazaret. Baa ghi ji a p'ee nyigzheell munn aa'? Ai ih man gha; gha a Gwoohbhangg khi Naan.”
25Jesu tepbhellepp mumullung ni bhall-bhall le, “Ghi paah pwoo gha! Put ghi yet gwoh ni diy!” 26Bhi mumullung nyi vling gwoh ni pwetd dhangg zhaal dhekheh niy put mett dhak ser'seh.
27Bii ni aa'phi gurum ni mwopp weett bhi mwopp kihh nang phi shag le, “A mihyeh kihhshe se, wunn'! M'ee dyeer kamm wu'pwooh, kamm w'u bhall-bhall e'h! Kihh gab'waar riin wu'bis mwopp bhi harr mwopp klihng nyi 'y, wunn'!” 28Bhi pwookaah nyi shikhir kangpee abet kapp dhighin gaar'yill Galili.
Jesu bar gurum dhess
(Mat 8:14-15; Luk 4:38-39)
29Abet kaarooh mwopp pwat dhighin Luh'kang ni, bhi mwopp duam luh Siman kihh Andrawus dangshag kihh Yakub mwopp kihh Yohanna. 30Nhikhin khi mat khi Siman kihh dhen kih pee'saam kihh m'ee shikwong, bhi mwopp yakshiiy nyi Jesu. 31Jesu dum kihpee nyi diy, bhi y'aa sarr nyi, bhi pann eep nyi lhiyakhal tong. Bhi shikwong ni yet nyi, harr yakhal y'aa dhakk shap shed mwopp.
32Kan'sihkhin mhizeh ni, bwoonrooh puus r'u, bhi gurum mwopp ja kihh kapp v'ur mhi'shwal kihh mwooh kihh mumullung Jesu. 33Gurum w'u tughuzyill ni kihhdihng mwopp pwat ja dyarrang pwooluh w'u Jesu diy, 34bhi Jesu bar gurum dhess w'u mwopp kihh v'ur shiin-kakhamm, yakhal pwat kihh v'ur mumullung mwopp dhess; dhangg baah dh'om tihh mumullung ni mwopp kadpwoo mou, p'ee mwopp man nyi.
Jesu dum dhangNaan mhishin
(Luk 4:42-44)
35Dooldyeell, kaarooh pee kudyi a kw'oo, bhi Jesu yakhal put dhighin luh dhel dum mee'pee w'u baah gurum mwopp nhighin mou, bhi y'aa dhangNaan nhighin. 36Siman kihh mhinin mwopp dum lyap nyi. 37Kaarooh mwopp kad nyi, bhi mwopp satt nyi le, “Gurum mwopp weett kihh t'ang naah gha 'y!”
38Bhi Jesu pring mwopp le, “Mu reen mu dum mee'pee wu'zeh dyi kaa zheb kwangyill w'u kuss-kuss se, tihh ih satt pwooNaan diy nhighin zag. P'ee a bii w'u ji kihh a'n seh.” 39A nyi seh bhi y'aa mwaan koohneeh dhighin gaar'yill Galili, kihh satt pwooNaan dhighin Luh'kang khimwopp yakhal kihh pwat kihh riin wu'bis dhighin gurum mwopp.
Jesu bar m'ee Gulokhom
(Mat 8:1-4; Luk 5:12-16)
40M'ee Gulokhom ji kihpee Jesu diy, bhi sam kurum kih fr'um niy so'kumbokk nyi le, “Mihh ghi kihh dh'om, bhi ghi kihh mak tu'angg lokhom a'n tihh ih dheeh wu'bhangg diy.” 41Kaah Jesu dhoonn kih gulokhom ni, bhi shenn sarr niy bwum nyi diy, kihh satt nyi le, “Ih kihh dh'om, ghi dheeh wu'bhangg dhak.” 42Abet bhi lokhom ni yet nyi, bhi gwoh ni kad kakhamm.
43Jesu shenn gwoh ni arr w'aa abet, satt kihhkangg nyi rihh-rett le 44“Tapp ghi satt bii mihhse menguh 'y. Kop kihhsheh bhi ghi dum ghi dyingg sak Prist tihh dyee gha diy, yakhal ghi pihh bii'zhukhum mhi tu'angg lokhom w'u Musa gyet satt, tihh koohweeh man diy le baa ghi dheeh wu'bhangg.” 45Weett kihhsheh bhi gwoh ni put y'aa piin bhellepp ni meett-meett. A kihhsheh bhi baah Jesu kihh mak dhel dyi dhighin m'ee tughuzyill yirrag naar gurum mou; kihh tong a kihtekhell pee w'u baah gurum dhess nhighin mou. Weett kihhsheh bhi gurum mwopp kihh pwat koohneeh ja kihpee nyi diy.
ទើបបានជ្រើសរើសហើយ៖
Markus 1: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 1
1
Yohanna Gu-Baptisma dhakk arr ji khi Jesu
(Mat 3:1-12; Luk 3:1-18; Yoh 1:19-28)
1Mihhse a sh'ee khi Pwoo'wurett kaah Jesu Kristi, L'aa khi Naan.#1:1 “Pakk r'an w'u gyet shak mwopp kihh r'an w'u satt le W'u a l'aa khi Dauda, l'aa khi Ibrahim.”
2Nyi a rih-ran dhighin klap'ran khi Ishaya gu-wanggshiiy le,
“Ghi naah, a'n p'ee lop laa'lop keena ky'een gha;
nyi p'ee dhakk arr ji keegha dhangg ghi kihh ji.”#1:2 Mal 3:1
3“Dhekheh m'ee gurum kihh peetpee dhighin dh'em le,
‘Wu dhakk arr Daah Naan,
Wu zan arr ni lhidum fyaad.’”
4A nyi seh bhi Yohanna Gu-Baptisma dyingg shin gurum mwopp dhighin dh'em, y'aa satt orr baptisma w'u kihh kamm le gurum mwopp tu'wapp tihh Naan fwa shigbis khimwopp diy. 5Dw'uu gurum w'u v'ur kwangyill Yahudiya kihh mwooh Urshalima mwopp kihh pwat duam kihpee nyi diy, mwopp kihh lapp'iih shigbis keeru, bhi kihh sh'in baptisma mwopp Kihgoon Urdu. 6Yohanna ni gyet kihh lop a looh w'u mwopp raah a kihh shoop brihngg'tukhus dhakhatt, yakhal kihh bwakhat a zaall shi'm bwoon niy; kihh so a shebhell yakhal kihh mwak a mwoon w'u shwat dh'em tong diy. 7A mihhse a pwooNaan w'u Yohanna ni kihh satt gurum ni mwopp: “M'ee gwooh mett wu'an kudyi kihh ji bwoon nah. Gwooh a'n ih mak dheeh kromm w'u p'ee kurum ih shwat kwaghashag khinyi shiiy nyi mou. 8Wu'an phi sh'in baptisma wunn a sh'i a'm, dhangg wu'nyi p'ee sh'in baptisma wunn a sh'i Riin Wu'bhangg.”
Yohanna sh'in baptisma Jesu
(Mat 3:13-17; Luk 3:21-22)
9Dhighin t'eer mhizeh ni mwopp bhi Jesu tong Nazaret w'u dhighin yill Galili sam diy, bhi Yohanna sh'in baptisma nyi Kihgoon Urdu. 10Kaarooh kihh tong dhighin a'm k'aa, bhi naah dhengNaan y'aa wangg, yakhal naah Riin Wu'bhangg tong sam kaah niy kaa duu'duu se. 11Bhi m'ee dhekheh tong put kih dhengNaan satt le, “Gha a L'aa keena w'u ih kihh wall gha; ih kihh klihngshangg kihh gha pwetd.”
12Abet bhi Riin ni dum kihh nyi dh'em. 13Tong nhighin p'ee t'eer laar feerr, bhi Shetan kihh ji kihh v'ur zhwaan'pee mwopp nyi. Tong nhighin dh'em naar lwaa'dhem mwopp, bhi mhi'lop khi Naan mwopp kihh kok kih nyi nhighin.
Jesu peet zheppkamm keeniy wu'shee
(Mat 4:12-17; Luk 4:14-15)
14Bwoonrooh mwopp bwakhat Yohanna Gu-Baptisma luh'shakhat, bhi Jesu dum Galili kihh satt Pwoo'wurett khi Naan nhighin. 15Kihh satt le, “Pee wull, dhenglong khi Naan wull kuss. Wu tu'wapp wu pihhzeenn Pwoo'wurett ni!”
16Kaarooh Jesu kaah mwaan pwoo Kur'am Galili, bhi Naah Siman mwopp kihh emnhikhin Andrawus phi kor tenggsherep a'm, p'ee gyet mwopp a mhi-yaksherep. 17Bhi Jesu satt mwopp le, “Wu ji, wu langdang na, bhi a'n p'ee l'e tihh wu dheeh mhi ji kihh gurum kihpee na diy.” 18Abet bhi mwopp yet tenggsherep keeru, mwopp dumdang nyi.
19Kaarooh y'aa mwaan dyi lee, bhi naah Yakub, em Zebedi mwopp kihh emnhikhin Yohanna dhighin kong'am, mwopp kaah dhakk tenggsherep keeru. 20Bhi Jesu peet mwopp abet. A nyi seh bhi mwopp yet puup ru dheeh nhighin dhighin kong'am ni kihshag kihh mhi-dhakkshaghal khimwopp, bhi mwopp langdang Jesu.
Jesu put kihh m'ee riin wu'bis
(Luk 4:31-37)
21Jesu kihh zheppkam keenyi ni mwopp sam dum Kafarnahum. P'ar Puus Nookdyi bhi Jesu dhel dhighin Luh'kang bhi y'aa sh'in kamm nhighin. 22Aa'phi gurum mwopp kihh kamm khinyi pwetd, p'ee kihh sh'in kaam ni mwopp a kaa gwooh kihh satt mhi kaah m'iin se, baah a kaa mhikamm W'aar mhi Musa mwopp kihh sh'in seh mou. 23Nhighin abet bhi m'ee gurum w'u kihh mumullung dhighin shin nhighin dhighin Luh'kang khimwopp ni zhaal dhekheh niy le, 24“Wa-a-a-i 'y! Ghi yet munn arr m'uun e'h, Jesu Gu-Nazaret. Baa ghi ji a p'ee nyigzheell munn aa'? Ai ih man gha; gha a Gwoohbhangg khi Naan.”
25Jesu tepbhellepp mumullung ni bhall-bhall le, “Ghi paah pwoo gha! Put ghi yet gwoh ni diy!” 26Bhi mumullung nyi vling gwoh ni pwetd dhangg zhaal dhekheh niy put mett dhak ser'seh.
27Bii ni aa'phi gurum ni mwopp weett bhi mwopp kihh nang phi shag le, “A mihyeh kihhshe se, wunn'! M'ee dyeer kamm wu'pwooh, kamm w'u bhall-bhall e'h! Kihh gab'waar riin wu'bis mwopp bhi harr mwopp klihng nyi 'y, wunn'!” 28Bhi pwookaah nyi shikhir kangpee abet kapp dhighin gaar'yill Galili.
Jesu bar gurum dhess
(Mat 8:14-15; Luk 4:38-39)
29Abet kaarooh mwopp pwat dhighin Luh'kang ni, bhi mwopp duam luh Siman kihh Andrawus dangshag kihh Yakub mwopp kihh Yohanna. 30Nhikhin khi mat khi Siman kihh dhen kih pee'saam kihh m'ee shikwong, bhi mwopp yakshiiy nyi Jesu. 31Jesu dum kihpee nyi diy, bhi y'aa sarr nyi, bhi pann eep nyi lhiyakhal tong. Bhi shikwong ni yet nyi, harr yakhal y'aa dhakk shap shed mwopp.
32Kan'sihkhin mhizeh ni, bwoonrooh puus r'u, bhi gurum mwopp ja kihh kapp v'ur mhi'shwal kihh mwooh kihh mumullung Jesu. 33Gurum w'u tughuzyill ni kihhdihng mwopp pwat ja dyarrang pwooluh w'u Jesu diy, 34bhi Jesu bar gurum dhess w'u mwopp kihh v'ur shiin-kakhamm, yakhal pwat kihh v'ur mumullung mwopp dhess; dhangg baah dh'om tihh mumullung ni mwopp kadpwoo mou, p'ee mwopp man nyi.
Jesu dum dhangNaan mhishin
(Luk 4:42-44)
35Dooldyeell, kaarooh pee kudyi a kw'oo, bhi Jesu yakhal put dhighin luh dhel dum mee'pee w'u baah gurum mwopp nhighin mou, bhi y'aa dhangNaan nhighin. 36Siman kihh mhinin mwopp dum lyap nyi. 37Kaarooh mwopp kad nyi, bhi mwopp satt nyi le, “Gurum mwopp weett kihh t'ang naah gha 'y!”
38Bhi Jesu pring mwopp le, “Mu reen mu dum mee'pee wu'zeh dyi kaa zheb kwangyill w'u kuss-kuss se, tihh ih satt pwooNaan diy nhighin zag. P'ee a bii w'u ji kihh a'n seh.” 39A nyi seh bhi y'aa mwaan koohneeh dhighin gaar'yill Galili, kihh satt pwooNaan dhighin Luh'kang khimwopp yakhal kihh pwat kihh riin wu'bis dhighin gurum mwopp.
Jesu bar m'ee Gulokhom
(Mat 8:1-4; Luk 5:12-16)
40M'ee Gulokhom ji kihpee Jesu diy, bhi sam kurum kih fr'um niy so'kumbokk nyi le, “Mihh ghi kihh dh'om, bhi ghi kihh mak tu'angg lokhom a'n tihh ih dheeh wu'bhangg diy.” 41Kaah Jesu dhoonn kih gulokhom ni, bhi shenn sarr niy bwum nyi diy, kihh satt nyi le, “Ih kihh dh'om, ghi dheeh wu'bhangg dhak.” 42Abet bhi lokhom ni yet nyi, bhi gwoh ni kad kakhamm.
43Jesu shenn gwoh ni arr w'aa abet, satt kihhkangg nyi rihh-rett le 44“Tapp ghi satt bii mihhse menguh 'y. Kop kihhsheh bhi ghi dum ghi dyingg sak Prist tihh dyee gha diy, yakhal ghi pihh bii'zhukhum mhi tu'angg lokhom w'u Musa gyet satt, tihh koohweeh man diy le baa ghi dheeh wu'bhangg.” 45Weett kihhsheh bhi gwoh ni put y'aa piin bhellepp ni meett-meett. A kihhsheh bhi baah Jesu kihh mak dhel dyi dhighin m'ee tughuzyill yirrag naar gurum mou; kihh tong a kihtekhell pee w'u baah gurum dhess nhighin mou. Weett kihhsheh bhi gurum mwopp kihh pwat koohneeh ja kihpee nyi diy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation