Markus 2
2
Jesu bar m'ee kud
(Mat 9:1-8; Luk 5:17-26)
1Bwoon t'eer lee, kaarooh Jesu b'aa ji Kafarnahum, bhi gurum mwopp klihng rooh nyi tuluh. 2A nyi seh bhi dw'uu gurum mwopp tuud pwat ja gampee dullukk, harr baah m'ee pee dheeh kooh kihtekhell pwooluh ni mou, bhi Jesu satt pwooNaan mwopp. 3M'ee gurum mwopp ji kihh m'ee gwooh a kud Jesu. Gurum feerr mwopp m'ang gwoh ni naar shag. 4Dhangg kaarooh baah mwopp mak dhel kihh nyi luh kihpee Jesu diy mou lhiwaa dw'uu khi gurum mwopp, bhi mwopp k'aa dum sh'ul f'ung tihngg kih daghabluh kaah Jesu, bhi mwopp shenn gwoh ni lhisam kih p'aal w'u kihh dhen dyikihh seh. 5Kaarooh Jesu naah pihhzeenn khimwopp, bhi satt gwooh a kud ni le, “Em na, ih fwa shigbis keegha gha.”
6Pakk m'ee Mhikamm-w'aar mwopp kihh kwangg nhighin, bhi mwopp y'aa shwan bii mihhseh phitukhup ru le, 7“A mihyeh l'e bhi gwoh mhizeh kihh kadpwoo kihhshe se? Ai nyi a phi kas Naan! A wuyeh kihh mak fwa shigbis kad baah a Naan kyekk mou?”
8Abet bhi Jesu man dhighin riin niy le mwopp phi sh'in p'an mihhseh phitukhup ru, bhi nang phi mwopp le, “A mihyeh l'e bhi wunn phi shwan bii mihhse ayeh? 9A meehrangg fyeell mett p'ee satt? A rooh p'ee satt kud ni le ‘Ih fwa shigbis keegha gha,’ h'aa a rooh p'ee satt le, ‘Yakhal ghi dharr, m'ang pee'saam keegha ghi y'aa mwaan ayeh?’ 10Pee'kihhsheh bhi a'n p'ee bar nyi tihh wu man diy wu le a'n L'aa khi Gurum kihh pee mhi mak fwa shigbis dhighin yill ni.” Bhi satt kud ni le, 11“An ih satt gha, yakhal ghi dharr, m'ang p'aal keegha ghi dum tuluh.” 12Bhi gwoh ni shass yakhal dharr, m'ang paal'saam keeniy, treng mwaan taah putt kihyit gurum ni mwopp weett. Bii ni aa'phi koohweeh bhi mwopp kwoob Naan le, “Baah mu kihh cham naah bii wu'kihhshe mou!”
Jesu peet Levi
(Mat 9:9-13; Luk 5:27-32)
13Jesu waa put dyi dum pwoo kur'am. Dw'uu gurum mwopp tuud pwat dang nyi, bhi y'aa sh'in kamm mwopp. 14Kaarooh nyi kaah mwaan, bhi Naah Levi, em Alfawus, kihh tong reb bid lappwapp. Bhi satt nyi le, “Ghi lang'dang na,” bhi Levi yakhal lang'dang nyi.
15Kaarooh Jesu kihh tong soh luh Levi ni, bhi v'ur mhi-lappwapp kihh mhi-shigbis mwopp dhess kaah soh kihshag kihh nyi kihh zheppkamm khinyi mwopp zag, p'ee gurum dhess mwopp langdang nyi. 16Kaarooh pakk Mhikamm-w'aar w'u a Farisiiy mwopp naah nyi soh kihshag kihh mhi-shigbis kihh mhi-lappwapp mwopp, bhi mwopp nang phi zheppkamm khinyi mwopp le, “A mihyeh l'e bhi kihh so soh kihshag kihh mhi-lappwapp mwopp kihh mhinyee mwopp mhi-shigbis ayeh?”
17Kaarooh Jesu klihng kihhsheh, bhi pring mwopp le, “Ai baah a mwooh kakhamm kihh t'ang guyen mou, a mhi'shwal mwopp kihh t'ang nyi. Baah ih sam p'ee peet a mwooh kihh le runn a mhi-shigrett mou; ih sam p'ee peet a mhi-shigbis mwopp.”
Mwopp nang orr yaa'pwoo phi Jesu
(Mat 9:14-17; Luk 5:33-39)
18Kaarooh zheppkamm khi Yohanna Gu-Baptisma kihh Farisiiy mwopp kaah yaa'pwoo, bhi m'ee gurum mwopp ja nang phi Jesu le, “A mihyeh l'e bhi zheppkamm mhi Yohanna Gu-Baptisma kihh mhi Farisiiy mwopp kaah yaa'pwoo, dhangg zheppkamm mag'gha mwopp kihh sh'in mou ayeh?”
19Bhi Jesu lapp mwopp satt le, “Shaar mis'mwar mwopp diy yaa'pwoo ru bhi mis'mwar ni kudyi kihshag kihh mwopp mihngg? Baah mwopp p'ee cham sh'in kihhsheh bhi mis'mwar ni kudyi kihshag kihh mwopp mou. 20Puus kudyi kihh ji w'u mwopp p'ee m'ang mis'mwar ni lhidhel kih mwopp; a p'ar mihhseh ni bhi shaar mis'mwar ni mwopp p'ee dhekhem yaa'pwoo dhak ser'seh.
21“Baah gwooh kihh luz pee w'u bh'aar wu'sihkhir tee diy a sh'i kleb-fwaat wu'pwooh mou. Mihh sh'in kihhsheh bhi kleb-fwaat wu'pwooh ni p'ee tee yakhal sh'i bh'aar wu'sihkhir ni, bhi t'ee khi bh'aar ni p'ee sihkhitt kaam yangg-yangg. 22A kihhsheh zag, baah gwooh kihh wurr am'anab wu'pwooh dhighin fonn'shim am'anab wu'sihkhir mou. Mihh sh'in kihhsheh, bhi am'anab wu'pwooh ni p'ee fil harr pyan fonn'shim am'anab wu'sihkhir ni mwopp. A kihhsheh bhi am'anab ni p'ee ky'em kr'ong, yakhal fonn'shim am'anab ni mwopp p'ee pyan ky'em zag. Mwopp kihh wurr am'anab wu'pwooh a dhighin fonn'shim am'anab wu'pwooh a ching.”
L'aa khi Gurum a Gwoohyon kaah Puus Nookdyi
(Mat 12:1-8; Luk 6:1-5)
23P'ar m'ee Puus Nookdyi shi, bhi kaarooh Jesu mwopp kihh zheppkamm keeniy kaah mwaan, bhi mwopp waa arr dhighin pakk m'ee bhokk dhebhenn. Bhi kaarooh zheppkamm khinyi mwopp kaah mwaan, bhi mwopp y'aa challang pakk segher dhebhenn ni. 24Bhi pakk Farisiiy mwopp satt Jesu le, “Gha phi naah nyi s'ang? A mihyeh l'e bhi wu kihh sh'in bii w'u waar'shin p'ar Puus Nookdyi ayeh?”
25Bhi Jesu lapp mwopp le, “Kan wu khi cham t'ang bii w'u Dauda gyet sh'in kaarooh kussum laah nyi kihhsheh kihh mwooh dang nyi zag maah? 26Gyet dhighin yiiy dhakk-prist Wu'yon mhi Abiyata, bhi Dauda dhel dhighin Luhfwaat khi Naan#2:26 Luhfwaat khi Naan sh'i Pwoo khi Naad a “Tabernacle.” Nyi a gag w'u mwopp dhakk sh'i fwaat w'u gyet Zhepp Isra'ila mwopp kihh mw'aan kihh nyi dh'em p'ee soyill Naan bhi kok gihkhill gutt w'u mwopp kihh angg l'e kihkyeen Naan so; w'u a gihkhill gutt w'u w'aar so kakhar gurum mwopp, seeh a prist mwopp kyekk kihh so. Weett kihhsheh bhi Dauda so yakhal pihh pakk mwooh dang niy zag.” 27Bhi Jesu satt mwopp le, “Naan l'e Puus Nookdyi a p'ee zhepp gurum; baah l'e a zhepp gurum p'ee Puus Nookdyi mou. 28Pee'mhinyi, bhi a'n L'aa khi Gurum a Gwoohyon kaah Puus Nookdyi.”
ទើបបានជ្រើសរើសហើយ៖
Markus 2: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 2
2
Jesu bar m'ee kud
(Mat 9:1-8; Luk 5:17-26)
1Bwoon t'eer lee, kaarooh Jesu b'aa ji Kafarnahum, bhi gurum mwopp klihng rooh nyi tuluh. 2A nyi seh bhi dw'uu gurum mwopp tuud pwat ja gampee dullukk, harr baah m'ee pee dheeh kooh kihtekhell pwooluh ni mou, bhi Jesu satt pwooNaan mwopp. 3M'ee gurum mwopp ji kihh m'ee gwooh a kud Jesu. Gurum feerr mwopp m'ang gwoh ni naar shag. 4Dhangg kaarooh baah mwopp mak dhel kihh nyi luh kihpee Jesu diy mou lhiwaa dw'uu khi gurum mwopp, bhi mwopp k'aa dum sh'ul f'ung tihngg kih daghabluh kaah Jesu, bhi mwopp shenn gwoh ni lhisam kih p'aal w'u kihh dhen dyikihh seh. 5Kaarooh Jesu naah pihhzeenn khimwopp, bhi satt gwooh a kud ni le, “Em na, ih fwa shigbis keegha gha.”
6Pakk m'ee Mhikamm-w'aar mwopp kihh kwangg nhighin, bhi mwopp y'aa shwan bii mihhseh phitukhup ru le, 7“A mihyeh l'e bhi gwoh mhizeh kihh kadpwoo kihhshe se? Ai nyi a phi kas Naan! A wuyeh kihh mak fwa shigbis kad baah a Naan kyekk mou?”
8Abet bhi Jesu man dhighin riin niy le mwopp phi sh'in p'an mihhseh phitukhup ru, bhi nang phi mwopp le, “A mihyeh l'e bhi wunn phi shwan bii mihhse ayeh? 9A meehrangg fyeell mett p'ee satt? A rooh p'ee satt kud ni le ‘Ih fwa shigbis keegha gha,’ h'aa a rooh p'ee satt le, ‘Yakhal ghi dharr, m'ang pee'saam keegha ghi y'aa mwaan ayeh?’ 10Pee'kihhsheh bhi a'n p'ee bar nyi tihh wu man diy wu le a'n L'aa khi Gurum kihh pee mhi mak fwa shigbis dhighin yill ni.” Bhi satt kud ni le, 11“An ih satt gha, yakhal ghi dharr, m'ang p'aal keegha ghi dum tuluh.” 12Bhi gwoh ni shass yakhal dharr, m'ang paal'saam keeniy, treng mwaan taah putt kihyit gurum ni mwopp weett. Bii ni aa'phi koohweeh bhi mwopp kwoob Naan le, “Baah mu kihh cham naah bii wu'kihhshe mou!”
Jesu peet Levi
(Mat 9:9-13; Luk 5:27-32)
13Jesu waa put dyi dum pwoo kur'am. Dw'uu gurum mwopp tuud pwat dang nyi, bhi y'aa sh'in kamm mwopp. 14Kaarooh nyi kaah mwaan, bhi Naah Levi, em Alfawus, kihh tong reb bid lappwapp. Bhi satt nyi le, “Ghi lang'dang na,” bhi Levi yakhal lang'dang nyi.
15Kaarooh Jesu kihh tong soh luh Levi ni, bhi v'ur mhi-lappwapp kihh mhi-shigbis mwopp dhess kaah soh kihshag kihh nyi kihh zheppkamm khinyi mwopp zag, p'ee gurum dhess mwopp langdang nyi. 16Kaarooh pakk Mhikamm-w'aar w'u a Farisiiy mwopp naah nyi soh kihshag kihh mhi-shigbis kihh mhi-lappwapp mwopp, bhi mwopp nang phi zheppkamm khinyi mwopp le, “A mihyeh l'e bhi kihh so soh kihshag kihh mhi-lappwapp mwopp kihh mhinyee mwopp mhi-shigbis ayeh?”
17Kaarooh Jesu klihng kihhsheh, bhi pring mwopp le, “Ai baah a mwooh kakhamm kihh t'ang guyen mou, a mhi'shwal mwopp kihh t'ang nyi. Baah ih sam p'ee peet a mwooh kihh le runn a mhi-shigrett mou; ih sam p'ee peet a mhi-shigbis mwopp.”
Mwopp nang orr yaa'pwoo phi Jesu
(Mat 9:14-17; Luk 5:33-39)
18Kaarooh zheppkamm khi Yohanna Gu-Baptisma kihh Farisiiy mwopp kaah yaa'pwoo, bhi m'ee gurum mwopp ja nang phi Jesu le, “A mihyeh l'e bhi zheppkamm mhi Yohanna Gu-Baptisma kihh mhi Farisiiy mwopp kaah yaa'pwoo, dhangg zheppkamm mag'gha mwopp kihh sh'in mou ayeh?”
19Bhi Jesu lapp mwopp satt le, “Shaar mis'mwar mwopp diy yaa'pwoo ru bhi mis'mwar ni kudyi kihshag kihh mwopp mihngg? Baah mwopp p'ee cham sh'in kihhsheh bhi mis'mwar ni kudyi kihshag kihh mwopp mou. 20Puus kudyi kihh ji w'u mwopp p'ee m'ang mis'mwar ni lhidhel kih mwopp; a p'ar mihhseh ni bhi shaar mis'mwar ni mwopp p'ee dhekhem yaa'pwoo dhak ser'seh.
21“Baah gwooh kihh luz pee w'u bh'aar wu'sihkhir tee diy a sh'i kleb-fwaat wu'pwooh mou. Mihh sh'in kihhsheh bhi kleb-fwaat wu'pwooh ni p'ee tee yakhal sh'i bh'aar wu'sihkhir ni, bhi t'ee khi bh'aar ni p'ee sihkhitt kaam yangg-yangg. 22A kihhsheh zag, baah gwooh kihh wurr am'anab wu'pwooh dhighin fonn'shim am'anab wu'sihkhir mou. Mihh sh'in kihhsheh, bhi am'anab wu'pwooh ni p'ee fil harr pyan fonn'shim am'anab wu'sihkhir ni mwopp. A kihhsheh bhi am'anab ni p'ee ky'em kr'ong, yakhal fonn'shim am'anab ni mwopp p'ee pyan ky'em zag. Mwopp kihh wurr am'anab wu'pwooh a dhighin fonn'shim am'anab wu'pwooh a ching.”
L'aa khi Gurum a Gwoohyon kaah Puus Nookdyi
(Mat 12:1-8; Luk 6:1-5)
23P'ar m'ee Puus Nookdyi shi, bhi kaarooh Jesu mwopp kihh zheppkamm keeniy kaah mwaan, bhi mwopp waa arr dhighin pakk m'ee bhokk dhebhenn. Bhi kaarooh zheppkamm khinyi mwopp kaah mwaan, bhi mwopp y'aa challang pakk segher dhebhenn ni. 24Bhi pakk Farisiiy mwopp satt Jesu le, “Gha phi naah nyi s'ang? A mihyeh l'e bhi wu kihh sh'in bii w'u waar'shin p'ar Puus Nookdyi ayeh?”
25Bhi Jesu lapp mwopp le, “Kan wu khi cham t'ang bii w'u Dauda gyet sh'in kaarooh kussum laah nyi kihhsheh kihh mwooh dang nyi zag maah? 26Gyet dhighin yiiy dhakk-prist Wu'yon mhi Abiyata, bhi Dauda dhel dhighin Luhfwaat khi Naan#2:26 Luhfwaat khi Naan sh'i Pwoo khi Naad a “Tabernacle.” Nyi a gag w'u mwopp dhakk sh'i fwaat w'u gyet Zhepp Isra'ila mwopp kihh mw'aan kihh nyi dh'em p'ee soyill Naan bhi kok gihkhill gutt w'u mwopp kihh angg l'e kihkyeen Naan so; w'u a gihkhill gutt w'u w'aar so kakhar gurum mwopp, seeh a prist mwopp kyekk kihh so. Weett kihhsheh bhi Dauda so yakhal pihh pakk mwooh dang niy zag.” 27Bhi Jesu satt mwopp le, “Naan l'e Puus Nookdyi a p'ee zhepp gurum; baah l'e a zhepp gurum p'ee Puus Nookdyi mou. 28Pee'mhinyi, bhi a'n L'aa khi Gurum a Gwoohyon kaah Puus Nookdyi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation