Markus 3
3
Jesu bar gurum p'ar Puus Nookdiy
(Mat 12:9-14; Luk 6:6-11)
1Par'meeh dyi bhi Jesu dum dhel dhighin m'ee Luh'kang, bhi m'ee gurum nhighin w'u m'ee sarr nyi a w'u shi-shwaa. 2Pakk gurum w'u dhighin Luh'kang ni mwopp phi lyap arr w'u tihh mwopp y'aa Jesu diy kihh shig tep w'aar, bhi mwopp kihh lang'bhongg nyi nyakk tihh mwopp naah diy kooh kyed diy bar gwoh mhizeh ni p'ar Puus Nookdyi oh. 3Bhi Jesu satt gwooh sarr nyi a w'u shi-shwaa seh le, “Yakhal taah ghi dharr se kihnaar.”
4Bhi Jesu nang phi gurum ni mwopp le, “A meehrangg a bii w'u W'aar khi Naan kihh mak yet tihh gurum sh'in p'ar Puus Nookdyi: a sh'in khi bii wu'rett aa'h, h'aa kooh a sh'in khi bii wu'bis ayeh? A bar seen gurum aa'h, h'aa kooh a t'u gurum ayeh?” Bhi gurum ni mwopp tong dh'ok.
5Jesu naah mwopp shikhir kaat sh'i tukhupshaan, bhi tukhup nyi wad pwetd kihh rooh phitukhup gurum ni mwopp lapprau, bhi satt gwoh sarr nyi a w'u shi-shwaa seh le, “Ghi zan sarr gha ni.” Bhi gwoh ni zan sarr niy ni, bhi sarr nyi ni kakhamm kihhdihng'dihng b'aa ji kop sat. 6Bhi Farisiiy mwopp pwat mwopp y'aa kukhul-bhellepp kihshag kihh mhi-tuppbwoonn Miskakhamm Hiridus kaah arr w'u tihh mwopp t'u Jesu diy.
Dw'uu gurum mwopp langdang Jesu
7Jesu dhel kihh zheppkamm keeniy mwopp sam dum pwoo kur'am, bhi v'ur dw'uu gurum w'u mwopp mwan pwat Galili mwopp langdang nyi. 8Kaarooh gurum mwopp klihng v'ur bii w'u Jesu kihh mwan sh'in, bhi mwopp tong pwat yill Yahudiya, kihh Urshalima, kihh Idumeya, kihh gaar'yill w'u takhann yit'am Urdu wu'zeh, kihh koghobyill Sidoniya kihh Taaya zag, mwopp pwat ja kihpee nyi diy. 9Vurr dw'uu khi gurum ni mwopp mun yon pwetd, bhi Jesu satt zheppkamm keeniy mwopp le nw'aa kad reb m'ee l'aa kong'am riy tihh riy dhel tong dhighin, tapp'baa gurum ni mwopp mokhos riy. 10Pee'rooh Jesu baa bar v'ur mhi'shwal dhess, bhi v'ur kakhar gurum w'u mwopp kihh shiin-kakhamm mwopp kihh tosspee ja tihh mwopp kad arr bwum nyi diy. 11Mihh riin wu'bis mwopp naah nyi, bhi mwopp kihh chaat yill tekhem nyi mwopp kihh fwa kurrai mwopp le, “A gha a L'aa khi Naan oou!” 12Weett kihhsheh bhi Jesu kihh gab'waar riin wu'bis ni mwopp bhall-bhall le tapp nw'aa diy satt kooh riy a weeh mou.
Jesu blihp zhepp'lop kaghapaad baa'vel
(Mat 10:1-4; Luk 6:12-16)
13Jesu k'aa dum shi'bwut m'ee bwumm shi bhi peet mwooh kihh dh'om lhija kihpee niy diy, bhi mwopp ja. 14Bhi kok gurum kaghapaad baa'vel dhighin mwopp, peet wu'mwopp zhepp'lop, w'u tihh mwopp tong diy twass dang niy, tihh lop mwopp diy lhidum satt pwooNaan; 15yakhal tihh pihh pee diy mwopp p'ee pwat kihh v'ur riin wu'bis mwopp. 16A gurum w'u kaghapaad baa'vel w'u Jesu kok mwopp ni se: Siman, w'u Jesu l'e shumm w'u a Bitrus nyi; 17kihh Yakub em Zebedi mwopp kihh emnhikhin Yohanna, w'u Jesu l'e shumm mwopp Boanerges, w'u shiiy khinyi a zhepp khi naan'tihngg. 18Kihh Andrawus, kihh Filip, kihh Batalomi; kihh Matiw, kihh Tomas, kihh Yakub em Alfawus, kihh Tadewus; kihh Siman Zhikhir'yill 19kihh Yahuda Iskaryoti, w'u gyet yakhal seett kihh Jesu seh.
Mwopp satt le Jesu kihh Beelzebub
(Mat 12:22-32; Luk 11:14-23; 12:10)
20Jesu dhel dhighin m'ee luh, bhi dw'uu gurum mwopp tuud ja dyi, harr baah Jesu kihh zheppkamm keeniy mwopp kad arr so soh mou. 21Kaarooh mwopp mhi Jesu ni mwopp klihng kihhsheh bhi mwopp dum p'ee y'aa nyi lhidhel, p'ee mwopp kihh satt le, “Ai a kaah nyi baa shikhir.”
22Bhi pakk Mhikamm-w'aar w'u mwopp tong Urshalima sam diy kihh satt le, “Ai, a Beelzebub miskakhamm khi mumullung mwopp dhel kaah nyi! Kihh pwat kihh mumullung mwopp a sh'i bhall mhi miskakhamm khi mumullung ni mwopp.”
23Bhi Jesu nang mwopp lhija bhi shin'pwoo kihh mwopp sh'i v'ur shumpwoo le, “Diy sh'in a rangg bhi Shetan diy shen Shetan ayeh? 24Mihh m'ee dhenglong shapkaah rah y'aa kob kihh sat, ai bhi baah nyi p'ee mak dharr mou. 25Yakhal tuluh w'u mihh shapkaah dhel dhighin bhi baah nyi p'ee dharr mou. 26Ai mihh Shetan diy y'aa kob kihh shin yakhal shapkaah niy, bhi baah nyi p'ee dharr mou; kyess khinyi ji-ji wull seh. 27Ih kihh satt wunn, baah gwooh p'ee mak dhel luh khi m'ee kokhorong gurum dheng'pee dyi-dyan kokhorong gurum ni dhangg mou? Mihh mak dyan nyi, bhi nyi p'ee mak fw'oom luh khinyi dhak ser'seh. 28Ih kihh satt a zeenn wunn, Naan p'ee mak fwa kapp shigbis kihh kas Naan w'u zhepp gurum mwopp kihh sh'in. 29Dhangg koohweeh w'u kas Riin Wu'bhangg bhi baah Naan p'ee fwa nyi gwoh ni mou; p'ee gwoh ni sh'in a shigbis w'u harr ngaa-ngaa.”
30Jesu satt kihhsheh a pee'rooh mwopp kihh satt le, “Ai nyi a kihh riin wu'bis.”
Nhikhin khi Jesu kihh emnhikhin nyi mwopp
(Mat 12:46-50; Luk 8:19-21)
31Bhi nhikhin khi Jesu kihh emnhikhin nyi mwopp jawull. Mwopp dyarrang kihtekhell bhi mwopp lop m'ee gurum lhidum tihh peet nyi diy lhiput runn. 32Dw'uu gurum mwopp kihh kwangg okhor ni dhen kihnaar, bhi mwopp dyangg nyi le, “Nhikhin keegha kihh em'nangg mwopp pwenn kihtekhell, mwopp kihh t'ang naah gha 'y.”
33Bhi Jesu nang phi mwopp le, “A mhiranggyeh mwopp a n'aah kihh em'naa mwopp?” 34Bhi le'yit niy naah mwooh kihh kwangg okhor riy seh bhi satt le, “A n'aah mwopp kihh em'naa mwopp se! 35Koohweeh w'u kihh sh'in bii w'u Naan kihh dh'om, bhi a nyi a em'naa, kihh wu'reep na, kihh n'aah zag.”
ទើបបានជ្រើសរើសហើយ៖
Markus 3: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 3
3
Jesu bar gurum p'ar Puus Nookdiy
(Mat 12:9-14; Luk 6:6-11)
1Par'meeh dyi bhi Jesu dum dhel dhighin m'ee Luh'kang, bhi m'ee gurum nhighin w'u m'ee sarr nyi a w'u shi-shwaa. 2Pakk gurum w'u dhighin Luh'kang ni mwopp phi lyap arr w'u tihh mwopp y'aa Jesu diy kihh shig tep w'aar, bhi mwopp kihh lang'bhongg nyi nyakk tihh mwopp naah diy kooh kyed diy bar gwoh mhizeh ni p'ar Puus Nookdyi oh. 3Bhi Jesu satt gwooh sarr nyi a w'u shi-shwaa seh le, “Yakhal taah ghi dharr se kihnaar.”
4Bhi Jesu nang phi gurum ni mwopp le, “A meehrangg a bii w'u W'aar khi Naan kihh mak yet tihh gurum sh'in p'ar Puus Nookdyi: a sh'in khi bii wu'rett aa'h, h'aa kooh a sh'in khi bii wu'bis ayeh? A bar seen gurum aa'h, h'aa kooh a t'u gurum ayeh?” Bhi gurum ni mwopp tong dh'ok.
5Jesu naah mwopp shikhir kaat sh'i tukhupshaan, bhi tukhup nyi wad pwetd kihh rooh phitukhup gurum ni mwopp lapprau, bhi satt gwoh sarr nyi a w'u shi-shwaa seh le, “Ghi zan sarr gha ni.” Bhi gwoh ni zan sarr niy ni, bhi sarr nyi ni kakhamm kihhdihng'dihng b'aa ji kop sat. 6Bhi Farisiiy mwopp pwat mwopp y'aa kukhul-bhellepp kihshag kihh mhi-tuppbwoonn Miskakhamm Hiridus kaah arr w'u tihh mwopp t'u Jesu diy.
Dw'uu gurum mwopp langdang Jesu
7Jesu dhel kihh zheppkamm keeniy mwopp sam dum pwoo kur'am, bhi v'ur dw'uu gurum w'u mwopp mwan pwat Galili mwopp langdang nyi. 8Kaarooh gurum mwopp klihng v'ur bii w'u Jesu kihh mwan sh'in, bhi mwopp tong pwat yill Yahudiya, kihh Urshalima, kihh Idumeya, kihh gaar'yill w'u takhann yit'am Urdu wu'zeh, kihh koghobyill Sidoniya kihh Taaya zag, mwopp pwat ja kihpee nyi diy. 9Vurr dw'uu khi gurum ni mwopp mun yon pwetd, bhi Jesu satt zheppkamm keeniy mwopp le nw'aa kad reb m'ee l'aa kong'am riy tihh riy dhel tong dhighin, tapp'baa gurum ni mwopp mokhos riy. 10Pee'rooh Jesu baa bar v'ur mhi'shwal dhess, bhi v'ur kakhar gurum w'u mwopp kihh shiin-kakhamm mwopp kihh tosspee ja tihh mwopp kad arr bwum nyi diy. 11Mihh riin wu'bis mwopp naah nyi, bhi mwopp kihh chaat yill tekhem nyi mwopp kihh fwa kurrai mwopp le, “A gha a L'aa khi Naan oou!” 12Weett kihhsheh bhi Jesu kihh gab'waar riin wu'bis ni mwopp bhall-bhall le tapp nw'aa diy satt kooh riy a weeh mou.
Jesu blihp zhepp'lop kaghapaad baa'vel
(Mat 10:1-4; Luk 6:12-16)
13Jesu k'aa dum shi'bwut m'ee bwumm shi bhi peet mwooh kihh dh'om lhija kihpee niy diy, bhi mwopp ja. 14Bhi kok gurum kaghapaad baa'vel dhighin mwopp, peet wu'mwopp zhepp'lop, w'u tihh mwopp tong diy twass dang niy, tihh lop mwopp diy lhidum satt pwooNaan; 15yakhal tihh pihh pee diy mwopp p'ee pwat kihh v'ur riin wu'bis mwopp. 16A gurum w'u kaghapaad baa'vel w'u Jesu kok mwopp ni se: Siman, w'u Jesu l'e shumm w'u a Bitrus nyi; 17kihh Yakub em Zebedi mwopp kihh emnhikhin Yohanna, w'u Jesu l'e shumm mwopp Boanerges, w'u shiiy khinyi a zhepp khi naan'tihngg. 18Kihh Andrawus, kihh Filip, kihh Batalomi; kihh Matiw, kihh Tomas, kihh Yakub em Alfawus, kihh Tadewus; kihh Siman Zhikhir'yill 19kihh Yahuda Iskaryoti, w'u gyet yakhal seett kihh Jesu seh.
Mwopp satt le Jesu kihh Beelzebub
(Mat 12:22-32; Luk 11:14-23; 12:10)
20Jesu dhel dhighin m'ee luh, bhi dw'uu gurum mwopp tuud ja dyi, harr baah Jesu kihh zheppkamm keeniy mwopp kad arr so soh mou. 21Kaarooh mwopp mhi Jesu ni mwopp klihng kihhsheh bhi mwopp dum p'ee y'aa nyi lhidhel, p'ee mwopp kihh satt le, “Ai a kaah nyi baa shikhir.”
22Bhi pakk Mhikamm-w'aar w'u mwopp tong Urshalima sam diy kihh satt le, “Ai, a Beelzebub miskakhamm khi mumullung mwopp dhel kaah nyi! Kihh pwat kihh mumullung mwopp a sh'i bhall mhi miskakhamm khi mumullung ni mwopp.”
23Bhi Jesu nang mwopp lhija bhi shin'pwoo kihh mwopp sh'i v'ur shumpwoo le, “Diy sh'in a rangg bhi Shetan diy shen Shetan ayeh? 24Mihh m'ee dhenglong shapkaah rah y'aa kob kihh sat, ai bhi baah nyi p'ee mak dharr mou. 25Yakhal tuluh w'u mihh shapkaah dhel dhighin bhi baah nyi p'ee dharr mou. 26Ai mihh Shetan diy y'aa kob kihh shin yakhal shapkaah niy, bhi baah nyi p'ee dharr mou; kyess khinyi ji-ji wull seh. 27Ih kihh satt wunn, baah gwooh p'ee mak dhel luh khi m'ee kokhorong gurum dheng'pee dyi-dyan kokhorong gurum ni dhangg mou? Mihh mak dyan nyi, bhi nyi p'ee mak fw'oom luh khinyi dhak ser'seh. 28Ih kihh satt a zeenn wunn, Naan p'ee mak fwa kapp shigbis kihh kas Naan w'u zhepp gurum mwopp kihh sh'in. 29Dhangg koohweeh w'u kas Riin Wu'bhangg bhi baah Naan p'ee fwa nyi gwoh ni mou; p'ee gwoh ni sh'in a shigbis w'u harr ngaa-ngaa.”
30Jesu satt kihhsheh a pee'rooh mwopp kihh satt le, “Ai nyi a kihh riin wu'bis.”
Nhikhin khi Jesu kihh emnhikhin nyi mwopp
(Mat 12:46-50; Luk 8:19-21)
31Bhi nhikhin khi Jesu kihh emnhikhin nyi mwopp jawull. Mwopp dyarrang kihtekhell bhi mwopp lop m'ee gurum lhidum tihh peet nyi diy lhiput runn. 32Dw'uu gurum mwopp kihh kwangg okhor ni dhen kihnaar, bhi mwopp dyangg nyi le, “Nhikhin keegha kihh em'nangg mwopp pwenn kihtekhell, mwopp kihh t'ang naah gha 'y.”
33Bhi Jesu nang phi mwopp le, “A mhiranggyeh mwopp a n'aah kihh em'naa mwopp?” 34Bhi le'yit niy naah mwooh kihh kwangg okhor riy seh bhi satt le, “A n'aah mwopp kihh em'naa mwopp se! 35Koohweeh w'u kihh sh'in bii w'u Naan kihh dh'om, bhi a nyi a em'naa, kihh wu'reep na, kihh n'aah zag.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation