Markus 4
4
Shumpwoo kaah g'u fwa sherem
(Mat 13:1-9; Luk 8:4-8)
1Jesu y'aa kamm dyi pwoo Kur'am Galili. Dw'uu gurum mwopp tuud ja okhor nyi pwetd harr dhel tong a dhighin kong'am kihdab kur'am ni, dheeh gurum ni wu'mwopp dheeh dyarrang pwoo'kihng. 2Bhi sh'in v'ur kamm mwopp dhess sh'i shumpwoo. Dhighin kamm ni bhi satt le, 3“Wu lang kom wu wu klihng a'n diy! M'ee gumaarr gyet dum fwa sherem keeniy. 4Kaarooh nyi kaah fwa sherem ni, bhi pakk chaat pwoo arr, bhi bul mwopp chakk sherem ni dyallang. 5Pakk sherem ni mwopp chaat kih gwakhapp-laar, pee w'u baah mwopp kad loonyill diy pwetd mou, bhi mwopp shikhir klakk bhee pee'rooh loonyill ni zhurruk mou. 6Dhangg kaarooh puus finn yit ra k'aa, bhi tihrr-puus y'aa mwopp, bhi mwopp shikhir fyaa, p'ee baah mwopp kad pee zhwal seen mou. 7Pakk sherem ni chaat dhighin ghir, bhi ghir ni mwopp nan, harr mwopp shwaa bhall khi bii'kopp ni, a kihhsheh bhi baah mwopp la zhepp mou. 8Dhangg pakk sherem dhebhenn ni mwopp chaat kih loonyill wu'rett, bhi mwopp bhee, mwopp nan, mwopp la zhepp; pakk wull laar kunn-kunn, pakk laar peemeh-peemeh, harr pakk wull dhaa kihmeh-kihmeh.”
9Bhi Jesu satt le, “Kapp gwooh kihh kom klihngpee bhi klihng oou!”
Shiiy shumpwoo kaah gu fwa sherem
(Mat 13:10-17; Luk 8:9-10)
10Kaarooh Jesu dheeh mhishin, bhi zheppkamm khinyi w'u kaghapaad baa'vel seh kihh pakk m'ee gurum mwopp diy mwopp ja nang shiiy shumpwoo ni mwopp phi nyi. 11Bhi satt mwopp le, “Mwopp pihh zokk mhi dhenglong khi Naan a wunn. Dhangg kihpee mwooh kihtekhell diy bhi ih kihh satt koohmeeh a sh'i shumpwoo 12tihh
“ ‘mwopp kihh naah diy, dhangg mwopp p'ee mak dyeeshiiy ni mou;
mwopp kihh klihng diy, dhangg mwopp p'ee mak manshiiy ni mou;
tappseh mwopp diy tu'wapp harr ih fwa shigbis khimwopp!’ ” #Ish 6:9-10
13Bhi Jesu nang phi mwopp le, “Wu manshiiy shumpwoo mhize ni mou aa'? Dheeh wunn p'ee sh'in a rangg wu manshiiy m'ee shumpwoo ni dyi ayeh? 14Shiiy khi g'u fwa sherem a gwooh kihh satt pwooNaan gurum mwopp. 15Shiiy khi sherem w'u chaat pwoo arr a gurum w'u mihh mwopp dhoghol klihng pwooNaan ni weett, bhi Shetan kihh ji m'ang pwoo ni lhi'baa phitukhup mwopp. 16Shiiy khi sherem w'u chaat kih gwakhapp-laar a gurum w'u mihh mwopp klihng pwooNaan bhi mwopp dhoghol lapp nyi sh'i rettyit; 17dhangg baah phitukhup mwopp kihh pee w'u tihh pwoo ni zhwal seen diy mou. A kihhsheh bhi baah mwopp kihh dharr dhighin pwoo nyi pwetd mou. Mihh m'ee reb l'uk kooh zheell diy yakhal kaah pwooNaan ni, bhi mwopp kihh shikhir pal wak ba. 18Dyi zag, shiiy khi sherem w'u chaat dhighin ghir a gurum w'u mwopp kihh klihng pwooNaan ni, 19dhangg v'ur annshik p'ee bii mhi yill mhize, kihh zhwaan'pee mhi long, kihh chakharr mhi v'ur kakhar bii mwopp shwaa bhall mhi pwooNaan w'u mwopp klihng seh, harr baah pwooNaan ni putshiin mou. 20Shiiy khi sherem w'u chaat kih loonyill wu'rett a gurum w'u mwopp kihh klihng pwooNaan, bhi mwopp lapp harr mwopp sh'in dhakk'wurett, kaa dhebhenn w'u pakk kihh la zhepp y'ee wull laar kunn-kunn, kooh laar peemeh-peemeh, harr pakk wull dhaa kihmeh-kihmeh mett bii w'u deh mwopp fwa seh.”
Dlengwus kihh pee'dhen keera
(Luk 8:16-18)
21Jesu waa so kihkyeen kihh laa'pwoo nang phi mwopp le, “A wee kihh cham dhel kihh dlengwus luh bhi krum kong dyikihh, kooh dhen der p'aal? Dhok kihh dhen dlengwus ni a kih pee'dhen keera 'y? 22Kapp bii w'u zih-zok bhi a tihh mwopp wooshiiy nyi diy, yakhal kapp bii w'u pihh-paah a tihh mwopp put diy kihh nyi kihgaak. 23Kapp gwooh kihh kom klihngpee bhi klihng!”
24Jesu waa so-kihkyeen dyi kihh kadpwoo le, “Wu kihh shwan bii w'u wunn phi klihng mwopp se rihh-rett. Zhangg'kamm w'u wu kamm diy, bhi Naan p'ee kamm nyi wu'wunn a dhighin zag, harr mett kihhsheh. 25Koohweeh w'u kihh bii, bhi mwopp p'ee waa pihh pakk dyi nyi; gwooh noott bii, bhi kooh a bii w'u nyi kihh nyi seh, bhi mwopp p'ee y'aa nyi lapp kih nyi.”
Shumpwoo kaah biikopp w'u phi y'on
26Jesu waa satt dyi le, “Dhenglong khi Naan ni a kihhshe se. Nyi a kaa gwooh fwa sherem dhebhenn bhokk niy. 27Byitt kihh m'ang, puus kihh r'u, bhi kooh dyinn gwoh ni a s'aam h'aa nyi a meenn oh, bhi sherem dhebhenn ni kihh bhee harr nan, kooh bhalang phirooh baah gwoh ni kihh mak manshiiy ni mou. 28A loonyill sh'i kaah mhisat kihh l'e tihh dhebhenn ni putshiin. Sh'ee bhi kihh l'e tihh yangg ni yon, dhangg dhebhenn ni shang kaah, harr kaah dhebhenn ni shukk y'ee. 29Mihh y'ee dhebhenn ni n'ung, bhi gubhokk nyi kihh zhemm der bii niy abet, p'ee tarr dyiip dhebhenn ni wull.”
Shumpwoo kaah y'ee mostad
(Mat 13:31,32,34; Luk 13:18,19)
30Jesu waa satt dyi le, “Munn p'ee satt le dhenglong khi Naan ni a kaa mihyeh shi se? H'aa kooh munn p'ee sh'in dhakk a kihh shumpwoo wu'kaarangg shi se tihh ih kammshiiy nyi diy? 31Nyi a kaah y'ee sherem mostad w'u a nyi a reb sherem w'u katmett kakharr sherem w'u mwopp kihh kopp yill. 32Dhangg mihh mwopp g'ung kopp, bhi kihh yon mett kakhar sheep w'u mwopp kihh kopp bongg weett. Kihh kwed kihh songg w'u harr bul-shaapp mwopp kihh ja lang dhighin ryiin nyi.”
33Jesu kihh satt pwooNaan gurum ni mwopp a sh'i shumpwoo w'u kaa mihhse se, chiitt kihh bii w'u mwopp p'ee mak manshiiy nyi. 34Baah kihh sh'in kamm mwopp dheng sh'in dhakk a kihh shumpwoo mou. Dhangg mihh dheeh mhishin kihh zheppkamm keeniy mwopp, bhi kihh yakshiiy koohmeeh mwopp.
Jesu dharr kihh vivirr
(Mat 8:23-27; Luk 8:22-25)
35P'ar mihhseh ni kan'sihkhin bhi Jesu satt zheppkamm keeniy mwopp le, “Mu taah mu dum takhann koghob wu'zeh.” 36Bhi mwopp yet dw'uu gurum ni mwopp dheeh, bhi mwopp tungg Jesu lhidhel dang shut dhighin kong'am w'u dyinn kihh tong dhighin seh. Pakk kong'am mwopp dang nyi zag. 37Bhi m'ee vivirr yakhal, bhi kihh kossok liiss'am shenn dhighin kong'am ni, harr a'm kihh t'ang gam kong ni. 38Jesu waa dheeh s'aam kih pillo dhighin kong ni, pwenn kihbwoon. Bhi zheppkamm ni mwopp dum m'ii nyi mwopp kihh satt nyi le, “Hah, Gukamm, kan ghi kakk rooh munn p'ee ky'em maah?” 39Jesu yakhal tepbhellepp kutt ni, yakhal satt liiss'am ni le, “Yi dhok tihkk! Sam yi teer chakhapp!” Bhi kutt nyi dharr, pee dharr tihkk.
40Bhi satt zheppkamm keeniy ni mwopp le, “A mihyeh l'e bhi kihkhirmuut yak wunn? Harr mwasseh bhi wunn kihh pihhzeenn mou aa'?” 41Nhikhin'teghem shwat zheppkamm khinyi ni mwopp pwetd, bhi mwopp kihh nang phi shag le, “A mee'wuyeh se kihhshe se, wunn'? Harr vivirr kihh liiss'am mwopp kihh klihng nyi 'y, mwopp'muun!”
ទើបបានជ្រើសរើសហើយ៖
Markus 4: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 4
4
Shumpwoo kaah g'u fwa sherem
(Mat 13:1-9; Luk 8:4-8)
1Jesu y'aa kamm dyi pwoo Kur'am Galili. Dw'uu gurum mwopp tuud ja okhor nyi pwetd harr dhel tong a dhighin kong'am kihdab kur'am ni, dheeh gurum ni wu'mwopp dheeh dyarrang pwoo'kihng. 2Bhi sh'in v'ur kamm mwopp dhess sh'i shumpwoo. Dhighin kamm ni bhi satt le, 3“Wu lang kom wu wu klihng a'n diy! M'ee gumaarr gyet dum fwa sherem keeniy. 4Kaarooh nyi kaah fwa sherem ni, bhi pakk chaat pwoo arr, bhi bul mwopp chakk sherem ni dyallang. 5Pakk sherem ni mwopp chaat kih gwakhapp-laar, pee w'u baah mwopp kad loonyill diy pwetd mou, bhi mwopp shikhir klakk bhee pee'rooh loonyill ni zhurruk mou. 6Dhangg kaarooh puus finn yit ra k'aa, bhi tihrr-puus y'aa mwopp, bhi mwopp shikhir fyaa, p'ee baah mwopp kad pee zhwal seen mou. 7Pakk sherem ni chaat dhighin ghir, bhi ghir ni mwopp nan, harr mwopp shwaa bhall khi bii'kopp ni, a kihhsheh bhi baah mwopp la zhepp mou. 8Dhangg pakk sherem dhebhenn ni mwopp chaat kih loonyill wu'rett, bhi mwopp bhee, mwopp nan, mwopp la zhepp; pakk wull laar kunn-kunn, pakk laar peemeh-peemeh, harr pakk wull dhaa kihmeh-kihmeh.”
9Bhi Jesu satt le, “Kapp gwooh kihh kom klihngpee bhi klihng oou!”
Shiiy shumpwoo kaah gu fwa sherem
(Mat 13:10-17; Luk 8:9-10)
10Kaarooh Jesu dheeh mhishin, bhi zheppkamm khinyi w'u kaghapaad baa'vel seh kihh pakk m'ee gurum mwopp diy mwopp ja nang shiiy shumpwoo ni mwopp phi nyi. 11Bhi satt mwopp le, “Mwopp pihh zokk mhi dhenglong khi Naan a wunn. Dhangg kihpee mwooh kihtekhell diy bhi ih kihh satt koohmeeh a sh'i shumpwoo 12tihh
“ ‘mwopp kihh naah diy, dhangg mwopp p'ee mak dyeeshiiy ni mou;
mwopp kihh klihng diy, dhangg mwopp p'ee mak manshiiy ni mou;
tappseh mwopp diy tu'wapp harr ih fwa shigbis khimwopp!’ ” #Ish 6:9-10
13Bhi Jesu nang phi mwopp le, “Wu manshiiy shumpwoo mhize ni mou aa'? Dheeh wunn p'ee sh'in a rangg wu manshiiy m'ee shumpwoo ni dyi ayeh? 14Shiiy khi g'u fwa sherem a gwooh kihh satt pwooNaan gurum mwopp. 15Shiiy khi sherem w'u chaat pwoo arr a gurum w'u mihh mwopp dhoghol klihng pwooNaan ni weett, bhi Shetan kihh ji m'ang pwoo ni lhi'baa phitukhup mwopp. 16Shiiy khi sherem w'u chaat kih gwakhapp-laar a gurum w'u mihh mwopp klihng pwooNaan bhi mwopp dhoghol lapp nyi sh'i rettyit; 17dhangg baah phitukhup mwopp kihh pee w'u tihh pwoo ni zhwal seen diy mou. A kihhsheh bhi baah mwopp kihh dharr dhighin pwoo nyi pwetd mou. Mihh m'ee reb l'uk kooh zheell diy yakhal kaah pwooNaan ni, bhi mwopp kihh shikhir pal wak ba. 18Dyi zag, shiiy khi sherem w'u chaat dhighin ghir a gurum w'u mwopp kihh klihng pwooNaan ni, 19dhangg v'ur annshik p'ee bii mhi yill mhize, kihh zhwaan'pee mhi long, kihh chakharr mhi v'ur kakhar bii mwopp shwaa bhall mhi pwooNaan w'u mwopp klihng seh, harr baah pwooNaan ni putshiin mou. 20Shiiy khi sherem w'u chaat kih loonyill wu'rett a gurum w'u mwopp kihh klihng pwooNaan, bhi mwopp lapp harr mwopp sh'in dhakk'wurett, kaa dhebhenn w'u pakk kihh la zhepp y'ee wull laar kunn-kunn, kooh laar peemeh-peemeh, harr pakk wull dhaa kihmeh-kihmeh mett bii w'u deh mwopp fwa seh.”
Dlengwus kihh pee'dhen keera
(Luk 8:16-18)
21Jesu waa so kihkyeen kihh laa'pwoo nang phi mwopp le, “A wee kihh cham dhel kihh dlengwus luh bhi krum kong dyikihh, kooh dhen der p'aal? Dhok kihh dhen dlengwus ni a kih pee'dhen keera 'y? 22Kapp bii w'u zih-zok bhi a tihh mwopp wooshiiy nyi diy, yakhal kapp bii w'u pihh-paah a tihh mwopp put diy kihh nyi kihgaak. 23Kapp gwooh kihh kom klihngpee bhi klihng!”
24Jesu waa so-kihkyeen dyi kihh kadpwoo le, “Wu kihh shwan bii w'u wunn phi klihng mwopp se rihh-rett. Zhangg'kamm w'u wu kamm diy, bhi Naan p'ee kamm nyi wu'wunn a dhighin zag, harr mett kihhsheh. 25Koohweeh w'u kihh bii, bhi mwopp p'ee waa pihh pakk dyi nyi; gwooh noott bii, bhi kooh a bii w'u nyi kihh nyi seh, bhi mwopp p'ee y'aa nyi lapp kih nyi.”
Shumpwoo kaah biikopp w'u phi y'on
26Jesu waa satt dyi le, “Dhenglong khi Naan ni a kihhshe se. Nyi a kaa gwooh fwa sherem dhebhenn bhokk niy. 27Byitt kihh m'ang, puus kihh r'u, bhi kooh dyinn gwoh ni a s'aam h'aa nyi a meenn oh, bhi sherem dhebhenn ni kihh bhee harr nan, kooh bhalang phirooh baah gwoh ni kihh mak manshiiy ni mou. 28A loonyill sh'i kaah mhisat kihh l'e tihh dhebhenn ni putshiin. Sh'ee bhi kihh l'e tihh yangg ni yon, dhangg dhebhenn ni shang kaah, harr kaah dhebhenn ni shukk y'ee. 29Mihh y'ee dhebhenn ni n'ung, bhi gubhokk nyi kihh zhemm der bii niy abet, p'ee tarr dyiip dhebhenn ni wull.”
Shumpwoo kaah y'ee mostad
(Mat 13:31,32,34; Luk 13:18,19)
30Jesu waa satt dyi le, “Munn p'ee satt le dhenglong khi Naan ni a kaa mihyeh shi se? H'aa kooh munn p'ee sh'in dhakk a kihh shumpwoo wu'kaarangg shi se tihh ih kammshiiy nyi diy? 31Nyi a kaah y'ee sherem mostad w'u a nyi a reb sherem w'u katmett kakharr sherem w'u mwopp kihh kopp yill. 32Dhangg mihh mwopp g'ung kopp, bhi kihh yon mett kakhar sheep w'u mwopp kihh kopp bongg weett. Kihh kwed kihh songg w'u harr bul-shaapp mwopp kihh ja lang dhighin ryiin nyi.”
33Jesu kihh satt pwooNaan gurum ni mwopp a sh'i shumpwoo w'u kaa mihhse se, chiitt kihh bii w'u mwopp p'ee mak manshiiy nyi. 34Baah kihh sh'in kamm mwopp dheng sh'in dhakk a kihh shumpwoo mou. Dhangg mihh dheeh mhishin kihh zheppkamm keeniy mwopp, bhi kihh yakshiiy koohmeeh mwopp.
Jesu dharr kihh vivirr
(Mat 8:23-27; Luk 8:22-25)
35P'ar mihhseh ni kan'sihkhin bhi Jesu satt zheppkamm keeniy mwopp le, “Mu taah mu dum takhann koghob wu'zeh.” 36Bhi mwopp yet dw'uu gurum ni mwopp dheeh, bhi mwopp tungg Jesu lhidhel dang shut dhighin kong'am w'u dyinn kihh tong dhighin seh. Pakk kong'am mwopp dang nyi zag. 37Bhi m'ee vivirr yakhal, bhi kihh kossok liiss'am shenn dhighin kong'am ni, harr a'm kihh t'ang gam kong ni. 38Jesu waa dheeh s'aam kih pillo dhighin kong ni, pwenn kihbwoon. Bhi zheppkamm ni mwopp dum m'ii nyi mwopp kihh satt nyi le, “Hah, Gukamm, kan ghi kakk rooh munn p'ee ky'em maah?” 39Jesu yakhal tepbhellepp kutt ni, yakhal satt liiss'am ni le, “Yi dhok tihkk! Sam yi teer chakhapp!” Bhi kutt nyi dharr, pee dharr tihkk.
40Bhi satt zheppkamm keeniy ni mwopp le, “A mihyeh l'e bhi kihkhirmuut yak wunn? Harr mwasseh bhi wunn kihh pihhzeenn mou aa'?” 41Nhikhin'teghem shwat zheppkamm khinyi ni mwopp pwetd, bhi mwopp kihh nang phi shag le, “A mee'wuyeh se kihhshe se, wunn'? Harr vivirr kihh liiss'am mwopp kihh klihng nyi 'y, mwopp'muun!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation