Markus 5
5
Jesu pwan mumullung dhighin m'ee gurum
(Mat 8:28-34; Luk 8:36-39)
1Jesu mwopp kihh zheppkamm keeniy mwopp shan kur'am taah k'aa koghob yill khi Gerasina mwopp. 2Kaarooh Jesu put dhighin kong'am, bhi m'ee gurum shi w'u kihh riin wu'bis tong kih kihshirr ji p'ee dharr d'aam nyi diy nyafv. 3Gwoh ni gyet kihh tong a kih kihshirr, baah m'ee gurum kihh mak dyan nyi dyi mou, kooh kihh tenggshaghal maah. 4Mwopp shwaa dyan nyi sh'i tenggshaghal sarr kihh kwag, dhangg mihh yakhal bhi kihh kossok tenggshaghal ni harr trep as-shaghal w'u kwag niy chiit seh. Baah m'ee gurum mak mett bhall mhinyi mou. 5Khipar kihh puus bhi kihh mw'aan a kih kihshirr kihh kihdab v'ur zhwakk mwopp kihh arrap wall diy, yakhal kihh m'ang shin twarras kihh pangg mwopp.
6Kaarooh naah Jesu zhong-zhong, bhi pwoorr shu'shu taah kurum kih fr'um niy tekhem nyi. 7Bhi piin gag dhekheh niy bhall-bhall le, “A mihyeh kang munn kihh gha ayeh, Jesu L'aa khi Naan W'u Mettweett oou? Ghi choorNaan a'n ghi le baah gha pee ninnshiin a'n mou!” 8Gwoh ni satt kihhsheh a pee'rooh baa dyinn Jesu khi t'en satt nyi le, “Ghi put dhighin gwoh mhize ni, gha riin wu'bis!” 9Bhi Jesu nang phi nyi le, “Shumm gha a wuyeh?”
Bhi lapp nyi le, “Shumm nah a Munn'dwuu 'y, p'ee munn dhess.” 10Bhi y'aa so'kumbokk Jesu matt tapp shen runn lhidhel koghobyill mhizeh ni mou.
11M'ee dw'uu tughuzluh gyet mwopp tapp shi'bwut m'ee bwumm w'u kuss kihh pee mhizeh ni. 12Bhi mumullung ni mwopp so'kumbokk Jesu le, “Ghi shenn munn lhidum naar tughuzluh ni mwopp; pihh pee munn tihh mu dhel diy dhighin mwopp.” 13Bhi Jesu pihh pee mwopp. A nyi seh bhi mumullung ni mwopp pwat duam dhel dhighin tughuzluh ni mwopp. Gyet dw'uu khi tughuzluh ni mwopp wull kaa jig vel se; bhi mwopp pwoorrpee tu'ru'ru'ru sam sh'i m'ee z'or bwumm ni, mwopp sam rwa dhighin kur'am ni, mwopp ky'em rihh'wit!
14A nyi seh bhi mhitapp tughuzluh ni mwopp shwa reen, mwopp dum yakshiiy bii mihhseh dhighin tughuzyill ni kihh kwangyill ni mwopp weett, bhi gurum ni mwopp pwat shwa ja p'ee naah bii w'u yakhal seh. 15Kaarooh gurum ni mwopp jawull kihpee Jesu diy, bhi mwopp naah gwooh deh dw'uu mumullung mwopp dhighin nyi seh kihh tong nhighin, kihh looh shin, yakhal kaah nyi b'aa ji dihhreh, bhi bhaann chaat bwut mwopp. 16Mwooh dyinn naah bii ni kihh yit ru, mwopp yakshiiy bii w'u Jesu sh'in gwooh dyinn mumullung mwopp dhighin nyi seh, yakhal mwopp yakshiiy bii w'u kad tughuzluh ni mwopp zag. 17Bhi gurum ni mwopp y'aa so'kumbokk Jesu tihh yet yill khimwopp diy.
18Kaarooh Jesu kihh t'ang dhel dhighin kong'am, bhi gwooh dyinn mumullung mwopp dhighin nyi seh y'aa so'kumbokk nyi le riy kihh t'ang dumdang gw'ar. 19Dhangg baah Jesu yet nyi tihh ji diy dang niy mou, kop kihhsheh, bhi sat nyi le, “Ghi dum tuluh kihpee mhiluh keegha mwopp diy, bhi ghi yakshiiy bii w'u Daah Naan sh'in gha, kihh rooh naah kaahdhoonn keegha.” 20A nyi seh, bhi gwoh ni dhel, bhi y'aa fwa-bhellepp koohneeh dhighin koghobyill Dekapolis kaah bii w'u Jesu sh'in riy. Bhi bii ni aa'phi gurum mwopp weett.
Laa'reep w'u m'uut kihh mat nhi'shwal dheer teghem
(Mat 9:18-26; Luk 8:40-56)
21Kaarooh Jesu dhel kong'am shan baa'taah koghob kur'am wu'zeh, bhi dw'uu gurum mwopp ja okhor nyi kaarooh nyi kudyi nhighin pwoo'am. 22Bhi kihmeh dhighin mhi-kihkyeen khi Luh'kang w'u shumm nyi a Jariyus ji nhighin. Kaarooh naah Jesu, bhi taah yill tekhem nyi; 23so'kumbokk nyi le, “Reb reep na dheeh a arr muutt. Kum'bokk, ji ghi l'e sarr gha kih nyi tihh kakhamm diy tong kihh seen.” 24A nyi seh, bhi Jesu dumdang gwoh ni. Dw'uu gurum mwopp tuud langdang Jesu harr mwopp kihh mokhos nyi.
25Kaarooh mwopp mwaan, bhi m'ee mat nhighin dang mwopp, w'u phigyet kihh zheell diy kihh m'ee shw'al dheer teghem p'ee byitt kaghapaad baa'vel. 26Mat ni baa gyet shwaazheell pwetd sarr dyeer dhakk khi mhiyen mwopp, harr t'u sarr rah kyes bhangg-bhangg, dhangg shw'al ni kihh sihkhitt yi-yangg. 27Kaarooh klihng pwookaah Jesu, bhi byaah ji kihbwoon nyi dhighin dw'uu khi gurum ni mwopp, ji bwum bh'aar khinyi. 28Mat ni sh'in kihhsheh pee'rooh m'ang dhighin phitukhup ra le, “Mihh a bwum looh'lop khinyi kyekk maah, bhi a'n p'ee kad kakhamm.” 29Abet bhi dheer teghem khi mat ni dharr chikk. Bhi klihng man dhighin shoopsat le rah kad kakhamm pwoo shw'al ni. 30Abet bhi Jesu kad bhall mhi bar shw'al put sh'i shin. Bhi buakhar dhighin dw'uu gurum ni mwopp bhi nang le, “A mee'wuyeh bwum looh'lop keena?” Bhi zheppkamm khinyi mwopp pring nyi le, 31“Hah, ghi naah kihpee gurum mwopp kihh mukhur diy kaah gha, bhi harr ghi kihh nang ghi le, ‘A mee'wuyeh bwum a'n a'ng?’ ”
32Weett kihhsheh bhi Jesu a kaah dyeepee vitt, tihh naah gwooh bwum riy diy. 33A nyi seh bhi mat ni pun satt ji, pee'rooh man bii w'u kad rah, bhi ji taah yill tekhem Jesu, shoopshik nyi kihh lapptam sh'i kihkhirmuut p'ee man bii w'u ra sh'in, bhi satt zeenn mhi bii w'u rih sh'in seh Jesu kihhdihng. 34Bhi Jesu satt nyi le, “Reep na, pihhzeenn keeyi bar yi; mwan yi arr mig choorr-choorr. Kyes dhak.”
35Kaarooh Jesu kudyi kaah kadpwoo kihh mat mihhseh ni, bhi m'ee gurum mwopp tong luh Jariyus ja diy, mwopp satt nyi le, “Ai'yaa, reep gha shi baa sihkhitt, kakkrooh ghi kihh daam'pee Gukamm dyi a p'ee mihyeh?”
36Bhi Jesu naah m'ee yit niy kihh bii w'u mwopp satt seh, bhi satt gu-kihkyeen khi Luh'kang ni le, “Tapp kihkhirmuut y'aa gha mou, wu'gha dei ghi pihhzeenn.”
37Baah Jesu yet tihh menguh dum diy dang niy mou, seeh a Bitrus mwopp kihh Yakub, kihh Yohanna, w'u a emnhikhin Yakub ni mwopp kyekk. 38Kaarooh mwopp ji wull luh gu-kihkyeen khi Luh'kang ni, bhi Jesu kad pee tungg dhen se sarr maab kihh wuuh-wuuh. 39Jesu dhel kihfur bhi nang mwopp le, “A mihyeh a shiiy khi maab kihh wuuh-wuuh w'u wunn shi'pwoo se? Ai, baa laa'reep ni mih'muut mou, nyi a s'aam kyekk.” 40Bhi gurum ni mwopp sh'in shwar'zal nyi.
Bwoonrooh Jesu shen mwopp lhipwat kihtekhell weett, bhi l'e tihh puup khi laa'reep ni, kihh nhikhin khinyi, kihh zheppkamm w'u mwopp dang niy seh, mwopp dhel dang niy dhighin luh w'u laa'reep ni kihh dhen diy. 41Bhi y'aa sarr laa'reep ni, bhi satt nyi le, “Talita kum!” Shiiy khi nyi a, “Laa'reep Oo, ih kihh satt yi, yi yakhal!” 42Abet bhi laa'reep nyi shass yakhal dharr, y'aa mwaan. (Laa'reep ni gyet baa wull kaa byitt kaghapaad baa'vel se.) Bhi bii ni aa'phi gurum ni mwopp pwetd. 43Bhi Jesu satt kihhkangg mwopp nett-nett le tapp nw'aa diy yet menguh man bii mihhseh mou. Bhi satt mwopp le nw'aa kad mee'bii pihh laa'reep ni so.
ទើបបានជ្រើសរើសហើយ៖
Markus 5: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 5
5
Jesu pwan mumullung dhighin m'ee gurum
(Mat 8:28-34; Luk 8:36-39)
1Jesu mwopp kihh zheppkamm keeniy mwopp shan kur'am taah k'aa koghob yill khi Gerasina mwopp. 2Kaarooh Jesu put dhighin kong'am, bhi m'ee gurum shi w'u kihh riin wu'bis tong kih kihshirr ji p'ee dharr d'aam nyi diy nyafv. 3Gwoh ni gyet kihh tong a kih kihshirr, baah m'ee gurum kihh mak dyan nyi dyi mou, kooh kihh tenggshaghal maah. 4Mwopp shwaa dyan nyi sh'i tenggshaghal sarr kihh kwag, dhangg mihh yakhal bhi kihh kossok tenggshaghal ni harr trep as-shaghal w'u kwag niy chiit seh. Baah m'ee gurum mak mett bhall mhinyi mou. 5Khipar kihh puus bhi kihh mw'aan a kih kihshirr kihh kihdab v'ur zhwakk mwopp kihh arrap wall diy, yakhal kihh m'ang shin twarras kihh pangg mwopp.
6Kaarooh naah Jesu zhong-zhong, bhi pwoorr shu'shu taah kurum kih fr'um niy tekhem nyi. 7Bhi piin gag dhekheh niy bhall-bhall le, “A mihyeh kang munn kihh gha ayeh, Jesu L'aa khi Naan W'u Mettweett oou? Ghi choorNaan a'n ghi le baah gha pee ninnshiin a'n mou!” 8Gwoh ni satt kihhsheh a pee'rooh baa dyinn Jesu khi t'en satt nyi le, “Ghi put dhighin gwoh mhize ni, gha riin wu'bis!” 9Bhi Jesu nang phi nyi le, “Shumm gha a wuyeh?”
Bhi lapp nyi le, “Shumm nah a Munn'dwuu 'y, p'ee munn dhess.” 10Bhi y'aa so'kumbokk Jesu matt tapp shen runn lhidhel koghobyill mhizeh ni mou.
11M'ee dw'uu tughuzluh gyet mwopp tapp shi'bwut m'ee bwumm w'u kuss kihh pee mhizeh ni. 12Bhi mumullung ni mwopp so'kumbokk Jesu le, “Ghi shenn munn lhidum naar tughuzluh ni mwopp; pihh pee munn tihh mu dhel diy dhighin mwopp.” 13Bhi Jesu pihh pee mwopp. A nyi seh bhi mumullung ni mwopp pwat duam dhel dhighin tughuzluh ni mwopp. Gyet dw'uu khi tughuzluh ni mwopp wull kaa jig vel se; bhi mwopp pwoorrpee tu'ru'ru'ru sam sh'i m'ee z'or bwumm ni, mwopp sam rwa dhighin kur'am ni, mwopp ky'em rihh'wit!
14A nyi seh bhi mhitapp tughuzluh ni mwopp shwa reen, mwopp dum yakshiiy bii mihhseh dhighin tughuzyill ni kihh kwangyill ni mwopp weett, bhi gurum ni mwopp pwat shwa ja p'ee naah bii w'u yakhal seh. 15Kaarooh gurum ni mwopp jawull kihpee Jesu diy, bhi mwopp naah gwooh deh dw'uu mumullung mwopp dhighin nyi seh kihh tong nhighin, kihh looh shin, yakhal kaah nyi b'aa ji dihhreh, bhi bhaann chaat bwut mwopp. 16Mwooh dyinn naah bii ni kihh yit ru, mwopp yakshiiy bii w'u Jesu sh'in gwooh dyinn mumullung mwopp dhighin nyi seh, yakhal mwopp yakshiiy bii w'u kad tughuzluh ni mwopp zag. 17Bhi gurum ni mwopp y'aa so'kumbokk Jesu tihh yet yill khimwopp diy.
18Kaarooh Jesu kihh t'ang dhel dhighin kong'am, bhi gwooh dyinn mumullung mwopp dhighin nyi seh y'aa so'kumbokk nyi le riy kihh t'ang dumdang gw'ar. 19Dhangg baah Jesu yet nyi tihh ji diy dang niy mou, kop kihhsheh, bhi sat nyi le, “Ghi dum tuluh kihpee mhiluh keegha mwopp diy, bhi ghi yakshiiy bii w'u Daah Naan sh'in gha, kihh rooh naah kaahdhoonn keegha.” 20A nyi seh, bhi gwoh ni dhel, bhi y'aa fwa-bhellepp koohneeh dhighin koghobyill Dekapolis kaah bii w'u Jesu sh'in riy. Bhi bii ni aa'phi gurum mwopp weett.
Laa'reep w'u m'uut kihh mat nhi'shwal dheer teghem
(Mat 9:18-26; Luk 8:40-56)
21Kaarooh Jesu dhel kong'am shan baa'taah koghob kur'am wu'zeh, bhi dw'uu gurum mwopp ja okhor nyi kaarooh nyi kudyi nhighin pwoo'am. 22Bhi kihmeh dhighin mhi-kihkyeen khi Luh'kang w'u shumm nyi a Jariyus ji nhighin. Kaarooh naah Jesu, bhi taah yill tekhem nyi; 23so'kumbokk nyi le, “Reb reep na dheeh a arr muutt. Kum'bokk, ji ghi l'e sarr gha kih nyi tihh kakhamm diy tong kihh seen.” 24A nyi seh, bhi Jesu dumdang gwoh ni. Dw'uu gurum mwopp tuud langdang Jesu harr mwopp kihh mokhos nyi.
25Kaarooh mwopp mwaan, bhi m'ee mat nhighin dang mwopp, w'u phigyet kihh zheell diy kihh m'ee shw'al dheer teghem p'ee byitt kaghapaad baa'vel. 26Mat ni baa gyet shwaazheell pwetd sarr dyeer dhakk khi mhiyen mwopp, harr t'u sarr rah kyes bhangg-bhangg, dhangg shw'al ni kihh sihkhitt yi-yangg. 27Kaarooh klihng pwookaah Jesu, bhi byaah ji kihbwoon nyi dhighin dw'uu khi gurum ni mwopp, ji bwum bh'aar khinyi. 28Mat ni sh'in kihhsheh pee'rooh m'ang dhighin phitukhup ra le, “Mihh a bwum looh'lop khinyi kyekk maah, bhi a'n p'ee kad kakhamm.” 29Abet bhi dheer teghem khi mat ni dharr chikk. Bhi klihng man dhighin shoopsat le rah kad kakhamm pwoo shw'al ni. 30Abet bhi Jesu kad bhall mhi bar shw'al put sh'i shin. Bhi buakhar dhighin dw'uu gurum ni mwopp bhi nang le, “A mee'wuyeh bwum looh'lop keena?” Bhi zheppkamm khinyi mwopp pring nyi le, 31“Hah, ghi naah kihpee gurum mwopp kihh mukhur diy kaah gha, bhi harr ghi kihh nang ghi le, ‘A mee'wuyeh bwum a'n a'ng?’ ”
32Weett kihhsheh bhi Jesu a kaah dyeepee vitt, tihh naah gwooh bwum riy diy. 33A nyi seh bhi mat ni pun satt ji, pee'rooh man bii w'u kad rah, bhi ji taah yill tekhem Jesu, shoopshik nyi kihh lapptam sh'i kihkhirmuut p'ee man bii w'u ra sh'in, bhi satt zeenn mhi bii w'u rih sh'in seh Jesu kihhdihng. 34Bhi Jesu satt nyi le, “Reep na, pihhzeenn keeyi bar yi; mwan yi arr mig choorr-choorr. Kyes dhak.”
35Kaarooh Jesu kudyi kaah kadpwoo kihh mat mihhseh ni, bhi m'ee gurum mwopp tong luh Jariyus ja diy, mwopp satt nyi le, “Ai'yaa, reep gha shi baa sihkhitt, kakkrooh ghi kihh daam'pee Gukamm dyi a p'ee mihyeh?”
36Bhi Jesu naah m'ee yit niy kihh bii w'u mwopp satt seh, bhi satt gu-kihkyeen khi Luh'kang ni le, “Tapp kihkhirmuut y'aa gha mou, wu'gha dei ghi pihhzeenn.”
37Baah Jesu yet tihh menguh dum diy dang niy mou, seeh a Bitrus mwopp kihh Yakub, kihh Yohanna, w'u a emnhikhin Yakub ni mwopp kyekk. 38Kaarooh mwopp ji wull luh gu-kihkyeen khi Luh'kang ni, bhi Jesu kad pee tungg dhen se sarr maab kihh wuuh-wuuh. 39Jesu dhel kihfur bhi nang mwopp le, “A mihyeh a shiiy khi maab kihh wuuh-wuuh w'u wunn shi'pwoo se? Ai, baa laa'reep ni mih'muut mou, nyi a s'aam kyekk.” 40Bhi gurum ni mwopp sh'in shwar'zal nyi.
Bwoonrooh Jesu shen mwopp lhipwat kihtekhell weett, bhi l'e tihh puup khi laa'reep ni, kihh nhikhin khinyi, kihh zheppkamm w'u mwopp dang niy seh, mwopp dhel dang niy dhighin luh w'u laa'reep ni kihh dhen diy. 41Bhi y'aa sarr laa'reep ni, bhi satt nyi le, “Talita kum!” Shiiy khi nyi a, “Laa'reep Oo, ih kihh satt yi, yi yakhal!” 42Abet bhi laa'reep nyi shass yakhal dharr, y'aa mwaan. (Laa'reep ni gyet baa wull kaa byitt kaghapaad baa'vel se.) Bhi bii ni aa'phi gurum ni mwopp pwetd. 43Bhi Jesu satt kihhkangg mwopp nett-nett le tapp nw'aa diy yet menguh man bii mihhseh mou. Bhi satt mwopp le nw'aa kad mee'bii pihh laa'reep ni so.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation