Markus 6
6
Mwopp shiih lapp Jesu Nazaret
(Mat 13:53-58; Luk 4:16-30)
1Jesu yet pee mhizeh ni bhi dum tughuzyill miin'niy, mwopp dangshag kihh zheppkamm keeniy mwopp. 2Kaarooh Puus Nookdyi wull, bhi y'aa kamm dhighin Luh'kang, bhi aa'phi kapp mwooh mwopp kihh klihng nyi.
Bhi gurum ni mwopp kihh nang phishag le, “Gwoh mhize ni dum kad bii mihhse mwopp a nihyeh kihhshe wunn'? Dum kad man'soon kihh bhall mhi sh'in bii'aapwoo wu'kihhshe a nihyeh? 3A gwoh mhizeh ni a kafinta shi mou aa'? A nyi a em khi Maryamu mou aa'? Dhok a nyi sh'i a emnhikhin Yakub mwopp kihh Yusufu, kihh Yahuda kihh Siman e'? Dhok emnhikhin nyi wu'raapp mwopp nihghinse kihh munn e'?” Bhi shaan mwopp harr laahyit mwopp kihh nyi.
4Bhi Jesu satt mwopp le, “Mwopp kihh bheez gu'wanggshiiy a tughuzyill miin'niy, naar seghen khinyi kihh mhiluh khinyi mwopp zag”. 5A kihhsheh bhi baah Jesu mak sh'in m'ee bii'aapwoo nhighin, dhel kihh rooh l'e sarr niy kih m'ee mhi'shwal mwopp lee kyekk bar mwopp diy mou. 6Bhi aa'phi nyi pwetd kihh shiin-pihhzeenn khimwopp. Bhi Jesu y'aa mwaan dum kwangpee-kwangpee kihh sh'in kamm diy.
Jesu lop zheppkamm keeniy mwopp satt pwooNaan
(Mat 10:5-15; Luk 9:1-6)
7Jesu peet zheppkamm keeniy w'u Kaghapaad baa'vel seh lhija, bhi lop mwopp vel-vel, yakhal pihh pee mwopp kaah riin wu'bis mwopp. 8Satt mwopp le, “Tapp wu m'ang mee'bii p'ee mwaan ni mou, seeh kooh a kam-mwaan kyekk. Tapp wu m'ang m'ee biisoh, kooh kullug, kooh shaghal dhighin daam'shaghal keewu mou. 9Wu rwan kwaghashag, dhangg tapp wu m'ang bh'aar wu'vel mou. 10Mihh wu sam m'ee tuluh, bhi wu tong kihh mwopp harr puus w'u wunn p'ee yet tughuzyill mhizeh ni diy. 11Mihh m'ee yill shiih lapp wunn kooh shiih klihng wunn, bhi yet khishikhitt ni; wu bwap orrong w'u sh'i kwag wuh lhi'baa sh'i shuk p'ee ten'yim kaah gurum w'u khishikhitt mhizeh ni mwopp.”
12Bhi zheppkamm ni mwopp y'aa mwaan, mwopp kihh satt pwooNaan gurum mwopp le nw'aa tu'wapp. 13Mwopp pwat kihh mumullung dhess, yakhal mwopp m'um mw'oor khi mhi'shwal mwopp dhess, mwopp bar mwopp.
Mwopp t'u Yohanna Gu-Baptisma
(Mat 14:1-12; Luk 9:7-9)
14Miskakhamm Hiridus klihng bii mihhseh, p'ee gurum mwopp man pwookaah Jesu koohneeh. Pakk gurum kihh satt le, “Ai a Yohanna Gu-Baptisma waa yakhal kih peemuutt, a nyi a bii w'u l'e bhi nyi kihh maa'pee mhi sh'in bii'aapwoo mihhse mwopp.”
15Dhangg pakk gurum ni mwopp kihh satt le, “Jesu ni a Iliya gu'wanggshiiy.”
Dhangg dyi zag, pakk mwopp kihh satt le, “Jesu ni a m'ee gu'wanggshiiy kaa m'ee mhi-wanggshiiy w'u gyetshak se.”
16Dhangg kaarooh Hiridus klihng bii w'u gurum mwopp phi satt nyi kaah Jesu seh, bhi satt le, “Ai a Yohanna w'u gyet ih l'e tihh mwopp gabkaah nyi seh waa yakhal kih peemuutt!”
17P'ee Hiridus sh'i kaah niy gyet shenn l'op tihh mwopp y'aa Yohanna diy, bhi bwakhat nyi luh'shakhat. Gyet bwakhat nyi a phishumm tihh rett diy yit Herodiyas, mat khi emnhikhin niy Filip w'u gyet Hiridus ni lapp. 18P'ee gyet Yohanna kihh satt Hiridus le, “Baah nyi dihhreh tihh ghi lapp mat khi em'nangg mou.” 19A nyi seh, bhi Herodiyas looh Yohanna phitukhup ra, harr kihh t'ang t'u nyi, dhangg baah kad arr mou, 20p'ee Hiridus kihh kihkhir Yohanna ni, p'ee man le nyi a gu-shigrett, nyi a Gwoohbhangg, a kihhsheh bhi l'e tihh mwopp kihh tapp nyi diy. Kihh aa'phi Hiridus pwetd, kadmihh Yohanna kaah kadpwoo khinyi, weett kihhsheh, bhi kihh naah le dyinn riy kihh witt tong klihng a pwoo khi Yohanna ni.
21Kyess nyi, bhi Herodiyas kad arr t'u Yohanna shwa'iy. P'ar puus'laa khi Hiridus, bhi l'e tihh mwopp sh'in gag m'ee soh'var mhi rettyit mhidhakk keeniy wu'nan kihh kommanda mhi mhi'lek keeniy mwopp, kihh mwoohnan w'u yill Galili zag. 22Kaarooh reep khi Herodiyas ji sh'in tam kihkyeen Hiridus mwopp kihh mhizeb keeniy w'u phi soh dang nyi, bhi rettyit mwopp kihh reep ni pwetd.
Bhi Miskakhamm Hiridus satt laa'reep ni le, “Yi nang kapp bii w'u yi kihh dh'om pwoo na, bhi a'n p'ee pihh ni yi.” 23Hiridus bwakhatbhellepp laa'reep ni harr sh'i choorbhellepp le, “Kapp bii w'u yi nang, bhi a'n p'ee pihh nyi yi, kooh dyinn wull a kar'yit dhenglong keena maah.”
24Bhi laa'reep ni put, dum nang phi nekhenn le, “N'aah, yi kad a'n p'ee nang a mihyeh?”
Nhikhin khinyi satt nyi le, “Yi nang a kaah Yohanna Gu-Baptisma.”
25Abet, bhi laa'reep ni b'aa ji kihpee Miskakhamm Hiridus diy laah-laah kihh dhangg keera le, “Ih kihh dh'om tihh ghi pihh a kaah Yohanna Gu-Baptisma se a'n kih kihh'yen mwasseh-mwasseh.”
26Bii mihhseh daam'pee Miskakhamm ni pwetd, dhangg p'ee choorbhellepp w'u baa dyinn sh'in seh, kihh naah yitlwaann mhi mhizeb w'u mwopp soh'var ni, bhi baah dh'om shiih dyikihh laa'reep ni mou. 27A nyi seh, bhi shenn gu'tu'gurum abet le gw'ar dum ji kihh kaah Yohanna. Bhi gwoh ni dum gab kaah Yohanna nhighin luh'shakhat. 28Ji kihh nyi kih kihh'yen, ji pihh laa'reep ni, bhi laa'reep ni lapp dum pihh nekhenn. 29Kaarooh zheppkamm khi Yohanna ni mwopp klihng rooh mwopp t'u nyi, bhi mwopp ji m'ang bott kumm nyi mwopp dum wum.
Jesu so kihh gurum jig paad
(Mat 14:13-21; Luk 9:10-17; Yoh 6:1-14)
30Zhepp'lop khi Jesu mwopp ja okhor nyi, bhi mwopp yak pwoodhakk mhi kapp bii w'u mwopp sh'in kihh bii w'u mwopp kamm. 31Dhangg pee'rooh dw'uu gurum mwopp kaah ja kihh reen, harr baah Jesu kihh zhepp'lop keeniy ni mwopp kad arr shenn soh pwoo ru mou, bhi Jesu satt zhepp'lop ni mwopp le, “Wu yakhal dang na, wunn kyekk dhakhatt kih shuk, mu dum m'ee pee w'u noott gurum tihh wu pann lapp'nook wuh diy.” 32Bhi mwopp dhel dhighin m'ee kong'am mhishut, mwopp dum m'ee pee w'u baah gurum mwopp nhighin mou. 33Weett kihhsheh, bhi gurum dhess mwopp naah mwopp man kaarooh mwopp yakhal dhel, bhi mwopp tong pwat v'ur tughuzyill mwopp chaat shu'shiiy, mwopp dum wull ky'een Jesu mwopp kihh zheppkamm keeniy pee w'u dyinn mwopp kihh dum diy seh. 34Kaarooh Jesu taah k'aa pwoo'kihng, naah dw'uu gurum ni mwopp, bhi kaah nyi dhoonn kih mwopp, p'ee mwopp a kaa tihm w'u noott gutapp se. A nyi seh bhi y'aa kamm bii dhess mwopp.#Rndw 27:17; 1Das 22:17; 2Zhy 18:16; Ezk 34:5
35Kaarooh pee wull kan'sihkhin, bhi zheppkamm khi Jesu ni mwopp ji satt nyi le, “Pee mhize ni a kol, pee w'u baah luh khi gurum mwopp nhighin mou, yakhal pee baa shee fwa. 36Ghi shenn gurum ni mwopp ser'seh tihh mwopp duam serrep biisoh diy shut dhighin v'ur kwangpee kihh zheb tughuzyill w'u koghob mihhse ni mwopp.” 37Bhi Jesu satt mwopp le, “Wu kad mee'bii wu pihh mwopp so.”
Bhi mwopp pring nyi le, “Ai mihhseh kihh nang a shaghaltarr mhi gurum kihmeh harr tarr pwoghokunn! Hah, munn p'ee t'u gag shaghal wu'kihhsheh kih gutt kyekk tihh mu pihh mwopp so aa'?”
38Bhi Jesu nang phi mwopp le, “Wunn kihh gihkhill gutt a k'ong ayeh? Dum wu naah.” Kaarooh mwopp dum naah, bhi mwopp b'aa ji satt nyi le, “Munn a kihh gihkhill gutt paad, kihh sherep vel e'h.”
39Bhi Jesu l'e tihh zheppkamm keeniy ni mwopp satt diy gurum ni mwopp kwangg yill shi'zhungg-shi'zhungg kih shit wu'bharak. 40Bhi mwopp kwangg yill shi'zhungg-shi'zhungg mhi gurum dhaa kihmeh-kihmeh pakk laar paad-paad. 41Bhi Jesu kok gihkhill gutt w'u paad kihh sherep wu'vel ni seh, bhi eep yit niy phikihtihngg plang Naan diy p'ee biisoh ni; bhi trep pihh zheppkamm keeniy mwopp tihh mwopp pihh dw'uu gurum ni mwopp. Yakhal shap sherep ni naar gurum ni mwopp weett zag. 42Bhi mwopp weett so abbhal, 43harr zheppkamm khi Jesu ni mwopp chakk v'ur bott gutt kihh bott sherep w'u mwan dheeh l'e, mwopp gam shikkah kaghapaad baa'vel dyishig. 44Dw'uu khi daass kyekk w'u mwopp so soh ni a gurum jig paad.
Jesu mwaan kihdab a'm
(Mat 14:22,33; Yoh 6:16-21)
45Kaarooh mwopp kyes, abet bhi Jesu l'e tihh zheppkamm keeniy wu'mwopp dhel kong'am tihh mwopp shan diy taah dum Betseida ky'een riy, bhi wu'nyi pann dheeh bwoon tihh shenn dw'uu gurum ni mwopp diy dhangg. 46Bwoonrooh yet gurum ni mwopp, bhi k'aa dum shi'bwut m'ee bwumm tihh kadpwoo diy kihh Naan. 47Kaarooh pee wull kansihkhin, bhi kong'am w'u zheppkamm khinyi mwopp dhighin seh wull kihnaar kur'am ni, dhangg wu'nyi a pwoo'kihng mhishin. 48Bhi naah kihpee zheppkamm keeniy ni mwopp kihh tassbhall diy kamm tungg kong'am ni weh, p'ee kutt kihh fiss mwopp lhi'baa a bwoonn. Kaa gonggpee wu'feerr mhi khipar se, bhi mw'aan shiiy niy kihdab kur'am ni taah dum kihpee mwopp diy. Sh'in kaa kihh t'ang a taah dhel phi mwopp se. 49Dhangg kaarooh mwopp naah kihh treng mwaan kihdab kur'am ni bhi mwopp ryeeh le a m'ee daazhiiy, bhi mwopp shwat kurrai chapp-chapp; 50p'ee mwopp naah nyi weett, bhi khighiy shwat mwopp pwetd. Abet, bhi Jesu satt mwopp le, “Wu ten'kihr wu! A a'n. Tapp lukhut t'u wunn mou.” 51Bhi Jesu k'aa dhighin kong'am ni dang mwopp, bhi kutt ni dharr. Bii ni aa'phi mwopp pwetd. 52Bii niy aa'phi mwopp pwetd p'ee baah gyet mwopp khi manshiiy rooh so kihh gurum jig paad kihh gutt paad kyekk seh mou, p'ee phitukhup mwopp kudyi kihh kihkhil.
Jesu bar mhi'shwal dhess Genesaret
(Mat 14:34-36)
53Kaarooh mwopp shan kur'am ni taah k'aa pwoo'kihng, bhi mwopp tungg kong'am ni dum kukhul Genesaret. 54Kaarooh mwopp kudyi kihh sih-sam yill dhighin kong'am ni, bhi gurum mwopp naah Jesu man. 55Bhi mwopp y'aa shu'shu duam koohneeh koghobyill mhizeh ni, mwopp kihh kok v'ur mhi'shwal kih p'aal lhidum kapp p'ee w'u mwopp klihng Jesu diy. 56Yakhal kapp pee w'u Jesu kihh dum diy, kooh a kwangyill, kooh a tughuzyill, kooh a v'ur pee mwopp, bhi gurum mwopp kihh kok v'ur mhi'shwal ja l'e kih luhtukk. Gurum ni mwopp kihh so'kumbokk Jesu tihh yet mhi'shwal ni mwopp bwum kooh a phi kleb bh'aar khinyi diy kyekk. Kapp mwooh mwopp bwum nyi, bhi mwopp kihh kad kakhamm.
ទើបបានជ្រើសរើសហើយ៖
Markus 6: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 6
6
Mwopp shiih lapp Jesu Nazaret
(Mat 13:53-58; Luk 4:16-30)
1Jesu yet pee mhizeh ni bhi dum tughuzyill miin'niy, mwopp dangshag kihh zheppkamm keeniy mwopp. 2Kaarooh Puus Nookdyi wull, bhi y'aa kamm dhighin Luh'kang, bhi aa'phi kapp mwooh mwopp kihh klihng nyi.
Bhi gurum ni mwopp kihh nang phishag le, “Gwoh mhize ni dum kad bii mihhse mwopp a nihyeh kihhshe wunn'? Dum kad man'soon kihh bhall mhi sh'in bii'aapwoo wu'kihhshe a nihyeh? 3A gwoh mhizeh ni a kafinta shi mou aa'? A nyi a em khi Maryamu mou aa'? Dhok a nyi sh'i a emnhikhin Yakub mwopp kihh Yusufu, kihh Yahuda kihh Siman e'? Dhok emnhikhin nyi wu'raapp mwopp nihghinse kihh munn e'?” Bhi shaan mwopp harr laahyit mwopp kihh nyi.
4Bhi Jesu satt mwopp le, “Mwopp kihh bheez gu'wanggshiiy a tughuzyill miin'niy, naar seghen khinyi kihh mhiluh khinyi mwopp zag”. 5A kihhsheh bhi baah Jesu mak sh'in m'ee bii'aapwoo nhighin, dhel kihh rooh l'e sarr niy kih m'ee mhi'shwal mwopp lee kyekk bar mwopp diy mou. 6Bhi aa'phi nyi pwetd kihh shiin-pihhzeenn khimwopp. Bhi Jesu y'aa mwaan dum kwangpee-kwangpee kihh sh'in kamm diy.
Jesu lop zheppkamm keeniy mwopp satt pwooNaan
(Mat 10:5-15; Luk 9:1-6)
7Jesu peet zheppkamm keeniy w'u Kaghapaad baa'vel seh lhija, bhi lop mwopp vel-vel, yakhal pihh pee mwopp kaah riin wu'bis mwopp. 8Satt mwopp le, “Tapp wu m'ang mee'bii p'ee mwaan ni mou, seeh kooh a kam-mwaan kyekk. Tapp wu m'ang m'ee biisoh, kooh kullug, kooh shaghal dhighin daam'shaghal keewu mou. 9Wu rwan kwaghashag, dhangg tapp wu m'ang bh'aar wu'vel mou. 10Mihh wu sam m'ee tuluh, bhi wu tong kihh mwopp harr puus w'u wunn p'ee yet tughuzyill mhizeh ni diy. 11Mihh m'ee yill shiih lapp wunn kooh shiih klihng wunn, bhi yet khishikhitt ni; wu bwap orrong w'u sh'i kwag wuh lhi'baa sh'i shuk p'ee ten'yim kaah gurum w'u khishikhitt mhizeh ni mwopp.”
12Bhi zheppkamm ni mwopp y'aa mwaan, mwopp kihh satt pwooNaan gurum mwopp le nw'aa tu'wapp. 13Mwopp pwat kihh mumullung dhess, yakhal mwopp m'um mw'oor khi mhi'shwal mwopp dhess, mwopp bar mwopp.
Mwopp t'u Yohanna Gu-Baptisma
(Mat 14:1-12; Luk 9:7-9)
14Miskakhamm Hiridus klihng bii mihhseh, p'ee gurum mwopp man pwookaah Jesu koohneeh. Pakk gurum kihh satt le, “Ai a Yohanna Gu-Baptisma waa yakhal kih peemuutt, a nyi a bii w'u l'e bhi nyi kihh maa'pee mhi sh'in bii'aapwoo mihhse mwopp.”
15Dhangg pakk gurum ni mwopp kihh satt le, “Jesu ni a Iliya gu'wanggshiiy.”
Dhangg dyi zag, pakk mwopp kihh satt le, “Jesu ni a m'ee gu'wanggshiiy kaa m'ee mhi-wanggshiiy w'u gyetshak se.”
16Dhangg kaarooh Hiridus klihng bii w'u gurum mwopp phi satt nyi kaah Jesu seh, bhi satt le, “Ai a Yohanna w'u gyet ih l'e tihh mwopp gabkaah nyi seh waa yakhal kih peemuutt!”
17P'ee Hiridus sh'i kaah niy gyet shenn l'op tihh mwopp y'aa Yohanna diy, bhi bwakhat nyi luh'shakhat. Gyet bwakhat nyi a phishumm tihh rett diy yit Herodiyas, mat khi emnhikhin niy Filip w'u gyet Hiridus ni lapp. 18P'ee gyet Yohanna kihh satt Hiridus le, “Baah nyi dihhreh tihh ghi lapp mat khi em'nangg mou.” 19A nyi seh, bhi Herodiyas looh Yohanna phitukhup ra, harr kihh t'ang t'u nyi, dhangg baah kad arr mou, 20p'ee Hiridus kihh kihkhir Yohanna ni, p'ee man le nyi a gu-shigrett, nyi a Gwoohbhangg, a kihhsheh bhi l'e tihh mwopp kihh tapp nyi diy. Kihh aa'phi Hiridus pwetd, kadmihh Yohanna kaah kadpwoo khinyi, weett kihhsheh, bhi kihh naah le dyinn riy kihh witt tong klihng a pwoo khi Yohanna ni.
21Kyess nyi, bhi Herodiyas kad arr t'u Yohanna shwa'iy. P'ar puus'laa khi Hiridus, bhi l'e tihh mwopp sh'in gag m'ee soh'var mhi rettyit mhidhakk keeniy wu'nan kihh kommanda mhi mhi'lek keeniy mwopp, kihh mwoohnan w'u yill Galili zag. 22Kaarooh reep khi Herodiyas ji sh'in tam kihkyeen Hiridus mwopp kihh mhizeb keeniy w'u phi soh dang nyi, bhi rettyit mwopp kihh reep ni pwetd.
Bhi Miskakhamm Hiridus satt laa'reep ni le, “Yi nang kapp bii w'u yi kihh dh'om pwoo na, bhi a'n p'ee pihh ni yi.” 23Hiridus bwakhatbhellepp laa'reep ni harr sh'i choorbhellepp le, “Kapp bii w'u yi nang, bhi a'n p'ee pihh nyi yi, kooh dyinn wull a kar'yit dhenglong keena maah.”
24Bhi laa'reep ni put, dum nang phi nekhenn le, “N'aah, yi kad a'n p'ee nang a mihyeh?”
Nhikhin khinyi satt nyi le, “Yi nang a kaah Yohanna Gu-Baptisma.”
25Abet, bhi laa'reep ni b'aa ji kihpee Miskakhamm Hiridus diy laah-laah kihh dhangg keera le, “Ih kihh dh'om tihh ghi pihh a kaah Yohanna Gu-Baptisma se a'n kih kihh'yen mwasseh-mwasseh.”
26Bii mihhseh daam'pee Miskakhamm ni pwetd, dhangg p'ee choorbhellepp w'u baa dyinn sh'in seh, kihh naah yitlwaann mhi mhizeb w'u mwopp soh'var ni, bhi baah dh'om shiih dyikihh laa'reep ni mou. 27A nyi seh, bhi shenn gu'tu'gurum abet le gw'ar dum ji kihh kaah Yohanna. Bhi gwoh ni dum gab kaah Yohanna nhighin luh'shakhat. 28Ji kihh nyi kih kihh'yen, ji pihh laa'reep ni, bhi laa'reep ni lapp dum pihh nekhenn. 29Kaarooh zheppkamm khi Yohanna ni mwopp klihng rooh mwopp t'u nyi, bhi mwopp ji m'ang bott kumm nyi mwopp dum wum.
Jesu so kihh gurum jig paad
(Mat 14:13-21; Luk 9:10-17; Yoh 6:1-14)
30Zhepp'lop khi Jesu mwopp ja okhor nyi, bhi mwopp yak pwoodhakk mhi kapp bii w'u mwopp sh'in kihh bii w'u mwopp kamm. 31Dhangg pee'rooh dw'uu gurum mwopp kaah ja kihh reen, harr baah Jesu kihh zhepp'lop keeniy ni mwopp kad arr shenn soh pwoo ru mou, bhi Jesu satt zhepp'lop ni mwopp le, “Wu yakhal dang na, wunn kyekk dhakhatt kih shuk, mu dum m'ee pee w'u noott gurum tihh wu pann lapp'nook wuh diy.” 32Bhi mwopp dhel dhighin m'ee kong'am mhishut, mwopp dum m'ee pee w'u baah gurum mwopp nhighin mou. 33Weett kihhsheh, bhi gurum dhess mwopp naah mwopp man kaarooh mwopp yakhal dhel, bhi mwopp tong pwat v'ur tughuzyill mwopp chaat shu'shiiy, mwopp dum wull ky'een Jesu mwopp kihh zheppkamm keeniy pee w'u dyinn mwopp kihh dum diy seh. 34Kaarooh Jesu taah k'aa pwoo'kihng, naah dw'uu gurum ni mwopp, bhi kaah nyi dhoonn kih mwopp, p'ee mwopp a kaa tihm w'u noott gutapp se. A nyi seh bhi y'aa kamm bii dhess mwopp.#Rndw 27:17; 1Das 22:17; 2Zhy 18:16; Ezk 34:5
35Kaarooh pee wull kan'sihkhin, bhi zheppkamm khi Jesu ni mwopp ji satt nyi le, “Pee mhize ni a kol, pee w'u baah luh khi gurum mwopp nhighin mou, yakhal pee baa shee fwa. 36Ghi shenn gurum ni mwopp ser'seh tihh mwopp duam serrep biisoh diy shut dhighin v'ur kwangpee kihh zheb tughuzyill w'u koghob mihhse ni mwopp.” 37Bhi Jesu satt mwopp le, “Wu kad mee'bii wu pihh mwopp so.”
Bhi mwopp pring nyi le, “Ai mihhseh kihh nang a shaghaltarr mhi gurum kihmeh harr tarr pwoghokunn! Hah, munn p'ee t'u gag shaghal wu'kihhsheh kih gutt kyekk tihh mu pihh mwopp so aa'?”
38Bhi Jesu nang phi mwopp le, “Wunn kihh gihkhill gutt a k'ong ayeh? Dum wu naah.” Kaarooh mwopp dum naah, bhi mwopp b'aa ji satt nyi le, “Munn a kihh gihkhill gutt paad, kihh sherep vel e'h.”
39Bhi Jesu l'e tihh zheppkamm keeniy ni mwopp satt diy gurum ni mwopp kwangg yill shi'zhungg-shi'zhungg kih shit wu'bharak. 40Bhi mwopp kwangg yill shi'zhungg-shi'zhungg mhi gurum dhaa kihmeh-kihmeh pakk laar paad-paad. 41Bhi Jesu kok gihkhill gutt w'u paad kihh sherep wu'vel ni seh, bhi eep yit niy phikihtihngg plang Naan diy p'ee biisoh ni; bhi trep pihh zheppkamm keeniy mwopp tihh mwopp pihh dw'uu gurum ni mwopp. Yakhal shap sherep ni naar gurum ni mwopp weett zag. 42Bhi mwopp weett so abbhal, 43harr zheppkamm khi Jesu ni mwopp chakk v'ur bott gutt kihh bott sherep w'u mwan dheeh l'e, mwopp gam shikkah kaghapaad baa'vel dyishig. 44Dw'uu khi daass kyekk w'u mwopp so soh ni a gurum jig paad.
Jesu mwaan kihdab a'm
(Mat 14:22,33; Yoh 6:16-21)
45Kaarooh mwopp kyes, abet bhi Jesu l'e tihh zheppkamm keeniy wu'mwopp dhel kong'am tihh mwopp shan diy taah dum Betseida ky'een riy, bhi wu'nyi pann dheeh bwoon tihh shenn dw'uu gurum ni mwopp diy dhangg. 46Bwoonrooh yet gurum ni mwopp, bhi k'aa dum shi'bwut m'ee bwumm tihh kadpwoo diy kihh Naan. 47Kaarooh pee wull kansihkhin, bhi kong'am w'u zheppkamm khinyi mwopp dhighin seh wull kihnaar kur'am ni, dhangg wu'nyi a pwoo'kihng mhishin. 48Bhi naah kihpee zheppkamm keeniy ni mwopp kihh tassbhall diy kamm tungg kong'am ni weh, p'ee kutt kihh fiss mwopp lhi'baa a bwoonn. Kaa gonggpee wu'feerr mhi khipar se, bhi mw'aan shiiy niy kihdab kur'am ni taah dum kihpee mwopp diy. Sh'in kaa kihh t'ang a taah dhel phi mwopp se. 49Dhangg kaarooh mwopp naah kihh treng mwaan kihdab kur'am ni bhi mwopp ryeeh le a m'ee daazhiiy, bhi mwopp shwat kurrai chapp-chapp; 50p'ee mwopp naah nyi weett, bhi khighiy shwat mwopp pwetd. Abet, bhi Jesu satt mwopp le, “Wu ten'kihr wu! A a'n. Tapp lukhut t'u wunn mou.” 51Bhi Jesu k'aa dhighin kong'am ni dang mwopp, bhi kutt ni dharr. Bii ni aa'phi mwopp pwetd. 52Bii niy aa'phi mwopp pwetd p'ee baah gyet mwopp khi manshiiy rooh so kihh gurum jig paad kihh gutt paad kyekk seh mou, p'ee phitukhup mwopp kudyi kihh kihkhil.
Jesu bar mhi'shwal dhess Genesaret
(Mat 14:34-36)
53Kaarooh mwopp shan kur'am ni taah k'aa pwoo'kihng, bhi mwopp tungg kong'am ni dum kukhul Genesaret. 54Kaarooh mwopp kudyi kihh sih-sam yill dhighin kong'am ni, bhi gurum mwopp naah Jesu man. 55Bhi mwopp y'aa shu'shu duam koohneeh koghobyill mhizeh ni, mwopp kihh kok v'ur mhi'shwal kih p'aal lhidum kapp p'ee w'u mwopp klihng Jesu diy. 56Yakhal kapp pee w'u Jesu kihh dum diy, kooh a kwangyill, kooh a tughuzyill, kooh a v'ur pee mwopp, bhi gurum mwopp kihh kok v'ur mhi'shwal ja l'e kih luhtukk. Gurum ni mwopp kihh so'kumbokk Jesu tihh yet mhi'shwal ni mwopp bwum kooh a phi kleb bh'aar khinyi diy kyekk. Kapp mwooh mwopp bwum nyi, bhi mwopp kihh kad kakhamm.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation