ಅಪೊಸ್ತಲಾಂಚಿ ಕಾಮಾ 7
7
ಸ್ತೆಪನಾಚೆ ಶಿಕಾಪ್
1ತನ್ನಾ ಮಾಹಾಯಾಜಕಾನ್ ಸ್ತೆಪನಾಕ್, “ಮಿಯಾ ಹಿ ಗೊಸ್ಟಿಯಾ ಆಯ್ಕಲೆ ಖರೆ ಕಾಯ್?” ಮನುನ್ ಇಚಾರ್‍ಲ್ಯಾನ್.
2ತನ್ನಾ ಸ್ತಪೆನಾಕ್ ಮಾಜ್ಯಾ ಭಾವಾನು ಅನಿ ಬಾಬಾನು, ಮಿಯಾ ಸಾಂಗ್ತಲೆ ಆಯ್ಕಾ, ಅಮ್ಚೊ ಪುರ್ವಜ್ಯಾಂಚೊ ಬಾಬಾ ಅಬ್ರಾಹಾಮ್ ಹಾರಾನಿತ್ ರ್‍ಹಾವ್ಚ್ಯಾ ಅದ್ದಿ ಮೆಸೆಪೊತಾಮ್ಯಾತ್ ಹೊತ್ತೊ, ದೆವಾನ್ ತೆಕಾ ಅಪ್ಲ್ಯಾ ಮಹಿಮಾನ್ ದಾಕ್ವುನ್ ಘೆಟ್ಲ್ಯಾನ್. 3ಅನಿ ದೆವಾನ್ ತೆಕಾ ತಿಯಾ ತುಜಿ ಸ್ವತಾಚಿ ಲೊಕಾ, ಅನಿ ತುಜೊ ದೆಶ್ ಸೊಡುನ್ ಮಿಯಾ ದಾಕ್ವಲ್ಲ್ಯಾ ದೆಶ್ಯಾಕ್ ಜಾ ಮನುನ್ ಸಾಂಗ್ಲ್ಯಾನ್. 4ತನ್ನಾ ತೊ ಖಾಲ್ದೆಯಾ ಮನ್ತಲೊ ದೆಶ್ ಸೊಡುನ್ ಹಾರಾನ್ ಮನ್ತಲ್ಯಾ ದೆಶ್ಯಾಕ್ ಜಾವ್ನ್ ವಸ್ತಿ ಹೊತ್ತೊ, ಅನಿ ತೆಜೊ ಬಾಬಾ ಮರಲ್ಲ್ಯಾ ಮಾನಾ ದೆವಾನ್ ತೆಕಾ ಅತ್ತಾ ತುಮಿ ಹೊತ್ಯಾ ಹ್ಯಾ ಜಾಗ್ಯಾಕ್ ಧಾಡ್ಲ್ಯಾನ್. 5ಖರೆ ದೆವಾನ್ ತೆಕಾ ಖಲೆ ಸೆತ್ ಬಿ ದಿವ್ಕ್ ನಾ, ಎಕ್ ಗೆನ್ಬರ್ ಜಾಗೊ ಬಿ ದೆವಾನ್ ತೆಕಾ ದಿವ್ಕ್ ನಾ, ಖರೆ ತೆಕಾ ಅಜುನ್ ಪೊರಾಬಿ ಹೊವ್ಚ್ಯಾ ಅದ್ದಿಚ್ ತುಕಾ ಅನಿ ತುಜ್ಯಾ ಪೊರಾಕ್ನಿ ಹ್ಯೊ ದೆಶ್ ಮಿಯಾ ದಿತಾ ಮನುನ್ ದೆವಾನ್ ತೆಕಾ ಗೊಸ್ಟ್ ದಿಲ್ಯಾನ್. 6ಅನಿ ದೆವಾನ್ ತೆಕಾ , ತುಜ್ಯಾ ಪಿಳ್ಗಿಚಿ ಲೊಕಾ , ದುಸ್ರ್ಯಾ ದೆಶ್ಯಾತ್ ರ್‍ಹಾತ್ಯಾತ್ ಅನಿ ತೆನಿ ಥೈ ದುಸ್ರಿ ಲೊಕಾ ಸಾರ್ಕೆ ಹೊವ್ನ್ ರ್‍ಹಾತ್ಯಾತ್, ಥೈತ್ಲಿ ಮಾನ್ಸಾ ತೆಂಕಾ ದಾಸ್ ಕರುನ್ ಘೆವ್ನ್ ಸುಮಾರ್ ಚಾರ್ ಸೆಂಬರ್ ವರ್ಸಾ ಕ್ರುರ್ ಹೊವ್ನ್ ಚಾಲ್ವುತಾತ್. 7ಖರೆ ತೆಂಕಾ ಗುಲಾಮ್ ಕರುನ್ ಘೆಟಲ್ಯಾಕ್ನಿ ಮಿಯಾಚ್ ಝಡ್ತಿ ಕರ್‍ತಾ ,ಅನಿ ತುಜ್ಯಾ ಪಿಳ್ಗಿಚಿ ಲೊಕಾ ತ್ಯಾ ದೆಶ್ಯಾತ್ನಾ ಭಾಯ್ರ್ ಪಡುನ್ ಯೆವ್ನ್ ಮಾಕಾ ಹ್ಯಾ ಜಾಗ್ಯಾರ್ ಆರಾದನ್ ಕರ್ತಾತ್, ಮನುನ್ ಸಾಂಗ್ಲ್ಯಾನ್. 8ಮಾನಾ ದೆವಾನ್ ಅಬ್ರಾಹಾಮಾಚ್ಯಾ ವಾಂಗ್ಡಾ ಎಕ್ ಕರಾರ್ ಕರುನ್ ಘೆಟ್ಲ್ಯಾನ್, ತ್ಯಾ ಕರಾರಾಚಿ ವಳಕ್ ಸುನ್ನತ್ ಕರ್‍ತಲೆ, ತಸೆ ಹೊವ್ನ್ ತೆನಿ ಲೆಕಾಕ್ ಆಟ್ವ್ಯಾ ದಿಸಾಕ್ ಸುನ್ನತ್ ಕರಸ್ಲ್ಯಾನ್, ಇಸಾಕಾನ್ಬಿ ಅಪ್ಲೊ ಲೆಕ್ ಜಾಕೊಬಾಕ್ ಸುನ್ನತ್ ಕರಸ್ಲ್ಯಾನ್, ಅನಿ ಜಾಕೊಬಾನ್ ಅಮ್ಚಿ ಪುರ್ವಜ್ ಲೊಕಾ ಹೊವ್ನ್ ಹೊತ್ಯಾ ಅಪ್ಲ್ಯಾ ಬಾರಾ ಲೆಕಾಕ್ನಿಬಿ ಸುನ್ನತ್ ಕರಸ್ಲ್ಯಾನ್.
9ಜಾಕೊಬಾಚ್ಯಾ ಲೆಕಾನಿ ಅಪ್ಲೊ ಧಾಕ್ಲೊ ಭಾವ್ ಜುಜೆಕ್ ಕುಸ್ಡೆಪಾನಾನ್ ಇಜಿಪ್ತ್ ದೆಶಾಕ್ ಇಕುನ್ ಸೊಡ್ಲ್ಯಾನಿ, ಖರೆ ಥೈ ದೆವ್ ತೆಚ್ಯಾ ವಾಂಗ್ಡಾ ಹೊತ್ತೊ. 10ತೆಕಾ ಯೆಲ್ಲ್ಯಾ ತರಾಸಾಂತ್ನಾ ದೆವಾನ್ ಸೊಡ್ವುಲ್ಯಾನ್, ಇಜಿಪ್ತ್ ದೆಶಾತ್ ಫೆರೊಹ್ ರಾಜಾಕ್ನಾ ದಯಾ ಗಾಯ್ ಸಾರ್ಕೊ ಹೊಲೆ, ಅನಿ ತೆಕಾ ರಾಜಾನ್ ಇಜಿಪ್ತ್ ,ಅನಿ ಅಪ್ಲ್ಯಾ ಸಗ್ಳ್ಯಾ ಲೊಕಾಕ್ನಿ ಅದಿಪತಿ ಕರ್ಲ್ಯಾನ್. 11ತನ್ನಾ ತ್ಯಾ ಇಜಿಪ್ತ್ ಅನಿ ಕಾನಾನ್ ದೆಶಾತಾತ್ನಿ, ಲೈ ಬರ್ಗಾಲ್ ಯೆವ್ನ್ ಅಮ್ಚ್ಯಾ ಪುರ್ವಜಾಕ್ನಿಬಿ ಜೆವಾನ್ ಖಾನ್ ಗಾವ್ಕ್ ನಾ . 12ಇಜಿಪ್ತ್ ದೆಶಾತ್ ಖಾತಲಿ ದಿನ್ಸಾ ಗೊಳಾ ಕರುನ್ ಥವಲ್ಲೆ ಹಾಯ್ ಮನುನ್ ಜಾಕೊಬಾಚ್ಯಾ ಕಾನಾಕ್ ಆಯ್ಕುಕ್ ಯೆಲ್ಲೆ, ಅನಿ ಅಮ್ಚ್ಯಾ ಅದ್ಲ್ಯಾ ಪುರ್ವಜ್ ಲೊಕಾಕ್ನಿ ಥೈ ಧಾಡುನ್ ದಿಲ್ಯಾನ್, ಹಿ ತೆಂಚಿ ಇಜಿಪ್ತಾಕ್ ಅದ್ಲಿ ಭೆಟ್, 13ಜುಜೆಚಿ ಭಾವಾ ದೊನ್ವ್ಯಾಪಟಿ ಯೆಲ್ಲ್ಯಾ ತನ್ನಾ ಅಪ್ಲಿ ವಳಕ್ ಭಾವಾಕ್ನಿ ಸಾಂಗ್ಲ್ಯಾನ್, ಅನಿ ಜುಜೆಚ್ಯಾ ಘರಾನ್ಯಾಚ್ಯಾ ಬದಲ್ ಫೆರೊಹ್ ರಾಜಾಕ್ಬಿ ಗೊತ್ತ್ ಹೊಲೆ.
14ಮಾನಾ ಜುಜೆನ್ ಅಪ್ಲೊ ಬಾಬಾ ಜಾಕೊಬ್ ಅನಿ ಅಪ್ಲ್ಯಾ ಸಗ್ಳ್ಯಾ ಘರಾನ್ಯಾಚ್ಯಾ ಲೊಕಾಕ್ನಿ ಇಜಿಪ್ತಾಕ್ ಬಲ್ವುನ್ ಘೆಟ್ಲ್ಯಾನ್, ತೆನಿ ಸಗ್ಳೆ ಮಿಳುನ್ ಸತ್ತರಾರ್ ಸಾತ್ ಲೊಕಾ ಹೊತ್ತೆ. 15ಮಾನಾ ಜಾಕೊಬ್ ಇಜಿಪ್ತ್ ದೆಶಾಕ್ ಗೆಲೊ, ಅಮ್ಚ್ಯಾ ಪುರ್ವಜಾಂಚೆ ಮ್ಹರಾನ್ ಹೊಯ್ ಪತರ್ ಬಿ ತೆನಿ ಥೈಚ್ ಹೊತ್ತೆ. 16ಮಾನಾ ತೆಂಚಿ ಹಾಡ್ಡಾ ಶೆಕೆಮಾಕ್ ನ್ಹೆವ್ನ್ ಹೊಲೆ,ಅನಿ ಅಬ್ರಾಹಾಮಾನ್ ಹೆಮೊರಾಚ್ಯಾ ಪೊರಾಕ್ನಿ ಚಾಂದಿಚೆ ಪೈಸೆ ದಿವ್ನ್ ಇಕಾತ್ ಘೆಟಲ್ಯಾ ಸಮಾದಿತ್ ತೆಂಕಾ ಮಾಟಿ ದಿವ್ನ್ ಹೊಲೆ.
17ಖರೆ ದೆವಾನ್ ಅಬ್ರಾಹಾಮಾಕ್ ದಿಲ್ಲಿ ಗೊಸ್ಟ್ ಫುರಾ ಹೊತಲೊ ಯೆಳ್ ಜಗ್ಗೊಳ್ ಯೆಲ್ಲೊ, ಅನಿ ಇಜಿಪ್ತ್ ದೆಶ್ಯಾತ್ ಹೊತ್ತ್ಯಾ ಅಮ್ಚ್ಯಾ ಲೊಕಾಂಚೊ ಅಂಕೊ ಲೈ ವಾಡುಂಗೆತ್ ಹೊತ್ತೊ. 18ಅಶೆ ರ್‍ಹಾತಾನಾ, ಆಕ್ರಿಚ್ಯಾ ಎಳಾರ್ ಜುಜೆಚ್ಯಾ ವಿಶಯಾತ್ ಗೊತ್ತ್ ನಸಲ್ಲೊ ದುಸ್ರೊ ಎಕ್ಲೊ ಇಜಿಪ್ತಾತ್ ರಾಜಾ ಹೊಲೊ.
19ಹ್ಯೊ ರಾಜಾ ಅಮ್ಚ್ಯಾ ಅದ್ಲ್ಯಾ ಲೊಕಾಕ್ನಿ ವಿರೊದ್ ಬುರ್ಶೆ ಚಿಂತುನ್ ತೆಂಚ್ಯಾ ಬಾಳ್ಸ್ಯಾಕ್ನಿ ಜಿವ್ ಕಾಡುಚೆ ಮನುನ್ ತೆಂಕಾ ಘರಾತ್ನಾ ಬಾಯ್ರ್ ಥವ್ಕ್ ಸಾಂಗಲ್ಲ್ಯಾನ್. 20ತ್ಯಾ ಎಳಾರ್ ಮೊಯ್ಜೆ ಉಪಾಜ್ಲೊ, ಅನಿ ತೊ ಬಗುಕ್ ಎಗ್ದಮ್ ಬರೊ ದಿಸಿ ಅನಿ ತೆಚ್ಯಾ ಬಾಬಾಚ್ಯಾ ಘರಾತ್ ತೆಕಾ ತಿನ್ ಮೈನೆ ಬಾಳ್ಗುನ್ ಹೊಲೆ. 21ಅನಿ ತೆಕಾ ಘರಾತ್ನಾ ಭಾಯ್ರ್ ಟಾಕಲ್ಲ್ಯಾ ತನ್ನಾ ಫೆರೊಹ್ ರಾಜಾಚ್ಯಾ ಲೆಕಿನ್ ಘೆವ್ನ್ ಜಾವ್ನ್ ತೆಕಾ ಅಪ್ಲ್ಯಾ ಸ್ವಂತ್ ಲೆಕಾ ಸಾರ್ಕೆ ಬಾಳಗ್ಲಿನ್. 22ಇಜಿಪ್ತ್ ದೆಶಾತ್ಲಿ ಸಗ್ಳ್ಯಿ ಶಿಕಾಪಾ ಸಿಕ್ವುಲ್ಯಾನಿ, ತೊ ಬೊಲ್ನ್ಯಾತ್ನಿ ಅನಿ ಉಶ್ಯಾರ್ಕಿಚಿ ಕಾಮಾ ಕರುಕ್ ತಯಾರ್ ಹೊಲೊ.
23ತೆಕಾ ಚಾಳಿಸ್ ವರ್ಸಾ ಹೊಲ್ಯಾ ತನ್ನಾ ಇಸ್ರಾಯೆಲಾತ್ನಾ ಯೆವ್ನ್ ಹೊತ್ಯಾ ಅಪ್ಲ್ಯಾ ಭಾವಾಕ್ನಿ ಭೆಟುಚೆ ಮನುನ್ ನಿರ್ದಾರ್ ಕರ್ಲ್ಯಾನ್, 24ಇಜಿಪ್ತಾತ್ಲ್ಯಾ ಎಕ್ಲ್ಯಾಕ್ ಅನ್ನ್ಯಾಯ್ ಹೊತಲೆ ಬಗುನ್ ಮೊಯ್ಜೆ ತೆಕಾ ತರಾಸ್ ದಿವ್ಕ್ ಲಾಗಲ್ಯಾ ಮಾನ್ಸಾಕ್ ಲೈ ಮಾರುನ್ ಜಿವ್ ಕಾಡುನ್ ತೆಜೊ ಶೆಡ್ ಕಾಡುನ್ ಘೆತಾ. 25ದೆವಾನ್ ಅಮ್ಕಾ ಸುಟ್ಕಾ ಕರುನ್ ರಾಕ್ವನ್ ಕರುಕ್ ಸಾಟ್ನಿ ಅಪ್ನಾಕ್ ಧಾಡ್ಲಾ ಮನುನ್ ತೆನಿ ಕಳ್ವುನ್ ಘೆಂವ್ದಿ ಮನುನ್ ಮೊಯ್ಜೆನ್ ಚಿಂತ್ಲ್ಯಾನ್, ಖರೆ ತೆನಿ ತೆ ಕಳ್ವುನ್ ಘೆವ್ಕ್ ನಾತ್. 26ದುಸ್ರ್ಯಾಂದಿಸಿ ತೆನಿ ಎಕಾಮೆಕಾಕ್ನಿ ಮಾರುನ್ ಘೆಯ್ತ್ ರಾತಾನಾ ತೊ ಮೊಯ್ಜೆ ತೆಂಚ್ಯಾ ಇದ್ರಾಕ್ ಯೆವ್ನ್ ಸಮಾಧಾನ್ ಕರುಕ್ ಸಾಟ್ನಿ ತೆಂಕಾ, ತುಮಿ ಭಾವ್ ಭಾವಾ ಹೊವ್ನ್ ಬಿ ಕಶ್ಯಾಕ್ ಎಕಾಮೆಕಾಕ್ ದುಕ್ವುನ್ ಘೆತ್ಯಾಶಿ? ಮನುನ್ ಇಚಾರುಕ್ ಗೆಲೊ . 27ತ್ಯಾತುರ್ಲ್ಯಾ ಎಕ್ಲ್ಯಾನ್ ತೆಕಾ ಅಮ್ಕಾ ಅನ್ನ್ಯಾಯ್ ಕರ್ತಲೊ, ನಾಹೊಲ್ಯಾರ್ ಮುಖಂಡ್ ಅನಿ ನ್ಯಾಯ್ ಕರ್ತಲೊ ಕರುನ್ ತುಕಾ ಕೊನಿ ತರಿಬಿ ಥವ್ಲಾತ್ ಕಾಯ್? ನಾ! 28ಕಾಲ್ ತಿಯಾ ಇಜಿಪ್ತಾತ್ಲ್ಯಾ ಮಾನ್ಸಾಕ್ ಜಿವಾನಿ ಮಾರಲ್ಲ್ಯಾ ಸಾರ್ಕೆ ಮಾಕಾಬಿ ಜಿವಾನಿ ಮಾರುಚೆ ಮನುನ್ ಹಾಸ್ ಕಾಯ್? ಮಟ್ಲ್ಯಾನ್. 29ಹಿ ಖಬರ್ ಆಯ್ಕುನ್ ಮೊಯ್ಜೆನ್ ಇಜಿಪ್ತ್ ದೆಶ್ ಸೊಡುನ್ ಮಿದಿಯಾನ್ ಮನ್ತಲ್ಯಾ ದೆಶಾಕ್ ಪಳುನ್ ಜಾವ್ನ್ ಥೈ ದುಸ್ರ್ಯಾ ದೆಶಾಚೊ ಸಾರ್ಕೊ ಹೊವ್ನ್ ಜಿವನ್ ಕರಿತ್ ಹೊತ್ತೊ, ಅನಿ ತೆಕಾ ಥೈ ದೊನ್ ಲೆಕಾ ಉಪಾಜ್ಲಿ.
30ಚಾಳಿಸ್ ವರ್ಸಾ ಹೊಲ್ಲ್ಯಾ ಮಾನಾ ದೆವಾಚೊ ದುತ್ ತೆಕಾ ಸಿನಾಯ್ ಮನ್ತಲ್ಯಾ ಗುಂಡಾಚ್ಯಾ ಡಂಗ್ಳಿತ್ ಕಾಟ್ಯಾಂಚ್ಯಾ ಝಿಳಿತ್ ಜಳ್ತಲ್ಯಾ ಆಗಿತ್ ದಿಸ್ಲೊ. 31ಮೊಯ್ಜೆಕ್ ತೆ ಬಗುನ್ ಅಜಾಪ್ ಹೊವ್ನ್ ಜಗ್ಗೊಳ್ ಜಾವ್ನ್ ಬಗುಚೆ ಮನುನ್ ಜಾವ್ಕ್ ಲಾಗಲ್ಯಾ ತನ್ನಾ, ತೆಕಾ ಎಕ್ ಧನ್ ಆಯ್ಕೊಯೆಲಿ ತಿ ಧನ್ ಧನಿಯಾಚಿ ಹೊಲ್ಲಿ, 32ಧನಿಯಾನ್ ತೆಕಾ ಮಿಯಾಚ್ ತುಜ್ಯಾ ಬಾಬಾಂಚೊ ದೆವ್ ,ಅಬ್ರಾಹಾಮಾಚೊ, ಇಸಾಕಾಚೊ, ಅನಿ ಜಾಕೊಬಾಚೊ ದೆವ್ ಮಟ್ಲ್ಯಾನ್, ತನ್ನಾ ಮೊಯ್ಜೆ ತ್ಯಾ ಝಿಳಿಕ್ ಬಗುಕ್ ಬಿಂವ್ನ್ ಥರ್ ಥರ್‍ಲೊ. 33ತೆಕಾ ಧನಿಯಾನ್ “ತುಜಿ ವ್ಹಾನಾ ಕಾಡುನ್ ಟಾಕ್, ಕಶ್ಯಾಕ್ ಮಟ್ಲ್ಯಾರ್, ತಿಯಾ ಇಬೆ ಹೊತ್ತೊ ಜಾಗೊ ಪವಿತ್ರ್ ಮನುನ್ ತೆನಿ ಸಾಂಗಲ್ಲ್ಯಾನ್. 34ಇಜಿಪ್ತಾತ್ ಮಾಜಿ ಲೊಕಾ ಲೈ ತರಾಸ್ ಕರುನ್ ಘೆವ್ಕ್ ಲಾಗಲೆ ಮಿಯಾ ಬಗಟ್ಲಾ ಅನಿ ತೆಂಚೊ ವಿಳಾಪ್ ಮಿಯಾ ಆಯ್ಕ್ಲಾ, ತೆಂಕಾ ಸುಟ್ಕಾ ದಿವ್ಕ್ ಮನುನ್ ಮಿಯಾ ಉತ್ರುನ್ ಯೆಲಾ, ಮೊಯ್ಜೆ ಅತ್ತಾ ಮಿಯಾ ತುಕಾ ಇಜಿಪ್ತಾಕ್ ಧಾಡುನ್ ದಿತಾ” ಮನುನ್ ಸಾಂಗ್ಲ್ಯಾನ್.
35ಆಗಿನ್ ಜಳುಕ್ಲಾಗಲ್ಯಾ ಝಿಳಿತ್ ಮೊಯ್ಜೆನ್ ದೆವ್ ದುತಾಕ್ ಬಗಲ್ಯಾನ್, ದೆವಾನ್ ತ್ಯಾ ದುತಾಕ್ನಾಚ್ ಮೊಯ್ಜೆಕ್ ಇಸ್ರಾಯೆಲ್ ಲೊಕಾಕ್ನಿ ಸುಟ್ಕಾ ಕರ್ತಲೊ ಅನಿ ಅದಿಪತಿ ಕರುನ್ ಧಾಡಲೆ, ಖರೆ ತ್ಯಾ ಲೊಕಾನಿ ತೆಕಾ ಅಮ್ಚೊ ಮುಖಂಡ್ ಅನಿ ಝಡ್ತಿ ಕರ್ತಲೊ ಮನುನ್ ತುಕಾ ಕೊನಿತರಿ ಸಾಂಗ್ಲಾತ್ ಕಾಯ್? ಮನುನ್ ಇಚಾರ್‍ಲ್ಯಾನಿ. 36ತಸೆ ಹೊವ್ನ್ ಮೊಯ್ಜೆನ್ ಲೊಕಾಕ್ನಿ ಇಜಿಪ್ತಾತ್ನಾ ಬಲ್ವುನ್ ಹಾನ್ಲ್ಯಾನ್ ಅನಿ ತೆನಿ ಇಜಿಪ್ತಾತ್, ತಾಂಬ್ಡ್ಯಾ ಸಮುಂದರಾತ್, ಅನಿ ಚಾಳಿಸ್ ವರ್ಸಾ ಪತರ್ ಡಂಗ್ಳಿತ್ಬಿ ಅಜಾಬಾಚಿ ಅನಿ ಚಮತ್ಕಾರಾಚಿ ಕಾಮಾ ಕರುಂಗೆತ್ ಲೊಕಾಕ್ನಿ ಫಿಡೆ ಚಾಲ್ವುಲ್ಯಾನ್. 37ಅನಿ ಮೊಯ್ಜೆನ್ ತ್ಯಾ ಲೊಕಾಕ್ನಿ ದೆವ್ ತುಮ್ಕಾ ಎಕ್ ಪ್ರವಾದಿ ದಿತಲೊ ಹಾಯ್ ತೊ ಪ್ರವಾದಿ ತುಮ್ಚ್ಯಾ ಸ್ವತಾಚ್ಯಾ ಲೊಕಾಂತ್ನಾಚ್ ಯೆತಾ, ತೊ ಮಾಜ್ಯಾ ನಮನಿಚ್ ರ್‍ಹಾತಾ ಮನುನ್ ಸಾಂಗ್ಲ್ಯಾನ್. 38ಮೊಯ್ಜೆ ಡಂಗ್ಳಿತ್ ಇಸ್ರಾಯೆಲ್ ಲೊಕಾಂಚೊ ತಾಂಡೊ ಗೊಳಾ ಹೊಲ್ಲ್ಯಾ ತನ್ನಾ ತೆಂಚ್ಯಾ ವಾಂಗ್ಡಾ ಹೊತ್ತೊ, ಪುರ್ವಜಾಂಚ್ಯಾ ವಾಂಗ್ಡಾ ಬೊಲಲ್ಯಾ ದೆವ್ ದುತಾಚ್ಯಾ ವಾಂಗ್ಡಾ ಹೊತ್ತೊ, ಅನಿ ತೆನಿ ದೆವಾಚಿ ಜಿವ್ ಹೊತ್ತಿ ಗೊಸ್ಟಿಯಾ ಅಮ್ಕಾ ದಿಲ್ಯಾನ್.
39ಖರೆ ಮೊಯ್ಜೆಚ್ಯಾ ಗೊಸ್ಟಿಯಾಕ್ನಿ ಮಾನುಕ್ ತ್ಯಾ ಲೊಕಾಕ್ನಿ ಮನ್ ನತ್ತೊ, ತೆನಿ ತೆಕಾ ಸೊಡುನ್ ಇಜಿಪ್ತಾಕ್ ಪರ್ತುನ್ ಪಳುನ್ ಜಾವ್ಚೆ ಮನುನ್ ಚಿಂತಲ್ಯಾನಿ.
40ತೆನಿ ಆರೊನಾಕ್, ಮೊಯ್ಜೆನ್ ಅಮ್ಕಾ ಇಜಿಪ್ತ್ ದೆಶಾಕ್ನಾ ಬಲ್ವುನ್ ಹಾನ್ಲ್ಯಾನ್, ಖರೆ ತೆಕಾ ಕಾಯ್ ಹೊಲೆ ಮನುನ್ ಅಮ್ಕಾ ಗೊತ್ತ್ ನಾ, ತಸೆ ಹೊವ್ನ್ ಅಮ್ಚ್ಯಾ ಫಿಡೆ ಜಾವ್ಕ್, ಅನಿ ಅಮ್ಕಾ ಚಾಲ್ವುಕ್ ಥೊಡಿ ದೆವಾ ಕರುನ್ ದಿ ಮಟ್ಲ್ಯಾನಿ. 41ತಸೆ ಹೊವ್ನ್ ತ್ಯಾ ಲೊಕಾನಿ ವಾಂಸ್ರಾ ಸಾರ್ಕೆ ಎಕ್ ಮುರ್ತಿ ಕರುನ್ ತೆಕಾ ಬಲಿ ಭೆಟ್ವುಲ್ಯಾನಿ, ತ್ಯಾ ಲೊಕಾನಿ ಅಪ್ಲ್ಯಾ ಹಾತಿನ್ ಕರುನ್ ಘೆಟಲ್ಲ್ಯಾ ಮುರ್ತಿಯಾಂಚ್ಯಾ ವಿಶಯಾತ್ ಲೈ ಕುಶಿನ್ ಸನ್ ಕರ್‍ಲ್ಯಾನಿ ! 42ಖರೆ ದೆವಾನ್ ತೆಂಕಾ ವಿರೊಧ್ ಹೊವ್ನ್ ಮಳ್ಬಾತ್ಲೊ ದಿಸ್, ಚಂದ್ರಾಮ್ ಅನಿ ಚುಕ್ಕಿಯಾಕ್ನಿ ಫುಜ್ಯಾ ಕರುಕ್ ಸೊಡುನ್ ದಿಲ್ಯಾನ್, ಹೆಚ್ಯಾ ವಿಶಯಾತ್ ಪ್ರವಾದ್ಯಾಂಚ್ಯಾ ಪುಸ್ತಕಾತ್ ಅಶೆ ಲಿವಲ್ಲೆ ಹಾಯ್: ದೆವ್ ಅಸೊ ಮನ್ತಾ,
ತುಮಿ ಜುದೆವಾಂಚ್ಯಾ ಲೊಕಾನಿ, ಭಜನ್ ಕರುಚೆ ಮನುನ್ ಚಾಳಿಸ್ ವರ್ಸಾ ಡಂಗ್ಳಿತ್ ರಾತಾನಾ ಮಾಕಾ ಜನಾವರಾಂಚಿ ಬಲಿ ಭೆಟ್ವುಲ್ಯಾಸಿ ಕಾಯ್?
43ಅನಿ ತುಮಿ ತುಮ್ಚ್ಯಾ ವಾಂಗ್ಡಾ ಮೊಲೊಕ್ ಮನ್ತಲ್ಯಾ ದೆವಾಚೆ ಬಿಡಾರ್, ಅನಿ ತುಮ್ಚ್ಯಾ ರೆಫಾ ಮನ್ತಲ್ಯಾ ದೆವತೆಚೊ ಚುಕ್ಕಿಚೊ ರುಪ್ ಉಕ್ಲುನ್ ಘೆವ್ನ್ ಗೆಲ್ಯಾಸಿ, ಫುಜ್ಯಾ ಕರುಕ್ ಮನುನ್ ತುಮಿ ಕರುನ್ ಘೆಟಲ್ಲಿ ಮುರ್ತಿಯಾ ಹಿಚ್ ತಸೆ ಹೊವ್ನ್ ಮಿಯಾ ತುಮ್ಕಾ ಬಾಬಿಲೊನಾಚ್ಯಾ ತಿಕ್ಡಿನ್ ಧಾಡುನ್ ದಿತಾ.
44ದೆವ್ ಹಾಜಿರ್ ರ್‍ಹಾತಲೆ ಬಿರಾಡಾರುಚ್ ಅಮ್ಚ್ಯಾ ಪುರ್ವಜ್ ಲೊಕಾಂಚ್ಯಾ ವಾಂಗ್ಡಾ ಡಂಗ್ಳಿತ್ ಹೊತ್ತೆ, ಹೆ ಬಿಡಾರ್ ತಯಾರ್ ಕರ್‍ತಲೆ ಕಶೆ ಮನುನ್ ದೆವಾನ್ ಮೊಯ್ಜೆಕ್ ಸಾಂಗಲ್ಯಾನ್, ದೆವಾನ್ ಅಪ್ನಾಕ್ ದಾಕ್ವಲ್ಯಾ ಸಾರ್ಕೆಚ್ ತಯಾರ್ ಕರುಕ್ ಮೊಯ್ಜೆಕ್ ಸಾಂಗ್ಲ್ಯಾನ್. 45ತೆ ಬಿಡಾರ್ ಅಮ್ಚ್ಯಾ ಪುರ್ವಜ್ಯಾಕ್ನಿ ತೆಂಚ್ಯಾ ಬಾಬಾಂಚ್ಯಾಕ್ನಾ ಗಾವ್ಲೆ ಅನಿ ತೆನಿ ಜೊಶ್ವಾಚ್ಯಾ ಫುಡಾರ್ಕಿತ್ ಹ್ಯಾ ದೆಶಾಕ್ ಹಾನ್ಲ್ಯಾನಿ,ತ್ಯಾ ಯೆಳಾತ್ ಹ್ಯೊ ದೆಶ್ ಅನ್ಯಾ ಲೊಕಾಂಚ್ಯಾ ಹಾತಿತ್ ಹೊತ್ತೊ, ಖರೆ ದೆವಾನ್ ತೆಂಕಾ ಅಮ್ಚ್ಯಾ ಪುರ್ವಜಾಂಚ್ಯಾ ಇದ್ರಾಕುಚ್ ಭಾಯ್ರ್ ಘಾಟ್ಲ್ಯಾನ್ ಅನಿ ದಾವಿದಾಚ್ಯಾ ಯೆಳ್ ಪತರ್ಬಿ ಹೆ ಬಿಡಾರ್ ಥೈಚ್ ಹೊತ್ತೆ. 46ದಾವಿದಾಚ್ಯಾ ವರ್‍ತಿ ದೆವಾಚಿ ಕುರ್ಪಾ ಹೊತ್ತಿ, “ಮಿಯಾ ಜಾಕೊಬಾಚ್ಯಾ ದೆವಾಕ್ ವಸ್ತಿ ಕರುಕ್ ಮಾಗ್ನಿ ಕರ್ತಲೊ ಜಾಗೊ ಬಾಂದುಕ್ ಮಾಕಾ ಅವ್ಕಾಸ್ ಕರುನ್ ದಿ ಮನುನ್ ದಾವಿದಾನ್ ದೆವಾಕ್ಡೆ ಮಾಗುನ್ ಘೆಟ್ಲ್ಯಾನ್. 47ಖರೆ ದಾವಿದಾಚೊ ಲೆಕ್ ಸೊಲೊಮೊನಾನುಚ್ ದೆವಾ ಸಾಟ್ನಿ ವಸ್ತಿ ಕರ್ತಲೊ ಜಾಗೊ ಭಾಂದ್ಲ್ಯಾನ್”.
48ಖರೆ ಪ್ರವಾದಿನಿ ಸಾಂಗಲ್ಲ್ಯಾ ಸಾರ್ಕೆ ಸಗ್ಳ್ಯಾತ್ ಮೊಟೊ ದೆವ್ ಮಾನ್ಸಾನಿ ಅಪ್ಲ್ಯಾ ಹಾತಿನ್ ಬಾಂದಲ್ಯಾ ಘರಾತ್ನಿ ವಸ್ತಿ ರ್‍ಹಾಯ್ನಾ, ಮನುನ್ ಲಿವಲ್ಲೆ ಹಾಯ್:
49ಸರ್ಗ್‍ ಮಾಜೊ ಸಿವಾಸನ್, ಅನಿ
ಜಿಮಿನ್ ಮಾಜೆ ಪಾಯ್ ಥವ್ತಲಿ ಮ್ಹನಿ
ತುಮಿ ಮಾಜ್ಯಾ ಸಾಟ್ನಿ ಕಸ್ಲೆ ಘರ್ ಬಾಂದುಕ್ ಹೊತಾ?
ಮಿಯಾ ಆರಾಮ್ ಕರ್ತಲೊ ಜಾಗೊ ಖೈ ಹಾಯ್?
50ಹೆ ಸಗ್ಳ್ಯೆ ಮಿಯಾಚ್ ರಚಲ್ಲೆ ನ್ಹಯ್ ಕಾಯ್!
51ಸ್ತೆಪನಾನ್ ಅನಿಬಿ ಬೊಲುನ್, “ಮಂಡ್ ಮನಾಚ್ಯಾ ಲೊಕಾನು ತುಮಿ ತುಮ್ಚಿ ಮಾನಾ ದೆವಾಕ್ ದಿವ್ಕ್ ನ್ಯಾಸಿ, ಅನಿ ತೆಚ್ಯಾ ಗೊಸ್ಟಿಯಾಕ್ನಿ ಕಾನ್ ದಿವ್ಕ್ ನ್ಯಾಸಿ, ಪವಿತ್ರ್ ಆತ್ಮ್ಯಾಕ್ ಕನ್ನಾಬಿ ವಿರೊಧ್ ಹೊವ್ನ್ ಹಾಸಿ ತುಮ್ಚ್ಯಾ ಪುರ್ವಜ್ ಲೊಕಾನಿ ಬಿ ಅಸೆಚ್ ಕರ್‍ಲ್ಯಾನಿ, ಅನಿ ತುಮಿ ಬಿ ತೆಂಚ್ಯಾ ಸಾರ್ಕೆಚ್ ಹಾಸಿ! 52ತುಮ್ಚ್ಯಾ ಪುರ್ವಜಾನಿ ತರಾಸ್ ದಿಸ್ತಾನಾ ಸೊಡಲೊ ಪ್ರವಾದಿ ಕೊನ್ ಹಾಯ್? ಅನಿ ತೆನಿ ತ್ಯಾ ನಿತಿವಂತಾಚ್ಯಾ ಯೆನ್ಯಾಚ್ಯಾ ಅದ್ದಿಚ್ ಬರಿ ಖಬರ್ ಸಾಂಗಲ್ಲ್ಯಾಕ್ನಿ ಜಿವ್ ಕಾಡ್ಲ್ಯಾನಿ. 53ತುಮಿ ಸರ್ಗಾತ್ಲ್ಯಾ ದೆವ್ ದುತಾಂಚ್ಯಾಕ್ನಾ ಖಾಯ್ದ್ಯಾಂಚೆ ಪುಸ್ತಕ್ ಘೆಟ್ಲ್ಯಾಶಿ ಖರೆ ತೆಕಾ ಮಾನುಕ್ನ್ಯಾಸಿ!”.
ಸ್ತೆಪನಾಕ್ ಮರಿಪತರ್ ಗುಂಡ್ಯಾನಿ ಮಾರ್ತಲೆ
54ಸ್ತೆಪನಾಚಿ ಬೊಲ್ನಿ ಆಯ್ಕುನ್ ಜುದೆವಾಂಚ್ಯಾ ಮುಖಂಡಾಕ್ನಿ ರಾಗ್ ಯೆವ್ನ್ ತೆನಿ ದಾತ್ ಹೊಟ್ ಚಾವ್ನ್ ಘೆವ್ಕ್ ಲಾಗೆಲೆ. 55ಖರೆ ಸ್ತೆಪೆನ್ ಪವಿತ್ರ್ ಆತ್ಮ್ಯಾನ್ ಭರಲ್ಲೊ ಹೊತ್ತೊ, ತೆನೆ ಮಳ್ಬಾಕ್ಡೆ ಡೊಳೆ ಉಕ್ಲುನ್ ದೆವಾಚಿ ಮಹಿಮಾ ಅನಿ ಜೆಜು ದೆವಾಚ್ಯಾ ಉಜ್ಜ್ಯಾ ಬಾಜುನ್ ಇಬೆ ಹೊತ್ತೆ ಬಗಟ್ಲ್ಯಾನ್. 56ಅನಿ “ಹೆಬಕ್, ಸರ್ಗ್‍ ಉಗಡಲ್ಲೆ ಅನಿ ಮಾನ್ಸಾಚೊ ಲೆಕ್ ದೆವಾಚ್ಯಾ ಉಜ್ಜ್ಯಾ ಬಾಜುಕ್ ಇಬ್ಬೆ ಹೊತ್ತ್ಯೆ ಮಿಯಾ ಬಗುಲ್ಲಾ!” ಮನುನ್ ಸಾಂಗಲಾನ್.
57ತನ್ನಾ ಜುದೆವಾಂಚ್ಯಾ ಮುಖಂಡಾನಿ ಸಗ್ಳ್ಯಾನಿ ಮೊಟ್ಯಾನ್ ಬೊಬ್ ಮಾರುನ್ ಅಪ್ಲಿ ಕಾನಾ ಹಾತಾನಿ ಧಾಪುನ್ ಘೆಟ್ಲ್ಯಾನಿ, ತೆನಿ ಸಗ್ಳ್ಯೆ ಗೊಳಾ ಹೊವ್ನ್ ಸ್ತೆಪೆನಾಚ್ಯಾ ಆಂಗಾರ್ ಚಡುನ್ ಯೆವ್ನ್, 58ತೆಕಾ ಶಾರಾತ್ನಾ ಭಾಯ್ರ್ ವಡುನ್ ನೆವ್ನ್, ತೊ ಮರಿ ಪತರ್ ಬಿ ತೆಚ್ಯಾ ವೈರ್ ಗುಂಡೆ ಟಾಕ್ಲ್ಯಾನಿ ಸ್ತೆಪನಾಕ್ ವಿರೊಧ್ ಹೊವ್ನ್ ಸಾಕ್ಷಿ ಸಾಂಗಲ್ಲ್ಯಾ ಲೊಕಾನಿ, ಅಪ್ಲಿ ವೈಲಿ ಅಂಗಿಯಾ ಕಾಡುನ್ ಸಾವ್ಲು ಮನ್ತಲ್ಯಾ ದಾಂಡ್ಗ್ಯಾ ಮಾನ್ಸಾಚ್ಯಾ ಪಾಂಯಾತ್ನಿ ಥವ್ಲ್ಯಾನಿ, 59ಸ್ತೆಪನಾಕ್ ಗುಂಡೆ ಟಾಕ್ಲ್ಯಾನಿ ಖರೆ ಸ್ತೆಪನಾನ್ ಮಾಗ್ನಿ ಕರುನ್ಗೆತ್, “ಧನಿಯಾ ಜೆಜು, ಮಾಜೊ ಆತ್ಮೊ ತುಜ್ಯಾಕ್ಡೆ ಘೆ!” ಮಟ್ಲ್ಯಾನ್.
60ತೆನಿ ಡಿಂಬಿಯಾರ್ನಿ ಇಬೆ ರ್‍ಹಾವ್ನ್, “ಧನಿಯಾ, ಹ್ಯೊ ಪಾಪ್ ಹೆಂಚ್ಯಾ ವೈರ್ ಘಾಲು ನಕ್ಕೊ!” ಮನುನ್ ಮೊಟ್ಯಾ ಧನಾನ್ ಸಾಂಗುನ್ಗೆತ್ ಜಿಂವ್ ಸೊಡ್ಲ್ಯಾನ್.
ទើបបានជ្រើសរើសហើយ៖
ಅಪೊಸ್ತಲಾಂಚಿ ಕಾಮಾ 7: NTSii24
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.