ಅಪೊಸ್ತಲಾಂಚಿ ಕಾಮಾ 8
8
ಸಾವ್ಲ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ ತರಾಸ್ ದಿತಲೆ
1ಸಾವ್ಲುಕ್ ಸ್ತೆಪನಾಚೊ ಜಿವ್ ಕಾಡಲೆ ಒಪ್ಕಿ ಹೊಲ್ಲೆ,
ತ್ಯಾ ದಿಸಾಕ್ನಾಚ್ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾಕ್ ವಿರೊದ್ ಹೊವ್ನ್ ತರಾಸ್ ಸುರು ಹೊಲೊ, ಅನಿ ತೆನಿ ಸಗ್ಳ್ಯಾನಿ ಅಪೊಸ್ತಲಾಕ್ನಿ ಸೊಡುನ್ ಸಾಮಾರ್ಯಾಚ್ಯಾ ಗಾಂವಾಕ್ನಿ ಪಗ್ಳುನ್ ಗೆಲೆ. 2ತನ್ನಾ ಥೊಡ್ಯಾ ಲೊಕಾನಿ ಸ್ತೆಪನಾಕ್ ನ್ಹೆವ್ನ್ ಸಮಾಧಿ ಕರ್‍ಲ್ಯಾನಿ, ಅನಿ ತೆನಿ ಸ್ತೆಪನಾ ಸಾಟ್ನಿ ಲೈ ರಡುನ್ ಅಳಾಪ್ ಕರ್‍ಲ್ಯಾನಿ,
3ಖರೆ ಸಾವ್ಲಾನ್ ದೆವಾಚ್ಯಾ ಲೊಕಾಂಚೆ ತಾಂಡೆ ಹಾಳ್ ಕರುಕ್ ಚಾಲುಕರ್ಲ್ಯಾನ್, ಹರ್ ಎಕ್ ಘರಾತ್ನಿಬಿ ಗುಸುನ್ ಘವ್ ಮಾನ್ಸಾಕ್ನಿ, ಅನಿ ಬಾಯ್ಕಾ ಮಾನ್ಸಾಕ್ನಿ ಸಗ್ಳ್ಯಾಕ್ನಿಬಿ ಭಾಯ್ರ್ ವಡುನ್ ಬಂದಿಖಾನ್ಯಾತ್ ಘಾಟ್ಲ್ಯಾನ್.
ಸಮಾರ್ಯಾತ್ ಬರಿ ಖಬರ್
4ದೆವಾಚಿ ವಿಶ್ವಾಸಿ ಲೊಕಾ ಲೈ ಕಡೆ ಪಗಳ್ಲಿ, ಅನಿ ತೆನಿ ಗೆಲ್ಯಾಕ್ಡೆ ಸಗ್ಳ್ಯಾಕ್ಡೆಬಿ ದೆವಾಚಿ ಬರಿ ಖಬರ್ ಲೊಕಾಕ್ನಿ ಸಾಂಗ್ಲ್ಯಾನಿ. 5ಫಿಲಿಪಾನ್ ಸಮಾರ್ಯ್ ಮನ್ತಲ್ಯಾ ಮುಖ್ಯ್ ಗಾಂವಾಕ್ ಜಾವ್ನ್ ಕ್ರಿಸ್ತಾಚ್ಯಾ ವಿಶಯಾತ್ ಪರ್ಗಟ್ ಕರ್‍ಲ್ಯಾನ್. 6ಫಿಲಿಪ್ ಸಾಂಗುಕ್ ಲಾಗಲ್ಲೆ ಥೈತ್ಲ್ಯಾ ಲೊಕಾನಿ ಆಯ್ಕಲ್ಯಾನಿ, ಅನಿ ತಸೆಚ್ ತೊ ಕರುಲಾಗಲಿ ಅಜಾಪಾಚಿ ಕಾಮಾಬಿ ಬಗ್ಲ್ಯಾನಿ, ತೆನಿ ಸಾಂಗಲಿ ಸಂಗ್ತಿಯಾ ಸಗ್ಳ್ಯಿ ಎಕ್ ಮನಾನ್ ಧ್ಯಾನ್ ದಿವ್ನ್ ಆಯ್ಕ್ ಲ್ಯಾನಿ. 7ಥೈತ್ಲ್ಯಾ ಲೈ ಲೊಕಾಕ್ನಿ ಧರಲೊ ಮಾರು ತೆಂಕಾ ಸೊಡುನ್ ಜಾತಾನಾ ಮೊಟ್ಯಾನ್ ಅವಾಜ್ ಕರುಂಗೆತ್ ಗೆಲೊ ಅನಿ ಲೈ ಸೊಟ್ಯಾಕ್ನಿ ಅನಿ ವಾರೆ ಮಾರಲ್ಯಾಕ್ನಿ ಗುನ್ ಹೊಲೆ. 8ತಸೆ ಹೊವ್ನ್ ತ್ಯಾ ಶಾರಾತ್ಲಿ ಲೊಕಾ ಲೈ ಕುಶಿ ಹೊಲಿ.
9ಖರೆ ತ್ಯಾ ಶಾರಾತ್ ಸಿಮಾವ್ ಮನ್ತಲೊ ಎಕ್ಲೊ ಹೊತ್ತೊ, ತೊ ಅಪ್ಲ್ಯಾ ಮೊಡಿ ಮಂತ್ರಾನಿ ಥೈತ್ಲ್ಯಾ ಲೊಕಾಕ್ನಿ ಕಂಗಾಲ್ ಕರುನ್ ಥವಲ್ಲ್ಯಾನ್, ತೊ ಅಪ್ನಾಕುಚ್ ಅಪ್ನಿ ಮೊಟೊ ಮಾನುಸ್ ಮನುನ್ ಘೆವ್ನ್ ಬಡಾಯ್ ಕರಿತ್ ಹೊತ್ತೊ. 10ಸಗ್ಳ್ಯಾ ಲೊಕಾನಿ ಮಟ್ಲ್ಯಾರ್ ಬಾರಿಕ್ಲ್ಯಾಂಚ್ಯಾಕ್ನಾ ಮೊಟ್ಯಾಂಚ್ಯಾ ಪತರ್ ಸಗ್ಳೆಬಿ ತೆಕಾ ಲೈ ಬಳ್ ಹಾಯ್ ಮನುನ್ ಸಾಂಗಿತ್. 11ತೆನಿ ಅಪ್ಲ್ಯಾ ಮೊಡಿ ಮಂತ್ರಾತ್ನಿ ಲೈ ಯೆಳಾಸ್ನಾ ಲೊಕಾಕ್ನಿ ವಿಸ್ಮಿತ್ ಕರುನ್ ಥವಲ್ಯಾ ಸಾಟ್ನಿ ಸಗ್ಳಿ ಲೊಕಾ ತೆಚಿ ಗೊಸ್ಟಿಯಾ ಮಾನಿತ್. 12ಖರೆ ಫಿಲಿಪ್ಪಾನ್ ದೆವಾಚ್ಯಾ ರಾಜಾಚ್ಯಾ ವಿಶಯಾತ್ ಅನಿ ಜೆಜು ಕ್ರಿಸ್ತಾಚ್ಯಾ ತಾಕ್ತಿಚ್ಯಾ ವಿಶಯಾತ್ ಲೊಕಾಕ್ನಿ ಬರಿ ಖಬರ್ ಸಾಂಗ್ಲ್ಯಾನ್ ಘೊಮ್ಸಾನಿ , ಅನಿ ಬಾಯ್ಕೊ ಮಾನ್ಸಾನಿ ಪಿಲಿಪಾನ್ ಸಾಂಗಲ್ಯಾಕ್ ವಿಶ್ವಾಸ್ ಕರ್‍ಲ್ಯಾನಿ, ಅನಿ ಬಾಲ್ತಿಮ್ ಕರುನ್ ಘೆಟ್ಲ್ಯಾನಿ. 13ಸ್ವತಾ ಸಿಮಾಂವಾನ್ಬಿ ವಿಶ್ವಾಸ್ ಕರ್‍ಲ್ಯಾನ್, ಅನಿ ಬಾಲ್ತಿಮ್ ಘೆಟ್ಲ್ಯಾನ್, ಅನಿ ಸಿಮಾವ್ ಪಿಲಿಪಾಚ್ಯಾ ಜಗ್ಗೊಳುಚ್ ರ್‍ಹಾಯ್, ಫಿಲಿಪಾನ್ ಕರಲಿ ಆಜಾಪಾಚಿ ಕಾಮಾ ಬಗುನ್ ಸಿಮಾವ್ ಲೈ ವಿಸ್ಮಿತ್ ಹೊಯ್.
14ಅಪೊಸ್ತಲಾ ಅಜುನ್ ಜೆರುಜಲೆಮಾತ್ ರಾತಾನಾ ಸರ್ಮಾಯಾ ಮನ್ತಲ್ಯಾ ಗಾಂವಾತ್ಲ್ಯಾ ಲೊಕಾನಿ ದೆವಾಚಿ ಗೊಸ್ಟಿಯಾ ಸ್ವಿಕಾರ್ ಕರುನ್ ಘೆಟ್ಲ್ಯಾನಿ ಮನ್ತಲೆ ಆಯ್ಕಲ್ಯಾ ತನ್ನಾ ತೆನಿ ಪೆದ್ರುಕ್, ಅನಿ ಜುವಾಂವಾಕ್ ತ್ಯಾ ಲೊಕಾಂಚ್ಯಾ ಜಗ್ಗೊಳ್ ಧಾಡುನ್ ದಿಲ್ಯಾನಿ. 15ತೆನಿ ದೊಗೆಬಿ ಸಮಾರ್ಯಾಕ್ ಯೆವ್ನ್ ಥೈತ್ಲ್ಯಾ ದೆವಾಚ್ಯಾ ತಾಂಡ್ಯಾಚ್ಯಾ ಲೊಕಾಕ್ನಿ ಪವಿತ್ರ್ ಆತ್ಮೊ ಗಾಂವ್ದಿ ಮನುನ್ ಮಾಗ್ನಿ ಕರ್‍ಲ್ಯಾನಿ. 16ಹ್ಯಾ ಲೊಕಾನಿ ಧನಿಯಾ ಜೆಜುಚ್ಯಾ ನಾವಾನ್ ಬಾಲ್ತಿಮ್ ಕರುನ್ ಘೆಟಲ್ಯಾನಿ, ಖರೆ ತಾಂಚ್ಯಾತ್ಲ್ಯಾ ಕೊನಾಚ್ಯಾ ವೈರಬಿ ಪವಿತ್ರ್ ಆತ್ಮೊ ಯೆವ್ಕ್ ನಸಲ್ಲೊ ತಸೆ ಹೊವ್ನ್, 17ಪೆದ್ರುನ್ ಅನಿ ಜುವಾಂವಾಕ್ ತೆಂಚ್ಯಾರ್ ಅಪ್ಲಿ ಹಾತಾ ಥವ್ಲ್ಯಾನಿ ತನ್ನಾ ತೆಂಕಾ ಪವಿತ್ರ್ ಆತ್ಮೊ ಯೆಲೊ.
18ಪೆದ್ರುನ್ ಅನಿ ಜುವಾಂವಾನ್ ಹಾತಾ ಥವಲ್ಲ್ಯಾ ತನ್ನಾ ಲೊಕಾಕ್ನಿ ಪವಿತ್ರ್ ಆತ್ಮೊ ಗಾವ್ಕ್ಲಾಗಲೆ ಸಿಮಾವಾನ್ ಬಗ್ಲ್ಯಾನ್, ತಸೆ ಹೊವ್ನ್ ತೆನಿ ಅಪೊಸ್ತಲಾಕ್ನಿ ಪೈಸೆ ದಿಲ್ಯಾನ್, 19ಅನಿ ಮಿಯಾ ಕೊನಾಚ್ಯಾ ವರ್‍ತಿ ಮಾಜೊ ಹಾತ್ ಥವ್ತಾ ತೆಂಕಾ ಪವಿತ್ರ್ ಆತ್ಮೊ ಗಾಯ್ ಸಾರ್ಕೆ ಹೊತಲಿ ಬಳ್ ಮಾಕಾಬಿ ದಿವಾ ಮಟ್ಲ್ಯಾನ್.
20ತನ್ನಾ ಪೆದ್ರು ಸಿಮೊನಾಕ್, “ತಿಯಾ ನಾಸ್ ಹೊ! ಅನಿ ತುಜೆ ಪೈಸೆಬಿ ತುಜ್ಯಾ ವಾಂಗ್ಡಾ ನಾಸ್ ಹೊಂವ್ದಿತ್!” ದೆವಾಚಿ ವರಾ ಪೈಸೆ ದಿವ್ನ್ ಘೆವ್ಕ್ ಹೊತಾ ಮನುನ್ ತಿಯಾ ಚಿಂತ್ಲೈ. 21ದೆವಾಚ್ಯಾ ಕಾಮಾತ್ನಿ ತಿಯಾ ಅಮ್ಚ್ಯಾ ವಾಂಗ್ಡಾ ವಾಟೊ ಅನಿ ಭಾಗ್ ಘೆವ್ಕ್ ಹೊಯ್ನಾ, ತುಜೊ ಮನ್ ದೆವಾಚ್ಯಾ ಫಿಡೆ ಸಮಾನಾ. 22ತಸೆ ಹೊವ್ನ್ ತುಜೊ ಮನ್ ಬದ್ಲುನ್ ಘೆ! ತಿಯಾ ಕರಲಿ ಬುರ್ಶಿ ಕಾಮಾ ಸೊಡುನ್ ದೆವಾಕ್ಡೆ ಪರತ್, ಧನಿಯಾಕ್ಡೆ ಮಾಗ್ನಿ ಕರ ತಿಯಾ ಅಸ್ಲಿ ಯವ್ಜನ್ ಕರಲ್ಯಾಕ್ ತೊ ತುಕಾ ಮಾಪಿ ಕರ್ಲ್ಯಾರ್ ಬಿ ಕರ್‍ತಲೊ.
23ತಿಯಾ ಲೈ ಕೊಡುಪಾನಾನ್ ಭರಲ್ಲೆ, ಅನಿ ಪಾಪಾಕ್ ಗುಲಾಮ್ ಹೊವ್ನ್ ಹೊತ್ತೆ ಮಿಯಾ ಬಗಟ್ಲಾ ಮಟ್ಲ್ಯಾನ್.
24ತನ್ನಾ ಸಿಮಾವಾನ್ ಮಾಜ್ಯಾ ಸಾಟ್ನಿ ತುಮಿ ದೊಗೆಬಿ ಧನಿಯಾಕ್ಡೆ ತುಮಿ ಸಾಂಗಲ್ಲ್ಯಾ ಸಂಗ್ತಿಯಾತ್ನಿ ಎಕ್ಬಿ ಮಾಕಾ ಹೊವ್ಕ್ ನ್ಹಯ್ ಸಾರ್ಕೆ ಮಾಗ್ನಿ ಕರಾ! ಮಟ್ಲ್ಯಾನ್.
25ತೆಚ್ಯಾ ಮಾನಾ ಪೆದ್ರು ಅನಿ ಜುವಾಂವಾಕ್ ಅಪ್ನಿ ಆಯ್ಕಲ್ಲಿ ಜೆಜುಚಿ ಖಬರ್ ಸಗ್ಳ್ಯಾ ಲೊಕಾಕ್ನಿ ಕಳ್ವುಲ್ಯಾನಿ, ತೆನಿ ಲೊಕಾಕ್ನಿ ಧನಿಯಾಚಿ ಬರಿ ಖಬರ್ ಸಾಂಗುನ್, ಮಾನಾ ಜೆರುಜಲೆಮಾಕ್ ಜಾತಾನಾ ವಾಟೆರ್ ಸಮಾರ್ಯಾತ್ಲಾ ಲೈ ಗಾಂವಾಕ್ನಿ ಜಾವ್ಕ್ ಲೊಕಾಕ್ನಿ ದೆವಾಚಿ ಬರಿ ಖಬರ್ ಸಾಂಗ್ಲ್ಯಾನಿ.
ಫಿಲಿಪ್ ಅನಿ ಇತಿಯೊಫಿಯಾತ್ಲೊ ಅಧಿಕಾರಿ
26ಧನಿಯಾಚ್ಯಾ ದೆವ್ ದುತಾನ್ ಫಿಲಿಪಾಕ್, ತಿಯಾ ಉಟುನ್ ತಯಾರ್ ಹೊವ್ನ್ ದಕ್ಷಿನಾಚ್ಯಾ ಭಾಜುಕ್ ಮಟ್ಲ್ಯಾರ್, ಜೆರುಜಲೆಮಾಕ್ನಾ ಗಾಜ್ಯಾಕ್ ಜಾತಲ್ಯಾ ಡಂಗ್ಳಿಚ್ಯಾ ವಾಟೆಕ್ಡೆ ಜಾ ಮಟ್ಲ್ಯಾನ್. 27ತಸೆ ಹೊವ್ನ್ ಫಿಲಿಪ್ ತಯಾರ್ ಹೊವ್ನ್ ಜಾವ್ಲಾಲೊ, ತನ್ನಾ ಇಥಿಯೊಫಿಯಾತ್ಲೊ, ಎಕ್ ಮಾನುಸ್ ತೆಕಾ ವಾಟೆರ್ ದಿಸ್ಲೊ, ಹೊ ಮಾನುಸ್ ಹಿಜ್ಡಾ ಹೊಲ್ಲೊ, ಇಥಿಯೊಫಿಯಾಚ್ಯಾ ರಾನಿಚ್ಯಾ ಆಸ್ಥಾನಾತ್ ಹ್ಯೊ ಮೊಟೊ ಅಧಿಕಾರಿ ಹೊವ್ನ್ ಹೊತ್ತೊ ಪೈಸೆ ಸಗ್ಳ್ಯೆ ಬಗುನ್ ಘೆತಲಿ ಜವಾಬ್ದಾರಿ ತೆಕಾಚ್ ಹೊತ್ತಿ, ತೊ ದೆವಾಚಿ ಸ್ತುತಿ ಕರುಕ್ ಸಾಟ್ನಿ ಜೆರುಜಲೆಮಾಕ್ ಗೆಲ್ಲೊ. 28ತೊ ಅಪ್ಲ್ಯಾ ರಥಾತ್ ಬಸುನ್ ಯೆಶಾಯಾಚೆ ಪುಸ್ತಕ್ ವಾಚುನ್ಗೆತ್ ಅಪ್ಲ್ಯಾ ಘರಾಕ್ಡೆ ಪರ್ತುನ್ ಜಾವ್‍ಲಾಗಲೊ. 29ಪವಿತ್ರ್ ಆತ್ಮ್ಯಾನ್ ಫಿಲಿಪಾಕ್ “ರಥಾಕ್ಡೆ ಜಾವ್ನ್ ತೆಚ್ಯಾ ಜಗ್ಗೊಳ್ ರಾ” ಮಟ್ಲ್ಯಾನ್.
30ಸಾಂಗಲ್ಲ್ಯಾ ಸಾರ್ಕೆಚ್ ಫಿಲಿಪ್ ರಥಾಚ್ಯಾ ಜಗ್ಗೊಳ್ ಗೆಲೊ, ತೊ ಮಾನುಸ್ ವಾಚುಲಾಗಲೆ ಯೆಶಾಯಾಚೆ ಪ್ರವಾದನ್ ಪುಸ್ತಕ್ ಫಿಲಿಪಾಕ್‍ಬಿ ಆಯ್ಕಲೆ, ತನ್ನಾ ಫಿಲಿಪಾನ್ ತೆಕಾ ತಿಯಾ ವಾಚುಲಾಗಲೆ ತುಕಾ ಅರ್ತ್‍ ಹೊವ್ಲಾ ಕಾಯ್? ಮನುನ್ ಇಚಾರ್‍ಲ್ಯಾನ್.
31ತನ್ನಾ ತ್ಯಾ ಅಧಿಕಾರಿನ್ ಮಿಯಾ ಕಶೆ ಅರ್ಥ್ ಕರುನ್ ಘೆವ್ಕ್ ಹೊತಾ? ಕೊನ್ ತರಿಬಿ ದುಸ್ರ್ಯಾನಿ ಹೆ ಮಾಕಾ ಕಳ್ವುಚೆ! ಮನುನ್ ಜವಾಬ್ ದಿಲ್ಯಾನ್, ಅನಿ ಅಪ್ನಾಚ್ಯಾ ವಾಂಗ್ಡಾ ರಥಾತ್ ಚಡುನ್ ಬಸ್ ಮನುನ್ ಫಿಲಿಪಾಕ್ ಬಲ್ವುಲ್ಯಾನ್. 32ತೊ ವಾಚುಲಾಗಲ್ಯಾ ಪವಿತ್ರ್ ಪುಸ್ತಕಾಚೊ ಭಾಗ್ ಖಲೊ ಮಟ್ಲ್ಯಾರ್:
ತೊಡ್ತಲ್ಯಾ ಜಾಗ್ಯಾಕ್ ನ್ಹೆಲ್ಲ್ಯಾ ಬಕ್ರ್ಯಾ ಸಾರ್ಕೊ ತೊ ಹೊತ್ತೊ,
ಅಪ್ಲಿ ಕೆಸಾ ಕಾಪುಲಾಗಲ್ಯಾಚ್ಯಾ ಫಿಡ್ಯಾತ್ ಗಪ್ ಇಬೆ ಹೊತ್ತ್ಯಾ ಬಕ್ರ್ಯಾ ಸಾರ್ಕೊ ತೊ ಹೊತ್ತೊ, ತೆನಿ ಎಕ್ ಶಬ್ದ್ ಸೈತ್ ಬೊಲುಕ್ನಾ.
33ತೆನಿ ಮಾನುನ್ ಘೆಟಲ್ಯಾ ಸಾಟ್ನಿ ತೆಕಾ ನ್ಯಾಯ್ ಗಾವ್ಕನಾ ತೆಚ್ಯಾ ಪುರ್ವಜಾಂಚ್ಯಾ ವಿಶಯಾತ್ ಸಾಂಗುಕ್ ಕೊನಾಕ್ಬಿ ಬಳ್ ನಾ ಕಶ್ಯಾಕ್ ಮಟ್ಲ್ಯಾರ್,
ಜಿಮ್ನಿ ವೈನಾ ತೆಜೊ ಜಿವನ್ ಸರುನ್ಗೆತ್ ಯೆಲಾ.
34ತೆನಿ ಫಿಲಿಪಾಕ್, “ದಯಾ ಕರುನ್ ಮಾಕಾ ಸಾಂಗ್ ಹಿತ್ತೆ ಖಚ್ಚ್ಯಾ ಪ್ರವಾದ್ಯಾಚ್ಯಾ ವಿಶಯಾತ್ ಸಾಂಗುಲಾಗಲೆ ಹಾಯ್? ತೊ ಅಪ್ನಾಚ್ಯಾಚ್ ವಿಶಯಾತ್ ಸಾಂಗುಲ್ಲಾ ಕಾಯ್?” ಮಾಕಾ ಸಾಂಗ್ ಮನುನ್ ಇಚಾರ್‍ಲ್ಯಾನ್.
35ಫಿಲಿಪಾನ್ ಪವಿತ್ರ್ ಪುಸ್ತಕಾಚ್ಯಾ ಹ್ಯಾ ಭಾಗಾಕ್ನಾಚ್ ಶುರು ಕರುನ್ ಜೆಜುಚ್ಯಾ ವಿಶಯಾಚಿ ಖಬರ್ ತೆಕಾ ಕಳ್ವುಲ್ಯಾನ್. 36ಜಾಂವ್ಗೆತ್ - ಜಾಂವ್ಗೆತ್, ಅನಿ ಪಾನಿ ಹೊತ್ತ್ಯಾ ಎಕ್ ಜಾಗ್ಯಾಚ್ಯಾ ಜಗ್ಗೊಳ್ ಪಾವ್ಲೆ, ತನ್ನಾ ತೊ ಅಧಿಕಾರಿ “ಹೆಬಕ್! ಹಿತ್ತೆ ಪಾನಿ ಹಾಯ್! ಮಿಯಾ ಬಾಲ್ತಿಮ್ ಕರುನ್ ಘೆವ್ಕ್ ಕಾಯ್‍ತರಿಬಿ ಅಡ್ಕಳ್ ಹಾಯ್ ಕಾಯ್?” ಮನುನ್ ಪಿಲಿಪಾಕ್ ಇಚಾರ್‍ಲ್ಯಾನ್. 37ತನ್ನಾ ಪಿಲಿಪಾನ್ ಅಧಿಕಾರಿಕ್ “ ತಿಯಾ ಫುರಾ ಮನಾನ್ ವಿಶ್ವಾಸ್ ಕರ್‍ತಲೊ ಹೊಲ್ಯಾರ್ ಬಾಲ್ತಿಮ್ ಘೆವ್ಕ್ ಹೊತಾ” ಮಟ್ಲ್ಯಾನ್, ತನ್ನಾ ಅದಿಕಾರಿನ್ “ಜೆಜು ಕ್ರಿಸ್ತ್ ದೆವಾಚೊ ಲೆಕ್ ಮನುನ್ ಮಿಯಾ ವಿಶ್ವಾಸ್ ಕರ್‍ತಾ” ಮನುನ್ ಜವಾಬ್ ದಿಲ್ಯಾನ್.
38ಮಾನಾ ತೆನಿ ರಥ್ ಇಬೆ ಕರಾ ಮನುನ್ ಹುಕುಮ್ ಕರ್‍ಲ್ಯಾನ್, ತೆನಿ ದೊಗೆಬಿ ಪಾನಿಯಾತ್ ಉತ್ರುನ್ ಮಾನಾ ಫಿಲಿಪಾನ್ ತೆಕಾ ಬಾಲ್ತಿಮ್ ದಿಲ್ಯಾನ್. 39ತೆನಿ ಪಾನಿಯಾತ್ನಾ ವೈರ್ ಯೆಲ್ಲ್ಯಾತನ್ನಾ, ಧನಿಯಾಚ್ಯಾ ಆತ್ಮ್ಯಾನ್ ಫಿಲಿಪಾಕ್ ಉಕ್ಲುನ್ ನ್ಹೆಲ್ಯಾನ್, ಅನಿ ಕನ್ನಾಬಿ ಫಿಲಿಪ್ ತ್ಯಾ ಮಾನ್ಸಾಕ್ ದಿಸುಕ್ ನಾ, ತೊ ಲೈ ಕುಶಿ ಹೊವ್ನ್ ಅಪ್ನಿ ಜಾವ್‍ಲಾಗಲ್ಯಾ ವಾಟೆನ್ ಫಿಡೆ ಗೆಲೊ. 40ಖರೆ ಫಿಲಿಪಾನ್ ಅಜೊತ್ ಮನ್ತಲ್ಯಾ ಶಾರಾತ್ ದಾಕ್ವುನ್ ಘೆವ್ನ್ ಸೆಜರೆಯ ಮನ್ತಲ್ಯಾ ಶಾರಾತ್ ಜಾತಾನಾ ವಾಟೆರ್ ಗಾವಲ್ಯಾ ಸಗ್ಳ್ಯಾ ಗಾಂವಾತ್ನಿ ಬಿ ದೆವಾಚಿ ಬರಿ ಖಬರ್ ಸಾಂಗ್ಲ್ಯಾನ್.
ទើបបានជ្រើសរើសហើយ៖
ಅಪೊಸ್ತಲಾಂಚಿ ಕಾಮಾ 8: NTSii24
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.