انجیلِ مَتّی 4
4
امتحان وابی‌یَنِ عیسی
1اوسِه روح‌القدس، عیسی نَه هدایت کِه وَ بیابون تا اِبلیس امتحانِش کِنِه. 2عیسی بعدَ یِکه چِل شُو وِ چل رو مِنِه روزَه وَ سَر بُرد گُسنَه وابی. 3اوسِه اِبلیسی که امتحان ایکِنِه اومَه طِیش وِ گُت: «اَر کِرِ خدایِی، وَ ای بَردَل دستور بییِه نون وابون!» 4امّا عیسی مِنِه جواب گُت: «مِنِه کتابَلِ مقدس نوشتَه وابی‌یِه که:
«" آیَم تِنا وَ نون زِندَه نی،
بلکم وَ هَر کلامی که وَ دِهونِ خدا ایا وَدَر."»
5اوسِه اِبلیس وِّ نَه بُرد وَ شهر مقدّس وِ نَهاش وَ ری بِلَندترین جِی معبدِ خداوند 6وِ گُت: «اَر کِرِ خدایِی، خِتَه وَ وِیچه وِربییِه دومِن، سی‌یِکِه مِنِه زَبورِ داوود نِوشتَه وابی‌یِه:
«" خدا درموردِ تِ وَ فرشته‌یَلِش دستور اییِه
وِ اونگَل تِنَه سَرِ دَسَلِشون ایگِرِن،
نَکِنِه پاتَه وَ بَردی بِزَنی."»
7عیسی وَش جواب دا: «یِه هَم مِنِه تورات نوشتَه وابی‌یِه که،
«"خداوند خِدِی خِتَه امتحان مَکُ.»
8اِبلیس عیسی نَه بُرد بالِی کُویی مَهلی بِلَند وِ تَمومیِ حکومَتَلِ دنیا نَه بِی تمومِ شکوه و جلالِشون وَش نِشون دا. 9وِ گُت: «اَر جِلُوم بییُفتی وَ خَک وِ مِنَه پَرستِش کِنی، تَمومِ اینگَلَه وَت ایبَخشُم.» 10عیسی وَش گُت: «دیر وابو ای شِیطون! سی‌یِکِه مِنِه تورات نوشتَه وابی‌یِه:
«" خداوند، خِدِی خِتَه بِپَرَست
وِ تِنا وِّ نَه عبادَت کُ."»
11اوسِه اِبلیس وِّ نَه وِل کِه وِ فرشتِه‌یَل اومَن وُ وِّ نَه خِذمَت کِردِن.
شروع خذمتِ عیسی مِنِه جلیل
12وختی عیسی اِشنُفت که یحیی نَه دَسگیر کِردِنِه، وَرگَشت وَ وِلاتِ جلیل. 13وَ ناصرَه زَه وَدَر، رَت وَ طرفِ شهرِ کَفَرناحوم وِ وُچه منزل کِه. کفرناحوم مِنِه هیبِی دریاچۀ جلیل وِ مِنِه دیار زِبولون وِ نَفتالی بی. 14یِه وابی تا کلامِ اِشعیایِ پیغمبر وَ اَنجوم بِرَسِه که گُتَه بی:
15«دیارِ زِبولون وُ دیارِ نَفتالی،
رَه دریا، اولَتِ اردن،
جلیلِ غیرِ‌یَهودی‌یَل؛
16مردمی که مِنِه تاریکی وَ سَر ایبُردِن،
نوری مهلی گپو دییِن،
وُ وَ اونگَل که مِنِه دیار سایۀ مرگ زِندِیی ایکِردِن،
روشنایی بِرچ زَه.»
17وَ او زمون عیسی شروع کِه وَ تعلیم دایَن وِ ایگُت: «توبَه کِنیت، سی‌یِکِه پادشاییِ آسمون نِزِنگ وابی‌یِه!»
اَوَلین شاگِردَلِ عیسی
18وختی عیسی مِنِه هیبِی دریاچۀ جلیل رَه ایرَت، دِتا کَکا نَه دی وَ نومَلِ شمعون، معروف وَ پطرُس، وِ کَکاش آندریاس، که تور وَ دریا ایبِسِن، سی‌یِکِه ماهیگیر بییِن. 19وَشون گُت: «وَ دینِ مِ بی‌یِیت که ایشا نَه صیادِ مَردِمون ایکِنُم.» 20اونگَل زی تورَلِشونَه نَهان وِ جِکِسِن وَ دینِ عیسی. 21وختی که عیسی رَه خِشَه ایرَت، دِتا کَکِی دَ یعنی یعقوب کِرِ زِبِدی وِ کَکاش یوحنا نَه دی که بِی بُوشون زِبِدی مِنِه قایق بییِن وِ تورَلِشونَه آمایَه ایکِردِن. اونگَلَه هَم صیا کِه؛ 22اونگَل زی قایق وِ بُوشونَه وِل کِردِن وُ وَ دینِ عیسی رُونَه وابی‌یِن.
شَفِی مَریضَل
23عیسی مِنِه سرتاسرِ جلیل ایگَشت وِ مِنِه کَنیسَه که عبادتگاهِ یَهودی‌یَل بی تعلیم ایدا وِ خَوَرِ خَشِ پادشاییِ آسمونَه اعلام ایکِه وِ هر درد وُ مریضیِ مَردِمَه شفا ایدا. 24وَ ای تَرتیب آوازَش مِنِه سرتاسرِ سوریَه پیچِس وِ مردم تَمومِ مریضَلَه که مَرَضَل وِ دَردَلِ جورواجوری داشتِن، وِ همیطو دیوزَدَه‌یَل وِ غشی‌یَل وِ فَلَجَلَه ایاوُردِن طِیش وِ عیسی اونگَلَه شفا ایدا. 25پَ جَماعَتَلِ زیادی وَ وِلاتِ جلیل وُ وِلاتِ دِکاپولیس، اورشلیم وُ وِلاتِ یهودیَه وُ اولَتِ اردن وَ دینِ عیسی رُونَه وابی‌یِن.
ទើបបានជ្រើសរើសហើយ៖
انجیلِ مَتّی 4: SLB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیلِ مَتّی 4
4
امتحان وابی‌یَنِ عیسی
1اوسِه روح‌القدس، عیسی نَه هدایت کِه وَ بیابون تا اِبلیس امتحانِش کِنِه. 2عیسی بعدَ یِکه چِل شُو وِ چل رو مِنِه روزَه وَ سَر بُرد گُسنَه وابی. 3اوسِه اِبلیسی که امتحان ایکِنِه اومَه طِیش وِ گُت: «اَر کِرِ خدایِی، وَ ای بَردَل دستور بییِه نون وابون!» 4امّا عیسی مِنِه جواب گُت: «مِنِه کتابَلِ مقدس نوشتَه وابی‌یِه که:
«" آیَم تِنا وَ نون زِندَه نی،
بلکم وَ هَر کلامی که وَ دِهونِ خدا ایا وَدَر."»
5اوسِه اِبلیس وِّ نَه بُرد وَ شهر مقدّس وِ نَهاش وَ ری بِلَندترین جِی معبدِ خداوند 6وِ گُت: «اَر کِرِ خدایِی، خِتَه وَ وِیچه وِربییِه دومِن، سی‌یِکِه مِنِه زَبورِ داوود نِوشتَه وابی‌یِه:
«" خدا درموردِ تِ وَ فرشته‌یَلِش دستور اییِه
وِ اونگَل تِنَه سَرِ دَسَلِشون ایگِرِن،
نَکِنِه پاتَه وَ بَردی بِزَنی."»
7عیسی وَش جواب دا: «یِه هَم مِنِه تورات نوشتَه وابی‌یِه که،
«"خداوند خِدِی خِتَه امتحان مَکُ.»
8اِبلیس عیسی نَه بُرد بالِی کُویی مَهلی بِلَند وِ تَمومیِ حکومَتَلِ دنیا نَه بِی تمومِ شکوه و جلالِشون وَش نِشون دا. 9وِ گُت: «اَر جِلُوم بییُفتی وَ خَک وِ مِنَه پَرستِش کِنی، تَمومِ اینگَلَه وَت ایبَخشُم.» 10عیسی وَش گُت: «دیر وابو ای شِیطون! سی‌یِکِه مِنِه تورات نوشتَه وابی‌یِه:
«" خداوند، خِدِی خِتَه بِپَرَست
وِ تِنا وِّ نَه عبادَت کُ."»
11اوسِه اِبلیس وِّ نَه وِل کِه وِ فرشتِه‌یَل اومَن وُ وِّ نَه خِذمَت کِردِن.
شروع خذمتِ عیسی مِنِه جلیل
12وختی عیسی اِشنُفت که یحیی نَه دَسگیر کِردِنِه، وَرگَشت وَ وِلاتِ جلیل. 13وَ ناصرَه زَه وَدَر، رَت وَ طرفِ شهرِ کَفَرناحوم وِ وُچه منزل کِه. کفرناحوم مِنِه هیبِی دریاچۀ جلیل وِ مِنِه دیار زِبولون وِ نَفتالی بی. 14یِه وابی تا کلامِ اِشعیایِ پیغمبر وَ اَنجوم بِرَسِه که گُتَه بی:
15«دیارِ زِبولون وُ دیارِ نَفتالی،
رَه دریا، اولَتِ اردن،
جلیلِ غیرِ‌یَهودی‌یَل؛
16مردمی که مِنِه تاریکی وَ سَر ایبُردِن،
نوری مهلی گپو دییِن،
وُ وَ اونگَل که مِنِه دیار سایۀ مرگ زِندِیی ایکِردِن،
روشنایی بِرچ زَه.»
17وَ او زمون عیسی شروع کِه وَ تعلیم دایَن وِ ایگُت: «توبَه کِنیت، سی‌یِکِه پادشاییِ آسمون نِزِنگ وابی‌یِه!»
اَوَلین شاگِردَلِ عیسی
18وختی عیسی مِنِه هیبِی دریاچۀ جلیل رَه ایرَت، دِتا کَکا نَه دی وَ نومَلِ شمعون، معروف وَ پطرُس، وِ کَکاش آندریاس، که تور وَ دریا ایبِسِن، سی‌یِکِه ماهیگیر بییِن. 19وَشون گُت: «وَ دینِ مِ بی‌یِیت که ایشا نَه صیادِ مَردِمون ایکِنُم.» 20اونگَل زی تورَلِشونَه نَهان وِ جِکِسِن وَ دینِ عیسی. 21وختی که عیسی رَه خِشَه ایرَت، دِتا کَکِی دَ یعنی یعقوب کِرِ زِبِدی وِ کَکاش یوحنا نَه دی که بِی بُوشون زِبِدی مِنِه قایق بییِن وِ تورَلِشونَه آمایَه ایکِردِن. اونگَلَه هَم صیا کِه؛ 22اونگَل زی قایق وِ بُوشونَه وِل کِردِن وُ وَ دینِ عیسی رُونَه وابی‌یِن.
شَفِی مَریضَل
23عیسی مِنِه سرتاسرِ جلیل ایگَشت وِ مِنِه کَنیسَه که عبادتگاهِ یَهودی‌یَل بی تعلیم ایدا وِ خَوَرِ خَشِ پادشاییِ آسمونَه اعلام ایکِه وِ هر درد وُ مریضیِ مَردِمَه شفا ایدا. 24وَ ای تَرتیب آوازَش مِنِه سرتاسرِ سوریَه پیچِس وِ مردم تَمومِ مریضَلَه که مَرَضَل وِ دَردَلِ جورواجوری داشتِن، وِ همیطو دیوزَدَه‌یَل وِ غشی‌یَل وِ فَلَجَلَه ایاوُردِن طِیش وِ عیسی اونگَلَه شفا ایدا. 25پَ جَماعَتَلِ زیادی وَ وِلاتِ جلیل وُ وِلاتِ دِکاپولیس، اورشلیم وُ وِلاتِ یهودیَه وُ اولَتِ اردن وَ دینِ عیسی رُونَه وابی‌یِن.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company