انجیلِ مَتّی 7
7
قضاوت نکِنیت
1«قضاوت نکِنیت وِ قضاوت نیابِیت. 2هَموطو که قضاوت کنیت، وَ ایشا هم قضاوت ایابو وِ بِی هَمو پِیمونه‌ای که کِیل کِنیت، بِی هَمو پِیمونَه عوض ایگِریت. 3سیچِه پَرِ کَهی نَه مِنِه تییِی کَکات ایبینی، امّا دارِ درختی نَه که مِنِه تییِۀ خِتِه نیبینی؟ 4چِطو ایتَری وَ کَکات بِگِی، "بِل پَرِ کَه نَه وَ تییَت دَرارُم،" در حالی که دارِ درختی مِنِه تییِۀ خُوت داری؟ 5ای ریاکار، اَوَل دارِ درختَه وَ تییِۀ خُوت دَرار، اوسِه بِختَر ایبینی تا پَرِ کَه نَه وَ تییِۀ کَکات دَراری.»
6«اوچیئی که مقدّسِه، نَئیت وَ سَگَل وِ مُرواری‌یَلِ خِتونَه وِر نَئیت طِی خوکَل، نَکِنِه اونگَلَه پامال کِنِن وِ وَرگَردِن ایشا نَه بِدِرنِن.»
بِخِیت، بِجوریت، در بزنیت
7«بِخِیت، که وَ ایشا دایَه ایابو؛ بِجوریت، که پِییا ایکِنیت؛ در بِزنیت، که در وَ ریتون واز ایابو. 8سی‌یِکِه هرکه بِخوا، وَ دَس ایارِه وِ هرکه بِجورِه، پِییا ایکِنِه وِ هرکه در بِزَنه، دَر وَ ریش واز ایابو. 9کویَکی وَ ایشا اَر کِرِش وَش نون بِخوا، بَردی وَش اییِه؟ 10یا اَر ماهی بِخوا، وَش مار اییِه؟ 11ایسِه اَر ایشا بِی تَمومِ شَرارَتِتون، دونیت که باید وَ بَچه‌یَلِتون چییَلِ خوب بِئیت، چِقَه بیشتر بُو ایشا که مِنِه آسمونِه وَ اونگَلی که وَش بِخوان، چییَلِ خوب ایبَخشِه. 12پَ بِی مردم هَموطو رفتار کِنیت که ایخِیت بِی ایشا رفتار کِنِن. یِنِه خلاصۀ تورات وِ نوشته‌یَلِ پیغمبَرَل.»
رَه حیات
13«وَ درِ تنگ بی‌یِیت داخل، سی‌یِکِه او دری که وَ نابودی ایرَسِه فِراخِه وِ رَش پَنِه وِ کَسَلی که وَ ای رَه ایان داخل یِکِلی یَن. 14امّا او دَر که وَ حیات ایرَسِه تنگِه وِ رَش سخته وِ کَسلی که ای رَه نَه ایجورِن کَمِن.»
دار و میوَش
15«وَ پیغمبَرَلِ وَدِرو حذر کنیت، اونگَل مِنِه لباسِ میشَل ایان طِی ایشا، امّا مِنِه باطن گُرگَلِ دَرَندَه‌یَن. 16اونگَلَه وَ میوه‌یَلِشون بِشناسیت. مَه انگورَ وَ بِتِۀ خار وِ انجیرَ وَ علف هرز ایچینِن؟ 17وَ هَمی صورت، هر دارِ خوب میوۀ خوب اییِه، امّا دارِ بَد میوۀ بَد. 18دارِ خوب نیتَرِه میوۀ بَد بییِه، وِ دارِ بَد هَم نیتَرِه میوۀ خوب وَ بار بیارِه. 19هر داری که میوۀ خوب وَ بار نَیارِه، بِرییَه وِ مِنِه تَش وِردایَه ایابو. 20پَ، اونگَلَه وَ میوه‌یَلِشون ایشناسیت.»
21«نه هرکه مِنَه "آقایِ مو، آقایِ مو" صیا کِنِه وَ پادشاییِ آسمون رَه ایجورِه، بلکم تِنا کسی رَه ایجورِه که ارادۀ بُومَه که مِنِه آسمونِه، وَجا ایارِه. 22مِنِه او روزَل خیلی‌یَل وَم ایگُن: "آقا، آقا، مَه وَ نومِ تِ نبوّت نَکِردیم؟ مَه وَ نومِ تِ دیوَلَه نَکِردیم وَدَر؟ مَه وَ نومِ تِ معجزه‌یَلِ زیادی نَکِردیم؟" 23امّا رُک وَشون ایگُم، "وَتَه ایشا نَه نیشناسُم. وَ مِ دیر وابِیت، ای بَدکارَل!"»
معمار دونا و معمار نایون
24«پَ هرکه ای گَپَلِ مِنَه بِشنِفِه وُ وَشون عمل کِنِه، مِی مِردِ دونایی یَه که حونَشَه ری بَرد بنا کِه. 25بارون زَه وِ سِیلو وَ رَه اُفتا وِ بادَلِ تندی اومَه وُ وَ او حونَه زور آوُرد، امّا او حونَه خراب نَوابی سی‌یِکِه پی‌یَش ری بَرد بی. 26امّا هرکه ای گَپَلِ مِنَه بِشنِفِه وُ وَشون عمل نَکِنِه، مِی مِردِ نایونی یَه که حونَشَه ری ریگ بنا کِه. 27وختی بارون زَه وِ سِیلو وَ رَه اُفتا وِ بادَلِ تندی اومَه وُ وَ او حونَه زور آوُرد، خراب وابی، وِ خرابیش مهلی گپو بی!» 28وختی عیسی ای گَپَلَه وَ آخِر رَسُند، مردم وَ تعلیم وِّ حیرت‌زَیَه وابی‌یَه بییِن، 29سی‌یِکِه بِی اقتدار وَشون تعلیم ایدا، نَه مِی معلملِ توراتِشون.
ទើបបានជ្រើសរើសហើយ៖
انجیلِ مَتّی 7: SLB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیلِ مَتّی 7
7
قضاوت نکِنیت
1«قضاوت نکِنیت وِ قضاوت نیابِیت. 2هَموطو که قضاوت کنیت، وَ ایشا هم قضاوت ایابو وِ بِی هَمو پِیمونه‌ای که کِیل کِنیت، بِی هَمو پِیمونَه عوض ایگِریت. 3سیچِه پَرِ کَهی نَه مِنِه تییِی کَکات ایبینی، امّا دارِ درختی نَه که مِنِه تییِۀ خِتِه نیبینی؟ 4چِطو ایتَری وَ کَکات بِگِی، "بِل پَرِ کَه نَه وَ تییَت دَرارُم،" در حالی که دارِ درختی مِنِه تییِۀ خُوت داری؟ 5ای ریاکار، اَوَل دارِ درختَه وَ تییِۀ خُوت دَرار، اوسِه بِختَر ایبینی تا پَرِ کَه نَه وَ تییِۀ کَکات دَراری.»
6«اوچیئی که مقدّسِه، نَئیت وَ سَگَل وِ مُرواری‌یَلِ خِتونَه وِر نَئیت طِی خوکَل، نَکِنِه اونگَلَه پامال کِنِن وِ وَرگَردِن ایشا نَه بِدِرنِن.»
بِخِیت، بِجوریت، در بزنیت
7«بِخِیت، که وَ ایشا دایَه ایابو؛ بِجوریت، که پِییا ایکِنیت؛ در بِزنیت، که در وَ ریتون واز ایابو. 8سی‌یِکِه هرکه بِخوا، وَ دَس ایارِه وِ هرکه بِجورِه، پِییا ایکِنِه وِ هرکه در بِزَنه، دَر وَ ریش واز ایابو. 9کویَکی وَ ایشا اَر کِرِش وَش نون بِخوا، بَردی وَش اییِه؟ 10یا اَر ماهی بِخوا، وَش مار اییِه؟ 11ایسِه اَر ایشا بِی تَمومِ شَرارَتِتون، دونیت که باید وَ بَچه‌یَلِتون چییَلِ خوب بِئیت، چِقَه بیشتر بُو ایشا که مِنِه آسمونِه وَ اونگَلی که وَش بِخوان، چییَلِ خوب ایبَخشِه. 12پَ بِی مردم هَموطو رفتار کِنیت که ایخِیت بِی ایشا رفتار کِنِن. یِنِه خلاصۀ تورات وِ نوشته‌یَلِ پیغمبَرَل.»
رَه حیات
13«وَ درِ تنگ بی‌یِیت داخل، سی‌یِکِه او دری که وَ نابودی ایرَسِه فِراخِه وِ رَش پَنِه وِ کَسَلی که وَ ای رَه ایان داخل یِکِلی یَن. 14امّا او دَر که وَ حیات ایرَسِه تنگِه وِ رَش سخته وِ کَسلی که ای رَه نَه ایجورِن کَمِن.»
دار و میوَش
15«وَ پیغمبَرَلِ وَدِرو حذر کنیت، اونگَل مِنِه لباسِ میشَل ایان طِی ایشا، امّا مِنِه باطن گُرگَلِ دَرَندَه‌یَن. 16اونگَلَه وَ میوه‌یَلِشون بِشناسیت. مَه انگورَ وَ بِتِۀ خار وِ انجیرَ وَ علف هرز ایچینِن؟ 17وَ هَمی صورت، هر دارِ خوب میوۀ خوب اییِه، امّا دارِ بَد میوۀ بَد. 18دارِ خوب نیتَرِه میوۀ بَد بییِه، وِ دارِ بَد هَم نیتَرِه میوۀ خوب وَ بار بیارِه. 19هر داری که میوۀ خوب وَ بار نَیارِه، بِرییَه وِ مِنِه تَش وِردایَه ایابو. 20پَ، اونگَلَه وَ میوه‌یَلِشون ایشناسیت.»
21«نه هرکه مِنَه "آقایِ مو، آقایِ مو" صیا کِنِه وَ پادشاییِ آسمون رَه ایجورِه، بلکم تِنا کسی رَه ایجورِه که ارادۀ بُومَه که مِنِه آسمونِه، وَجا ایارِه. 22مِنِه او روزَل خیلی‌یَل وَم ایگُن: "آقا، آقا، مَه وَ نومِ تِ نبوّت نَکِردیم؟ مَه وَ نومِ تِ دیوَلَه نَکِردیم وَدَر؟ مَه وَ نومِ تِ معجزه‌یَلِ زیادی نَکِردیم؟" 23امّا رُک وَشون ایگُم، "وَتَه ایشا نَه نیشناسُم. وَ مِ دیر وابِیت، ای بَدکارَل!"»
معمار دونا و معمار نایون
24«پَ هرکه ای گَپَلِ مِنَه بِشنِفِه وُ وَشون عمل کِنِه، مِی مِردِ دونایی یَه که حونَشَه ری بَرد بنا کِه. 25بارون زَه وِ سِیلو وَ رَه اُفتا وِ بادَلِ تندی اومَه وُ وَ او حونَه زور آوُرد، امّا او حونَه خراب نَوابی سی‌یِکِه پی‌یَش ری بَرد بی. 26امّا هرکه ای گَپَلِ مِنَه بِشنِفِه وُ وَشون عمل نَکِنِه، مِی مِردِ نایونی یَه که حونَشَه ری ریگ بنا کِه. 27وختی بارون زَه وِ سِیلو وَ رَه اُفتا وِ بادَلِ تندی اومَه وُ وَ او حونَه زور آوُرد، خراب وابی، وِ خرابیش مهلی گپو بی!» 28وختی عیسی ای گَپَلَه وَ آخِر رَسُند، مردم وَ تعلیم وِّ حیرت‌زَیَه وابی‌یَه بییِن، 29سی‌یِکِه بِی اقتدار وَشون تعلیم ایدا، نَه مِی معلملِ توراتِشون.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company