انجیل متی 3
3
یحیی، مسیحه راه آماده آکرار
1سالان اِوردنه پَش، یحیای تعمیددهنده تعلیم دییَنه واسِنه یهودیه بیابانه را بِشه، 2واتردشه: «توبه بِکَراه چون آسمانه پادشاهی نزدیکه!» 3یحیی اَ کسی اِسه که اِشعیای پیغمبر چَوه درباره واجه:
«ای نفر بیابانک جِرَنه واتر:
”خداونده راه، آماده بِکَراه!
چَوه راهان دوز آکرا!“»
4یحیی خلوع دَوَع پَشمنه به و چَرمیه قیاسَه ای اِشتن کمرش دِوَستِه، و چَوه غذا چَکوردک و کوهیَه عَسَلک بِه. 5مردم، اورشلیم شهرنه و سرتاسر یهودیه منطقه نه و تمامی اُردن رِواره اطرافنه چَوه وَر شِسِنده 6و اِشتن گناهانشان اعتراف کَرده، اُردنه رِواره دِلَک یحیی دَسِنه غسل تعمیدشان اَرَکتِه.
7امّا وختی یحیی بیندشه که خیلی علما فَریسیان فرقه و صَدّوقیان فرقک بامنده اَ یاگایی که اَو تعمید دیر تا تعمید بیگیرنده، اَوانَش باته: «ای اَفعی زادَآن! کی شاماش هشدار بدا تا اَ غضبی کی که آمییر، دوزا؟ 8اعمالی انجام بدَیا که آمانِه توبه ران کرده 9و اِشتن نه مواجا ”چاما جَد ابراهیم پیغَمبر اِسه.“ چون شامانه واتَرم که خدا قادره اِم سگانک ابراهیمه را اُولاد به وجود بوعرِه. 10حتی اِسا تیشه، داران بِنَه بِنجقک نیه بییه. هر داری که چاکَه میوه آمَدییه، بِرندِه و آتش دِلَک درَننده.
11«از توبه کَردنه را، شاما اُونه تعمید دیِم؛ امّا اَ کسی که چِمَنَه پَش آیه منک قویتره و از حتی لیاقت ندارم چَه پاقابان چَه پرانک بِنَیم. اَ شاما خدا مقدس روح و آتش نه تعمید دَییه. 12اَ اِشتن چنگه دسک داره و اِشتن خرمنگاه تمیز آکره. اِشتن گندمه انبارانک ذخیره کَره، امّا سِنبره اَ آتشینه سوجانه که دونُکشه.»
عیسی تعمید
13اَدمی، عیسی جلیل منطقنه بامه اُردن رِبار، یحیی وَر تا یحیی اَوه غسل تعمید بدَیه. 14ولی یحیی تقَلاش بکه چَوه پَرانه بیگیره که اِم کاره مَکره و اَوِنش باته: «از نیاز دارم اِشته دسنه تعمید بیگیرم، اِسا ته آمیش چِمن وَر؟» 15امّا عیسی چَه جواوک باته: «بدا اِسا ایزه بیبی، چون چاما را اِم چاکه که اَ چی که درسته تمان و کمال انجام بِدَیام.» پس اَدمی یحیی راضی ببه. 16وختی عیسی تعمید بکت، اَلبَحل اُوک بَرشه. هَ لَحظه آسمان عیسی را آبه و اَ بیندشه خدا روح ایگله کوتری شوار نازل آبه و عیسی سَرک بنشت. 17چاوَش صَصی آسمان نه بامه که «اِمه چِمن عزیزه زا که اَز اَوِک پِر راضیم.»
ទើបបានជ្រើសរើសហើយ៖
انجیل متی 3: TIT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company