انجیل متی 6
6
صدقه آدییَن
1«ویراجین ببا که شاما اِشتن آمانسنه را شاما خِیر‌ه کاران مردم چَشمان پرانِک مَکرا، چون ایزه شاما پییَر وَر که آسمانکه، پاداشی ندارا.
2«پس اَ وقتی که صدقه آدییری، جار مَزن، دو دیمه آدَمان شوار که عبادتگاهانک و کوچه بازارانک اِم کاره کرنده تا مردم اَوانک تعریف بکرنده. حقیقتا، شامانه واجم، که اِمه اِشتن پاداششان اَرَکته. 3پس تِه وختی صدقه آدیی، ایزه آده که اِشته چپَه دَسه اَ کاری که اِشته راسته دسه کریه، مَزانیه، 4تا اِشته صدقه نوینَکینه ای بیبی؛ اَدَمی که اِشته پِه که نوینَه چیان وینِه، ته پاداش آدَیه.
دعا
5«اَدمی که دعا کری، دو دیمه آدمان شوار مَبَش. چون که اَوه خَشنده عبادتگاهانک و کوچه سرانک پا بندرنده، و دعا بکرنده تا مردم اَوان بینه. حَقیقتا، شامانه واترم، که اِمه اِشتن پاداش شان اَرَکته. 6امّا ته، وقتی که دعا کری اِشته اتاقه دِله دِشه، و چه بَره اَرکه و اِشته آسمانیه پییر وَرک که چشمانک نوینه دُعا بکه، اَدمی اِشته آسمانیه په که نوینه چیان وینه، اِشته پاداشه آدَیه.
7«وقتی دعا کری، بیخودیه لاوَه لاوَآن تکرار مکه، اَجوره که بت پرسته لاوَه کَرِنده، چون ایزِه فکر کرنده پِر تکرار کردننه، چَوان دعا مستجاب بی. 8پس چَوان شُوار مَبَش، چون شاما پِه پیش از اِم که شاما اَوک آخازا، زانه که شاما چه احتیاج دارا.
9«پس شاما ایزه دعا بِکَراه:
«ای چاما پِه که آسمانکش،
اِشته نام مقدّس بیبی.
10اِشته پادشاهی بایه.
اِشته اراده، اَ جوره که آسمانک انجام بی،
زمین کین انجام بیبی.
11چاما روجانه غذا اُوری آما آده.
12و چاما قرضان ببخش،
اَجوره که آما نی اَوانی که آما قرضارنده بخشام.
13و آما امتحانک دِمرن،
بَلکم آما اَ شریر دسک نجات آده. چون پادشاهی و قدرت و جلال تا ابد اِشته کینه. آمین.
14چون اگم مردمه خطاهان ببخشا، شاما آسمانیه په نی شاما بَخشه. 15امّا اگم مردم خطا مبخشا، شاما آسمانیه پِه نی شاما خطاهان نِبَخشه.
روجَه
16«اَدَمی که روجَه گیرا، دو دیمان شوار اِشتن پَکَر آممانا، چون اَوه اِشتن دیمه حالتِه عوض آکَرنده تا مردمه وَرک، آماننده که روجَنده.حقیقتن، شامانه واتَرم، که اَوه اِشتن پاداششان اَرَکته. 17امّا وختی ته روجه گیری، اِشته سَره روعن آسون و اِشته دیمه بوشو 18تا مردم مَزاننده ته روجَیِش، بلکم اِشته آسمانیه په که چشمانک نوینه بینه، و اِشته په که نوینه چیان وینه، ته پاداش آدیه.
گنج آسمانک
19«اِشته را گِلِک گنج بیدا آمگی، یاگایی که پِت زنه و زنگ زنه و دِزِه آینده و اَوِه دِزِندِه. 20بلکم اِشته را آسمانک گنج بیدا اَگی، اَگا که نه پِت زنه و نه زنگ زنه و دِزِه ناینده و اَوه نِدِزِنده. 21چون اِشته گنج هر یاگا بیبی، اِشته دلین واریا.
22«چَشمَه، جانه چیروعا. اگم اِشته چَشمَه سالم بیبیه، اِشته تمان وجود نورنه فت آبی. 23امّا اگم اِشته چشمه بد بیبیه اِشته تمان وجود ظُلَمات نه فت بی. پس اگم نوری که اِشته وجودکه ظُلَمات بیبی، چه پیله ظلماتی اِسه!
24«هیچکس نِتانِه دو گِله اربابه خدمت بِکَره، چون یا اییِکِش بدآیه و اَدَرینِنَه محبت کَره، و یا اییِه دل دِوَنده و اَدَرینه اهمیت نِدَیِه. شاما نتانا هم خدا بنده بِبا و هم پوله بَنده.
بی نگرانیه زندگی
25«پس شاما نه واتَرم، شاما زندگی واسِنه نگران مَبا که چه بِخَرا و یا چه آخرا، و شاما جانه را نگران مَبا که چه دِکَرا. مگم زندگی، شاما غذاک و شاما بدن، خَلوعک مهم تَر نییِه؟ 26آسمانه پَرندان دیسا که نه کارِنده و نه دورننده و نه اَنبارانک ذخیره کرنده ولی هنی شاما آسمانیه په اَوان روزی دَیه. مگم شاما اَوانک با ارزشتر نییِران؟ 27شاما دِلَک کی تانه که نگرانی نه، ای ساعت اِشتن عمره اضافه آکره؟
28«چیرا خَلوعه را نگرانران؟ صحرا گُلان دییَسا که چُنجوره پیله آبییَرنده؛ نه زحمت کَشنده و نه وَجنده. 29ولی شامانه واجم که حتی سلیمان پادشاه نی اِشتن همه‌ی شکوه و جلالِنه ایگله اِم وِلان شوار بَزک نِبه. 30پس اَگم خدا عالفان که اُوری صحراک بَراینده و صَبا تَنیک سوجانسه بییَنده، اِنجوره پوشانِه، چنده پرتر ای کم ایمانان شاما پوشانِه؟
31«پس نگران مبا و مواجا چه بِخرام یا چه آخرام و یا چه دِکَرام. 32چون بت پرسته، همه‌ی اِنجوره چیان پَشدنه گردِنده، امّا شاما آسمانی په زانه که شاما همه اِم چیان احتیاج دارا. 33بلکم اول خدا پادشاهی و چه عدالته پَشَه ببا، اَدمی اِمه همه شاما آدییه بینده. 34پَس صَبا نگران مبا، چیرا که صَبا اِشتن نگرانیان داره. اُوریجینه مشکلات اُوری را وَسنده!
ទើបបានជ្រើសរើសហើយ៖
انجیل متی 6: TIT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل متی 6
6
صدقه آدییَن
1«ویراجین ببا که شاما اِشتن آمانسنه را شاما خِیر‌ه کاران مردم چَشمان پرانِک مَکرا، چون ایزه شاما پییَر وَر که آسمانکه، پاداشی ندارا.
2«پس اَ وقتی که صدقه آدییری، جار مَزن، دو دیمه آدَمان شوار که عبادتگاهانک و کوچه بازارانک اِم کاره کرنده تا مردم اَوانک تعریف بکرنده. حقیقتا، شامانه واجم، که اِمه اِشتن پاداششان اَرَکته. 3پس تِه وختی صدقه آدیی، ایزه آده که اِشته چپَه دَسه اَ کاری که اِشته راسته دسه کریه، مَزانیه، 4تا اِشته صدقه نوینَکینه ای بیبی؛ اَدَمی که اِشته پِه که نوینَه چیان وینِه، ته پاداش آدَیه.
دعا
5«اَدمی که دعا کری، دو دیمه آدمان شوار مَبَش. چون که اَوه خَشنده عبادتگاهانک و کوچه سرانک پا بندرنده، و دعا بکرنده تا مردم اَوان بینه. حَقیقتا، شامانه واترم، که اِمه اِشتن پاداش شان اَرَکته. 6امّا ته، وقتی که دعا کری اِشته اتاقه دِله دِشه، و چه بَره اَرکه و اِشته آسمانیه پییر وَرک که چشمانک نوینه دُعا بکه، اَدمی اِشته آسمانیه په که نوینه چیان وینه، اِشته پاداشه آدَیه.
7«وقتی دعا کری، بیخودیه لاوَه لاوَآن تکرار مکه، اَجوره که بت پرسته لاوَه کَرِنده، چون ایزِه فکر کرنده پِر تکرار کردننه، چَوان دعا مستجاب بی. 8پس چَوان شُوار مَبَش، چون شاما پِه پیش از اِم که شاما اَوک آخازا، زانه که شاما چه احتیاج دارا.
9«پس شاما ایزه دعا بِکَراه:
«ای چاما پِه که آسمانکش،
اِشته نام مقدّس بیبی.
10اِشته پادشاهی بایه.
اِشته اراده، اَ جوره که آسمانک انجام بی،
زمین کین انجام بیبی.
11چاما روجانه غذا اُوری آما آده.
12و چاما قرضان ببخش،
اَجوره که آما نی اَوانی که آما قرضارنده بخشام.
13و آما امتحانک دِمرن،
بَلکم آما اَ شریر دسک نجات آده. چون پادشاهی و قدرت و جلال تا ابد اِشته کینه. آمین.
14چون اگم مردمه خطاهان ببخشا، شاما آسمانیه په نی شاما بَخشه. 15امّا اگم مردم خطا مبخشا، شاما آسمانیه پِه نی شاما خطاهان نِبَخشه.
روجَه
16«اَدَمی که روجَه گیرا، دو دیمان شوار اِشتن پَکَر آممانا، چون اَوه اِشتن دیمه حالتِه عوض آکَرنده تا مردمه وَرک، آماننده که روجَنده.حقیقتن، شامانه واتَرم، که اَوه اِشتن پاداششان اَرَکته. 17امّا وختی ته روجه گیری، اِشته سَره روعن آسون و اِشته دیمه بوشو 18تا مردم مَزاننده ته روجَیِش، بلکم اِشته آسمانیه په که چشمانک نوینه بینه، و اِشته په که نوینه چیان وینه، ته پاداش آدیه.
گنج آسمانک
19«اِشته را گِلِک گنج بیدا آمگی، یاگایی که پِت زنه و زنگ زنه و دِزِه آینده و اَوِه دِزِندِه. 20بلکم اِشته را آسمانک گنج بیدا اَگی، اَگا که نه پِت زنه و نه زنگ زنه و دِزِه ناینده و اَوه نِدِزِنده. 21چون اِشته گنج هر یاگا بیبی، اِشته دلین واریا.
22«چَشمَه، جانه چیروعا. اگم اِشته چَشمَه سالم بیبیه، اِشته تمان وجود نورنه فت آبی. 23امّا اگم اِشته چشمه بد بیبیه اِشته تمان وجود ظُلَمات نه فت بی. پس اگم نوری که اِشته وجودکه ظُلَمات بیبی، چه پیله ظلماتی اِسه!
24«هیچکس نِتانِه دو گِله اربابه خدمت بِکَره، چون یا اییِکِش بدآیه و اَدَرینِنَه محبت کَره، و یا اییِه دل دِوَنده و اَدَرینه اهمیت نِدَیِه. شاما نتانا هم خدا بنده بِبا و هم پوله بَنده.
بی نگرانیه زندگی
25«پس شاما نه واتَرم، شاما زندگی واسِنه نگران مَبا که چه بِخَرا و یا چه آخرا، و شاما جانه را نگران مَبا که چه دِکَرا. مگم زندگی، شاما غذاک و شاما بدن، خَلوعک مهم تَر نییِه؟ 26آسمانه پَرندان دیسا که نه کارِنده و نه دورننده و نه اَنبارانک ذخیره کرنده ولی هنی شاما آسمانیه په اَوان روزی دَیه. مگم شاما اَوانک با ارزشتر نییِران؟ 27شاما دِلَک کی تانه که نگرانی نه، ای ساعت اِشتن عمره اضافه آکره؟
28«چیرا خَلوعه را نگرانران؟ صحرا گُلان دییَسا که چُنجوره پیله آبییَرنده؛ نه زحمت کَشنده و نه وَجنده. 29ولی شامانه واجم که حتی سلیمان پادشاه نی اِشتن همه‌ی شکوه و جلالِنه ایگله اِم وِلان شوار بَزک نِبه. 30پس اَگم خدا عالفان که اُوری صحراک بَراینده و صَبا تَنیک سوجانسه بییَنده، اِنجوره پوشانِه، چنده پرتر ای کم ایمانان شاما پوشانِه؟
31«پس نگران مبا و مواجا چه بِخرام یا چه آخرام و یا چه دِکَرام. 32چون بت پرسته، همه‌ی اِنجوره چیان پَشدنه گردِنده، امّا شاما آسمانی په زانه که شاما همه اِم چیان احتیاج دارا. 33بلکم اول خدا پادشاهی و چه عدالته پَشَه ببا، اَدمی اِمه همه شاما آدییه بینده. 34پَس صَبا نگران مبا، چیرا که صَبا اِشتن نگرانیان داره. اُوریجینه مشکلات اُوری را وَسنده!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company