انجیل متی 8
8
جذامیه مردکه شفا
1وختی عیسی کوهِنه جیر بامه، پِره جماعتی چَوه پشدنه بشنده. 2اِم موقع ایگِله مَردکی که جذام داشتِشه عیسی وَر بامه و چَوه پرانکش زانو بیزی و باتِشه: «ای آقا، اَگم بِگَوره تانی من شفا بِدی.» 3عیسی اِشتن دَسِشَه پران بوعردا و اَوِش دس آسو و باتشه: «گَمه؛ شفا بیگی» البَحَل، چَوه جذام چاک آبه. 4چاوَش عیسی اَوِنش باته: «ویراجین بِبَش کسی نه چی ای مواجی، بلکم بِشه اِشتن کاهنه آمان و اَ قربانی که موسی پیغمبره دستورش دیه، تقدیم بِکه تا اَوان آمانی که شفار کَته.»
رومیه اَفسره ایمان
5وختی عیسی بِشه شهر کَفَرناحومه دِله، ایگله رومیه اَفسری بامه چَوه وَر و مِندَتنه 6اَونش باته: «آقا، چِمن نوکر فلجه و کییَه دگنه و برک درد کَشسَر.» 7عیسی اَونه باته: «از آیم و اَوه شفا آدَیِم.» 8امّا اَ اَفسر جواو بِدا: «آقا، از لایق نییِم که ته چِمَن کییه بایی. بلکم ته فقط ای چی باج که چِمَن نوکر شفا اَرَگیره. 9چون اَز اِشتن مامورم. سربازانی نی چِمن تحت فرمانک دارم. ای نفرینه باجم ”بِش،“ شی و علوده نفرنه باجم ”بور،“ آیه. چِمن نوکرنه نه باجم اِم کاره بِکه “کَره.» 10عیسی وختی اِم لاوَش بَشنوسه، تعجبش بکه اَوانی نه که چَه پشدنه آمیردِندنَش، باته: «حقیقتن، شاما نه واجم، اَز حتی خدا قومک نی اِنجوره ایمانی می ویندم نییِه. 11و شامانه واجِم که پِر آدمه شرق و غرب نه آینده و آسمان پادشاهیک، ابراهیم و اسحاق و یعقوب نه ایگله سِفره سَرِک نِشنده، 12امّا اَوه ای که اِم پادشاهی را دنیا آمیینده بَره تایریکیک بَرکردَه بینده، یاگایی که بِرَمنده و دندان دندانان سرک سِخ دَینده.» 13چاوَش اَ اَفسرنه باتشه: «بِش! مطابق اِشته ایمان ته آدییَه بی.» البحل چَوه نوکره شفا اَرکت.
14وَختی عیسی بِشه پِطرُس کییَه، پِطرُس زن ماشه بیندا که تَبِش کَرده و مریض کییک دگسا. 15عیسی چَوه دَسِشَه دَس آسوا و چَوه تب اُوجرس. و اَ زلیه بِهِشتا و عیسیک پذیرایش بکه.
16نِمِسره دَم، خیلی دیو زده آنِشان بوعرده عیسی وَر و عیسی ایگله کلام نه دیوان اَوانکِش بَرَکه و همه‌ی مریضانِش شَفا آدا. 17انجوره ببه، تا اشَعیای پیغمبره پیشگویی اتفاق دِگس که واتش به:
«اَ چاما دردش اَکتنده
و چاما مریضیش اِشتن دوشَه سرانکش بِبَردنده.»
عیسی پیروی کردنه بها
18وَختی عیسی بیندِه که پِرَه جماعتی چَوه دویره بیدا آبینده، دستورش بدا: «دریاچه اَ طرفه را بِشام.» 19اَموقع ایگله تورات معلمین بامه عیسی وَر و باتِشه: «ای استاد، هر یاگا بیشی، اَز اِشته پَشدنَه آیِم.» 20عیسی جواو آدا: «تولیکی لانه دارنده، آسمانه پرنده نی خومه دارنده، امّا انسان زا یاگایی اِشتن سر اَنیَنه را نداره.» 21علوده شاگردی عیسی نه باتشه: «ای آقا، اول اجازه آده تا بیشیم و چِمن پییَر نییا بدارِم و وقتی بِمرده و اَوم دِخَشارد بایم.» 22امّا عیسی اَونش باته: «چِمن پَشدنه بور و بدا مردان، اِشتن مردان دِخشارنده.»
دریا طوفانه آرام کردن
23چاوَش عیسی ایگله قایقی دِنِشته و چَوه شاگرده نی چَوه پَشدنه بِشنده. 24ایرادَن ایگِله یکه توفانی دریاچک بامه، اَجوره که نزدیک بِه موجه قایقه غرق بِکَرنده. امّا عیسی خوته به. 25پس عیسی شاگرده بامِنده اَوشان بِیزانسه و باتشانه: «ای آقا، آما هلاک بییرام، آما نجات آده!» 26عیسی اَوانه باته: «ای کم ایمانان، چیرا اِنجوره تَرسرا؟» چاوش بِهِشت و باهاد و دریاچه را غِیضش بِکه و همه یاگا کامل آرام آبه. 27اَوان تعجبنه هندیگرک آپَرسرده: «اِم چُنجوره آدَمیه؟ حتی باهاد و دریاچه نی اَوک فرمان بردرنده!»
دوگله دیوزده مردکه شفا
28وقتی عیسی آرسس ناحیه جَدریان، که دریاچه اَ طرفک به، دو گله دیوزده مردک که قبرستان نه بر شیردنده ایرادن عیسی پران بَرامنده. اَ دو نفر اییَنده وحشی بنده که هیچکی نتانسرده اَ راه نه اِوَره. 29اَوان جره کردرده: «تِه آما نه چِه کار، ای خدا زا؟ آیا آمیش اِنگا تا آما اَ زمانیکی که گه عذاب بینام پرانتَر عذاب بدیی؟» 30کملی اَوانک اَوَر تر پیله سوری ای خوانک غذا خردرده. 31اَ دیوه مندتنه عیسی نه باتشانه: «اَگم رایره آما یاردنه برکری، آما اَ خویه سوری دِله بخرسان.» 32عیسی اَوان نَه باته: «بِشا!» اَ دیوه اَ دو گله مردکک برشنده و بِشنده خویه دِله و تمام اَ سوری اَشنَوَیی نه گول اَربنده دریاچه دله و اُ دلک غرق ببنده. 33اَوه ای که خوعییان ویراجین بنده دِوَشتنده، بِشنده شهره را و همه چیشان باته، اللخصوص اَ اِتفاقی که اَ دیو زدهان را دِگسه به همان را باتشانه. 34چاوَش اَ شهره همه‌ی مردم عیسی وینده را بامِنده بر، وقتی عیسی‌شان بینده مِندتشان بِکه چَوان دیارنه بیشی.
ទើបបានជ្រើសរើសហើយ៖
انجیل متی 8: TIT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل متی 8
8
جذامیه مردکه شفا
1وختی عیسی کوهِنه جیر بامه، پِره جماعتی چَوه پشدنه بشنده. 2اِم موقع ایگِله مَردکی که جذام داشتِشه عیسی وَر بامه و چَوه پرانکش زانو بیزی و باتِشه: «ای آقا، اَگم بِگَوره تانی من شفا بِدی.» 3عیسی اِشتن دَسِشَه پران بوعردا و اَوِش دس آسو و باتشه: «گَمه؛ شفا بیگی» البَحَل، چَوه جذام چاک آبه. 4چاوَش عیسی اَوِنش باته: «ویراجین بِبَش کسی نه چی ای مواجی، بلکم بِشه اِشتن کاهنه آمان و اَ قربانی که موسی پیغمبره دستورش دیه، تقدیم بِکه تا اَوان آمانی که شفار کَته.»
رومیه اَفسره ایمان
5وختی عیسی بِشه شهر کَفَرناحومه دِله، ایگله رومیه اَفسری بامه چَوه وَر و مِندَتنه 6اَونش باته: «آقا، چِمن نوکر فلجه و کییَه دگنه و برک درد کَشسَر.» 7عیسی اَونه باته: «از آیم و اَوه شفا آدَیِم.» 8امّا اَ اَفسر جواو بِدا: «آقا، از لایق نییِم که ته چِمَن کییه بایی. بلکم ته فقط ای چی باج که چِمَن نوکر شفا اَرَگیره. 9چون اَز اِشتن مامورم. سربازانی نی چِمن تحت فرمانک دارم. ای نفرینه باجم ”بِش،“ شی و علوده نفرنه باجم ”بور،“ آیه. چِمن نوکرنه نه باجم اِم کاره بِکه “کَره.» 10عیسی وختی اِم لاوَش بَشنوسه، تعجبش بکه اَوانی نه که چَه پشدنه آمیردِندنَش، باته: «حقیقتن، شاما نه واجم، اَز حتی خدا قومک نی اِنجوره ایمانی می ویندم نییِه. 11و شامانه واجِم که پِر آدمه شرق و غرب نه آینده و آسمان پادشاهیک، ابراهیم و اسحاق و یعقوب نه ایگله سِفره سَرِک نِشنده، 12امّا اَوه ای که اِم پادشاهی را دنیا آمیینده بَره تایریکیک بَرکردَه بینده، یاگایی که بِرَمنده و دندان دندانان سرک سِخ دَینده.» 13چاوَش اَ اَفسرنه باتشه: «بِش! مطابق اِشته ایمان ته آدییَه بی.» البحل چَوه نوکره شفا اَرکت.
14وَختی عیسی بِشه پِطرُس کییَه، پِطرُس زن ماشه بیندا که تَبِش کَرده و مریض کییک دگسا. 15عیسی چَوه دَسِشَه دَس آسوا و چَوه تب اُوجرس. و اَ زلیه بِهِشتا و عیسیک پذیرایش بکه.
16نِمِسره دَم، خیلی دیو زده آنِشان بوعرده عیسی وَر و عیسی ایگله کلام نه دیوان اَوانکِش بَرَکه و همه‌ی مریضانِش شَفا آدا. 17انجوره ببه، تا اشَعیای پیغمبره پیشگویی اتفاق دِگس که واتش به:
«اَ چاما دردش اَکتنده
و چاما مریضیش اِشتن دوشَه سرانکش بِبَردنده.»
عیسی پیروی کردنه بها
18وَختی عیسی بیندِه که پِرَه جماعتی چَوه دویره بیدا آبینده، دستورش بدا: «دریاچه اَ طرفه را بِشام.» 19اَموقع ایگله تورات معلمین بامه عیسی وَر و باتِشه: «ای استاد، هر یاگا بیشی، اَز اِشته پَشدنَه آیِم.» 20عیسی جواو آدا: «تولیکی لانه دارنده، آسمانه پرنده نی خومه دارنده، امّا انسان زا یاگایی اِشتن سر اَنیَنه را نداره.» 21علوده شاگردی عیسی نه باتشه: «ای آقا، اول اجازه آده تا بیشیم و چِمن پییَر نییا بدارِم و وقتی بِمرده و اَوم دِخَشارد بایم.» 22امّا عیسی اَونش باته: «چِمن پَشدنه بور و بدا مردان، اِشتن مردان دِخشارنده.»
دریا طوفانه آرام کردن
23چاوَش عیسی ایگله قایقی دِنِشته و چَوه شاگرده نی چَوه پَشدنه بِشنده. 24ایرادَن ایگِله یکه توفانی دریاچک بامه، اَجوره که نزدیک بِه موجه قایقه غرق بِکَرنده. امّا عیسی خوته به. 25پس عیسی شاگرده بامِنده اَوشان بِیزانسه و باتشانه: «ای آقا، آما هلاک بییرام، آما نجات آده!» 26عیسی اَوانه باته: «ای کم ایمانان، چیرا اِنجوره تَرسرا؟» چاوش بِهِشت و باهاد و دریاچه را غِیضش بِکه و همه یاگا کامل آرام آبه. 27اَوان تعجبنه هندیگرک آپَرسرده: «اِم چُنجوره آدَمیه؟ حتی باهاد و دریاچه نی اَوک فرمان بردرنده!»
دوگله دیوزده مردکه شفا
28وقتی عیسی آرسس ناحیه جَدریان، که دریاچه اَ طرفک به، دو گله دیوزده مردک که قبرستان نه بر شیردنده ایرادن عیسی پران بَرامنده. اَ دو نفر اییَنده وحشی بنده که هیچکی نتانسرده اَ راه نه اِوَره. 29اَوان جره کردرده: «تِه آما نه چِه کار، ای خدا زا؟ آیا آمیش اِنگا تا آما اَ زمانیکی که گه عذاب بینام پرانتَر عذاب بدیی؟» 30کملی اَوانک اَوَر تر پیله سوری ای خوانک غذا خردرده. 31اَ دیوه مندتنه عیسی نه باتشانه: «اَگم رایره آما یاردنه برکری، آما اَ خویه سوری دِله بخرسان.» 32عیسی اَوان نَه باته: «بِشا!» اَ دیوه اَ دو گله مردکک برشنده و بِشنده خویه دِله و تمام اَ سوری اَشنَوَیی نه گول اَربنده دریاچه دله و اُ دلک غرق ببنده. 33اَوه ای که خوعییان ویراجین بنده دِوَشتنده، بِشنده شهره را و همه چیشان باته، اللخصوص اَ اِتفاقی که اَ دیو زدهان را دِگسه به همان را باتشانه. 34چاوَش اَ شهره همه‌ی مردم عیسی وینده را بامِنده بر، وقتی عیسی‌شان بینده مِندتشان بِکه چَوان دیارنه بیشی.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company