انجیل متی 9
9
فَلَجَه مردکه شفا
1پس عیسی قایقک دِنِشته و بِشه اِشتن شهر، دریاچه اَ طرفه را.
2اَدَمی چند نفر ایگله فلجه مردکی که دُشک سرک خُته به، بوعردشانه عیسی وَر. عیسی وقتی چَوان ایمانش بینده، اَ فَلَجَنه باتشه: «چِمن خُوردن، اِشته دله قرص بیبیه، اِشته گناهان بَخشِسه ببنده!» 3اِم موقع، بعضی توراته معلمین هندیگرنه باتشانه: «اِم مردک کفر واتر.» 4عیسی چَوان فکرش بزانس و باتشه: «چیه را شاما دِلِک اِنجوره پلید فکران کردرا؟ 5کامینِه واتَن راحت تره: چِمه واتن که ”اِشته گناهه بَخشِسه بِبنده“ یا چِمه واتن که ”بِیض و بِمِج“؟ 6امّا چِمه واسنه که بِزانا انسانه زا گلک قدرت داره که گناهان ببخشِه» - اَ فلجه مردکنش باته: - «بِیض، اِشته یاگا اَپرچین و بِش اِشته کییه.» 7اَ مردک بِهِشت و بِشه کییه. 8وختی مردم اِم اتفاقشان بینده، بِتَرسِسنده و خداشان شکر بکه که اِنجوره قدرتی انسانش آدییَه.
متی دعوت
9وختی عیسی واردِنَه اِوردرده، ایگله مردکیش بینده، چَوه نام مَتّی به و باج اَرکتنه دَکَک نشته به. عیسی اَوِنه باته: «چِمن پَشدنه بور!» متی بِهِشت و چَوه پَشدنه بشه.
10عیسی مَتّی کییَک چَه سفره سرک نشسته بِه که خیلی باجگیره و گناهکاره بامنده و عیسی و چَوه شاگرداننه ای سفره سرک بنشتنده. 11وختی فَریسی فرقه علما اِم شان بینده شاگرداننه باتشانه: «چیه را شاما استاد باجگیران و گناهکاران نه غذا خَردره؟» 12امّا وختی عیسی اِمش بشنَوِس، باته: «مریضه آدمان طبیب گَه، نه سالمه آدمه. 13بِشا و اِم کلامه معنی درک بِکَراه که ”من رحمت گه، نه قربانی.“ چون آمییه نییم تا صالحه آدمان دعوت بکرم، بلکم آمیِیم تا گناه کاره آدمان دعوت بکرم.»
روجَه درباره آپرسن
14چاوَش یحیی شاگرده بامنده عیسی وَر و باتشانه: «چیه را آما و فَریسیان روجه گیرام، امّا اِشته شاگرده روجه نیگیرنده؟» 15عیسی جواو بدا: «مگم بی که وِیوَه مِیهمانه تا اَدمی که زَما اَوانه اِسه عزاداری بکرنده؟ روجانی آرسنده که زَما اَوانک اَرَگیرنده، اَدمی اَوه نی روجه گیرنده. 16هیچکس تازه و اُ دینیشیه پارچه ایگله کویینه خلوع ای کی پینه نزنه، چون اَ پینه اَ خلوک جدا آبی و چوه زَرِسَگی بدتر آبی. 17و نی تازه شرابه کویینه یالاقچه هانک دنکرنده. اگم اِم کاره بکرنده چون تازه شراو حلا گاز داره یالاقچه تِرکیه و شراب اَربی و یالاقچه هیچ بَرشیند. بلکم تازه شرابه گَه تازه یالاقچه هان دلَه دِکَرنده تا هر دو گله سالم بمانه.»
ایگله کیلی زنده آبیین و ایگله زلی شفا اَرکتن
18اَدمی که عیسی اِم لاوَان اَوانش واترده، ایگله از یهودیان رئیسان بامه چَوه وَر چَوه پرانکش زانو بیزی و باتشه: «اِسا چِمن کیلییه بمردا. امّا بوره و اِشته دسه چَوه سر اَنه که، زنده آبییه.» 19عیسی بِهِشت و اِشتن شاگردان همراه اَونه بِشه. 20اِم موقعک، ایگله زلی که دونزده سال به خونریزیش داشته، عیسی پِشدنه اَوه نزدیک آبیا و چَوه اَبا لبش دس آسو. 21چون که اَ زلی اِشتن نه واتش بِه: «اگم حتی بتانم چَوه اَبا دس آسونم، شفا گیرم.» 22عیسی آگردس و اَوشه بیندا و باتشه: «کیلی، اِشته دله قرص بیبیه، اِشته ایمان تِش شفا دیِش.» ه لحظه، زلی شفا اَرکت. 23وقتی که عیسی اَ رئیسه کییه بشه و نوحه خوانه و مردمش بیند که برَمسَرِنده، 24اَوانش باته: «بر بَرشا، چون که کیلیه مَرده نیا بلکم خُتا.» امّا اَوه عیسی را بخورِسنده. 25وختی مردمِشان بَرکردِه، عیسی دله دِشه و کیلی دسشه بِکَتا اَ کیلیَه بِهِشتا. 26اِم اتفاقه خبر سرتاسر اَ ناحیَک اَپیجس.
دو گله کور و ایگله لاله شفا
27وقتی که عیسی اَ گاردنه اِوردرده، دو گله کورَه مردک چَوه پشدنه بشنده، و اَوه جرشان کردرده: «ای داوود پادشاه زا، آما رحم بِکه!» 28وختی عیسی کییه دله بِشه، اَ دو گله مردک بامنده چَوه وَر. عیسی اَوانکش آپرسس: «ایمان دارا که تانم اِم کاره بکرم؟» اَونه باتشانه: «بله، آقا.» 29چاوَش عیسی چَوان چشمانش دس آسو و باتشه: «مطابق شاما ایمان، شاما را انجام بیبی.» 30ایرادن چَوان چشمِه آبنده. عیسی تأکیدنه اَوانه باته: «ویراجین ببا کسی اِم اتفاقک خبر دار مبی.» 31امّا اَوه بَرشنده بر، و همه‌ی اَ ناحیک اِم کار خبرشان پخش آکه.
32اَجوره زه که اَ دو گله مردک برشیردنده، ایگله دیو زده مردکی که لال به، عیسی وَر بوعردشانه. 33وختی عیسی اَ دیوش مردکک برکرد، اَ لاله مردکه زوانه آبییا. مردم تعجب نه واتردشانه: «هرگز خدا قومک انجوره چی وینده بییه نییه!» 34امّا فَریسی فرقه علما باتشانه: «عیسی دیوان، دیوان رئیس کمک نه برکردر.»
کارگر کم اِسنده
35عیسی همه‌ی شهران و دهان گرسرده، و چَوان عبادتگاهانک تعلیم دییردشه و خدا پادشاهی چاکه خبرش دییرده و هر درد و مریضیش شفا دییرده. 36وختی عیسی جماعتش بینده، دلشه چَوان را بوسوتا چون که بی شوانه ورلیان شوار، پریشان و درمانده بنده. 37پس اِشتن شاگردانش باته: «محصول فراوانه، امّا کارگر کمه. 38پس، محصوله صاحابک آخازا تا اِشتن محصوله دورینه را کارگران بخرسانه.»
ទើបបានជ្រើសរើសហើយ៖
انجیل متی 9: TIT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل متی 9
9
فَلَجَه مردکه شفا
1پس عیسی قایقک دِنِشته و بِشه اِشتن شهر، دریاچه اَ طرفه را.
2اَدَمی چند نفر ایگله فلجه مردکی که دُشک سرک خُته به، بوعردشانه عیسی وَر. عیسی وقتی چَوان ایمانش بینده، اَ فَلَجَنه باتشه: «چِمن خُوردن، اِشته دله قرص بیبیه، اِشته گناهان بَخشِسه ببنده!» 3اِم موقع، بعضی توراته معلمین هندیگرنه باتشانه: «اِم مردک کفر واتر.» 4عیسی چَوان فکرش بزانس و باتشه: «چیه را شاما دِلِک اِنجوره پلید فکران کردرا؟ 5کامینِه واتَن راحت تره: چِمه واتن که ”اِشته گناهه بَخشِسه بِبنده“ یا چِمه واتن که ”بِیض و بِمِج“؟ 6امّا چِمه واسنه که بِزانا انسانه زا گلک قدرت داره که گناهان ببخشِه» - اَ فلجه مردکنش باته: - «بِیض، اِشته یاگا اَپرچین و بِش اِشته کییه.» 7اَ مردک بِهِشت و بِشه کییه. 8وختی مردم اِم اتفاقشان بینده، بِتَرسِسنده و خداشان شکر بکه که اِنجوره قدرتی انسانش آدییَه.
متی دعوت
9وختی عیسی واردِنَه اِوردرده، ایگله مردکیش بینده، چَوه نام مَتّی به و باج اَرکتنه دَکَک نشته به. عیسی اَوِنه باته: «چِمن پَشدنه بور!» متی بِهِشت و چَوه پَشدنه بشه.
10عیسی مَتّی کییَک چَه سفره سرک نشسته بِه که خیلی باجگیره و گناهکاره بامنده و عیسی و چَوه شاگرداننه ای سفره سرک بنشتنده. 11وختی فَریسی فرقه علما اِم شان بینده شاگرداننه باتشانه: «چیه را شاما استاد باجگیران و گناهکاران نه غذا خَردره؟» 12امّا وختی عیسی اِمش بشنَوِس، باته: «مریضه آدمان طبیب گَه، نه سالمه آدمه. 13بِشا و اِم کلامه معنی درک بِکَراه که ”من رحمت گه، نه قربانی.“ چون آمییه نییم تا صالحه آدمان دعوت بکرم، بلکم آمیِیم تا گناه کاره آدمان دعوت بکرم.»
روجَه درباره آپرسن
14چاوَش یحیی شاگرده بامنده عیسی وَر و باتشانه: «چیه را آما و فَریسیان روجه گیرام، امّا اِشته شاگرده روجه نیگیرنده؟» 15عیسی جواو بدا: «مگم بی که وِیوَه مِیهمانه تا اَدمی که زَما اَوانه اِسه عزاداری بکرنده؟ روجانی آرسنده که زَما اَوانک اَرَگیرنده، اَدمی اَوه نی روجه گیرنده. 16هیچکس تازه و اُ دینیشیه پارچه ایگله کویینه خلوع ای کی پینه نزنه، چون اَ پینه اَ خلوک جدا آبی و چوه زَرِسَگی بدتر آبی. 17و نی تازه شرابه کویینه یالاقچه هانک دنکرنده. اگم اِم کاره بکرنده چون تازه شراو حلا گاز داره یالاقچه تِرکیه و شراب اَربی و یالاقچه هیچ بَرشیند. بلکم تازه شرابه گَه تازه یالاقچه هان دلَه دِکَرنده تا هر دو گله سالم بمانه.»
ایگله کیلی زنده آبیین و ایگله زلی شفا اَرکتن
18اَدمی که عیسی اِم لاوَان اَوانش واترده، ایگله از یهودیان رئیسان بامه چَوه وَر چَوه پرانکش زانو بیزی و باتشه: «اِسا چِمن کیلییه بمردا. امّا بوره و اِشته دسه چَوه سر اَنه که، زنده آبییه.» 19عیسی بِهِشت و اِشتن شاگردان همراه اَونه بِشه. 20اِم موقعک، ایگله زلی که دونزده سال به خونریزیش داشته، عیسی پِشدنه اَوه نزدیک آبیا و چَوه اَبا لبش دس آسو. 21چون که اَ زلی اِشتن نه واتش بِه: «اگم حتی بتانم چَوه اَبا دس آسونم، شفا گیرم.» 22عیسی آگردس و اَوشه بیندا و باتشه: «کیلی، اِشته دله قرص بیبیه، اِشته ایمان تِش شفا دیِش.» ه لحظه، زلی شفا اَرکت. 23وقتی که عیسی اَ رئیسه کییه بشه و نوحه خوانه و مردمش بیند که برَمسَرِنده، 24اَوانش باته: «بر بَرشا، چون که کیلیه مَرده نیا بلکم خُتا.» امّا اَوه عیسی را بخورِسنده. 25وختی مردمِشان بَرکردِه، عیسی دله دِشه و کیلی دسشه بِکَتا اَ کیلیَه بِهِشتا. 26اِم اتفاقه خبر سرتاسر اَ ناحیَک اَپیجس.
دو گله کور و ایگله لاله شفا
27وقتی که عیسی اَ گاردنه اِوردرده، دو گله کورَه مردک چَوه پشدنه بشنده، و اَوه جرشان کردرده: «ای داوود پادشاه زا، آما رحم بِکه!» 28وختی عیسی کییه دله بِشه، اَ دو گله مردک بامنده چَوه وَر. عیسی اَوانکش آپرسس: «ایمان دارا که تانم اِم کاره بکرم؟» اَونه باتشانه: «بله، آقا.» 29چاوَش عیسی چَوان چشمانش دس آسو و باتشه: «مطابق شاما ایمان، شاما را انجام بیبی.» 30ایرادن چَوان چشمِه آبنده. عیسی تأکیدنه اَوانه باته: «ویراجین ببا کسی اِم اتفاقک خبر دار مبی.» 31امّا اَوه بَرشنده بر، و همه‌ی اَ ناحیک اِم کار خبرشان پخش آکه.
32اَجوره زه که اَ دو گله مردک برشیردنده، ایگله دیو زده مردکی که لال به، عیسی وَر بوعردشانه. 33وختی عیسی اَ دیوش مردکک برکرد، اَ لاله مردکه زوانه آبییا. مردم تعجب نه واتردشانه: «هرگز خدا قومک انجوره چی وینده بییه نییه!» 34امّا فَریسی فرقه علما باتشانه: «عیسی دیوان، دیوان رئیس کمک نه برکردر.»
کارگر کم اِسنده
35عیسی همه‌ی شهران و دهان گرسرده، و چَوان عبادتگاهانک تعلیم دییردشه و خدا پادشاهی چاکه خبرش دییرده و هر درد و مریضیش شفا دییرده. 36وختی عیسی جماعتش بینده، دلشه چَوان را بوسوتا چون که بی شوانه ورلیان شوار، پریشان و درمانده بنده. 37پس اِشتن شاگردانش باته: «محصول فراوانه، امّا کارگر کمه. 38پس، محصوله صاحابک آخازا تا اِشتن محصوله دورینه را کارگران بخرسانه.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company