ကမ္ဘာႏစ 3
3
လိုꩻတနာႏတဝ်းဘုရာꩻငဝ်း
1 #
ဗျာ ၁၂:၉၊ ၂၀:၂။ ယိုခါ ထာဝရဘုရာꩻ ဗွေႏဘုရာꩻ ကဖန်ဆင်ꩻလဲဉ်းကို ရူးယိုနဝ်ꩻ ထွာတိရစ္ဆာန်ႏ လက်ꩻလဲဉ်လွိုလဲဉ်းဝင်ꩻသွူ။ ရူး ရီပါꩻမူႏ၊ “ထာဝရဘုရာꩻ ဗွေႏဘုရာꩻ ဒေါ့ꩻခါꩻဖေႏနာꩻ သေင်ႏမွူး ကအဝ်ႏသော့ꩻ ဥယျာဉ်ႏခြံကို အရာႏဖုံႏနဝ်ꩻ အံႏဗာႏတဝ်း မွေးနဲ့။”
2ပါꩻမူႏလဝ်းချာ၊ “ဥယျာဉ်ႏခြံကို သေင်ႏမွူးရာႏ အမျိုꩻမုဲင်ꩻတဲ့ꩻ နီအံႏလꩻလို့ဒျာႏ၊ 3လွိုတဲင် ဥယျာဉ်ႏခြံကဲဉ် သေင်ႏနဝ်ꩻတမွူး အရာႏလွုမ်ꩻ ဗွေႏဘုရာꩻ ဒေါ့ꩻမိန်းခါꩻဖေႏနီ အံႏလꩻတဝ်း၊ ခွိုင်းငါတဲ့ လꩻတဝ်း၊ နီမဉ်ႏအံႏ နီအီႏသီဗာႏ” နုဲင်းနဝ်ꩻသွူ။
4ရူးဒေါ့ꩻပြန်ႏချာ၊ “နုဲင်းနဝ်ꩻ တမွေးတဝ်း၊ သီအီႏ တသီဗာႏတဝ်း၊ 5ဗွေႏဘုရာꩻ ကမိန်းဖေႏဗာႏ နုဲင်းနဝ်ꩻနဝ်ꩻ ပွိုးတွော့ꩻ ဝွေꩻဗွေႏအဝ်ႏသေ သီမဉ်ႏအံႏနဝ်ꩻ သီအီႏဗွိုန်နုဲင်း ဗွေႏဘုရာꩻတဲင် အဟဝ်နုဲင်းမုဲင်ꩻ၊ အကုဲင်နုဲင်းမုဲင်ꩻ နဝ်ꩻ အီႏသေ” နုဲင်းနဝ်ꩻသွူ။ 6ပါꩻမူႏထီႏ သေင်ႏမွူး တရေꩻငါႏတဲင် အရာႏနဝ်ꩻ ရအံႏအွီႏငါႏသွူ၊ ဝွေꩻမူႏယူႏ ဥာဏ်ႏမဉ်ႏအဝ်ႏနဝ်ꩻ ဟဝ်အံႏဖြာႏငါႏ ထင်းနုဲင်းနဝ်ꩻတဲင် ဝွေꩻမူႏထူႏ သေင်ႏရာႏ ယင်ဟန်ႏ အံႏစွဉ်ႏသွူ၊ နဝ်ꩻထွူ ဝွေꩻမူႏဖေႏပါ အဝါꩻ သေင်ႏရာႏ ယင်ဟန်ႏတဲင် ဝွေꩻနဝ်ꩻတဲ့ အံႏစွဥ်ႏနေနေသွူ။ 7အံႏထွူညတဝ်း ဝွေꩻသီးလꩻ ဉာဏ်ႏထာꩻသေတဲင် ဝွေꩻသီးနမ်း အဝ်ႏတလီꩻထာꩻဖုံႏနဝ်ꩻ သေနာႏချာစွဉ်ႏသွူ။ ပွိုးနဝ်ꩻမꩻ ဝွေꩻသီးထူႏ ဖက်ꩻဒွိုႏဆꩻလာႏ ဆꩻဆွိုင်ꩻလို့ဝင်ꩻတဲင် အွဉ်ႏဒို့ꩻဗဉ်ႏအနမ်းသွူ။
8အဟာနဝ်ꩻ ဝွေꩻသီးဟွိုန် ထာဝရဘုရာꩻ ဗွေႏဘုရာꩻ ကျွꩻလွဉ် ဥယျာဉ်ႏခြံကိုတဲင် ဝွေꩻသီးအုံနို့ꩻတေ့ꩻ ဝွေꩻဗွေႏ သေင်ႏမွူးခါႏသွူ။ 9ကွဲႏတွော့ꩻ ထာဝရဘုရာꩻ ဗွေႏဘုရာꩻ ဟဲ့ꩻထန်ႏ လိုꩻခို “နာꩻအဝ်ႏမုဲင်ꩻကိုဟောင်း” နုဲင်းနဝ်ꩻသွူ။
10ဝွေꩻလဝ်းချာ “နီဗွေႏကျွꩻလွဉ် ဥယျာဉ်ႏခြံကို အငဝ်းနဝ်ꩻ ခွေဟွိုန်တဲင် ပွိုးခွေ အဝ်ႏတလီꩻထာꩻ နဝ်ꩻမꩻ ခွေငမ်းငါႏတွော့ꩻ အုံနို့ꩻဒျာႏ နီဗွေႏ” နုဲင်းနဝ်ꩻသွူ။
11ဗွေႏဘုရာꩻရီ “သီ အဝ်ႏတလီꩻထာꩻ နုဲင်းနဝ်ꩻ ပါꩻမုဲင်ꩻရိုꩻသီဟောင်း၊ ခွေဒေါ့ꩻခါꩻ အံႏမွိုန်း သေင်ႏရာႏနဝ်ꩻ သီ အံႏလဲဉ်းဟောင်း။”
12ပါꩻခိုလောင်းချာ “နီဗွေႏ ကအပ်ဖေႏခွေ ပါꩻမူႏယိုနဝ်ꩻ အဖေႏခွေ သေင်ႏရာႏ၊ နဝ်ꩻမꩻ ခွေအံႏဗာႏဒျာႏ” နုဲင်းနဝ်ꩻသွူ။
13 #
၂ကော ၁၁:၃၊ ၁တိ ၂:၁၄။ ထာဝရဘုရာꩻ ဗွေႏဘုရာꩻ ရီပါꩻမူႏ “ပွိုးတမုဲင်ꩻ နာꩻမာꩻဗာႏတွိုႏ နုဲင်းယိုဟောင်း”၊
ဝွေꩻမူႏလဝ်းချာ “ရူးလဲဉ်ခွေနဝ်ꩻမꩻ ခွေအံႏ” နုဲင်းနဝ်ꩻသွူ။
ဗွေႏဘုရာꩻဖေႏအပဲစ်တံႏ
14နဝ်ꩻထွူ ထာဝရဘုရာꩻ ဗွေႏဘုရာꩻ မိန်းဖေႏ ရူး၊ “ကွပ်ပွိုးနာꩻမာꩻ နုဲင်းယိုတဲင် နာꩻအီႏခံႏဗာႏ အပဲစ်တံႏ၊ တိရစ္ဆာန်ႏအကို နာꩻလွုမ်ꩻ အီႏခံႏဗာႏခေါ် စိန်ႏတရေႏ နုဲင်းယို၊ တယ်ႏစယိုခါ နာꩻအီႏတွာႏလွေꩻ ဗာႏနေး နာꩻဟို့ꩻတဲင် တသက်လွုမ်း နာꩻအီႏအံႏဗာႏ ဟံႏဖွန်ႏသွူ။ 15#ဗျာ ၁၂:၁၇။ နာꩻတွမ်ႏ လိုꩻမူႏနဝ်ꩻ ဖေႏကလွꩻထီႏ လို့ဝင်ꩻနဝ်ꩻ ခွေအီႏမာꩻ၊ နာꩻစွိုးခွိုꩻတွမ်ႏ လိုꩻမူႏစွိုးခွိုꩻနဝ်ꩻ အီႏထွာတသေႏ ရန်ႏသူႏ၊ လိုꩻမူႏစွိုးခွိုꩻနဝ်ꩻ အီႏခြွုတ်ပဲစ်ꩻ နာꩻကတူႏတဲင် နာꩻအီႏအဲင်ႏ ဝွေꩻသီးစွိုးခွိုꩻ ခင်ႏဒွိုႏ” နုဲင်းနဝ်ꩻသွူ။
16တဲင်ဝွေꩻဗွေႏ မိန်းဖေႏပါꩻမူႏ “နာꩻအီႏခံႏဗာႏ ဒွိုင်ပိုတဲင် ထာꩻဒုက္ခ အီႏအာလွဉ်၊ နာꩻအီႏလွူးဗာႏပို ခံႏဗာႏဝေႏဒနာႏ ထာꩻဆာသွူ။ ခံႏဗာႏနုဲင်းနဝ်ꩻ စွဉ်ႏတဲ့ နာꩻအဝ်ႏရက်စွဲꩻဒျာႏက နာꩻဝါꩻသွူ။ ကွဲႏတွော့ꩻ နာꩻနဝ်ꩻ အီႏခံႏဗာႏ ဝွေꩻထာꩻအုပ်စိုꩻ” နုဲင်းနဝ်ꩻသွူ။
17 # ဟေဗြဲ ၆:၈။ တဲင်ဝွေꩻဗွေႏ မိန်းဖေႏ လိုꩻခို “ခွေမိန်းဖေႏနာꩻ၊ အံႏမွိုန်း သေင်ႏရာႏနဝ်ꩻ ပွိုးနာꩻနာႏ နာꩻမာငဝ်းတဲင် အံႏလဲဉ်းနဝ်ꩻမꩻ ဟံႏနဝ်ꩻ အီႏခံႏဗာႏ စိန်ႏတရေႏ။ နာꩻအံႏအွꩻတာႏ အီႏလုပ်ꩻမာꩻယပ်ꩻဗာႏ နာꩻဘဝ တသက်လွုမ်းသွူ။ 18နမ်ႏတွမ်ႏ ထာꩻဆူႏမွူးဖုံႏ အီႏဒေါ့ꩻလွဉ် နာꩻအီႏအံႏဗာႏ သေင်ႏစော့ꩻ သေင်ႏလာႏ ထာခြာကိုနဝ်ꩻသွူ။ 19နာꩻနဝ်ꩻ အဝ်ႏဟံႏထွာလွဉ်တဲင် ဗတွိုႏကသဲင်ꩻချာဗာႏ ဟံႏကို ဖေႏကလꩻ ထာꩻအံႏစွုမ်ႏစွိုး ကသိုꩻထန်ႏတဲင် လုပ်ꩻမာꩻ ယပ်ꩻခုဲင်ႏဗာႏသွူ။ နာꩻနဝ်ꩻ မာꩻထွာလွဉ်လဲဉ်း တွမ်ႏဟံႏနဝ်ꩻမꩻ အီႏသဲင်ꩻချာဗာႏယင်း ဟံႏသွူ။”
20အာဒံ ဖန်ဟဲ့ꩻဖေႏ ဝွေꩻအမာမဉ်ꩻနဝ်ꩻ ဧဝသွူ။ ပွိုးတွော့ꩻ ဝွေꩻမူႏနဝ်ꩻ အီႏထွာ လိုꩻကားကအဝ်ႏ အမွိုးသွူ။ 21ထာဝရဘုရာꩻ ဗွေႏဘုရာꩻ နဝ်ꩻ တွမ်ႏတိရစ္ဆာန်ႏဖြို့ꩻတဲင် မာꩻဖေႏ အာဒံတွမ်ႏ ဧဝတာႏ ခွမ်ꩻလာꩻတဲင် အွဉ်ႏကွဉ်ကဖေႏ ဝွေꩻသီးသွူ။
ဝါးထန်ႏထိုꩻအာဒံတွမ်ႏဧဝဥယျာဉ်ႏခြံကို
22 #
ဗျာ ၂၂:၁၄။ နဝ်ꩻထွူ ထာဝရဘုရာꩻ ဗွေႏဘုရာꩻ မိန်း၊ “ယိုခါ လိုꩻနဝ်ꩻ ဗွိုန်နုဲင်းလဲဉ်းနီ၊ ဉာဏ်ႏထာꩻသေ အဟဝ်တွမ်ႏ အကုဲင် အဝ်ႏလဲဉ်း၊ ကအီႏထူႏအံႏဗာႏ အသက်မွူး အရာႏနဝ်ꩻ ဖေႏမွိုန်းဒွုမ် ဝွေꩻသီးအခွင်ꩻ၊ အံႏဗာႏနဝ်ꩻမဲ့ꩻ သက်အီႏအဝ်ႏမွန် တသေႏတနားထိုꩻသွူ။” 23ပွိုးနဝ်ꩻမꩻ ထာဝရဘုရာꩻ ဗွေႏဘုရာꩻ ဝါးထန်ႏထိုꩻ ဝွေꩻသီး ဧဒေင်ဥယျာဉ်ႏ ခြံကိုတဲင်၊ ဟံႏကမာꩻထွာလွဉ် လိုꩻနဝ်ꩻ အွဉ်ႏလုပ်ꩻမာꩻချာယင်း ဝွေꩻသီးသွူ။ 24နဝ်ꩻထွူ ဧဒေင်ခြံ အခဝ်ကွဉ်ႏဖဲ့ꩻ ထာဝရဘုရာꩻ ဗွေႏဘုရာꩻ အွဉ်ႏ သက်မွန်သတ္တဝါႏ တွမ်ႏနꩻလျော်ꩻမေႏတဗာႏ အုံပွေါးခူခါꩻသွူ။ ယိုနဝ်ꩻ မာꩻဖေႏ ပါꩻမုဲင်ꩻတဲ့ ကလွဉ်ဗော့ꩻလꩻမွိုန်း ကဖေႏဒါႏ အသက်မွန် သေင်ႏမွူးနဝ်ꩻ အထျꩻသွူ။
ទើបបានជ្រើសរើសហើយ៖
ကမ္ဘာႏစ 3: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.