ယောဟန် 7
7
ဗွေႏယေသျုတွမ်ႏဝွေꩻဗွေႏဖူးခိုဖုံႏ
1ယိုထွူ ဗွေႏယေသျု ထန်ႏလွေꩻတဖူꩻ ကာလိလဲခမ်းသွူ။ ကွပ်ပွိုး ဂျူးအာႏဏာႏပဲင်ႏသားဖုံႏ အဝ်ႏမဉ်မာꩻသီ ဝွေꩻဗွေႏနဝ်ꩻမꩻ ဝွေꩻဗွေႏတမဉ် ထန်ႏလွေꩻတဝ်း တဖူꩻ ယုဒခမ်းသွူ။ 2#ဝိ ၂၃:၃၄၊ ဟော်ꩻ ၁၆:၁၃။ ပွိုးပွယ်ꩻအုံသော့ꩻ သုမ်းသေင်ႏလာႏ အချိန်ႏ ဗော့ꩻလွဉ်လဲဉ်းအတွက်သွူ။ 3နဝ်ꩻမꩻ ဝွေꩻဗွေႏ ဖူးခိုဖုံႏ ဒေါ့ꩻဖေႏဝွေꩻဗွေႏ၊ “နာꩻကအဝ်ႏမာꩻဒါႏဖုံႏ နာꩻတပဲ့ဖုံႏ ဖေႏနေး ကထီႏဗာႏနဝ်ꩻ အဝ်ႏခင်ႏလမ်းယို ထန်ႏတဲင် လွေꩻထိုꩻခန်း ယုဒခမ်းဟုဲင်း” နုဲင်းနဝ်ꩻသွူ။ 4လိုꩻဖုံႏမဉ်ꩻ မဉ်ႏမဉ်ကျော်ႏနဝ်ꩻ နုဲင်းဝွေꩻသီး ကအဝ်ႏမာꩻဒါႏဖုံႏနဝ်ꩻ ဝွေꩻသီး တအွဉ်ႏဗဉ်ႏဗꩻတဝ်းသွူ။ တယ်ႏစွဉ်ႏ နာꩻကအဝ်ႏမာꩻဒါႏ ယိုဖုံႏ နာꩻခရာႏနဝ်ꩻ အွဉ်ႏသေခန်း တဟံႏတန်လွုမ်းဟုဲင်း” နုဲင်းနဝ်ꩻသွူ။ 5(ဝွေꩻဗွေႏ ဖူးခိုဖုံႏငါမဉ်ႏတဲ့ တယွုမ်းအံႏတဝ်း ဝွေꩻဗွေႏသွူ။)
6ဗွေႏယေသျုဒေါ့ꩻ ဖေႏဝွေꩻသီး၊ “ခွေတာႏ အချိန်ႏခါႏ တလꩻတွိုႏဖျော် လွဉ်တဝ်းဒွိုန်း။ သီအတာႏနဝ်ꩻ အချိန်ႏအဝ်ႏတွိုႏ သေႏသေႏဒျာႏသွူ။ 7ကမ္ဘာႏလောက သားဖုံႏနဝ်ꩻ အီႏတလွꩻထီႏတဝ်းသီ၊ ကွဲႏတွော့ꩻ ကွပ်ပွိုး ခွေအဝ်ႏဒေါ့ꩻ ဝွေꩻသီး အကျင်ꩻကုဲင်ဖုံႏ နဝ်ꩻမꩻ လွထီႏခွေသွူ။ 8သီလွေꩻထိုꩻခန်း ပွယ်ꩻဟုဲင်း။ ပွယ်ꩻယိုနဝ်ꩻ ခွေတလွေꩻတဝ်း၊ ပွိုးတွော့ꩻ ခွေတာႏ အချိန်ႏခါႏ တလꩻတွိုႏတဝ်းဒွိုန်း” နုဲင်းနဝ်ꩻသွူ။ 9ဝွေꩻဗွေႏဒေါ့ꩻ နုဲင်းယိုထွူ အုံသော့ꩻဒျာႏ ကာလိလဲခမ်း ကိုနဝ်ꩻသွူ။
ဗွေႏယေသျုတွိုႏလွေꩻပွယ်ꩻအုံသုမ်းသေင်ႏလာႏဖုံႏကို
10ဝွေꩻဗွေႏဖူးခိုဖုံႏ အဝ်ႏပွယ်ꩻ ထန်ႏသဲင်ꩻထွူ ဗွေႏယေသျုနဝ်ꩻတဲ့ လွေꩻပွယ်ꩻနဝ်ꩻသွူ။ ကွဲႏတွော့ꩻ ဝွေꩻဗွေႏ တလွေꩻထင်ႏသျာꩻနေးတဝ်း၊ လွေꩻတေ့ꩻနေးဒျာႏသွူ။ 11ဂျူးအာႏဏာႏပဲင်ႏ သားဖုံႏ အဝ်ႏထုမ်ႏထွား ဝွေꩻဗွေႏ ပွယ်ꩻကိုနဝ်ꩻသွူ။ ဝွေꩻသီးရီ၊ “ဝွေꩻအဝ်ႏမုဲင်ꩻကိုဟောင်း” နုဲင်းနဝ်ꩻသွူ။
12နဝ်ꩻကို လိုꩻစွိုꩻဖုံႏခြာနဝ်ꩻ အဝ်ႏဒေါ့ꩻတေ့ꩻ ဝွေꩻဗွေႏခရာႏဖုံႏသွူ။ လိုꩻယင်ဟန်ႏသား နဝ်ꩻရိုꩻ၊ “ဝွေꩻယိုထွာ လိုꩻဟဝ်တဖြာꩻဒျာႏ” နုဲင်းနဝ်ꩻတဲင် အလင်ဖုံႏနဝ်ꩻဒေါ့ꩻ၊ “မွေးတဝ်း၊ ဝွေꩻလဲဉ်ဗားဒျာႏ လိုꩻဖုံႏ” နုဲင်းနဝ်ꩻသွူ။ 13ပွိုးတွော့ꩻ ဝွေꩻသီး အဝ်ႏငမ်းသꩻ ဂျူးအာႏဏာႏပဲင်ႏသားဖုံႏ နဝ်ꩻမꩻ ပါꩻမုဲင်ꩻတဖြာꩻတဲ့ တဒေါ့ꩻထင်ႏသျာꩻဗွိုန်ႏတဝ်း ဝွေꩻဗွေႏခရာႏသွူ။
14ပွယ်ꩻမွူးနီꩻ ထွိုင်ႏအီႏထာႏဝနဝ်ꩻ ဗွေႏယေသျု လွေꩻဗိမာန်ႏ တောႏကျောင်ꩻတဲင် သွဉ်သင်စဖေႏစွဉ်ႏသွူ။ 15ဂျူးအာႏဏာႏပဲင်ႏ သားဖုံႏနဝ်ꩻ အံႏဖြာႏမွေးနေးစွဉ်ႏ တဲင်ဒေါ့ꩻ၊ “ပါꩻခိုယိုနဝ်ꩻ တအုံဗာႏဖိုတဝ်း ကျောင်ꩻစွဉ်ႏတဲ့ အထာꩻသေ ထာꩻဒါႏမွော့ꩻအာငါႏ နုဲင်းမုဲင်ꩻဟောင်း” နုဲင်းနဝ်ꩻသွူ။
16ဗွေႏယေသျု လဝ်းချာ၊ “နုဲင်းခွေထာꩻသွဉ်သင်နဝ်ꩻ ခွေနမ်း ထာꩻသွဉ်သင် တမွေးတဝ်း၊ ထာꩻသွဉ်သင် နဝ်ꩻနဝ်ꩻ အဝ်ႏဗွေႏဘုရာꩻ ကအွဉ်ႏစွꩻလွဉ် ခွေထျꩻ လွဉ်ဒျာႏသွူ။ 17ပါꩻမုဲင်ꩻမဉ်မာꩻလွဉ်ꩻ နုဲင်းဗွေႏဘုရာꩻ အလိုႏတောႏသားဖုံႏနဝ်ꩻ ခွေထာꩻသွဉ်သင်နဝ်ꩻ အဝ်ႏဗွေႏဘုရာꩻထျꩻ လွဉ်နဲ့ မဉ်ႏတမွေးတဝ်း အဝ်ႏ ခွေနမ်း အာႏဏာႏလောင်းတွော့ꩻ ဒေါ့ꩻဒျာႏနဲ့နဝ်ꩻ အီႏသေဗာႏသွူ။ 18လိုꩻကဒေါ့ꩻဒါႏ ဝွေꩻသီးနမ်း အာႏဏာႏသားဖုံႏနဝ်ꩻ အဝ်ႏကျိုꩻစာꩻထုမ်ႏဒျာႏ ဝွေꩻသီးနမ်းတာႏ ဘွုန်ꩻသရေႏသွူ။ ကွဲႏတွော့ꩻ ပါꩻကထုမ်ႏဒါႏ ဗွေႏအပါꩻ ကအွဉ်ႏစွꩻလွဉ် ဝွေꩻဗွေႏ ဘွုန်ꩻသရေႏနဝ်ꩻ စွို့ꩻစွဉ်ႏတဲင် ဝွေꩻနဝ်ꩻအမာႏ တစွိုးစွိုး တအဲဉ်ထဝ်းသွူ။ 19မောသျေနဝ်ꩻ ဖေႏသီ ပညတ်ကျမ်ꩻ တမွေးတဝ်းဟောင်း။ ကွဲႏတွော့ꩻ သီတဖြာꩻငါတဲ့ တလွောက်ꩻနာႏတဝ်းသွူ။ ပွိုးတမုဲင်ꩻ သီအဝ်ႏကျိုꩻစာꩻ မာꩻသီတွိုႏခွေ နုဲင်းမုဲင်ꩻဟောင်း” နုဲင်းနဝ်ꩻသွူ။
20လိုꩻစွိုꩻဖုံႏလဝ်းချာ၊ “နာꩻအကိုနဝ်ꩻ လူꩻကုဲင်တဗာႏ အဝ်ႏနွို့စောင်ꩻသော့ꩻလဲဉ်း။ ပါꩻမုဲင်ꩻအဝ်ႏကျိုꩻစာꩻ မာꩻသီနာꩻဟောင်း” နုဲင်းနဝ်ꩻသွူ။
21ဗွေႏယေသျု လဝ်းချာ၊ “ခွေကမာꩻနယ် နိမိတ်လက္ခဏာႏ တစွိုးနဝ်ꩻ သီကားကအဝ်ႏ အံႏဖြာႏမွေးနေးစွဉ်ႏသွူ။ 22#ဝိ ၁၂:၃၊ ကမ္ဘာႏ ၁၇:၁၀။ ဖေႏကသွို့ꩻ သီပိုခိုဖုံႏ အင်္ဂါႏနာပီ မင်္ဂလာႏနဝ်ꩻ မောသျေ မိန်းဖေႏသီသွူ၊ ( ကသွို့ꩻဒါႏ အင်္ဂါႏနာပီ မင်္ဂလာႏနဝ်ꩻ မောသျေ တမွေးတဝ်း၊ ကတယ်ႏစဒါႏနဝ်ꩻ သီမွိုးဖြား ဖါဖြားသီဒျာႏသွူ။) နဝ်ꩻမꩻ ဥပုသ်မွူးနီꩻကိုနဝ်ꩻ သီသွို့ꩻ လိုꩻခိုပေႏတဖြာꩻ အင်္ဂါႏနာပီ မင်္ဂလာႏသွူ။ 23#ယော ၅:၉။ ဖေႏနေး ကယားကုဲင်မွိုန်း မောသျေ ပညတ်ကျမ်ꩻနဝ်ꩻ ဥပုသ်မွူးနီꩻကိုမဉ်ႏတဲ့ သွို့ꩻဖေႏ လိုꩻခိုပေႏ အင်္ဂါႏနာပီ မင်္ဂလာႏသွူ၊ ခွေကမာꩻဟဝ်ဗွေ စွုံႏလင်ႏဖေႏဒါႏ ပါꩻခိုတဖြာꩻ ဥပုသ်မွူးနီꩻကိုနဝ်ꩻ ပွိုးတမုဲင်ꩻ သီသꩻလျားဗာႏတွိုႏ ခွေဟောင်း။ 24စွဉ်ႏအထန်ႏ လက္ခဏာႏတွော့ꩻ ကအဝ်ႏစီႏရင်ႏအီဒါႏနဝ်ꩻ အွဉ်ႏဆွိုးထိုꩻခန်းတဲင် စီႏရင်ႏအီသွော့ စွဉ်ႏအမဲဉ်ႏတရာꩻဟုဲင်း” နုဲင်းနဝ်ꩻသွူ။
ဝွေꩻနဝ်ꩻမေသျိယဟောင်း
25လိုꩻဖုံႏကအဝ်ႏသော့ꩻဒါႏ ဝေင်ꩻယေရုသလမ်ႏကို ယင်ဟန်ႏနဝ်ꩻဒေါ့ꩻ၊ “အာႏဏာႏပဲင်ႏသားဖုံႏ ကအဝ်ႏကျံႏမာꩻသီနဝ်ꩻ ပါꩻခိုယိုသွူ တမွေးတဝ်းဟောင်း။ 26ထွားမွိုင်၊ ဝွေꩻအဝ်ႏဒေါ့ꩻ ထင်ႏသျာꩻဒျာႏထာꩻ အမျာꩻငါတဲင် ဝွေꩻသီး တရိုꩻဆန်ချာတဝ်းဝွေꩻ တမုဲင်ꩻမုဲင်ꩻနဲ၊ ဝွေꩻထွာ မေသျိယကျောင်ꩻနဝ်ꩻ ဝွေꩻသီး သေစဲင်းလဲဉ်းဒျာႏဟောင်း။ 27ကွဲႏတွော့ꩻ မေသျိယ ကကျွꩻလွဉ်ချိန်ႏ ဝွေꩻဗွေႏ အဝ်ႏမုဲင်ꩻကိုလွဉ်နဝ်ꩻ ပါꩻမုဲင်ꩻတဖြာꩻတဲ့ တသေတဝ်းသွူ။ တဲင်ပါꩻခိုယို အဝ်ႏမုဲင်ꩻကိုလွဉ်နဝ်ꩻ နီကားကအဝ်ႏ အဝ်ႏသေ” နုဲင်းနဝ်ꩻသွူ။
28နုဲင်းဗွေႏယေသျု ကအဝ်ႏသွဉ်သင်သော့ꩻဒါႏ ဗိမာန်ႏတောႏ ကျောင်ꩻကိုနဝ်ꩻ ဝွေꩻဗွေႏ ဒေါ့ꩻသန်မွေးနေးစွဉ်ႏငဝ်း၊ “သီအဝ်ႏသေမွေး ခွေဇာႏတိတွော့ꩻ ခွေအဝ်ႏခင်ႏလမ်းမုဲင်ꩻ လွဉ်နဝ်ꩻ သီသေမွေးနဲ့ဟောင်း။ ခွေကျွꩻလွဉ်စွဉ်ႏ ခွေအာႏဏာႏ တမွေးတဝ်းသွူ။ ကွဲႏတွော့ꩻ ဗွေႏကအွဉ်ႏစွꩻလွဉ် ခွေနဝ်ꩻ အဝ်ႏဗွေစွဉ်ႏ သစ္စာႏသွူ။ ဝွေꩻဗွေႏနဝ်ꩻ သီတသေငါꩻတဝ်း။ 29ပွိုးတွော့ꩻ ခွေအဝ်ႏဝွေꩻဗွေႏထျꩻ လွဉ်တဲင် ဝွေꩻဗွေႏ အွဉ်ႏစွꩻလွဉ်ဒျာႏခွေ နဝ်ꩻမꩻ ခွေအဝ်ႏသေငါꩻ ဝွေꩻဗွေႏ” နုဲင်းနဝ်ꩻသွူ။
30တွိုႏနဝ်ꩻ ဝွေꩻသီးကျံႏဆွမ်ꩻ ဝွေꩻဗွေႏ၊ ကွဲႏတွော့ꩻ ကွပ်ပွိုး ဝွေꩻဗွေႏ အချိန်ႏနားရီႏ တလꩻတွိုႏတဝ်းဒွိုန်း နဝ်ꩻမꩻ ပါꩻမုဲင်ꩻတဖြာꩻတဲ့ တဆွမ်ꩻဗွိုန်ႏတဝ်း ဝွေꩻဗွေႏသွူ။ 31ကွဲႏတွော့ꩻ လိုꩻစွိုꩻဖုံႏကို ကယွုမ်းအံႏဒါႏ ဝွေꩻဗွေႏသားဖုံႏနဝ်ꩻ အဝ်ႏအာဖြာꩻတဲင်ဒေါ့ꩻ၊ “မေသျိယ ထွိုင်ႏကျွꩻလွဉ်ချိန်ႏ ဝွေꩻအီႏမာꩻ နိမိတ်လက္ခဏာႏဖုံႏနဝ်ꩻ အာလွိုကယ်ꩻက ပါꩻခိုယို ကမာꩻလဲဉ်းနဝ်ꩻနဲ့ဟောင်း” နုဲင်းနဝ်ꩻသွူ။
ဖေႏကဆွမ်ꩻဗွေႏယေသျုနဝ်ꩻအွဉ်ႏစွꩻလွေꩻစဲ့ꩻပွေါးရံႏသားဖုံႏ
32လိုꩻစွိုꩻဖုံႏ အဝ်ႏဒေါ့ꩻတူႏတေ့ꩻ ဗွေႏယေသျု ခရာႏနုဲင်းယိုနဝ်ꩻ ဖါရိသဲဖုံႏ အဝ်ႏဟွိုန်သွူ။ နဝ်ꩻမꩻ ဖေႏကဆွမ်ꩻ ဝွေꩻဗွေႏနဝ်ꩻ ဝွေꩻသီးတွမ်ႏ ယဇ်ပရောဟိတ်တန်ဖုံႏ အွဉ်ႏစွꩻလွေꩻ စဲ့ꩻပွေါးရံႏသားဖုံႏ ယင်ဟန်ႏသွူ။ 33ဗွေႏယေသျုဒေါ့ꩻ၊ “ခွေအဝ်ႏငီꩻ စွဉ်ႏသီနဝ်ꩻ တဆင်ႏပေႏတွင်ꩻလွုမ်ꩻ။ တဲင်ခွေအီႏလွေꩻထေ့ ယင်းဒျာႏ ဗွေႏအပါꩻ ကအွဉ်ႏစွလွဉ်ဒါႏခွေ အထျꩻသွူ။ 34သီအီႏထုမ်ႏခွေ၊ ကွဲႏတွော့ꩻ သီအီႏတမော့ꩻတဝ်းခွေ။ ကွပ်ပွိုး ခွေကအီႏအဝ်ႏဒါႏ ခင်ႏလမ်းနဝ်ꩻ သီတလွေꩻနွောင်ꩻတဝ်း အတွက်သွူ။
35ဂျူးအာႏဏာႏပဲင်ႏသားဖုံႏ ဒေါ့ꩻချာဖေႏလို့ဝင်ꩻ၊ ဖေႏနေး နီထုမ်ႏဝွေꩻ အီႏတမော့ꩻနွောင်ꩻတဝ်းနဝ်ꩻ ဝွေꩻအီႏလွေꩻထိုꩻ ခင်ႏလမ်း မုဲင်ꩻကိုဟောင်း။ ဝွေꩻအီႏလွေꩻထိုꩻ ဂရိခမ်း ဝေင်ꩻတန်ဖုံႏ၊ နီလိုꩻကအဝ်ႏအုံဒါႏ ခင်ႏလမ်းနဝ်ꩻတွော့ꩻ အီႏသွဉ်ဖေႏ ဂရိလိုꩻမျိုꩻဖုံႏဟောင်း။ 36ဝွေꩻကရိုꩻဒါႏ နီအီႏထုမ်ႏဝွေꩻ၊ ကွဲႏတွော့ꩻ အီႏတမော့ꩻတဝ်းဝွေꩻတဲင် ဝွေꩻကအီႏလွေꩻဒါႏ ခင်ႏလမ်းနဝ်ꩻ နီတလွေꩻလွဉ်ꩻနွောင်ꩻတဝ်း နုဲင်းနဝ်ꩻနဝ်ꩻ ဝွေꩻမဉ်ရိုꩻ အဓိပ္ပါယ်ႏ တမုဲင်ꩻဟောင်း” နုဲင်းနဝ်ꩻသွူ။
ကအဝ်ႏဖေႏဒါႏအသက်မွန်ထီခြောင်
37 #
ဝိ ၂၃:၃၆။ ပွယ်ꩻအရေꩻတန်သွတ်ꩻ မွူးနီꩻတွမ်ႏ ကထွာ အဆုဲင်ꩻသွတ်ꩻနီꩻနဝ်ꩻ ဗွေႏယေသျု အုံထွိုင်ႏတဲင် ဒေါ့ꩻသန်နေးငဝ်း၊ “ပါꩻမုဲင်ꩻ ဟို့ꩻခိုးထီနဝ်ꩻ ဟဝ်လွဉ်ခွေထျꩻတဲင်၊ 38#ဧသ ၄၇:၁၊ ဇာ ၁၄:၈။ ပါꩻမုဲင်ꩻ ယွုမ်းအံႏခွေနဝ်ꩻ အီႏအွꩻဗာႏသွူ။ နုဲင်းလိတ်ကျမ်ꩻကို ကရိုꩻဒါႏ ‘အသက်ထီခြောင် ကအဝ်ႏဖေႏထီနဝ်ꩻ အီႏအဝ်ႏဝွေꩻအကို ထွတ်ꩻထန်ႏလွဉ်’” နုဲင်းနဝ်ꩻသွူ။ 39ဗွေႏယေသျု ကဒေါ့ꩻယိုနဝ်ꩻ ပွိုင်းဝွို့တွမ်ႏ ဝိညာဉ်ႏတောႏ ခရာႏဒျာႏ၊ လိုꩻကယွုမ်း ဝွေꩻဗွေႏသားဖုံႏနဝ်ꩻ အီႏလက္ခံႏလꩻသွူ။ ကွပ်ပွိုး ဗွေႏယေသျု ဘွုန်ꩻသရေႏတောႏ တပွင်ꩻထန်ႏလွဉ်ဒွိုန်း အတွက် အချိန်ႏနဝ်ꩻနဝ်ꩻ တလꩻဖေႏတဝ်းဒွိုန်း ဝိညာဉ်ႏတောႏသွူ၊
လိုꩻဖုံႏအကိုသꩻသဘော်ꩻကွယ်ꩻထိုꩻလို့ဝင်ꩻ
40ဝွေꩻဗွေႏ ကရိုꩻနုဲင်းယို လိုꩻစွိုꩻဖုံႏအကို လိုꩻယင်ဟန်ႏသား ထွိုင်ႏဟွိုန်တဲင်ဒေါ့ꩻ၊ “ပါꩻခိုယိုနဝ်ꩻ ထွာမွေး ပရောဖဲစ်ကွေး” နုဲင်းနဝ်ꩻသွူ။
41အလင်ဖုံႏနဝ်ꩻဒေါ့ꩻ၊ “ဝွေꩻနဝ်ꩻထွာ မေသျိယဒျာႏ” နုဲင်းနဝ်ꩻသွူ။
အလင်ဖုံႏနဝ်ꩻဒေါ့ꩻ၊ “မေသျိယနဝ်ꩻ အဝ်ႏကာလိလဲခမ်းကို အီႏတကျွꩻလွဉ်တဝ်း။ 42#၂သျာ ၇:၁၂၊ မိတ် ၅:၂။ လိတ်ကျမ်ꩻနဝ်ꩻရိုꩻ မေသျိယနဝ်ꩻ အီႏထွာဒျာႏ ခွန်တန်ဒါဝိဒ် ပိုလီꩻစွိုးခွိုꩻ တဖြာꩻတဲင် အီႏလွူးလွဉ်သော့ꩻဒျာႏ ဝေင်ꩻဗဲက်လဟဲမ်ကို ဒါဝိဒ် ကအဝ်ႏအုံသော့ꩻဒါႏ ခင်ႏလမ်း” နုဲင်းနဝ်ꩻသွူ။ 43နဝ်ꩻမꩻ နဝ်ꩻကိုနဝ်ꩻ ကွပ်ပွိုး ဗွေႏယေသျုအတွက် လိုꩻစွိုꩻဖုံႏကို သꩻသဘော်ꩻ ကွယ်ꩻလို့စွဉ်ႏဝင်ꩻသွူ။ 44လိုꩻယင်ဟန်ႏသားဖုံႏနဝ်ꩻ အဝ်ႏမဉ်ဆွမ်ꩻ ဝွေꩻဗွေႏသွူ။ ကွဲႏတွော့ꩻ ပါꩻမုဲင်ꩻတဖြာꩻတဲ့ တဆွမ်ꩻတဝ်း ဝွေꩻဗွေႏသွူ။
ထာꩻယွုမ်းအံႏအဲဉ်ထဝ်းဂျူးအာႏဏာႏပဲင်ႏသားဖုံႏ
45စဲ့ꩻပွေါးရံႏသားဖုံႏ ထွိုင်ႏသဲင်ꩻလွဉ်ချာချိန်ႏ ယဇ်ပရောဟိတ် တန်ဖုံႏတွမ်ႏ ဖါရိသဲဖုံႏ ရီဝွေꩻသီး၊ “ပွိုးတမုဲင်ꩻ သီတဆွမ်ꩻသဲင်ꩻ လွဉ်တဝ်းဝွေꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
46စဲ့ꩻပွေါးရံႏသားဖုံႏ လဝ်းချာ၊ “နုဲင်းပါꩻခိုယို ကဒေါ့ꩻဒါႏ အနယ်ꩻနဝ်ꩻ ပါꩻမုဲင်ꩻတဖြာꩻတဲ့ တဒေါ့ꩻဖိုတဝ်း” နုဲင်းနဝ်ꩻသွူ။
47ဖါရိသဲဖုံႏ ရီဝွေꩻသီး၊ ဝွေꩻမာꩻဗားပါလဲဉ်းသီ နေနေဟောင်း။ 48အာႏဏာႏပဲင်ႏသား တဖြာꩻဖြာꩻ မဉ်ႏတမွေးတဝ်း ဖါရိသဲဖုံႏ တဖြာꩻဖြာꩻ ယွုမ်းအံႏဝွေꩻနဝ်ꩻ သီထီႏဗာႏဖိုနေဟောင်း။ 49လိုꩻစွိုꩻယိုဖုံႏနဝ်ꩻ တသေတဝ်း မောသျေပညတ်ကျမ်ꩻ၊ နဝ်ꩻမꩻ ဝွေꩻသီးခံႏဗာႏလဲဉ်း ဗွေႏဘုရာꩻ စိန်ႏတရေႏဖုံႏ” နုဲင်းနဝ်ꩻသွူ။
50 #
ယော ၃:၁၊ ၂။ နဝ်ꩻကို ဖါရိသဲဖုံႏကို တဖြာꩻ ကထွာ နိကောဒေင်နဝ်ꩻ ရီးခါဝွေꩻလွေꩻ မော့ꩻခွဲဗာႏဖိုလဲဉ်း ဗွေႏယေသျုတဲင် ဝွေꩻဒေါ့ꩻဖေႏ ဖါရိသဲအလင်ဖုံႏ၊ 51“မဉ်ႏမဲဉ်ႏတွမ်ႏ နီပညတ်တရာꩻအတွိုင်ꩻ လိုꩻဖုံႏနဝ်ꩻ ခလားကဟွိုန်ဗာႏ ဝွေꩻသီးငဝ်းတဲင် တမော့ꩻတဝ်း ဝွေꩻသီး ကမာꩻမာႏလဲဉ်းဖုံႏနဝ်ꩻ နီတဖေႏနွောင်ꩻတဝ်း အပဲစ်တံႏ ထာꩻစီႏရင်ႏ” နုဲင်းနဝ်ꩻသွူ။
52ဝွေꩻသီးလဝ်းချာ၊ “မွေးလဲဉ်းသွူ။ နာꩻနဝ်ꩻတဲ့ အဝ်ႏပါသော့ꩻလဲဉ်း ကာလိလဲသားဖဲ့ꩻဟောင်း။ မဉ်ႏသွဉ်ထူႏထွား လိတ်ကျမ်ꩻဖုံႏကိုနဝ်ꩻ အဝ်ႏကာလိလဲခမ်းကို မုဲင်ꩻခါတဲ့ ပရောဖဲစ် တပေါႏလွဉ်တဝ်းနဝ်ꩻ နာꩻအီႏသေဗာႏ 53ပရောဖဲစ်နဝ်ꩻ အဝ်ႏကာလိလဲခမ်း မုဲင်ꩻခါတဲ့ တပေါႏလွဉ်တဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
ယောဟန် 7: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 7
7
ဗွေႏယေသျုတွမ်ႏဝွေꩻဗွေႏဖူးခိုဖုံႏ
1ယိုထွူ ဗွေႏယေသျု ထန်ႏလွေꩻတဖူꩻ ကာလိလဲခမ်းသွူ။ ကွပ်ပွိုး ဂျူးအာႏဏာႏပဲင်ႏသားဖုံႏ အဝ်ႏမဉ်မာꩻသီ ဝွေꩻဗွေႏနဝ်ꩻမꩻ ဝွေꩻဗွေႏတမဉ် ထန်ႏလွေꩻတဝ်း တဖူꩻ ယုဒခမ်းသွူ။ 2#ဝိ ၂၃:၃၄၊ ဟော်ꩻ ၁၆:၁၃။ ပွိုးပွယ်ꩻအုံသော့ꩻ သုမ်းသေင်ႏလာႏ အချိန်ႏ ဗော့ꩻလွဉ်လဲဉ်းအတွက်သွူ။ 3နဝ်ꩻမꩻ ဝွေꩻဗွေႏ ဖူးခိုဖုံႏ ဒေါ့ꩻဖေႏဝွေꩻဗွေႏ၊ “နာꩻကအဝ်ႏမာꩻဒါႏဖုံႏ နာꩻတပဲ့ဖုံႏ ဖေႏနေး ကထီႏဗာႏနဝ်ꩻ အဝ်ႏခင်ႏလမ်းယို ထန်ႏတဲင် လွေꩻထိုꩻခန်း ယုဒခမ်းဟုဲင်း” နုဲင်းနဝ်ꩻသွူ။ 4လိုꩻဖုံႏမဉ်ꩻ မဉ်ႏမဉ်ကျော်ႏနဝ်ꩻ နုဲင်းဝွေꩻသီး ကအဝ်ႏမာꩻဒါႏဖုံႏနဝ်ꩻ ဝွေꩻသီး တအွဉ်ႏဗဉ်ႏဗꩻတဝ်းသွူ။ တယ်ႏစွဉ်ႏ နာꩻကအဝ်ႏမာꩻဒါႏ ယိုဖုံႏ နာꩻခရာႏနဝ်ꩻ အွဉ်ႏသေခန်း တဟံႏတန်လွုမ်းဟုဲင်း” နုဲင်းနဝ်ꩻသွူ။ 5(ဝွေꩻဗွေႏ ဖူးခိုဖုံႏငါမဉ်ႏတဲ့ တယွုမ်းအံႏတဝ်း ဝွေꩻဗွေႏသွူ။)
6ဗွေႏယေသျုဒေါ့ꩻ ဖေႏဝွေꩻသီး၊ “ခွေတာႏ အချိန်ႏခါႏ တလꩻတွိုႏဖျော် လွဉ်တဝ်းဒွိုန်း။ သီအတာႏနဝ်ꩻ အချိန်ႏအဝ်ႏတွိုႏ သေႏသေႏဒျာႏသွူ။ 7ကမ္ဘာႏလောက သားဖုံႏနဝ်ꩻ အီႏတလွꩻထီႏတဝ်းသီ၊ ကွဲႏတွော့ꩻ ကွပ်ပွိုး ခွေအဝ်ႏဒေါ့ꩻ ဝွေꩻသီး အကျင်ꩻကုဲင်ဖုံႏ နဝ်ꩻမꩻ လွထီႏခွေသွူ။ 8သီလွေꩻထိုꩻခန်း ပွယ်ꩻဟုဲင်း။ ပွယ်ꩻယိုနဝ်ꩻ ခွေတလွေꩻတဝ်း၊ ပွိုးတွော့ꩻ ခွေတာႏ အချိန်ႏခါႏ တလꩻတွိုႏတဝ်းဒွိုန်း” နုဲင်းနဝ်ꩻသွူ။ 9ဝွေꩻဗွေႏဒေါ့ꩻ နုဲင်းယိုထွူ အုံသော့ꩻဒျာႏ ကာလိလဲခမ်း ကိုနဝ်ꩻသွူ။
ဗွေႏယေသျုတွိုႏလွေꩻပွယ်ꩻအုံသုမ်းသေင်ႏလာႏဖုံႏကို
10ဝွေꩻဗွေႏဖူးခိုဖုံႏ အဝ်ႏပွယ်ꩻ ထန်ႏသဲင်ꩻထွူ ဗွေႏယေသျုနဝ်ꩻတဲ့ လွေꩻပွယ်ꩻနဝ်ꩻသွူ။ ကွဲႏတွော့ꩻ ဝွေꩻဗွေႏ တလွေꩻထင်ႏသျာꩻနေးတဝ်း၊ လွေꩻတေ့ꩻနေးဒျာႏသွူ။ 11ဂျူးအာႏဏာႏပဲင်ႏ သားဖုံႏ အဝ်ႏထုမ်ႏထွား ဝွေꩻဗွေႏ ပွယ်ꩻကိုနဝ်ꩻသွူ။ ဝွေꩻသီးရီ၊ “ဝွေꩻအဝ်ႏမုဲင်ꩻကိုဟောင်း” နုဲင်းနဝ်ꩻသွူ။
12နဝ်ꩻကို လိုꩻစွိုꩻဖုံႏခြာနဝ်ꩻ အဝ်ႏဒေါ့ꩻတေ့ꩻ ဝွေꩻဗွေႏခရာႏဖုံႏသွူ။ လိုꩻယင်ဟန်ႏသား နဝ်ꩻရိုꩻ၊ “ဝွေꩻယိုထွာ လိုꩻဟဝ်တဖြာꩻဒျာႏ” နုဲင်းနဝ်ꩻတဲင် အလင်ဖုံႏနဝ်ꩻဒေါ့ꩻ၊ “မွေးတဝ်း၊ ဝွေꩻလဲဉ်ဗားဒျာႏ လိုꩻဖုံႏ” နုဲင်းနဝ်ꩻသွူ။ 13ပွိုးတွော့ꩻ ဝွေꩻသီး အဝ်ႏငမ်းသꩻ ဂျူးအာႏဏာႏပဲင်ႏသားဖုံႏ နဝ်ꩻမꩻ ပါꩻမုဲင်ꩻတဖြာꩻတဲ့ တဒေါ့ꩻထင်ႏသျာꩻဗွိုန်ႏတဝ်း ဝွေꩻဗွေႏခရာႏသွူ။
14ပွယ်ꩻမွူးနီꩻ ထွိုင်ႏအီႏထာႏဝနဝ်ꩻ ဗွေႏယေသျု လွေꩻဗိမာန်ႏ တောႏကျောင်ꩻတဲင် သွဉ်သင်စဖေႏစွဉ်ႏသွူ။ 15ဂျူးအာႏဏာႏပဲင်ႏ သားဖုံႏနဝ်ꩻ အံႏဖြာႏမွေးနေးစွဉ်ႏ တဲင်ဒေါ့ꩻ၊ “ပါꩻခိုယိုနဝ်ꩻ တအုံဗာႏဖိုတဝ်း ကျောင်ꩻစွဉ်ႏတဲ့ အထာꩻသေ ထာꩻဒါႏမွော့ꩻအာငါႏ နုဲင်းမုဲင်ꩻဟောင်း” နုဲင်းနဝ်ꩻသွူ။
16ဗွေႏယေသျု လဝ်းချာ၊ “နုဲင်းခွေထာꩻသွဉ်သင်နဝ်ꩻ ခွေနမ်း ထာꩻသွဉ်သင် တမွေးတဝ်း၊ ထာꩻသွဉ်သင် နဝ်ꩻနဝ်ꩻ အဝ်ႏဗွေႏဘုရာꩻ ကအွဉ်ႏစွꩻလွဉ် ခွေထျꩻ လွဉ်ဒျာႏသွူ။ 17ပါꩻမုဲင်ꩻမဉ်မာꩻလွဉ်ꩻ နုဲင်းဗွေႏဘုရာꩻ အလိုႏတောႏသားဖုံႏနဝ်ꩻ ခွေထာꩻသွဉ်သင်နဝ်ꩻ အဝ်ႏဗွေႏဘုရာꩻထျꩻ လွဉ်နဲ့ မဉ်ႏတမွေးတဝ်း အဝ်ႏ ခွေနမ်း အာႏဏာႏလောင်းတွော့ꩻ ဒေါ့ꩻဒျာႏနဲ့နဝ်ꩻ အီႏသေဗာႏသွူ။ 18လိုꩻကဒေါ့ꩻဒါႏ ဝွေꩻသီးနမ်း အာႏဏာႏသားဖုံႏနဝ်ꩻ အဝ်ႏကျိုꩻစာꩻထုမ်ႏဒျာႏ ဝွေꩻသီးနမ်းတာႏ ဘွုန်ꩻသရေႏသွူ။ ကွဲႏတွော့ꩻ ပါꩻကထုမ်ႏဒါႏ ဗွေႏအပါꩻ ကအွဉ်ႏစွꩻလွဉ် ဝွေꩻဗွေႏ ဘွုန်ꩻသရေႏနဝ်ꩻ စွို့ꩻစွဉ်ႏတဲင် ဝွေꩻနဝ်ꩻအမာႏ တစွိုးစွိုး တအဲဉ်ထဝ်းသွူ။ 19မောသျေနဝ်ꩻ ဖေႏသီ ပညတ်ကျမ်ꩻ တမွေးတဝ်းဟောင်း။ ကွဲႏတွော့ꩻ သီတဖြာꩻငါတဲ့ တလွောက်ꩻနာႏတဝ်းသွူ။ ပွိုးတမုဲင်ꩻ သီအဝ်ႏကျိုꩻစာꩻ မာꩻသီတွိုႏခွေ နုဲင်းမုဲင်ꩻဟောင်း” နုဲင်းနဝ်ꩻသွူ။
20လိုꩻစွိုꩻဖုံႏလဝ်းချာ၊ “နာꩻအကိုနဝ်ꩻ လူꩻကုဲင်တဗာႏ အဝ်ႏနွို့စောင်ꩻသော့ꩻလဲဉ်း။ ပါꩻမုဲင်ꩻအဝ်ႏကျိုꩻစာꩻ မာꩻသီနာꩻဟောင်း” နုဲင်းနဝ်ꩻသွူ။
21ဗွေႏယေသျု လဝ်းချာ၊ “ခွေကမာꩻနယ် နိမိတ်လက္ခဏာႏ တစွိုးနဝ်ꩻ သီကားကအဝ်ႏ အံႏဖြာႏမွေးနေးစွဉ်ႏသွူ။ 22#ဝိ ၁၂:၃၊ ကမ္ဘာႏ ၁၇:၁၀။ ဖေႏကသွို့ꩻ သီပိုခိုဖုံႏ အင်္ဂါႏနာပီ မင်္ဂလာႏနဝ်ꩻ မောသျေ မိန်းဖေႏသီသွူ၊ ( ကသွို့ꩻဒါႏ အင်္ဂါႏနာပီ မင်္ဂလာႏနဝ်ꩻ မောသျေ တမွေးတဝ်း၊ ကတယ်ႏစဒါႏနဝ်ꩻ သီမွိုးဖြား ဖါဖြားသီဒျာႏသွူ။) နဝ်ꩻမꩻ ဥပုသ်မွူးနီꩻကိုနဝ်ꩻ သီသွို့ꩻ လိုꩻခိုပေႏတဖြာꩻ အင်္ဂါႏနာပီ မင်္ဂလာႏသွူ။ 23#ယော ၅:၉။ ဖေႏနေး ကယားကုဲင်မွိုန်း မောသျေ ပညတ်ကျမ်ꩻနဝ်ꩻ ဥပုသ်မွူးနီꩻကိုမဉ်ႏတဲ့ သွို့ꩻဖေႏ လိုꩻခိုပေႏ အင်္ဂါႏနာပီ မင်္ဂလာႏသွူ၊ ခွေကမာꩻဟဝ်ဗွေ စွုံႏလင်ႏဖေႏဒါႏ ပါꩻခိုတဖြာꩻ ဥပုသ်မွူးနီꩻကိုနဝ်ꩻ ပွိုးတမုဲင်ꩻ သီသꩻလျားဗာႏတွိုႏ ခွေဟောင်း။ 24စွဉ်ႏအထန်ႏ လက္ခဏာႏတွော့ꩻ ကအဝ်ႏစီႏရင်ႏအီဒါႏနဝ်ꩻ အွဉ်ႏဆွိုးထိုꩻခန်းတဲင် စီႏရင်ႏအီသွော့ စွဉ်ႏအမဲဉ်ႏတရာꩻဟုဲင်း” နုဲင်းနဝ်ꩻသွူ။
ဝွေꩻနဝ်ꩻမေသျိယဟောင်း
25လိုꩻဖုံႏကအဝ်ႏသော့ꩻဒါႏ ဝေင်ꩻယေရုသလမ်ႏကို ယင်ဟန်ႏနဝ်ꩻဒေါ့ꩻ၊ “အာႏဏာႏပဲင်ႏသားဖုံႏ ကအဝ်ႏကျံႏမာꩻသီနဝ်ꩻ ပါꩻခိုယိုသွူ တမွေးတဝ်းဟောင်း။ 26ထွားမွိုင်၊ ဝွေꩻအဝ်ႏဒေါ့ꩻ ထင်ႏသျာꩻဒျာႏထာꩻ အမျာꩻငါတဲင် ဝွေꩻသီး တရိုꩻဆန်ချာတဝ်းဝွေꩻ တမုဲင်ꩻမုဲင်ꩻနဲ၊ ဝွေꩻထွာ မေသျိယကျောင်ꩻနဝ်ꩻ ဝွေꩻသီး သေစဲင်းလဲဉ်းဒျာႏဟောင်း။ 27ကွဲႏတွော့ꩻ မေသျိယ ကကျွꩻလွဉ်ချိန်ႏ ဝွေꩻဗွေႏ အဝ်ႏမုဲင်ꩻကိုလွဉ်နဝ်ꩻ ပါꩻမုဲင်ꩻတဖြာꩻတဲ့ တသေတဝ်းသွူ။ တဲင်ပါꩻခိုယို အဝ်ႏမုဲင်ꩻကိုလွဉ်နဝ်ꩻ နီကားကအဝ်ႏ အဝ်ႏသေ” နုဲင်းနဝ်ꩻသွူ။
28နုဲင်းဗွေႏယေသျု ကအဝ်ႏသွဉ်သင်သော့ꩻဒါႏ ဗိမာန်ႏတောႏ ကျောင်ꩻကိုနဝ်ꩻ ဝွေꩻဗွေႏ ဒေါ့ꩻသန်မွေးနေးစွဉ်ႏငဝ်း၊ “သီအဝ်ႏသေမွေး ခွေဇာႏတိတွော့ꩻ ခွေအဝ်ႏခင်ႏလမ်းမုဲင်ꩻ လွဉ်နဝ်ꩻ သီသေမွေးနဲ့ဟောင်း။ ခွေကျွꩻလွဉ်စွဉ်ႏ ခွေအာႏဏာႏ တမွေးတဝ်းသွူ။ ကွဲႏတွော့ꩻ ဗွေႏကအွဉ်ႏစွꩻလွဉ် ခွေနဝ်ꩻ အဝ်ႏဗွေစွဉ်ႏ သစ္စာႏသွူ။ ဝွေꩻဗွေႏနဝ်ꩻ သီတသေငါꩻတဝ်း။ 29ပွိုးတွော့ꩻ ခွေအဝ်ႏဝွေꩻဗွေႏထျꩻ လွဉ်တဲင် ဝွေꩻဗွေႏ အွဉ်ႏစွꩻလွဉ်ဒျာႏခွေ နဝ်ꩻမꩻ ခွေအဝ်ႏသေငါꩻ ဝွေꩻဗွေႏ” နုဲင်းနဝ်ꩻသွူ။
30တွိုႏနဝ်ꩻ ဝွေꩻသီးကျံႏဆွမ်ꩻ ဝွေꩻဗွေႏ၊ ကွဲႏတွော့ꩻ ကွပ်ပွိုး ဝွေꩻဗွေႏ အချိန်ႏနားရီႏ တလꩻတွိုႏတဝ်းဒွိုန်း နဝ်ꩻမꩻ ပါꩻမုဲင်ꩻတဖြာꩻတဲ့ တဆွမ်ꩻဗွိုန်ႏတဝ်း ဝွေꩻဗွေႏသွူ။ 31ကွဲႏတွော့ꩻ လိုꩻစွိုꩻဖုံႏကို ကယွုမ်းအံႏဒါႏ ဝွေꩻဗွေႏသားဖုံႏနဝ်ꩻ အဝ်ႏအာဖြာꩻတဲင်ဒေါ့ꩻ၊ “မေသျိယ ထွိုင်ႏကျွꩻလွဉ်ချိန်ႏ ဝွေꩻအီႏမာꩻ နိမိတ်လက္ခဏာႏဖုံႏနဝ်ꩻ အာလွိုကယ်ꩻက ပါꩻခိုယို ကမာꩻလဲဉ်းနဝ်ꩻနဲ့ဟောင်း” နုဲင်းနဝ်ꩻသွူ။
ဖေႏကဆွမ်ꩻဗွေႏယေသျုနဝ်ꩻအွဉ်ႏစွꩻလွေꩻစဲ့ꩻပွေါးရံႏသားဖုံႏ
32လိုꩻစွိုꩻဖုံႏ အဝ်ႏဒေါ့ꩻတူႏတေ့ꩻ ဗွေႏယေသျု ခရာႏနုဲင်းယိုနဝ်ꩻ ဖါရိသဲဖုံႏ အဝ်ႏဟွိုန်သွူ။ နဝ်ꩻမꩻ ဖေႏကဆွမ်ꩻ ဝွေꩻဗွေႏနဝ်ꩻ ဝွေꩻသီးတွမ်ႏ ယဇ်ပရောဟိတ်တန်ဖုံႏ အွဉ်ႏစွꩻလွေꩻ စဲ့ꩻပွေါးရံႏသားဖုံႏ ယင်ဟန်ႏသွူ။ 33ဗွေႏယေသျုဒေါ့ꩻ၊ “ခွေအဝ်ႏငီꩻ စွဉ်ႏသီနဝ်ꩻ တဆင်ႏပေႏတွင်ꩻလွုမ်ꩻ။ တဲင်ခွေအီႏလွေꩻထေ့ ယင်းဒျာႏ ဗွေႏအပါꩻ ကအွဉ်ႏစွလွဉ်ဒါႏခွေ အထျꩻသွူ။ 34သီအီႏထုမ်ႏခွေ၊ ကွဲႏတွော့ꩻ သီအီႏတမော့ꩻတဝ်းခွေ။ ကွပ်ပွိုး ခွေကအီႏအဝ်ႏဒါႏ ခင်ႏလမ်းနဝ်ꩻ သီတလွေꩻနွောင်ꩻတဝ်း အတွက်သွူ။
35ဂျူးအာႏဏာႏပဲင်ႏသားဖုံႏ ဒေါ့ꩻချာဖေႏလို့ဝင်ꩻ၊ ဖေႏနေး နီထုမ်ႏဝွေꩻ အီႏတမော့ꩻနွောင်ꩻတဝ်းနဝ်ꩻ ဝွေꩻအီႏလွေꩻထိုꩻ ခင်ႏလမ်း မုဲင်ꩻကိုဟောင်း။ ဝွေꩻအီႏလွေꩻထိုꩻ ဂရိခမ်း ဝေင်ꩻတန်ဖုံႏ၊ နီလိုꩻကအဝ်ႏအုံဒါႏ ခင်ႏလမ်းနဝ်ꩻတွော့ꩻ အီႏသွဉ်ဖေႏ ဂရိလိုꩻမျိုꩻဖုံႏဟောင်း။ 36ဝွေꩻကရိုꩻဒါႏ နီအီႏထုမ်ႏဝွေꩻ၊ ကွဲႏတွော့ꩻ အီႏတမော့ꩻတဝ်းဝွေꩻတဲင် ဝွေꩻကအီႏလွေꩻဒါႏ ခင်ႏလမ်းနဝ်ꩻ နီတလွေꩻလွဉ်ꩻနွောင်ꩻတဝ်း နုဲင်းနဝ်ꩻနဝ်ꩻ ဝွေꩻမဉ်ရိုꩻ အဓိပ္ပါယ်ႏ တမုဲင်ꩻဟောင်း” နုဲင်းနဝ်ꩻသွူ။
ကအဝ်ႏဖေႏဒါႏအသက်မွန်ထီခြောင်
37 #
ဝိ ၂၃:၃၆။ ပွယ်ꩻအရေꩻတန်သွတ်ꩻ မွူးနီꩻတွမ်ႏ ကထွာ အဆုဲင်ꩻသွတ်ꩻနီꩻနဝ်ꩻ ဗွေႏယေသျု အုံထွိုင်ႏတဲင် ဒေါ့ꩻသန်နေးငဝ်း၊ “ပါꩻမုဲင်ꩻ ဟို့ꩻခိုးထီနဝ်ꩻ ဟဝ်လွဉ်ခွေထျꩻတဲင်၊ 38#ဧသ ၄၇:၁၊ ဇာ ၁၄:၈။ ပါꩻမုဲင်ꩻ ယွုမ်းအံႏခွေနဝ်ꩻ အီႏအွꩻဗာႏသွူ။ နုဲင်းလိတ်ကျမ်ꩻကို ကရိုꩻဒါႏ ‘အသက်ထီခြောင် ကအဝ်ႏဖေႏထီနဝ်ꩻ အီႏအဝ်ႏဝွေꩻအကို ထွတ်ꩻထန်ႏလွဉ်’” နုဲင်းနဝ်ꩻသွူ။ 39ဗွေႏယေသျု ကဒေါ့ꩻယိုနဝ်ꩻ ပွိုင်းဝွို့တွမ်ႏ ဝိညာဉ်ႏတောႏ ခရာႏဒျာႏ၊ လိုꩻကယွုမ်း ဝွေꩻဗွေႏသားဖုံႏနဝ်ꩻ အီႏလက္ခံႏလꩻသွူ။ ကွပ်ပွိုး ဗွေႏယေသျု ဘွုန်ꩻသရေႏတောႏ တပွင်ꩻထန်ႏလွဉ်ဒွိုန်း အတွက် အချိန်ႏနဝ်ꩻနဝ်ꩻ တလꩻဖေႏတဝ်းဒွိုန်း ဝိညာဉ်ႏတောႏသွူ၊
လိုꩻဖုံႏအကိုသꩻသဘော်ꩻကွယ်ꩻထိုꩻလို့ဝင်ꩻ
40ဝွေꩻဗွေႏ ကရိုꩻနုဲင်းယို လိုꩻစွိုꩻဖုံႏအကို လိုꩻယင်ဟန်ႏသား ထွိုင်ႏဟွိုန်တဲင်ဒေါ့ꩻ၊ “ပါꩻခိုယိုနဝ်ꩻ ထွာမွေး ပရောဖဲစ်ကွေး” နုဲင်းနဝ်ꩻသွူ။
41အလင်ဖုံႏနဝ်ꩻဒေါ့ꩻ၊ “ဝွေꩻနဝ်ꩻထွာ မေသျိယဒျာႏ” နုဲင်းနဝ်ꩻသွူ။
အလင်ဖုံႏနဝ်ꩻဒေါ့ꩻ၊ “မေသျိယနဝ်ꩻ အဝ်ႏကာလိလဲခမ်းကို အီႏတကျွꩻလွဉ်တဝ်း။ 42#၂သျာ ၇:၁၂၊ မိတ် ၅:၂။ လိတ်ကျမ်ꩻနဝ်ꩻရိုꩻ မေသျိယနဝ်ꩻ အီႏထွာဒျာႏ ခွန်တန်ဒါဝိဒ် ပိုလီꩻစွိုးခွိုꩻ တဖြာꩻတဲင် အီႏလွူးလွဉ်သော့ꩻဒျာႏ ဝေင်ꩻဗဲက်လဟဲမ်ကို ဒါဝိဒ် ကအဝ်ႏအုံသော့ꩻဒါႏ ခင်ႏလမ်း” နုဲင်းနဝ်ꩻသွူ။ 43နဝ်ꩻမꩻ နဝ်ꩻကိုနဝ်ꩻ ကွပ်ပွိုး ဗွေႏယေသျုအတွက် လိုꩻစွိုꩻဖုံႏကို သꩻသဘော်ꩻ ကွယ်ꩻလို့စွဉ်ႏဝင်ꩻသွူ။ 44လိုꩻယင်ဟန်ႏသားဖုံႏနဝ်ꩻ အဝ်ႏမဉ်ဆွမ်ꩻ ဝွေꩻဗွေႏသွူ။ ကွဲႏတွော့ꩻ ပါꩻမုဲင်ꩻတဖြာꩻတဲ့ တဆွမ်ꩻတဝ်း ဝွေꩻဗွေႏသွူ။
ထာꩻယွုမ်းအံႏအဲဉ်ထဝ်းဂျူးအာႏဏာႏပဲင်ႏသားဖုံႏ
45စဲ့ꩻပွေါးရံႏသားဖုံႏ ထွိုင်ႏသဲင်ꩻလွဉ်ချာချိန်ႏ ယဇ်ပရောဟိတ် တန်ဖုံႏတွမ်ႏ ဖါရိသဲဖုံႏ ရီဝွေꩻသီး၊ “ပွိုးတမုဲင်ꩻ သီတဆွမ်ꩻသဲင်ꩻ လွဉ်တဝ်းဝွေꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
46စဲ့ꩻပွေါးရံႏသားဖုံႏ လဝ်းချာ၊ “နုဲင်းပါꩻခိုယို ကဒေါ့ꩻဒါႏ အနယ်ꩻနဝ်ꩻ ပါꩻမုဲင်ꩻတဖြာꩻတဲ့ တဒေါ့ꩻဖိုတဝ်း” နုဲင်းနဝ်ꩻသွူ။
47ဖါရိသဲဖုံႏ ရီဝွေꩻသီး၊ ဝွေꩻမာꩻဗားပါလဲဉ်းသီ နေနေဟောင်း။ 48အာႏဏာႏပဲင်ႏသား တဖြာꩻဖြာꩻ မဉ်ႏတမွေးတဝ်း ဖါရိသဲဖုံႏ တဖြာꩻဖြာꩻ ယွုမ်းအံႏဝွေꩻနဝ်ꩻ သီထီႏဗာႏဖိုနေဟောင်း။ 49လိုꩻစွိုꩻယိုဖုံႏနဝ်ꩻ တသေတဝ်း မောသျေပညတ်ကျမ်ꩻ၊ နဝ်ꩻမꩻ ဝွေꩻသီးခံႏဗာႏလဲဉ်း ဗွေႏဘုရာꩻ စိန်ႏတရေႏဖုံႏ” နုဲင်းနဝ်ꩻသွူ။
50 #
ယော ၃:၁၊ ၂။ နဝ်ꩻကို ဖါရိသဲဖုံႏကို တဖြာꩻ ကထွာ နိကောဒေင်နဝ်ꩻ ရီးခါဝွေꩻလွေꩻ မော့ꩻခွဲဗာႏဖိုလဲဉ်း ဗွေႏယေသျုတဲင် ဝွေꩻဒေါ့ꩻဖေႏ ဖါရိသဲအလင်ဖုံႏ၊ 51“မဉ်ႏမဲဉ်ႏတွမ်ႏ နီပညတ်တရာꩻအတွိုင်ꩻ လိုꩻဖုံႏနဝ်ꩻ ခလားကဟွိုန်ဗာႏ ဝွေꩻသီးငဝ်းတဲင် တမော့ꩻတဝ်း ဝွေꩻသီး ကမာꩻမာႏလဲဉ်းဖုံႏနဝ်ꩻ နီတဖေႏနွောင်ꩻတဝ်း အပဲစ်တံႏ ထာꩻစီႏရင်ႏ” နုဲင်းနဝ်ꩻသွူ။
52ဝွေꩻသီးလဝ်းချာ၊ “မွေးလဲဉ်းသွူ။ နာꩻနဝ်ꩻတဲ့ အဝ်ႏပါသော့ꩻလဲဉ်း ကာလိလဲသားဖဲ့ꩻဟောင်း။ မဉ်ႏသွဉ်ထူႏထွား လိတ်ကျမ်ꩻဖုံႏကိုနဝ်ꩻ အဝ်ႏကာလိလဲခမ်းကို မုဲင်ꩻခါတဲ့ ပရောဖဲစ် တပေါႏလွဉ်တဝ်းနဝ်ꩻ နာꩻအီႏသေဗာႏ 53ပရောဖဲစ်နဝ်ꩻ အဝ်ႏကာလိလဲခမ်း မုဲင်ꩻခါတဲ့ တပေါႏလွဉ်တဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.