ယောဟန် 8
8
ဆွမ်ꩻလꩻပါꩻမူႏကအဝ်ႏပဲစ်မာႏဒါႏဝင်ꩻပိုဝါꩻတွင်ꩻ
[ 1နဝ်ꩻထွူ လိုꩻစွုမ်ႏဖြာꩻ သဲင်ꩻထိုꩻလမ်း ပငါပရာꩻ၊ ကွဲႏတွော့ꩻ ဗွေႏယေသျုနဝ်ꩻ ကျွꩻလွေꩻဒျာႏ ကောင်သံလွေင်လောင်းသွူ။ 2ဆုဲင်ꩻတရဝ်ꩻစဝ်းစဝ်း ဝွေꩻဗွေႏသဲင်ꩻချာ ဗိမာန်ႏတောႏကျောင်ꩻသွူ။ လိုꩻဖုံႏကားကအဝ်ႏနဝ်ꩻ စုဗူႏအုံခူ ဝွေꩻဗွေႏတဲင် ဝွေꩻဗွေႏ အုံလင်ꩻတွော့ꩻ သွဉ်ဖေႏစ ဝွေꩻသီးသွူ။ 3ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ ဆွမ်ꩻလွဉ် ပါꩻမူႏတဖြာꩻ ကအဝ်ႏဗေင်ႏလွူꩻဒါႏ ဝင်ꩻပိုဝါꩻကျာꩻတဲင် ပါꩻမူႏနဝ်ꩻနဝ်ꩻ ဝွေꩻသီး အွဉ်ႏအုံထွိုင်ႏ ဝွေꩻသီး ကားကအဝ်ႏ ဆꩻငါသွူ။ 4ဝွေꩻသီးဒေါ့ꩻဖေႏ ဗွေႏယေသျု၊ “ဆရာႏ၊ ပါꩻမူႏယိုနဝ်ꩻ ဆွမ်ꩻလꩻစွဉ်ႏ အဝ်ႏဗေင်ႏလွူꩻ ဝင်ꩻပိုဝါꩻကျာꩻသွူ။ 5#ဝိ ၂၀:၁၀၊ ဟော်ꩻ ၂၂:၂၂–၂၄။ နီပညတ်ကျမ်ꩻကိုနဝ်ꩻ မောသျေ မိန်းသေꩻခါꩻ လိုꩻမူႏစားယို တဖြာꩻနဝ်ꩻ အီႏနုဲင်ႏသီထိုꩻဗာႏ စွဉ်ႏလုံးတူႏသွူ။ ယိုခါ နီဗွေႏအီႏရိုꩻ နုဲင်းမုဲင်ꩻဟောင်း” နုဲင်းနဝ်ꩻသွူ။ 6ဝွေꩻသီး ကဒေါ့ꩻဗာႏ နုဲင်းယိုနဝ်ꩻ မဉ်ဒေါင်ဒျာႏ ဗွေႏယေသျုသွူ။ ဖေႏနေး ဝွေꩻသီး ကစွဲꩻတရာꩻလꩻ ဝွေꩻဗွေႏသွူ။ ကွဲႏတွော့ꩻ ဝွေꩻဗွေႏ အုံလင်ꩻတကုတ်ꩻတဲင် တွမ်ႏဝွေꩻဗွေႏ စူနုန်နဝ်ꩻ တဲမ်းလင်ꩻလူႏ ဟံႏလောင်းသွူ။
7နုဲင်းဝွေꩻသီး ကအဝ်ႏအုံထွိုင်ႏ နဝ်ꩻကိုသားဖုံႏနဝ်ꩻ စွဉ်ႏငဝ်းရီဖုံႏ အဝ်ႏရီဝွေꩻဗွေႏ၊ ဝွေꩻဗွေႏ ခွယ်ႏကီတဲင် ဒေါ့ꩻဖေႏဝွေꩻသီး၊ “သီအကို ပါꩻအဖြာꩻ တမာꩻဗာႏဖိုတဝ်း အပဲစ်နဝ်ꩻ တွမ်ႏလုံးတူႏ နုဲင်ႏရီးသွော့ ပါꩻမူႏနဝ်ꩻဟုဲင်း” နုဲင်းနဝ်ꩻသွူ။ 8နဝ်ꩻထွူ ဝွေꩻဗွေႏ အုံတကုတ်ꩻဖျင်တဲင် တဲမ်းလူးဒျာႏ ဟံႏလောင်းသွူ။ 9ဝွေꩻသီး ထွိုင်ႏဟွိုန် နုဲင်းယိုချိန်ႏ ဝွေꩻသီးနဝ်ꩻ တယ်ႏစွဉ်ႏ ပါꩻအဖြာꩻ သက်တန်သွတ်ꩻ ထန်ႏလွေꩻရီးတဲင် တဖြာꩻထွူတဖြာꩻ ကားကအဝ်ႏ ထန်ႏလို့စွဉ်ႏသွူ။ အဝ်ႏကုဲင်ဒျာႏ ဗွေႏယေသျုစွဉ်ႏ ပါꩻမူႏ ကအဝ်ႏအုံထွိုင်ႏထာꩻ နဝ်ꩻကိုလွုမ်ꩻသွူ။ 10ဝွေꩻဗွေႏ ခွယ်ႏကီတဲင် ဒေါ့ꩻဖေႏပါꩻမူႏ၊ “ဝွေꩻသီး အဝ်ႏမုဲင်ꩻကိုဟောင်း။ နဝ်ꩻကို ကအီႏစီႏရင်ႏ နာꩻအပဲစ်တံႏသား တဖြာꩻဖြာꩻ တအဝ်ႏကုဲင်တဝ်းဟောင်း” နုဲင်းနဝ်ꩻသွူ။။
11ဝွေꩻမူႏလဝ်းချာ “ဗွေႏ၊ တဖြာꩻငါတဲ့ အဲဉ်ထဝ်း” နုဲင်းနဝ်ꩻသွူ။
တွိုႏနဝ်ꩻ ဗွေႏယေသျုဒေါ့ꩻ၊ “မွေးသွူ။ ခွေတဲ့ အီႏတစီႏရင်ႏတဝ်း နာꩻအပဲစ်တံႏ။ လွေꩻဟုဲင်း၊ ကွဲႏတွော့ꩻ တွမ်ႏမာꩻထဲင်းမွိုန်းဒွုမ် အပဲစ်ဟုဲင်း” နုဲင်းနဝ်ꩻသွူ။ ]
ကမ္ဘာႏလောကထာꩻလေဗွေႏယေသျု
12 #
မ ၅:၁၄၊ ယော ၉:၅။ ဗွေႏယေသျု ဒေါ့ꩻဖေႏဖျင်ယင်း ဖါရိသဲဖုံႏသွူ၊၊ ဝွေꩻဗွေႏဒေါ့ꩻ၊ “ခွေနဝ်ꩻထွာ ကမ္ဘာႏလောက ထာꩻလေသွူ။ ပါꩻမုဲင်ꩻထောင်လွဉ်ꩻ ခွေဆꩻချာသားဖုံႏနဝ်ꩻ အီႏလꩻ အသက်ထာꩻလေတဲင် မုဲင်ꩻခါတဲ့ အီႏတထောင် လွေꩻသော့ꩻဗာႏတဝ်း ထာꩻခေ့ꩻကို” နုဲင်းနဝ်ꩻသွူ။
13ဖါရိသဲဖုံႏ ဒေါ့ꩻဖေႏဝွေꩻဗွေႏ၊ “ယိုခါ နာꩻအဝ်ႏခံႏချာဖေႏဒျာႏ နာꩻနမ်းတင် သက်သေႏ။ နုဲင်းနာꩻကရိုꩻနဝ်ꩻ ခွေါင်ခံႏ တမုဲင်ꩻမုဲင်ꩻအဲဉ်ထဝ်း” နုဲင်းနဝ်ꩻသွူ။
14ဗွေႏယေသျုလဝ်းချာ၊ “မွေးတဝ်း၊ ခွေခံႏချာ ခွေနမ်းတင် သက်သေႏစွဉ်ႏတဲ့၊ နုဲင်းခွေကဒေါ့ꩻနဝ်ꩻ မဲဉ်ႏဒျာႏ၊ ပွိုးတွော့ꩻ ခွေအဝ်ႏမုဲင်ꩻကိုလွဉ်တဲင် ခွေအီႏလွေꩻမုဲင်ꩻကိုနဝ်ꩻ ခွေအဝ်ႏသေ အတွက်သွူ။ ခွေအဝ်ႏမုဲင်ꩻ လွဉ်တဲ့နဝ်ꩻ ခွေအဝ်ႏလွေꩻ မုဲင်ꩻကိုတဲ့နဝ်ꩻ သီတသေတဝ်းသွူ။ 15သီထာꩻစီႏရင်ႏချက်ဖုံႏနဝ်ꩻ ထွာလိုꩻအနယ်ꩻ ခြေင်ခြေင်ဒျာႏသွူ။ ခွေနဝ်ꩻ တစီႏရင်ႏတဝ်း ပါꩻတဖြာꩻဖြာꩻသွူ။ 16ကွဲႏတွော့ꩻ ခွေမဉ်ႏစီႏရင်ႏ စွဉ်ႏတဲ့ ခွေတရာꩻစီႏရင်ႏချက်နဝ်ꩻ မဲဉ်ႏဒျာႏ။ ကွပ်ပွိုး ယိုကိုနဝ်ꩻ အဝ်ႏခွေတဖြာꩻလွုမ်ꩻ မွေးတဝ်း၊ ဖါတောႏ ကအွဉ်ႏစွꩻလွဉ်ခွေနဝ်ꩻ အဝ်ႏငီꩻစွဉ်ႏခွေသွူ။ 17#ဟော်ꩻ ၁၉:၁၅။ သီပညတ်ကျမ်ꩻကို ကတဲမ်းသေꩻခါꩻဒါႏ လိုꩻဝင်ꩻနီ သဘော်ꩻတူႏတွော့ꩻ မဉ်ႏခံႏ သက်သေႏချိန်ႏနဝ်ꩻ နုဲင်းဝွေꩻသီးကဒေါ့ꩻနဝ်ꩻ ထွာအမဲဉ်ႏသွူ။ 18ခွေနဝ်ꩻ ခံႏဒျာႏသက်သေႏ ခွေနမ်းတင်တဲင် ဖါတောႏ ကအွဉ်ႏစွꩻလွဉ် ခွေနဝ်ꩻတဲ့ အဝ်ႏခံႏဖေႏ ခွေနမ်းတင် သက်သေႏ” နုဲင်းနဝ်ꩻသွူ။
19ဝွေꩻသီးရီဝွေꩻဗွေႏ၊ “နာꩻဖါနဝ်ꩻ အဝ်ႏမုဲင်ꩻကိုဟောင်း” နုဲင်းနဝ်ꩻသွူ။
ဗွေႏယေသျုလဝ်းချာ၊ “ခွေတဲ့နဝ်ꩻ ခွေဖါတောႏတဲ့နဝ်ꩻ သီတသေငါꩻတဝ်း၊ သီမဉ်ႏသေငါꩻခွေနဝ်ꩻ ခွေဖါတောႏတဲ့ သီအီႏသေငါꩻပါ” နုဲင်းနဝ်ꩻသွူ။
20ဗွေႏယေသျု ကဒေါ့ꩻဒါႏ နုဲင်းယိုဖုံႏ ကားကအဝ်ႏနဝ်ꩻ ဝွေꩻဗွေႏ သွဉ်သင်သော့ꩻဖေႏ ဗိမာန်ႏတောႏ ကျောင်ꩻကို ရွဉ်လူႏတွိုက် ကအဝ်ႏဒါႏ ခင်ႏလမ်း အခန်ꩻကိုနဝ်ꩻသွူ။ ကွပ်ပွိုး ဝွေꩻဗွေႏ အချိန်ႏနားရီႏ တလꩻတွိုႏတဝ်းဒွိုန်း နဝ်ꩻမꩻ ပါꩻမုဲင်ꩻတဖြာꩻတဲ့ တဆွမ်ꩻတဝ်း ဝွေꩻဗွေႏသွူ။
ခွေကလွေꩻဒါႏခင်ႏလမ်းနဝ်ꩻသီတလွေꩻနွောင်ꩻတဝ်း
21ဗွေႏယေသျု ဒေါ့ꩻဖေႏဖျင်ဝွေꩻသီး၊ “ခွေနဝ်ꩻ အီႏလွေꩻညာꩻထိုꩻဒျာႏသွူ။ သီအီႏထုမ်ႏခွေ ကွဲႏတွော့ꩻ သီအီႏသီသော့ꩻဒျာႏ အပဲစ်ဖုံႏကိုနဝ်ꩻသွူ။ ခွေကလွေꩻဒါႏ ခင်ႏလမ်းနဝ်ꩻ သီတလွေꩻနွောင်ꩻတဝ်းသွူ။
22နဝ်ꩻမꩻ ဂျူးအာႏဏာႏပဲင်ႏသားဖုံႏဒေါ့ꩻ၊ “ဝွေꩻရိုꩻ ဝွေꩻကလွေꩻဒါႏ ခင်ႏလမ်းနဝ်ꩻ နီတလွေꩻနွောင်ꩻတဝ်း နဝ်ꩻသွူ။ ထာꩻယိုအဓိပ္ပါယ်ႏနဝ်ꩻ ဝွေꩻအီႏမာꩻသီချာ အနမ်းဟောင်း” နုဲင်းနဝ်ꩻသွူ။
23ဗွေႏယေသျုလဝ်းချာ၊ “သီနဝ်ꩻ ဆဲင်ႏဒျာႏ ကမ္ဘာႏလောက အရန်းဖွိုႏယို၊ ကွဲႏတွော့ꩻ ခွေနဝ်ꩻ အဝ်ႏဒျာႏ အွိုးကီသူꩻ ကျွꩻလွဉ်သွူ။ သီနဝ်ꩻ အဝ်ႏဒျာႏ ကမ္ဘာႏလောကယို၊ ကွဲႏတွော့ꩻ ခွေနဝ်ꩻအဝ်ႏ ကမ္ဘာႏ လောကယို တမွေးတဝ်းသွူ။ 24ပွိုးနုဲင်းနဝ်ꩻမꩻ သီအီႏသီသော့ꩻဗာႏဒျာႏ သီအပဲစ်ဖုံႏကိုနဝ်ꩻ ခွေဒေါ့ꩻနယ်သီနဝ်ꩻသွူ။ ‘ခွေနဝ်ꩻထွာဒျာႏ ပါꩻကထွာခွေ၊’ သီမဉ်ႏတယွုမ်းတဝ်းနဝ်ꩻ သီအီႏ သီသော့ꩻဒျာႏ သီအပဲစ်ဖုံႏကို” နုဲင်းနဝ်ꩻသွူ။
25ဝွေꩻသီးရီဝွေꩻဗွေႏ၊ “နာꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
ဗွေႏယေသျု လဝ်းချာ၊ “အစကာႏ ခွေဒေါ့ꩻနယ် ဖေႏလဲဉ်းသီသွူ။ 26ပွိုင်းဝွို့တွမ်ႏ သီခရာႏနဝ်ꩻ ခွေအဝ်ႏလိုႏဒေါ့ꩻအာငါႏ၊ ကအီႏ ပဲစ်တင်ႏသီတာႏနဝ်ꩻ အာငါႏသွူ။ ကွဲႏတွော့ꩻ ဗွေႏအပါꩻ ကအွဉ်ႏစွꩻလွဉ် ခွေနဝ်ꩻ အဝ်ႏဗွေစွဉ်ႏ သစ္စာႏတဲင် နုဲင်းခွေကဟွိုန်ဗာႏလဲဉ်း ဝွေꩻဗွေႏ ထျꩻလွုမ်ꩻနဝ်ꩻ ခွေဒေါ့ꩻနယ်ဖေႏ ကမ္ဘာႏလောကသားဖုံႏ” နုဲင်းနဝ်ꩻသွူ။
27ဗွေႏယေသျု ကဒေါ့ꩻနယ်ဖေႏဒါႏ ဝွေꩻသီး ပွိုင်းဝွို့တွမ်ႏ ဖါတောႏခရာႏနဝ်ꩻ ဝွေꩻသီး တသေနာႏနွောင်ꩻတဝ်းသွူ။ 28နဝ်ꩻမꩻ ဝွေꩻဗွေႏ ဒေါ့ꩻဖေႏဝွေꩻသီး၊ “သီထွိုင်ႏမျောက်ထင်ႏ ကီဒါႏ လိုꩻပိုခိုချိန်ႏနဝ်ꩻ သီအီႏသေဗာႏ၊ ‘ခွေနဝ်ꩻထွာဒျာႏ ပါꩻကထွာခွေ၊’ ခွေနဝ်ꩻ တမာꩻတဝ်း ခွေနမ်းအာႏဏာႏ၊ ကွဲႏတွော့ꩻ ခွေဒေါ့ꩻဒျာႏ နုဲင်းဖါတောႏ ကထွဉ်ႏခွေဒေါ့ꩻ အတွိုင်ꩻနဝ်ꩻ သီအီႏသေဗာႏသွူ။ 29တဲင်ဗွေႏ ကအွဉ်ႏစွꩻလွဉ် ခွေနဝ်ꩻ အဝ်ႏငီꩻဒျာႏ စွဉ်ႏခွေသွူ။ နုဲင်းဝွေꩻဗွေႏ ကနစ်သက်အတွိုင်ꩻနဝ်ꩻ ခွေအဝ်ႏမာꩻ သေႏသေႏဒျာႏနဝ်ꩻမꩻ ဝွေꩻဗွေႏနဝ်ꩻ တအွဉ်ႏကုဲင်တဝ်း ခွေတဖြာꩻဖြာꩻ” နုဲင်းနဝ်ꩻသွူ။ 30လိုꩻအာဖုံႏ ကဟွိုန်ဒါႏ ဝွေꩻဗွေႏကဒေါ့ꩻ နုဲင်းယိုဖုံႏနဝ်ꩻ ယွုမ်းအံႏစွဉ်ႏဝွေꩻဗွေႏသွူ။
သမ္မာႏတရာꩻနဝ်ꩻအီႏအွဉ်ႏစွꩻလွစ်သီ
31နဝ်ꩻမꩻ ဗွေႏယေသျု ဒေါ့ꩻဖေႏ လိုꩻကယွုမ်းဒါႏ ဝွေꩻဗွေႏသားဖုံႏ၊ “သီမဉ်ႏလွောက်ꩻနာႏ ခွေထာꩻသွဉ်သင်နဝ်ꩻ သီထွာမွေး ခွေတပဲ့တောႏဖုံႏသွူ။ 32သီအီႏသေ သမ္မာႏတရာꩻတဲင် သမ္မာႏတရာꩻနဝ်ꩻ အီႏအွဉ်ႏစွꩻလွစ်ဖေႏသီ” နုဲင်းနဝ်ꩻသွူ။
33 #
မ ၃:၉၊ လု ၃:၈။ ဝွေꩻသီးလဝ်းချာ၊ “နီနဝ်ꩻထွာဒျာႏ အဗြာဟံ ပိုလီꩻစွိုးခွိုꩻတဲင် မုဲင်ꩻခါတဲ့ နီခံႏဗာႏဖိုတဝ်း ပါꩻတဖြာꩻဖြာꩻ အသွဉ်းဖုံႏသွူ။ နဝ်ꩻထွူ စွဉ်ႏကအဝ်ႏရိုꩻဒါႏ၊ ‘သီအီႏလွစ်ဗာႏ’ နဝ်ꩻနာꩻမဉ်ရိုꩻ အဓိပ္ပါယ်ႏ တမုဲင်ꩻဟောင်း” နုဲင်းနဝ်ꩻသွူ။
34ဗွေႏယေသျု ဒေါ့ꩻဖေႏဝွေꩻသီး၊ “ခွေဒေါ့ꩻဖေႏသီ အမွေးအမဲဉ်ႏ၊ လိုꩻစွုမ်ႏဖြာꩻ ကမာꩻဒါႏ အပဲစ်သားဖုံႏနဝ်ꩻ ထွာအပဲစ်သွဉ်း တဖြာꩻသွူ။ 35သွဉ်းတဖြာꩻနဝ်ꩻ တဆဲင်ႏသေႏသေႏတဝ်း နုဲင်းတမွိုးဖါပိုစွိုꩻ တဖြာꩻ၊ ကွဲႏတွော့ꩻ ပိုခိုတဖြာꩻနဝ်ꩻ ဆဲင်ႏသေႏသေႏဒျာႏသွူ။ 36ပိုခို မဉ်ႏအွဉ်ႏစွꩻလွစ်သီ၊ တွိုႏနဝ်ꩻ သီအီႏလွစ်မွေးသွူ။ 37သီထွာ အဗြာဟံ ပိုလီꩻစွိုးခွိုꩻကျောင်ꩻ ခွေအဝ်ႏသေသွူ။ ကွဲႏတွော့ꩻ ကွပ်ပွိုး သီလက္ခံႏနွောင်ꩻတဝ်း ခွေထာꩻသွဉ်သင်ဖုံႏ နဝ်ꩻမꩻ သီအဝ်ႏကျိုꩻစာꩻ မာꩻသီဒျာႏခွေသွူ။ 38နုဲင်းခွေဖါတောႏ ကအွဉ်ႏနယ်ဖေႏလဲဉ်း ခွေအတွိုင်ꩻနဝ်ꩻ ခွေဒေါ့ꩻဖေႏသီသွူ။ ကွဲႏတွော့ꩻ သီမာꩻဒျာႏ နုဲင်းသီဖါ ကဒေါ့ꩻနယ်ဖေႏလဲဉ်း သီ” နုဲင်းနဝ်ꩻသွူ။
39ဝွေꩻသီးလဝ်းချာ ဝွေꩻဗွေႏ၊ “နီဖါနဝ်ꩻထွာဒျာႏ အဗြာဟံ” နုဲင်းနဝ်ꩻသွူ။
ဗွေႏယေသျုဒေါ့ꩻချာ၊ “သီမဉ်ႏထွာမွေး အဗြာဟံပိုဖုံႏနဝ်ꩻ သီအီႏမာꩻဗွိုန်ဒျာႏ နုဲင်းဝွေꩻကမာꩻလဲဉ်း ဒါႏဖုံႏနဝ်ꩻသွူ။ 40ခွေကမာꩻလဲဉ်းဒါႏ ကားကအဝ်ႏနဝ်ꩻ ခွေဟွိုန်ဗာႏလဲဉ်း ဗွေႏဘုရာꩻထျꩻနဝ်ꩻ ခွေဒေါ့ꩻဖေႏသီ အမဲဉ်ႏတရာꩻသွူ။ ကွဲႏတွော့ꩻ သီအဝ်ႏကျိုꩻစာꩻ မာꩻသီဒျာႏခွေသွူ။ အဗြာဟံနဝ်ꩻ တမာꩻဗွိုန်တဝ်း နုဲင်းယို။ 41နုဲင်းသီဖါ ကမာꩻလဲဉ်းဒါႏ အတွိုင်ꩻနဝ်ꩻ သီအဝ်ႏမာꩻဒျာႏ” နုဲင်းနဝ်ꩻသွူ။
ဝွေꩻသီးလဝ်းချာ၊ “နီဖါနဝ်ꩻ အဝ်ႏဒျာႏ ဗွေႏဘုရာꩻ တပါꩻလွုမ်ꩻတဲင် နီနဝ်ꩻထွာဒျာႏ ဝွေꩻဗွေႏပို စင်ႏစဲစ်ဖုံႏ” နုဲင်းနဝ်ꩻသွူ။
42ဗွေႏယေသျု ဒေါ့ꩻဖေႏဝွေꩻသီး၊ “သီဖါမဉ်ႏထွာမွေး ဗွေႏဘုရာꩻနဝ်ꩻ သီအီႏရက်ဒျာႏခွေ၊ ကွပ်ပွိုး ခွေနဝ်ꩻ အဝ်ႏဗွေႏဘုရာꩻထျꩻ လွဉ်တဲင် ယိုခါ ခွေအဝ်ႏယိုကိုသွူ။ စွဉ်ႏခွေနမ်း အခွင်ꩻအာႏဏာႏတွော့ꩻ ခွေကျွꩻလွဉ် မွေးတဝ်း၊ ဝွေꩻဗွေႏ အွဉ်ႏစွꩻလွဉ်ဒျာႏ ခွေသွူ။ 43နုဲင်းခွေကဒေါ့ꩻနဝ်ꩻ ပွိုးတမုဲင်ꩻ သီတသေနာႏ နွောင်ꩻတဝ်း နုဲင်းမုဲင်ꩻဟောင်း။ နဝ်ꩻနဝ်ꩻ ကွပ်ပွိုး သီတနာႏတဝ်း ခွေတရာꩻငဝ်း အတွက်သွူ။ 44သီနဝ်ꩻထွာဒျာႏ သီဖါမာရ်ႏနတ် ပိုဖုံႏတဲင် သီမဉ်လွေꩻလွဉ်ꩻဒျာႏ သီဖါအလိုႏနဝ်ꩻသွူ။ တယ်ႏစွဉ်ႏ အစကာႏ ဝွေꩻအဝ်ႏ မာꩻသီ လိုꩻအသက်သား တဖြာꩻတဲင် မုဲင်ꩻခါတဲ့ တအဝ်ႏဖိုတဝ်း သမ္မာႏတရာꩻဖဲ့ꩻ၊ ပွိုးတွော့ꩻ သမ္မာႏတရာꩻနဝ်ꩻ တအဝ်ႏသော့ꩻတဝ်း ဝွေꩻအကိုသွူ။ ဝွေꩻကဒေါ့ꩻ လိန်ႏလဲဉ်ထာꩻချိန်ႏနဝ်ꩻ ဝွေꩻမာꩻဒျာႏ နုဲင်းဝွေꩻအဇာႏတိ အတွိုင်ꩻ ပွိုးတွော့ꩻ ဝွေꩻနဝ်ꩻထွာ လိုꩻလိန်ႏလဲဉ် တဖြာꩻတဲင် ထွာဒျာႏ ထာꩻလိန်ႏလဲဉ်ဖုံႏ ကားကအဝ်ႏ အဖါသွူ။ 45ကွဲႏတွော့ꩻ ခွေဒေါ့ꩻဖေႏ အမွေးအမဲဉ်ႏ၊ ပွိုးနုဲင်းနဝ်ꩻမꩻ သီတယွုမ်းတဝ်း ခွေနဝ်ꩻသွူ။ 46ခွေမာꩻ အပဲစ်ကျောင်ꩻ သီကိုတဖြာꩻဖြာꩻ အွဉ်ႏနယ်နွောင်ꩻနေ သက်သေႏဟောင်း။ ခွေမဉ်ႏဒေါ့ꩻနယ်ဖေႏ အမဲဉ်ႏတရာꩻနဝ်ꩻ ပွိုးတမုဲင်ꩻ သီတယွုမ်း နွောင်ꩻတဝ်းခွေဟောင်း။ 47ဝွေꩻကအဝ်ႏ ဗွေႏဘုရာꩻထျꩻလွဉ်နဝ်ꩻ နာႏဒျာႏဗွေႏဘုရာꩻ အငဝ်းဖုံႏသွူ။ ကွဲႏတွော့ꩻ သီနဝ်ꩻ အဝ်ႏဗွေႏဘုရာꩻထျꩻလွဉ် တမွေးတဝ်းနဝ်ꩻမꩻ သီအီႏတနာႏတဝ်း” နုဲင်းနဝ်ꩻသွူ။
ဗွေႏယေသျုတွမ်ႏအဗြာဟံ
48ဝွေꩻသီးရီဗွေႏယေသျု၊ “နီကအဝ်ႏရိုꩻဒါႏ နာꩻနဝ်ꩻထွာဒျာႏ သျာမာရိလိုꩻမျိုꩻ တဖြာꩻတဲင် လူꩻကုဲင်အဝ်ႏမွို့ꩻသော့ꩻ နာꩻအကိုနဝ်ꩻ တမဲဉ်ႏတဝ်းနဲ့ဟောင်း” နုဲင်းနဝ်ꩻသွူ။
49ဗွေႏယေသျု လဝ်းချာ၊ “ခွေနဝ်ꩻ လူꩻကုဲင်တမွို့ꩻတဝ်း၊ ခွေထူႏဂွုဏ်ႏဒျာႏ ခွေဖါတောႏ၊ ကွဲႏတွော့ꩻ သီနဝ်ꩻ ယားတရေႏဒျာႏ ခွေသွူ။ 50ခွေနဝ်ꩻ တထုမ်ႏတဝ်း ခွေနမ်းတာႏ ဂွုဏ်ႏသရေႏသွူ။ ကွဲႏတွော့ꩻ နဝ်ꩻကို ကအဝ်ႏထုမ်ႏဖေႏဒါႏ ခွေဂွုဏ်ႏသရေႏတွော့ꩻ ကစီႏရင်ႏ ဖေႏသေရေꩻဒါႏ ခွေဖဲ့ꩻနဝ်ꩻ အဝ်ႏတပါꩻသွူ။ 51ခွေဒေါ့ꩻဖေႏသီ အမွေးအမဲဉ်ႏ၊ ပါꩻကလွောက်ꩻနာႏဒါႏ ခွေထာꩻသွဉ်သင်နဝ်ꩻ မုဲင်ꩻခါတဲ့ အီႏတသီဗာႏတဝ်း” နုဲင်းနဝ်ꩻသွူ။
52ဝွေꩻသီးဒေါ့ꩻဖေႏ ဝွေꩻဗွေႏ၊ “နာꩻနဝ်ꩻ လူꩻကုဲင်တဗာႏ အဝ်ႏစောင်ꩻသော့ꩻကျောင်ꩻ ယိုခါ နီသေစဲင်းလဲဉ်း။ အဗြာဟံနဝ်ꩻ သီလဲဉ်း၊ ပရောဖဲစ်ဖုံႏတဲ့ သီလဲဉ်း၊ ကွဲႏတွော့ꩻ ပါꩻမုဲင်ꩻလွောက်ꩻနာႏ နာꩻထာꩻသွဉ်သင်နဝ်ꩻ မုဲင်ꩻခါတဲ့ အီႏတသီဗာႏတဝ်း နာꩻရိုꩻဒျာႏ နုဲင်းနဝ်ꩻသွူ။ 53နီဖါအဗြာဟံနဝ်ꩻ သီထိုꩻလဲဉ်းသွူ။ နာꩻကေႏညာႏဒျာႏ နာꩻနဝ်ꩻ အီႏတန်မျတ် ကယ်ꩻလဲဉ်းက အဗြာဟံဟောင်း။ တဲင်ပရောဖဲစ်ဖုံႏနဝ်ꩻတဲ့ သီထိုꩻလဲဉ်းသွူ။ နာꩻထင်းနာꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
54ဗွေႏယေသျု လဝ်းချာ၊ “ခွေမဉ်ႏထူႏဂွုဏ်ႏချာဒျာႏ ခွေနမ်းနဝ်ꩻ ခွေဂွုဏ်ႏသရေႏ တန်ႏဖိုꩻ အီႏတအဲဉ်ထဝ်းသွူ။ ဗွေႏအပါꩻ ကအီႏထူႏဂွုဏ်ႏဒါႏခွေနဝ်ꩻ ထွာခွေဖါတောႏ အပါꩻ သီကအဝ်ႏရိုꩻဒါႏ သီဗွေႏဘုရာꩻနဝ်ꩻသွူ။ 55ဝွေꩻဗွေႏနဝ်ꩻ မုဲင်ꩻခါတဲ့ သီတသေငါꩻတဝ်း၊ ကွဲႏတွော့ꩻ ခွေနဝ်ꩻသေ ဝွေꩻဗွေႏသွူ။ ခွေတသေငါꩻတဝ်း ဝွေꩻဗွေႏ ခွေမဉ်ႏရိုꩻ နုဲင်းနဝ်ꩻနဝ်ꩻ ခွေအီႏထွာ လိုꩻလိန်ႏလဲဉ်တဖြာꩻ ဗွိုန်နုဲင်းသီသွူ။ ကွဲႏတွော့ꩻ ခွေအဝ်ႏသေ ဝွေꩻဗွေႏတဲင် ခွေနာႏဒျာႏ ဝွေꩻဗွေႏအငဝ်းသွူ။ 56ခွေကကျွꩻလွဉ်ချိန်ႏ သီဖါအဗြာဟံ ထွိုင်ႏထီႏနဝ်ꩻ ဝွေꩻသꩻဟဝ်သꩻရေꩻ ချာယင်းသွူ။ ဝွေꩻထီႏဗာႏလဲဉ်း နုဲင်းနဝ်ꩻတဲင် သꩻဟဝ်သꩻရေꩻငါႏနဝ်ꩻသွူ။
57ဝွေꩻသီးဒေါ့ꩻဖေႏ ဝွေꩻဗွေႏ၊ “နာꩻသက်ငတ်ꩻဆီငါတဲ့ တလꩻတဝ်းဒွိုန်းနဝ်ꩻ နာꩻထီႏဗာႏလဲဉ်း အဗြာဟံ နုဲင်းမုဲင်ꩻဟောင်း” နုဲင်းနဝ်ꩻသွူ။
58ဗွေႏယေသျုဒေါ့ꩻချာ၊ “ခွေဒေါ့ꩻဖေႏသီ အမွေးအမဲဉ်ႏ၊ ခလားအဗြာဟံ ကလွူးခါကာႏ ‘ခွေအဝ်ႏလဲဉ်း’” နုဲင်းနဝ်ꩻသွူ။
59နဝ်ꩻထွူ အီႏနုဲင်ႏနို ဝွေꩻဗွေႏနဝ်ꩻ ဝွေꩻသီး တွမ်လုံးတူႏဖုံႏ၊ ကွဲႏတွော့ꩻ ဗွေႏယေသျု အွဉ်ႏဗဉ်ႏဗꩻထိုꩻ အနမ်းတဲင် အဝ်ႏဗိမာန်ႏတောႏ ကျောင်ꩻနဝ်ꩻ ထန်ႏထိုꩻစွဉ်ႏသွူ။
ទើបបានជ្រើសរើសហើយ៖
ယောဟန် 8: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 8
8
ဆွမ်ꩻလꩻပါꩻမူႏကအဝ်ႏပဲစ်မာႏဒါႏဝင်ꩻပိုဝါꩻတွင်ꩻ
[ 1နဝ်ꩻထွူ လိုꩻစွုမ်ႏဖြာꩻ သဲင်ꩻထိုꩻလမ်း ပငါပရာꩻ၊ ကွဲႏတွော့ꩻ ဗွေႏယေသျုနဝ်ꩻ ကျွꩻလွေꩻဒျာႏ ကောင်သံလွေင်လောင်းသွူ။ 2ဆုဲင်ꩻတရဝ်ꩻစဝ်းစဝ်း ဝွေꩻဗွေႏသဲင်ꩻချာ ဗိမာန်ႏတောႏကျောင်ꩻသွူ။ လိုꩻဖုံႏကားကအဝ်ႏနဝ်ꩻ စုဗူႏအုံခူ ဝွေꩻဗွေႏတဲင် ဝွေꩻဗွေႏ အုံလင်ꩻတွော့ꩻ သွဉ်ဖေႏစ ဝွေꩻသီးသွူ။ 3ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ ဆွမ်ꩻလွဉ် ပါꩻမူႏတဖြာꩻ ကအဝ်ႏဗေင်ႏလွူꩻဒါႏ ဝင်ꩻပိုဝါꩻကျာꩻတဲင် ပါꩻမူႏနဝ်ꩻနဝ်ꩻ ဝွေꩻသီး အွဉ်ႏအုံထွိုင်ႏ ဝွေꩻသီး ကားကအဝ်ႏ ဆꩻငါသွူ။ 4ဝွေꩻသီးဒေါ့ꩻဖေႏ ဗွေႏယေသျု၊ “ဆရာႏ၊ ပါꩻမူႏယိုနဝ်ꩻ ဆွမ်ꩻလꩻစွဉ်ႏ အဝ်ႏဗေင်ႏလွူꩻ ဝင်ꩻပိုဝါꩻကျာꩻသွူ။ 5#ဝိ ၂၀:၁၀၊ ဟော်ꩻ ၂၂:၂၂–၂၄။ နီပညတ်ကျမ်ꩻကိုနဝ်ꩻ မောသျေ မိန်းသေꩻခါꩻ လိုꩻမူႏစားယို တဖြာꩻနဝ်ꩻ အီႏနုဲင်ႏသီထိုꩻဗာႏ စွဉ်ႏလုံးတူႏသွူ။ ယိုခါ နီဗွေႏအီႏရိုꩻ နုဲင်းမုဲင်ꩻဟောင်း” နုဲင်းနဝ်ꩻသွူ။ 6ဝွေꩻသီး ကဒေါ့ꩻဗာႏ နုဲင်းယိုနဝ်ꩻ မဉ်ဒေါင်ဒျာႏ ဗွေႏယေသျုသွူ။ ဖေႏနေး ဝွေꩻသီး ကစွဲꩻတရာꩻလꩻ ဝွေꩻဗွေႏသွူ။ ကွဲႏတွော့ꩻ ဝွေꩻဗွေႏ အုံလင်ꩻတကုတ်ꩻတဲင် တွမ်ႏဝွေꩻဗွေႏ စူနုန်နဝ်ꩻ တဲမ်းလင်ꩻလူႏ ဟံႏလောင်းသွူ။
7နုဲင်းဝွေꩻသီး ကအဝ်ႏအုံထွိုင်ႏ နဝ်ꩻကိုသားဖုံႏနဝ်ꩻ စွဉ်ႏငဝ်းရီဖုံႏ အဝ်ႏရီဝွေꩻဗွေႏ၊ ဝွေꩻဗွေႏ ခွယ်ႏကီတဲင် ဒေါ့ꩻဖေႏဝွေꩻသီး၊ “သီအကို ပါꩻအဖြာꩻ တမာꩻဗာႏဖိုတဝ်း အပဲစ်နဝ်ꩻ တွမ်ႏလုံးတူႏ နုဲင်ႏရီးသွော့ ပါꩻမူႏနဝ်ꩻဟုဲင်း” နုဲင်းနဝ်ꩻသွူ။ 8နဝ်ꩻထွူ ဝွေꩻဗွေႏ အုံတကုတ်ꩻဖျင်တဲင် တဲမ်းလူးဒျာႏ ဟံႏလောင်းသွူ။ 9ဝွေꩻသီး ထွိုင်ႏဟွိုန် နုဲင်းယိုချိန်ႏ ဝွေꩻသီးနဝ်ꩻ တယ်ႏစွဉ်ႏ ပါꩻအဖြာꩻ သက်တန်သွတ်ꩻ ထန်ႏလွေꩻရီးတဲင် တဖြာꩻထွူတဖြာꩻ ကားကအဝ်ႏ ထန်ႏလို့စွဉ်ႏသွူ။ အဝ်ႏကုဲင်ဒျာႏ ဗွေႏယေသျုစွဉ်ႏ ပါꩻမူႏ ကအဝ်ႏအုံထွိုင်ႏထာꩻ နဝ်ꩻကိုလွုမ်ꩻသွူ။ 10ဝွေꩻဗွေႏ ခွယ်ႏကီတဲင် ဒေါ့ꩻဖေႏပါꩻမူႏ၊ “ဝွေꩻသီး အဝ်ႏမုဲင်ꩻကိုဟောင်း။ နဝ်ꩻကို ကအီႏစီႏရင်ႏ နာꩻအပဲစ်တံႏသား တဖြာꩻဖြာꩻ တအဝ်ႏကုဲင်တဝ်းဟောင်း” နုဲင်းနဝ်ꩻသွူ။။
11ဝွေꩻမူႏလဝ်းချာ “ဗွေႏ၊ တဖြာꩻငါတဲ့ အဲဉ်ထဝ်း” နုဲင်းနဝ်ꩻသွူ။
တွိုႏနဝ်ꩻ ဗွေႏယေသျုဒေါ့ꩻ၊ “မွေးသွူ။ ခွေတဲ့ အီႏတစီႏရင်ႏတဝ်း နာꩻအပဲစ်တံႏ။ လွေꩻဟုဲင်း၊ ကွဲႏတွော့ꩻ တွမ်ႏမာꩻထဲင်းမွိုန်းဒွုမ် အပဲစ်ဟုဲင်း” နုဲင်းနဝ်ꩻသွူ။ ]
ကမ္ဘာႏလောကထာꩻလေဗွေႏယေသျု
12 #
မ ၅:၁၄၊ ယော ၉:၅။ ဗွေႏယေသျု ဒေါ့ꩻဖေႏဖျင်ယင်း ဖါရိသဲဖုံႏသွူ၊၊ ဝွေꩻဗွေႏဒေါ့ꩻ၊ “ခွေနဝ်ꩻထွာ ကမ္ဘာႏလောက ထာꩻလေသွူ။ ပါꩻမုဲင်ꩻထောင်လွဉ်ꩻ ခွေဆꩻချာသားဖုံႏနဝ်ꩻ အီႏလꩻ အသက်ထာꩻလေတဲင် မုဲင်ꩻခါတဲ့ အီႏတထောင် လွေꩻသော့ꩻဗာႏတဝ်း ထာꩻခေ့ꩻကို” နုဲင်းနဝ်ꩻသွူ။
13ဖါရိသဲဖုံႏ ဒေါ့ꩻဖေႏဝွေꩻဗွေႏ၊ “ယိုခါ နာꩻအဝ်ႏခံႏချာဖေႏဒျာႏ နာꩻနမ်းတင် သက်သေႏ။ နုဲင်းနာꩻကရိုꩻနဝ်ꩻ ခွေါင်ခံႏ တမုဲင်ꩻမုဲင်ꩻအဲဉ်ထဝ်း” နုဲင်းနဝ်ꩻသွူ။
14ဗွေႏယေသျုလဝ်းချာ၊ “မွေးတဝ်း၊ ခွေခံႏချာ ခွေနမ်းတင် သက်သေႏစွဉ်ႏတဲ့၊ နုဲင်းခွေကဒေါ့ꩻနဝ်ꩻ မဲဉ်ႏဒျာႏ၊ ပွိုးတွော့ꩻ ခွေအဝ်ႏမုဲင်ꩻကိုလွဉ်တဲင် ခွေအီႏလွေꩻမုဲင်ꩻကိုနဝ်ꩻ ခွေအဝ်ႏသေ အတွက်သွူ။ ခွေအဝ်ႏမုဲင်ꩻ လွဉ်တဲ့နဝ်ꩻ ခွေအဝ်ႏလွေꩻ မုဲင်ꩻကိုတဲ့နဝ်ꩻ သီတသေတဝ်းသွူ။ 15သီထာꩻစီႏရင်ႏချက်ဖုံႏနဝ်ꩻ ထွာလိုꩻအနယ်ꩻ ခြေင်ခြေင်ဒျာႏသွူ။ ခွေနဝ်ꩻ တစီႏရင်ႏတဝ်း ပါꩻတဖြာꩻဖြာꩻသွူ။ 16ကွဲႏတွော့ꩻ ခွေမဉ်ႏစီႏရင်ႏ စွဉ်ႏတဲ့ ခွေတရာꩻစီႏရင်ႏချက်နဝ်ꩻ မဲဉ်ႏဒျာႏ။ ကွပ်ပွိုး ယိုကိုနဝ်ꩻ အဝ်ႏခွေတဖြာꩻလွုမ်ꩻ မွေးတဝ်း၊ ဖါတောႏ ကအွဉ်ႏစွꩻလွဉ်ခွေနဝ်ꩻ အဝ်ႏငီꩻစွဉ်ႏခွေသွူ။ 17#ဟော်ꩻ ၁၉:၁၅။ သီပညတ်ကျမ်ꩻကို ကတဲမ်းသေꩻခါꩻဒါႏ လိုꩻဝင်ꩻနီ သဘော်ꩻတူႏတွော့ꩻ မဉ်ႏခံႏ သက်သေႏချိန်ႏနဝ်ꩻ နုဲင်းဝွေꩻသီးကဒေါ့ꩻနဝ်ꩻ ထွာအမဲဉ်ႏသွူ။ 18ခွေနဝ်ꩻ ခံႏဒျာႏသက်သေႏ ခွေနမ်းတင်တဲင် ဖါတောႏ ကအွဉ်ႏစွꩻလွဉ် ခွေနဝ်ꩻတဲ့ အဝ်ႏခံႏဖေႏ ခွေနမ်းတင် သက်သေႏ” နုဲင်းနဝ်ꩻသွူ။
19ဝွေꩻသီးရီဝွေꩻဗွေႏ၊ “နာꩻဖါနဝ်ꩻ အဝ်ႏမုဲင်ꩻကိုဟောင်း” နုဲင်းနဝ်ꩻသွူ။
ဗွေႏယေသျုလဝ်းချာ၊ “ခွေတဲ့နဝ်ꩻ ခွေဖါတောႏတဲ့နဝ်ꩻ သီတသေငါꩻတဝ်း၊ သီမဉ်ႏသေငါꩻခွေနဝ်ꩻ ခွေဖါတောႏတဲ့ သီအီႏသေငါꩻပါ” နုဲင်းနဝ်ꩻသွူ။
20ဗွေႏယေသျု ကဒေါ့ꩻဒါႏ နုဲင်းယိုဖုံႏ ကားကအဝ်ႏနဝ်ꩻ ဝွေꩻဗွေႏ သွဉ်သင်သော့ꩻဖေႏ ဗိမာန်ႏတောႏ ကျောင်ꩻကို ရွဉ်လူႏတွိုက် ကအဝ်ႏဒါႏ ခင်ႏလမ်း အခန်ꩻကိုနဝ်ꩻသွူ။ ကွပ်ပွိုး ဝွေꩻဗွေႏ အချိန်ႏနားရီႏ တလꩻတွိုႏတဝ်းဒွိုန်း နဝ်ꩻမꩻ ပါꩻမုဲင်ꩻတဖြာꩻတဲ့ တဆွမ်ꩻတဝ်း ဝွေꩻဗွေႏသွူ။
ခွေကလွေꩻဒါႏခင်ႏလမ်းနဝ်ꩻသီတလွေꩻနွောင်ꩻတဝ်း
21ဗွေႏယေသျု ဒေါ့ꩻဖေႏဖျင်ဝွေꩻသီး၊ “ခွေနဝ်ꩻ အီႏလွေꩻညာꩻထိုꩻဒျာႏသွူ။ သီအီႏထုမ်ႏခွေ ကွဲႏတွော့ꩻ သီအီႏသီသော့ꩻဒျာႏ အပဲစ်ဖုံႏကိုနဝ်ꩻသွူ။ ခွေကလွေꩻဒါႏ ခင်ႏလမ်းနဝ်ꩻ သီတလွေꩻနွောင်ꩻတဝ်းသွူ။
22နဝ်ꩻမꩻ ဂျူးအာႏဏာႏပဲင်ႏသားဖုံႏဒေါ့ꩻ၊ “ဝွေꩻရိုꩻ ဝွေꩻကလွေꩻဒါႏ ခင်ႏလမ်းနဝ်ꩻ နီတလွေꩻနွောင်ꩻတဝ်း နဝ်ꩻသွူ။ ထာꩻယိုအဓိပ္ပါယ်ႏနဝ်ꩻ ဝွေꩻအီႏမာꩻသီချာ အနမ်းဟောင်း” နုဲင်းနဝ်ꩻသွူ။
23ဗွေႏယေသျုလဝ်းချာ၊ “သီနဝ်ꩻ ဆဲင်ႏဒျာႏ ကမ္ဘာႏလောက အရန်းဖွိုႏယို၊ ကွဲႏတွော့ꩻ ခွေနဝ်ꩻ အဝ်ႏဒျာႏ အွိုးကီသူꩻ ကျွꩻလွဉ်သွူ။ သီနဝ်ꩻ အဝ်ႏဒျာႏ ကမ္ဘာႏလောကယို၊ ကွဲႏတွော့ꩻ ခွေနဝ်ꩻအဝ်ႏ ကမ္ဘာႏ လောကယို တမွေးတဝ်းသွူ။ 24ပွိုးနုဲင်းနဝ်ꩻမꩻ သီအီႏသီသော့ꩻဗာႏဒျာႏ သီအပဲစ်ဖုံႏကိုနဝ်ꩻ ခွေဒေါ့ꩻနယ်သီနဝ်ꩻသွူ။ ‘ခွေနဝ်ꩻထွာဒျာႏ ပါꩻကထွာခွေ၊’ သီမဉ်ႏတယွုမ်းတဝ်းနဝ်ꩻ သီအီႏ သီသော့ꩻဒျာႏ သီအပဲစ်ဖုံႏကို” နုဲင်းနဝ်ꩻသွူ။
25ဝွေꩻသီးရီဝွေꩻဗွေႏ၊ “နာꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
ဗွေႏယေသျု လဝ်းချာ၊ “အစကာႏ ခွေဒေါ့ꩻနယ် ဖေႏလဲဉ်းသီသွူ။ 26ပွိုင်းဝွို့တွမ်ႏ သီခရာႏနဝ်ꩻ ခွေအဝ်ႏလိုႏဒေါ့ꩻအာငါႏ၊ ကအီႏ ပဲစ်တင်ႏသီတာႏနဝ်ꩻ အာငါႏသွူ။ ကွဲႏတွော့ꩻ ဗွေႏအပါꩻ ကအွဉ်ႏစွꩻလွဉ် ခွေနဝ်ꩻ အဝ်ႏဗွေစွဉ်ႏ သစ္စာႏတဲင် နုဲင်းခွေကဟွိုန်ဗာႏလဲဉ်း ဝွေꩻဗွေႏ ထျꩻလွုမ်ꩻနဝ်ꩻ ခွေဒေါ့ꩻနယ်ဖေႏ ကမ္ဘာႏလောကသားဖုံႏ” နုဲင်းနဝ်ꩻသွူ။
27ဗွေႏယေသျု ကဒေါ့ꩻနယ်ဖေႏဒါႏ ဝွေꩻသီး ပွိုင်းဝွို့တွမ်ႏ ဖါတောႏခရာႏနဝ်ꩻ ဝွေꩻသီး တသေနာႏနွောင်ꩻတဝ်းသွူ။ 28နဝ်ꩻမꩻ ဝွေꩻဗွေႏ ဒေါ့ꩻဖေႏဝွေꩻသီး၊ “သီထွိုင်ႏမျောက်ထင်ႏ ကီဒါႏ လိုꩻပိုခိုချိန်ႏနဝ်ꩻ သီအီႏသေဗာႏ၊ ‘ခွေနဝ်ꩻထွာဒျာႏ ပါꩻကထွာခွေ၊’ ခွေနဝ်ꩻ တမာꩻတဝ်း ခွေနမ်းအာႏဏာႏ၊ ကွဲႏတွော့ꩻ ခွေဒေါ့ꩻဒျာႏ နုဲင်းဖါတောႏ ကထွဉ်ႏခွေဒေါ့ꩻ အတွိုင်ꩻနဝ်ꩻ သီအီႏသေဗာႏသွူ။ 29တဲင်ဗွေႏ ကအွဉ်ႏစွꩻလွဉ် ခွေနဝ်ꩻ အဝ်ႏငီꩻဒျာႏ စွဉ်ႏခွေသွူ။ နုဲင်းဝွေꩻဗွေႏ ကနစ်သက်အတွိုင်ꩻနဝ်ꩻ ခွေအဝ်ႏမာꩻ သေႏသေႏဒျာႏနဝ်ꩻမꩻ ဝွေꩻဗွေႏနဝ်ꩻ တအွဉ်ႏကုဲင်တဝ်း ခွေတဖြာꩻဖြာꩻ” နုဲင်းနဝ်ꩻသွူ။ 30လိုꩻအာဖုံႏ ကဟွိုန်ဒါႏ ဝွေꩻဗွေႏကဒေါ့ꩻ နုဲင်းယိုဖုံႏနဝ်ꩻ ယွုမ်းအံႏစွဉ်ႏဝွေꩻဗွေႏသွူ။
သမ္မာႏတရာꩻနဝ်ꩻအီႏအွဉ်ႏစွꩻလွစ်သီ
31နဝ်ꩻမꩻ ဗွေႏယေသျု ဒေါ့ꩻဖေႏ လိုꩻကယွုမ်းဒါႏ ဝွေꩻဗွေႏသားဖုံႏ၊ “သီမဉ်ႏလွောက်ꩻနာႏ ခွေထာꩻသွဉ်သင်နဝ်ꩻ သီထွာမွေး ခွေတပဲ့တောႏဖုံႏသွူ။ 32သီအီႏသေ သမ္မာႏတရာꩻတဲင် သမ္မာႏတရာꩻနဝ်ꩻ အီႏအွဉ်ႏစွꩻလွစ်ဖေႏသီ” နုဲင်းနဝ်ꩻသွူ။
33 #
မ ၃:၉၊ လု ၃:၈။ ဝွေꩻသီးလဝ်းချာ၊ “နီနဝ်ꩻထွာဒျာႏ အဗြာဟံ ပိုလီꩻစွိုးခွိုꩻတဲင် မုဲင်ꩻခါတဲ့ နီခံႏဗာႏဖိုတဝ်း ပါꩻတဖြာꩻဖြာꩻ အသွဉ်းဖုံႏသွူ။ နဝ်ꩻထွူ စွဉ်ႏကအဝ်ႏရိုꩻဒါႏ၊ ‘သီအီႏလွစ်ဗာႏ’ နဝ်ꩻနာꩻမဉ်ရိုꩻ အဓိပ္ပါယ်ႏ တမုဲင်ꩻဟောင်း” နုဲင်းနဝ်ꩻသွူ။
34ဗွေႏယေသျု ဒေါ့ꩻဖေႏဝွေꩻသီး၊ “ခွေဒေါ့ꩻဖေႏသီ အမွေးအမဲဉ်ႏ၊ လိုꩻစွုမ်ႏဖြာꩻ ကမာꩻဒါႏ အပဲစ်သားဖုံႏနဝ်ꩻ ထွာအပဲစ်သွဉ်း တဖြာꩻသွူ။ 35သွဉ်းတဖြာꩻနဝ်ꩻ တဆဲင်ႏသေႏသေႏတဝ်း နုဲင်းတမွိုးဖါပိုစွိုꩻ တဖြာꩻ၊ ကွဲႏတွော့ꩻ ပိုခိုတဖြာꩻနဝ်ꩻ ဆဲင်ႏသေႏသေႏဒျာႏသွူ။ 36ပိုခို မဉ်ႏအွဉ်ႏစွꩻလွစ်သီ၊ တွိုႏနဝ်ꩻ သီအီႏလွစ်မွေးသွူ။ 37သီထွာ အဗြာဟံ ပိုလီꩻစွိုးခွိုꩻကျောင်ꩻ ခွေအဝ်ႏသေသွူ။ ကွဲႏတွော့ꩻ ကွပ်ပွိုး သီလက္ခံႏနွောင်ꩻတဝ်း ခွေထာꩻသွဉ်သင်ဖုံႏ နဝ်ꩻမꩻ သီအဝ်ႏကျိုꩻစာꩻ မာꩻသီဒျာႏခွေသွူ။ 38နုဲင်းခွေဖါတောႏ ကအွဉ်ႏနယ်ဖေႏလဲဉ်း ခွေအတွိုင်ꩻနဝ်ꩻ ခွေဒေါ့ꩻဖေႏသီသွူ။ ကွဲႏတွော့ꩻ သီမာꩻဒျာႏ နုဲင်းသီဖါ ကဒေါ့ꩻနယ်ဖေႏလဲဉ်း သီ” နုဲင်းနဝ်ꩻသွူ။
39ဝွေꩻသီးလဝ်းချာ ဝွေꩻဗွေႏ၊ “နီဖါနဝ်ꩻထွာဒျာႏ အဗြာဟံ” နုဲင်းနဝ်ꩻသွူ။
ဗွေႏယေသျုဒေါ့ꩻချာ၊ “သီမဉ်ႏထွာမွေး အဗြာဟံပိုဖုံႏနဝ်ꩻ သီအီႏမာꩻဗွိုန်ဒျာႏ နုဲင်းဝွေꩻကမာꩻလဲဉ်း ဒါႏဖုံႏနဝ်ꩻသွူ။ 40ခွေကမာꩻလဲဉ်းဒါႏ ကားကအဝ်ႏနဝ်ꩻ ခွေဟွိုန်ဗာႏလဲဉ်း ဗွေႏဘုရာꩻထျꩻနဝ်ꩻ ခွေဒေါ့ꩻဖေႏသီ အမဲဉ်ႏတရာꩻသွူ။ ကွဲႏတွော့ꩻ သီအဝ်ႏကျိုꩻစာꩻ မာꩻသီဒျာႏခွေသွူ။ အဗြာဟံနဝ်ꩻ တမာꩻဗွိုန်တဝ်း နုဲင်းယို။ 41နုဲင်းသီဖါ ကမာꩻလဲဉ်းဒါႏ အတွိုင်ꩻနဝ်ꩻ သီအဝ်ႏမာꩻဒျာႏ” နုဲင်းနဝ်ꩻသွူ။
ဝွေꩻသီးလဝ်းချာ၊ “နီဖါနဝ်ꩻ အဝ်ႏဒျာႏ ဗွေႏဘုရာꩻ တပါꩻလွုမ်ꩻတဲင် နီနဝ်ꩻထွာဒျာႏ ဝွေꩻဗွေႏပို စင်ႏစဲစ်ဖုံႏ” နုဲင်းနဝ်ꩻသွူ။
42ဗွေႏယေသျု ဒေါ့ꩻဖေႏဝွေꩻသီး၊ “သီဖါမဉ်ႏထွာမွေး ဗွေႏဘုရာꩻနဝ်ꩻ သီအီႏရက်ဒျာႏခွေ၊ ကွပ်ပွိုး ခွေနဝ်ꩻ အဝ်ႏဗွေႏဘုရာꩻထျꩻ လွဉ်တဲင် ယိုခါ ခွေအဝ်ႏယိုကိုသွူ။ စွဉ်ႏခွေနမ်း အခွင်ꩻအာႏဏာႏတွော့ꩻ ခွေကျွꩻလွဉ် မွေးတဝ်း၊ ဝွေꩻဗွေႏ အွဉ်ႏစွꩻလွဉ်ဒျာႏ ခွေသွူ။ 43နုဲင်းခွေကဒေါ့ꩻနဝ်ꩻ ပွိုးတမုဲင်ꩻ သီတသေနာႏ နွောင်ꩻတဝ်း နုဲင်းမုဲင်ꩻဟောင်း။ နဝ်ꩻနဝ်ꩻ ကွပ်ပွိုး သီတနာႏတဝ်း ခွေတရာꩻငဝ်း အတွက်သွူ။ 44သီနဝ်ꩻထွာဒျာႏ သီဖါမာရ်ႏနတ် ပိုဖုံႏတဲင် သီမဉ်လွေꩻလွဉ်ꩻဒျာႏ သီဖါအလိုႏနဝ်ꩻသွူ။ တယ်ႏစွဉ်ႏ အစကာႏ ဝွေꩻအဝ်ႏ မာꩻသီ လိုꩻအသက်သား တဖြာꩻတဲင် မုဲင်ꩻခါတဲ့ တအဝ်ႏဖိုတဝ်း သမ္မာႏတရာꩻဖဲ့ꩻ၊ ပွိုးတွော့ꩻ သမ္မာႏတရာꩻနဝ်ꩻ တအဝ်ႏသော့ꩻတဝ်း ဝွေꩻအကိုသွူ။ ဝွေꩻကဒေါ့ꩻ လိန်ႏလဲဉ်ထာꩻချိန်ႏနဝ်ꩻ ဝွေꩻမာꩻဒျာႏ နုဲင်းဝွေꩻအဇာႏတိ အတွိုင်ꩻ ပွိုးတွော့ꩻ ဝွေꩻနဝ်ꩻထွာ လိုꩻလိန်ႏလဲဉ် တဖြာꩻတဲင် ထွာဒျာႏ ထာꩻလိန်ႏလဲဉ်ဖုံႏ ကားကအဝ်ႏ အဖါသွူ။ 45ကွဲႏတွော့ꩻ ခွေဒေါ့ꩻဖေႏ အမွေးအမဲဉ်ႏ၊ ပွိုးနုဲင်းနဝ်ꩻမꩻ သီတယွုမ်းတဝ်း ခွေနဝ်ꩻသွူ။ 46ခွေမာꩻ အပဲစ်ကျောင်ꩻ သီကိုတဖြာꩻဖြာꩻ အွဉ်ႏနယ်နွောင်ꩻနေ သက်သေႏဟောင်း။ ခွေမဉ်ႏဒေါ့ꩻနယ်ဖေႏ အမဲဉ်ႏတရာꩻနဝ်ꩻ ပွိုးတမုဲင်ꩻ သီတယွုမ်း နွောင်ꩻတဝ်းခွေဟောင်း။ 47ဝွေꩻကအဝ်ႏ ဗွေႏဘုရာꩻထျꩻလွဉ်နဝ်ꩻ နာႏဒျာႏဗွေႏဘုရာꩻ အငဝ်းဖုံႏသွူ။ ကွဲႏတွော့ꩻ သီနဝ်ꩻ အဝ်ႏဗွေႏဘုရာꩻထျꩻလွဉ် တမွေးတဝ်းနဝ်ꩻမꩻ သီအီႏတနာႏတဝ်း” နုဲင်းနဝ်ꩻသွူ။
ဗွေႏယေသျုတွမ်ႏအဗြာဟံ
48ဝွေꩻသီးရီဗွေႏယေသျု၊ “နီကအဝ်ႏရိုꩻဒါႏ နာꩻနဝ်ꩻထွာဒျာႏ သျာမာရိလိုꩻမျိုꩻ တဖြာꩻတဲင် လူꩻကုဲင်အဝ်ႏမွို့ꩻသော့ꩻ နာꩻအကိုနဝ်ꩻ တမဲဉ်ႏတဝ်းနဲ့ဟောင်း” နုဲင်းနဝ်ꩻသွူ။
49ဗွေႏယေသျု လဝ်းချာ၊ “ခွေနဝ်ꩻ လူꩻကုဲင်တမွို့ꩻတဝ်း၊ ခွေထူႏဂွုဏ်ႏဒျာႏ ခွေဖါတောႏ၊ ကွဲႏတွော့ꩻ သီနဝ်ꩻ ယားတရေႏဒျာႏ ခွေသွူ။ 50ခွေနဝ်ꩻ တထုမ်ႏတဝ်း ခွေနမ်းတာႏ ဂွုဏ်ႏသရေႏသွူ။ ကွဲႏတွော့ꩻ နဝ်ꩻကို ကအဝ်ႏထုမ်ႏဖေႏဒါႏ ခွေဂွုဏ်ႏသရေႏတွော့ꩻ ကစီႏရင်ႏ ဖေႏသေရေꩻဒါႏ ခွေဖဲ့ꩻနဝ်ꩻ အဝ်ႏတပါꩻသွူ။ 51ခွေဒေါ့ꩻဖေႏသီ အမွေးအမဲဉ်ႏ၊ ပါꩻကလွောက်ꩻနာႏဒါႏ ခွေထာꩻသွဉ်သင်နဝ်ꩻ မုဲင်ꩻခါတဲ့ အီႏတသီဗာႏတဝ်း” နုဲင်းနဝ်ꩻသွူ။
52ဝွေꩻသီးဒေါ့ꩻဖေႏ ဝွေꩻဗွေႏ၊ “နာꩻနဝ်ꩻ လူꩻကုဲင်တဗာႏ အဝ်ႏစောင်ꩻသော့ꩻကျောင်ꩻ ယိုခါ နီသေစဲင်းလဲဉ်း။ အဗြာဟံနဝ်ꩻ သီလဲဉ်း၊ ပရောဖဲစ်ဖုံႏတဲ့ သီလဲဉ်း၊ ကွဲႏတွော့ꩻ ပါꩻမုဲင်ꩻလွောက်ꩻနာႏ နာꩻထာꩻသွဉ်သင်နဝ်ꩻ မုဲင်ꩻခါတဲ့ အီႏတသီဗာႏတဝ်း နာꩻရိုꩻဒျာႏ နုဲင်းနဝ်ꩻသွူ။ 53နီဖါအဗြာဟံနဝ်ꩻ သီထိုꩻလဲဉ်းသွူ။ နာꩻကေႏညာႏဒျာႏ နာꩻနဝ်ꩻ အီႏတန်မျတ် ကယ်ꩻလဲဉ်းက အဗြာဟံဟောင်း။ တဲင်ပရောဖဲစ်ဖုံႏနဝ်ꩻတဲ့ သီထိုꩻလဲဉ်းသွူ။ နာꩻထင်းနာꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
54ဗွေႏယေသျု လဝ်းချာ၊ “ခွေမဉ်ႏထူႏဂွုဏ်ႏချာဒျာႏ ခွေနမ်းနဝ်ꩻ ခွေဂွုဏ်ႏသရေႏ တန်ႏဖိုꩻ အီႏတအဲဉ်ထဝ်းသွူ။ ဗွေႏအပါꩻ ကအီႏထူႏဂွုဏ်ႏဒါႏခွေနဝ်ꩻ ထွာခွေဖါတောႏ အပါꩻ သီကအဝ်ႏရိုꩻဒါႏ သီဗွေႏဘုရာꩻနဝ်ꩻသွူ။ 55ဝွေꩻဗွေႏနဝ်ꩻ မုဲင်ꩻခါတဲ့ သီတသေငါꩻတဝ်း၊ ကွဲႏတွော့ꩻ ခွေနဝ်ꩻသေ ဝွေꩻဗွေႏသွူ။ ခွေတသေငါꩻတဝ်း ဝွေꩻဗွေႏ ခွေမဉ်ႏရိုꩻ နုဲင်းနဝ်ꩻနဝ်ꩻ ခွေအီႏထွာ လိုꩻလိန်ႏလဲဉ်တဖြာꩻ ဗွိုန်နုဲင်းသီသွူ။ ကွဲႏတွော့ꩻ ခွေအဝ်ႏသေ ဝွေꩻဗွေႏတဲင် ခွေနာႏဒျာႏ ဝွေꩻဗွေႏအငဝ်းသွူ။ 56ခွေကကျွꩻလွဉ်ချိန်ႏ သီဖါအဗြာဟံ ထွိုင်ႏထီႏနဝ်ꩻ ဝွေꩻသꩻဟဝ်သꩻရေꩻ ချာယင်းသွူ။ ဝွေꩻထီႏဗာႏလဲဉ်း နုဲင်းနဝ်ꩻတဲင် သꩻဟဝ်သꩻရေꩻငါႏနဝ်ꩻသွူ။
57ဝွေꩻသီးဒေါ့ꩻဖေႏ ဝွေꩻဗွေႏ၊ “နာꩻသက်ငတ်ꩻဆီငါတဲ့ တလꩻတဝ်းဒွိုန်းနဝ်ꩻ နာꩻထီႏဗာႏလဲဉ်း အဗြာဟံ နုဲင်းမုဲင်ꩻဟောင်း” နုဲင်းနဝ်ꩻသွူ။
58ဗွေႏယေသျုဒေါ့ꩻချာ၊ “ခွေဒေါ့ꩻဖေႏသီ အမွေးအမဲဉ်ႏ၊ ခလားအဗြာဟံ ကလွူးခါကာႏ ‘ခွေအဝ်ႏလဲဉ်း’” နုဲင်းနဝ်ꩻသွူ။
59နဝ်ꩻထွူ အီႏနုဲင်ႏနို ဝွေꩻဗွေႏနဝ်ꩻ ဝွေꩻသီး တွမ်လုံးတူႏဖုံႏ၊ ကွဲႏတွော့ꩻ ဗွေႏယေသျု အွဉ်ႏဗဉ်ႏဗꩻထိုꩻ အနမ်းတဲင် အဝ်ႏဗိမာန်ႏတောႏ ကျောင်ꩻနဝ်ꩻ ထန်ႏထိုꩻစွဉ်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.