ယောဟန် 9
9
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻတဖြာꩻလွူးလွဉ်ခါကာႏမဲ့ခေ့ꩻ
1နုဲင်းဗွေႏယေသျု ကအဝ်ႏထောင်လွေꩻ တဖူꩻလောင်းချိန်ႏ ဝွေꩻဗွေႏထီႏ ပါꩻခိုတဖြာꩻ လွူးလွဉ်ခါကာႏ အမဲ့ခေ့ꩻနဝ်ꩻသွူ။ 2ဝွေꩻဗွေႏ တပဲ့တောႏဖုံႏ ရီဝွေꩻဗွေႏ၊ “ဆရာႏ၊ ဝွေꩻလွူးလွဉ်ခါကာႏ မဲ့ခေ့ꩻဗာႏနဝ်ꩻ ပါꩻမုဲင်ꩻ အပဲစ်ဟောင်း။ မဲ့ကခေ့ꩻနဝ်ꩻ ဝွေꩻနမ်း အပဲစ်ဒျာႏနဲ့၊ မဉ်ႏတမွေးတဝ်း ဝွေꩻမွိုးဖါ အပဲစ်တွော့ꩻနဲ့ဟောင်း” နုဲင်းနဝ်ꩻသွူ။
3ဗွေႏယေသျု လဝ်းချာ၊ “ဝွေꩻမဲ့ကခေ့ꩻဗာႏနဝ်ꩻ ခေ့ꩻအီစွဉ်ႏ ဝွေꩻအပဲစ်တဲ့ မွေးတဝ်း၊ ဝွေꩻမွိုးဖါအပဲစ်တဲ့ တမွေးတဝ်းသွူ။ ဝွေꩻမဲ့ကခေ့ꩻဗာႏနဝ်ꩻ ဖေႏနေး ကအီႏထီႏဗာႏ ဗွေႏဘုရာꩻ အနန္တတန်ꩻခိုꩻ ထင်ႏသျာꩻသော့ꩻ ဝွေꩻအကိုနဝ်ꩻသွူ။ 4နုဲင်းမွူးနီꩻ ကအဝ်ႏနေကအတွင်ꩻ နီအဝ်ႏလိုႏမာꩻနေက ဗွေႏကအွဉ်ႏစွꩻလွဉ်ခွေ အထာꩻမာꩻနဝ်ꩻသွူ။ ပါꩻမုဲင်ꩻတဖြာꩻတဲ့ အီႏတမာꩻနွောင်ꩻတဝ်း ထာꩻမာꩻ မွူးနာꩻချိန်ႏ အီႏတွိုႏလွဉ်နဝ်ꩻသွူ။ 5#မ ၅:၁၄၊ ယော ၈:၁၂။ ခွေအဝ်ႏသော့ꩻနေက ကမ္ဘာႏလောကကို ကျာꩻနဝ်ꩻ ခွေထွာ ကမ္ဘာႏလောက ထာꩻလေ” နုဲင်းနဝ်ꩻသွူ။
6ဝွေꩻဗွေႏဒေါ့ꩻ နုဲင်းယိုထွူ ဗွေႏယေသျု ပထိုလင်ꩻ ဟံႏလောင်းတဲင် စွဉ်ႏယုဲင်ꩻထီ နုတ်ꩻမာꩻထွာဟံႏဗော့ꩻသွူ။ ဟံႏဗော့ꩻနဝ်ꩻ ဝွေꩻဗွေႏသူႏ ပါꩻခိုနဝ်ꩻ မဲ့ဖုံႏလောင်း 7တဲင်ဒေါ့ꩻဖေႏဝွေꩻ၊ “လွေꩻတွော့ꩻ ဖြွားနာꩻမဲ့ သျိလောင် ထီကန်ႏသူꩻဟုဲင်း” နုဲင်းနဝ်ꩻသွူ။ (မဉ်ꩻယိုအဓိပ္ပါယ်ႏနဝ်ꩻ “အွဉ်ႏစွꩻလွေꩻ” နုဲင်းနဝ်ꩻသွူ။) နဝ်ꩻမꩻ ပါꩻခိုနဝ်ꩻ လွေꩻဖြားဝွေꩻမဲ့တဲင် ထီႏလွဉ်ချာယင်းထာꩻသွူ။
8တွိုႏနဝ်ꩻ ရီးခါ လိုꩻလမ်းသောင် လမ်းထျꩻသားဖုံႏစွဉ်ႏ လိုꩻဖုံႏကထီႏဗာႏဖို ဝွေꩻအဝ်ႏကွီအံႏထာꩻရီ၊ “ပါꩻခိုယိုနဝ်ꩻ အဝ်ႏအုံလင်ꩻကွီအံႏ သေႏသေႏဒါႏထာꩻနဝ်ꩻ တမွေးတဝ်းဟောင်း” နုဲင်းနဝ်ꩻသွူ။
9ယင်ဟန်ႏသားနဝ်ꩻဒေါ့ꩻ၊ “ဝွေꩻနဝ်ꩻထွာ ပါꩻအဖြာꩻနဝ်ꩻသွူ။ ကွဲႏတွော့ꩻ အလင်နဝ်ꩻဒေါ့ꩻ၊ “ဝွေꩻတမွေးတဝ်း အဗွိုန်ဝွေꩻဒျာႏ” နုဲင်းနဝ်ꩻသွူ။
နဝ်ꩻမꩻ ပါꩻခိုနမ်းနဝ်ꩻဒေါ့ꩻ၊ “ပါꩻခိုနဝ်ꩻနဝ်ꩻ ခွေသွူ” နုဲင်းနဝ်ꩻသွူ။
10ဝွေꩻသီးရီဝွေꩻ၊ “ယိုခါနာꩻထီႏချာနွောင်ꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
11ဝွေꩻလဝ်းချာ၊ “ပါꩻခိုမဉ်ꩻကဟဲ့ꩻဒါႏ ယေသျုနဝ်ꩻ မာꩻဟံႏဗော့ꩻ သူႏခွေမဲ့ဖုံႏလောင်းတွော့ꩻ ဒေါ့ꩻခွေ ဖေႏကလွေꩻ သျိလောင်ထီကန်ႏတဲင် ထွဉ်ႏဖြွားခွေမဲ့ငါ။ နဝ်ꩻမꩻ ခွေလွေꩻတွော့ꩻ ခွေဖြွားမဲ့တဲင် တလဲင်ႏချင်ꩻ ခွေထီႏနွောင်ꩻစွဉ်ႏ” နုဲင်းနဝ်ꩻသွူ။
12ဝွေꩻသီးရီ၊ “ဝွေꩻအဝ်ႏမုဲင်ꩻကိုဟောင်း” နုဲင်းနဝ်ꩻသွူ။
ဝွေꩻလဝ်းချာ၊ “ခွေတသေတဝ်း၊” နုဲင်းနဝ်ꩻသွူ။
လုမ်ꩻလာꩻမာꩻဟဝ်ဖေႏခရာႏနဝ်ꩻဖါရိသဲဖုံႏထုမ်ႏစုံႏစမ်ꩻထွား
13တွိုႏနဝ်ꩻ ပါꩻခိုမဲ့ကခေ့ꩻ ဖိုလဲဉ်းနဝ်ꩻ ဝွေꩻသီး ဟဲ့ꩻလွေꩻထေ့ ဖါရိသဲဖုံႏထျꩻသွူ။ 14ဗွေႏယေသျု မာꩻဟံႏဗော့ꩻတွော့ꩻ ကလုမ်ꩻလာꩻဟဝ်ဖေႏ ဝွေꩻမဲ့ အနီꩻနဝ်ꩻနဝ်ꩻ ထွာဥပုသ်မွူးနီꩻ တနီꩻသွူ။ 15တွိုႏနဝ်ꩻ ဝွေꩻမဲ့ထီႏစဲင်း လွဉ်ယင်း နုဲင်းမုဲင်ꩻနဝ်ꩻ ဖါရိသဲဖုံႏ ရီဖျင်ပါꩻခိုနဝ်ꩻသွူ။ ဝွေꩻဒေါ့ꩻနယ်ဖေႏ ဝွေꩻသီး၊ “ဟံႏဗော့ꩻယင်ဟန်ႏနဝ်ꩻ ဝွေꩻဗွေႏ အွဉ်ႏဒင်ႏလူး ခွေမဲ့ဖုံႏလောင်းသွူ။ ခွေဖြွားခွေမဲ့တွော့ꩻ ယိုခါ ခွေထီႏနွောင်ꩻလဲဉ်း” နုဲင်းနဝ်ꩻသွူ။
16ဖါရိသဲဖုံႏ ယင်ဟန်ႏဒေါ့ꩻ၊ “ကွပ်ပွိုး ဝွေꩻတလွောက်ꩻနာႏတဝ်း ဥပုသ်မွူးနီꩻ ပညတ်အတွက် ပါꩻခို ကမာꩻလဲဉ်းဒါႏ နုဲင်းယိုနဝ်ꩻ အဝ်ႏ ဗွေႏဘုရာꩻထျꩻလွဉ် တမွေးနွောင်ꩻတဝ်း” နုဲင်းနဝ်ꩻသွူ။
ကွဲႏတွော့ꩻ အလင်ဖုံႏနဝ်ꩻဒေါ့ꩻ၊ “ပါꩻအပဲစ်သား တဖြာꩻနဝ်ꩻ မာꩻနယ်နွောင်ꩻနေ ထာꩻအံႏဖြာႏခရာႏ အစားနုဲင်းယိုဟောင်း” နုဲင်းနဝ်ꩻသွူ။ တဲင်ဝွေꩻသီး ကအဝ်ႏနဝ်ꩻကိုသား အချင်ꩻချင်ꩻ သဘော်ꩻကွယ်ꩻလို့စွဉ်ႏ ဝင်ꩻသွူ။
17နဝ်ꩻမꩻ ဖါရိသဲဖုံႏနဝ်ꩻ ရီထဲင်းယင်း ပါꩻခိုတလဲင်ႏ၊ “နာꩻမဲ့ခေ့ꩻနဝ်ꩻ နာꩻရိုꩻဒျာႏ ဝွေꩻလုမ်ꩻလာꩻဟဝ်ဖေႏသွူ။ မွေးလဲဉ်း၊ နာꩻမဉ်ရိုꩻ ဝွေꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
ပါꩻခိုလဝ်းချာ၊ “ဝွေꩻနဝ်ꩻထွာ ပရောဖဲစ်တပါꩻ” နုဲင်းနဝ်ꩻသွူ။
18ကွဲႏတွော့ꩻ ဂျူးအာႏဏာႏပဲင်ႏသားဖုံႏနဝ်ꩻ ဝွေꩻမဲ့ခေ့ꩻတွော့ꩻ ယိုခါ ကထီႏနွောင်ꩻထာꩻနဝ်ꩻ တမဉ်ယွုမ်းတဝ်း၊ နဝ်ꩻမꩻ တွိုႏစွဉ်ႏ ဝွေꩻသီး လဲင်ꩻဟဲ့ꩻလွဉ် ဝွေꩻအမွိုးဖါဖုံႏ၊ 19တဲင်ရီဝွေꩻသီး၊ “ယိုနဝ်ꩻ သီပိုခို မွေးနေဟောင်း၊ ဝွေꩻနဝ်ꩻ လွူးလွဉ်ခါကာႏ မဲ့ခေ့ꩻဒျာႏ သီရိုꩻနုဲင်းနဝ်ꩻသွူ။ တွိုႏယိုခါဝွေꩻ ထီႏနွောင်ꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
20ဝွေꩻအမွိုးဖါဖုံႏ လဝ်းချာ၊ “ဝွေꩻထွာနီပိုခိုနဝ်ꩻ နီသေဒျာႏ၊ ဝွေꩻလွူးလွဉ်ခါကာႏ မဲ့ခေ့ꩻနဝ်ꩻတဲ့ နီအဝ်ႏသေသွူ။ 21ကွဲႏတွော့ꩻ ယိုခါဝွေꩻ ထီႏနွောင်ꩻ နုဲင်းမုဲင်ꩻနဝ်ꩻ နီတသေတဝ်း၊ ပါꩻမုဲင်ꩻ လုမ်ꩻလာꩻဟဝ်ဖေႏ ဝွေꩻမဲ့ခေ့ꩻနဝ်ꩻတဲ့ နီတသေတဝ်းသွူ။ ရီဒျာႏ ဝွေꩻနဝ်ꩻဟုဲင်း။ ဝွေꩻနဝ်ꩻ သက်လꩻလဲဉ်းဒျာႏ နဝ်ꩻမꩻ ဝွေꩻနမ်းတာႏနဝ်ꩻ ဝွေꩻလဝ်းချာနွောင်ꩻဒျာႏ” နုဲင်းနဝ်ꩻသွူ။ 22ပွိုးတွော့ꩻ ဝွေꩻသီး အဝ်ႏငမ်းသꩻ ဂျူးအာႏဏာႏပဲင်ႏသားဖုံႏ နဝ်ꩻမꩻ ဝွေꩻအမွိုးဖါဖုံႏ ဒေါ့ꩻဗာႏနုဲင်းယိုသွူ။ ပေါႏပါꩻမုဲင်ꩻဒေါ့ꩻ ယွုမ်းဗွေႏယေသျုထွာ မေသျိယသားဖုံႏနဝ်ꩻ အီႏခံႏဗာႏ ဝါးထန်ႏထိုꩻ တရာꩻစရွပ်ကိုနဝ်ꩻ ဂျူးအာႏဏာႏပဲင်ႏသားဖုံႏ စဝ်းခါကာႏ သဘော်ꩻတူႏထွူလဲဉ်း ဝင်ꩻဖုံႏနဝ်ꩻသွူ။ 23နဝ်ꩻမꩻ ဝွေꩻအမွိုးဖါဖုံႏနဝ်ꩻဒေါ့ꩻ၊ “ဝွေꩻနဝ်ꩻ အသက်ရွယ်ႏ လꩻလဲဉ်းဒျာႏ၊ ရီဒျာႏ ဝွေꩻနဝ်ꩻဟုဲင်း” နုဲင်းနဝ်ꩻသွူ။
24ဝွေꩻသီးဟဲ့ꩻချာယင်း ပါꩻခို လွူးခါကာႏ မဲ့ခေ့ꩻနဝ်ꩻ ဒုတိယလဲင်ႏတဲင် ဒေါ့ꩻဖေႏဝွေꩻ၊ “နာꩻအီႏဒေါ့ꩻဖေႏဒျာႏ အမဲဉ်ႏနဝ်ꩻ အွဉ်ႏဂတိ သစ္စာႏသွော့ ဗွေႏဘုရာꩻ ဆꩻငါဟုဲင်း။ ပါꩻခိုကလုမ်ꩻလာꩻ မာꩻဟဝ်ဒါႏ နာꩻနဝ်ꩻထွာ အပဲစ်သား တဖြာꩻဒျာႏကျောင်ꩻ နီအဝ်ႏသေ” နုဲင်းနဝ်ꩻသွူ။
25ပါꩻခိုဒေါ့ꩻချာ၊ “ဝွေꩻထွာ အပဲစ်သားတဖြာꩻနဲ့ တထွာတဝ်းနဲ့နဝ်ꩻ ခွေတသေတဝ်း။ ခွေသေဒျာႏ တစွိုးလွုမ်ꩻ ကလဲဉ်းခါ ခွေနဝ်ꩻ မဲ့ခေ့ꩻတဲင် ယိုခါ ခွေထီႏ ဗာႏလဲဉ်း” နုဲင်းနဝ်ꩻသွူ။
26ဝွေꩻသီးရီ၊ “ဝွေꩻမာꩻဖေႏလဲဉ်းနာꩻ နုဲင်းမုဲင်ꩻဟောင်း။ နာꩻမဲ့ခေ့ꩻနဝ်ꩻ ဝွေꩻလုမ်ꩻလာꩻဟဝ်ဖေႏ နုဲင်းမုဲင်ꩻဟောင်း” နုဲင်းနဝ်ꩻသွူ။
27“ဝွေꩻလဝ်းချာ၊ “ခွေဒေါ့ꩻဖေႏလဲဉ်းသွူ သီတဲင် သီတနာႏတဝ်း။ ပွိုးတမုဲင်ꩻ သီမဉ်ဟွိုန်ဖျင်ယင်းတွိုႏ တလဲင်ႏ နုဲင်းမုဲင်ꩻဟောင်း။ သီတဲ့ အဝ်ႏမဉ်ထွာနုဲင်းနုဲင်း ဝွေꩻတပဲ့ဖုံႏဟောင်း” နုဲင်းနဝ်ꩻသွူ။
28ဝွေꩻသီး ကဲ့ꩻရဲ့ꩻဝွေꩻတဲင်ဒေါ့ꩻ၊ “နာꩻနဝ်ꩻမꩻထွာ ဝွေꩻတပဲ့စဲစ်သွူ။ ကွဲႏတွော့ꩻ နီနဝ်ꩻထွာဒျာႏ မောသျေ တပဲ့ဖုံႏသွူ။ 29ဗွေႏဘုရာꩻဒေါ့ꩻဖေႏ မောသျေ နုဲင်းသွꩻနဝ်ꩻ နီအဝ်ႏသေ၊ ကွဲႏတွော့ꩻ ဝွေꩻအဝ်ႏမုဲင်ꩻကိုလွဉ်နဝ်ꩻ နီတသေတဝ်း” နုဲင်းနဝ်ꩻသွူ။
30ပါꩻခိုလဝ်းချာ၊ “ဝွေꩻအဝ်ႏမုဲင်ꩻကိုလွဉ် သီတသေတဝ်းနဝ်ꩻ ဆန်ꩻတန်။ ကွဲႏတွော့ꩻ ခွေမဲ့ခေ့ꩻနဝ်ꩻ ဝွေꩻလုမ်ꩻလာꩻ မာꩻဟဝ်ဖေႏလဲဉ်းခွေ။ 31ဗွေႏဘုရာꩻနဝ်ꩻ တနာႏတဝ်း အပဲစ်သားငဝ်းနဝ်ꩻ နီအဝ်ႏသေသွူ။ ဝွေꩻဗွေႏနာႏဒျာႏ လိုꩻကရိုႏသေႏဒါႏ ဝွေꩻဗွေႏတွော့ꩻ ကမာꩻလွဉ်ꩻဒါႏ နုဲင်းဝွေꩻဗွေႏ ကမဉ်အွဉ်ႏဝွေꩻသီး မာꩻဒါႏဖုံႏနဝ်ꩻသွူ။ 32တယ်ႏစစွဉ်ႏ ကမာꩻထွာ ကမ္ဘာႏလောကခါကာႏ ပါꩻတဖြာꩻဖြာꩻ မာꩻထီႏဖေႏနွောင်ꩻ လွူးလွဉ်ခါကာႏ လိုꩻအမဲ့ခေ့ꩻနဝ်ꩻ ပါꩻမုဲင်ꩻတဲ့ တဟွိုန်ဗာႏ ဖိုတဝ်းသွူ။ 33ပါꩻခိုယို အဝ်ႏဗွေႏဘုရာꩻထျꩻ ကျွꩻလွဉ် မဉ်ႏတမွေးတဝ်းနဝ်ꩻ ဝွေꩻအီႏတမာꩻနွောင်ꩻတဝ်း ထာꩻတစွိုးစွိုး” နုဲင်းနဝ်ꩻသွူ။
34ဝွေꩻသီးလဝ်းချာ၊ “နာꩻလွူးလွဉ်ခါကာႏ တန်သော့ꩻဒျာႏ အပဲစ်ကိုနဝ်ꩻ နာꩻအဝ်ႏကျံႏ သွဉ်သင်ဖေႏကနီ နုဲင်းမုဲင်ꩻဟောင်း” နုဲင်းနဝ်ꩻတဲင် အဝ်ႏတရာꩻစရွပ်ကိုနဝ်ꩻ ဝွေꩻသီး ဝါးထန်ႏထိုꩻစွဉ်ႏ ဝွေꩻသွူ။
ဝိညာဉ်ႏမဲ့ခေ့ꩻ
35နုဲင်းထာꩻကထွာ လွဉ်လဲဉ်းနဝ်ꩻ ဗွေႏယေသျု ထွိုင်ႏဟွိုန်ချိန်ႏ ဝွေꩻမော့ꩻ ပါꩻခိုနဝ်ꩻတဲင် ရီဝွေꩻ၊ “နာꩻယွုမ်းနေ လိုꩻပိုခိုဟောင်း” နုဲင်းနဝ်ꩻသွူ။
36ပါꩻခိုလဝ်းချာ၊ “ဗွေႏ၊ ဝွေꩻထွာပါꩻမုဲင်ꩻ ဖေႏနေး ခွေကယွုမ်းနွောင်ꩻဝွေꩻနဝ်ꩻ ဒေါ့ꩻနယ်ဖေႏသွော့ ခွေသွဉ်းမွိုင်” နုဲင်းနဝ်ꩻသွူ။
37ဗွေႏယေသျု ဒေါ့ꩻဖေႏဝွေꩻ၊ “ဝွေꩻနဝ်ꩻ နာꩻထီႏဗာႏလဲဉ်းတဲင် ဝွေꩻနဝ်ꩻထွာ ပါꩻအဖြာꩻ ယိုခါ ကအဝ်ႏဒေါ့ꩻရီဒါႏ တွမ်ႏနာꩻ” နုဲင်းနဝ်ꩻသွူ။
38ပါꩻခိုဒေါ့ꩻ၊ “ဗွေႏ ခွေသွဉ်းယွုမ်းဒျာႏ” နုဲင်းနဝ်ꩻတဲင် အုံထောက်ꩻလင်ꩻစွဉ်ႏ ဗွေႏယေသျုဆꩻငါသွူ။
39ဗွေႏယေသျုဒေါ့ꩻ၊ “ခွေကျွꩻလွဉ် ကမ္ဘာႏလောကကိုယိုနဝ်ꩻ မာꩻဖေႏ လိုꩻမဲ့ခေ့ꩻဖုံႏ ကထီႏတဲင် လိုꩻကထီႏသားဖုံႏ မဲ့ကခေ့ꩻလွဉ်နဝ်ꩻ ခွေအီႏစီႏရင်ႏ” နုဲင်းနဝ်ꩻသွူ။
40ဖါရိသဲဖုံႏ ယင်ဟန်ႏ ကအဝ်ႏငီꩻဒါႏစွဉ်ႏ ဝွေꩻဗွေႏ နဝ်ꩻကို ဟွိုန်ဝွေꩻဗွေႏရိုꩻ နုဲင်းယိုတဲင် ရီဝွေꩻဗွေႏ၊ “နီနဝ်ꩻတဲ့ ထွာလိုꩻမဲ့ခေ့ꩻနေနေ နာꩻမဉ်ဒေါ့ꩻ အဓိပ္ပါယ်ႏ နုဲင်းနဝ်ꩻဟောင်း” နုဲင်းနဝ်ꩻသွူ။
41ဗွေႏယေသျုလဝ်းချာ၊ “သီမဲ့ဖုံႏ မဉ်ႏခေ့ꩻမွေးနဝ်ꩻ သီအပဲစ်အီႏ တအဲဉ်ထဝ်းသွူ။ ကွဲႏတွော့ꩻ တယ်ႏစွဉ်ႏသီ ကဒေါ့ꩻဒါႏ သီထီႏနွောင်ꩻဒျာႏ နုဲင်းနဝ်ꩻနဝ်ꩻ အဓိပ္ပါယ်ႏယိုနဝ်ꩻ သီအပဲစ် အဝ်ႏနေဒွိုန်းက” နုဲင်းနဝ်ꩻသွူ။
ទើបបានជ្រើសរើសហើយ៖
ယောဟန် 9: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 9
9
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻတဖြာꩻလွူးလွဉ်ခါကာႏမဲ့ခေ့ꩻ
1နုဲင်းဗွေႏယေသျု ကအဝ်ႏထောင်လွေꩻ တဖူꩻလောင်းချိန်ႏ ဝွေꩻဗွေႏထီႏ ပါꩻခိုတဖြာꩻ လွူးလွဉ်ခါကာႏ အမဲ့ခေ့ꩻနဝ်ꩻသွူ။ 2ဝွေꩻဗွေႏ တပဲ့တောႏဖုံႏ ရီဝွေꩻဗွေႏ၊ “ဆရာႏ၊ ဝွေꩻလွူးလွဉ်ခါကာႏ မဲ့ခေ့ꩻဗာႏနဝ်ꩻ ပါꩻမုဲင်ꩻ အပဲစ်ဟောင်း။ မဲ့ကခေ့ꩻနဝ်ꩻ ဝွေꩻနမ်း အပဲစ်ဒျာႏနဲ့၊ မဉ်ႏတမွေးတဝ်း ဝွေꩻမွိုးဖါ အပဲစ်တွော့ꩻနဲ့ဟောင်း” နုဲင်းနဝ်ꩻသွူ။
3ဗွေႏယေသျု လဝ်းချာ၊ “ဝွေꩻမဲ့ကခေ့ꩻဗာႏနဝ်ꩻ ခေ့ꩻအီစွဉ်ႏ ဝွေꩻအပဲစ်တဲ့ မွေးတဝ်း၊ ဝွေꩻမွိုးဖါအပဲစ်တဲ့ တမွေးတဝ်းသွူ။ ဝွေꩻမဲ့ကခေ့ꩻဗာႏနဝ်ꩻ ဖေႏနေး ကအီႏထီႏဗာႏ ဗွေႏဘုရာꩻ အနန္တတန်ꩻခိုꩻ ထင်ႏသျာꩻသော့ꩻ ဝွေꩻအကိုနဝ်ꩻသွူ။ 4နုဲင်းမွူးနီꩻ ကအဝ်ႏနေကအတွင်ꩻ နီအဝ်ႏလိုႏမာꩻနေက ဗွေႏကအွဉ်ႏစွꩻလွဉ်ခွေ အထာꩻမာꩻနဝ်ꩻသွူ။ ပါꩻမုဲင်ꩻတဖြာꩻတဲ့ အီႏတမာꩻနွောင်ꩻတဝ်း ထာꩻမာꩻ မွူးနာꩻချိန်ႏ အီႏတွိုႏလွဉ်နဝ်ꩻသွူ။ 5#မ ၅:၁၄၊ ယော ၈:၁၂။ ခွေအဝ်ႏသော့ꩻနေက ကမ္ဘာႏလောကကို ကျာꩻနဝ်ꩻ ခွေထွာ ကမ္ဘာႏလောက ထာꩻလေ” နုဲင်းနဝ်ꩻသွူ။
6ဝွေꩻဗွေႏဒေါ့ꩻ နုဲင်းယိုထွူ ဗွေႏယေသျု ပထိုလင်ꩻ ဟံႏလောင်းတဲင် စွဉ်ႏယုဲင်ꩻထီ နုတ်ꩻမာꩻထွာဟံႏဗော့ꩻသွူ။ ဟံႏဗော့ꩻနဝ်ꩻ ဝွေꩻဗွေႏသူႏ ပါꩻခိုနဝ်ꩻ မဲ့ဖုံႏလောင်း 7တဲင်ဒေါ့ꩻဖေႏဝွေꩻ၊ “လွေꩻတွော့ꩻ ဖြွားနာꩻမဲ့ သျိလောင် ထီကန်ႏသူꩻဟုဲင်း” နုဲင်းနဝ်ꩻသွူ။ (မဉ်ꩻယိုအဓိပ္ပါယ်ႏနဝ်ꩻ “အွဉ်ႏစွꩻလွေꩻ” နုဲင်းနဝ်ꩻသွူ။) နဝ်ꩻမꩻ ပါꩻခိုနဝ်ꩻ လွေꩻဖြားဝွေꩻမဲ့တဲင် ထီႏလွဉ်ချာယင်းထာꩻသွူ။
8တွိုႏနဝ်ꩻ ရီးခါ လိုꩻလမ်းသောင် လမ်းထျꩻသားဖုံႏစွဉ်ႏ လိုꩻဖုံႏကထီႏဗာႏဖို ဝွေꩻအဝ်ႏကွီအံႏထာꩻရီ၊ “ပါꩻခိုယိုနဝ်ꩻ အဝ်ႏအုံလင်ꩻကွီအံႏ သေႏသေႏဒါႏထာꩻနဝ်ꩻ တမွေးတဝ်းဟောင်း” နုဲင်းနဝ်ꩻသွူ။
9ယင်ဟန်ႏသားနဝ်ꩻဒေါ့ꩻ၊ “ဝွေꩻနဝ်ꩻထွာ ပါꩻအဖြာꩻနဝ်ꩻသွူ။ ကွဲႏတွော့ꩻ အလင်နဝ်ꩻဒေါ့ꩻ၊ “ဝွေꩻတမွေးတဝ်း အဗွိုန်ဝွေꩻဒျာႏ” နုဲင်းနဝ်ꩻသွူ။
နဝ်ꩻမꩻ ပါꩻခိုနမ်းနဝ်ꩻဒေါ့ꩻ၊ “ပါꩻခိုနဝ်ꩻနဝ်ꩻ ခွေသွူ” နုဲင်းနဝ်ꩻသွူ။
10ဝွေꩻသီးရီဝွေꩻ၊ “ယိုခါနာꩻထီႏချာနွောင်ꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
11ဝွေꩻလဝ်းချာ၊ “ပါꩻခိုမဉ်ꩻကဟဲ့ꩻဒါႏ ယေသျုနဝ်ꩻ မာꩻဟံႏဗော့ꩻ သူႏခွေမဲ့ဖုံႏလောင်းတွော့ꩻ ဒေါ့ꩻခွေ ဖေႏကလွေꩻ သျိလောင်ထီကန်ႏတဲင် ထွဉ်ႏဖြွားခွေမဲ့ငါ။ နဝ်ꩻမꩻ ခွေလွေꩻတွော့ꩻ ခွေဖြွားမဲ့တဲင် တလဲင်ႏချင်ꩻ ခွေထီႏနွောင်ꩻစွဉ်ႏ” နုဲင်းနဝ်ꩻသွူ။
12ဝွေꩻသီးရီ၊ “ဝွေꩻအဝ်ႏမုဲင်ꩻကိုဟောင်း” နုဲင်းနဝ်ꩻသွူ။
ဝွေꩻလဝ်းချာ၊ “ခွေတသေတဝ်း၊” နုဲင်းနဝ်ꩻသွူ။
လုမ်ꩻလာꩻမာꩻဟဝ်ဖေႏခရာႏနဝ်ꩻဖါရိသဲဖုံႏထုမ်ႏစုံႏစမ်ꩻထွား
13တွိုႏနဝ်ꩻ ပါꩻခိုမဲ့ကခေ့ꩻ ဖိုလဲဉ်းနဝ်ꩻ ဝွေꩻသီး ဟဲ့ꩻလွေꩻထေ့ ဖါရိသဲဖုံႏထျꩻသွူ။ 14ဗွေႏယေသျု မာꩻဟံႏဗော့ꩻတွော့ꩻ ကလုမ်ꩻလာꩻဟဝ်ဖေႏ ဝွေꩻမဲ့ အနီꩻနဝ်ꩻနဝ်ꩻ ထွာဥပုသ်မွူးနီꩻ တနီꩻသွူ။ 15တွိုႏနဝ်ꩻ ဝွေꩻမဲ့ထီႏစဲင်း လွဉ်ယင်း နုဲင်းမုဲင်ꩻနဝ်ꩻ ဖါရိသဲဖုံႏ ရီဖျင်ပါꩻခိုနဝ်ꩻသွူ။ ဝွေꩻဒေါ့ꩻနယ်ဖေႏ ဝွေꩻသီး၊ “ဟံႏဗော့ꩻယင်ဟန်ႏနဝ်ꩻ ဝွေꩻဗွေႏ အွဉ်ႏဒင်ႏလူး ခွေမဲ့ဖုံႏလောင်းသွူ။ ခွေဖြွားခွေမဲ့တွော့ꩻ ယိုခါ ခွေထီႏနွောင်ꩻလဲဉ်း” နုဲင်းနဝ်ꩻသွူ။
16ဖါရိသဲဖုံႏ ယင်ဟန်ႏဒေါ့ꩻ၊ “ကွပ်ပွိုး ဝွေꩻတလွောက်ꩻနာႏတဝ်း ဥပုသ်မွူးနီꩻ ပညတ်အတွက် ပါꩻခို ကမာꩻလဲဉ်းဒါႏ နုဲင်းယိုနဝ်ꩻ အဝ်ႏ ဗွေႏဘုရာꩻထျꩻလွဉ် တမွေးနွောင်ꩻတဝ်း” နုဲင်းနဝ်ꩻသွူ။
ကွဲႏတွော့ꩻ အလင်ဖုံႏနဝ်ꩻဒေါ့ꩻ၊ “ပါꩻအပဲစ်သား တဖြာꩻနဝ်ꩻ မာꩻနယ်နွောင်ꩻနေ ထာꩻအံႏဖြာႏခရာႏ အစားနုဲင်းယိုဟောင်း” နုဲင်းနဝ်ꩻသွူ။ တဲင်ဝွေꩻသီး ကအဝ်ႏနဝ်ꩻကိုသား အချင်ꩻချင်ꩻ သဘော်ꩻကွယ်ꩻလို့စွဉ်ႏ ဝင်ꩻသွူ။
17နဝ်ꩻမꩻ ဖါရိသဲဖုံႏနဝ်ꩻ ရီထဲင်းယင်း ပါꩻခိုတလဲင်ႏ၊ “နာꩻမဲ့ခေ့ꩻနဝ်ꩻ နာꩻရိုꩻဒျာႏ ဝွေꩻလုမ်ꩻလာꩻဟဝ်ဖေႏသွူ။ မွေးလဲဉ်း၊ နာꩻမဉ်ရိုꩻ ဝွေꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
ပါꩻခိုလဝ်းချာ၊ “ဝွေꩻနဝ်ꩻထွာ ပရောဖဲစ်တပါꩻ” နုဲင်းနဝ်ꩻသွူ။
18ကွဲႏတွော့ꩻ ဂျူးအာႏဏာႏပဲင်ႏသားဖုံႏနဝ်ꩻ ဝွေꩻမဲ့ခေ့ꩻတွော့ꩻ ယိုခါ ကထီႏနွောင်ꩻထာꩻနဝ်ꩻ တမဉ်ယွုမ်းတဝ်း၊ နဝ်ꩻမꩻ တွိုႏစွဉ်ႏ ဝွေꩻသီး လဲင်ꩻဟဲ့ꩻလွဉ် ဝွေꩻအမွိုးဖါဖုံႏ၊ 19တဲင်ရီဝွေꩻသီး၊ “ယိုနဝ်ꩻ သီပိုခို မွေးနေဟောင်း၊ ဝွေꩻနဝ်ꩻ လွူးလွဉ်ခါကာႏ မဲ့ခေ့ꩻဒျာႏ သီရိုꩻနုဲင်းနဝ်ꩻသွူ။ တွိုႏယိုခါဝွေꩻ ထီႏနွောင်ꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
20ဝွေꩻအမွိုးဖါဖုံႏ လဝ်းချာ၊ “ဝွေꩻထွာနီပိုခိုနဝ်ꩻ နီသေဒျာႏ၊ ဝွေꩻလွူးလွဉ်ခါကာႏ မဲ့ခေ့ꩻနဝ်ꩻတဲ့ နီအဝ်ႏသေသွူ။ 21ကွဲႏတွော့ꩻ ယိုခါဝွေꩻ ထီႏနွောင်ꩻ နုဲင်းမုဲင်ꩻနဝ်ꩻ နီတသေတဝ်း၊ ပါꩻမုဲင်ꩻ လုမ်ꩻလာꩻဟဝ်ဖေႏ ဝွေꩻမဲ့ခေ့ꩻနဝ်ꩻတဲ့ နီတသေတဝ်းသွူ။ ရီဒျာႏ ဝွေꩻနဝ်ꩻဟုဲင်း။ ဝွေꩻနဝ်ꩻ သက်လꩻလဲဉ်းဒျာႏ နဝ်ꩻမꩻ ဝွေꩻနမ်းတာႏနဝ်ꩻ ဝွေꩻလဝ်းချာနွောင်ꩻဒျာႏ” နုဲင်းနဝ်ꩻသွူ။ 22ပွိုးတွော့ꩻ ဝွေꩻသီး အဝ်ႏငမ်းသꩻ ဂျူးအာႏဏာႏပဲင်ႏသားဖုံႏ နဝ်ꩻမꩻ ဝွေꩻအမွိုးဖါဖုံႏ ဒေါ့ꩻဗာႏနုဲင်းယိုသွူ။ ပေါႏပါꩻမုဲင်ꩻဒေါ့ꩻ ယွုမ်းဗွေႏယေသျုထွာ မေသျိယသားဖုံႏနဝ်ꩻ အီႏခံႏဗာႏ ဝါးထန်ႏထိုꩻ တရာꩻစရွပ်ကိုနဝ်ꩻ ဂျူးအာႏဏာႏပဲင်ႏသားဖုံႏ စဝ်းခါကာႏ သဘော်ꩻတူႏထွူလဲဉ်း ဝင်ꩻဖုံႏနဝ်ꩻသွူ။ 23နဝ်ꩻမꩻ ဝွေꩻအမွိုးဖါဖုံႏနဝ်ꩻဒေါ့ꩻ၊ “ဝွေꩻနဝ်ꩻ အသက်ရွယ်ႏ လꩻလဲဉ်းဒျာႏ၊ ရီဒျာႏ ဝွေꩻနဝ်ꩻဟုဲင်း” နုဲင်းနဝ်ꩻသွူ။
24ဝွေꩻသီးဟဲ့ꩻချာယင်း ပါꩻခို လွူးခါကာႏ မဲ့ခေ့ꩻနဝ်ꩻ ဒုတိယလဲင်ႏတဲင် ဒေါ့ꩻဖေႏဝွေꩻ၊ “နာꩻအီႏဒေါ့ꩻဖေႏဒျာႏ အမဲဉ်ႏနဝ်ꩻ အွဉ်ႏဂတိ သစ္စာႏသွော့ ဗွေႏဘုရာꩻ ဆꩻငါဟုဲင်း။ ပါꩻခိုကလုမ်ꩻလာꩻ မာꩻဟဝ်ဒါႏ နာꩻနဝ်ꩻထွာ အပဲစ်သား တဖြာꩻဒျာႏကျောင်ꩻ နီအဝ်ႏသေ” နုဲင်းနဝ်ꩻသွူ။
25ပါꩻခိုဒေါ့ꩻချာ၊ “ဝွေꩻထွာ အပဲစ်သားတဖြာꩻနဲ့ တထွာတဝ်းနဲ့နဝ်ꩻ ခွေတသေတဝ်း။ ခွေသေဒျာႏ တစွိုးလွုမ်ꩻ ကလဲဉ်းခါ ခွေနဝ်ꩻ မဲ့ခေ့ꩻတဲင် ယိုခါ ခွေထီႏ ဗာႏလဲဉ်း” နုဲင်းနဝ်ꩻသွူ။
26ဝွေꩻသီးရီ၊ “ဝွေꩻမာꩻဖေႏလဲဉ်းနာꩻ နုဲင်းမုဲင်ꩻဟောင်း။ နာꩻမဲ့ခေ့ꩻနဝ်ꩻ ဝွေꩻလုမ်ꩻလာꩻဟဝ်ဖေႏ နုဲင်းမုဲင်ꩻဟောင်း” နုဲင်းနဝ်ꩻသွူ။
27“ဝွေꩻလဝ်းချာ၊ “ခွေဒေါ့ꩻဖေႏလဲဉ်းသွူ သီတဲင် သီတနာႏတဝ်း။ ပွိုးတမုဲင်ꩻ သီမဉ်ဟွိုန်ဖျင်ယင်းတွိုႏ တလဲင်ႏ နုဲင်းမုဲင်ꩻဟောင်း။ သီတဲ့ အဝ်ႏမဉ်ထွာနုဲင်းနုဲင်း ဝွေꩻတပဲ့ဖုံႏဟောင်း” နုဲင်းနဝ်ꩻသွူ။
28ဝွေꩻသီး ကဲ့ꩻရဲ့ꩻဝွေꩻတဲင်ဒေါ့ꩻ၊ “နာꩻနဝ်ꩻမꩻထွာ ဝွေꩻတပဲ့စဲစ်သွူ။ ကွဲႏတွော့ꩻ နီနဝ်ꩻထွာဒျာႏ မောသျေ တပဲ့ဖုံႏသွူ။ 29ဗွေႏဘုရာꩻဒေါ့ꩻဖေႏ မောသျေ နုဲင်းသွꩻနဝ်ꩻ နီအဝ်ႏသေ၊ ကွဲႏတွော့ꩻ ဝွေꩻအဝ်ႏမုဲင်ꩻကိုလွဉ်နဝ်ꩻ နီတသေတဝ်း” နုဲင်းနဝ်ꩻသွူ။
30ပါꩻခိုလဝ်းချာ၊ “ဝွေꩻအဝ်ႏမုဲင်ꩻကိုလွဉ် သီတသေတဝ်းနဝ်ꩻ ဆန်ꩻတန်။ ကွဲႏတွော့ꩻ ခွေမဲ့ခေ့ꩻနဝ်ꩻ ဝွေꩻလုမ်ꩻလာꩻ မာꩻဟဝ်ဖေႏလဲဉ်းခွေ။ 31ဗွေႏဘုရာꩻနဝ်ꩻ တနာႏတဝ်း အပဲစ်သားငဝ်းနဝ်ꩻ နီအဝ်ႏသေသွူ။ ဝွေꩻဗွေႏနာႏဒျာႏ လိုꩻကရိုႏသေႏဒါႏ ဝွေꩻဗွေႏတွော့ꩻ ကမာꩻလွဉ်ꩻဒါႏ နုဲင်းဝွေꩻဗွေႏ ကမဉ်အွဉ်ႏဝွေꩻသီး မာꩻဒါႏဖုံႏနဝ်ꩻသွူ။ 32တယ်ႏစစွဉ်ႏ ကမာꩻထွာ ကမ္ဘာႏလောကခါကာႏ ပါꩻတဖြာꩻဖြာꩻ မာꩻထီႏဖေႏနွောင်ꩻ လွူးလွဉ်ခါကာႏ လိုꩻအမဲ့ခေ့ꩻနဝ်ꩻ ပါꩻမုဲင်ꩻတဲ့ တဟွိုန်ဗာႏ ဖိုတဝ်းသွူ။ 33ပါꩻခိုယို အဝ်ႏဗွေႏဘုရာꩻထျꩻ ကျွꩻလွဉ် မဉ်ႏတမွေးတဝ်းနဝ်ꩻ ဝွေꩻအီႏတမာꩻနွောင်ꩻတဝ်း ထာꩻတစွိုးစွိုး” နုဲင်းနဝ်ꩻသွူ။
34ဝွေꩻသီးလဝ်းချာ၊ “နာꩻလွူးလွဉ်ခါကာႏ တန်သော့ꩻဒျာႏ အပဲစ်ကိုနဝ်ꩻ နာꩻအဝ်ႏကျံႏ သွဉ်သင်ဖေႏကနီ နုဲင်းမုဲင်ꩻဟောင်း” နုဲင်းနဝ်ꩻတဲင် အဝ်ႏတရာꩻစရွပ်ကိုနဝ်ꩻ ဝွေꩻသီး ဝါးထန်ႏထိုꩻစွဉ်ႏ ဝွေꩻသွူ။
ဝိညာဉ်ႏမဲ့ခေ့ꩻ
35နုဲင်းထာꩻကထွာ လွဉ်လဲဉ်းနဝ်ꩻ ဗွေႏယေသျု ထွိုင်ႏဟွိုန်ချိန်ႏ ဝွေꩻမော့ꩻ ပါꩻခိုနဝ်ꩻတဲင် ရီဝွေꩻ၊ “နာꩻယွုမ်းနေ လိုꩻပိုခိုဟောင်း” နုဲင်းနဝ်ꩻသွူ။
36ပါꩻခိုလဝ်းချာ၊ “ဗွေႏ၊ ဝွေꩻထွာပါꩻမုဲင်ꩻ ဖေႏနေး ခွေကယွုမ်းနွောင်ꩻဝွေꩻနဝ်ꩻ ဒေါ့ꩻနယ်ဖေႏသွော့ ခွေသွဉ်းမွိုင်” နုဲင်းနဝ်ꩻသွူ။
37ဗွေႏယေသျု ဒေါ့ꩻဖေႏဝွေꩻ၊ “ဝွေꩻနဝ်ꩻ နာꩻထီႏဗာႏလဲဉ်းတဲင် ဝွေꩻနဝ်ꩻထွာ ပါꩻအဖြာꩻ ယိုခါ ကအဝ်ႏဒေါ့ꩻရီဒါႏ တွမ်ႏနာꩻ” နုဲင်းနဝ်ꩻသွူ။
38ပါꩻခိုဒေါ့ꩻ၊ “ဗွေႏ ခွေသွဉ်းယွုမ်းဒျာႏ” နုဲင်းနဝ်ꩻတဲင် အုံထောက်ꩻလင်ꩻစွဉ်ႏ ဗွေႏယေသျုဆꩻငါသွူ။
39ဗွေႏယေသျုဒေါ့ꩻ၊ “ခွေကျွꩻလွဉ် ကမ္ဘာႏလောကကိုယိုနဝ်ꩻ မာꩻဖေႏ လိုꩻမဲ့ခေ့ꩻဖုံႏ ကထီႏတဲင် လိုꩻကထီႏသားဖုံႏ မဲ့ကခေ့ꩻလွဉ်နဝ်ꩻ ခွေအီႏစီႏရင်ႏ” နုဲင်းနဝ်ꩻသွူ။
40ဖါရိသဲဖုံႏ ယင်ဟန်ႏ ကအဝ်ႏငီꩻဒါႏစွဉ်ႏ ဝွေꩻဗွေႏ နဝ်ꩻကို ဟွိုန်ဝွေꩻဗွေႏရိုꩻ နုဲင်းယိုတဲင် ရီဝွေꩻဗွေႏ၊ “နီနဝ်ꩻတဲ့ ထွာလိုꩻမဲ့ခေ့ꩻနေနေ နာꩻမဉ်ဒေါ့ꩻ အဓိပ္ပါယ်ႏ နုဲင်းနဝ်ꩻဟောင်း” နုဲင်းနဝ်ꩻသွူ။
41ဗွေႏယေသျုလဝ်းချာ၊ “သီမဲ့ဖုံႏ မဉ်ႏခေ့ꩻမွေးနဝ်ꩻ သီအပဲစ်အီႏ တအဲဉ်ထဝ်းသွူ။ ကွဲႏတွော့ꩻ တယ်ႏစွဉ်ႏသီ ကဒေါ့ꩻဒါႏ သီထီႏနွောင်ꩻဒျာႏ နုဲင်းနဝ်ꩻနဝ်ꩻ အဓိပ္ပါယ်ႏယိုနဝ်ꩻ သီအပဲစ် အဝ်ႏနေဒွိုန်းက” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.