လုကာ 21
21
မဲမုဲင်းမူႏထာꩻလူႏ
(မာကု ၁၂:၄၁–၄၄)
1ဗွေႏယေသျု ထွားခူထာꩻတဲင် ထီႏဗာႏ လိုꩻခြွေချမ်ꩻသာႏဖုံႏ သော့ꩻဝွေꩻသီး ထာꩻလူႏ ဗိမာန်ႏတောႏကျောင်ꩻ ဘဏ္ဍာႏတွိုက်ကိုတဲင်၊ 2ဝွေꩻဗွေႏထီႏပါက မဲမုဲင်းမူႏ ကေန်ꩻခြောတဖြာꩻ သော့ꩻရွဉ်ယွဲ တောင်ꩻနီဗီႏနဝ်ꩻသွူ။ 3ဝွေꩻဗွေႏဒေါ့ꩻ၊ “ခွေဒေါ့ꩻဖေႏသီ၊ မဲမုဲင်းမူႏ ကေန်ꩻခြောယိုနဝ်ꩻ သော့ꩻလွိုလဲဉ်းက လိုꩻလင်ဖုံႏ ကားကအဝ်ႏသွူ။ 4ပွိုးလိုꩻလင်ဖုံႏ ကသော့ꩻဒါႏ ဝွေꩻသီး ထာꩻလူႏဖုံႏနဝ်ꩻ အဝ်ႏဝွေꩻသီး ထာꩻခြွေချမ်ꩻသာႏကို အမော့ꩻအနာဖုံႏလွုမ်ꩻသွူ။ ကွဲႏတွော့ꩻ မဲမုဲင်းမူႏ ကေန်ꩻခြောနဝ်ꩻ ဝွေꩻမူႏအသက် ကအီႏအဝ်ႏမွန် အီတာႏအကို ဝွေꩻမူႏဖေႏလို့လဲဉ်း” နုဲင်းနဝ်ꩻသွူ။
ဗွေႏယေသျုဒေါ့ꩻဗိမာန်ႏတောႏကျောင်ꩻအီႏကုဲင်ပြင်ꩻ
(မတဲ ၂၄:၁–၂။ မာကု ၁၃:၁–၂)
5ထွားဗိမာန်ႏတောႏကျောင်ꩻနဝ်ꩻ တင်ႏတယ်ႏ တရေꩻငါႏ ခွိုင်းကားမုဲင်ꩻ၊ စွဉ်ႏလုံးတူႏယံဖုံႏ စွဉ်ႏကလူႏ ပူႏဇောႏဖေႏဒါႏ ဗွေႏဘုရာꩻနဝ်ꩻ ယံငါႏ ခွိုင်းကားမုဲင်ꩻကျောင်ꩻ တပဲ့တောႏဖုံႏ ယင်ဟန်ႏ အဝ်ႏဒေါ့ꩻ အခရာႏသွူ။ ဗွေႏယေသျုဒေါ့ꩻ၊ 6“သီကထီႏဒါႏ ထာꩻယိုဖုံႏ ကားကအဝ်ႏနဝ်ꩻ လုံးတူႏတတူႏငါတဲ့ အီႏတအဝ်ႏချာတဝ်းဒွုမ် အခင်ႏလမ်း။ ကားကအဝ်ႏနဝ်ꩻ အီႏထဲ့လင်ꩻလလို့ထိုꩻဗာႏ အချိန်ႏ အီႏဖျော်လွဉ်” နုဲင်းနဝ်ꩻသွူ။
ထာꩻဒုက္ခစွဉ်ႏထာꩻနစ်စက်ဖုံႏ
(မတဲ ၂၄:၃–၁၄။ မာကု ၁၃:၃–၁၃)
7ဝွေꩻသီးရီ၊ “ဆရာႏ၊ ယိုနဝ်ꩻ အီႏထွာလွဉ် အချိန်ႏမုဲင်ꩻဟောင်း။ တဲင်နုဲင်းကအီႏထွာလွဉ်ဒါႏ အချိန်ႏနဝ်ꩻ အီႏအွဉ်ႏနယ် နိမိတ်လက္ခဏာႏ နုဲင်းမုဲင်ꩻဟောင်း” နုဲင်းနဝ်ꩻသွူ။
8ဗွေႏယေသျုဒေါ့ꩻ၊ “ဖေႏကလဲဉ်လꩻမွိုန်း သီနဝ်ꩻ အွဉ်ႏသတိꩻသွော့။ လိုꩻအာဖုံႏနဝ်ꩻ အီႏဟော်ꩻ ကေႏညာႏဖေႏ ခွေတာႏ၊ အီႏလွဉ်တဲင်ရိုꩻ၊ ‘ခွေနဝ်ꩻထွာ ဝွေꩻဗွေႏ၊’ နုဲင်းနဝ်ꩻနဝ်ꩻ အချိန်ႏအီႏဖျော်လွဉ်၊’ ကွဲႏတွော့ꩻ တွမ်ႏလွေꩻလွဉ်မွိုန်း ဝွေꩻသီး။ 9သီထွိုင်ႏဟွိုန် စဲ့ꩻပွယ်ꩻဖုံႏတွမ်ႏ ထာꩻသျွုတ်တရေင် ထွာလွဉ်ချိန်ႏနဝ်ꩻ တွမ်ႏငမ်းသꩻမွိုန်း။ ထာꩻစားနဝ်ꩻဖုံႏနဝ်ꩻ အီႏထွာလွဉ် ရီးဗာႏဒျာႏရင်ꩻသွူ။ ကွဲႏတွော့ꩻ နဝ်ꩻဖုံႏနဝ်ꩻ အသွတ်ꩻချိန်ႏ ဗော့ꩻလွဉ်လဲဉ်း မဉ်ရိုꩻနုဲင်းနဝ်ꩻ တမွေးတဝ်း” နုဲင်းနဝ်ꩻသွူ။
10ဝွေꩻဗွေႏဒေါ့ꩻသွုပ်၊ “တဒုံတွမ်ႏတဒုံ အီႏတွိုက်ꩻလို့ဝင်ꩻ။ တခမ်းထီတွမ်ႏ တခမ်းထီ အီႏတွိုက်ꩻလို့ဝင်ꩻနဝ်ꩻသွူ။ 11ဟဝ်ငမ်းခရာႏ ဟံႏအီႏတသွိုးသန်လွဉ်၊ ထာꩻအံႏမအံႏအဝ်တွမ်ႏ ကပ်ရောႏဂါႏဖုံႏ ထွာလွဥ် ခင်ႏလမ်း စွုမ်ႏထွောင်းသွူ။ ခမ်းထီမို့ꩻလောင်းနဝ်ꩻ ထာꩻထူꩻဆန်ꩻဖုံႏတွမ်ႏ ထာꩻငမ်းသꩻခရာႏဖုံႏနဝ်ꩻ အီႏပေါႏလွဉ်သွူ။ 12ခလားထာꩻယိုဖုံႏ ကားကအဝ်ႏ ကအီႏထွာလွဉ်နဝ်ꩻ သီအီႏခံႏဗာႏ ဝင်ꩻဆွမ်ꩻစွဉ်ႏ ထာꩻနစ်စက်သွူ။ အီႏကျံႏဆွမ်ꩻသီတွော့ꩻ အပ်သော့ꩻသီ တရာꩻစရွပ်ကိုတဲင် သော့ꩻသီထောင်ႏကိုသွူ။ ပွိုးခွေအတွက် သီနဝ်ꩻ အီႏခံႏဗာႏဟဲ့ꩻလွေꩻ ခွန်တန်ဖုံႏတွမ်ႏ အာႏဏာႏပဲင်ႏသားဖုံႏ ဆꩻငါနဝ်ꩻသွူ။ 13ကအီႏဒေါ့ꩻနယ်ဖေႏ သတင်ꩻဟဝ် ယိုနဝ်ꩻ အီႏထွာဒျာႏ သီအခွင်ꩻအရေꩻသွူ။ 14#လု ၁၂:၁၁၊ ၁၂။ သီအီႏဒေါ့ꩻ ရဲကာႏကွယ်ႏချာဗာႏ သီနမ်းတာႏ အချိန်ႏမဉ်ႏတွိုႏ ဖေႏကနန်းခီမွိုန်းနဝ်ꩻ အွဉ်ႏဆွော့ꩻဆွော့ꩻ ခါꩻရီးသွော့သီသꩻ၊၊ 15ပွိုးတွော့ꩻ သီရန်ႏသူႏဖုံႏ တဖြာꩻငါ ကပယ်ႏထိုꩻလꩻမွိုန်းသီ မဉ်ႏမွေးတဝ်း ဖေႏကဆန် ခုခံႏချာ သီထာꩻဒေါ့ꩻဖုံႏ ဖေႏကလꩻမွိုန်းနဝ်ꩻ ခွေအီႏဖေႏသီ ငဝ်းဖုံႏတွမ်ႏ ဉာဏ်ႏပညာႏဖုံႏသွူ။ 16သီမွိုးဖါဖုံႏ၊ သီဖူးခိုဝေးခိုဖုံႏ၊ သီဖူးဝေးစွိုးခွိုꩻဖုံႏ၊ တွမ်ႏသီသွꩻဖုံႏနဝ်ꩻ အီႏဆွမ်ꩻ အပ်ထိုꩻသီတဲင် သီအကို ယင်ဟန်ႏနဝ်ꩻ အီႏခံႏဗာႏ အမာꩻသီနဝ်ꩻသွူ။ 17ကွပ်ပွိုး ခွေအတွက် လိုꩻစွုမ်ႏဖြာꩻ အီႏလွꩻထီႏ သီသွူ။ 18ကွဲႏတွော့ꩻ ကလူꩻဖုံႏ အဝ်ႏသီကတူႏလောင်းနဝ်ꩻ တလီးငါတဲ့ အီႏတသွုမ်ꩻထိုꩻ ဗာႏတဝ်းသွူ။ 19အုံထွိုင်ႏတဉ်ႏတဉ်ႏ သွော့၊ နဝ်ꩻမꩻ သီအီႏကယ်ႏချာလꩻ သီနမ်းနဝ်ꩻသွူ။
ဗွေႏယေသျုဒေါ့ꩻဝေင်ꩻယေရုသလမ်ႏအီႏကုဲင်ပြင်ꩻခရာႏ
(မတဲ ၂၄:၁၅–၂၁။ မာကု ၁၃:၁၄–၁၉)
20“သီမဉ်ႏထီႏ ရန်ႏသူႏဖုံႏ ဝဲင်ꩻခူသွူ ဝေင်ꩻယေရုသလမ်ႏချိန်ႏနဝ်ꩻ တညတဝ်း ဝေင်ꩻနဝ်ꩻအီႏကုဲင်ထိုꩻနဝ်ꩻ သီအီႏသေဗာႏသွူ။ 21နဝ်ꩻထွူ လိုꩻကအဝ်ႏသော့ꩻ ယုဒခမ်းကိုသားဖုံႏနဝ်ꩻ ဖင်းညာꩻလွေꩻဗာႏ ကောင်ပူႏပေႏဖုံႏ လောင်းသွူ။ လိုꩻကအဝ်ႏသော့ꩻဒါႏ ဝေင်ꩻကိုဖုံႏနဝ်ꩻ အီႏထန်ႏထိုꩻဗာႏတဲင် လိုꩻကအဝ်ႏသော့ꩻဒါႏ ဒုံဖုံႏကိုသားနဝ်ꩻ နွို့သော့ꩻဗာႏတဝ်း ဝေင်ꩻကိုနဝ်ꩻသွူ။ 22#ဟောသျေ ၉:၇။ ပွိုးတွော့ꩻ လိုꩻဖုံႏအီႏခံႏဗာႏ ‘ထာꩻစီႏရင်ႏ အပဲစ်တံႏမွူးနီꩻ၊’ နုဲင်းလိတ်ကျမ်ꩻ ကရိုꩻနဝ်ꩻ အီႏဗွေမဲဉ်ႏလွဉ်နဝ်ꩻသွူ။ 23လိုꩻမူႏ အဝ်ႏနမ်းလောင်း သားတွမ်ႏ ပိုမွိုးနဲဉ်းသားဖုံႏတာႏ အနီꩻနဝ်ꩻဖုံႏ ယံꩻတွင်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ ထာꩻငမ်းသꩻ အီႏထဲ့လူး ခမ်းယိုလောင်းတဲင် ဗွေႏဘုရာꩻ ထာꩻစီႏရင်ႏနဝ်ꩻ အီႏထဲ့လူး လိုꩻစားယိုဖုံႏလောင်းသွူ။ 24ယင်ဟန်ႏသားနဝ်ꩻ အီႏခံႏဗာႏ မာꩻသီတွမ်ႏနꩻတဲင် အလင်ဖုံႏနဝ်ꩻ အီႏဟဲ့ꩻလွေꩻထိုꩻ ခမ်းထီဖုံႏ ကားကအဝ်ႏကို နုဲင်းထောင်ႏသားဖုံႏတွော့ꩻ ဗꩻတွိုႏစွဉ်ႏ ဝွေꩻသီးစိုး ကသွတ်ꩻထိုꩻနဝ်ꩻ ဘုရာꩻတရာꩻအဲဉ်ထဝ်းသားသားဖုံႏ အီႏယမ်း ဝေင်ꩻယေရုသလမ်ႏနဝ်ꩻသွူ။
လိုꩻပိုခိုအီႏကျွꩻလွဉ်
(မတဲ ၂၄:၂၉–၃၁။ မာကု ၁၃:၂၄–၂၇)
25 # ဟေသျာ ၁၃:၁၀၊ ဧသ ၃၂:၇၊ ယောလ ၂:၃၁၊ ဗျာ ၆:၁၂၊ ၁၃။ “မွူး၊ လာတွမ်ႏ ဆာႏဖုံႏ ကားကအဝ်ႏနဝ်ꩻ ထာꩻထူꩻဆန်ꩻဖုံႏ အီႏပေါႏလွဉ်သွူ။ ဟဝ်ငမ်းခရာႏ ပင်ႏလယ်ႏထီဖြေင်ꩻထာꩻ တွမ်ႏထီလဲင်ꩻဖုံႏ ထွိုင်ႏနဝ်ꩻမꩻ ဟံႏတန်လောင်း ခမ်းထီဖုံႏ ကားကအဝ်ႏနဝ်ꩻ အီႏထိုꩻမားထိုꩻသွူ။ 26ဟံႏတန်လောင်း ကအီႏဖျော်လွဉ်ဒါႏ ဘေꩻဖုံႏနဝ်ꩻ ဝွေꩻသီး အဝ်ႏမောင်ꩻတွော့ꩻ လိုꩻဖုံႏနဝ်ꩻ အာႏအီႏဆေ့ꩻတဲင် အီႏငမ်းသꩻထာꩻသွူ၊ ပွိုးမို့ꩻလောင်းကို တန်ꩻခိုꩻဖုံႏနဝ်ꩻ အဝ်ႏဝွေꩻသီး ခင်ႏလမ်း အီႏခံႏဗာႏ ဝါးထန်ႏထိုꩻသွူ။ 27#ဒံ ၇:၁၃၊ ဗျာ ၁:၇။ နဝ်ꩻထွူ လိုꩻပိုခိုနဝ်ꩻ စွဉ်ႏကတန်မျတ်ငါႏ တန်ꩻခိုꩻတွမ်ႏ ဘွုန်ꩻသရေႏတောႏနဝ်ꩻ၊ အီႏပေါႏလွဉ်တွော့ꩻ ကျွꩻလွဉ် မို့ꩻအေႏကိုနဝ်ꩻသွူ။ 28ထာꩻနဝ်ꩻဖုံႏ ထွိုင်ႏထွာလွဉ် စချိန်ႏနဝ်ꩻ အုံထွိုင်ႏတဲင် အွော့ꩻသွော့ သီကတူႏဖုံႏဟုဲင်း၊ ပွိုးတွော့ꩻ သီထာꩻကယ်ႏတင်ႏနဝ်ꩻ အဝ်ႏဗော့ꩻငါႏလဲဉ်း” နုဲင်းနဝ်ꩻသွူ။
သွဉ်ထူႏအီဖက်ꩻဒွိုႏဆꩻမွူး
(မတဲ ၂၄:၃၂–၃၅။ မာကု ၁၃:၂၈–၃၁)
29နဝ်ꩻထွူ ဗွေႏယေသျု ဒေါ့ꩻဖေႏဝွေꩻသီး စွဉ်ႏငဝ်းဥပမာႏ နုဲင်းယို။ “သင်ႏချင်ႏထွားသွော့ ဖက်ꩻဒွိုႏမွူးတွမ်ႏ သေင်ႏမွူးအလင်ဖုံႏ ကားကအဝ်ႏနဝ်ꩻဟုဲင်း။ 30သီထွိုင်ႏထီႏ အစော့ꩻလာႏ တတဲက်ꩻဆား ပေါႏထန်ႏလွဉ်ချိန်ႏ ခမ်းသဲင်ဗော့ꩻလွဥ်လဲဉ်းနဝ်ꩻ သီအဝ်ႏသေသွူ။ 31ဗွိုန်နုဲင်းနဝ်ꩻနေနေ သီထွိုင်ႏထီႏ ထာꩻနုဲင်းနဝ်ꩻဖုံႏ အဝ်ႏထွာလွဉ်ချိန်ႏ ဗွေႏဘုရာꩻခမ်းထီ အီႏတယ်ႏလွဉ်သွူနဝ်ꩻ သီအီႏသေဗာႏသွူ။
32“လိုꩻဖုံႏသက် အဝ်ႏမွန်နေကသား ခလားကသီထိုꩻလို့ ထာꩻနုဲင်းနဝ်ꩻဖုံႏ အီႏထွာလွဉ်နဝ်ꩻ တောင်ꩻခါꩻသွော့။ 33မို့ꩻတွမ်ႏ ဟံႏတန်ယို အီႏကုဲင်ထိုꩻ၊ ကွဲႏတွော့ꩻ ခွေငဝ်းဖုံႏနဝ်ꩻ မုဲင်ꩻခါတဲ့ အီႏတကုဲင်ထိုꩻဗာႏတဝ်းသွူ။
အဝ်ႏလိုႏအွဉ်ႏသတိအုံပွေါးထွား
34“သီနမ်း ဖေႏကထွာဗာႏမွိုန်း လိုꩻအံႏအွꩻတန်သားတွမ်ႏ ထာꩻနန်းခီသန် ဘဝယိုခါသားနဝ်ꩻ အွဉ်ႏသတိꩻသွော့၊ မဉ်ႏတမွေးတဝ်း ထာꩻစီႏရင်ႏအနီꩻနဝ်ꩻ ဆွမ်ꩻစွော့ꩻထိုꩻသီ၊ 35ဗွိုန်နုဲင်းထာꩻဒေါင် တဗာႏသွူ။ ပွိုးထာꩻဒေါင်နဝ်ꩻ အီႏလွဉ်လူး လိုꩻဖုံႏကားကအဝ်ႏ ဟံႏတန်လောင်း ခင်ႏလမ်းစွုမ်ႏထွောင်းသွူ။ 36ဖေႏသီအာႏကအဝ်ႏဗွေ ဖေႏကဖျတ်ကာႏ လွေꩻသော့ꩻဗာႏ ထာꩻကထွာလွဉ် နဝ်ꩻဖုံႏကားကအဝ်ႏတဲင် ဖေႏကအုံထွိုင်ႏနွောင်ꩻ လိုꩻပိုခိုဆꩻငါနဝ်ꩻ အွဉ်ႏသတိꩻ ပွေါးထွားတဲင် ဆုတောင်ꩻသေႏသေႏသွော့” နုဲင်းနဝ်ꩻသွူ။
37 #
လု ၁၉:၄၇။ အနီꩻနဝ်ꩻဖုံႏယံတွင်ꩻ ဗွေႏယေသျုအဝ်ႏ သွဉ်သင်သော့ꩻဖေႏ ဗိမာန်ႏတောႏ ကျောင်ꩻကိုတဲင် မွူးထွိုင်ႏဟာလွဉ်ချိန်ႏနဝ်ꩻ ဝွေꩻဗွေႏ လွေꩻအုံပဆား သံလွေင် ကောင်လောင်းနဝ်ꩻသွူ။ 38မွူးရဝ်ꩻခိုႏစဝ်းစဝ်း လိုꩻဖုံႏကားကအဝ်ႏ အီႏနာႏ ဝွေꩻဗွေႏတရာꩻဖုံႏနဝ်ꩻ အဝ်ႏလွေꩻ ဗိမာန်ႏတောႏကျောင်ꩻသွူ။
ទើបបានជ្រើសរើសហើយ៖
လုကာ 21: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 21
21
မဲမုဲင်းမူႏထာꩻလူႏ
(မာကု ၁၂:၄၁–၄၄)
1ဗွေႏယေသျု ထွားခူထာꩻတဲင် ထီႏဗာႏ လိုꩻခြွေချမ်ꩻသာႏဖုံႏ သော့ꩻဝွေꩻသီး ထာꩻလူႏ ဗိမာန်ႏတောႏကျောင်ꩻ ဘဏ္ဍာႏတွိုက်ကိုတဲင်၊ 2ဝွေꩻဗွေႏထီႏပါက မဲမုဲင်းမူႏ ကေန်ꩻခြောတဖြာꩻ သော့ꩻရွဉ်ယွဲ တောင်ꩻနီဗီႏနဝ်ꩻသွူ။ 3ဝွေꩻဗွေႏဒေါ့ꩻ၊ “ခွေဒေါ့ꩻဖေႏသီ၊ မဲမုဲင်းမူႏ ကေန်ꩻခြောယိုနဝ်ꩻ သော့ꩻလွိုလဲဉ်းက လိုꩻလင်ဖုံႏ ကားကအဝ်ႏသွူ။ 4ပွိုးလိုꩻလင်ဖုံႏ ကသော့ꩻဒါႏ ဝွေꩻသီး ထာꩻလူႏဖုံႏနဝ်ꩻ အဝ်ႏဝွေꩻသီး ထာꩻခြွေချမ်ꩻသာႏကို အမော့ꩻအနာဖုံႏလွုမ်ꩻသွူ။ ကွဲႏတွော့ꩻ မဲမုဲင်းမူႏ ကေန်ꩻခြောနဝ်ꩻ ဝွေꩻမူႏအသက် ကအီႏအဝ်ႏမွန် အီတာႏအကို ဝွေꩻမူႏဖေႏလို့လဲဉ်း” နုဲင်းနဝ်ꩻသွူ။
ဗွေႏယေသျုဒေါ့ꩻဗိမာန်ႏတောႏကျောင်ꩻအီႏကုဲင်ပြင်ꩻ
(မတဲ ၂၄:၁–၂။ မာကု ၁၃:၁–၂)
5ထွားဗိမာန်ႏတောႏကျောင်ꩻနဝ်ꩻ တင်ႏတယ်ႏ တရေꩻငါႏ ခွိုင်းကားမုဲင်ꩻ၊ စွဉ်ႏလုံးတူႏယံဖုံႏ စွဉ်ႏကလူႏ ပူႏဇောႏဖေႏဒါႏ ဗွေႏဘုရာꩻနဝ်ꩻ ယံငါႏ ခွိုင်းကားမုဲင်ꩻကျောင်ꩻ တပဲ့တောႏဖုံႏ ယင်ဟန်ႏ အဝ်ႏဒေါ့ꩻ အခရာႏသွူ။ ဗွေႏယေသျုဒေါ့ꩻ၊ 6“သီကထီႏဒါႏ ထာꩻယိုဖုံႏ ကားကအဝ်ႏနဝ်ꩻ လုံးတူႏတတူႏငါတဲ့ အီႏတအဝ်ႏချာတဝ်းဒွုမ် အခင်ႏလမ်း။ ကားကအဝ်ႏနဝ်ꩻ အီႏထဲ့လင်ꩻလလို့ထိုꩻဗာႏ အချိန်ႏ အီႏဖျော်လွဉ်” နုဲင်းနဝ်ꩻသွူ။
ထာꩻဒုက္ခစွဉ်ႏထာꩻနစ်စက်ဖုံႏ
(မတဲ ၂၄:၃–၁၄။ မာကု ၁၃:၃–၁၃)
7ဝွေꩻသီးရီ၊ “ဆရာႏ၊ ယိုနဝ်ꩻ အီႏထွာလွဉ် အချိန်ႏမုဲင်ꩻဟောင်း။ တဲင်နုဲင်းကအီႏထွာလွဉ်ဒါႏ အချိန်ႏနဝ်ꩻ အီႏအွဉ်ႏနယ် နိမိတ်လက္ခဏာႏ နုဲင်းမုဲင်ꩻဟောင်း” နုဲင်းနဝ်ꩻသွူ။
8ဗွေႏယေသျုဒေါ့ꩻ၊ “ဖေႏကလဲဉ်လꩻမွိုန်း သီနဝ်ꩻ အွဉ်ႏသတိꩻသွော့။ လိုꩻအာဖုံႏနဝ်ꩻ အီႏဟော်ꩻ ကေႏညာႏဖေႏ ခွေတာႏ၊ အီႏလွဉ်တဲင်ရိုꩻ၊ ‘ခွေနဝ်ꩻထွာ ဝွေꩻဗွေႏ၊’ နုဲင်းနဝ်ꩻနဝ်ꩻ အချိန်ႏအီႏဖျော်လွဉ်၊’ ကွဲႏတွော့ꩻ တွမ်ႏလွေꩻလွဉ်မွိုန်း ဝွေꩻသီး။ 9သီထွိုင်ႏဟွိုန် စဲ့ꩻပွယ်ꩻဖုံႏတွမ်ႏ ထာꩻသျွုတ်တရေင် ထွာလွဉ်ချိန်ႏနဝ်ꩻ တွမ်ႏငမ်းသꩻမွိုန်း။ ထာꩻစားနဝ်ꩻဖုံႏနဝ်ꩻ အီႏထွာလွဉ် ရီးဗာႏဒျာႏရင်ꩻသွူ။ ကွဲႏတွော့ꩻ နဝ်ꩻဖုံႏနဝ်ꩻ အသွတ်ꩻချိန်ႏ ဗော့ꩻလွဉ်လဲဉ်း မဉ်ရိုꩻနုဲင်းနဝ်ꩻ တမွေးတဝ်း” နုဲင်းနဝ်ꩻသွူ။
10ဝွေꩻဗွေႏဒေါ့ꩻသွုပ်၊ “တဒုံတွမ်ႏတဒုံ အီႏတွိုက်ꩻလို့ဝင်ꩻ။ တခမ်းထီတွမ်ႏ တခမ်းထီ အီႏတွိုက်ꩻလို့ဝင်ꩻနဝ်ꩻသွူ။ 11ဟဝ်ငမ်းခရာႏ ဟံႏအီႏတသွိုးသန်လွဉ်၊ ထာꩻအံႏမအံႏအဝ်တွမ်ႏ ကပ်ရောႏဂါႏဖုံႏ ထွာလွဥ် ခင်ႏလမ်း စွုမ်ႏထွောင်းသွူ။ ခမ်းထီမို့ꩻလောင်းနဝ်ꩻ ထာꩻထူꩻဆန်ꩻဖုံႏတွမ်ႏ ထာꩻငမ်းသꩻခရာႏဖုံႏနဝ်ꩻ အီႏပေါႏလွဉ်သွူ။ 12ခလားထာꩻယိုဖုံႏ ကားကအဝ်ႏ ကအီႏထွာလွဉ်နဝ်ꩻ သီအီႏခံႏဗာႏ ဝင်ꩻဆွမ်ꩻစွဉ်ႏ ထာꩻနစ်စက်သွူ။ အီႏကျံႏဆွမ်ꩻသီတွော့ꩻ အပ်သော့ꩻသီ တရာꩻစရွပ်ကိုတဲင် သော့ꩻသီထောင်ႏကိုသွူ။ ပွိုးခွေအတွက် သီနဝ်ꩻ အီႏခံႏဗာႏဟဲ့ꩻလွေꩻ ခွန်တန်ဖုံႏတွမ်ႏ အာႏဏာႏပဲင်ႏသားဖုံႏ ဆꩻငါနဝ်ꩻသွူ။ 13ကအီႏဒေါ့ꩻနယ်ဖေႏ သတင်ꩻဟဝ် ယိုနဝ်ꩻ အီႏထွာဒျာႏ သီအခွင်ꩻအရေꩻသွူ။ 14#လု ၁၂:၁၁၊ ၁၂။ သီအီႏဒေါ့ꩻ ရဲကာႏကွယ်ႏချာဗာႏ သီနမ်းတာႏ အချိန်ႏမဉ်ႏတွိုႏ ဖေႏကနန်းခီမွိုန်းနဝ်ꩻ အွဉ်ႏဆွော့ꩻဆွော့ꩻ ခါꩻရီးသွော့သီသꩻ၊၊ 15ပွိုးတွော့ꩻ သီရန်ႏသူႏဖုံႏ တဖြာꩻငါ ကပယ်ႏထိုꩻလꩻမွိုန်းသီ မဉ်ႏမွေးတဝ်း ဖေႏကဆန် ခုခံႏချာ သီထာꩻဒေါ့ꩻဖုံႏ ဖေႏကလꩻမွိုန်းနဝ်ꩻ ခွေအီႏဖေႏသီ ငဝ်းဖုံႏတွမ်ႏ ဉာဏ်ႏပညာႏဖုံႏသွူ။ 16သီမွိုးဖါဖုံႏ၊ သီဖူးခိုဝေးခိုဖုံႏ၊ သီဖူးဝေးစွိုးခွိုꩻဖုံႏ၊ တွမ်ႏသီသွꩻဖုံႏနဝ်ꩻ အီႏဆွမ်ꩻ အပ်ထိုꩻသီတဲင် သီအကို ယင်ဟန်ႏနဝ်ꩻ အီႏခံႏဗာႏ အမာꩻသီနဝ်ꩻသွူ။ 17ကွပ်ပွိုး ခွေအတွက် လိုꩻစွုမ်ႏဖြာꩻ အီႏလွꩻထီႏ သီသွူ။ 18ကွဲႏတွော့ꩻ ကလူꩻဖုံႏ အဝ်ႏသီကတူႏလောင်းနဝ်ꩻ တလီးငါတဲ့ အီႏတသွုမ်ꩻထိုꩻ ဗာႏတဝ်းသွူ။ 19အုံထွိုင်ႏတဉ်ႏတဉ်ႏ သွော့၊ နဝ်ꩻမꩻ သီအီႏကယ်ႏချာလꩻ သီနမ်းနဝ်ꩻသွူ။
ဗွေႏယေသျုဒေါ့ꩻဝေင်ꩻယေရုသလမ်ႏအီႏကုဲင်ပြင်ꩻခရာႏ
(မတဲ ၂၄:၁၅–၂၁။ မာကု ၁၃:၁၄–၁၉)
20“သီမဉ်ႏထီႏ ရန်ႏသူႏဖုံႏ ဝဲင်ꩻခူသွူ ဝေင်ꩻယေရုသလမ်ႏချိန်ႏနဝ်ꩻ တညတဝ်း ဝေင်ꩻနဝ်ꩻအီႏကုဲင်ထိုꩻနဝ်ꩻ သီအီႏသေဗာႏသွူ။ 21နဝ်ꩻထွူ လိုꩻကအဝ်ႏသော့ꩻ ယုဒခမ်းကိုသားဖုံႏနဝ်ꩻ ဖင်းညာꩻလွေꩻဗာႏ ကောင်ပူႏပေႏဖုံႏ လောင်းသွူ။ လိုꩻကအဝ်ႏသော့ꩻဒါႏ ဝေင်ꩻကိုဖုံႏနဝ်ꩻ အီႏထန်ႏထိုꩻဗာႏတဲင် လိုꩻကအဝ်ႏသော့ꩻဒါႏ ဒုံဖုံႏကိုသားနဝ်ꩻ နွို့သော့ꩻဗာႏတဝ်း ဝေင်ꩻကိုနဝ်ꩻသွူ။ 22#ဟောသျေ ၉:၇။ ပွိုးတွော့ꩻ လိုꩻဖုံႏအီႏခံႏဗာႏ ‘ထာꩻစီႏရင်ႏ အပဲစ်တံႏမွူးနီꩻ၊’ နုဲင်းလိတ်ကျမ်ꩻ ကရိုꩻနဝ်ꩻ အီႏဗွေမဲဉ်ႏလွဉ်နဝ်ꩻသွူ။ 23လိုꩻမူႏ အဝ်ႏနမ်းလောင်း သားတွမ်ႏ ပိုမွိုးနဲဉ်းသားဖုံႏတာႏ အနီꩻနဝ်ꩻဖုံႏ ယံꩻတွင်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ ထာꩻငမ်းသꩻ အီႏထဲ့လူး ခမ်းယိုလောင်းတဲင် ဗွေႏဘုရာꩻ ထာꩻစီႏရင်ႏနဝ်ꩻ အီႏထဲ့လူး လိုꩻစားယိုဖုံႏလောင်းသွူ။ 24ယင်ဟန်ႏသားနဝ်ꩻ အီႏခံႏဗာႏ မာꩻသီတွမ်ႏနꩻတဲင် အလင်ဖုံႏနဝ်ꩻ အီႏဟဲ့ꩻလွေꩻထိုꩻ ခမ်းထီဖုံႏ ကားကအဝ်ႏကို နုဲင်းထောင်ႏသားဖုံႏတွော့ꩻ ဗꩻတွိုႏစွဉ်ႏ ဝွေꩻသီးစိုး ကသွတ်ꩻထိုꩻနဝ်ꩻ ဘုရာꩻတရာꩻအဲဉ်ထဝ်းသားသားဖုံႏ အီႏယမ်း ဝေင်ꩻယေရုသလမ်ႏနဝ်ꩻသွူ။
လိုꩻပိုခိုအီႏကျွꩻလွဉ်
(မတဲ ၂၄:၂၉–၃၁။ မာကု ၁၃:၂၄–၂၇)
25 # ဟေသျာ ၁၃:၁၀၊ ဧသ ၃၂:၇၊ ယောလ ၂:၃၁၊ ဗျာ ၆:၁၂၊ ၁၃။ “မွူး၊ လာတွမ်ႏ ဆာႏဖုံႏ ကားကအဝ်ႏနဝ်ꩻ ထာꩻထူꩻဆန်ꩻဖုံႏ အီႏပေါႏလွဉ်သွူ။ ဟဝ်ငမ်းခရာႏ ပင်ႏလယ်ႏထီဖြေင်ꩻထာꩻ တွမ်ႏထီလဲင်ꩻဖုံႏ ထွိုင်ႏနဝ်ꩻမꩻ ဟံႏတန်လောင်း ခမ်းထီဖုံႏ ကားကအဝ်ႏနဝ်ꩻ အီႏထိုꩻမားထိုꩻသွူ။ 26ဟံႏတန်လောင်း ကအီႏဖျော်လွဉ်ဒါႏ ဘေꩻဖုံႏနဝ်ꩻ ဝွေꩻသီး အဝ်ႏမောင်ꩻတွော့ꩻ လိုꩻဖုံႏနဝ်ꩻ အာႏအီႏဆေ့ꩻတဲင် အီႏငမ်းသꩻထာꩻသွူ၊ ပွိုးမို့ꩻလောင်းကို တန်ꩻခိုꩻဖုံႏနဝ်ꩻ အဝ်ႏဝွေꩻသီး ခင်ႏလမ်း အီႏခံႏဗာႏ ဝါးထန်ႏထိုꩻသွူ။ 27#ဒံ ၇:၁၃၊ ဗျာ ၁:၇။ နဝ်ꩻထွူ လိုꩻပိုခိုနဝ်ꩻ စွဉ်ႏကတန်မျတ်ငါႏ တန်ꩻခိုꩻတွမ်ႏ ဘွုန်ꩻသရေႏတောႏနဝ်ꩻ၊ အီႏပေါႏလွဉ်တွော့ꩻ ကျွꩻလွဉ် မို့ꩻအေႏကိုနဝ်ꩻသွူ။ 28ထာꩻနဝ်ꩻဖုံႏ ထွိုင်ႏထွာလွဉ် စချိန်ႏနဝ်ꩻ အုံထွိုင်ႏတဲင် အွော့ꩻသွော့ သီကတူႏဖုံႏဟုဲင်း၊ ပွိုးတွော့ꩻ သီထာꩻကယ်ႏတင်ႏနဝ်ꩻ အဝ်ႏဗော့ꩻငါႏလဲဉ်း” နုဲင်းနဝ်ꩻသွူ။
သွဉ်ထူႏအီဖက်ꩻဒွိုႏဆꩻမွူး
(မတဲ ၂၄:၃၂–၃၅။ မာကု ၁၃:၂၈–၃၁)
29နဝ်ꩻထွူ ဗွေႏယေသျု ဒေါ့ꩻဖေႏဝွေꩻသီး စွဉ်ႏငဝ်းဥပမာႏ နုဲင်းယို။ “သင်ႏချင်ႏထွားသွော့ ဖက်ꩻဒွိုႏမွူးတွမ်ႏ သေင်ႏမွူးအလင်ဖုံႏ ကားကအဝ်ႏနဝ်ꩻဟုဲင်း။ 30သီထွိုင်ႏထီႏ အစော့ꩻလာႏ တတဲက်ꩻဆား ပေါႏထန်ႏလွဉ်ချိန်ႏ ခမ်းသဲင်ဗော့ꩻလွဥ်လဲဉ်းနဝ်ꩻ သီအဝ်ႏသေသွူ။ 31ဗွိုန်နုဲင်းနဝ်ꩻနေနေ သီထွိုင်ႏထီႏ ထာꩻနုဲင်းနဝ်ꩻဖုံႏ အဝ်ႏထွာလွဉ်ချိန်ႏ ဗွေႏဘုရာꩻခမ်းထီ အီႏတယ်ႏလွဉ်သွူနဝ်ꩻ သီအီႏသေဗာႏသွူ။
32“လိုꩻဖုံႏသက် အဝ်ႏမွန်နေကသား ခလားကသီထိုꩻလို့ ထာꩻနုဲင်းနဝ်ꩻဖုံႏ အီႏထွာလွဉ်နဝ်ꩻ တောင်ꩻခါꩻသွော့။ 33မို့ꩻတွမ်ႏ ဟံႏတန်ယို အီႏကုဲင်ထိုꩻ၊ ကွဲႏတွော့ꩻ ခွေငဝ်းဖုံႏနဝ်ꩻ မုဲင်ꩻခါတဲ့ အီႏတကုဲင်ထိုꩻဗာႏတဝ်းသွူ။
အဝ်ႏလိုႏအွဉ်ႏသတိအုံပွေါးထွား
34“သီနမ်း ဖေႏကထွာဗာႏမွိုန်း လိုꩻအံႏအွꩻတန်သားတွမ်ႏ ထာꩻနန်းခီသန် ဘဝယိုခါသားနဝ်ꩻ အွဉ်ႏသတိꩻသွော့၊ မဉ်ႏတမွေးတဝ်း ထာꩻစီႏရင်ႏအနီꩻနဝ်ꩻ ဆွမ်ꩻစွော့ꩻထိုꩻသီ၊ 35ဗွိုန်နုဲင်းထာꩻဒေါင် တဗာႏသွူ။ ပွိုးထာꩻဒေါင်နဝ်ꩻ အီႏလွဉ်လူး လိုꩻဖုံႏကားကအဝ်ႏ ဟံႏတန်လောင်း ခင်ႏလမ်းစွုမ်ႏထွောင်းသွူ။ 36ဖေႏသီအာႏကအဝ်ႏဗွေ ဖေႏကဖျတ်ကာႏ လွေꩻသော့ꩻဗာႏ ထာꩻကထွာလွဉ် နဝ်ꩻဖုံႏကားကအဝ်ႏတဲင် ဖေႏကအုံထွိုင်ႏနွောင်ꩻ လိုꩻပိုခိုဆꩻငါနဝ်ꩻ အွဉ်ႏသတိꩻ ပွေါးထွားတဲင် ဆုတောင်ꩻသေႏသေႏသွော့” နုဲင်းနဝ်ꩻသွူ။
37 #
လု ၁၉:၄၇။ အနီꩻနဝ်ꩻဖုံႏယံတွင်ꩻ ဗွေႏယေသျုအဝ်ႏ သွဉ်သင်သော့ꩻဖေႏ ဗိမာန်ႏတောႏ ကျောင်ꩻကိုတဲင် မွူးထွိုင်ႏဟာလွဉ်ချိန်ႏနဝ်ꩻ ဝွေꩻဗွေႏ လွေꩻအုံပဆား သံလွေင် ကောင်လောင်းနဝ်ꩻသွူ။ 38မွူးရဝ်ꩻခိုႏစဝ်းစဝ်း လိုꩻဖုံႏကားကအဝ်ႏ အီႏနာႏ ဝွေꩻဗွေႏတရာꩻဖုံႏနဝ်ꩻ အဝ်ႏလွေꩻ ဗိမာန်ႏတောႏကျောင်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.