လုကာ 22
22
ကျံႏမာꩻသီတေ့ꩻဗွေႏယေသျု
(မတဲ ၂၆:၁–၅။ မာကု ၁၄:၁–၂။ ယောဟန် ၁၁:၄၅–၅၃)
1 #
ထလ ၁၂:၁–၂၇။ ပွယ်ꩻအံႏတခိုး တမီႏပါဗာႏတဝ်း ကဟဲ့ꩻဒါႏပွယ်ꩻ ပတ္တခါချိန်ႏနဝ်ꩻ ဗော့ꩻလွဉ်လဲဉ်းသွူ။ 2ယဇ်ပရောဟိတ် တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻ အဝ်ႏငမ်းသꩻလိုꩻဖုံႏ၊ နဝ်ꩻမꩻဝွေꩻသီး ကအီႏမာꩻသီတေ့ꩻလꩻ ဗွေႏယေသျုနဝ်ꩻ အဝ်ႏကျိုꩻစာꩻ ထုမ်ႏအနယ်ꩻသွူ။
သစ္စာႏအီႏဖေါက်ဗွေႏယေသျုနဝ်ꩻယုဒသဘော်ꩻတူႏ
(မတဲ ၂၆:၁၄–၁၆။ မာကု ၁၄:၁၀–၁၁)
3နဝ်ꩻထွူ စာႏတန်ႏနွို့သော့ꩻ ယုဒကဟဲ့ꩻဒါႏ သျာကရုတ် ပါꩻကထွာ တမန်ႏတောႏဖုံႏ တဆီနီꩻဖြာꩻကို တဖြာꩻနဝ်ꩻသွူ။ 4နဝ်ꩻမꩻ ပွိုင်းဝွို့တွမ်ႏ ဝွေꩻသစ္စာႏ အီႏဖေါက် အပ်ဖေႏဝွေꩻသီး ဗွေႏယေသျု နုဲင်းမုဲင်ꩻခရာႏနဝ်ꩻ ယုဒထန်ႏလွေꩻတဲင် ဒေါ့ꩻရီ ယဇ်ပရောဟိတ်တန်ဖုံႏ တွမ်ႏဗိမာန်ႏတောႏ ကျောင်ꩻပွေါ အာႏဏာႏပဲင်ႏ လိုꩻတန်ဖုံႏသွူ။ 5ဝွေꩻသီး သꩻဟဝ်သꩻရေꩻငါႏတဲင် အီႏဖေႏဝွေꩻရွဉ်နဝ်ꩻသွူ။ 6ယုဒသဘော်ꩻတူႏတဲင် အီႏဆွမ်ꩻဗွေႏယေသျု အီႏအပ်ဖေႏ ဝွေꩻသီးတွော့ꩻ ပွိုင်းဝွို့စွဉ်ႏ ယိုခရာႏ ဖေႏနေးလိုꩻဖုံႏ ကသေဗာႏမွိုန်းနဝ်ꩻ ထုမ်ႏထွားစစွဉ်ႏ ချိန်ႏခါႏရော့ꩻသွူ။
ဗွေႏယေသျုဖျင်ရဲဉ်ꩻပတ္တခါထာꩻအံႏမွူးဟာခိုႏ
(မတဲ ၂၆:၁၇–၂၅။ မာကု ၁၄:၁၂–၂၁။ ယောဟန် ၁၃:၂၁–၃၀)
7အံႏတခိုးတမီႏ ပါဗာႏတဝ်း ပွယ်ꩻယံꩻတွင်ꩻ ကအီႏမာꩻသီ သွိုꩻပေႏ ပွယ်ꩻပတ္တခါတာႏ အနီꩻနဝ်ꩻ တွိုႏလွဉ်သွူ။ 8ဗွေႏယေသျု အွဉ်ႏစွꩻလွေꩻ ပေတရုတွမ်ႏ ယောဟန် စွဉ်ႏငဝ်းထွန်ႏ နုဲင်းယို၊ “နီအံႏတာႏနဝ်ꩻ လွေꩻတဲင်ဖျင်ရဲဉ်ꩻသေꩻမꩻ ပတ္တခါ ထာꩻအံႏဟုဲင်း” နုဲင်းနဝ်ꩻသွူ။
9ဝွေꩻသီးရီ ဝွေꩻဗွေႏ၊ “နီဗွေႏမဉ်အွဉ်ႏနီ လွေꩻဖျင်ရဲဉ်ꩻဖေႏ ခင်ႏလမ်းမုဲင်ꩻကိုဟောင်း” နုဲင်းနဝ်ꩻသွူ။
10ဝွေꩻဗွေႏလဝ်းချာ၊ “နုဲင်းသီကလွေꩻနွို့သော့ꩻ ဝေင်ꩻကိုနဝ်ꩻ သီအီႏမော့ꩻခွဲ ပါꩻတဖြာꩻ အဝ်ႏထမ်ႏသဲင်ꩻ ထီအဲင်ႏတဖြုံႏသွူ။ ဝွေꩻကနွို့သော့ꩻလမ်းနဝ်ꩻ နွို့သဲင်ꩻလွဉ်ꩻတဲင်၊ 11ရိုꩻဖေႏသွော့ လမ်းဗွေႏနဝ်ꩻ၊ ‘ဆရာႏရိုꩻဖေႏနာꩻ ခွေတပဲ့ဖုံႏတွမ်ႏ ခွေကအီႏအံႏ ပွယ်ꩻပတ္တခါထာꩻအံႏ အခန်ꩻနဝ်ꩻ အဝ်ႏမုဲင်ꩻကိုဟောင်း’ နုဲင်းနဝ်ꩻနဝ်ꩻသွူ။ 12ဝွေꩻအီႏအွဉ်ႏနယ်သီ အခန်ꩻလုဲင်း အထပ်ကီ၊ သီအီႏဖျင်ရဲဉ်ꩻဖေႏဗာႏ ခင်ႏလမ်းနဝ်ꩻကို” နုဲင်းနဝ်ꩻသွူ။
13ဝွေꩻသီး ထန်ႏလွေꩻတဲင် နုဲင်းဗွေႏယေသျု ကဒေါ့ꩻနယ်လဲဉ်း ဝွေꩻသီးအတွိုင်ꩻနဝ်ꩻ မော့ꩻစွဉ်ႏတဲင် ဝွေꩻသီး ဖျင်ရဲဉ်ꩻစွဉ်ႏ ပတ္တခါထာꩻအံႏနဝ်ꩻသွူ။
ဗွေႏဘုရာꩻထာꩻအံႏပွယ်ꩻတောႏ
(မတဲ ၂၆:၂၆–၃၀။ မာကု ၁၄:၂၂–၂၆။ ၁ကောရိန္တု ၁၁:၂၃–၂၅)
14အချိန်ႏနားရီႏ ထွိုင်ႏတွိုႏလွဉ်နဝ်ꩻ ဗွေႏယေသျုတွမ်ႏ အတမန်ႏတောဖုံႏ ထူႏခင်ႏလမ်းအုံ ထာꩻအံႏခွုံႏထျꩻနဝ်ꩻသွူ။ 15ဝွေꩻဗွေႏမိန်းဖေႏ ဝွေꩻသီး၊ “ခလား ခွေကခံႏဗာႏ ထာꩻဒုက္ခနဝ်ꩻ ပွယ်ꩻပတ္တခါယို ခွေမဉ်အံႏငါႏ တွမ်ႏသီ။ 16ခွေအွဉ်ႏဒေါ့ꩻနယ်သီ ဗꩻတွိုႏစွဉ်ႏ ကဖေႏပွယ်ꩻပတ္တခါ အဓိပ္ပါယ်ႏ ဗွေသော့ꩻ ဗွေႏဘုရာꩻ ခမ်းထီကိုနဝ်ꩻ မုဲင်ꩻခါတဲ့ ခွေအီႏတအံႏဗာႏတဝ်းဒွုမ် ပတ္တခါထာꩻအံႏ” နုဲင်းနဝ်ꩻသွူ။
17နဝ်ꩻထွူ ဗွေႏယေသျု ထူႏတကောက်ꩻ အုပ်ꩻထင်ႏ ဗွေႏဘုရာꩻဂွုဏ်ႏကေꩻဇူꩻတောႏတဲင်ဒေါ့ꩻ၊ “ထူႏတကောက်ꩻယိုတွော့ꩻ ဖန်းဝေႏဖေႏသွော့ သီအကိုဟုဲင်း။ 18ခွေဒေါ့ꩻဖေႏသီ၊ တယ်ႏယိုခါ ဗꩻတွိုႏ ဗွေႏဘုရာꩻခမ်းထီ ကတယ်ႏလွဉ်နဝ်ꩻ ခွေအီႏတအွꩻဗာႏတဝ်းဒွုမ် ဝုဲင်ယို” နုဲင်းနဝ်ꩻသွူ။
19နဝ်ꩻထွူ ဝွေꩻဗွေႏထူႏတခိုး အုပ်ꩻထင်ႏ ဗွေႏဘုရာꩻ ဂွုဏ်ႏကေꩻဇူꩻတောႏ အဲ့ꩻတခိုးတဲင် ဖေႏဝွေꩻသီးတွော့ꩻရိုꩻ၊ “ယိုနဝ်ꩻထွာ ခွေရုပ်ခန္ဓာႏ ကဖေႏဒါႏသီတာႏ၊ ယူႏလꩻသေနန်းခွေတွော့ꩻ မာꩻသွော့နုဲင်းယို” နုဲင်းနဝ်ꩻသွူ။ 20#ယေ ၃၁:၃၁–၃၄။ ဗွိုန်နုဲင်းနဝ်ꩻနေနေ အံႏထာꩻအံႏမွူးဟာထွူ ဝွေꩻဗွေႏဖေႏ ဝွေꩻသီး တကောက်ꩻတဲင်ရိုꩻ၊ “တကောက်ꩻယိုနဝ်ꩻ ထွာဗွေႏဘုရာꩻ အပဋိညာဉ်ႏတသာ တွမ်ႏခွေသွီႏ ကတောက်ꩻသေꩻခါꩻ စွုမ်ႏတံꩻဆိပ်၊ ကထောက်ꩻဖေႏလဲဉ်း သီတာႏနဝ်ꩻသွူ။
21 #
သာ ၄၁:၉။ “ကွဲႏတွော့ꩻ ထွားဟုဲင်း၊ ပါꩻအဖြာꩻ သစ္စာႏကအီႏဖေါက်ခွေနဝ်ꩻ အဝ်ႏငီꩻ စွဉ်ႏခွေထာꩻအံႏခွုံႏထျꩻယို။ 22နုဲင်းဗွေႏဘုရာꩻ အလိုꩻတောႏ အတွိုင်ꩻ လိုꩻပိုခိုနဝ်ꩻ အီႏသီ။ ကွဲႏတွော့ꩻ ပါꩻသစ္စာႏကဖေါက်ဒါႏခွေ ပါꩻခိုနဝ်ꩻတာႏနဝ်ꩻ အမင်္ဂလာႏအဝ်ႏငါႏ ခွိုင်းကားမုဲင်ꩻ” နုဲင်းနဝ်ꩻသွူ။
23တွိုႏနဝ်ꩻ ဝွေꩻသီးအကို တဖြာꩻတွမ်ႏတဖြာꩻ စတဲင်ရီစွဉ်ႏလို့ဝင်ꩻ အီႏမာꩻထာꩻနုဲင်းယိုနဝ်ꩻ ဝွေꩻသီးအကို အီႏထွာအဖြာꩻမုဲင်ꩻ နုဲင်းနဝ်ꩻသွူ။
ပွိုင်းဝွို့တွမ်ႏအတန်သွတ်ꩻခရာႏနဝ်ꩻထေင်ငဝ်းအာလို့ဝင်ꩻ
24 #
မ ၁၈:၁၊ မာ ၉:၃၄၊ လု ၉:၄၆။ နုဲင်းဝွေꩻသီးအကို ထင်းအဖြာꩻမုဲင်ꩻ အီႏထွာထွိုက် အတန်သွတ်ꩻနဝ်ꩻ တပဲ့တောႏဖုံႏ အချင်ꩻချင်ꩻ ထေင်ငဝ်းအာအီလို့ဝင်ꩻသွူ။ 25#မ ၂၀:၂၅–၂၇၊ မာ ၁၀:၄၂–၄၄။ ဗွေႏယေသျု ဒေါ့ꩻဖေႏဝွေꩻသီး၊ “လောကဟံႏတန် ခွန်တန်ဖုံႏနဝ်ꩻ အာႏဏာႏတန်ꩻခိုꩻအဝ်ႏ ဝွေꩻသီး အလိုꩻဖုံႏလောင်းတဲင် အာႏဏာႏပဲင်ႏသားဖုံႏနဝ်ꩻ ထူႏချာဒျာႏဂွုဏ်ႏသရေႏ၊ ‘အသွꩻဖုံႏတွမ်ႏ လိုꩻဖုံႏလောင်း’။ 26#မ ၂၃:၁၁၊ မာ ၉:၃၅။ ကွဲႏတွော့ꩻ သီနဝ်ꩻ တွမ်ႏမာꩻမွိုန်း အနယ်ꩻနုဲင်းနဝ်ꩻဟုဲင်း။ သီအကို ကထွာ အတန်သွတ်ꩻသားနဝ်ꩻ အီႏဗွိုန်နုဲင်းဗာႏဒျာႏ အပေႏသွတ်ꩻသားတဲင် လိုꩻတန်ခေါင်းဆောင်နဝ်ꩻ ဗွိုန်နုဲင်းဗာႏ သွဉ်းသွူ။ 27#ယော ၁၃:၁၂–၁၅။ ပါꩻအဖြာꩻ ကအုံလင်ꩻအံႏ ထာꩻအံႏခွုံႏထျꩻ မဉ်ႏတမွေးတဝ်း အဖြာꩻ ကလွူးတဲင် ဖေႏသားနဝ်ꩻ အဖြာꩻမုဲင်ꩻဟောင်း။ အဖြာꩻကအုံလင်ꩻအံႏ ထာꩻအံႏဒျာႏသွူ။ ကွဲႏတွော့ꩻ သီအကို အဖြာꩻ ကထွာဒါႏသွဉ်းနဝ်ꩻ ထွာခွေဒျာႏသွူ။
28“ခွေထာꩻဒုက္ခဖုံႏ ကားကအဝ်ႏနဝ်ꩻ သီအဝ်ႏခံႏငီꩻဗာႏ တွမ်ႏခွေသွူ။ 29တဲင်နုဲင်းခွေဖါ ကဖေႏလဲဉ်းဒါႏခွေ အုပ်စိုꩻခွင်ꩻအတွိုင်ꩻ၊ နဝ်ꩻမꩻ ဗွိုန်နုဲင်း အခွင်ꩻအရေꩻနဝ်ꩻနဝ်ꩻ ခွေအီႏဖေႏသီသွူ။ 30#မ ၁၉:၂၈။ သီအီႏအံႏအွꩻဗာႏ ခွေထာꩻအံႏခွုံႏလောင်း ခွေခမ်းထီကိုတဲင် သီအီႏအုံလင်ꩻဗာႏပလ္လင်ႏ ကအီႏအုပ်စိုꩻဒါႏ ဣသရေးစွိုးခွိုꩻ တဆီနီꩻခွိုꩻနဝ်ꩻသွူ။
ပေတရုအီႏပယ်ႏနဝ်ꩻဗွေႏယေသျုဟော်ꩻရီး
(မတဲ ၂၆:၃၁–၃၅။ မာကု ၁၄:၂၇–၃၁။ ယောဟန် ၁၃:၃၆–၃၈)
31“သိမုန်၊ သိမုန်နာႏသွော့။ ဗွိုန်နုဲင်းလုဲင်းသား ကဝင်းထန်ႏထိုꩻ ဗွူသိုႏ ဗွူဆꩻကိုအတွိုင်ꩻ အီႏစမ်ꩻထွားသီ ကားကအဝ်ႏ အဝ်ႏအကုဲင်ကို ဖထန်ႏထိုꩻ အဟဝ်နဝ်ꩻ စာႏတန်ႏလꩻလဲဉ်း အခွင်ꩻသွူ။ 32ကွဲႏတွော့ꩻ သိမုန်၊ နာꩻထာꩻယွုမ်း ဖေႏက ထဲ့ထိုꩻမွိုန်းနဝ်ꩻ ခွေအဝ်ႏဆုတောင်ꩻဖေႏသွူ။ နာꩻထွိုင်ႏသဲင်ꩻချာ ခွေထျꩻချိန်ႏ နာꩻအီႏဖေႏအာႏဗာႏ နာꩻဖူးဝေးဖုံႏ” နုဲင်းနဝ်ꩻသွူ။
33ပေတရုလဝ်းချာ၊ “ဗွေႏ၊ အီႏလွေꩻငီꩻစွဉ်ႏ နီဗွေႏထောင်ႏကိုတဲင် အီႏသီငီꩻစွဉ်ႏ နီဗွေႏနဝ်ꩻ ခွေအဝ်ႏဖျင်ရဲဉ်ꩻ သေꩻမꩻလဲဉ်း” နုဲင်းနဝ်ꩻသွူ။
34ဗွေႏယေသျုဒေါ့ꩻချာ၊ “ပေတရု၊ ခွေဒေါ့ꩻဖေႏနာꩻ၊ ဟန်ႏနာꩻယို ခလား ဆျာထီးကအူႏနဝ်ꩻ နာꩻအီႏရိုꩻ နာꩻသေငါꩻတဝ်းခွေ ဗꩻတွိုႏသွံလဲင်ႏ” နုဲင်းနဝ်ꩻသွူ။
တောင်ပဲင်း၊တောင်းပွိုတွမ်ႏနꩻလျော်ꩻ
35 # မ ၁၀:၉၊၁၀၊ မာ ၆:၈၊ ၉၊ လု ၉:၃၊ ၁၀:၄။ နဝ်ꩻထွူ ဗွေႏယေသျုရီ ဝွေꩻဗွေႏ တပဲ့တောႏဖုံႏ၊ “ခွေကအွဉ်ႏစွꩻထန်ႏ သီချိန်ႏနဝ်ꩻ ရွဉ်တောင်ပဲင်း၊ တောင်းပွိုလား မဉ်ႏမွေးတဝ်း ခင်ႏဖါႏဆုပ်ꩻ တပါတဝ်းနဝ်ꩻ သီအဝ်ႏလိုႏနေက တစွိုးစွိုးဟောင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “အဝ်ႏလိုႏတဝ်း တစွိုးစွိုး” နုဲင်းနဝ်ꩻသွူ။
36ဗွေႏယေသျုဒေါ့ꩻ၊ “ကွဲႏတွော့ꩻ ယိုခါ ပါꩻမုဲင်ꩻရွဉ်တောင်ပဲင်း မဉ်ႏမွေးတဝ်း တောင်းပွိုလား မဉ်ႏအဝ်ႏတဲ့ ထူႏလွေꩻပါဗာႏ။ တဲင်ပါꩻမုဲင်ꩻနꩻလျော်ꩻ မဉ်ႏအဲဉ်ထဝ်းနဝ်ꩻ စာဗာႏ ဝွေꩻဆဲင်ꩻတန်တွော့ꩻ ဖြေꩻသွော့ တဗာႏဟုဲင်း။ 37#ဟေသျာ ၅၃:၁၂။ ခွေဒေါ့ꩻဖေႏသီ ပွိုးလိတ်ကျမ်ꩻနဝ်ꩻရိုꩻ၊ ‘ဝွေꩻနဝ်ꩻ အီႏခံႏစာꩻဗွိုန်ဗာႏ အပဲစ်သားတဖြာꩻ ကံႏကျမ္မာႏ’ နုဲင်းနဝ်ꩻနဝ်ꩻ ဗွေမဲဉ်ႏလွဉ် ခွေယိုသွူ။ ကွပ်ပွိုး နုဲင်းကအဝ်ႏတဲမ်းဒါႏ ခွေခရာႏနဝ်ꩻ ဗွေမဲဉ်ႏလွဉ်” နုဲင်းနဝ်ꩻသွူ။
38တပဲ့တောႏဖုံႏဒေါ့ꩻ၊ “ထွားဟုဲင်း၊ ယိုနꩻအဝ်ႏလဲဉ်းသွူ နီဗာႏ၊ ဗွေႏ” နုဲင်းနဝ်ꩻသွူ။
ဝွေꩻဗွေႏလဝ်းချာ၊“နဝ်ꩻနဝ်ꩻ လုမ်းလဲဉ်း” နုဲင်းနဝ်ꩻသွူ။
ဗွေႏယေသျုဆုတောင်ꩻကောင်သံလွေင်လောင်း
(မတဲ ၂၆:၃၆–၄၆။ မာကု ၁၄:၃၂–၄၂)
39ဗွေႏယေသျု အဝ်ႏဝေင်ꩻထန်ႏတဲင် လွေꩻထိုꩻ နုဲင်းဝွေꩻဗွေႏ ကအဝ်ႏလွေꩻသေႏသေႏ ကောင်သံလွေင်လောင်းတဲင် တပဲ့တောႏဖုံႏ လွေꩻလွဉ်ꩻစွဉ်ႏ ဝွေꩻဗွေႏသွူ။ 40ဝွေꩻဗွေႏ ထွိုင်ႏဖျော် ခင်ႏလမ်ႏနဝ်ꩻချိန်ႏ ဝွေꩻဗွေႏဒေါ့ꩻဖေႏ ဝွေꩻသီး၊ “ဖေႏသီကထဲ့သော့ꩻမွိုန်း ထာꩻသွေꩻကုဲင်ကိုနဝ်ꩻ ဆုတောင်ꩻသွော့” နုဲင်းနဝ်ꩻသွူ။
41နဝ်ꩻထွူ ဝွေꩻဗွေႏထန်ႏလွေꩻ လုံးတဝွတ်ရပ်တဲင် အုံထောက်လင်ꩻတွော့ꩻ ဆုတောင်ꩻနဝ်ꩻသွူ။ 42ဝွေꩻဗွေႏဆုတောင်ꩻ “အွိုးဖါ၊ နီဖါအလိုႏမဉ်ႏအဝ်ႏနဝ်ꩻ ထာꩻဒုက္ခဝေႏဒနာႏ တကောက်ꩻယို အဝ်ႏခွေထျꩻ ထူႏညာꩻထိုꩻဖေႏမွိုင်၊ ကွဲႏတွော့ꩻ ဖေႏကထွာမွိုန်း ခွေအလိုႏ၊ ဖေႏကထွာသွော့ နီဖါအလိုႏတောႏ” နုဲင်းနဝ်ꩻသွူ။ 43မို့ꩻလောင်း တမန်ႏတပါꩻ အဝ်ႏခမ်းထီမို့ꩻလောင်း ပေါႏလွဉ် ဝွေꩻဗွေႏထျꩻတဲင် ဖေႏအာႏဝွေꩻဗွေႏသွူ။ 44ဝွေꩻဗွေႏ အဝ်ႏခံႏစာꩻဗာႏ သန်မွေး သꩻဒုက္ခတဲင် ဆုတောင်ꩻတွမ်ႏ သꩻအာႏတလာသန် နဝ်ꩻမꩻ ဝွေꩻဗွေႏကသိုꩻထန်ႏ ဗွိုန်နုဲင်း သွီႏဗဲက်ꩻလင်ꩻ ဟံႏလောင်းနဝ်ꩻသွူ။
45ဝွေꩻဗွေႏ အဝ်ႏဆုတောင်ꩻ ထွိုင်ႏသဲင်ꩻလွဉ်ထေ့ တပဲ့တောႏဖုံႏထျꩻနဝ်ꩻ ထီႏဝွေꩻသီး အဝ်ႏတွမ်ႏသꩻပေႏသꩻကုဲင် အဝ်ႏဗေင်ႏအွီႏဒျာႏ ထာꩻဖုံႏနဝ်ꩻသွူ။ 46ဝွေꩻဗွေႏဒေါ့ꩻဖေႏ ဝွေꩻသီး၊ “ပွိုးတမုဲင်ꩻ သီအဝ်ႏဗေင်ႏအွီႏ ဒျာႏထာꩻဖုံႏဟောင်း။ ထွိုင်ႏတဲင် ဖေႏသီကထဲ့ သော့ꩻဗာႏမွိုန်း ထာꩻသွေꩻကုဲင်ကိုနဝ်ꩻ ဆုတောင်ꩻသွော့” နုဲင်းနဝ်ꩻသွူ။
ဆွမ်ꩻဗွေႏယေသျု
(မတဲ ၂၆:၄၇–၅၆။ မာကု ၁၄:၄၃–၅၀။ ယောဟန် ၁၈:၃–၁၁)
47ဗွေႏယေသျု အဝ်ႏဒေါ့ꩻနေကချိန်ႏ လိုꩻတစွိုꩻ ဖျော်လွဉ်တဲင် တပဲ့တောႏ တဆီနီဖြာꩻကို တဖြာꩻ ကထွာ ယုဒနဝ်ꩻ အဝ်ႏအွဉ်လွဉ်သွူ။ ဝွေꩻလွဉ်ထေ့ ဗွေႏယေသျုထျꩻတဲင် နို့ꩻစွဉ်ႏဝွေꩻဗွေႏနဝ်ꩻသွူ။ 48ကွဲႏတွော့ꩻ ဗွေႏယေသျုဒေါ့ꩻ၊ “ယုဒ၊ စွဉ်ႏနာꩻထာꩻနို့ꩻနဝ်ꩻ သစ္စာႏအဝ်ႏဖေါက်လဲဉ်း လိုꩻပိုခို မွေးတဝ်းဟောင်း” နုဲင်းနဝ်ꩻသွူ။
49ထွာထာꩻနုဲင်းနဝ်ꩻနဝ်ꩻ တပဲ့တောႏဖုံႏ ကအဝ်ႏငီꩻဒါႏတွမ်ႏ ဗွေႏယေသျုထွိုင်ႏထီႏ ဝွေꩻသီးရီ၊ “ဗွေႏ၊ နီအီႏသွုံꩻအီဗာႏတွမ်ႏ နီနꩻဟောင်း” နုဲင်းနဝ်ꩻသွူ။ 50တဲင်ဝွေꩻသီးကို တဖြာꩻနဝ်ꩻ ဖဲ့ꩻဗက်ꩻထိုꩻစွဉ်ႏ ယဇ်ပရောဟိတ်တဖြာꩻ အသွဉ်းတဲင် ဝွေꩻနားလာႏဖဲ့ꩻထွေ တပစ်ꩻထိုꩻစွဉ်ႏသွူ။
51ကွဲႏတွော့ꩻ ဗွေႏယေသျုဒေါ့ꩻ၊ “ယိုနဝ်ꩻ အွဉ်ႏထွူထိုꩻခန်း” နုဲင်းနဝ်ꩻတဲင် ဝွေꩻဗွေႏစွဉ်ႏစူ ခွေါင်းပါꩻခိုနဝ်ꩻ အနားလာႏတဲင် လုမ်ꩻလာꩻဟဝ်ဖေႏ ဝွေꩻနဝ်ꩻသွူ။
52နဝ်ꩻထွူ ဗွေႏယေသျု ဒေါ့ꩻဖေႏ ယဇ်ပရောဟိတ်တန်ဖုံႏ၊ ဗိမာန်ႏတောႏကျောင်ꩻပွေါး လိုꩻတန်ဖုံႏတွမ်ႏ လိုꩻတန် ကလွဉ်ဆွမ်ꩻ ဝွေꩻဗွေႏသားဖုံႏ၊ “သီလွဉ်ပဉ်စွိုꩻစွိုꩻ တွမ်ႏနꩻဖုံႏ၊ ခွဉ်းတွီးတဲင် ခွေနဝ်ꩻ နုဲင်းစွဉ်ႏထွာ အမုပဲစ်သားတဖြာꩻ နုဲင်းမုဲင်ꩻဟောင်း။ 53#လု ၁၉:၄၇၊ ၂၁:၃၇။ ခွေအဝ်ႏငီꩻစွဉ်ႏသီ ဗိမာန်ႏတောႏ ကျောင်ꩻကို စွုမ်ႏနီꩻနီꩻတဲင် သီတဆွမ်ꩻတဝ်းခွေသွူ။ ကွဲႏတွော့ꩻ အချိန်ႏယိုနဝ်ꩻ ထွာသီထာꩻမာꩻချိန်ႏ၊ ထာꩻခေ့ꩻရစ်ꩻ တန်ꩻခိုꩻအုပ်စိုꩻချိန်ႏသွူ။
ပေတရုပယ်ႏဗွေႏယေသျု
(မတဲ ၂၆:၅၇–၅၈၊၆၉-၇၅။ မာကု ၁၄:၅၃–၅၄၊၆၆-၇၂။ ယောဟန် ၁၈:၁၂–၁၈၊၂၅-၂၇)
54ဝွေꩻသီးဆွမ်ꩻ ဗွေႏယေသျုတဲင် ဟဲ့ꩻလွေꩻညာꩻစွဉ်ႏ ဝွေꩻဗွေႏ ယဇ်ပရောဟိတ်ခွန်တန် အလမ်းတဲင် ပေတရု အဝ်ႏလွေꩻလွဉ်ꩻ ညာꩻနေး ဆꩻချာသွူ။ 55ယဇ်ပရောဟိတ်လမ်း ပတ္တဝွိုင်ꩻကဲဉ်ကိုနဝ်ꩻ အဝ်ႏအူသေꩻခါꩻ မေႏတပြုန်ႏတဲင် ပေတရုအဝ်ႏအုံစို့ꩻငီꩻ လိုꩻကအဝ်ႏအုံလင်ꩻခူဒါႏ မေႏနဝ်ꩻသွူ။ 56ယဇ်ပရောဟိတ် အသွဉ်းမူႏတဖြာꩻ ထွိုင်ႏထီႏဝွေꩻ အဝ်ႏအုံလင်ꩻစို့ꩻမေႏ နဝ်ꩻကိုနဝ်ꩻ ပါꩻမူႏထွားစဲင်းဝွေꩻ တဲင်ဒေါ့ꩻ၊ “ပါꩻခိုယိုနဝ်ꩻတဲ့ အဝ်ႏပါငီꩻစွဉ်ႏ ယေသျု” နုဲင်းနဝ်ꩻသွူ။
57ကွဲႏတွော့ꩻ ပေတရု တစူꩻတဝ်း၊ “ပါꩻမူႏနဝ်ꩻ၊ ခွေတသေငါꩻတဝ်းဝွေꩻ” နုဲင်းနဝ်ꩻသွူ။
58အုံတဆင်ႏထွူ ပါꩻခိုတဖြာꩻ ရိက်လꩻ ပေတရုတဲင်ဒေါ့ꩻ၊ “နာꩻနဝ်ꩻတဲ့ အဝ်ႏပါသော့ꩻ ဝွေꩻသီးကို တဖြာꩻနေနေ” နုဲင်းနဝ်ꩻသွူ။
ကွဲႏတွော့ꩻ ပေတရုလဝ်းချာ၊ “ပါꩻနဝ်ꩻ၊ ခွေတမွေးတဝ်း” နုဲင်းနဝ်ꩻသွူ။
59ထွိုင်ႏညတနားရီႏရပ် ပါꩻခိုအလင်တဖြာꩻ ဒေါ့ꩻခြေင်းမွေးနေးစွဥ်ႏ၊ “ပါꩻခိုယို အဝ်ႏငီꩻစွဉ်ႏ ယေသျုနဝ်ꩻ ယူႏမာႏခရာႏ အဲဉ်ထဝ်း၊ ပွိုးတွော့ꩻ ဝွေꩻနဝ်ꩻတဲ့ အဝ်ႏထွာ လိုꩻကာလိလဲ တဖြာꩻဒျာႏနေနေ” နုဲင်းနဝ်ꩻသွူ။
60ကွဲႏတွော့ꩻ ပေတရုလဝ်းချာ၊ “ပါꩻနဝ်ꩻ၊ နာꩻဒေါ့ꩻတမုဲင်ꩻခရာႏနဝ်ꩻ ခွေတသေတဝ်း” နုဲင်းနဝ်ꩻသွူ။
ဝွေꩻအဝ်ႏဒေါ့ꩻ နေကကျာꩻနဝ်ꩻ တလဲင်ႏချင်ꩻ ဆျာထီးတဗာႏ အူႏစွဉ်ႏထာꩻသွူ။ 61ဗွေႏဘုရာꩻ ခွယ်ႏလဲ့တဲင် ထွားစွို့ꩻလွေꩻ ပေတရုတွော့ꩻ နုဲင်းဗွေႏဘုရာꩻ ကဒေါ့ꩻဖေႏလဲဉ်းဒါႏဝွေꩻနဝ်ꩻ ပေတရုယူႏလꩻချာ၊ “ခလားဆျာထီးကအူႏနဝ်ꩻ နာꩻအီႏရိုꩻ နာꩻသေငါꩻတဝ်းခွေ သွံလဲင်ႏ” နုဲင်းနဝ်ꩻသွူ။ 62ပေတရုထန်ႏလွေꩻတဲင် ငွိုးအွီႏ မွေးနေးစွဉ်ႏထာꩻနဝ်ꩻသွူ။
သဲ့ꩻသွမ်ꩻတွော့ꩻတွဲႏဗွေႏယေသျု
(မတဲ ၂၆:၆၇–၆၈။ မာကု ၁၄:၆၅)
63ပါꩻခိုဖုံႏ ကအဝ်ႏအုံပွေါးရံႏဒါႏ ဗွေႏယေသျုသားနဝ်ꩻ သဲ့ꩻသွမ်ꩻဝွေꩻဗွေႏတဲင် တွဲႏစွဉ်ႏဝွေꩻဗွေႏနဝ်ꩻသွူ။ 64ဝွေꩻသီးပေ့ꩻ ဝွေꩻဗွေႏမဲ့တဲင် ရီဝွေꩻဗွေႏ၊“ ထင်းစမ်ꩻမွိုင်၊ ပါꩻမုဲင်ꩻတွဲႏနာꩻဟောင်း” နုဲင်းနဝ်ꩻသွူ။ 65ဝွေꩻသီး ဒေါ့ꩻစောက်ꩻကာꩻ ဝွေꩻဗွေႏ တွမ်ႏငဝ်းအလင်ဖုံႏနဝ်ꩻ အာငါႏသွူ။
ဗွေႏယေသျုတွိုႏလွေꩻဗာႏကောင်စီဆꩻငါ
(မတဲ ၂၆:၅၉–၆၆။ မာကု ၁၄:၅၅–၆၄။ ယောဟန် ၁၈:၁၉–၂၄)
66မွူးထွိုင်ႏလေလွဉ်ချိန်ႏ လိုꩻတန်ဖုံႏ၊ ယဇ်ပရောဟိတ်တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻ မော့ꩻခွဲလို့ဝင်ꩻတဲင် ဟဲ့ꩻလွေꩻစွဉ်ႏ ဗွေႏယေသျု ကောင်စီဆꩻငါနဝ်ꩻသွူ။ 67ဝွေꩻသီးဒေါ့ꩻ၊ “နာꩻနဝ်ꩻ မေသျိယ မွေးနေဟောင်း၊ ဒေါ့ꩻနယ်နီဟုဲင်း” နုဲင်းနဝ်ꩻသွူ။
ဝွေꩻဗွေႏလဝ်းချာ၊ “ခွေမဉ်ႏဒေါ့ꩻနယ်သီနဝ်ꩻ၊ သီအီႏတယွုမ်းတဝ်းခွေ”၊ 68ခွေမဉ်ႏရီသီ ငဝ်းတစွိုးနဝ်ꩻ သီအီႏ တလဝ်းဖြေႏချာတဝ်း၊” နုဲင်းနဝ်ꩻသွူ။ 69ကွဲႏတွော့ꩻ တယ်ႏယိုမာꩻငါ လိုꩻပိုခိုနဝ်ꩻ အီႏအုံလင်ꩻ အနန္တတန်ꩻခိုꩻ ဗွေႏဘုရာꩻ အစူထွေဖဲ့ꩻ” နုဲင်းနဝ်ꩻသွူ။
70ဝွေꩻသီး ကားကအဝ်ႏဒေါ့ꩻ၊ “ပေါ့ꩻနုဲင်းနဝ်ꩻ နာꩻထွာ ဗွေႏဘုရာꩻ ပိုခိုဟောင်း” နုဲင်းနဝ်ꩻသွူ။
ဝွေꩻဗွေႏ လဝ်းချာ ဝွေꩻသီး၊ “သီကရိုꩻအတွိုင်ꩻနဝ်ꩻ ခွေထွာမွေး” နုဲင်းနဝ်ꩻသွူ။
71တဲင်ဝွေꩻသီးဒေါ့ꩻ၊ “နီအဝ်ႏလိုႏ ထဲင်းတဝ်းဒွုမ် သက်သေႏ တစွိုးစွိုး၊ နုဲင်းဝွေꩻကဒေါ့ꩻနဝ်ꩻ နီနမ်းဖုံႏ အဝ်ႏဟွိုန်လဲဉ်းဒျာႏ” နုဲင်းနဝ်ꩻသွူ။
ទើបបានជ្រើសរើសហើយ៖
လုကာ 22: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 22
22
ကျံႏမာꩻသီတေ့ꩻဗွေႏယေသျု
(မတဲ ၂၆:၁–၅။ မာကု ၁၄:၁–၂။ ယောဟန် ၁၁:၄၅–၅၃)
1 #
ထလ ၁၂:၁–၂၇။ ပွယ်ꩻအံႏတခိုး တမီႏပါဗာႏတဝ်း ကဟဲ့ꩻဒါႏပွယ်ꩻ ပတ္တခါချိန်ႏနဝ်ꩻ ဗော့ꩻလွဉ်လဲဉ်းသွူ။ 2ယဇ်ပရောဟိတ် တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻ အဝ်ႏငမ်းသꩻလိုꩻဖုံႏ၊ နဝ်ꩻမꩻဝွေꩻသီး ကအီႏမာꩻသီတေ့ꩻလꩻ ဗွေႏယေသျုနဝ်ꩻ အဝ်ႏကျိုꩻစာꩻ ထုမ်ႏအနယ်ꩻသွူ။
သစ္စာႏအီႏဖေါက်ဗွေႏယေသျုနဝ်ꩻယုဒသဘော်ꩻတူႏ
(မတဲ ၂၆:၁၄–၁၆။ မာကု ၁၄:၁၀–၁၁)
3နဝ်ꩻထွူ စာႏတန်ႏနွို့သော့ꩻ ယုဒကဟဲ့ꩻဒါႏ သျာကရုတ် ပါꩻကထွာ တမန်ႏတောႏဖုံႏ တဆီနီꩻဖြာꩻကို တဖြာꩻနဝ်ꩻသွူ။ 4နဝ်ꩻမꩻ ပွိုင်းဝွို့တွမ်ႏ ဝွေꩻသစ္စာႏ အီႏဖေါက် အပ်ဖေႏဝွေꩻသီး ဗွေႏယေသျု နုဲင်းမုဲင်ꩻခရာႏနဝ်ꩻ ယုဒထန်ႏလွေꩻတဲင် ဒေါ့ꩻရီ ယဇ်ပရောဟိတ်တန်ဖုံႏ တွမ်ႏဗိမာန်ႏတောႏ ကျောင်ꩻပွေါ အာႏဏာႏပဲင်ႏ လိုꩻတန်ဖုံႏသွူ။ 5ဝွေꩻသီး သꩻဟဝ်သꩻရေꩻငါႏတဲင် အီႏဖေႏဝွေꩻရွဉ်နဝ်ꩻသွူ။ 6ယုဒသဘော်ꩻတူႏတဲင် အီႏဆွမ်ꩻဗွေႏယေသျု အီႏအပ်ဖေႏ ဝွေꩻသီးတွော့ꩻ ပွိုင်းဝွို့စွဉ်ႏ ယိုခရာႏ ဖေႏနေးလိုꩻဖုံႏ ကသေဗာႏမွိုန်းနဝ်ꩻ ထုမ်ႏထွားစစွဉ်ႏ ချိန်ႏခါႏရော့ꩻသွူ။
ဗွေႏယေသျုဖျင်ရဲဉ်ꩻပတ္တခါထာꩻအံႏမွူးဟာခိုႏ
(မတဲ ၂၆:၁၇–၂၅။ မာကု ၁၄:၁၂–၂၁။ ယောဟန် ၁၃:၂၁–၃၀)
7အံႏတခိုးတမီႏ ပါဗာႏတဝ်း ပွယ်ꩻယံꩻတွင်ꩻ ကအီႏမာꩻသီ သွိုꩻပေႏ ပွယ်ꩻပတ္တခါတာႏ အနီꩻနဝ်ꩻ တွိုႏလွဉ်သွူ။ 8ဗွေႏယေသျု အွဉ်ႏစွꩻလွေꩻ ပေတရုတွမ်ႏ ယောဟန် စွဉ်ႏငဝ်းထွန်ႏ နုဲင်းယို၊ “နီအံႏတာႏနဝ်ꩻ လွေꩻတဲင်ဖျင်ရဲဉ်ꩻသေꩻမꩻ ပတ္တခါ ထာꩻအံႏဟုဲင်း” နုဲင်းနဝ်ꩻသွူ။
9ဝွေꩻသီးရီ ဝွေꩻဗွေႏ၊ “နီဗွေႏမဉ်အွဉ်ႏနီ လွေꩻဖျင်ရဲဉ်ꩻဖေႏ ခင်ႏလမ်းမုဲင်ꩻကိုဟောင်း” နုဲင်းနဝ်ꩻသွူ။
10ဝွေꩻဗွေႏလဝ်းချာ၊ “နုဲင်းသီကလွေꩻနွို့သော့ꩻ ဝေင်ꩻကိုနဝ်ꩻ သီအီႏမော့ꩻခွဲ ပါꩻတဖြာꩻ အဝ်ႏထမ်ႏသဲင်ꩻ ထီအဲင်ႏတဖြုံႏသွူ။ ဝွေꩻကနွို့သော့ꩻလမ်းနဝ်ꩻ နွို့သဲင်ꩻလွဉ်ꩻတဲင်၊ 11ရိုꩻဖေႏသွော့ လမ်းဗွေႏနဝ်ꩻ၊ ‘ဆရာႏရိုꩻဖေႏနာꩻ ခွေတပဲ့ဖုံႏတွမ်ႏ ခွေကအီႏအံႏ ပွယ်ꩻပတ္တခါထာꩻအံႏ အခန်ꩻနဝ်ꩻ အဝ်ႏမုဲင်ꩻကိုဟောင်း’ နုဲင်းနဝ်ꩻနဝ်ꩻသွူ။ 12ဝွေꩻအီႏအွဉ်ႏနယ်သီ အခန်ꩻလုဲင်း အထပ်ကီ၊ သီအီႏဖျင်ရဲဉ်ꩻဖေႏဗာႏ ခင်ႏလမ်းနဝ်ꩻကို” နုဲင်းနဝ်ꩻသွူ။
13ဝွေꩻသီး ထန်ႏလွေꩻတဲင် နုဲင်းဗွေႏယေသျု ကဒေါ့ꩻနယ်လဲဉ်း ဝွေꩻသီးအတွိုင်ꩻနဝ်ꩻ မော့ꩻစွဉ်ႏတဲင် ဝွေꩻသီး ဖျင်ရဲဉ်ꩻစွဉ်ႏ ပတ္တခါထာꩻအံႏနဝ်ꩻသွူ။
ဗွေႏဘုရာꩻထာꩻအံႏပွယ်ꩻတောႏ
(မတဲ ၂၆:၂၆–၃၀။ မာကု ၁၄:၂၂–၂၆။ ၁ကောရိန္တု ၁၁:၂၃–၂၅)
14အချိန်ႏနားရီႏ ထွိုင်ႏတွိုႏလွဉ်နဝ်ꩻ ဗွေႏယေသျုတွမ်ႏ အတမန်ႏတောဖုံႏ ထူႏခင်ႏလမ်းအုံ ထာꩻအံႏခွုံႏထျꩻနဝ်ꩻသွူ။ 15ဝွေꩻဗွေႏမိန်းဖေႏ ဝွေꩻသီး၊ “ခလား ခွေကခံႏဗာႏ ထာꩻဒုက္ခနဝ်ꩻ ပွယ်ꩻပတ္တခါယို ခွေမဉ်အံႏငါႏ တွမ်ႏသီ။ 16ခွေအွဉ်ႏဒေါ့ꩻနယ်သီ ဗꩻတွိုႏစွဉ်ႏ ကဖေႏပွယ်ꩻပတ္တခါ အဓိပ္ပါယ်ႏ ဗွေသော့ꩻ ဗွေႏဘုရာꩻ ခမ်းထီကိုနဝ်ꩻ မုဲင်ꩻခါတဲ့ ခွေအီႏတအံႏဗာႏတဝ်းဒွုမ် ပတ္တခါထာꩻအံႏ” နုဲင်းနဝ်ꩻသွူ။
17နဝ်ꩻထွူ ဗွေႏယေသျု ထူႏတကောက်ꩻ အုပ်ꩻထင်ႏ ဗွေႏဘုရာꩻဂွုဏ်ႏကေꩻဇူꩻတောႏတဲင်ဒေါ့ꩻ၊ “ထူႏတကောက်ꩻယိုတွော့ꩻ ဖန်းဝေႏဖေႏသွော့ သီအကိုဟုဲင်း။ 18ခွေဒေါ့ꩻဖေႏသီ၊ တယ်ႏယိုခါ ဗꩻတွိုႏ ဗွေႏဘုရာꩻခမ်းထီ ကတယ်ႏလွဉ်နဝ်ꩻ ခွေအီႏတအွꩻဗာႏတဝ်းဒွုမ် ဝုဲင်ယို” နုဲင်းနဝ်ꩻသွူ။
19နဝ်ꩻထွူ ဝွေꩻဗွေႏထူႏတခိုး အုပ်ꩻထင်ႏ ဗွေႏဘုရာꩻ ဂွုဏ်ႏကေꩻဇူꩻတောႏ အဲ့ꩻတခိုးတဲင် ဖေႏဝွေꩻသီးတွော့ꩻရိုꩻ၊ “ယိုနဝ်ꩻထွာ ခွေရုပ်ခန္ဓာႏ ကဖေႏဒါႏသီတာႏ၊ ယူႏလꩻသေနန်းခွေတွော့ꩻ မာꩻသွော့နုဲင်းယို” နုဲင်းနဝ်ꩻသွူ။ 20#ယေ ၃၁:၃၁–၃၄။ ဗွိုန်နုဲင်းနဝ်ꩻနေနေ အံႏထာꩻအံႏမွူးဟာထွူ ဝွေꩻဗွေႏဖေႏ ဝွေꩻသီး တကောက်ꩻတဲင်ရိုꩻ၊ “တကောက်ꩻယိုနဝ်ꩻ ထွာဗွေႏဘုရာꩻ အပဋိညာဉ်ႏတသာ တွမ်ႏခွေသွီႏ ကတောက်ꩻသေꩻခါꩻ စွုမ်ႏတံꩻဆိပ်၊ ကထောက်ꩻဖေႏလဲဉ်း သီတာႏနဝ်ꩻသွူ။
21 #
သာ ၄၁:၉။ “ကွဲႏတွော့ꩻ ထွားဟုဲင်း၊ ပါꩻအဖြာꩻ သစ္စာႏကအီႏဖေါက်ခွေနဝ်ꩻ အဝ်ႏငီꩻ စွဉ်ႏခွေထာꩻအံႏခွုံႏထျꩻယို။ 22နုဲင်းဗွေႏဘုရာꩻ အလိုꩻတောႏ အတွိုင်ꩻ လိုꩻပိုခိုနဝ်ꩻ အီႏသီ။ ကွဲႏတွော့ꩻ ပါꩻသစ္စာႏကဖေါက်ဒါႏခွေ ပါꩻခိုနဝ်ꩻတာႏနဝ်ꩻ အမင်္ဂလာႏအဝ်ႏငါႏ ခွိုင်းကားမုဲင်ꩻ” နုဲင်းနဝ်ꩻသွူ။
23တွိုႏနဝ်ꩻ ဝွေꩻသီးအကို တဖြာꩻတွမ်ႏတဖြာꩻ စတဲင်ရီစွဉ်ႏလို့ဝင်ꩻ အီႏမာꩻထာꩻနုဲင်းယိုနဝ်ꩻ ဝွေꩻသီးအကို အီႏထွာအဖြာꩻမုဲင်ꩻ နုဲင်းနဝ်ꩻသွူ။
ပွိုင်းဝွို့တွမ်ႏအတန်သွတ်ꩻခရာႏနဝ်ꩻထေင်ငဝ်းအာလို့ဝင်ꩻ
24 #
မ ၁၈:၁၊ မာ ၉:၃၄၊ လု ၉:၄၆။ နုဲင်းဝွေꩻသီးအကို ထင်းအဖြာꩻမုဲင်ꩻ အီႏထွာထွိုက် အတန်သွတ်ꩻနဝ်ꩻ တပဲ့တောႏဖုံႏ အချင်ꩻချင်ꩻ ထေင်ငဝ်းအာအီလို့ဝင်ꩻသွူ။ 25#မ ၂၀:၂၅–၂၇၊ မာ ၁၀:၄၂–၄၄။ ဗွေႏယေသျု ဒေါ့ꩻဖေႏဝွေꩻသီး၊ “လောကဟံႏတန် ခွန်တန်ဖုံႏနဝ်ꩻ အာႏဏာႏတန်ꩻခိုꩻအဝ်ႏ ဝွေꩻသီး အလိုꩻဖုံႏလောင်းတဲင် အာႏဏာႏပဲင်ႏသားဖုံႏနဝ်ꩻ ထူႏချာဒျာႏဂွုဏ်ႏသရေႏ၊ ‘အသွꩻဖုံႏတွမ်ႏ လိုꩻဖုံႏလောင်း’။ 26#မ ၂၃:၁၁၊ မာ ၉:၃၅။ ကွဲႏတွော့ꩻ သီနဝ်ꩻ တွမ်ႏမာꩻမွိုန်း အနယ်ꩻနုဲင်းနဝ်ꩻဟုဲင်း။ သီအကို ကထွာ အတန်သွတ်ꩻသားနဝ်ꩻ အီႏဗွိုန်နုဲင်းဗာႏဒျာႏ အပေႏသွတ်ꩻသားတဲင် လိုꩻတန်ခေါင်းဆောင်နဝ်ꩻ ဗွိုန်နုဲင်းဗာႏ သွဉ်းသွူ။ 27#ယော ၁၃:၁၂–၁၅။ ပါꩻအဖြာꩻ ကအုံလင်ꩻအံႏ ထာꩻအံႏခွုံႏထျꩻ မဉ်ႏတမွေးတဝ်း အဖြာꩻ ကလွူးတဲင် ဖေႏသားနဝ်ꩻ အဖြာꩻမုဲင်ꩻဟောင်း။ အဖြာꩻကအုံလင်ꩻအံႏ ထာꩻအံႏဒျာႏသွူ။ ကွဲႏတွော့ꩻ သီအကို အဖြာꩻ ကထွာဒါႏသွဉ်းနဝ်ꩻ ထွာခွေဒျာႏသွူ။
28“ခွေထာꩻဒုက္ခဖုံႏ ကားကအဝ်ႏနဝ်ꩻ သီအဝ်ႏခံႏငီꩻဗာႏ တွမ်ႏခွေသွူ။ 29တဲင်နုဲင်းခွေဖါ ကဖေႏလဲဉ်းဒါႏခွေ အုပ်စိုꩻခွင်ꩻအတွိုင်ꩻ၊ နဝ်ꩻမꩻ ဗွိုန်နုဲင်း အခွင်ꩻအရေꩻနဝ်ꩻနဝ်ꩻ ခွေအီႏဖေႏသီသွူ။ 30#မ ၁၉:၂၈။ သီအီႏအံႏအွꩻဗာႏ ခွေထာꩻအံႏခွုံႏလောင်း ခွေခမ်းထီကိုတဲင် သီအီႏအုံလင်ꩻဗာႏပလ္လင်ႏ ကအီႏအုပ်စိုꩻဒါႏ ဣသရေးစွိုးခွိုꩻ တဆီနီꩻခွိုꩻနဝ်ꩻသွူ။
ပေတရုအီႏပယ်ႏနဝ်ꩻဗွေႏယေသျုဟော်ꩻရီး
(မတဲ ၂၆:၃၁–၃၅။ မာကု ၁၄:၂၇–၃၁။ ယောဟန် ၁၃:၃၆–၃၈)
31“သိမုန်၊ သိမုန်နာႏသွော့။ ဗွိုန်နုဲင်းလုဲင်းသား ကဝင်းထန်ႏထိုꩻ ဗွူသိုႏ ဗွူဆꩻကိုအတွိုင်ꩻ အီႏစမ်ꩻထွားသီ ကားကအဝ်ႏ အဝ်ႏအကုဲင်ကို ဖထန်ႏထိုꩻ အဟဝ်နဝ်ꩻ စာႏတန်ႏလꩻလဲဉ်း အခွင်ꩻသွူ။ 32ကွဲႏတွော့ꩻ သိမုန်၊ နာꩻထာꩻယွုမ်း ဖေႏက ထဲ့ထိုꩻမွိုန်းနဝ်ꩻ ခွေအဝ်ႏဆုတောင်ꩻဖေႏသွူ။ နာꩻထွိုင်ႏသဲင်ꩻချာ ခွေထျꩻချိန်ႏ နာꩻအီႏဖေႏအာႏဗာႏ နာꩻဖူးဝေးဖုံႏ” နုဲင်းနဝ်ꩻသွူ။
33ပေတရုလဝ်းချာ၊ “ဗွေႏ၊ အီႏလွေꩻငီꩻစွဉ်ႏ နီဗွေႏထောင်ႏကိုတဲင် အီႏသီငီꩻစွဉ်ႏ နီဗွေႏနဝ်ꩻ ခွေအဝ်ႏဖျင်ရဲဉ်ꩻ သေꩻမꩻလဲဉ်း” နုဲင်းနဝ်ꩻသွူ။
34ဗွေႏယေသျုဒေါ့ꩻချာ၊ “ပေတရု၊ ခွေဒေါ့ꩻဖေႏနာꩻ၊ ဟန်ႏနာꩻယို ခလား ဆျာထီးကအူႏနဝ်ꩻ နာꩻအီႏရိုꩻ နာꩻသေငါꩻတဝ်းခွေ ဗꩻတွိုႏသွံလဲင်ႏ” နုဲင်းနဝ်ꩻသွူ။
တောင်ပဲင်း၊တောင်းပွိုတွမ်ႏနꩻလျော်ꩻ
35 # မ ၁၀:၉၊၁၀၊ မာ ၆:၈၊ ၉၊ လု ၉:၃၊ ၁၀:၄။ နဝ်ꩻထွူ ဗွေႏယေသျုရီ ဝွေꩻဗွေႏ တပဲ့တောႏဖုံႏ၊ “ခွေကအွဉ်ႏစွꩻထန်ႏ သီချိန်ႏနဝ်ꩻ ရွဉ်တောင်ပဲင်း၊ တောင်းပွိုလား မဉ်ႏမွေးတဝ်း ခင်ႏဖါႏဆုပ်ꩻ တပါတဝ်းနဝ်ꩻ သီအဝ်ႏလိုႏနေက တစွိုးစွိုးဟောင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “အဝ်ႏလိုႏတဝ်း တစွိုးစွိုး” နုဲင်းနဝ်ꩻသွူ။
36ဗွေႏယေသျုဒေါ့ꩻ၊ “ကွဲႏတွော့ꩻ ယိုခါ ပါꩻမုဲင်ꩻရွဉ်တောင်ပဲင်း မဉ်ႏမွေးတဝ်း တောင်းပွိုလား မဉ်ႏအဝ်ႏတဲ့ ထူႏလွေꩻပါဗာႏ။ တဲင်ပါꩻမုဲင်ꩻနꩻလျော်ꩻ မဉ်ႏအဲဉ်ထဝ်းနဝ်ꩻ စာဗာႏ ဝွေꩻဆဲင်ꩻတန်တွော့ꩻ ဖြေꩻသွော့ တဗာႏဟုဲင်း။ 37#ဟေသျာ ၅၃:၁၂။ ခွေဒေါ့ꩻဖေႏသီ ပွိုးလိတ်ကျမ်ꩻနဝ်ꩻရိုꩻ၊ ‘ဝွေꩻနဝ်ꩻ အီႏခံႏစာꩻဗွိုန်ဗာႏ အပဲစ်သားတဖြာꩻ ကံႏကျမ္မာႏ’ နုဲင်းနဝ်ꩻနဝ်ꩻ ဗွေမဲဉ်ႏလွဉ် ခွေယိုသွူ။ ကွပ်ပွိုး နုဲင်းကအဝ်ႏတဲမ်းဒါႏ ခွေခရာႏနဝ်ꩻ ဗွေမဲဉ်ႏလွဉ်” နုဲင်းနဝ်ꩻသွူ။
38တပဲ့တောႏဖုံႏဒေါ့ꩻ၊ “ထွားဟုဲင်း၊ ယိုနꩻအဝ်ႏလဲဉ်းသွူ နီဗာႏ၊ ဗွေႏ” နုဲင်းနဝ်ꩻသွူ။
ဝွေꩻဗွေႏလဝ်းချာ၊“နဝ်ꩻနဝ်ꩻ လုမ်းလဲဉ်း” နုဲင်းနဝ်ꩻသွူ။
ဗွေႏယေသျုဆုတောင်ꩻကောင်သံလွေင်လောင်း
(မတဲ ၂၆:၃၆–၄၆။ မာကု ၁၄:၃၂–၄၂)
39ဗွေႏယေသျု အဝ်ႏဝေင်ꩻထန်ႏတဲင် လွေꩻထိုꩻ နုဲင်းဝွေꩻဗွေႏ ကအဝ်ႏလွေꩻသေႏသေႏ ကောင်သံလွေင်လောင်းတဲင် တပဲ့တောႏဖုံႏ လွေꩻလွဉ်ꩻစွဉ်ႏ ဝွေꩻဗွေႏသွူ။ 40ဝွေꩻဗွေႏ ထွိုင်ႏဖျော် ခင်ႏလမ်ႏနဝ်ꩻချိန်ႏ ဝွေꩻဗွေႏဒေါ့ꩻဖေႏ ဝွေꩻသီး၊ “ဖေႏသီကထဲ့သော့ꩻမွိုန်း ထာꩻသွေꩻကုဲင်ကိုနဝ်ꩻ ဆုတောင်ꩻသွော့” နုဲင်းနဝ်ꩻသွူ။
41နဝ်ꩻထွူ ဝွေꩻဗွေႏထန်ႏလွေꩻ လုံးတဝွတ်ရပ်တဲင် အုံထောက်လင်ꩻတွော့ꩻ ဆုတောင်ꩻနဝ်ꩻသွူ။ 42ဝွေꩻဗွေႏဆုတောင်ꩻ “အွိုးဖါ၊ နီဖါအလိုႏမဉ်ႏအဝ်ႏနဝ်ꩻ ထာꩻဒုက္ခဝေႏဒနာႏ တကောက်ꩻယို အဝ်ႏခွေထျꩻ ထူႏညာꩻထိုꩻဖေႏမွိုင်၊ ကွဲႏတွော့ꩻ ဖေႏကထွာမွိုန်း ခွေအလိုႏ၊ ဖေႏကထွာသွော့ နီဖါအလိုႏတောႏ” နုဲင်းနဝ်ꩻသွူ။ 43မို့ꩻလောင်း တမန်ႏတပါꩻ အဝ်ႏခမ်းထီမို့ꩻလောင်း ပေါႏလွဉ် ဝွေꩻဗွေႏထျꩻတဲင် ဖေႏအာႏဝွေꩻဗွေႏသွူ။ 44ဝွေꩻဗွေႏ အဝ်ႏခံႏစာꩻဗာႏ သန်မွေး သꩻဒုက္ခတဲင် ဆုတောင်ꩻတွမ်ႏ သꩻအာႏတလာသန် နဝ်ꩻမꩻ ဝွေꩻဗွေႏကသိုꩻထန်ႏ ဗွိုန်နုဲင်း သွီႏဗဲက်ꩻလင်ꩻ ဟံႏလောင်းနဝ်ꩻသွူ။
45ဝွေꩻဗွေႏ အဝ်ႏဆုတောင်ꩻ ထွိုင်ႏသဲင်ꩻလွဉ်ထေ့ တပဲ့တောႏဖုံႏထျꩻနဝ်ꩻ ထီႏဝွေꩻသီး အဝ်ႏတွမ်ႏသꩻပေႏသꩻကုဲင် အဝ်ႏဗေင်ႏအွီႏဒျာႏ ထာꩻဖုံႏနဝ်ꩻသွူ။ 46ဝွေꩻဗွေႏဒေါ့ꩻဖေႏ ဝွေꩻသီး၊ “ပွိုးတမုဲင်ꩻ သီအဝ်ႏဗေင်ႏအွီႏ ဒျာႏထာꩻဖုံႏဟောင်း။ ထွိုင်ႏတဲင် ဖေႏသီကထဲ့ သော့ꩻဗာႏမွိုန်း ထာꩻသွေꩻကုဲင်ကိုနဝ်ꩻ ဆုတောင်ꩻသွော့” နုဲင်းနဝ်ꩻသွူ။
ဆွမ်ꩻဗွေႏယေသျု
(မတဲ ၂၆:၄၇–၅၆။ မာကု ၁၄:၄၃–၅၀။ ယောဟန် ၁၈:၃–၁၁)
47ဗွေႏယေသျု အဝ်ႏဒေါ့ꩻနေကချိန်ႏ လိုꩻတစွိုꩻ ဖျော်လွဉ်တဲင် တပဲ့တောႏ တဆီနီဖြာꩻကို တဖြာꩻ ကထွာ ယုဒနဝ်ꩻ အဝ်ႏအွဉ်လွဉ်သွူ။ ဝွေꩻလွဉ်ထေ့ ဗွေႏယေသျုထျꩻတဲင် နို့ꩻစွဉ်ႏဝွေꩻဗွေႏနဝ်ꩻသွူ။ 48ကွဲႏတွော့ꩻ ဗွေႏယေသျုဒေါ့ꩻ၊ “ယုဒ၊ စွဉ်ႏနာꩻထာꩻနို့ꩻနဝ်ꩻ သစ္စာႏအဝ်ႏဖေါက်လဲဉ်း လိုꩻပိုခို မွေးတဝ်းဟောင်း” နုဲင်းနဝ်ꩻသွူ။
49ထွာထာꩻနုဲင်းနဝ်ꩻနဝ်ꩻ တပဲ့တောႏဖုံႏ ကအဝ်ႏငီꩻဒါႏတွမ်ႏ ဗွေႏယေသျုထွိုင်ႏထီႏ ဝွေꩻသီးရီ၊ “ဗွေႏ၊ နီအီႏသွုံꩻအီဗာႏတွမ်ႏ နီနꩻဟောင်း” နုဲင်းနဝ်ꩻသွူ။ 50တဲင်ဝွေꩻသီးကို တဖြာꩻနဝ်ꩻ ဖဲ့ꩻဗက်ꩻထိုꩻစွဉ်ႏ ယဇ်ပရောဟိတ်တဖြာꩻ အသွဉ်းတဲင် ဝွေꩻနားလာႏဖဲ့ꩻထွေ တပစ်ꩻထိုꩻစွဉ်ႏသွူ။
51ကွဲႏတွော့ꩻ ဗွေႏယေသျုဒေါ့ꩻ၊ “ယိုနဝ်ꩻ အွဉ်ႏထွူထိုꩻခန်း” နုဲင်းနဝ်ꩻတဲင် ဝွေꩻဗွေႏစွဉ်ႏစူ ခွေါင်းပါꩻခိုနဝ်ꩻ အနားလာႏတဲင် လုမ်ꩻလာꩻဟဝ်ဖေႏ ဝွေꩻနဝ်ꩻသွူ။
52နဝ်ꩻထွူ ဗွေႏယေသျု ဒေါ့ꩻဖေႏ ယဇ်ပရောဟိတ်တန်ဖုံႏ၊ ဗိမာန်ႏတောႏကျောင်ꩻပွေါး လိုꩻတန်ဖုံႏတွမ်ႏ လိုꩻတန် ကလွဉ်ဆွမ်ꩻ ဝွေꩻဗွေႏသားဖုံႏ၊ “သီလွဉ်ပဉ်စွိုꩻစွိုꩻ တွမ်ႏနꩻဖုံႏ၊ ခွဉ်းတွီးတဲင် ခွေနဝ်ꩻ နုဲင်းစွဉ်ႏထွာ အမုပဲစ်သားတဖြာꩻ နုဲင်းမုဲင်ꩻဟောင်း။ 53#လု ၁၉:၄၇၊ ၂၁:၃၇။ ခွေအဝ်ႏငီꩻစွဉ်ႏသီ ဗိမာန်ႏတောႏ ကျောင်ꩻကို စွုမ်ႏနီꩻနီꩻတဲင် သီတဆွမ်ꩻတဝ်းခွေသွူ။ ကွဲႏတွော့ꩻ အချိန်ႏယိုနဝ်ꩻ ထွာသီထာꩻမာꩻချိန်ႏ၊ ထာꩻခေ့ꩻရစ်ꩻ တန်ꩻခိုꩻအုပ်စိုꩻချိန်ႏသွူ။
ပေတရုပယ်ႏဗွေႏယေသျု
(မတဲ ၂၆:၅၇–၅၈၊၆၉-၇၅။ မာကု ၁၄:၅၃–၅၄၊၆၆-၇၂။ ယောဟန် ၁၈:၁၂–၁၈၊၂၅-၂၇)
54ဝွေꩻသီးဆွမ်ꩻ ဗွေႏယေသျုတဲင် ဟဲ့ꩻလွေꩻညာꩻစွဉ်ႏ ဝွေꩻဗွေႏ ယဇ်ပရောဟိတ်ခွန်တန် အလမ်းတဲင် ပေတရု အဝ်ႏလွေꩻလွဉ်ꩻ ညာꩻနေး ဆꩻချာသွူ။ 55ယဇ်ပရောဟိတ်လမ်း ပတ္တဝွိုင်ꩻကဲဉ်ကိုနဝ်ꩻ အဝ်ႏအူသေꩻခါꩻ မေႏတပြုန်ႏတဲင် ပေတရုအဝ်ႏအုံစို့ꩻငီꩻ လိုꩻကအဝ်ႏအုံလင်ꩻခူဒါႏ မေႏနဝ်ꩻသွူ။ 56ယဇ်ပရောဟိတ် အသွဉ်းမူႏတဖြာꩻ ထွိုင်ႏထီႏဝွေꩻ အဝ်ႏအုံလင်ꩻစို့ꩻမေႏ နဝ်ꩻကိုနဝ်ꩻ ပါꩻမူႏထွားစဲင်းဝွေꩻ တဲင်ဒေါ့ꩻ၊ “ပါꩻခိုယိုနဝ်ꩻတဲ့ အဝ်ႏပါငီꩻစွဉ်ႏ ယေသျု” နုဲင်းနဝ်ꩻသွူ။
57ကွဲႏတွော့ꩻ ပေတရု တစူꩻတဝ်း၊ “ပါꩻမူႏနဝ်ꩻ၊ ခွေတသေငါꩻတဝ်းဝွေꩻ” နုဲင်းနဝ်ꩻသွူ။
58အုံတဆင်ႏထွူ ပါꩻခိုတဖြာꩻ ရိက်လꩻ ပေတရုတဲင်ဒေါ့ꩻ၊ “နာꩻနဝ်ꩻတဲ့ အဝ်ႏပါသော့ꩻ ဝွေꩻသီးကို တဖြာꩻနေနေ” နုဲင်းနဝ်ꩻသွူ။
ကွဲႏတွော့ꩻ ပေတရုလဝ်းချာ၊ “ပါꩻနဝ်ꩻ၊ ခွေတမွေးတဝ်း” နုဲင်းနဝ်ꩻသွူ။
59ထွိုင်ႏညတနားရီႏရပ် ပါꩻခိုအလင်တဖြာꩻ ဒေါ့ꩻခြေင်းမွေးနေးစွဥ်ႏ၊ “ပါꩻခိုယို အဝ်ႏငီꩻစွဉ်ႏ ယေသျုနဝ်ꩻ ယူႏမာႏခရာႏ အဲဉ်ထဝ်း၊ ပွိုးတွော့ꩻ ဝွေꩻနဝ်ꩻတဲ့ အဝ်ႏထွာ လိုꩻကာလိလဲ တဖြာꩻဒျာႏနေနေ” နုဲင်းနဝ်ꩻသွူ။
60ကွဲႏတွော့ꩻ ပေတရုလဝ်းချာ၊ “ပါꩻနဝ်ꩻ၊ နာꩻဒေါ့ꩻတမုဲင်ꩻခရာႏနဝ်ꩻ ခွေတသေတဝ်း” နုဲင်းနဝ်ꩻသွူ။
ဝွေꩻအဝ်ႏဒေါ့ꩻ နေကကျာꩻနဝ်ꩻ တလဲင်ႏချင်ꩻ ဆျာထီးတဗာႏ အူႏစွဉ်ႏထာꩻသွူ။ 61ဗွေႏဘုရာꩻ ခွယ်ႏလဲ့တဲင် ထွားစွို့ꩻလွေꩻ ပေတရုတွော့ꩻ နုဲင်းဗွေႏဘုရာꩻ ကဒေါ့ꩻဖေႏလဲဉ်းဒါႏဝွေꩻနဝ်ꩻ ပေတရုယူႏလꩻချာ၊ “ခလားဆျာထီးကအူႏနဝ်ꩻ နာꩻအီႏရိုꩻ နာꩻသေငါꩻတဝ်းခွေ သွံလဲင်ႏ” နုဲင်းနဝ်ꩻသွူ။ 62ပေတရုထန်ႏလွေꩻတဲင် ငွိုးအွီႏ မွေးနေးစွဉ်ႏထာꩻနဝ်ꩻသွူ။
သဲ့ꩻသွမ်ꩻတွော့ꩻတွဲႏဗွေႏယေသျု
(မတဲ ၂၆:၆၇–၆၈။ မာကု ၁၄:၆၅)
63ပါꩻခိုဖုံႏ ကအဝ်ႏအုံပွေါးရံႏဒါႏ ဗွေႏယေသျုသားနဝ်ꩻ သဲ့ꩻသွမ်ꩻဝွေꩻဗွေႏတဲင် တွဲႏစွဉ်ႏဝွေꩻဗွေႏနဝ်ꩻသွူ။ 64ဝွေꩻသီးပေ့ꩻ ဝွေꩻဗွေႏမဲ့တဲင် ရီဝွေꩻဗွေႏ၊“ ထင်းစမ်ꩻမွိုင်၊ ပါꩻမုဲင်ꩻတွဲႏနာꩻဟောင်း” နုဲင်းနဝ်ꩻသွူ။ 65ဝွေꩻသီး ဒေါ့ꩻစောက်ꩻကာꩻ ဝွေꩻဗွေႏ တွမ်ႏငဝ်းအလင်ဖုံႏနဝ်ꩻ အာငါႏသွူ။
ဗွေႏယေသျုတွိုႏလွေꩻဗာႏကောင်စီဆꩻငါ
(မတဲ ၂၆:၅၉–၆၆။ မာကု ၁၄:၅၅–၆၄။ ယောဟန် ၁၈:၁၉–၂၄)
66မွူးထွိုင်ႏလေလွဉ်ချိန်ႏ လိုꩻတန်ဖုံႏ၊ ယဇ်ပရောဟိတ်တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻ မော့ꩻခွဲလို့ဝင်ꩻတဲင် ဟဲ့ꩻလွေꩻစွဉ်ႏ ဗွေႏယေသျု ကောင်စီဆꩻငါနဝ်ꩻသွူ။ 67ဝွေꩻသီးဒေါ့ꩻ၊ “နာꩻနဝ်ꩻ မေသျိယ မွေးနေဟောင်း၊ ဒေါ့ꩻနယ်နီဟုဲင်း” နုဲင်းနဝ်ꩻသွူ။
ဝွေꩻဗွေႏလဝ်းချာ၊ “ခွေမဉ်ႏဒေါ့ꩻနယ်သီနဝ်ꩻ၊ သီအီႏတယွုမ်းတဝ်းခွေ”၊ 68ခွေမဉ်ႏရီသီ ငဝ်းတစွိုးနဝ်ꩻ သီအီႏ တလဝ်းဖြေႏချာတဝ်း၊” နုဲင်းနဝ်ꩻသွူ။ 69ကွဲႏတွော့ꩻ တယ်ႏယိုမာꩻငါ လိုꩻပိုခိုနဝ်ꩻ အီႏအုံလင်ꩻ အနန္တတန်ꩻခိုꩻ ဗွေႏဘုရာꩻ အစူထွေဖဲ့ꩻ” နုဲင်းနဝ်ꩻသွူ။
70ဝွေꩻသီး ကားကအဝ်ႏဒေါ့ꩻ၊ “ပေါ့ꩻနုဲင်းနဝ်ꩻ နာꩻထွာ ဗွေႏဘုရာꩻ ပိုခိုဟောင်း” နုဲင်းနဝ်ꩻသွူ။
ဝွေꩻဗွေႏ လဝ်းချာ ဝွေꩻသီး၊ “သီကရိုꩻအတွိုင်ꩻနဝ်ꩻ ခွေထွာမွေး” နုဲင်းနဝ်ꩻသွူ။
71တဲင်ဝွေꩻသီးဒေါ့ꩻ၊ “နီအဝ်ႏလိုႏ ထဲင်းတဝ်းဒွုမ် သက်သေႏ တစွိုးစွိုး၊ နုဲင်းဝွေꩻကဒေါ့ꩻနဝ်ꩻ နီနမ်းဖုံႏ အဝ်ႏဟွိုန်လဲဉ်းဒျာႏ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.