လုကာ 23
23
ဗွေႏယေသျုတွိုႏလွေꩻခွန်ပိလတ်ဆꩻငါ
(မတဲ ၂၇:၁–၂၊၁၁-၁၄။ မာကု ၁၅:၁–၅။ ယောဟန် ၁၈:၂၈–၃၈)
1တစွိုꩻလွုမ်းနဝ်ꩻ ထွိုင်ႏတဲင် ဟဲ့ꩻလွေꩻစွဉ်ႏ ဗွေႏယေသျု ခွန်ပိလတ်ဆꩻငါ၊ 2နဝ်ꩻကို ဝွေꩻသီးစတဲင် စွဲꩻတရာꩻ ဝွေꩻဗွေႏ၊ “နီကဆွမ်ꩻဗာႏ ပါꩻယိုနဝ်ꩻ အဝ်ႏအော်ကုဲင်ထိုꩻ နီလိုꩻဖုံႏ၊ ဖေႏနေး ကဖေႏမွိုန်း ဧကရာဇ်ခွန်တန် အခွဉ်ႏ အဝ်ႏဒေါ့ꩻနယ် ဝွေꩻသီးတဲင် ဝွေꩻနမ်းနဝ်ꩻထွာ မေသျိယ ခွန်တန်တပါꩻကျောင်ꩻ အဝ်ႏကေႏညာႏ” နုဲင်းနဝ်ꩻသွူ။
3ခွန်ပိလတ်ရီဝွေꩻ၊ “နာꩻနဝ်ꩻ ဂျူးခွန်တန် မွေးနေဟောင်း” နုဲင်းနဝ်ꩻသွူ။
ဗွေႏယေသျုလဝ်းချာ၊ “နုဲင်းနာꩻကရိုꩻနဝ်ꩻမွေး။”
4နဝ်ꩻထွူ ခွန်ပိလတ်ဒေါ့ꩻဖေႏ ယဇ်ပရောဟိတ်တန်ဖုံႏ တွမ်ႏလိုꩻစွိုꩻဖုံႏ၊ “ကအီႏဖေႏဗာႏ ပါꩻယိုအပဲစ်တံႏနဝ်ꩻ ခွေတမော့ꩻတဝ်း အကျောင်ꩻခရာႏ” နုဲင်းနဝ်ꩻသွူ။
5ကွဲႏတွော့ꩻ ဝွေꩻသီးကယိန်း စွဲꩻတရာꩻ သန်ခြေင်းထဲင်း၊ “စွဉ်ႏဝွေꩻ ထာꩻသွဉ်သင်နဝ်ꩻ ဝွေꩻမာꩻသျွုတ်တရေင် မွေးနေးစွဉ်ႏ လိုꩻယုဒ တခမ်းလွုမ်းသွူ။ ဝွေꩻသွဉ်သင် ဟော်ꩻစဖေႏ ကာလိလဲခမ်းကိုတဲင် ယိုခါ ဖျော်လွဉ်လဲဉ်းယိုကို” နုဲင်းနဝ်ꩻသွူ။
ဗွေႏယေသျုတွိုႏလွေꩻခွန်တန်ဟေရုဒ်ဆꩻငါ
6ခွန်ပိလတ် ထွိုင်ႏဟွိုန်နုဲင်းယို ဝွေꩻရီ၊ “ပါꩻယိုနဝ်ꩻထွာ ကာလိလဲခမ်းသား တဖြာꩻဟောင်း” နုဲင်းနဝ်ꩻသွူ။ 7ဗွေႏယေသျုနဝ်ꩻထွာ ခွန်တန်ဟေရုဒ် ကအုပ်စိုꩻဒါႏ နယ်ႏသားတဖြာꩻကျောင်ꩻ ဝွေꩻထွိုင်ႏသေနဝ်ꩻ ဝွေꩻအွဉ်ႏစွꩻလွေꩻ ဗွေႏယေသျု ခွန်တန်ဟေရုဒ်ထျꩻ၊ အချိန်ႏနဝ်ꩻ ခွန်တန်ဟေရုဒ်တဲ့ အဝ်ႏသော့ꩻဒျာႏ ဝေင်ꩻယေရုသလမ်ႏကို နေနေသွူ။ 8ပွိုးတွော့ꩻ ဟေရုဒ်ဟွိုန်လဲဉ်း ဗွေႏယေသျုခရာႏတဲင် မဉ်ထီႏဝွေꩻဗွေႏနဝ်ꩻ ညငါႏလဲဉ်းနဝ်ꩻမꩻ ဝွေꩻထွိုင်ႏထီႏ ဗွေႏယေသျုချိန်ႏ ဝွေꩻသꩻဟဝ်ငါႏသွူ။ ဝွေꩻနဝ်ꩻ အဝ်ႏမောင်ꩻ ဖေႏကထီႏဗာႏ ဗွေႏယေသျုမာꩻနယ် ထာꩻအံႏဖြာႏခရာႏ တစွိုးစွိုးသွူ။ 9နဝ်ꩻမꩻ ခွန်တန်ဟေရုဒ်ရီ ဗွေႏယေသျု ငဝ်းရီဖုံႏ အာငါႏ၊ ကွဲႏတွော့ꩻ ဗွေႏယေသျု လဝ်းချာတဝ်း တငွါငွါသွူ။။ 10ယဇ်ပရောဟိတ်တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻ ကာထင်ႏငါလွဉ်တဲင် စွဲꩻတရာꩻ သန်မွေးစွဉ်ႏ ဗွေႏယေသျုသွူ။ 11ခွန်တန်ဟေရုဒ်တွမ်ႏ ဝွေꩻစဲ့ꩻသားဖုံႏနဝ်ꩻ သဲ့ꩻသွမ်ꩻ ဗွေႏယေသျုတဲင် ဒေါ့ꩻစောက်ꩻကာꩻ ဝွေꩻဗွေႏတွော့ꩻ ဝွေꩻဗွေႏနဝ်ꩻ ဝွေꩻသီးအွဉ်ႏကꩻ ဆဲင်ꩻယွုံးတန်တဲင် ပသာသဲင်ꩻချာစွဉ်ႏ ခွန်ပိလတ်ထျꩻနဝ်ꩻသွူ။ 12အနီꩻနဝ်ꩻစွဉ်ႏ ခွန်တန်ဟေရုဒ်တွမ်ႏ ခွန်ပိလတ်နဝ်ꩻ ထွာသွꩻချာယင်းဝင်ꩻသွူ။ ခလားနဝ်ꩻနဝ်ꩻ ဝွေꩻသီးယို အဝ်ႏထွာလို့ဒျာႏဝင်ꩻ ရန်ႏသူႏဖုံႏသွူ။
ဆွုံꩻဖျတ်စီႏရင်ႏဗွေႏယေသျုထာꩻသီတံႏ
(မတဲ ၂၇:၁၅–၂၆။ မာကု ၁၅:၆–၁၅။ ယောဟန် ၁၈:၃၉—၁၉:၁၆)
13ခွန်ပိလတ်နဝ်ꩻ ဟဲ့ꩻစု ယဇ်ပရောဟိတ်တန်ဖုံႏ၊ ခေါင်းဆောင် လိုꩻတန်ဖုံႏတွမ်ႏ လိုꩻဖုံႏ 14တဲင်ဒေါ့ꩻဖေႏဝွေꩻသီး၊ “ပါꩻခိုယို သီအီလွဉ်ခွေထျꩻတဲင် ဒေါ့ꩻဝွေꩻနဝ်ꩻ အဝ်ႏအော်မာႏ လိုꩻဖုံႏနုဲင်းနဝ်ꩻသွူ။ ယိုခါ ဝွေꩻနဝ်ꩻ ခွေစဲစ်ထွားလဲဉ်း သီဆꩻငါတဲင် နုဲင်းသီကစွဲꩻတရာꩻဝွေꩻ ရာႏဇဝွတ်မုပဲစ်နဝ်ꩻ ခွေတမော့ꩻတဝ်း ဝွေꩻအပဲစ် တစွိုးစွိုးသွူ။ 15ခွန်တန်ဟေရုဒ်နဝ်ꩻတဲ့ တမော့ꩻတဝ်း ဝွေꩻအပဲစ်နဝ်ꩻမꩻ ဝွေꩻနဝ်ꩻဟေရုဒ် ပသာသဲင်ꩻချာ နီထျꩻသွူ။ ကအီႏဖေႏထွိုက် ထာꩻသီတံႏနဝ်ꩻ ပါꩻခိုယို တမာꩻတဝ်း အပဲစ် တစွိုးစွိုးသွူ။ 16နဝ်ꩻမꩻ ဝွေꩻနဝ်ꩻ ခွေအီႏဖေႏ ခွဉ်းတံႏတဲင် အွဉ်ႏစွꩻလွေꩻထိုꩻခန်းဝွေꩻ” နုဲင်းနဝ်ꩻသွူ။ 17(ပသခါပွယ်ꩻနဝ်၊ ပိလတ်ခွန် အွဉ်ႏစွꩻသေႏသေႏ လိုꩻဖုံႏတာႏ ထောင်ႏသားတဖြာꩻသွူ။)
18လိုꩻစွိုꩻတဖုံႏလွုမ်းနဝ်ꩻ ခြောဝ်ထန်ႏ၊ “မာꩻသီဝွေꩻ၊ နီတာႏနဝ်ꩻ အွဉ်ႏစွꩻလွစ်ဖေႏ ဗာရာဗဟုဲင်း” နုဲင်းနဝ်ꩻသွူ။ 19(ဗာရဗ္ဗနဝ်ꩻ ပွိုးအဝ်ႏမာꩻသျွုတ် တရေင်သော့ꩻထာꩻ ဝေင်ꩻကိုတွော့ꩻ မာꩻသီထိုꩻလိုꩻအတွက် အဝ်ႏခံသော့ꩻ ထောင်ႏကိုနဝ်ꩻသွူ။)
20ခွန်ပိလတ်နဝ်ꩻ မဉ်အွဉ်ႏစွꩻလွစ်ဖေႏ ဗွေႏယေသျု၊ နဝ်ꩻမꩻ ဝွေꩻဒင်ႏနယ် ထေ့ဖျင်ယင်း လိုꩻစွိုꩻတလဲင်ႏသွူ။ 21ကွဲႏတွော့ꩻ ဝွေꩻသီးခြောဝ်ချာ၊ “မာꩻသီဝွေꩻ ကင်းထွန်ႏလောင်း။ မာꩻသီဝွေꩻ ကင်းထွန်ႏလောင်း” နုဲင်းနဝ်ꩻသွူ။
22ခွန်ပိလတ် ဒေါ့ꩻဖေႏဝွေꩻသီး ဗꩻသွံလဲင်ႏ၊ “ကွဲႏတွော့ꩻ ဝွေꩻနဝ်ꩻမာꩻ ရာႏဇဝွတ်မုပဲစ် တမုဲင်ꩻဟောင်း။ ဝွေꩻကအီႏသီထွိုက်နဝ်ꩻ ခွေတမော့ꩻတဝ်း အပဲစ် တစွိုးစွိုး၊ ခွေအီႏဖေႏဝွေꩻ ခွဉ်းတံႏတဲင် အွဉ်ႏစွꩻလွစ်ခန်းဝွေꩻ” နုဲင်းနဝ်ꩻသွူ။
23ကွဲႏတွော့ꩻ ဝွေꩻသီး ကယိန်း ခြောဝ်သန်ထဲင်းအငဝ်း ဗွေႏယေသျုနဝ်ꩻ အဝ်ႏလိုႏမာꩻသီ ကင်းထွန်ႏလောင်းတဲင် အဆုဲင်ꩻသွတ်ꩻ ဝွေꩻသီး ကခြောဝ်နဝ်ꩻ အောင်ႏလꩻစွဉ်ႏသွူ။ 24နဝ်ꩻမꩻ နုဲင်းဝွေꩻသီး ကကွီအတွိုင်ꩻ ခွန်ပိလတ်နဝ်ꩻ ချꩻစွဉ်ႏ ထာꩻစီႏရင်ႏချက် ဗွေႏယေသျုလောင်းသွူ။ 25ပါꩻအဖြာꩻ ကမာꩻသျွုတ် တရေင်ထာꩻတွော့ꩻ ကမာꩻသီဒါႏလိုꩻ ကအဝ်ႏခံသော့ꩻ ထောင်ႏကို ဝွေꩻသီး ကမဉ်အွဉ်ႏစွꩻလွစ်ဒါႏ ပါꩻခိုနဝ်ꩻ ဝွေꩻအွဉ်ႏစွꩻလွစ်ဖေႏတွော့ꩻ နုဲင်းဝွေꩻသီး ကမဉ်မာꩻအတွိုင်ꩻ ဖေႏကမာꩻ ဗွေႏယေသျုနဝ်ꩻ ဝွေꩻအပ်စွဉ်ႏ ဝွေꩻသီးစူကိုသွူ။
ဒင်ႏဗွေႏယေသျုကင်းထွန်ႏလောင်း
(မတဲ ၂၇:၃၂–၄၄။ မာကု ၁၅:၂၁–၃၂။ ယောဟန် ၁၉:၁၇–၂၇)
26စဲ့ꩻသားဖုံႏ အွဉ်လွေꩻညာꩻထိုꩻ ဗွေႏယေသျုတဲင် နုဲင်းဝွေꩻသီး ကအဝ်ႏလွေꩻကျာꩻ ဝွေꩻသီး မော့ꩻခွဲဆွုမ်ႏစွဉ်ႏ ပါꩻခိုအဝ်ႏဒုံလွဉ် ကုရေနေ ခမ်းသားတဖြာꩻ မဉ်ꩻကဟဲ့ꩻဒါႏ သိမုန်နဝ်ꩻ အဝ်ႏနွို့လွဉ်သော့ꩻ ဝေင်ꩻကိုသွူ။ ဝွေꩻသီးဆွမ်ꩻဝွေꩻတဲင် ကင်းထွန်ႏနဝ်ꩻ အွဉ်ႏဒင်ႏ ဝွေꩻလောင်းတွော့ꩻ အွဉ်ႏဝွေꩻထမ်ႏလွဉ်ꩻ ဗွေႏယေသျုဆꩻချာသွူ။
27လိုꩻစွိုꩻအာဖုံႏနဝ်ꩻ အဝ်ႏလွေꩻလွဉ်ꩻ ဝွေꩻဗွေႏဆꩻချာသွူ။ ဝွေꩻသီး အကို လိုꩻမူႏယင်ဟန်ႏနဝ်ꩻ အဝ်ႏငွိုးကော့ꩻ ဝွေꩻဗွေႏတာႏသွူ။ 28ဗွေႏယေသျု ခွယ်ႏထေ့ချာ ဝွေꩻသီးတဲင်ဒေါ့ꩻ၊ “လိုꩻမူႏဝေင်ꩻယေရုသလမ်ႏ သားဖုံႏ၊ တွမ်ႏငွိုးဖေႏမွိုန်း ခွေတာႏဟုဲင်း။ ကွဲႏတွော့ꩻ ငွိုးကော့ꩻချာဒျာႏ သီနမ်းတာႏစွဉ်ႏ သီပိုဖုံႏတာႏဟုဲင်း။ 29‘လိုꩻမူႏ ပိုတအဲဉ်ထဝ်းသားဖုံႏ၊ တလွူးဗာႏဖိုတဝ်း လိုꩻပေႏသားဖုံႏ၊ တဖေႏနဲဉ်းဗာႏဖိုတဝ်း ပိုသားဖုံႏနဝ်ꩻ မင်္ဂလာႏအဝ်ႏ၊’ လိုꩻဖုံႏကအီႏရိုꩻဗာႏ နုဲင်းနဝ်ꩻနဝ်ꩻ အချိန်ႏအီႏတွိုႏလွဉ်သွူ။ 30#ဟောသျေ ၁၀:၈၊ ဗျာ ၆:၁၆။ လိုꩻဖုံႏအီႏကော့ꩻရိုꩻဒျာႏ ကောင်တန်ဖုံႏ ‘ပြင်ꩻလင်ꩻလူးခန်း နီလောင်းဟုဲင်း။’ ကောင်ပူႏပေႏဖုံႏ ‘လုမ်ႏတေင်ထိုꩻခန်း နီဟုဲင်း။’ 31ပွိုးသေင်ႏ အဝ်ႏသဉ်သွမ်ႏနေက နုဲင်းယိုမဉ်ႏတဲ့ အဝ်ႏထွာထာꩻစားနဝ်ꩻ ထွိုင်ႏသဲင်ထိုꩻချိန်ႏနဝ်ꩻ အီႏထွာထဲင်း ခွိုင်းကားမုဲင်ꩻဟောင်း။
32ရာႏဇဝွတ်မုပဲစ်သား လိုꩻခိုအလင် ဝင်ꩻနီနဝ်ꩻတဲ့ ဟဲ့ꩻထန်ႏလွေꩻ အီႏမာꩻသီငီꩻစွဉ်ႏ ဗွေႏယေသျုနဝ်ꩻသွူ။ 33ဝွေꩻသီးထွိုင်ႏ ဖျော်လွဉ်ခင်ႏလမ်း ကဟဲ့ꩻဒါႏ၊ “ကတူႏခြောက်ꩻ”နဝ်ꩻ ဗွေႏယေသျုတွမ်ႏ ရာႏဇဝွတ်မုပဲစ်သား ဝင်ꩻနီနဝ်ꩻ ဝွေꩻသီးတွဲႏဒပ်စွဉ်ႏ တဖြာꩻနဝ်ꩻ ဝွေꩻဗွေႏစူထွေဖဲ့ꩻတွော့ꩻ အလင်တဖြာꩻနဝ်ꩻ ဝွေꩻဗွေႏစူစေႏဖဲ့ꩻသွူ။ 34#သာ ၂၂:၁၈။ ဗွေႏယေသျုဒေါ့ꩻ၊ “အွိုးဖါ၊ နုဲင်းဝွေꩻသီး ကအဝ်ႏမာꩻနဝ်ꩻ ဝွေꩻသီး တသေတဝ်းနဝ်ꩻမꩻ အွဉ်ႏစွꩻလွစ်ဖေႏ ဝွေꩻသီးအပဲစ်ဖုံႏမွိုင်” နုဲင်းနဝ်ꩻသွူ။
ဝွေꩻသီးအွဉ်ႏလင်ꩻနေး ထာꩻတောႏရာႏတွော့ꩻ ဝွေꩻဗွေႏအခွမ်ꩻလာꩻဖုံႏနဝ်ꩻ အချင်ꩻချင်ꩻ ဖန်းဝေႏဖေႏစွဉ်ႏ လို့ဝင်ꩻနဝ်ꩻသွူ။ 35#သာ ၂၂:၇။ လိုꩻဖုံႏ ကအဝ်ႏအုံထွိုင်ႏပွေါးထွား နဝ်ꩻကိုကျာꩻ ဂျူးလိုꩻတန်ဖုံႏနဝ်ꩻ သဲ့ꩻသွမ်ꩻစွဉ်ႏဝွေꩻဗွေႏ၊ “ဝွေꩻနဝ်ꩻ ကယ်ႏလဲဉ်း လိုꩻလင်ဖုံႏ၊ ဝွေꩻမဉ်ႏထွာမွေး ဗွေႏဘုရာꩻ ကလွိုက်သေꩻခါꩻဒါႏ မေသျိယနဝ်ꩻ အွဉ်ႏဝွေꩻကယ်ႏချာ အနမ်းဟုဲင်း” နုဲင်းနဝ်ꩻသွူ။
36 #
သာ ၆၉:၂၁။ စဲ့ꩻသားဖုံႏနဝ်ꩻတဲ့ အဝ်ႏသဲ့ꩻသွမ်ꩻပါက ဝွေꩻဗွေႏသွူ။ ဝွေꩻသီးလွဉ်ထေ့ ဝွေꩻဗွေႏထျꩻတဲင် ဖေႏအွꩻဝွေꩻဗွေႏ ဝုဲင်ဆျာႏတွော့ꩻ 37ဒေါ့ꩻ၊ “နာꩻမဉ်ႏထွာ ဂျူးခွန်တန်နဝ်ꩻ ကယ်ႏချာသွော့ နာꩻနမ်းဟုဲင်း” နုဲင်းနဝ်ꩻသွူ။
38ဝွေꩻဗွေႏဆꩻကီနဝ်ꩻ အဝ်ႏတဲမ်းသေꩻခါ ငဝ်းဖုံႏနုဲင်းယို၊ “ယိုနဝ်ꩻထွာ ဂျူးခွန်တန်” နုဲင်းနဝ်ꩻသွူ။
39အမုပဲစ်သားတဖြာꩻ ကအဝ်ႏတွဲႏဒပ်ငီꩻဒါႏ နဝ်ꩻကိုနဝ်ꩻ ကဲ့ꩻရဲ့ꩻဝွေꩻဗွေႏ၊ “နာꩻနဝ်ꩻထွာ မေသျိယမွေးတဝ်းနဲ့။ ကယ်ႏချာနာꩻနမ်း တွမ်ႏနီဟုဲင်း” နုဲင်းနဝ်ꩻသွူ။
40အလင်တဖြာꩻနဝ်ꩻ ခွန်းနယ်ꩻဝွေꩻတွော့ꩻရိုꩻ၊ “နာꩻငမ်းတဝ်း ဗွေႏဘုရာꩻနဲ့ဟောင်း။ နုဲင်းဝွေꩻကခံႏဗာႏ အပဲစ်တံႏနဝ်ꩻ နာꩻတဲ့အဝ်ႏခံႏဗာႏ ဗွိုန်ဗွိုန်သွူ။ 41ကွဲႏတွော့ꩻ နုဲင်းနီကမာꩻလဲဉ်းဒါႏ အတာႏနဝ်ꩻ ပွိုးတွော့ꩻ နီထွိုက်ခံႏနဝ်ꩻမꩻ နီကခံႏဗာႏနဝ်ꩻ မဲဉ်ႏဒျာႏ၊ ကွဲႏတွော့ꩻ ဝွေꩻနဝ်ꩻ တမာꩻဗာႏတဝ်း အပဲစ်” နုဲင်းနဝ်ꩻသွူ။ 42တဲင်ဝွေꩻဒေါ့ꩻဖေႏ ဗွေႏယေသျု၊ “ဗွေႏယေသျု၊ နီဗွေႏမဉ်ႏကျွꩻလွဉ် နုဲင်းခွန်တန်ချိန်ႏနဝ်ꩻ ယူႏလꩻသွော့ခွေသွဉ်း” နုဲင်းနဝ်ꩻသွူ။
43ဗွေႏယေသျုဒေါ့ꩻဖေႏဝွေꩻ၊ “ဟန်ႏနီꩻယို နာꩻအီႏအဝ်ႏငီꩻ တွမ်ႏခွေပရဒိသုကို၊ ခွေအွဉ်ႏဂတိနာꩻ” နုဲင်းနဝ်ꩻသွူ။
ဗွေႏယေသျုသီ
(မတဲ ၂၇:၄၅–၅၆။ မာကု ၁၅:၃၃–၄၁။ ယောဟန် ၁၉:၂၈–၃၀)
44-45 #
ထလ ၂၆:၃၁–၃၃။ အချိန်ႏနဝ်ꩻထွာ မွူးယာခိုႏ တဆီနီနာႏရီႏရပ်၊ မွူးတဖေႏတဝ်းဒွုမ် အရောင်ႏတွော့ꩻ ထာꩻခေ့ꩻအဝ်ႏဒို့ꩻ တခမ်းလွုမ်း ဗꩻတွိုႏစွဉ်ႏ သွံနားရီႏသွူ။ ဖုဲင်ကင်း ကအဝ်ႏဖွို့ဒါႏ ဗိမာန်ႏတောႏ ကျောင်ꩻကိုနဝ်ꩻ သဲ့ပꩻလင်ꩻထိုꩻစွဉ်ႏ နီခဝ်နဝ်ꩻသွူ။ 46#သာ ၃၁:၅။ ဗွေႏယေသျု ခြောဝ်ထန်ႏသန်အငဝ်း၊ “အွိုးဖါ၊ ခွေဝိညာဉ်ႏနဝ်ꩻ အပ်သော့ꩻဒျာႏ နီဖါဗွေႏစူကို” ဝွေꩻဒေါ့ꩻနုဲင်းယိုတဲင် သီထိုꩻစွဉ်ႏသွူ။
47နုဲင်းကအဝ်ႏထွာထာꩻ နုဲင်းနဝ်ꩻ စဲ့ꩻပိုႏထွိုင်ႏထီႏ ဝွေꩻအုပ်ꩻထင်ႏစွဉ်ႏ ဗွေႏဘုရာꩻ ဂွုဏ်ႏတောႏတဲင်ရိုꩻ၊ “ဝွေꩻနဝ်ꩻထွာ လိုꩻဟဝ်တဖြာꩻ မွေးဒျာႏရင်ꩻ” နုဲင်းနဝ်ꩻသွူ။
48လိုꩻဖုံႏ ကအဝ်ႏစုဗူႏလို့ဒါႏဝင်ꩻ နဝ်ꩻကို ကအဝ်ႏပွေါးထွားချိန်ႏ ထွိုင်ႏထီႏ ထွာလွဉ်ထာꩻနုဲင်းနဝ်ꩻ ဝွေꩻသီးကားကအဝ်ႏ စွဉ်ႏထာꩻသꩻပေႏ တဗꩻချာ အသꩻအင် သဲင်ꩻချာစွဉ်ႏ လမ်းဖုံႏသွူ။ 49#လု ၈:၂၊၃။ လိုꩻကသေငါꩻစဲင်းဒါႏ ဗွေႏယေသျုသားဖုံႏ ကားကအဝ်ႏ ပါစွဉ်ႏလိုꩻမူႏဖုံႏ ကာလိလဲခမ်း ကလွေꩻလွဉ်ꩻဒါႏ ဝွေꩻဗွေႏနဝ်ꩻ အဝ်ႏအုံထွိုင်ႏညာꩻ ပွေါးထွားနဝ်ꩻသွူ။
သင်္ဂြိုဟ်ႏဗွေႏယေသျု
(မတဲ ၂၇:၅၇–၆၁။ မာကု ၁၅:၄၂–၄၇။ ယောဟန် ၁၉:၃၈–၄၂)
50-51နဝ်ꩻကို ယုဒခမ်း အရိမတဲဝေင်ꩻသား ပါꩻတဖြာꩻ မဉ်ꩻကဟဲ့ꩻဒါႏ ယောသပ်နဝ်ꩻ အဝ်ႏသွူ။ ဝွေꩻနဝ်ꩻထွာ လိုꩻဟဝ်တဲင် ရိုႏသေႏထွိုက် လိုꩻတဖြာꩻ၊ အဝ်ႏမောင်ꩻ ဗွေႏဘုရာꩻခမ်းထီ အီႏတယ်ႏလွဉ်နဝ်ꩻသွူ။ ကွဲႏတွော့ꩻ ဝွေꩻနဝ်ꩻအဝ်ႏထွာ ကောင်စီလိုꩻတန်တဖြာꩻ၊ ကောင်စီစွုမ်ꩻစွိုꩻဖုံႏ ထာꩻဆွုံꩻဖျတ်တွမ်ႏ ကမာꩻထာꩻဖုံႏနဝ်ꩻ ဝွေꩻသဘော်ꩻ တတူႏတဝ်းသွူ။ 52ဝွေꩻနွို့လွေꩻသော့ꩻ ခွန်ပိလတ်ဆꩻငါတဲင် ကွီဗွေႏယေသျု ရုပ်ခန္ဓာႏသွူ။ 53နဝ်ꩻထွူ ဝွေꩻထူႏလင်ꩻထိုꩻ ရုပ်ခန္ဓာႏတွော့ꩻ ရုပ်ခန္ဓာႏနဝ်ꩻ လွမ်တွမ်ႏ ပိတ်ယာႏချော်ꩻ တဖွူꩻတဲင် အွဉ်ႏသော့ꩻ သဲင်ႏခဲင်ꩻအောင် တလဲင်ႏငါတဲ့ တသွုံꩻဗာႏဖိုတဝ်းဒွိုန်း ကဒိုနေးဒါႏ လုံးဆွော့ꩻနဝ်ꩻသွူ။ 54အနီꩻနဝ်ꩻထွာ သောကျာႏနီꩻတဲင် ထွာဥပုသ်ဖစ်နီꩻသွူ။
55လိုꩻမူႏဖုံႏ အဝ်ႏကာလိလဲခမ်း ကလွေꩻလွဉ်ꩻဒါႏ ဗွေႏယေသျု ဆꩻချာသားဖုံႏနဝ်ꩻ လွေꩻလွဉ်ꩻတွမ်ႏ ယောသပ်တဲင် ထီႏစွဉ်ႏသဲင်ႏခဲင်ꩻ ကသင်္ဂြိုဟ်ႏသော့ꩻဒါႏ ဗွေႏယေသျု နမ်းသီ ခင်ႏလမ်းနဝ်ꩻသွူ။ 56#ထလ ၂၀:၁၀၊ ဟော်ꩻ ၅:၁၄။ နဝ်ꩻထွူ ဝွေꩻသီး သဲင်ꩻချာလမ်းတဲင် အီႏသူႏဖေႏ ရုပ်ခန္ဓာႏတာႏနဝ်ꩻ ဖျင်ရဲဉ်ꩻ နံꩻသာႏဟွမ်တွမ်ႏ နမ်းမန်ꩻဟွမ်ဖုံႏသွူ။
နုဲင်းပညတ်ကျမ်ꩻအတွိုင်ꩻ ဥပုသ်မွူးနီꩻကိုနဝ်ꩻ ဝွေꩻသီး အုံပဆားဒျာႏသွူ။
ទើបបានជ្រើសរើសហើយ៖
လုကာ 23: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 23
23
ဗွေႏယေသျုတွိုႏလွေꩻခွန်ပိလတ်ဆꩻငါ
(မတဲ ၂၇:၁–၂၊၁၁-၁၄။ မာကု ၁၅:၁–၅။ ယောဟန် ၁၈:၂၈–၃၈)
1တစွိုꩻလွုမ်းနဝ်ꩻ ထွိုင်ႏတဲင် ဟဲ့ꩻလွေꩻစွဉ်ႏ ဗွေႏယေသျု ခွန်ပိလတ်ဆꩻငါ၊ 2နဝ်ꩻကို ဝွေꩻသီးစတဲင် စွဲꩻတရာꩻ ဝွေꩻဗွေႏ၊ “နီကဆွမ်ꩻဗာႏ ပါꩻယိုနဝ်ꩻ အဝ်ႏအော်ကုဲင်ထိုꩻ နီလိုꩻဖုံႏ၊ ဖေႏနေး ကဖေႏမွိုန်း ဧကရာဇ်ခွန်တန် အခွဉ်ႏ အဝ်ႏဒေါ့ꩻနယ် ဝွေꩻသီးတဲင် ဝွေꩻနမ်းနဝ်ꩻထွာ မေသျိယ ခွန်တန်တပါꩻကျောင်ꩻ အဝ်ႏကေႏညာႏ” နုဲင်းနဝ်ꩻသွူ။
3ခွန်ပိလတ်ရီဝွေꩻ၊ “နာꩻနဝ်ꩻ ဂျူးခွန်တန် မွေးနေဟောင်း” နုဲင်းနဝ်ꩻသွူ။
ဗွေႏယေသျုလဝ်းချာ၊ “နုဲင်းနာꩻကရိုꩻနဝ်ꩻမွေး။”
4နဝ်ꩻထွူ ခွန်ပိလတ်ဒေါ့ꩻဖေႏ ယဇ်ပရောဟိတ်တန်ဖုံႏ တွမ်ႏလိုꩻစွိုꩻဖုံႏ၊ “ကအီႏဖေႏဗာႏ ပါꩻယိုအပဲစ်တံႏနဝ်ꩻ ခွေတမော့ꩻတဝ်း အကျောင်ꩻခရာႏ” နုဲင်းနဝ်ꩻသွူ။
5ကွဲႏတွော့ꩻ ဝွေꩻသီးကယိန်း စွဲꩻတရာꩻ သန်ခြေင်းထဲင်း၊ “စွဉ်ႏဝွေꩻ ထာꩻသွဉ်သင်နဝ်ꩻ ဝွေꩻမာꩻသျွုတ်တရေင် မွေးနေးစွဉ်ႏ လိုꩻယုဒ တခမ်းလွုမ်းသွူ။ ဝွေꩻသွဉ်သင် ဟော်ꩻစဖေႏ ကာလိလဲခမ်းကိုတဲင် ယိုခါ ဖျော်လွဉ်လဲဉ်းယိုကို” နုဲင်းနဝ်ꩻသွူ။
ဗွေႏယေသျုတွိုႏလွေꩻခွန်တန်ဟေရုဒ်ဆꩻငါ
6ခွန်ပိလတ် ထွိုင်ႏဟွိုန်နုဲင်းယို ဝွေꩻရီ၊ “ပါꩻယိုနဝ်ꩻထွာ ကာလိလဲခမ်းသား တဖြာꩻဟောင်း” နုဲင်းနဝ်ꩻသွူ။ 7ဗွေႏယေသျုနဝ်ꩻထွာ ခွန်တန်ဟေရုဒ် ကအုပ်စိုꩻဒါႏ နယ်ႏသားတဖြာꩻကျောင်ꩻ ဝွေꩻထွိုင်ႏသေနဝ်ꩻ ဝွေꩻအွဉ်ႏစွꩻလွေꩻ ဗွေႏယေသျု ခွန်တန်ဟေရုဒ်ထျꩻ၊ အချိန်ႏနဝ်ꩻ ခွန်တန်ဟေရုဒ်တဲ့ အဝ်ႏသော့ꩻဒျာႏ ဝေင်ꩻယေရုသလမ်ႏကို နေနေသွူ။ 8ပွိုးတွော့ꩻ ဟေရုဒ်ဟွိုန်လဲဉ်း ဗွေႏယေသျုခရာႏတဲင် မဉ်ထီႏဝွေꩻဗွေႏနဝ်ꩻ ညငါႏလဲဉ်းနဝ်ꩻမꩻ ဝွေꩻထွိုင်ႏထီႏ ဗွေႏယေသျုချိန်ႏ ဝွေꩻသꩻဟဝ်ငါႏသွူ။ ဝွေꩻနဝ်ꩻ အဝ်ႏမောင်ꩻ ဖေႏကထီႏဗာႏ ဗွေႏယေသျုမာꩻနယ် ထာꩻအံႏဖြာႏခရာႏ တစွိုးစွိုးသွူ။ 9နဝ်ꩻမꩻ ခွန်တန်ဟေရုဒ်ရီ ဗွေႏယေသျု ငဝ်းရီဖုံႏ အာငါႏ၊ ကွဲႏတွော့ꩻ ဗွေႏယေသျု လဝ်းချာတဝ်း တငွါငွါသွူ။။ 10ယဇ်ပရောဟိတ်တန်ဖုံႏတွမ်ႏ ကျမ်ꩻဒါႏဆရာႏဖုံႏနဝ်ꩻ ကာထင်ႏငါလွဉ်တဲင် စွဲꩻတရာꩻ သန်မွေးစွဉ်ႏ ဗွေႏယေသျုသွူ။ 11ခွန်တန်ဟေရုဒ်တွမ်ႏ ဝွေꩻစဲ့ꩻသားဖုံႏနဝ်ꩻ သဲ့ꩻသွမ်ꩻ ဗွေႏယေသျုတဲင် ဒေါ့ꩻစောက်ꩻကာꩻ ဝွေꩻဗွေႏတွော့ꩻ ဝွေꩻဗွေႏနဝ်ꩻ ဝွေꩻသီးအွဉ်ႏကꩻ ဆဲင်ꩻယွုံးတန်တဲင် ပသာသဲင်ꩻချာစွဉ်ႏ ခွန်ပိလတ်ထျꩻနဝ်ꩻသွူ။ 12အနီꩻနဝ်ꩻစွဉ်ႏ ခွန်တန်ဟေရုဒ်တွမ်ႏ ခွန်ပိလတ်နဝ်ꩻ ထွာသွꩻချာယင်းဝင်ꩻသွူ။ ခလားနဝ်ꩻနဝ်ꩻ ဝွေꩻသီးယို အဝ်ႏထွာလို့ဒျာႏဝင်ꩻ ရန်ႏသူႏဖုံႏသွူ။
ဆွုံꩻဖျတ်စီႏရင်ႏဗွေႏယေသျုထာꩻသီတံႏ
(မတဲ ၂၇:၁၅–၂၆။ မာကု ၁၅:၆–၁၅။ ယောဟန် ၁၈:၃၉—၁၉:၁၆)
13ခွန်ပိလတ်နဝ်ꩻ ဟဲ့ꩻစု ယဇ်ပရောဟိတ်တန်ဖုံႏ၊ ခေါင်းဆောင် လိုꩻတန်ဖုံႏတွမ်ႏ လိုꩻဖုံႏ 14တဲင်ဒေါ့ꩻဖေႏဝွေꩻသီး၊ “ပါꩻခိုယို သီအီလွဉ်ခွေထျꩻတဲင် ဒေါ့ꩻဝွေꩻနဝ်ꩻ အဝ်ႏအော်မာႏ လိုꩻဖုံႏနုဲင်းနဝ်ꩻသွူ။ ယိုခါ ဝွေꩻနဝ်ꩻ ခွေစဲစ်ထွားလဲဉ်း သီဆꩻငါတဲင် နုဲင်းသီကစွဲꩻတရာꩻဝွေꩻ ရာႏဇဝွတ်မုပဲစ်နဝ်ꩻ ခွေတမော့ꩻတဝ်း ဝွေꩻအပဲစ် တစွိုးစွိုးသွူ။ 15ခွန်တန်ဟေရုဒ်နဝ်ꩻတဲ့ တမော့ꩻတဝ်း ဝွေꩻအပဲစ်နဝ်ꩻမꩻ ဝွေꩻနဝ်ꩻဟေရုဒ် ပသာသဲင်ꩻချာ နီထျꩻသွူ။ ကအီႏဖေႏထွိုက် ထာꩻသီတံႏနဝ်ꩻ ပါꩻခိုယို တမာꩻတဝ်း အပဲစ် တစွိုးစွိုးသွူ။ 16နဝ်ꩻမꩻ ဝွေꩻနဝ်ꩻ ခွေအီႏဖေႏ ခွဉ်းတံႏတဲင် အွဉ်ႏစွꩻလွေꩻထိုꩻခန်းဝွေꩻ” နုဲင်းနဝ်ꩻသွူ။ 17(ပသခါပွယ်ꩻနဝ်၊ ပိလတ်ခွန် အွဉ်ႏစွꩻသေႏသေႏ လိုꩻဖုံႏတာႏ ထောင်ႏသားတဖြာꩻသွူ။)
18လိုꩻစွိုꩻတဖုံႏလွုမ်းနဝ်ꩻ ခြောဝ်ထန်ႏ၊ “မာꩻသီဝွေꩻ၊ နီတာႏနဝ်ꩻ အွဉ်ႏစွꩻလွစ်ဖေႏ ဗာရာဗဟုဲင်း” နုဲင်းနဝ်ꩻသွူ။ 19(ဗာရဗ္ဗနဝ်ꩻ ပွိုးအဝ်ႏမာꩻသျွုတ် တရေင်သော့ꩻထာꩻ ဝေင်ꩻကိုတွော့ꩻ မာꩻသီထိုꩻလိုꩻအတွက် အဝ်ႏခံသော့ꩻ ထောင်ႏကိုနဝ်ꩻသွူ။)
20ခွန်ပိလတ်နဝ်ꩻ မဉ်အွဉ်ႏစွꩻလွစ်ဖေႏ ဗွေႏယေသျု၊ နဝ်ꩻမꩻ ဝွေꩻဒင်ႏနယ် ထေ့ဖျင်ယင်း လိုꩻစွိုꩻတလဲင်ႏသွူ။ 21ကွဲႏတွော့ꩻ ဝွေꩻသီးခြောဝ်ချာ၊ “မာꩻသီဝွေꩻ ကင်းထွန်ႏလောင်း။ မာꩻသီဝွေꩻ ကင်းထွန်ႏလောင်း” နုဲင်းနဝ်ꩻသွူ။
22ခွန်ပိလတ် ဒေါ့ꩻဖေႏဝွေꩻသီး ဗꩻသွံလဲင်ႏ၊ “ကွဲႏတွော့ꩻ ဝွေꩻနဝ်ꩻမာꩻ ရာႏဇဝွတ်မုပဲစ် တမုဲင်ꩻဟောင်း။ ဝွေꩻကအီႏသီထွိုက်နဝ်ꩻ ခွေတမော့ꩻတဝ်း အပဲစ် တစွိုးစွိုး၊ ခွေအီႏဖေႏဝွေꩻ ခွဉ်းတံႏတဲင် အွဉ်ႏစွꩻလွစ်ခန်းဝွေꩻ” နုဲင်းနဝ်ꩻသွူ။
23ကွဲႏတွော့ꩻ ဝွေꩻသီး ကယိန်း ခြောဝ်သန်ထဲင်းအငဝ်း ဗွေႏယေသျုနဝ်ꩻ အဝ်ႏလိုႏမာꩻသီ ကင်းထွန်ႏလောင်းတဲင် အဆုဲင်ꩻသွတ်ꩻ ဝွေꩻသီး ကခြောဝ်နဝ်ꩻ အောင်ႏလꩻစွဉ်ႏသွူ။ 24နဝ်ꩻမꩻ နုဲင်းဝွေꩻသီး ကကွီအတွိုင်ꩻ ခွန်ပိလတ်နဝ်ꩻ ချꩻစွဉ်ႏ ထာꩻစီႏရင်ႏချက် ဗွေႏယေသျုလောင်းသွူ။ 25ပါꩻအဖြာꩻ ကမာꩻသျွုတ် တရေင်ထာꩻတွော့ꩻ ကမာꩻသီဒါႏလိုꩻ ကအဝ်ႏခံသော့ꩻ ထောင်ႏကို ဝွေꩻသီး ကမဉ်အွဉ်ႏစွꩻလွစ်ဒါႏ ပါꩻခိုနဝ်ꩻ ဝွေꩻအွဉ်ႏစွꩻလွစ်ဖေႏတွော့ꩻ နုဲင်းဝွေꩻသီး ကမဉ်မာꩻအတွိုင်ꩻ ဖေႏကမာꩻ ဗွေႏယေသျုနဝ်ꩻ ဝွေꩻအပ်စွဉ်ႏ ဝွေꩻသီးစူကိုသွူ။
ဒင်ႏဗွေႏယေသျုကင်းထွန်ႏလောင်း
(မတဲ ၂၇:၃၂–၄၄။ မာကု ၁၅:၂၁–၃၂။ ယောဟန် ၁၉:၁၇–၂၇)
26စဲ့ꩻသားဖုံႏ အွဉ်လွေꩻညာꩻထိုꩻ ဗွေႏယေသျုတဲင် နုဲင်းဝွေꩻသီး ကအဝ်ႏလွေꩻကျာꩻ ဝွေꩻသီး မော့ꩻခွဲဆွုမ်ႏစွဉ်ႏ ပါꩻခိုအဝ်ႏဒုံလွဉ် ကုရေနေ ခမ်းသားတဖြာꩻ မဉ်ꩻကဟဲ့ꩻဒါႏ သိမုန်နဝ်ꩻ အဝ်ႏနွို့လွဉ်သော့ꩻ ဝေင်ꩻကိုသွူ။ ဝွေꩻသီးဆွမ်ꩻဝွေꩻတဲင် ကင်းထွန်ႏနဝ်ꩻ အွဉ်ႏဒင်ႏ ဝွေꩻလောင်းတွော့ꩻ အွဉ်ႏဝွေꩻထမ်ႏလွဉ်ꩻ ဗွေႏယေသျုဆꩻချာသွူ။
27လိုꩻစွိုꩻအာဖုံႏနဝ်ꩻ အဝ်ႏလွေꩻလွဉ်ꩻ ဝွေꩻဗွေႏဆꩻချာသွူ။ ဝွေꩻသီး အကို လိုꩻမူႏယင်ဟန်ႏနဝ်ꩻ အဝ်ႏငွိုးကော့ꩻ ဝွေꩻဗွေႏတာႏသွူ။ 28ဗွေႏယေသျု ခွယ်ႏထေ့ချာ ဝွေꩻသီးတဲင်ဒေါ့ꩻ၊ “လိုꩻမူႏဝေင်ꩻယေရုသလမ်ႏ သားဖုံႏ၊ တွမ်ႏငွိုးဖေႏမွိုန်း ခွေတာႏဟုဲင်း။ ကွဲႏတွော့ꩻ ငွိုးကော့ꩻချာဒျာႏ သီနမ်းတာႏစွဉ်ႏ သီပိုဖုံႏတာႏဟုဲင်း။ 29‘လိုꩻမူႏ ပိုတအဲဉ်ထဝ်းသားဖုံႏ၊ တလွူးဗာႏဖိုတဝ်း လိုꩻပေႏသားဖုံႏ၊ တဖေႏနဲဉ်းဗာႏဖိုတဝ်း ပိုသားဖုံႏနဝ်ꩻ မင်္ဂလာႏအဝ်ႏ၊’ လိုꩻဖုံႏကအီႏရိုꩻဗာႏ နုဲင်းနဝ်ꩻနဝ်ꩻ အချိန်ႏအီႏတွိုႏလွဉ်သွူ။ 30#ဟောသျေ ၁၀:၈၊ ဗျာ ၆:၁၆။ လိုꩻဖုံႏအီႏကော့ꩻရိုꩻဒျာႏ ကောင်တန်ဖုံႏ ‘ပြင်ꩻလင်ꩻလူးခန်း နီလောင်းဟုဲင်း။’ ကောင်ပူႏပေႏဖုံႏ ‘လုမ်ႏတေင်ထိုꩻခန်း နီဟုဲင်း။’ 31ပွိုးသေင်ႏ အဝ်ႏသဉ်သွမ်ႏနေက နုဲင်းယိုမဉ်ႏတဲ့ အဝ်ႏထွာထာꩻစားနဝ်ꩻ ထွိုင်ႏသဲင်ထိုꩻချိန်ႏနဝ်ꩻ အီႏထွာထဲင်း ခွိုင်းကားမုဲင်ꩻဟောင်း။
32ရာႏဇဝွတ်မုပဲစ်သား လိုꩻခိုအလင် ဝင်ꩻနီနဝ်ꩻတဲ့ ဟဲ့ꩻထန်ႏလွေꩻ အီႏမာꩻသီငီꩻစွဉ်ႏ ဗွေႏယေသျုနဝ်ꩻသွူ။ 33ဝွေꩻသီးထွိုင်ႏ ဖျော်လွဉ်ခင်ႏလမ်း ကဟဲ့ꩻဒါႏ၊ “ကတူႏခြောက်ꩻ”နဝ်ꩻ ဗွေႏယေသျုတွမ်ႏ ရာႏဇဝွတ်မုပဲစ်သား ဝင်ꩻနီနဝ်ꩻ ဝွေꩻသီးတွဲႏဒပ်စွဉ်ႏ တဖြာꩻနဝ်ꩻ ဝွေꩻဗွေႏစူထွေဖဲ့ꩻတွော့ꩻ အလင်တဖြာꩻနဝ်ꩻ ဝွေꩻဗွေႏစူစေႏဖဲ့ꩻသွူ။ 34#သာ ၂၂:၁၈။ ဗွေႏယေသျုဒေါ့ꩻ၊ “အွိုးဖါ၊ နုဲင်းဝွေꩻသီး ကအဝ်ႏမာꩻနဝ်ꩻ ဝွေꩻသီး တသေတဝ်းနဝ်ꩻမꩻ အွဉ်ႏစွꩻလွစ်ဖေႏ ဝွေꩻသီးအပဲစ်ဖုံႏမွိုင်” နုဲင်းနဝ်ꩻသွူ။
ဝွေꩻသီးအွဉ်ႏလင်ꩻနေး ထာꩻတောႏရာႏတွော့ꩻ ဝွေꩻဗွေႏအခွမ်ꩻလာꩻဖုံႏနဝ်ꩻ အချင်ꩻချင်ꩻ ဖန်းဝေႏဖေႏစွဉ်ႏ လို့ဝင်ꩻနဝ်ꩻသွူ။ 35#သာ ၂၂:၇။ လိုꩻဖုံႏ ကအဝ်ႏအုံထွိုင်ႏပွေါးထွား နဝ်ꩻကိုကျာꩻ ဂျူးလိုꩻတန်ဖုံႏနဝ်ꩻ သဲ့ꩻသွမ်ꩻစွဉ်ႏဝွေꩻဗွေႏ၊ “ဝွေꩻနဝ်ꩻ ကယ်ႏလဲဉ်း လိုꩻလင်ဖုံႏ၊ ဝွေꩻမဉ်ႏထွာမွေး ဗွေႏဘုရာꩻ ကလွိုက်သေꩻခါꩻဒါႏ မေသျိယနဝ်ꩻ အွဉ်ႏဝွေꩻကယ်ႏချာ အနမ်းဟုဲင်း” နုဲင်းနဝ်ꩻသွူ။
36 #
သာ ၆၉:၂၁။ စဲ့ꩻသားဖုံႏနဝ်ꩻတဲ့ အဝ်ႏသဲ့ꩻသွမ်ꩻပါက ဝွေꩻဗွေႏသွူ။ ဝွေꩻသီးလွဉ်ထေ့ ဝွေꩻဗွေႏထျꩻတဲင် ဖေႏအွꩻဝွေꩻဗွေႏ ဝုဲင်ဆျာႏတွော့ꩻ 37ဒေါ့ꩻ၊ “နာꩻမဉ်ႏထွာ ဂျူးခွန်တန်နဝ်ꩻ ကယ်ႏချာသွော့ နာꩻနမ်းဟုဲင်း” နုဲင်းနဝ်ꩻသွူ။
38ဝွေꩻဗွေႏဆꩻကီနဝ်ꩻ အဝ်ႏတဲမ်းသေꩻခါ ငဝ်းဖုံႏနုဲင်းယို၊ “ယိုနဝ်ꩻထွာ ဂျူးခွန်တန်” နုဲင်းနဝ်ꩻသွူ။
39အမုပဲစ်သားတဖြာꩻ ကအဝ်ႏတွဲႏဒပ်ငီꩻဒါႏ နဝ်ꩻကိုနဝ်ꩻ ကဲ့ꩻရဲ့ꩻဝွေꩻဗွေႏ၊ “နာꩻနဝ်ꩻထွာ မေသျိယမွေးတဝ်းနဲ့။ ကယ်ႏချာနာꩻနမ်း တွမ်ႏနီဟုဲင်း” နုဲင်းနဝ်ꩻသွူ။
40အလင်တဖြာꩻနဝ်ꩻ ခွန်းနယ်ꩻဝွေꩻတွော့ꩻရိုꩻ၊ “နာꩻငမ်းတဝ်း ဗွေႏဘုရာꩻနဲ့ဟောင်း။ နုဲင်းဝွေꩻကခံႏဗာႏ အပဲစ်တံႏနဝ်ꩻ နာꩻတဲ့အဝ်ႏခံႏဗာႏ ဗွိုန်ဗွိုန်သွူ။ 41ကွဲႏတွော့ꩻ နုဲင်းနီကမာꩻလဲဉ်းဒါႏ အတာႏနဝ်ꩻ ပွိုးတွော့ꩻ နီထွိုက်ခံႏနဝ်ꩻမꩻ နီကခံႏဗာႏနဝ်ꩻ မဲဉ်ႏဒျာႏ၊ ကွဲႏတွော့ꩻ ဝွေꩻနဝ်ꩻ တမာꩻဗာႏတဝ်း အပဲစ်” နုဲင်းနဝ်ꩻသွူ။ 42တဲင်ဝွေꩻဒေါ့ꩻဖေႏ ဗွေႏယေသျု၊ “ဗွေႏယေသျု၊ နီဗွေႏမဉ်ႏကျွꩻလွဉ် နုဲင်းခွန်တန်ချိန်ႏနဝ်ꩻ ယူႏလꩻသွော့ခွေသွဉ်း” နုဲင်းနဝ်ꩻသွူ။
43ဗွေႏယေသျုဒေါ့ꩻဖေႏဝွေꩻ၊ “ဟန်ႏနီꩻယို နာꩻအီႏအဝ်ႏငီꩻ တွမ်ႏခွေပရဒိသုကို၊ ခွေအွဉ်ႏဂတိနာꩻ” နုဲင်းနဝ်ꩻသွူ။
ဗွေႏယေသျုသီ
(မတဲ ၂၇:၄၅–၅၆။ မာကု ၁၅:၃၃–၄၁။ ယောဟန် ၁၉:၂၈–၃၀)
44-45 #
ထလ ၂၆:၃၁–၃၃။ အချိန်ႏနဝ်ꩻထွာ မွူးယာခိုႏ တဆီနီနာႏရီႏရပ်၊ မွူးတဖေႏတဝ်းဒွုမ် အရောင်ႏတွော့ꩻ ထာꩻခေ့ꩻအဝ်ႏဒို့ꩻ တခမ်းလွုမ်း ဗꩻတွိုႏစွဉ်ႏ သွံနားရီႏသွူ။ ဖုဲင်ကင်း ကအဝ်ႏဖွို့ဒါႏ ဗိမာန်ႏတောႏ ကျောင်ꩻကိုနဝ်ꩻ သဲ့ပꩻလင်ꩻထိုꩻစွဉ်ႏ နီခဝ်နဝ်ꩻသွူ။ 46#သာ ၃၁:၅။ ဗွေႏယေသျု ခြောဝ်ထန်ႏသန်အငဝ်း၊ “အွိုးဖါ၊ ခွေဝိညာဉ်ႏနဝ်ꩻ အပ်သော့ꩻဒျာႏ နီဖါဗွေႏစူကို” ဝွေꩻဒေါ့ꩻနုဲင်းယိုတဲင် သီထိုꩻစွဉ်ႏသွူ။
47နုဲင်းကအဝ်ႏထွာထာꩻ နုဲင်းနဝ်ꩻ စဲ့ꩻပိုႏထွိုင်ႏထီႏ ဝွေꩻအုပ်ꩻထင်ႏစွဉ်ႏ ဗွေႏဘုရာꩻ ဂွုဏ်ႏတောႏတဲင်ရိုꩻ၊ “ဝွေꩻနဝ်ꩻထွာ လိုꩻဟဝ်တဖြာꩻ မွေးဒျာႏရင်ꩻ” နုဲင်းနဝ်ꩻသွူ။
48လိုꩻဖုံႏ ကအဝ်ႏစုဗူႏလို့ဒါႏဝင်ꩻ နဝ်ꩻကို ကအဝ်ႏပွေါးထွားချိန်ႏ ထွိုင်ႏထီႏ ထွာလွဉ်ထာꩻနုဲင်းနဝ်ꩻ ဝွေꩻသီးကားကအဝ်ႏ စွဉ်ႏထာꩻသꩻပေႏ တဗꩻချာ အသꩻအင် သဲင်ꩻချာစွဉ်ႏ လမ်းဖုံႏသွူ။ 49#လု ၈:၂၊၃။ လိုꩻကသေငါꩻစဲင်းဒါႏ ဗွေႏယေသျုသားဖုံႏ ကားကအဝ်ႏ ပါစွဉ်ႏလိုꩻမူႏဖုံႏ ကာလိလဲခမ်း ကလွေꩻလွဉ်ꩻဒါႏ ဝွေꩻဗွေႏနဝ်ꩻ အဝ်ႏအုံထွိုင်ႏညာꩻ ပွေါးထွားနဝ်ꩻသွူ။
သင်္ဂြိုဟ်ႏဗွေႏယေသျု
(မတဲ ၂၇:၅၇–၆၁။ မာကု ၁၅:၄၂–၄၇။ ယောဟန် ၁၉:၃၈–၄၂)
50-51နဝ်ꩻကို ယုဒခမ်း အရိမတဲဝေင်ꩻသား ပါꩻတဖြာꩻ မဉ်ꩻကဟဲ့ꩻဒါႏ ယောသပ်နဝ်ꩻ အဝ်ႏသွူ။ ဝွေꩻနဝ်ꩻထွာ လိုꩻဟဝ်တဲင် ရိုႏသေႏထွိုက် လိုꩻတဖြာꩻ၊ အဝ်ႏမောင်ꩻ ဗွေႏဘုရာꩻခမ်းထီ အီႏတယ်ႏလွဉ်နဝ်ꩻသွူ။ ကွဲႏတွော့ꩻ ဝွေꩻနဝ်ꩻအဝ်ႏထွာ ကောင်စီလိုꩻတန်တဖြာꩻ၊ ကောင်စီစွုမ်ꩻစွိုꩻဖုံႏ ထာꩻဆွုံꩻဖျတ်တွမ်ႏ ကမာꩻထာꩻဖုံႏနဝ်ꩻ ဝွေꩻသဘော်ꩻ တတူႏတဝ်းသွူ။ 52ဝွေꩻနွို့လွေꩻသော့ꩻ ခွန်ပိလတ်ဆꩻငါတဲင် ကွီဗွေႏယေသျု ရုပ်ခန္ဓာႏသွူ။ 53နဝ်ꩻထွူ ဝွေꩻထူႏလင်ꩻထိုꩻ ရုပ်ခန္ဓာႏတွော့ꩻ ရုပ်ခန္ဓာႏနဝ်ꩻ လွမ်တွမ်ႏ ပိတ်ယာႏချော်ꩻ တဖွူꩻတဲင် အွဉ်ႏသော့ꩻ သဲင်ႏခဲင်ꩻအောင် တလဲင်ႏငါတဲ့ တသွုံꩻဗာႏဖိုတဝ်းဒွိုန်း ကဒိုနေးဒါႏ လုံးဆွော့ꩻနဝ်ꩻသွူ။ 54အနီꩻနဝ်ꩻထွာ သောကျာႏနီꩻတဲင် ထွာဥပုသ်ဖစ်နီꩻသွူ။
55လိုꩻမူႏဖုံႏ အဝ်ႏကာလိလဲခမ်း ကလွေꩻလွဉ်ꩻဒါႏ ဗွေႏယေသျု ဆꩻချာသားဖုံႏနဝ်ꩻ လွေꩻလွဉ်ꩻတွမ်ႏ ယောသပ်တဲင် ထီႏစွဉ်ႏသဲင်ႏခဲင်ꩻ ကသင်္ဂြိုဟ်ႏသော့ꩻဒါႏ ဗွေႏယေသျု နမ်းသီ ခင်ႏလမ်းနဝ်ꩻသွူ။ 56#ထလ ၂၀:၁၀၊ ဟော်ꩻ ၅:၁၄။ နဝ်ꩻထွူ ဝွေꩻသီး သဲင်ꩻချာလမ်းတဲင် အီႏသူႏဖေႏ ရုပ်ခန္ဓာႏတာႏနဝ်ꩻ ဖျင်ရဲဉ်ꩻ နံꩻသာႏဟွမ်တွမ်ႏ နမ်းမန်ꩻဟွမ်ဖုံႏသွူ။
နုဲင်းပညတ်ကျမ်ꩻအတွိုင်ꩻ ဥပုသ်မွူးနီꩻကိုနဝ်ꩻ ဝွေꩻသီး အုံပဆားဒျာႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.