يوحنا 2
2
1وفي اليوم التالت كان في عرس في قانا الجليل وكانت إم يسوع هناك. 2وانعزم يسوع وتلاميذو ع العرس 3ولما خلص النبيذ قالت إم يسوع لإبنها: مَضلش عندهن نبيذ. 4قلّه يسوع: يا مره شو بدك مني؟ بعدو وقتي ما أجاش. 5وقالت إمو للخدام: اعملو شو بقُلكو. 6وكان في هناك 6 جرات معمولة من الحجر. وفيها مي بستعملوها اليهود للتطهير. وكل جرة بتوسع حوالي 100 لتر أو أكثر. 7وقال يسوع للخَدَم: عبو الجرات مي. فعبوها لحد الحفة. 8وبعدين قَلهن: طلعو إسه وقدموا لعريف الحفلة. فقدمولو منها. 9ومَكنش عريف الحفلة بِعرف شو اللي صار زي الخدام اللي طلَّعو المي من الجرة، ولما داق العريف المي اللي تحولت لنبيذ نادى العريس 10وقَلو: الواحد بحط بالأول أحسن نبيذ ولما بتسكر الناس بحط النوع الأبسط. بس إنت خليت النوع المنيح لحد إسه. 11وهيك بِقانا الجليل عمل يسوع أول آية وكشف عن مجدو فآمنوا في تلاميذو.
12وبعد هداك الوقت، راح يسوع وإمو وإخوتو وتلاميذو عكفرناحوم. وضل يسوع هناك أكم يوم. 13ولما قرب البسح اليهودي طلع يسوع ع أورشليم. 14ولاقى في ساحة الهيكل بياعين الغنم والبقر والحمام وكمان الصرافين كانوا قاعدين هناك. 15فجدّل يسوع حِبال وعمل كرباج عشان يطرد من ساحة الهيكل كل الغنم والبقر، وقلب طاولات الصرافين ووقعلهن مصرياتهن. 16وقال لبياعين الحمام: "قيموا هاي الأشياء من هون وتعملوش بيت أبوي سوق." 17وتذكروا تلاميذو كلام الله اللي بقول: "قلبي موجوع لأني بغار ع بيتك" 18وردوا اليهود ع يسوع وسألوه: "شو الآية اللي بدك تفرجينا إياها عشان يكون معك الحق إنك تتصرف بهاي الطريقة؟ 19جاوبهن يسوع وقَلهن: دمروا هادا الهيكل وأنا ببنيه في 3 أيام. 20قالولو اليهود: اخذ معنا 46 سنة عشان نبني هادا الهيكل وإنت بدك تبنيه بـ 3 أيام؟ 21بس يسوع كان يقصد إنو جسده هو الهيكل. 22فلما قام من بين الأموات تذكرو تلاميذو أيش حكى وآمنو بالمكتوب في كلمة الله وباللي حكاه يسوع.
23وكان يسوع في أورشليم في عيد البسح وكثار شافو الآيات اللي عملها وآمنو فيه. 24بس يسوع ما وثقش فيهن لأنو عارف كل إشي 25ومكنش بحاجة لمساعدة عشان يفهم الناس لأنو عارف أفكارهن.
ទើបបានជ្រើសរើសហើយ៖
يوحنا 2: CGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Colloquial Galilean Bible © 2025 The Arab Israeli Bible Society
ترجمة الكتاب المقدس باللهجة العامية الجليلية © 2025 دار الكتاب المقدس في الناصرة
يوحنا 2
2
1وفي اليوم التالت كان في عرس في قانا الجليل وكانت إم يسوع هناك. 2وانعزم يسوع وتلاميذو ع العرس 3ولما خلص النبيذ قالت إم يسوع لإبنها: مَضلش عندهن نبيذ. 4قلّه يسوع: يا مره شو بدك مني؟ بعدو وقتي ما أجاش. 5وقالت إمو للخدام: اعملو شو بقُلكو. 6وكان في هناك 6 جرات معمولة من الحجر. وفيها مي بستعملوها اليهود للتطهير. وكل جرة بتوسع حوالي 100 لتر أو أكثر. 7وقال يسوع للخَدَم: عبو الجرات مي. فعبوها لحد الحفة. 8وبعدين قَلهن: طلعو إسه وقدموا لعريف الحفلة. فقدمولو منها. 9ومَكنش عريف الحفلة بِعرف شو اللي صار زي الخدام اللي طلَّعو المي من الجرة، ولما داق العريف المي اللي تحولت لنبيذ نادى العريس 10وقَلو: الواحد بحط بالأول أحسن نبيذ ولما بتسكر الناس بحط النوع الأبسط. بس إنت خليت النوع المنيح لحد إسه. 11وهيك بِقانا الجليل عمل يسوع أول آية وكشف عن مجدو فآمنوا في تلاميذو.
12وبعد هداك الوقت، راح يسوع وإمو وإخوتو وتلاميذو عكفرناحوم. وضل يسوع هناك أكم يوم. 13ولما قرب البسح اليهودي طلع يسوع ع أورشليم. 14ولاقى في ساحة الهيكل بياعين الغنم والبقر والحمام وكمان الصرافين كانوا قاعدين هناك. 15فجدّل يسوع حِبال وعمل كرباج عشان يطرد من ساحة الهيكل كل الغنم والبقر، وقلب طاولات الصرافين ووقعلهن مصرياتهن. 16وقال لبياعين الحمام: "قيموا هاي الأشياء من هون وتعملوش بيت أبوي سوق." 17وتذكروا تلاميذو كلام الله اللي بقول: "قلبي موجوع لأني بغار ع بيتك" 18وردوا اليهود ع يسوع وسألوه: "شو الآية اللي بدك تفرجينا إياها عشان يكون معك الحق إنك تتصرف بهاي الطريقة؟ 19جاوبهن يسوع وقَلهن: دمروا هادا الهيكل وأنا ببنيه في 3 أيام. 20قالولو اليهود: اخذ معنا 46 سنة عشان نبني هادا الهيكل وإنت بدك تبنيه بـ 3 أيام؟ 21بس يسوع كان يقصد إنو جسده هو الهيكل. 22فلما قام من بين الأموات تذكرو تلاميذو أيش حكى وآمنو بالمكتوب في كلمة الله وباللي حكاه يسوع.
23وكان يسوع في أورشليم في عيد البسح وكثار شافو الآيات اللي عملها وآمنو فيه. 24بس يسوع ما وثقش فيهن لأنو عارف كل إشي 25ومكنش بحاجة لمساعدة عشان يفهم الناس لأنو عارف أفكارهن.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Colloquial Galilean Bible © 2025 The Arab Israeli Bible Society
ترجمة الكتاب المقدس باللهجة العامية الجليلية © 2025 دار الكتاب المقدس في الناصرة