Genesis 4
4
Kaini naAbeli
1Adamu kwa gwanekerere namukadendi Eva, makura ta kara nezimo. Ta hampuruka mukeke gomugara, ta tanta asi: “Na gwana munona gomugara kekwafo lyaHompa.” Makura ta mu ruku Kaini. 2Ga ninka ta hampuruka mumbyendi Abeli.
Age kwa kere musita gononzwi, ano Kaini ta kara ndimi. 3Pwa pita siruwo, makura Kaini ta twara yomomuzangu gwendi a ka gave nzambo kwaHompa. 4Ga ninka Abeli nage ta twara nombeli doyimuna yendi, ta yi dipaga, makura ta gava nzambo yilyo yomutompo po. Hompa kwa haferere Abeli nonzambo zendi, 5nye kapi ga tambwire Kaini nonzambo zendi. Kaini makura ta handuka unene, sipara sendi tasi lipirura kehandu. 6Makura Hompa ta tantere Kaini asi: “Yinke nye eyi ono handukire? Sipara soge yinke sina lipirwire? 7Ngano asi ko rugana yoyiwa, ngano kuna kuzoragana, ano apa ono rugana yoyidona, nzo kuna ku rarere pevero ngwendi sikasama asi zi ku diinine po. Kuna hara zi ku pangere, nye ove zi funda.”
8Kaini makura ta ninki mumbyendi Abeli asi: “Tu ze tu ka gendagure hewa.” Hava za mosanzara ngoso, Kaini ta mbindumukire mumbyendi, ta mu dipaga.
9 Hompa ta pura Kaini asi: “Mumbyoge Abeli kupi?”
Gwina ta limburura asi: “Walye. Ame nyame nye mukungi gwamumbyange ndi?”
10Makura Hompa ta tanta asi: “Yinke eyi ono ruganene udigu ou wa hura apa? Honde zamumbyoge kuna kukuga nge mevhu, ngwendi ezwi lyonkugo. 11Ano ngesi mefingiliro nye ono kara nemevhu eli ngava ku tjida mo. Alyo kuna mini honde zamumbyoge ngwendi lyeli lina zahameke kana, li zi tambure mokuwoko koge. 12Nsene ngo lima eli evhu, kapi ngo zangura mo yuma, kapi ngo paka uturo, ngo kununuka tupu nouzuni.”
13Kaini makura ta tantere Hompa asi: “Mfuto ezi ndigu unene. 14To tjida nge mo omu mosirongo nokosipara soge, ni ku vande. Ngani pira uturo, ngani kununuka mouzuni, nkenye ogu nga gwana nge nga dipaga nge.”
15Nye Hompa ta mu limburura asi: “Hawe. Nkenye ogu nga dipaga Kaini, kumurugwidira kuwoko, va mu futise rutano‐naruvali.” Makura Hompa ta tura sidiviso kwaKaini sokurondora nkenye ogu vana kugwanekera nendi asi, ga ha mu dipaga. 16Kaini makura ta tundu po pwaHompa, ta ka tunga mosirongo esi ngava tumbura asi: “Yikununuka” koUpumezuva waEdeni.
Ruvharo rwaKaini
17Kaini kwa gwanekerere namukadendi, makura ta kara nezimo, ta hampuruka munona gomugara, ta mu ruku Henoka. Makura Kaini ta tungu sitata, ta si ruku edina lyamunwendi Henoka. 18Henoka ta vhara Iradi, ano Iradi ta vhara Mehuyayeli, ogu ga vhere Metusayeli. Metusayeli ta vhara Rameki. 19Rameki kwa kwere vakadi vavali; gumwe edina lyendi Ada, ano mukwawo Sira. 20Ada ta hampuruka Jabali, ogu ga kere zinyakurwa ava va weka yimuna, ava kara monotenta. 21Mumbyendi edina lyendi Jubali, ogu ga kere zinyakurwa — vasiki woyiumba nomapoli. 22Sira age ta hampuruka Tubali‐Kaini, zinyakurwa navenye ava ava hambura ngoporo noyivera. Mpanza Tubali‐Kaini Nama.
23Rameki makura ta tantere vakadi vendi asi:
“Ada naSira, vakadi vange,
purakeneni nge.
Ame kudipaga mugara ogu a
remeke nge,
ame kudipaga mumati ogu a
toona nge.
24Ogu nga toona Kaini ngava mu
futisa rutano‐naruvali,
ano ogu nga toona Rameki
ngava mu futisa
ronomurongo ntano‐nambali nantano‐nambali.”
Sete naEnosi
25Adamu makura ta gwanekere hena namukadendi, ta hampuruka munona gomugara, ta tanta asi: “Karunga ana pe nge muna gomugara mevega lyaAbeli, ogu ga dipaga Kaini.” Age makura ta mu ruku Sete. 26Sete makura ta vhara munona gomugara, ta mu ruku Enosi. Kutunda opo yipo va tamekere vantu kutongamena Hompa, va zigide edina lyendi.
ទើបបានជ្រើសរើសហើយ៖
Genesis 4: KWN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 4
4
Kaini naAbeli
1Adamu kwa gwanekerere namukadendi Eva, makura ta kara nezimo. Ta hampuruka mukeke gomugara, ta tanta asi: “Na gwana munona gomugara kekwafo lyaHompa.” Makura ta mu ruku Kaini. 2Ga ninka ta hampuruka mumbyendi Abeli.
Age kwa kere musita gononzwi, ano Kaini ta kara ndimi. 3Pwa pita siruwo, makura Kaini ta twara yomomuzangu gwendi a ka gave nzambo kwaHompa. 4Ga ninka Abeli nage ta twara nombeli doyimuna yendi, ta yi dipaga, makura ta gava nzambo yilyo yomutompo po. Hompa kwa haferere Abeli nonzambo zendi, 5nye kapi ga tambwire Kaini nonzambo zendi. Kaini makura ta handuka unene, sipara sendi tasi lipirura kehandu. 6Makura Hompa ta tantere Kaini asi: “Yinke nye eyi ono handukire? Sipara soge yinke sina lipirwire? 7Ngano asi ko rugana yoyiwa, ngano kuna kuzoragana, ano apa ono rugana yoyidona, nzo kuna ku rarere pevero ngwendi sikasama asi zi ku diinine po. Kuna hara zi ku pangere, nye ove zi funda.”
8Kaini makura ta ninki mumbyendi Abeli asi: “Tu ze tu ka gendagure hewa.” Hava za mosanzara ngoso, Kaini ta mbindumukire mumbyendi, ta mu dipaga.
9 Hompa ta pura Kaini asi: “Mumbyoge Abeli kupi?”
Gwina ta limburura asi: “Walye. Ame nyame nye mukungi gwamumbyange ndi?”
10Makura Hompa ta tanta asi: “Yinke eyi ono ruganene udigu ou wa hura apa? Honde zamumbyoge kuna kukuga nge mevhu, ngwendi ezwi lyonkugo. 11Ano ngesi mefingiliro nye ono kara nemevhu eli ngava ku tjida mo. Alyo kuna mini honde zamumbyoge ngwendi lyeli lina zahameke kana, li zi tambure mokuwoko koge. 12Nsene ngo lima eli evhu, kapi ngo zangura mo yuma, kapi ngo paka uturo, ngo kununuka tupu nouzuni.”
13Kaini makura ta tantere Hompa asi: “Mfuto ezi ndigu unene. 14To tjida nge mo omu mosirongo nokosipara soge, ni ku vande. Ngani pira uturo, ngani kununuka mouzuni, nkenye ogu nga gwana nge nga dipaga nge.”
15Nye Hompa ta mu limburura asi: “Hawe. Nkenye ogu nga dipaga Kaini, kumurugwidira kuwoko, va mu futise rutano‐naruvali.” Makura Hompa ta tura sidiviso kwaKaini sokurondora nkenye ogu vana kugwanekera nendi asi, ga ha mu dipaga. 16Kaini makura ta tundu po pwaHompa, ta ka tunga mosirongo esi ngava tumbura asi: “Yikununuka” koUpumezuva waEdeni.
Ruvharo rwaKaini
17Kaini kwa gwanekerere namukadendi, makura ta kara nezimo, ta hampuruka munona gomugara, ta mu ruku Henoka. Makura Kaini ta tungu sitata, ta si ruku edina lyamunwendi Henoka. 18Henoka ta vhara Iradi, ano Iradi ta vhara Mehuyayeli, ogu ga vhere Metusayeli. Metusayeli ta vhara Rameki. 19Rameki kwa kwere vakadi vavali; gumwe edina lyendi Ada, ano mukwawo Sira. 20Ada ta hampuruka Jabali, ogu ga kere zinyakurwa ava va weka yimuna, ava kara monotenta. 21Mumbyendi edina lyendi Jubali, ogu ga kere zinyakurwa — vasiki woyiumba nomapoli. 22Sira age ta hampuruka Tubali‐Kaini, zinyakurwa navenye ava ava hambura ngoporo noyivera. Mpanza Tubali‐Kaini Nama.
23Rameki makura ta tantere vakadi vendi asi:
“Ada naSira, vakadi vange,
purakeneni nge.
Ame kudipaga mugara ogu a
remeke nge,
ame kudipaga mumati ogu a
toona nge.
24Ogu nga toona Kaini ngava mu
futisa rutano‐naruvali,
ano ogu nga toona Rameki
ngava mu futisa
ronomurongo ntano‐nambali nantano‐nambali.”
Sete naEnosi
25Adamu makura ta gwanekere hena namukadendi, ta hampuruka munona gomugara, ta tanta asi: “Karunga ana pe nge muna gomugara mevega lyaAbeli, ogu ga dipaga Kaini.” Age makura ta mu ruku Sete. 26Sete makura ta vhara munona gomugara, ta mu ruku Enosi. Kutunda opo yipo va tamekere vantu kutongamena Hompa, va zigide edina lyendi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Egwanekerobibeli Lyanamibia 1987, 2003
© Bible Society of Namibia 1987, 2003