Genesis 5
5
Ruvharo rwaAdamu
1Aga yigo malikwamo goruvharo rwaAdamu. Apa ga ungire Karunga Adamu, kwa mu ungire a mu fane. 2Age kwa va ungire mugara nomukadi; ta va swere ta va ruku asi ‘Muntu’ apa ga mene kuvaunga. 3Adamu apa ga sikire konomvhura efere nonomurongo ntatu, ta vhara munona gomugara gokumufana, makura ta mu ruku Sete. 4Ya pwa eyi, Adamu ta kara ko hena nomvhura mafere gatano‐nagatatu. Ta vhara hena vana vamwe, 5ga ya fa age ana kara nonomvhura mafere gatano‐nagane nonomurongo‐ntatu.
6Sete apa ga vhere munona gomugara Enosi, age nomvhura dendi efere‐nantano, 7ta kara ko hena nomvhura mafere gatano‐nagatatu nonomvhura ntano‐nambali. Ta vhara hena vamwe, 8ga ya fa age ana kara nonomvhura mafere gatano‐nagane nomurongo‐nambali.
9Apa ga vhere Enosi munona gomugara Kenani, age ana kara nonomvhura nomurongo ntano‐nane, 10ta kara ko hena nomvhura mafere gatano‐nagatatu nomurongo‐nantano. Ta vhara hena vana vamwe, 11ga ya fa age ana kara nonomvhura mafere gatano‐nagane nantano.
12Kenani apa ga vhere munona gomugara Maharareli, age ana kara nonomvhura nomurongo ntano‐nambali. 13Ta kara ko hena nomvhura mafere gatano‐nagatatu nonomurongo ne. Ta vhara vana vamwe, 14ga ya fa age ana kara nonomvhura mafere gatano‐nagane nomurongo.
15Maharareli apa ga vhere munona gomugara Jaredi, age ana kara nonomvhura nomurongo ntano‐nazimwe nonomvhura ntano, 16ta kara ko hena nomvhura mafere gatano‐nagatatu nonomurongo ntatu. Ta vhara vana vamwe, 17ga ya fa age ana kara nonomvhura mafere gatano‐nagatatu nonomurongo ntano‐nane nonomvhura ntano.
18Jaredi apa ga vhere munona gomugara Henoka, age nomvhura dendi efere nonomurongo ntano‐nazimwe nonomvhura mbali, 19ta kara ko hena nomvhura mafere gatano‐nagatatu. Ta vhara vana vamwe, 20ga ya fa age ana kara nonomvhura mafere gatano‐nagane nonomurongo ntano‐nazimwe nonomvhura mbali.
21Apa ga vhere Henoka munwendi gomugara Metusera, age nomvhura dendi nomurongo ntano‐nazimwe nantano. 22Henoka kwa kere ko hena nomvhura mafere gatatu momalikwatakano naKarunga, ta vhara vana vamwe, 23dogoro ta ka sika konomvhura mafere gatatu nonomurongo ntano‐nazimwe nantano. 24Moukaro wendi naunye age kwa kere negwanekero naKarunga, makura ta dongonoka, yeeyi Karunga ga mu gusire po.
25Metusera apa ga vhere munona gomugara Rameki, age ana kara nonomvhura efere nonomurongo ntano‐nantatu nantano‐nambali, 26ta kara ko hena nomvhura mafere gatano‐nagavali nonomurongo ntano‐nantatu nambali. Ta vhara vana vamwe, 27ga ya fa age ana kara nonomvhura mafere gatano‐nagane nonomurongo ntano‐nazimwe nantano‐nane.
28Apa ga vhere Rameki munona gomugara, age nomvhura dendi efere nonomurongo ntano‐nantatu nambali, 29kwa tente asi: “Munona ogu nga tu hengagwida koyirugana yetu yoyidigu, eyi ayi tundu mevhu eli ga fingilira Hompa.” Makura ta mu ruku Nowa. 30Rameki ta kara ko hena nomvhura mafere gatano nonomurongo ntano‐nane nantano. Ta vhara vana vamwe, 31ga ya fa age nomvhura dendi mafere gatano‐nagavali nonomurongo ntano nambali nantano‐nambali.
32Eyi ga sika Nowa konomvhura mafere gatano, ta vhara vana wovagara vatatu, oSema naHamu naJafeta.
ទើបបានជ្រើសរើសហើយ៖
Genesis 5: KWN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 5
5
Ruvharo rwaAdamu
1Aga yigo malikwamo goruvharo rwaAdamu. Apa ga ungire Karunga Adamu, kwa mu ungire a mu fane. 2Age kwa va ungire mugara nomukadi; ta va swere ta va ruku asi ‘Muntu’ apa ga mene kuvaunga. 3Adamu apa ga sikire konomvhura efere nonomurongo ntatu, ta vhara munona gomugara gokumufana, makura ta mu ruku Sete. 4Ya pwa eyi, Adamu ta kara ko hena nomvhura mafere gatano‐nagatatu. Ta vhara hena vana vamwe, 5ga ya fa age ana kara nonomvhura mafere gatano‐nagane nonomurongo‐ntatu.
6Sete apa ga vhere munona gomugara Enosi, age nomvhura dendi efere‐nantano, 7ta kara ko hena nomvhura mafere gatano‐nagatatu nonomvhura ntano‐nambali. Ta vhara hena vamwe, 8ga ya fa age ana kara nonomvhura mafere gatano‐nagane nomurongo‐nambali.
9Apa ga vhere Enosi munona gomugara Kenani, age ana kara nonomvhura nomurongo ntano‐nane, 10ta kara ko hena nomvhura mafere gatano‐nagatatu nomurongo‐nantano. Ta vhara hena vana vamwe, 11ga ya fa age ana kara nonomvhura mafere gatano‐nagane nantano.
12Kenani apa ga vhere munona gomugara Maharareli, age ana kara nonomvhura nomurongo ntano‐nambali. 13Ta kara ko hena nomvhura mafere gatano‐nagatatu nonomurongo ne. Ta vhara vana vamwe, 14ga ya fa age ana kara nonomvhura mafere gatano‐nagane nomurongo.
15Maharareli apa ga vhere munona gomugara Jaredi, age ana kara nonomvhura nomurongo ntano‐nazimwe nonomvhura ntano, 16ta kara ko hena nomvhura mafere gatano‐nagatatu nonomurongo ntatu. Ta vhara vana vamwe, 17ga ya fa age ana kara nonomvhura mafere gatano‐nagatatu nonomurongo ntano‐nane nonomvhura ntano.
18Jaredi apa ga vhere munona gomugara Henoka, age nomvhura dendi efere nonomurongo ntano‐nazimwe nonomvhura mbali, 19ta kara ko hena nomvhura mafere gatano‐nagatatu. Ta vhara vana vamwe, 20ga ya fa age ana kara nonomvhura mafere gatano‐nagane nonomurongo ntano‐nazimwe nonomvhura mbali.
21Apa ga vhere Henoka munwendi gomugara Metusera, age nomvhura dendi nomurongo ntano‐nazimwe nantano. 22Henoka kwa kere ko hena nomvhura mafere gatatu momalikwatakano naKarunga, ta vhara vana vamwe, 23dogoro ta ka sika konomvhura mafere gatatu nonomurongo ntano‐nazimwe nantano. 24Moukaro wendi naunye age kwa kere negwanekero naKarunga, makura ta dongonoka, yeeyi Karunga ga mu gusire po.
25Metusera apa ga vhere munona gomugara Rameki, age ana kara nonomvhura efere nonomurongo ntano‐nantatu nantano‐nambali, 26ta kara ko hena nomvhura mafere gatano‐nagavali nonomurongo ntano‐nantatu nambali. Ta vhara vana vamwe, 27ga ya fa age ana kara nonomvhura mafere gatano‐nagane nonomurongo ntano‐nazimwe nantano‐nane.
28Apa ga vhere Rameki munona gomugara, age nomvhura dendi efere nonomurongo ntano‐nantatu nambali, 29kwa tente asi: “Munona ogu nga tu hengagwida koyirugana yetu yoyidigu, eyi ayi tundu mevhu eli ga fingilira Hompa.” Makura ta mu ruku Nowa. 30Rameki ta kara ko hena nomvhura mafere gatano nonomurongo ntano‐nane nantano. Ta vhara vana vamwe, 31ga ya fa age nomvhura dendi mafere gatano‐nagavali nonomurongo ntano nambali nantano‐nambali.
32Eyi ga sika Nowa konomvhura mafere gatano, ta vhara vana wovagara vatatu, oSema naHamu naJafeta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Egwanekerobibeli Lyanamibia 1987, 2003
© Bible Society of Namibia 1987, 2003