Genesis 6
6
Uturanzo wovantu
1Posiruwo oso vantu kwa vhukire mouzuni, vakadona awo nawo vana va vhara. 2Vagara vamwe vemeguru tava zi vakadi owo konomutjima, makura tava kwara mo ava va here mo. 3Ano Hompa makura ta tanta asi: “Kapi ngani siga hena mpepo zange zi karerere momuntu, yeeyi age nakufa. Kutunda apa kapi hena ngava pitakana ponomvhura efere nonomurongo‐mbali.” 4Momazuva ogo nokomeho hena mamuturungu ga kere ko konauzuni, vana wowo vakadi novagara vemeguru. Awo mapenda ga kere, awo hena kwa fumanene nare‐nare.
5Ano Hompa apa ga mwene asi udona wovantu una vhuka napenye, awo hena yoyidona yelike vana kugazara, 6makura ta livere eyi ga ungilire vantu a va ture pevhu. Makura ta guwu unene, 7ta ninki asi: “Ngani zonagura vantu navenye ava na unga, nkenye oku va ka twa. Ngani zonagura hena yikorama nayinye noyidira nayinye, morwa kuna kulivera eyi na yi sitilire.” 8Nye Hompa Nowa kwa mu zire komutjima.
Nowa
9-10Eli yilyo esanseko lyaNowa. Age kwa kere novana wovagara vatatu, oSema naHamu naJafeta. Nowa kwa kere muhungami, gelike ga zire Karunga komutjima posiruwo oso; age kwa kere momalikwatakano naKarunga. 11Nye vantu navenye vapeke kwa yipire kwaKarunga, ano udona wawo hena kwa lihanenene napenye. 12Karunga makura ta tara uzuni, ta mono asi una yipa, yeeyi vantu kwa yipire nuunu.
13Karunga makura ta tantere Nowa asi: “Na tokora tani hulisa po vantu navenye. Tani va zonagura po nuunu, yeeyi uzuni mudima kuna zura yirugana yawo yoyidona. 14Lipangerera emuwato lyoyitji yoyiwa; to tetagura mo mazimo, makura to li hoto monda nokontunda nomanganganga. 15Alyo yimo ngo li pangera ngesi: monaure nometa efere nonomurongo ntatu nantatu, monompatji nometa nomurongo mbali nambali, ano momusika nometa murongo nantatu. 16To tungire ko ndunda oko kemuwato, to sigi po kampito konosentimeta nomurongo ne nane pokatji kondunda nonombambaro. Li pangera lyomazimo gatatu gokulironda‐ronda, makura morumbambaro to tura mo evero. 17Tani hanzesa ruhanzo pevhu ni zonagure yinamwenyo nayinye. Yininke nayinye yepevhu ngayi fa, 18nye ove ko ame kuna hara tu kare nomalikwatakano noge. Ngo perame mo memuwato namukadoge novana woge novakadi vawo, 19ngo pereke mo hena nkenye rudi rokakorama sosigara nesi sosikadi, ngayi paruke. 20Nkenye rudi royidira yivali, nkenye rudi royikorama, yoyinene neyi yoyinunu, ngayi perame memuwato, ngayi paruke. 21To twara mo hena nondya doge peke‐peke nedi dayo.” 22Makura Nowa nage ta rugana nayinye moomu ga mu pangerere Karunga.
ទើបបានជ្រើសរើសហើយ៖
Genesis 6: KWN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 6
6
Uturanzo wovantu
1Posiruwo oso vantu kwa vhukire mouzuni, vakadona awo nawo vana va vhara. 2Vagara vamwe vemeguru tava zi vakadi owo konomutjima, makura tava kwara mo ava va here mo. 3Ano Hompa makura ta tanta asi: “Kapi ngani siga hena mpepo zange zi karerere momuntu, yeeyi age nakufa. Kutunda apa kapi hena ngava pitakana ponomvhura efere nonomurongo‐mbali.” 4Momazuva ogo nokomeho hena mamuturungu ga kere ko konauzuni, vana wowo vakadi novagara vemeguru. Awo mapenda ga kere, awo hena kwa fumanene nare‐nare.
5Ano Hompa apa ga mwene asi udona wovantu una vhuka napenye, awo hena yoyidona yelike vana kugazara, 6makura ta livere eyi ga ungilire vantu a va ture pevhu. Makura ta guwu unene, 7ta ninki asi: “Ngani zonagura vantu navenye ava na unga, nkenye oku va ka twa. Ngani zonagura hena yikorama nayinye noyidira nayinye, morwa kuna kulivera eyi na yi sitilire.” 8Nye Hompa Nowa kwa mu zire komutjima.
Nowa
9-10Eli yilyo esanseko lyaNowa. Age kwa kere novana wovagara vatatu, oSema naHamu naJafeta. Nowa kwa kere muhungami, gelike ga zire Karunga komutjima posiruwo oso; age kwa kere momalikwatakano naKarunga. 11Nye vantu navenye vapeke kwa yipire kwaKarunga, ano udona wawo hena kwa lihanenene napenye. 12Karunga makura ta tara uzuni, ta mono asi una yipa, yeeyi vantu kwa yipire nuunu.
13Karunga makura ta tantere Nowa asi: “Na tokora tani hulisa po vantu navenye. Tani va zonagura po nuunu, yeeyi uzuni mudima kuna zura yirugana yawo yoyidona. 14Lipangerera emuwato lyoyitji yoyiwa; to tetagura mo mazimo, makura to li hoto monda nokontunda nomanganganga. 15Alyo yimo ngo li pangera ngesi: monaure nometa efere nonomurongo ntatu nantatu, monompatji nometa nomurongo mbali nambali, ano momusika nometa murongo nantatu. 16To tungire ko ndunda oko kemuwato, to sigi po kampito konosentimeta nomurongo ne nane pokatji kondunda nonombambaro. Li pangera lyomazimo gatatu gokulironda‐ronda, makura morumbambaro to tura mo evero. 17Tani hanzesa ruhanzo pevhu ni zonagure yinamwenyo nayinye. Yininke nayinye yepevhu ngayi fa, 18nye ove ko ame kuna hara tu kare nomalikwatakano noge. Ngo perame mo memuwato namukadoge novana woge novakadi vawo, 19ngo pereke mo hena nkenye rudi rokakorama sosigara nesi sosikadi, ngayi paruke. 20Nkenye rudi royidira yivali, nkenye rudi royikorama, yoyinene neyi yoyinunu, ngayi perame memuwato, ngayi paruke. 21To twara mo hena nondya doge peke‐peke nedi dayo.” 22Makura Nowa nage ta rugana nayinye moomu ga mu pangerere Karunga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Egwanekerobibeli Lyanamibia 1987, 2003
© Bible Society of Namibia 1987, 2003