Ma-thi-ơ 8
8
Pô Yê-su pajru rwak khalong
(Mag 1:40-45; Lu-ka 5:12-16)
1Tuk Pô Yê-su mưng ngok cơk trun, tapôr mưnuix biak ralô nao tui Bhô. 2Dêh, hu tha urang khalong#8:2 khalong: Dalam bat Pô Yê-su, rwak khalong đôm ka ralô paka rwak di kalik karei di gaup. Tui hakum jakar Mô-se mưnuix rwak khalong gok mong nạn haruk haram. mai khôi pak anak Bhô thong thuuk: “Pô lơy, mưyah Pô ưng, Pô hu mưda ngak ka dahlak bihu hacih.” 3Pô Yê-su yêr tangin ravơk tal urang nan, thong bican: “Ita ưng, xang hacih mek.” Binhêt, urang khalong bihu hacih. 4Pô Yê-su đôm kakei: “Xang ajut, jôi đôm haget thong thei, min xang biđang ƀok gru mưliêng, thong ƀai panôja bloh Mô-se krung hu pato, yau tha panôic kaxan ka abih drei.”
Pô Yê-su pajru dhit ka halun kar puk ginôr
(Lu-ka 7:1-10)
5Tuk Pô Yê-su tamư dhan Ka-ƀê-na-um, hu tha kar puk ginôr mưrai neh likau Bhô: 6“Pathau Gru, halun dahlak gok mưtai arak, đih pak thang, pađik pađwa lô.” 7Pô Yê-su bican: “Mưca Ita nao pajru dhit ka nhu.” 8Kar puk ginôr thuuk: “Pô lơy dahlak ôh lek thamgôn daa Pô tamư thang, ciêt likau di Bhô bican tha panôic yơ halun dahlak mưca bihu dhit. 9Kaywa êng dahlak dok ala gon urang pakan, dahlak lijang hu bôl bala dok ala gon dahlak; dahlak pađar ban ni: ‘Nao!’ yơ nhu nao; pađar ban dêh: ‘Mưrai!’ yơ nhu mưrai; thong pađar halun dahlak: ‘Ngak bruk ni!’ yơ nhu ngak.” 10Pang bloh Pô Yê-su plơng kadơng thong bican dôm urang nao tui Bhô laic: “Biak jơh, Ita đôm thong khol hư, Ita ôh ka hu ƀôh thei dalam I-sra-ên hu sagar yau nan. 11#Lu 13:29.Ita đôm ka khol hư thau: Mưng adih pur adih pai mưca hu ralô urang mai dok mưthong paban thong Ap-ra-ham, I-sag thong Ya-kôp dalam Dit Biya Thôr Riga. 12#Mat 22:13; Mat 25:30; Lu 13:28.Min dôm anưk anưd dit biya gilaic gok parah tabiak libik xup palup gah lingiu, nạn libik mưca hu hanuk yava thong grik tagei.” 13Bloh Pô Yê-su bican thong kar puk ginôr: “Xang nao thang mek! Hư dial yau halei, mưca bihu yau nan.” Êng dalam tuk nan, urang halun bihu dhit.
Pô Yê-su pajru dhit ka thuma kamei Phi-e-rơ thong ralô urang pakan
(Mag 1:29-34; Lu-ka 4:38-41)
14Patui di nan, Pô Yê-su tamư thang Phi-e-rơ, ƀôh thuma kamei ong rwak pađiak, đih ngok canưng. 15Bhô ravơk tangin muk, rwak pađiak tabiak truh di muk, bloh muk tagôk dang ragxa Bhô.
16Xup tal, mưnuix urang ba mưrai mưthong Bhô ralô urang gok ajin mưk; Bhô angui panôic bican tiaup ajin tabiak thong pajru dhit abih urang rwak hakik. 17Yau nan, panôic hôr Ê-sai:
“Êng Bhô krung hu ba mưk jar jok khol drei,
Thong anong đwa abih rwak hakik khol drei,” krung bihu thit.
Yom piêh tui Pô Yê-su
(Lu-ka 9:57-62)
18Tuk ƀôh tapôr mưnuix biak ralô vang yơng, Pô Yê-su thurah nao tapa takai tathik gah dêh. 19Tha gru pato adat mưrai pathau thong Bhô: “Gru lơy, Gru nao tao, mưca dahlak tui pak nan.” 20Pô Yê-su thuuk: “Mưja hu gôk, cim birim hu thruh, min Anưk Mưnuix ôh hu libik gôl akok.” 21Tha anưk xêh pakan pathau thong Bhô: “Pô lơy, likau brei idin ka dahlak nao thang dar ramik amư dahlak dahlau ka.” 22Min Pô Yê-su thuuk: “Xang tui Ita, piêh ra mưtai dar mưnuix mưtai khol nhu.”
Pô Yê-su ngak gađang ribuk tathik
(Mag 4:35-41; Lu-ka 8:22-25)
23Pô Yê-su trun gilai, dôm anưk xêh tui Bhô. 24Asak, tha binhôr ribuk prong brôk tagôk ngok tathik, thangak rayak tuh tamư gilai; min Bhô krưh dok đih. 25Dôm anưk xêh mưrai pamưdơh Bhô thong prêu tagôk: “Pô lơy likau dong khol dahlak hai! Khol drei mưtai yơ!” 26Bhô bican: “Hơic dôm ra takik sagar dêh, habar khol hư hôic?” Bhô binhêt tagôk dang, xayok angin thong tathik, nhu jang gađang jwa. 27Dôm anưk xêh biak plơng kadơng, tanhi gaup: “Urang ni nạn thei bloh bahkan angin thong tathik jang pang gon nhu?”
Pô Yê-su tiaup ajin ka dwa urang pak Ga-đa-ra
(Mag 5:1-20; Lu-ka 8:26-39)
28Tuk tapa takai tathik gah dêh, tamư canar tanưh bôl Ga-đa-ra, Pô Yê-su gōk dwa urang gok dôm ajin mưk mưng dôm tanum tabiak mưrai. Mưnok nhu biak xanag, thangak ôh thei khin nao tapa jalan nan. 29Mưnok nhu prêu tagôk: “Hơic Anưk Pô Lingik, khol dahlak hu tavak tave haget thong Bhô? Hu njaup Bhô mưrai piêh dan dun khol dahlak dahlau di tuk pagôn lei?” 30Kal nan hu tapôr pabui biak ralô krưh dok ƀang ôh atah di nan. 31Dôm ajin neh likau Pô Yê-su: “Mưyah Bhô tiaup khol dahlak tabiak, likau brei ka khol dahlak tamư dalam tapôr pabui dêh.” 32Bhô pađar: “Nao mek!” Dôm ajin binhêt tabiak truh di dwa urang nan thong tamư dalam tapôr pabui. Binhêt, abih tapôr mưng bađen camreh blāk trun tathik karam mưtai. 33Dôm ra glang pabui đôic daup, đôic tamư dhan, lak vơk abih bruk, hakê bih bruk mưjiơng tabiak ka dwa urang gok dôm ajin mưk. 34Abih drei dalam dhan tabiak gōk Pô Yê-su; tuk birau ƀôh Bhô yơ neh likau Bhô niga truh canar tanưh khol nhu.
ទើបបានជ្រើសរើសហើយ៖
Ma-thi-ơ 8: CJM2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 8
8
Pô Yê-su pajru rwak khalong
(Mag 1:40-45; Lu-ka 5:12-16)
1Tuk Pô Yê-su mưng ngok cơk trun, tapôr mưnuix biak ralô nao tui Bhô. 2Dêh, hu tha urang khalong#8:2 khalong: Dalam bat Pô Yê-su, rwak khalong đôm ka ralô paka rwak di kalik karei di gaup. Tui hakum jakar Mô-se mưnuix rwak khalong gok mong nạn haruk haram. mai khôi pak anak Bhô thong thuuk: “Pô lơy, mưyah Pô ưng, Pô hu mưda ngak ka dahlak bihu hacih.” 3Pô Yê-su yêr tangin ravơk tal urang nan, thong bican: “Ita ưng, xang hacih mek.” Binhêt, urang khalong bihu hacih. 4Pô Yê-su đôm kakei: “Xang ajut, jôi đôm haget thong thei, min xang biđang ƀok gru mưliêng, thong ƀai panôja bloh Mô-se krung hu pato, yau tha panôic kaxan ka abih drei.”
Pô Yê-su pajru dhit ka halun kar puk ginôr
(Lu-ka 7:1-10)
5Tuk Pô Yê-su tamư dhan Ka-ƀê-na-um, hu tha kar puk ginôr mưrai neh likau Bhô: 6“Pathau Gru, halun dahlak gok mưtai arak, đih pak thang, pađik pađwa lô.” 7Pô Yê-su bican: “Mưca Ita nao pajru dhit ka nhu.” 8Kar puk ginôr thuuk: “Pô lơy dahlak ôh lek thamgôn daa Pô tamư thang, ciêt likau di Bhô bican tha panôic yơ halun dahlak mưca bihu dhit. 9Kaywa êng dahlak dok ala gon urang pakan, dahlak lijang hu bôl bala dok ala gon dahlak; dahlak pađar ban ni: ‘Nao!’ yơ nhu nao; pađar ban dêh: ‘Mưrai!’ yơ nhu mưrai; thong pađar halun dahlak: ‘Ngak bruk ni!’ yơ nhu ngak.” 10Pang bloh Pô Yê-su plơng kadơng thong bican dôm urang nao tui Bhô laic: “Biak jơh, Ita đôm thong khol hư, Ita ôh ka hu ƀôh thei dalam I-sra-ên hu sagar yau nan. 11#Lu 13:29.Ita đôm ka khol hư thau: Mưng adih pur adih pai mưca hu ralô urang mai dok mưthong paban thong Ap-ra-ham, I-sag thong Ya-kôp dalam Dit Biya Thôr Riga. 12#Mat 22:13; Mat 25:30; Lu 13:28.Min dôm anưk anưd dit biya gilaic gok parah tabiak libik xup palup gah lingiu, nạn libik mưca hu hanuk yava thong grik tagei.” 13Bloh Pô Yê-su bican thong kar puk ginôr: “Xang nao thang mek! Hư dial yau halei, mưca bihu yau nan.” Êng dalam tuk nan, urang halun bihu dhit.
Pô Yê-su pajru dhit ka thuma kamei Phi-e-rơ thong ralô urang pakan
(Mag 1:29-34; Lu-ka 4:38-41)
14Patui di nan, Pô Yê-su tamư thang Phi-e-rơ, ƀôh thuma kamei ong rwak pađiak, đih ngok canưng. 15Bhô ravơk tangin muk, rwak pađiak tabiak truh di muk, bloh muk tagôk dang ragxa Bhô.
16Xup tal, mưnuix urang ba mưrai mưthong Bhô ralô urang gok ajin mưk; Bhô angui panôic bican tiaup ajin tabiak thong pajru dhit abih urang rwak hakik. 17Yau nan, panôic hôr Ê-sai:
“Êng Bhô krung hu ba mưk jar jok khol drei,
Thong anong đwa abih rwak hakik khol drei,” krung bihu thit.
Yom piêh tui Pô Yê-su
(Lu-ka 9:57-62)
18Tuk ƀôh tapôr mưnuix biak ralô vang yơng, Pô Yê-su thurah nao tapa takai tathik gah dêh. 19Tha gru pato adat mưrai pathau thong Bhô: “Gru lơy, Gru nao tao, mưca dahlak tui pak nan.” 20Pô Yê-su thuuk: “Mưja hu gôk, cim birim hu thruh, min Anưk Mưnuix ôh hu libik gôl akok.” 21Tha anưk xêh pakan pathau thong Bhô: “Pô lơy, likau brei idin ka dahlak nao thang dar ramik amư dahlak dahlau ka.” 22Min Pô Yê-su thuuk: “Xang tui Ita, piêh ra mưtai dar mưnuix mưtai khol nhu.”
Pô Yê-su ngak gađang ribuk tathik
(Mag 4:35-41; Lu-ka 8:22-25)
23Pô Yê-su trun gilai, dôm anưk xêh tui Bhô. 24Asak, tha binhôr ribuk prong brôk tagôk ngok tathik, thangak rayak tuh tamư gilai; min Bhô krưh dok đih. 25Dôm anưk xêh mưrai pamưdơh Bhô thong prêu tagôk: “Pô lơy likau dong khol dahlak hai! Khol drei mưtai yơ!” 26Bhô bican: “Hơic dôm ra takik sagar dêh, habar khol hư hôic?” Bhô binhêt tagôk dang, xayok angin thong tathik, nhu jang gađang jwa. 27Dôm anưk xêh biak plơng kadơng, tanhi gaup: “Urang ni nạn thei bloh bahkan angin thong tathik jang pang gon nhu?”
Pô Yê-su tiaup ajin ka dwa urang pak Ga-đa-ra
(Mag 5:1-20; Lu-ka 8:26-39)
28Tuk tapa takai tathik gah dêh, tamư canar tanưh bôl Ga-đa-ra, Pô Yê-su gōk dwa urang gok dôm ajin mưk mưng dôm tanum tabiak mưrai. Mưnok nhu biak xanag, thangak ôh thei khin nao tapa jalan nan. 29Mưnok nhu prêu tagôk: “Hơic Anưk Pô Lingik, khol dahlak hu tavak tave haget thong Bhô? Hu njaup Bhô mưrai piêh dan dun khol dahlak dahlau di tuk pagôn lei?” 30Kal nan hu tapôr pabui biak ralô krưh dok ƀang ôh atah di nan. 31Dôm ajin neh likau Pô Yê-su: “Mưyah Bhô tiaup khol dahlak tabiak, likau brei ka khol dahlak tamư dalam tapôr pabui dêh.” 32Bhô pađar: “Nao mek!” Dôm ajin binhêt tabiak truh di dwa urang nan thong tamư dalam tapôr pabui. Binhêt, abih tapôr mưng bađen camreh blāk trun tathik karam mưtai. 33Dôm ra glang pabui đôic daup, đôic tamư dhan, lak vơk abih bruk, hakê bih bruk mưjiơng tabiak ka dwa urang gok dôm ajin mưk. 34Abih drei dalam dhan tabiak gōk Pô Yê-su; tuk birau ƀôh Bhô yơ neh likau Bhô niga truh canar tanưh khol nhu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.