Ma-thi-ơ 9
9
Pô Yê-su pajru rwak mưtai arak
(Mag 2:1-12; Lu-ka 5:17-26)
1Pô Yê-su trun gilai tapa tathik gilaic mai dhan drei.#9:1 dhan drei: Ar nạn dhan Ka-ƀê-na-um (iơk Mat 4:13). 2Mưnuix urang ba tha urang mưtai arak đih ngok katong mưrai tom Bhô. Pô Yê-su ƀôh sagar khol nhu yơ bican thong mưnuix mưtai arak laic: “Anưk lơy, xang kajap hatai, danuh glaic hư krung bihu ampun.” 3Tuk nan, hu dôm gru pato adat xanưng di tian laic: “Urang ni đôm hanoh niêm.” 4Pô Yê-su thau thangka khol nhu yơ bican: “Ywa haget dalam tian khol hư gilaic hu jamal jhak yau nan? 5Krưh dwa ganap đôm: ‘Danuh glaic hư krung bihu ampun,’ ngan ‘Xang dang tagôk yam nao,’ ganap halei ƀôn hơl? 6Min piêh khol hư thau laic Anưk Mưnuix dok di dunya hu aco gon ampun glaic” — bloh Bhô bican thong urang mưtai arak — “Xang dang tagôk gilam katong thong gilaic mai thang.” 7Urang mưtai arak dang tagôk thong nao thang drei. 8Bôl bhap ƀôh di mưta apakar jang thur mưk, thong tahamid Pô Lingik, Dê krung bihu ƀai brei ka aco gon yau nan ka mưrôxak.
Pô Yê-su iêu Ma-thi-ơ
(Mag 2:13-17; Lu-ka 5:27-32)
9Niga libik nan, Pô Yê-su ƀôh tha urang angan Ma-thi-ơ krưh dok tak libik kati jiư; Bhô bican thong ong: “Xang tui Ita.” Ma-thi-ơ tagôk dang, nao tui Bhô.
10 #
Lu 15:1,2. Tuk krưh dok ƀang dalam thang, hu ralô mưnuix ikak jiư thong ra hu glaic mưrai dok thong Pô Yê-su thong dôm anưk xêh Bhô. 11Mưnuix Pha-ri-si ƀôh yau nan, đôm thong anưk xêh Bhô: “Ywa habar gru dôm xaai ƀang harung thong dôm mưnuix mưk jiư thong dôm urang danuh glaic?” 12Tuk hamit kabha nan, Pô Yê-su bican: “Mưnuix khang kadang ôh hajat gru bet, min mưnuix rwak hakik mưng hajat. 13#Mat 12:7.Xang nao, thong baic ka thau ar kanen ni: ‘Ita ưng tian athur alim hơl di athur limah.’ Kaywa Ita mưrai ôh njaup piêh iêu mưnuix kahanôt, min iêu ra hu glaic.”
Panôic tanhi ka gruk ikak tian ơk
(Mag 2:18-22; Lu-ka 5:33-39)
14Tuk nan dôm anưk xêh Yâng mưrai, tanhi Pô Yê-su: “Kaywa habar khol dahlak thong mưnuix Pha-ri-si bhian ikak tian ơk, dok dôm anưk xêh Bhô ôh ikak tian ơk?” 15Pô Yê-su thuuk: “Dalam tuk pacei mưtau krưh dok thong tôi tamưbha đam likhah, ngak habar khol nhu gilaic rau ri hu? Min tal tuk pacei mưtau bihu ba truh di khol nhu, yơ tuk nan khol nhu mưng ikak tian ơk. 16Ôh thei bal khan bai birau tamư di ao klak, kaywa banal mưca pajung tek ao klak, ngak ka libik tahak bik jhak hơl. 17Lijang ôh thei tuh alag birau tamư tabik kalik klak, mưyah ngak yau nan, mưca tabik taraic, alag hok tabiak, thong tabik gok pao. Min mưnuix urang tuh alag birau tamư tabik kalik birau piêh abih dwa dok tamo.”
Pô Yê-su pajru dhit nưk kamei Yai-ru thong urang kamei darah mai
(Mag 5:21-43; Lu-ka 8:40-56)
18Tuk Pô Yê-su krưh bican dôm panôic ni yơ hu kar mong iơk thang nhom mưrai, khôi neh likau: “Anưk kamei dahlak birau mưtai! Likau di Bhô nao cek tangin ngok kamôn piêh kamôn bihu diup.” 19Pô Yê-su tagôk dang, mưthong dôm anưk xêh nao tui kar mong iơk.
20Urak ni hu tha urang kamei gok darah mai krung hu tha pluh dwa thun, mưrai mưng gah likuk thong ravơk jih ao Bhô. 21Kaywa muk drưg xanưng laic: “Mưyah ciêt ravơk ao Bhô, mưca drei bihu dhit.” 22Pô Yê-su yơng vơk, ƀôh muk yơ bican: “Anưk lơy, xang thug hatai! Sagar anưk krung hu pajru dhit ka anưk.” Êng tuk nan, urang kamei ni bihu dhit rwak.
23Pô Yê-su tamư thang kar mong iơk thang nhom, ƀôh kavôm yuk pi thong tapôr ralô ngak rôn thrưng, 24Bhô pađar: “Xang kadun tabiak! Kamôn kamei ni ôh mưtai, min nhu dok đih.” Khol nhu klao bilei Bhô. 25Tuk tapôr ralô gok tiaup tabiak bloh, Bhô yam tamư, pan tangin kamôn kamei yơ nhu bruh tagôk vêt. 26Khao ni bihu ƀeg tabiak abih nưgar nan.
Pô Yê-su pajru dhit dwa urang tagloh
27Tuk Pô Yê-su niga truh libik nan, hu dwa urang tagloh nao tui Bhô, thong iêu likau laic: “Likau athur alim khol dahlak hai! Anưk Đa-vit lơy!” 28Hadei di tuk tamư thang, dwa urang tagloh mưrai jek Bhô. Pô Yê-su bican thong khol nhu laic: “Khol hư hu dial Ita ngak bihu kabha khol hư cong takrư lei?” Khol nhu thuuk: “Pathau Pô, khol dahlak dial.” 29Bhô ravơk mưta khol nhu thong bican: “Tui di sagar khol hư, yơ bihu.” 30Mưta khol nhu bihu hadah binhêt. Pô Yê-su tayơt khol nhu: “Xang ajut, jôi brei ka thei thau bruk ni.” 31Min khol nhu tabiak nao thong ƀeg angan Bhô bak nưgar.
Pô Yê-su pajru dhit urang kamlo
32Tuk niga truh libik nan, mưnuix urang ba mai ka Bhô tha urang kamlo kaywa gok ajin mưk. 33Ajin gok tiaup tabiak thong urang kamlo đôm bihu. Bôl bhap biak plơng kadơng đôm laic: “Ô ka tuk halei ƀôh tha bruk yau nan pak I-sra-ên.” 34#Mat 10:25; Mat 12:24; Mag 3:22; Lu 11:15.Min mưnuix Pha-ri-si gilaic đôm: “Ong nan nhơ di ajin patao piêh tiaup ajin.”#9:34 Dalam tha thanôn blah vak tangin ôh hu kanen 34.
Pô Yê-su athur alim tapôr mưnuix
35 #
Mat 4:23; Mag 1:39; Lu 4:44. Pô Yê-su nao graup dôm dhan, abih palei, pato pakai dalam dôm thang nhom, rao lang Khao Siam ka Dit Biya Thôr Riga, thong pajru dhit rim paka rwak hakik. 36#Mag 6:34.Tuk ƀôh dôm tapôr mưnuix ralô drei, Bhô padrut tian athur alim kaywa khol nhu raƀi raƀưp thong calah blah yau pabo ôh hu mưnuix glang. 37#Lu 10:2.Bhô bican thong dôm anưk xêh laic: “Bal mưnik yơ biak apho min mưnuix ywak yơ takik. 38Yau nan, xang likau kanư Pô bal mưnik pađar mưnuix ywak tamư bal mưnik Bhô.”
ទើបបានជ្រើសរើសហើយ៖
Ma-thi-ơ 9: CJM2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 9
9
Pô Yê-su pajru rwak mưtai arak
(Mag 2:1-12; Lu-ka 5:17-26)
1Pô Yê-su trun gilai tapa tathik gilaic mai dhan drei.#9:1 dhan drei: Ar nạn dhan Ka-ƀê-na-um (iơk Mat 4:13). 2Mưnuix urang ba tha urang mưtai arak đih ngok katong mưrai tom Bhô. Pô Yê-su ƀôh sagar khol nhu yơ bican thong mưnuix mưtai arak laic: “Anưk lơy, xang kajap hatai, danuh glaic hư krung bihu ampun.” 3Tuk nan, hu dôm gru pato adat xanưng di tian laic: “Urang ni đôm hanoh niêm.” 4Pô Yê-su thau thangka khol nhu yơ bican: “Ywa haget dalam tian khol hư gilaic hu jamal jhak yau nan? 5Krưh dwa ganap đôm: ‘Danuh glaic hư krung bihu ampun,’ ngan ‘Xang dang tagôk yam nao,’ ganap halei ƀôn hơl? 6Min piêh khol hư thau laic Anưk Mưnuix dok di dunya hu aco gon ampun glaic” — bloh Bhô bican thong urang mưtai arak — “Xang dang tagôk gilam katong thong gilaic mai thang.” 7Urang mưtai arak dang tagôk thong nao thang drei. 8Bôl bhap ƀôh di mưta apakar jang thur mưk, thong tahamid Pô Lingik, Dê krung bihu ƀai brei ka aco gon yau nan ka mưrôxak.
Pô Yê-su iêu Ma-thi-ơ
(Mag 2:13-17; Lu-ka 5:27-32)
9Niga libik nan, Pô Yê-su ƀôh tha urang angan Ma-thi-ơ krưh dok tak libik kati jiư; Bhô bican thong ong: “Xang tui Ita.” Ma-thi-ơ tagôk dang, nao tui Bhô.
10 #
Lu 15:1,2. Tuk krưh dok ƀang dalam thang, hu ralô mưnuix ikak jiư thong ra hu glaic mưrai dok thong Pô Yê-su thong dôm anưk xêh Bhô. 11Mưnuix Pha-ri-si ƀôh yau nan, đôm thong anưk xêh Bhô: “Ywa habar gru dôm xaai ƀang harung thong dôm mưnuix mưk jiư thong dôm urang danuh glaic?” 12Tuk hamit kabha nan, Pô Yê-su bican: “Mưnuix khang kadang ôh hajat gru bet, min mưnuix rwak hakik mưng hajat. 13#Mat 12:7.Xang nao, thong baic ka thau ar kanen ni: ‘Ita ưng tian athur alim hơl di athur limah.’ Kaywa Ita mưrai ôh njaup piêh iêu mưnuix kahanôt, min iêu ra hu glaic.”
Panôic tanhi ka gruk ikak tian ơk
(Mag 2:18-22; Lu-ka 5:33-39)
14Tuk nan dôm anưk xêh Yâng mưrai, tanhi Pô Yê-su: “Kaywa habar khol dahlak thong mưnuix Pha-ri-si bhian ikak tian ơk, dok dôm anưk xêh Bhô ôh ikak tian ơk?” 15Pô Yê-su thuuk: “Dalam tuk pacei mưtau krưh dok thong tôi tamưbha đam likhah, ngak habar khol nhu gilaic rau ri hu? Min tal tuk pacei mưtau bihu ba truh di khol nhu, yơ tuk nan khol nhu mưng ikak tian ơk. 16Ôh thei bal khan bai birau tamư di ao klak, kaywa banal mưca pajung tek ao klak, ngak ka libik tahak bik jhak hơl. 17Lijang ôh thei tuh alag birau tamư tabik kalik klak, mưyah ngak yau nan, mưca tabik taraic, alag hok tabiak, thong tabik gok pao. Min mưnuix urang tuh alag birau tamư tabik kalik birau piêh abih dwa dok tamo.”
Pô Yê-su pajru dhit nưk kamei Yai-ru thong urang kamei darah mai
(Mag 5:21-43; Lu-ka 8:40-56)
18Tuk Pô Yê-su krưh bican dôm panôic ni yơ hu kar mong iơk thang nhom mưrai, khôi neh likau: “Anưk kamei dahlak birau mưtai! Likau di Bhô nao cek tangin ngok kamôn piêh kamôn bihu diup.” 19Pô Yê-su tagôk dang, mưthong dôm anưk xêh nao tui kar mong iơk.
20Urak ni hu tha urang kamei gok darah mai krung hu tha pluh dwa thun, mưrai mưng gah likuk thong ravơk jih ao Bhô. 21Kaywa muk drưg xanưng laic: “Mưyah ciêt ravơk ao Bhô, mưca drei bihu dhit.” 22Pô Yê-su yơng vơk, ƀôh muk yơ bican: “Anưk lơy, xang thug hatai! Sagar anưk krung hu pajru dhit ka anưk.” Êng tuk nan, urang kamei ni bihu dhit rwak.
23Pô Yê-su tamư thang kar mong iơk thang nhom, ƀôh kavôm yuk pi thong tapôr ralô ngak rôn thrưng, 24Bhô pađar: “Xang kadun tabiak! Kamôn kamei ni ôh mưtai, min nhu dok đih.” Khol nhu klao bilei Bhô. 25Tuk tapôr ralô gok tiaup tabiak bloh, Bhô yam tamư, pan tangin kamôn kamei yơ nhu bruh tagôk vêt. 26Khao ni bihu ƀeg tabiak abih nưgar nan.
Pô Yê-su pajru dhit dwa urang tagloh
27Tuk Pô Yê-su niga truh libik nan, hu dwa urang tagloh nao tui Bhô, thong iêu likau laic: “Likau athur alim khol dahlak hai! Anưk Đa-vit lơy!” 28Hadei di tuk tamư thang, dwa urang tagloh mưrai jek Bhô. Pô Yê-su bican thong khol nhu laic: “Khol hư hu dial Ita ngak bihu kabha khol hư cong takrư lei?” Khol nhu thuuk: “Pathau Pô, khol dahlak dial.” 29Bhô ravơk mưta khol nhu thong bican: “Tui di sagar khol hư, yơ bihu.” 30Mưta khol nhu bihu hadah binhêt. Pô Yê-su tayơt khol nhu: “Xang ajut, jôi brei ka thei thau bruk ni.” 31Min khol nhu tabiak nao thong ƀeg angan Bhô bak nưgar.
Pô Yê-su pajru dhit urang kamlo
32Tuk niga truh libik nan, mưnuix urang ba mai ka Bhô tha urang kamlo kaywa gok ajin mưk. 33Ajin gok tiaup tabiak thong urang kamlo đôm bihu. Bôl bhap biak plơng kadơng đôm laic: “Ô ka tuk halei ƀôh tha bruk yau nan pak I-sra-ên.” 34#Mat 10:25; Mat 12:24; Mag 3:22; Lu 11:15.Min mưnuix Pha-ri-si gilaic đôm: “Ong nan nhơ di ajin patao piêh tiaup ajin.”#9:34 Dalam tha thanôn blah vak tangin ôh hu kanen 34.
Pô Yê-su athur alim tapôr mưnuix
35 #
Mat 4:23; Mag 1:39; Lu 4:44. Pô Yê-su nao graup dôm dhan, abih palei, pato pakai dalam dôm thang nhom, rao lang Khao Siam ka Dit Biya Thôr Riga, thong pajru dhit rim paka rwak hakik. 36#Mag 6:34.Tuk ƀôh dôm tapôr mưnuix ralô drei, Bhô padrut tian athur alim kaywa khol nhu raƀi raƀưp thong calah blah yau pabo ôh hu mưnuix glang. 37#Lu 10:2.Bhô bican thong dôm anưk xêh laic: “Bal mưnik yơ biak apho min mưnuix ywak yơ takik. 38Yau nan, xang likau kanư Pô bal mưnik pađar mưnuix ywak tamư bal mưnik Bhô.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.