Luq kar 4
4
Ned haeg yer suq Ghig sa haq ber se lawd se
(Mth 4:1-11; Mk 1:12-13)
1Daq kehg se awg ha phu ve kand pax Yer suq thag yaq lehq Yer suq Ghig sa yawd danr lawg kax lo tuhz kawaq lehq Gar rir lehnd med lo kae se yaog, kheh te lehq daq kehg se awg ha phu Ghig sa yawd haq heh pir khuhn awg god khehz te lo sir kae se yaog. 2Awg ti U ve huh Yer suq haq ned haeg sar tanr uhd chi ni ber se lawd se yaog yawd vend bax te vid tug awg ni U ve awg khuhn lo Yer suq Ghig sa teq chaweh lehaq maq gha cad awg ni U ve peg vehr lehq yawd cad tug meq se yaog.
3Ned haeg Yer suq haq koz vid se, “nawg Ghig sa ve yad phu-awg lehd koz ver hawx meh dig che haq cad tug phehq vid ngawx lehd koz vid se yaog.”
4Kheh te lehq Yer suq Ghig sa ned haeg haq kawq koz khuhq vid se, “liq phu khuhn buhq lar se, ‘chaw yad awr lehr cad tug#4:4 Cad tug Tuhz kae liq 8:3 haq lehax te lehq A saq teq gha se mehz hawg kheh ma khuhd Ghig sa koz lar tawd khuhd kha peg gha na yug se yaog lehd koz vid se yaog.’” 5Kheh te peg lehq ned haeg Yer suq haq kehag lo sir taez lehq mig gig khod-aq kha cawg se muhd mig awg gha leha haq teq per nehax maw vid lehq. 6Ned haeg Yer suq haq koz vid se “ngag nawg haq kand pax che kha peg he lehq mig gig che khod-aq awg mig awg phond cawg se phu si muhd jeq kha peg nawg haq peh-ar laq awg lawn koz ver awg ceng che teq pa ngag haq saw chid peh-ar vehr se yaog kheh te lehq ngag A sug haq pid gad liz pid gha se yaog. 7Kheh te seaq te lehq, nawg ngag haq A kor pi-a ver, awg ceng che ve teq pa kha peg nawg ved lehax saw phehq vehr tug yaog.”
8Yer suq Ghig sa ned haeg haq kawq koz khuhq vid lehq koz se, “liq phu khuhn chi kheh koz buhq lar se yaog nawg ved jawd mawd Ghig sa haq lehax nawg ‘A kor gha pi#4:8 A kor gha pi Bon mar liq 6:12 lehq yawd ved kanx haq lehax nawg gha te se yaog lehd koz vid se yaog.’”
9Kheh te peg lehq ned haeg, Yer suq haq Yer ruq sar lehnr med lo sir ve kae lehq yawd haq Bon yehg nux thag awg khod med lo hox vid lar lehq yawd haq koz vid se, “nawg Ghig sa ve yad phu-awg lehd koz ve chuhr huh pawz che ngawx lor. 10Awg lawn koz ver liq phu khuhn buhq lar se haq kha suar Ghig sa yawd ved muhd nuh maq cuh yad awg mor nux#4:10 Muhd nuh maq cuh yad awg mor nux Chid muh liq 91:11-12 haq koz vid lehq nawg haq lag haq sax tug yaog.” 11Kheh te lehq tawd khuhd buhq lar se kawq cawg ser se, muhd nuh maq cuh yad awg mor ve lag kuhr nawg haq toz chid-ax lehq. nawg ved khi kud hawx meh dig haq maq gha joz vid tug awg pon.
12Kheh te lehq Yer suq Ghig sa kawq koz khuhq vid se “Ghig sa haq nawg yaz kheh taq ca koz liq phu khuhn chi kheh koz buhq lar se yaog nawg ved jawd mawd ‘Ghig sa haq maq gha lawd ngawx#4:12 Ghig sa haq maq gha lawd ngawx Bon mar liq 16:6 hawg lehd koz lar se yaog,’” ngag chaw kaq heh te lehq ted ceng ceng ar te liz Ghig sa ngag haq ga tug yaog. 13Kheh te peg lehq ned haeg Yer suq Ghig sa haq ted ceng le lea ber ngawx lawd ngawx peg lehq. yawd geh phaw kae lehq awg yand kawq cawg se haq law chehd se yaog.
Yer suq Ghig sa Gar lir lehnd khuhn yawd ved kanx tanr te se
(Mth 4:12-17; Mk 1:14-15)
14Kheh te peg lehq Yer suq Ghig sa liz Gar lir lehd muhd mig lo kawq kawaq se khuhn daq kehg se awg ha phu Ghig sa ve kand pax yawd ved awg lawn teq pa ted kag teq ti le lea lo buhq kae lehq. 15Yer suq I hehd teq pa haq phawng daq lehq Bon lawg kig khuhn lo mar vid lehq te ghad le lea chid muh se haq gha se yaog.
Nar zar rehz chaw Yer suq Ghig sa haq mad haq yug
(Mth 13:53-58; Mk 6:1-6)
16Kheh te peg lehq Yer suq Ghig sa Nar zar rehq med lo kawaq se yaog med U ve awr lehr yawd Ir lag kig awg ti yaog kheh te lehq sinx ni haq phawng daq lehq bon lawg kig lo Yer suq kae lehq khar thad liz Ghig sa haq A kor pi se yaog kheh te lehq Yawd liq phu ghawn tug awg pon tu hox se yaog. 17Kheh te lehq cuh kar par Id sar yaq ve liq koz loq lar se chaw te ghad Yer suq haq yug vid lehq yawd ghawn vid se yaog yawd liq koz haq pheq tuhaz se te yand buhq lar se tawd khawd haq gha mawg se,
18“Ghig sa ve awg ha phu
Ngag awg thag lo chehd se yaog
Awg lawn koz ver yawd ngag haq lez yug lehq ngenr puhr lar se yaog
Awg suhr awg sar phawr he lehq co ha phawr har ghuhd se teq pa haq
Ha lehg se tawd khuhd ca koz mar vid lehq. har ghuhd se chaw Ghig sa ve mehz khuhd suhr I hehd ve vend bax haq sinr tug awg pon
Ngag haq yehd lehq co ha phawr cang par pheh chuhq lar se chaw,
Vend bax khuhn suh chehd se chaw he lehq ned haeg kand pax huhg chehd se chaw teq pa haq phehd kha vid tug ca koz kad vid lehq awg suhr awg sar phawr he lehq co ha phawr
Mehz cox chehd se chaw mehz kawq mawg vid lehq chaw U ve teq pa A saq teq se awg khuhn lo Ghig sa liz mad cawg kheh te lehq co ha phawr
Awg naz tud te se khuhn lo chehd se chaw he lehq su ceg te chehd se chaw U ve teq pa haq liz yug pong vid lehq phehd kha vid tug yaog.
19Yawd ngag haq pea se awr lehr Jawd mawd
Ghig sa har kax tug awg khuhq awg yand U ve haq, Ghig sa yawd ve chaw yad teq pa vend bax khuhn lo chehd se lehq vend bax ve awg sir nuhq chehd se haq yug pong tug ngag lag koz ax se yaog.”
20Kheh te peg lehq Yer suq Ghig sa liq koz U ve haq yawd kawq loq lehq haq sax tug A khawag cawg se haq pid lehq ghawz tar vid lehq yawd cawr mi lehq phawng daq kig awg ti khuhn chehd se te ghad le lea haq tanr koz mar vid lehq yawd haq ngawx cuhx se yaog. 21Kheh te lehq Yer suq I hehd haq koz vid se, “liq phu che ve teq tawn nawg hehd gha kad se haq kha suar yaq ni awg cehg mag phehaq vehor.”
22Chaw ted gha le lea U huh chehd se Ghig sa ve awg bon Liq phu khuhn cawg se awg lawn yawd I hehd haq koz mar vid lehq yawd ved mawq kaw khuhn tawd khuhd nud ghad koz tuhaz se haq ni ma cawd jad lehq and jad se yaog kheh te lehq I hehd koz daq se, “yawd Yod sehq ve yad par mehz hawg la#4:22 Yawd Yod sehq ve yad par mehz hawg la Mar thehr liq 1:18; Rud kar liq 1:26-38?” lehd koz se yaog.
23Yer suq I hehd haq kawq koz vid se, “tawd naz liq khuhn cawg se teq tawn nawg hehd ngag haq kha nehax koz laq se che kheh koz se yaog, ‘naz chuhd ghu sehr phad-og, A sug yawd awg ton haq awg kawd te khehnd vid ser.’ ‘awg ceng U ve awr lehr ngag hehd gha kad se nawg kar per ner onr med lo te se kanx teq pa haq chuhr huh A sug mid khad med khuhn liz kha suar te ngawx lehd koz vid se yaog.’ ” 24Kheh te peg lehq Yer suq kawq koz vid se, “ngag nawg hehd haq awg cehg mag koz ax laq cuh kar par te ghad lehaq mad cawg hawg. A sug yawd ved med khuhn tar Ir tanr ir tanr muh se haq gha se.”
25“Ngag nawg hehd haq awg cehg mag koz ax laq, kha nehax duhd ngawx Id lid yaq ve awg co-e haq muhd nuh maq lo muhd yeg mad lag pea se seh khuhq har pa khuhq mag U kheh te se haq te lehq ted kag teq ti le lea lo meq jad kaz jad se cawg lehq Id sar rer laq khuhn ve meh chuhd ma laex ghad cawg se yaog. 26Kheh ma khuhd Id lid yaq awg nuz awr ve meh chuhd ma teq pa geh maq kae pe six dor muhd mig sar rar taz med lo chehd se meh chuhd ma te ghad chehd lo lehax kae pe se yaog. 27Cuh kar par Id lid sehd ve awg co-e haq Id sar rer laq ve chaw ceng khuhn khi tuq kex se laex ghad cawg se yaog, kheh ma khuhd I hehd khuhn te ghad lehaq chuhd kha lehq dag vid se mad cawg sud riq chaw ner manr te ghad lehax cawg se yaog.”
28Chaw yad teq pa phawng daq lehq bon lawg kig awg ti khuhn Yer sup koz se awg lawn U ve teq pa haq gha kad se te yand I hehd teq pa awr lehr nez nag jad se yaog. 29I hehd teq pa tug lehq Yer suq Ghig sa haq ghaq biz ve lehq med bag lo tuhez se yaog kheh te lehq yer suq haq sir ve lehq I hehd ve chehd kig hax awg khod med lo yawd haq I hehd teq pa biz kha pe lehq suh vid gad se yaog. 30Kheh ma khuhd Yer suq chaw yad teq pa awg kar lo phaw tuhez gha se yaog.
Ned haeg jad se haw khaz te ghad khuhn geh se
(Mk 1:21-28)
31Kheh te peg lehq Yer suq khreq Gar lir lehd muhd mig kar per ner onr med lo kae se yaog kheh te lehq med che ve khuhn sinx ni haq yawd chaw yad teq pa haq mar vid se yaog. 32I hehd teq pa yawd mar vid se haq A sug liz and jad se yaog awg lawn koz ver Yer suq kand pax cawg se khuhn mar vid se yaog. 33Phawng daq kig awg ti U ve khuhn haw khaz te ghad cawg se chaq chiz se ned haeg sar tanr yawd awg khuhn geh chehd se te ghad awg khuhd hehd mag kug lehq koz se, 34“Nar zar rehq chaw Yer suq-og, nawg ngag hehd haq khawehd te lag soq saq seawg le? nawg ngag hehd haq te lug tug lag seawg la? ngag hehd sinr chehd se yaog nawg A sug lehg nar nawg awr lehr daq kehg se Ghig sa ve chaw yaog.”
35Yer suq Ghig sa ned haeg sar tanr haq ded ve lehq koz se, “tag chuh chehd chaw che phad khuhn tuhz kae lor” ned haeg haw khaz var U ve phad haq I hehd mehz khuhd suhr huh te kuhd vid lehq teq chaweh nag tug maq te vid he lar haz lehq tuhz kae veh se yaog.
36Chaw yad teq pa A sug liz and jad lehq koz daq se, “ Che phad vid tawd khuhd khawed kheh ve kand pax cawg se lehq nar awg lawn koz ver Yer suq chaq chiz se ned haeg sar tanr teq pa haq kand pax khuhn tawd pid lehq I hehd teq pa phaw veh se yaog.” 37Kheh te peg lehq, Yer suq Ghi sa ve awg meh khar lo chor lo te kag le lea lo awg ti U ve awg khuhn lo buhg kae veh se yaog.
Per toq roq ve awg pi ma haq Yer suq te khehnd vid se
(Mth 8:14-17; Mk 1:29-34)
38Kheh te peg leq, Yer suq Ghig sa phawng daq kig awg ti khuhn tuhez lehq Sid mor Per toq roq ve yehg khuhn gehe lehq Sid mor Per toq roq awg pi ma chehd maq sa chehd lawz se yaog awg lawn koz ver nag jad chehd lehq kheh te lehq I hehd teq pa yawd haq te khehnd vid-oq lehd koz lehq Yer suq Ghig sa geh lawg se yaog. 39Yad mid U ve yuhq chehd se kor teh pad huh Yer suq lag lehq cuhz kuhq lehq nag se U ve haq phawe lo lehd koz vid lehq, nag se yad mid U ve khuhn tuhz veh lehq khehnd vehr se yaog kheh te lehq teq pear lehax yag mid tu lehq. Yer suq he lehq awg lag ghuhd teq pa te car te taw vid se yaog.
40Muhd ni kehq vehr lehd te huh awg chawd teq pa a nar laex ceng haq te lehq chehd maq sa se chaw teq pa Yer suq Ghig sa chehd lo sir veh-a lag lehq Yer suq I hehd teq pa thag lo lag kuhr tar lehq te khehnd vid se yaog.
41Ned haeg sar tanr teq pa chaw laex ghad awg khuhn tuhz kae lehq tawd khuhd kug tuhz-ax se, “nawg Ghig sa ve yad phu yaog.”
Kheh ma khuhd Yer suq Ghig sa ned haeg teq pa haq koz vid se che nuz awr ver tad kawq koz lehd koz vid se yaog awg lawn koz ver ned haeg teq pa Yawd haq ga lehq yug pong ax sehr phad khreq phehq se haq sinr se yaog.
Phawng daq lehq bon lawg kig khuhn Yer suq Ghig sa bon mar se
(Mk 1:35-39)
42Nag mi sawx muhd nehax pawad huh Yer suq Ghi sa med U ve haq tuhz kae lehq heh pir khuhn awg god khehz teq chaw leha khuhd ma kad te lo chaw yad teq pa liz yawd ghaq ca lehq yawd haq mawg vehr se te yand. I hehd haq mad gag hpa kae tug yawd haq maq kawq pe se yaog. 43Kheh ma khuhd Yer suq I hehd haq koz vid se, “ngag awr lehr ha lehg se tawd khuhd Ghig sa haq sax se awg lawn te med le lea lo gha ca mar lawg Ghig sa ngag haq lar pea lar se awr lehr kanx che awg pon yaog.”
44Kheh te peg lehq Yer suq Yud daq muhd mig khuhn cawg se phawng daq lehq bon lawg kig ted ka le lea lo bon mar lehq koz kad se yaog.
ទើបបានជ្រើសរើសហើយ៖
Luq kar 4: LHU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
Luq kar 4
4
Ned haeg yer suq Ghig sa haq ber se lawd se
(Mth 4:1-11; Mk 1:12-13)
1Daq kehg se awg ha phu ve kand pax Yer suq thag yaq lehq Yer suq Ghig sa yawd danr lawg kax lo tuhz kawaq lehq Gar rir lehnd med lo kae se yaog, kheh te lehq daq kehg se awg ha phu Ghig sa yawd haq heh pir khuhn awg god khehz te lo sir kae se yaog. 2Awg ti U ve huh Yer suq haq ned haeg sar tanr uhd chi ni ber se lawd se yaog yawd vend bax te vid tug awg ni U ve awg khuhn lo Yer suq Ghig sa teq chaweh lehaq maq gha cad awg ni U ve peg vehr lehq yawd cad tug meq se yaog.
3Ned haeg Yer suq haq koz vid se, “nawg Ghig sa ve yad phu-awg lehd koz ver hawx meh dig che haq cad tug phehq vid ngawx lehd koz vid se yaog.”
4Kheh te lehq Yer suq Ghig sa ned haeg haq kawq koz khuhq vid se, “liq phu khuhn buhq lar se, ‘chaw yad awr lehr cad tug#4:4 Cad tug Tuhz kae liq 8:3 haq lehax te lehq A saq teq gha se mehz hawg kheh ma khuhd Ghig sa koz lar tawd khuhd kha peg gha na yug se yaog lehd koz vid se yaog.’” 5Kheh te peg lehq ned haeg Yer suq haq kehag lo sir taez lehq mig gig khod-aq kha cawg se muhd mig awg gha leha haq teq per nehax maw vid lehq. 6Ned haeg Yer suq haq koz vid se “ngag nawg haq kand pax che kha peg he lehq mig gig che khod-aq awg mig awg phond cawg se phu si muhd jeq kha peg nawg haq peh-ar laq awg lawn koz ver awg ceng che teq pa ngag haq saw chid peh-ar vehr se yaog kheh te lehq ngag A sug haq pid gad liz pid gha se yaog. 7Kheh te seaq te lehq, nawg ngag haq A kor pi-a ver, awg ceng che ve teq pa kha peg nawg ved lehax saw phehq vehr tug yaog.”
8Yer suq Ghig sa ned haeg haq kawq koz khuhq vid lehq koz se, “liq phu khuhn chi kheh koz buhq lar se yaog nawg ved jawd mawd Ghig sa haq lehax nawg ‘A kor gha pi#4:8 A kor gha pi Bon mar liq 6:12 lehq yawd ved kanx haq lehax nawg gha te se yaog lehd koz vid se yaog.’”
9Kheh te peg lehq ned haeg, Yer suq haq Yer ruq sar lehnr med lo sir ve kae lehq yawd haq Bon yehg nux thag awg khod med lo hox vid lar lehq yawd haq koz vid se, “nawg Ghig sa ve yad phu-awg lehd koz ve chuhr huh pawz che ngawx lor. 10Awg lawn koz ver liq phu khuhn buhq lar se haq kha suar Ghig sa yawd ved muhd nuh maq cuh yad awg mor nux#4:10 Muhd nuh maq cuh yad awg mor nux Chid muh liq 91:11-12 haq koz vid lehq nawg haq lag haq sax tug yaog.” 11Kheh te lehq tawd khuhd buhq lar se kawq cawg ser se, muhd nuh maq cuh yad awg mor ve lag kuhr nawg haq toz chid-ax lehq. nawg ved khi kud hawx meh dig haq maq gha joz vid tug awg pon.
12Kheh te lehq Yer suq Ghig sa kawq koz khuhq vid se “Ghig sa haq nawg yaz kheh taq ca koz liq phu khuhn chi kheh koz buhq lar se yaog nawg ved jawd mawd ‘Ghig sa haq maq gha lawd ngawx#4:12 Ghig sa haq maq gha lawd ngawx Bon mar liq 16:6 hawg lehd koz lar se yaog,’” ngag chaw kaq heh te lehq ted ceng ceng ar te liz Ghig sa ngag haq ga tug yaog. 13Kheh te peg lehq ned haeg Yer suq Ghig sa haq ted ceng le lea ber ngawx lawd ngawx peg lehq. yawd geh phaw kae lehq awg yand kawq cawg se haq law chehd se yaog.
Yer suq Ghig sa Gar lir lehnd khuhn yawd ved kanx tanr te se
(Mth 4:12-17; Mk 1:14-15)
14Kheh te peg lehq Yer suq Ghig sa liz Gar lir lehd muhd mig lo kawq kawaq se khuhn daq kehg se awg ha phu Ghig sa ve kand pax yawd ved awg lawn teq pa ted kag teq ti le lea lo buhq kae lehq. 15Yer suq I hehd teq pa haq phawng daq lehq Bon lawg kig khuhn lo mar vid lehq te ghad le lea chid muh se haq gha se yaog.
Nar zar rehz chaw Yer suq Ghig sa haq mad haq yug
(Mth 13:53-58; Mk 6:1-6)
16Kheh te peg lehq Yer suq Ghig sa Nar zar rehq med lo kawaq se yaog med U ve awr lehr yawd Ir lag kig awg ti yaog kheh te lehq sinx ni haq phawng daq lehq bon lawg kig lo Yer suq kae lehq khar thad liz Ghig sa haq A kor pi se yaog kheh te lehq Yawd liq phu ghawn tug awg pon tu hox se yaog. 17Kheh te lehq cuh kar par Id sar yaq ve liq koz loq lar se chaw te ghad Yer suq haq yug vid lehq yawd ghawn vid se yaog yawd liq koz haq pheq tuhaz se te yand buhq lar se tawd khawd haq gha mawg se,
18“Ghig sa ve awg ha phu
Ngag awg thag lo chehd se yaog
Awg lawn koz ver yawd ngag haq lez yug lehq ngenr puhr lar se yaog
Awg suhr awg sar phawr he lehq co ha phawr har ghuhd se teq pa haq
Ha lehg se tawd khuhd ca koz mar vid lehq. har ghuhd se chaw Ghig sa ve mehz khuhd suhr I hehd ve vend bax haq sinr tug awg pon
Ngag haq yehd lehq co ha phawr cang par pheh chuhq lar se chaw,
Vend bax khuhn suh chehd se chaw he lehq ned haeg kand pax huhg chehd se chaw teq pa haq phehd kha vid tug ca koz kad vid lehq awg suhr awg sar phawr he lehq co ha phawr
Mehz cox chehd se chaw mehz kawq mawg vid lehq chaw U ve teq pa A saq teq se awg khuhn lo Ghig sa liz mad cawg kheh te lehq co ha phawr
Awg naz tud te se khuhn lo chehd se chaw he lehq su ceg te chehd se chaw U ve teq pa haq liz yug pong vid lehq phehd kha vid tug yaog.
19Yawd ngag haq pea se awr lehr Jawd mawd
Ghig sa har kax tug awg khuhq awg yand U ve haq, Ghig sa yawd ve chaw yad teq pa vend bax khuhn lo chehd se lehq vend bax ve awg sir nuhq chehd se haq yug pong tug ngag lag koz ax se yaog.”
20Kheh te peg lehq Yer suq Ghig sa liq koz U ve haq yawd kawq loq lehq haq sax tug A khawag cawg se haq pid lehq ghawz tar vid lehq yawd cawr mi lehq phawng daq kig awg ti khuhn chehd se te ghad le lea haq tanr koz mar vid lehq yawd haq ngawx cuhx se yaog. 21Kheh te lehq Yer suq I hehd haq koz vid se, “liq phu che ve teq tawn nawg hehd gha kad se haq kha suar yaq ni awg cehg mag phehaq vehor.”
22Chaw ted gha le lea U huh chehd se Ghig sa ve awg bon Liq phu khuhn cawg se awg lawn yawd I hehd haq koz mar vid lehq yawd ved mawq kaw khuhn tawd khuhd nud ghad koz tuhaz se haq ni ma cawd jad lehq and jad se yaog kheh te lehq I hehd koz daq se, “yawd Yod sehq ve yad par mehz hawg la#4:22 Yawd Yod sehq ve yad par mehz hawg la Mar thehr liq 1:18; Rud kar liq 1:26-38?” lehd koz se yaog.
23Yer suq I hehd haq kawq koz vid se, “tawd naz liq khuhn cawg se teq tawn nawg hehd ngag haq kha nehax koz laq se che kheh koz se yaog, ‘naz chuhd ghu sehr phad-og, A sug yawd awg ton haq awg kawd te khehnd vid ser.’ ‘awg ceng U ve awr lehr ngag hehd gha kad se nawg kar per ner onr med lo te se kanx teq pa haq chuhr huh A sug mid khad med khuhn liz kha suar te ngawx lehd koz vid se yaog.’ ” 24Kheh te peg lehq Yer suq kawq koz vid se, “ngag nawg hehd haq awg cehg mag koz ax laq cuh kar par te ghad lehaq mad cawg hawg. A sug yawd ved med khuhn tar Ir tanr ir tanr muh se haq gha se.”
25“Ngag nawg hehd haq awg cehg mag koz ax laq, kha nehax duhd ngawx Id lid yaq ve awg co-e haq muhd nuh maq lo muhd yeg mad lag pea se seh khuhq har pa khuhq mag U kheh te se haq te lehq ted kag teq ti le lea lo meq jad kaz jad se cawg lehq Id sar rer laq khuhn ve meh chuhd ma laex ghad cawg se yaog. 26Kheh ma khuhd Id lid yaq awg nuz awr ve meh chuhd ma teq pa geh maq kae pe six dor muhd mig sar rar taz med lo chehd se meh chuhd ma te ghad chehd lo lehax kae pe se yaog. 27Cuh kar par Id lid sehd ve awg co-e haq Id sar rer laq ve chaw ceng khuhn khi tuq kex se laex ghad cawg se yaog, kheh ma khuhd I hehd khuhn te ghad lehaq chuhd kha lehq dag vid se mad cawg sud riq chaw ner manr te ghad lehax cawg se yaog.”
28Chaw yad teq pa phawng daq lehq bon lawg kig awg ti khuhn Yer sup koz se awg lawn U ve teq pa haq gha kad se te yand I hehd teq pa awr lehr nez nag jad se yaog. 29I hehd teq pa tug lehq Yer suq Ghig sa haq ghaq biz ve lehq med bag lo tuhez se yaog kheh te lehq yer suq haq sir ve lehq I hehd ve chehd kig hax awg khod med lo yawd haq I hehd teq pa biz kha pe lehq suh vid gad se yaog. 30Kheh ma khuhd Yer suq chaw yad teq pa awg kar lo phaw tuhez gha se yaog.
Ned haeg jad se haw khaz te ghad khuhn geh se
(Mk 1:21-28)
31Kheh te peg lehq Yer suq khreq Gar lir lehd muhd mig kar per ner onr med lo kae se yaog kheh te lehq med che ve khuhn sinx ni haq yawd chaw yad teq pa haq mar vid se yaog. 32I hehd teq pa yawd mar vid se haq A sug liz and jad se yaog awg lawn koz ver Yer suq kand pax cawg se khuhn mar vid se yaog. 33Phawng daq kig awg ti U ve khuhn haw khaz te ghad cawg se chaq chiz se ned haeg sar tanr yawd awg khuhn geh chehd se te ghad awg khuhd hehd mag kug lehq koz se, 34“Nar zar rehq chaw Yer suq-og, nawg ngag hehd haq khawehd te lag soq saq seawg le? nawg ngag hehd haq te lug tug lag seawg la? ngag hehd sinr chehd se yaog nawg A sug lehg nar nawg awr lehr daq kehg se Ghig sa ve chaw yaog.”
35Yer suq Ghig sa ned haeg sar tanr haq ded ve lehq koz se, “tag chuh chehd chaw che phad khuhn tuhz kae lor” ned haeg haw khaz var U ve phad haq I hehd mehz khuhd suhr huh te kuhd vid lehq teq chaweh nag tug maq te vid he lar haz lehq tuhz kae veh se yaog.
36Chaw yad teq pa A sug liz and jad lehq koz daq se, “ Che phad vid tawd khuhd khawed kheh ve kand pax cawg se lehq nar awg lawn koz ver Yer suq chaq chiz se ned haeg sar tanr teq pa haq kand pax khuhn tawd pid lehq I hehd teq pa phaw veh se yaog.” 37Kheh te peg lehq, Yer suq Ghi sa ve awg meh khar lo chor lo te kag le lea lo awg ti U ve awg khuhn lo buhg kae veh se yaog.
Per toq roq ve awg pi ma haq Yer suq te khehnd vid se
(Mth 8:14-17; Mk 1:29-34)
38Kheh te peg leq, Yer suq Ghig sa phawng daq kig awg ti khuhn tuhez lehq Sid mor Per toq roq ve yehg khuhn gehe lehq Sid mor Per toq roq awg pi ma chehd maq sa chehd lawz se yaog awg lawn koz ver nag jad chehd lehq kheh te lehq I hehd teq pa yawd haq te khehnd vid-oq lehd koz lehq Yer suq Ghig sa geh lawg se yaog. 39Yad mid U ve yuhq chehd se kor teh pad huh Yer suq lag lehq cuhz kuhq lehq nag se U ve haq phawe lo lehd koz vid lehq, nag se yad mid U ve khuhn tuhz veh lehq khehnd vehr se yaog kheh te lehq teq pear lehax yag mid tu lehq. Yer suq he lehq awg lag ghuhd teq pa te car te taw vid se yaog.
40Muhd ni kehq vehr lehd te huh awg chawd teq pa a nar laex ceng haq te lehq chehd maq sa se chaw teq pa Yer suq Ghig sa chehd lo sir veh-a lag lehq Yer suq I hehd teq pa thag lo lag kuhr tar lehq te khehnd vid se yaog.
41Ned haeg sar tanr teq pa chaw laex ghad awg khuhn tuhz kae lehq tawd khuhd kug tuhz-ax se, “nawg Ghig sa ve yad phu yaog.”
Kheh ma khuhd Yer suq Ghig sa ned haeg teq pa haq koz vid se che nuz awr ver tad kawq koz lehd koz vid se yaog awg lawn koz ver ned haeg teq pa Yawd haq ga lehq yug pong ax sehr phad khreq phehq se haq sinr se yaog.
Phawng daq lehq bon lawg kig khuhn Yer suq Ghig sa bon mar se
(Mk 1:35-39)
42Nag mi sawx muhd nehax pawad huh Yer suq Ghi sa med U ve haq tuhz kae lehq heh pir khuhn awg god khehz teq chaw leha khuhd ma kad te lo chaw yad teq pa liz yawd ghaq ca lehq yawd haq mawg vehr se te yand. I hehd haq mad gag hpa kae tug yawd haq maq kawq pe se yaog. 43Kheh ma khuhd Yer suq I hehd haq koz vid se, “ngag awr lehr ha lehg se tawd khuhd Ghig sa haq sax se awg lawn te med le lea lo gha ca mar lawg Ghig sa ngag haq lar pea lar se awr lehr kanx che awg pon yaog.”
44Kheh te peg lehq Yer suq Yud daq muhd mig khuhn cawg se phawng daq lehq bon lawg kig ted ka le lea lo bon mar lehq koz kad se yaog.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.