Luq kar 5
5
Yer suq Ghig sa awg kawd ped maq ve awg laq ghuhd teq pa haq kug yug se
(Mth 4:18-22; Mk 1:16-20)
1Teq ni thad huh Yer suq Ghig sa ger ner sar rehq Gar rir lehnd ghig po nux awg pad lo hox chehd huh chaw yad teq pa hax ceh nux biz daq caq daq he lehq yawd chehd lo gehaq se yaog. Ghig sa ve tawd khuhd na tug awg pon. 2Yer suq kawr phuhz ngawx se lawg kax puhg huh lawd kor nid mag tar lar lawz se haq gha mawg se yaog ngand ca par huh lawd kor khuhn tuhz kae lehq I hehd teq pa ngand neh chuhd chehd se yaog. 3Yer suq Ghig sa huh lawd kor tead khuhn geh lehq huh lawd kor U ve awr lehr Sid mor Per toq roq ve yaog kheh te lehq yawd hehd haq koz vid se huh lawd kor pehg puhg lo chehd se lawg kax khuhn A cehax geh pe lehq kheh te lehq Yer suq huh lawd kor khuhn cawr mi lar lehr chaw yad teq pa haq mar vid se yaog.
4Kheh te lehq Yer suq mar vid peg vehr lehq sid mor Per toq roq haq koz vid se, “huh lawd kor A kaz nax jad kig lo kae lehq nawg hehd ve ngand neh awg med mead phehd kha pe lehq ngad haq yug ox.”
5Sid mor Per toq roq kawq koz se “sar lar-og ngag hehd teq pa teq hax muhd kha htid ca se nar jad vehr-or. kheh liz teq chaweh lehaq mag gha kheh ma khuhd nawg koz ax se tawd khuhd haq te lehq ngag hehd ngad neh haq awg med mead nawg koz heh te lehq phehd kha pe tug yaog.” 6Kheh te se haq te lehq I hehd ngad neh haq awg med mead yaq pe lehq ngand kha peh nux yaw lehq I hehd ve ngad neh A meha sax vehr lehd tea. 7I hehd teq pa awg chawd ve huh lawd kor ted mag haq laq meq meq vid lehq, ngad ga lag yuag vid se yaog. ngad huh lawd kor U ve nid mag mar khuhn peh vehr lehq A kaz neg vehr lehz te se yaog. 8Awg yand U ve khuhn Sid mor per toq roq awg ceng phehq tuhaz se haq gha mawg lehq yawd Yer suq Ghig sa khi pad lo khi cuhx teh A kor pi lehq koz se “Jawd mawd-og, nawg daq kehg se haq ngag sinr se yaog ngag nawg mehz khuhd suhr awg pad lo ma chehd cawg hawg awg lawn koz ver ngag awr lehr vend bax yad phehq se yaog.”
9Sid mor per toq roq he lehq yawd ved awg chawd teq pa te ghad le lea teq geha chehd se liz and Jad se yaog I hehd ngad kha peh nux u kheh taw maq gha se-aq te lehq. 10Yar koq he lehq Yod hanr Yer ber dehd ve yad par Six mor per toq roq geh teq geha kanx te chehd se liz And Jad se yaog kheh te lehq Yer suq Ghig sa Sid mor per toq roq haq koz vid se, “ta kuhz chi nuz-awr ver nawg chaw ca sir khuhq lehq ngag haq yonr vid tug gha te se yaog.”
11Sid mor per toq roq he lehq awg chawd teq pa teq geha kanx te chehd se I hehd teq pa huh lawd kor pehg puhg lo cid veha gag vehr lehq I hehd teq pa awg ceng gha leha haq tar haz lehq Yer suq Ghig sa khad nuhr ghaq kae se yaog.
A nar nag se haw khaz te ghad haq Yer suq Ghig sa te khehnd vid se
(Mth 8:1-4; Mk 1:40-45)
12Yer suq Ghig sa med te med khuhn chehd huh haw khaz te ghad teq ton maq khi toq A nar phehq se Yer suq haq gha mawg lehq yawd Yer suq mehz khuhd suhr boz cuhx lar lehr lawg khawx lehq koz se, “Yer suq-og nawg ni ma cawd ver ngag haq daq lag tug tea gha se yaog.”
13Yer suq Ghig sa laq kuhr che lehq yawd haq tar lehq koz se, “ngag ni ma cawd se yaog nawg haq te khehnd lehq daq la vid-oz” awg yand U ve haq te thawz nehax lehax haw khaz U ve geh khi toq A nar mehx kae vehr se yaog. 14Kheh te peq lehq Yer suq Ghig sa yawd haq tawd koz vid se, “nawg khehnd se awg lawn che te ghad lehaq haq taq ca koz mar vid mehr kheh ma khuhd kae lehq paw khod haq awg ton ca maw vid-oz yawd nawg haq tehz ngawx vid kheh te lehq mod ser koz lar se heh tox tand vid-oz te ghad le lea dag vehr lo lehd koz lehq gha mawg tug.”
15Kheh ma khuhd Yer suq te ngad haq liz ta ca koz maq vid lehd koz lar liz Yer suq Ghig sa haw khaz U ve haq ga vid se awg lawn Yer suq Ghig sa awg meh ted kag teq ti le lea buhq kae veh se yaog kheh te lehq chaw yad teq pa yawd khuhd na tug lag lehq teq geha phawng daq se yaog. kheh te lehq ha kax se khuhn I hehd ve A nar nag chehd se teq pa haq te khehnd vid se yaog. 16Kheh ma khuhd Yer suq heh pir khuhn gawr ghad te lo kae lehq Bon lawg se yaog.
Khi kud lag kuhr suh se te ghad haq Yer suq Ghig sa te khehnd vid se
(Mth 9:1-8; Mk 2:1-12)
17Teq ni huh Yer suq Ghi sa mar vid chehd huh phar rir sehd he lehq awg lid tawd khuhd mar par ted pehg liz U huh mi chehd se yaog I hehd te khaz le lea lo ve Gar lir lehd muhd mig Yud daq muhd mig he lehq Yer ruq sar lehnr med lo gag se yaog. Jawd mawd Ghig sa ve kand pax yawd geh cawg lehq chaw A nar nag se haq nag se guhg se te khehnd vid se yaog. 18Kheh te peg lehq awg yand u ve huh chaw ted pehg khi kuhd lag kuhr suh se te ghad haq Zuhq kig khuhn zuhq vid lehq yawd haq ga taz veha lehq yehg khuhn lo geh tug yag kaw ca se yaog khawehd te le lehd koz ver yawd haq Yer suq Ghig sa mehz khuhd suhr gha tar tug awg pon. 19Kheh te lar lehq yaq kaw geh kig ca maq gha awg lawn koz ver chaw mad jad se haq te lehq I hehd teq pa haw khaz var U ve haq yehg khuhn chid ve geh mad gag se haq te lehq i hehd teq pa guq chid haq taez lehq yehg thag lo taez se yaog kheh te peg lehq A yuhd beh lar se ted pehg phaz kha lehq khi kuhd lag kuhr suh se haq yawd zuhq chehd se zuhq phi lo-aq Yer suq Ghig sa mehz khuhd suhr chaw yad teq pa awg kar lo chi yaq pe se yaog. 20Awg yand U ve khuhn Yer suq Ghig sa I hehd ve yonr se haq gha mawg se te yand chaw U ve phad khehnd gad te lehq yawd khi kud lag kuhr suh se haq koz vid se, “haw khaz var-og ngag nawg ved vend bax te ceng le lea haq phehd kha vehr se yaog.”
21Liq buhq par teq pa he lehq phar rir sehd teq pa tanr duhd ngawx se, “chaw chi phad A suawg le? yawd Ghig sa heh te lehq khawehd koz gad koz se? A nig teq pa sinr se yaog Ghig sa te ghad lehax cawg se yaog vend bax phehd kha gha se.”
22Yer suq Ghig sa I hehd duhd se haq sinr se te yand I hehd haq koz vid se, “A thoq te nawg hehd mad daq se haq che kheh te duhd chehd seawg le? 23Haw khaz U ve haq nid ceng cawg se yaog yawd haq koz vid tug khar ve te khuhd koz vid ver sa awg le, nawg ved vend bax haq phehd kha peor mehz ver ‘tu lehq yaq kaw tud kae log lehd koz vid tug-awg la’ 24Kheh ma khuhd ngag nawg hehd teq pa haq mawg vid gad se, ngag, chaw yad ve yad phu mig gig chi thaq lo kand pax cawg lehq chaw yad ve vend bax haq phehd kha vid gha se yaog.” kheh te se haq te lehq Yer suq khi kuhd lag kuhr suh se haq koz vid se, “ngag nawg haq koz ax se tu lor nawg ved zuhq kig haq chid lehq yehg lo kaweq lor.”
25Awg yand U ve khuhn khi kuhd lag kuhr suh se I hehd teq pa mehz khuhd suhr tu hox lehq yawd ved zuhq kig haq chid ve lehq Ghig sa haq seh chid muh te ve lehq yawd ved yehg lo kaweq veh se yaog. 26Phehq tuhaz se awg ceng haq haq gha mawg lehq I hehd teq pa A sug liz Ghig sa ve kand pax haq kuhz lehq and nar Jad se yaog kheh te lehq Yer suq Ghig sa haq chid muh se yaog. I hehd koz se, “A nig yonr lawq lawq te se awg ceng teq pa yaq ni A nig gha mawg vehr-o.”
Ler viq haq Yer suq Ghig sa kug yug se
(Mth 9:9-13; Mk 2:13-17)
27Awg lawn che peg khad nuhr Yer suq Ghig sa liz yehg U ve khuhn tuhz kae lehq yawd yaq kaw tod kae chehd se te yand awg khawr saw par chaw te ghad ler viq meh se haq gha mawg se yaog, awg khawr saw kig huh mi chehd se haq Yer suq Ghig sa yawd haq koz vid se “ngag khad nuhr laor.” kheh te lehq ngag ve awg laq ghuhd te lag lehd koz vid se yaog 28Kheh te lehq ler viq liz awg ceng kha peg tar haz lehq tu lehq yer suq khad nuhr kae lehq yawd ve awg laq ghuhd ca te se yaog.
29Kheh te peg lehq ler viq yawd ved yehg lo te cad te dawg se pawehd nux te se yaog Yer suq Ghig sa haq tanr Ir se khuhn awg khawr saw par he lehq awg nuz awr ve chaw kha peh nux ga phawg lag lehq teq geh cad se yaog. 30Phar rir sehd teq pa he lehq liq buhq par teq pa I hehd phawd awr ve Yer suq Ghig sa ve awg laq ghuhd teq pa haq ca khuhd ded lehq koz se, I hehd na ngawx se, “A thoq te nawg hehd awg khawr saw par he lehq vend bax yad geh te cad te dawg chehd seawg le lehd koz se yaog?”
31Yer suq Ghig sa I hehd haq kawq koz khuhq vid se, “chehd sa se chaw naz chuhd ghu sehr phad te khehnd vid tug haq maq lor hawg kheh te lar lehq chaw nag se teq pa lehax naz chuhd ghu sehr phad haq lor se yaog.” 32U ve haq khad suhax yaog thed se cawd se chaw haq kug yug lehq vend bax duhd phuhz vid tug ngag lag se mehz hawg, kheh ma khuhd vend bax yad vend bax duhd phuhz vid tug awg pon kug yug tug lag se yaog.
Cad tug ce se awg lawn na se
(Mth 9:14-17; Mk 2:18-22)
33Kheh te peg lehq ted pehg Yer suq Ghig sa haq koz vid se, “Yod hanr ve awg lag ghuhd teq pa khar thad liz cad tug ce lehq awg lid cawg se heh Bon lawg lehq phar rir sehd ve tawd khuhd haq na yug chehd se awg laq ghuhd teq pa liz u kheh te chehad kheh te lar lehr nawg ved awg laq ghuhd teq pa cad chehd dawg chehad khawehd te lehq cad tug maq ce seawg le lehd koz vid se yaog.”
34Yer suq Ghig sa tawd pa hax te lehq I hehq kawq koz khuhq vid se, “nawg duhd se A pid cad chehd se khuhn chaw hax ve awg chawd teq pa cad tug ce lehq duhd har vid tug- awg la? chaw hax I hehd teq pa geh chehd se te yand U kheh maq te hawg? 35Kheh ma khuhd teq ni mag gag ver chaw hax ve cand par chaw hax haq khuhd sinr ve lehq nawg hehd geh phaw veh ver awg yand U ve haq yaog I hehd cad tug ce lehq gha duhd haq tug.”
36Kheh te peg lehq Yer suz tawd pa hax haq koz lehq I hehd haq koz mar vid se, “chaw te ghad-eg liz A poq awg suhx Juhq yug lehq A poq awg pir haq maq cux kix Jaw hawg U kheh te ver A poq awg suhx sax vehr se yaog awg pir haq maq hawr se yaog.” 37Yer suq Ghig sa kawq koz se U ve haq kha suhax yaog te ghad lehaq mad cawg hawg a pehx med ghig awg suhx yug lehq sar gig thux pu awg pir khuhn ke se maq ke hawg awg lawn koz ver A pehx med ghig awg suhx awr lehr sar gig peq khod lehq, A pehx med ghig sez tuhaz lehq sar gig liz sax vehr se yaog. 38Kheh ma khuhd nawg A pehx med ghig awg suhx sar gig awg suhx khuhn ke teh lehq kha nehax gha haq sax lar se yaog. 39Kheh te lehq te ghad leha mad cawg hawg A pehx med ghig awg pir haq dawg peg ver A pehx med ghig awg suhx haq mad kawq dawg gad hawg, awg lawn koz ver yawd koz se awg pir U ve vawr daq lex se yaog.
ទើបបានជ្រើសរើសហើយ៖
Luq kar 5: LHU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
Luq kar 5
5
Yer suq Ghig sa awg kawd ped maq ve awg laq ghuhd teq pa haq kug yug se
(Mth 4:18-22; Mk 1:16-20)
1Teq ni thad huh Yer suq Ghig sa ger ner sar rehq Gar rir lehnd ghig po nux awg pad lo hox chehd huh chaw yad teq pa hax ceh nux biz daq caq daq he lehq yawd chehd lo gehaq se yaog. Ghig sa ve tawd khuhd na tug awg pon. 2Yer suq kawr phuhz ngawx se lawg kax puhg huh lawd kor nid mag tar lar lawz se haq gha mawg se yaog ngand ca par huh lawd kor khuhn tuhz kae lehq I hehd teq pa ngand neh chuhd chehd se yaog. 3Yer suq Ghig sa huh lawd kor tead khuhn geh lehq huh lawd kor U ve awr lehr Sid mor Per toq roq ve yaog kheh te lehq yawd hehd haq koz vid se huh lawd kor pehg puhg lo chehd se lawg kax khuhn A cehax geh pe lehq kheh te lehq Yer suq huh lawd kor khuhn cawr mi lar lehr chaw yad teq pa haq mar vid se yaog.
4Kheh te lehq Yer suq mar vid peg vehr lehq sid mor Per toq roq haq koz vid se, “huh lawd kor A kaz nax jad kig lo kae lehq nawg hehd ve ngand neh awg med mead phehd kha pe lehq ngad haq yug ox.”
5Sid mor Per toq roq kawq koz se “sar lar-og ngag hehd teq pa teq hax muhd kha htid ca se nar jad vehr-or. kheh liz teq chaweh lehaq mag gha kheh ma khuhd nawg koz ax se tawd khuhd haq te lehq ngag hehd ngad neh haq awg med mead nawg koz heh te lehq phehd kha pe tug yaog.” 6Kheh te se haq te lehq I hehd ngad neh haq awg med mead yaq pe lehq ngand kha peh nux yaw lehq I hehd ve ngad neh A meha sax vehr lehd tea. 7I hehd teq pa awg chawd ve huh lawd kor ted mag haq laq meq meq vid lehq, ngad ga lag yuag vid se yaog. ngad huh lawd kor U ve nid mag mar khuhn peh vehr lehq A kaz neg vehr lehz te se yaog. 8Awg yand U ve khuhn Sid mor per toq roq awg ceng phehq tuhaz se haq gha mawg lehq yawd Yer suq Ghig sa khi pad lo khi cuhx teh A kor pi lehq koz se “Jawd mawd-og, nawg daq kehg se haq ngag sinr se yaog ngag nawg mehz khuhd suhr awg pad lo ma chehd cawg hawg awg lawn koz ver ngag awr lehr vend bax yad phehq se yaog.”
9Sid mor per toq roq he lehq yawd ved awg chawd teq pa te ghad le lea teq geha chehd se liz and Jad se yaog I hehd ngad kha peh nux u kheh taw maq gha se-aq te lehq. 10Yar koq he lehq Yod hanr Yer ber dehd ve yad par Six mor per toq roq geh teq geha kanx te chehd se liz And Jad se yaog kheh te lehq Yer suq Ghig sa Sid mor per toq roq haq koz vid se, “ta kuhz chi nuz-awr ver nawg chaw ca sir khuhq lehq ngag haq yonr vid tug gha te se yaog.”
11Sid mor per toq roq he lehq awg chawd teq pa teq geha kanx te chehd se I hehd teq pa huh lawd kor pehg puhg lo cid veha gag vehr lehq I hehd teq pa awg ceng gha leha haq tar haz lehq Yer suq Ghig sa khad nuhr ghaq kae se yaog.
A nar nag se haw khaz te ghad haq Yer suq Ghig sa te khehnd vid se
(Mth 8:1-4; Mk 1:40-45)
12Yer suq Ghig sa med te med khuhn chehd huh haw khaz te ghad teq ton maq khi toq A nar phehq se Yer suq haq gha mawg lehq yawd Yer suq mehz khuhd suhr boz cuhx lar lehr lawg khawx lehq koz se, “Yer suq-og nawg ni ma cawd ver ngag haq daq lag tug tea gha se yaog.”
13Yer suq Ghig sa laq kuhr che lehq yawd haq tar lehq koz se, “ngag ni ma cawd se yaog nawg haq te khehnd lehq daq la vid-oz” awg yand U ve haq te thawz nehax lehax haw khaz U ve geh khi toq A nar mehx kae vehr se yaog. 14Kheh te peq lehq Yer suq Ghig sa yawd haq tawd koz vid se, “nawg khehnd se awg lawn che te ghad lehaq haq taq ca koz mar vid mehr kheh ma khuhd kae lehq paw khod haq awg ton ca maw vid-oz yawd nawg haq tehz ngawx vid kheh te lehq mod ser koz lar se heh tox tand vid-oz te ghad le lea dag vehr lo lehd koz lehq gha mawg tug.”
15Kheh ma khuhd Yer suq te ngad haq liz ta ca koz maq vid lehd koz lar liz Yer suq Ghig sa haw khaz U ve haq ga vid se awg lawn Yer suq Ghig sa awg meh ted kag teq ti le lea buhq kae veh se yaog kheh te lehq chaw yad teq pa yawd khuhd na tug lag lehq teq geha phawng daq se yaog. kheh te lehq ha kax se khuhn I hehd ve A nar nag chehd se teq pa haq te khehnd vid se yaog. 16Kheh ma khuhd Yer suq heh pir khuhn gawr ghad te lo kae lehq Bon lawg se yaog.
Khi kud lag kuhr suh se te ghad haq Yer suq Ghig sa te khehnd vid se
(Mth 9:1-8; Mk 2:1-12)
17Teq ni huh Yer suq Ghi sa mar vid chehd huh phar rir sehd he lehq awg lid tawd khuhd mar par ted pehg liz U huh mi chehd se yaog I hehd te khaz le lea lo ve Gar lir lehd muhd mig Yud daq muhd mig he lehq Yer ruq sar lehnr med lo gag se yaog. Jawd mawd Ghig sa ve kand pax yawd geh cawg lehq chaw A nar nag se haq nag se guhg se te khehnd vid se yaog. 18Kheh te peg lehq awg yand u ve huh chaw ted pehg khi kuhd lag kuhr suh se te ghad haq Zuhq kig khuhn zuhq vid lehq yawd haq ga taz veha lehq yehg khuhn lo geh tug yag kaw ca se yaog khawehd te le lehd koz ver yawd haq Yer suq Ghig sa mehz khuhd suhr gha tar tug awg pon. 19Kheh te lar lehq yaq kaw geh kig ca maq gha awg lawn koz ver chaw mad jad se haq te lehq I hehd teq pa haw khaz var U ve haq yehg khuhn chid ve geh mad gag se haq te lehq i hehd teq pa guq chid haq taez lehq yehg thag lo taez se yaog kheh te peg lehq A yuhd beh lar se ted pehg phaz kha lehq khi kuhd lag kuhr suh se haq yawd zuhq chehd se zuhq phi lo-aq Yer suq Ghig sa mehz khuhd suhr chaw yad teq pa awg kar lo chi yaq pe se yaog. 20Awg yand U ve khuhn Yer suq Ghig sa I hehd ve yonr se haq gha mawg se te yand chaw U ve phad khehnd gad te lehq yawd khi kud lag kuhr suh se haq koz vid se, “haw khaz var-og ngag nawg ved vend bax te ceng le lea haq phehd kha vehr se yaog.”
21Liq buhq par teq pa he lehq phar rir sehd teq pa tanr duhd ngawx se, “chaw chi phad A suawg le? yawd Ghig sa heh te lehq khawehd koz gad koz se? A nig teq pa sinr se yaog Ghig sa te ghad lehax cawg se yaog vend bax phehd kha gha se.”
22Yer suq Ghig sa I hehd duhd se haq sinr se te yand I hehd haq koz vid se, “A thoq te nawg hehd mad daq se haq che kheh te duhd chehd seawg le? 23Haw khaz U ve haq nid ceng cawg se yaog yawd haq koz vid tug khar ve te khuhd koz vid ver sa awg le, nawg ved vend bax haq phehd kha peor mehz ver ‘tu lehq yaq kaw tud kae log lehd koz vid tug-awg la’ 24Kheh ma khuhd ngag nawg hehd teq pa haq mawg vid gad se, ngag, chaw yad ve yad phu mig gig chi thaq lo kand pax cawg lehq chaw yad ve vend bax haq phehd kha vid gha se yaog.” kheh te se haq te lehq Yer suq khi kuhd lag kuhr suh se haq koz vid se, “ngag nawg haq koz ax se tu lor nawg ved zuhq kig haq chid lehq yehg lo kaweq lor.”
25Awg yand U ve khuhn khi kuhd lag kuhr suh se I hehd teq pa mehz khuhd suhr tu hox lehq yawd ved zuhq kig haq chid ve lehq Ghig sa haq seh chid muh te ve lehq yawd ved yehg lo kaweq veh se yaog. 26Phehq tuhaz se awg ceng haq haq gha mawg lehq I hehd teq pa A sug liz Ghig sa ve kand pax haq kuhz lehq and nar Jad se yaog kheh te lehq Yer suq Ghig sa haq chid muh se yaog. I hehd koz se, “A nig yonr lawq lawq te se awg ceng teq pa yaq ni A nig gha mawg vehr-o.”
Ler viq haq Yer suq Ghig sa kug yug se
(Mth 9:9-13; Mk 2:13-17)
27Awg lawn che peg khad nuhr Yer suq Ghig sa liz yehg U ve khuhn tuhz kae lehq yawd yaq kaw tod kae chehd se te yand awg khawr saw par chaw te ghad ler viq meh se haq gha mawg se yaog, awg khawr saw kig huh mi chehd se haq Yer suq Ghig sa yawd haq koz vid se “ngag khad nuhr laor.” kheh te lehq ngag ve awg laq ghuhd te lag lehd koz vid se yaog 28Kheh te lehq ler viq liz awg ceng kha peg tar haz lehq tu lehq yer suq khad nuhr kae lehq yawd ve awg laq ghuhd ca te se yaog.
29Kheh te peg lehq ler viq yawd ved yehg lo te cad te dawg se pawehd nux te se yaog Yer suq Ghig sa haq tanr Ir se khuhn awg khawr saw par he lehq awg nuz awr ve chaw kha peh nux ga phawg lag lehq teq geh cad se yaog. 30Phar rir sehd teq pa he lehq liq buhq par teq pa I hehd phawd awr ve Yer suq Ghig sa ve awg laq ghuhd teq pa haq ca khuhd ded lehq koz se, I hehd na ngawx se, “A thoq te nawg hehd awg khawr saw par he lehq vend bax yad geh te cad te dawg chehd seawg le lehd koz se yaog?”
31Yer suq Ghig sa I hehd haq kawq koz khuhq vid se, “chehd sa se chaw naz chuhd ghu sehr phad te khehnd vid tug haq maq lor hawg kheh te lar lehq chaw nag se teq pa lehax naz chuhd ghu sehr phad haq lor se yaog.” 32U ve haq khad suhax yaog thed se cawd se chaw haq kug yug lehq vend bax duhd phuhz vid tug ngag lag se mehz hawg, kheh ma khuhd vend bax yad vend bax duhd phuhz vid tug awg pon kug yug tug lag se yaog.
Cad tug ce se awg lawn na se
(Mth 9:14-17; Mk 2:18-22)
33Kheh te peg lehq ted pehg Yer suq Ghig sa haq koz vid se, “Yod hanr ve awg lag ghuhd teq pa khar thad liz cad tug ce lehq awg lid cawg se heh Bon lawg lehq phar rir sehd ve tawd khuhd haq na yug chehd se awg laq ghuhd teq pa liz u kheh te chehad kheh te lar lehr nawg ved awg laq ghuhd teq pa cad chehd dawg chehad khawehd te lehq cad tug maq ce seawg le lehd koz vid se yaog.”
34Yer suq Ghig sa tawd pa hax te lehq I hehq kawq koz khuhq vid se, “nawg duhd se A pid cad chehd se khuhn chaw hax ve awg chawd teq pa cad tug ce lehq duhd har vid tug- awg la? chaw hax I hehd teq pa geh chehd se te yand U kheh maq te hawg? 35Kheh ma khuhd teq ni mag gag ver chaw hax ve cand par chaw hax haq khuhd sinr ve lehq nawg hehd geh phaw veh ver awg yand U ve haq yaog I hehd cad tug ce lehq gha duhd haq tug.”
36Kheh te peg lehq Yer suz tawd pa hax haq koz lehq I hehd haq koz mar vid se, “chaw te ghad-eg liz A poq awg suhx Juhq yug lehq A poq awg pir haq maq cux kix Jaw hawg U kheh te ver A poq awg suhx sax vehr se yaog awg pir haq maq hawr se yaog.” 37Yer suq Ghig sa kawq koz se U ve haq kha suhax yaog te ghad lehaq mad cawg hawg a pehx med ghig awg suhx yug lehq sar gig thux pu awg pir khuhn ke se maq ke hawg awg lawn koz ver A pehx med ghig awg suhx awr lehr sar gig peq khod lehq, A pehx med ghig sez tuhaz lehq sar gig liz sax vehr se yaog. 38Kheh ma khuhd nawg A pehx med ghig awg suhx sar gig awg suhx khuhn ke teh lehq kha nehax gha haq sax lar se yaog. 39Kheh te lehq te ghad leha mad cawg hawg A pehx med ghig awg pir haq dawg peg ver A pehx med ghig awg suhx haq mad kawq dawg gad hawg, awg lawn koz ver yawd koz se awg pir U ve vawr daq lex se yaog.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.