Luq kar 6
6
Sinx ni haq soq saq lehq kanx cawg se awg lawn
(Mth 12:1-8; Mk 2:23-28)
1Sinx ni teq ni haq Yer suq Ghig sa ti mi khuhn phanr kae se te yand yawd ved awg laq ghuhd teq pa cag no chehz lehq pex cad se yaog. 2Phar rir sehd teq pa ted pehg Yer suq Ghig sa ve awg laq ghuhd U kheh te se haq gha mawg lehq koz se nawg hehd U kheh maq te cawd hawg! lehd koz lehq I hehd haq koz vid se yaog, “A thoq te lehq nawg hehd teq pa ngag hehd ve awg lid tawd khawd khuhn taq te lehd koz lar se haq sinx ni awg khuhn#6:2 Sinx ni awg khuhn Bon mar liq 23:25 lo te seawg le?”
3Yer suq Ghig sa I hehd haq kawq koz khuhq ved se, “nawg hehd teq pa maq gha vawn jaw la Dar viq yawd ved chaw awr meq huh#6:3 Maq gha vawn jaw la Dar viq yawd ved chaw awr meq huh 1Sar mor laq 21:1-6 yawd te se awg ceng haq mad mawg jaw la? 4Daq kehg se hawx yehg Ghig sa chehd kig lo yawd geh se yaog kheh te lehq paw khod ve awr paw neh#6:4 Awr paw neh A kor pi liq 24:5-9 Ghig sa haq tand vid lar se haq yug veha lehq cad lehq yawd ved chaw teq pa haq liz pehg car vid se yaog, awg lid tawd khuhd koz lar se paw khod teq pa mehz ver te gad leh-aq maq gha cad hawg lehd koz lar se yaog.”
5Kheh te peg lehq Yer suq Ghig sa I hehd haq koz vid se, ngag “chaw yad ve yad phu Ghig sa awr lehr chaw yad haq keh koz tug kand pax cawg se yaog sinx ni khuhn te cawg maq te cawg se haq yawd sinr se yaog.”
Haw khaz lag kuhr suh se haq Yer suq Ghig sa te khehnd vid se
(Mth 12:9-14; Mk 3:1-6)
6Sinx ni peg lehq Awg nuz awr teq sinx haq Yer suq Ghig sa phawng daq lehq bon lawg kig awg ti U ve khuhn lo gehe lehq chaw yad teq pa haq tanr mar vid chehd se awg ti U ve khuhn haw khaz te gad laq kuhr laq yaor-awr phawr suh veh se chaw te gad liz chehd se yaog. 7Liq buhq par teq pa he lehq phar rir sehd teq pa ted pehg U huh chehd se I hehd Yer suq Ghig sa te yaq tug Sinx ni haq yawd A nar nag se haq te khehnd ve chehd huh I hehd ghaq jaz ngawx se yaog. 8Kheh ma khuhd Yer suq Ghig sa I hehd duhd chehd se awg ceng haq sinr lehq haw khaz laq kuhr laq yar-awr phawr suh se chaw haq koz vid se, “tu hox lor kheh te lehq chor lo mehz khuhd suhr lo lar-o.” haw khaz U ve phad tu hox lehq U huh ca hox se yaog. 9Kheh te peg lehq Yer suq Ghig sa I hehd haq koz vid se, “ngag nawg hehd haq na ngawx sar, sinx ni ve awg lid haq ver A nig teq pa daq se awg ceng te cawd hawg la mehz ver mad daq se awg ceng haq te tuag la? A saq teq tug ga vid tu-awg la mehz ver A saq haq te khehnd vid tu-awg la?” 10Awg khad nuhr Yer suq I hehd teq pa haq kawr phuhz ngawx lar lehr lag kuhr suh se phad haq koz vid se, “nawg ved lag kuhr gawg che lor” lehd koz vid se te yand yawd lag kuhr gawg che lehq khehnd vehr se yaog.
11Liq buhq par he lehq phar lir sehd teq pa U kheh te se haq gha mawg lehq nez nag jad se yaog, kheh te lehq Yer suq Ghig sa haq dawz vehr tug khawehd te cawd lehq nar lehd jehg daq se yaog.
Yer suq Ghig sa cuh yad tiq chi ni ghad haq lez yug se
(Mth 10:1-4; Mk 3:13-19)
12Awg khaz nuhr maq muh tand teq ni huh, Yer suq Ghig sa med khuhn tuhez lehq keh khad ted mag lo bon lawg tug awg pon taez lehq awg ti U ve huh awg yand yehd lehq teq hax maq Ghig sa geh bon lawg chehd se yaog. 13Ted nag muhd pawd huh Yer suq cuh yad teq pa haq yawd chehd lo lar-o lehd koz vid lehq I hehd khuhn yawd teq chi ni ghad haq lez yug lehq awg laq ghuhd lehd koz lehq meh vid se yaog. 14U ve awr lehr Sid mor (Yer suq kawq meh vid se, “Per toq roq”) kheh te lehq, yawd ved awg nax var Anr dehr rehr, yar koq he lehq Yod hanr, phid lid poq he lehq bar thawd rar mehd. 15Mar thehr he lehq Thod maq,Yar koq Ar lar phehd ve yad, Sid mor ( Su kug se, “ser luz yaog.”) 16Yud daq Yar koq ve yad par he lehq Yud daq Id sar kar riq oq Yer suq Ghig sa haq huhnd cad var.
Yer suq Ghig sa mar vid lehq A nar nag se haq te khehnd vid se
(Mth 4:23-25)
17Awg yand U ve haq Yer suq Ghig sa he lehq awg laq ghuhd teq pa kehag lo yaq lehq mig tawg kig U huh saod lehq hox chehd se te yand yer suq ve awg laq ghuhd laex ghad haq gha mawg lehq chaw awg mor kha peh nux yud daq muhd mig he lehq Yer ruq sar lehnr med he lehq ghig nuh maq ox pax-awr lo tud ruz med he lehq six donr med lo ve teq pa lag se yaog. 18I hehd Yer suq koz mar se haq na tug awg pon he lehq Yer suq I hehd ve A nar haq te khehnd vid tug awg pon he lehq chaq chiz se ned haeg sar tanr I hehd teq pa haq soq saq chehd se haq liz te khehnd vid tug te vid se yaog. 19Chaw yad te ghad le lea liz Yer suq haq gha vad tug cud cad se yaog awg lawg koz ver kand pax yawd khuhn tuhaz lehq I hehd ve A nar teq pa haq te khehnd vid se yaog.
Ha lehq se he lehq lug tug
(Mth 5:1-12)
20U ve khad nuhr Yer suq Ghig sa yawd ved awg laq ghuhd teq pa haq ngawx lehq koz vid se,
“Ghig sa mehz khuhn suhr ni ma nud nehq se chaw he lehq Ghig sa haq yonr se chaw he lehq Ghig sa awg khuhn kha peg haq gad va se chaw teq pa awr lehr gha ha lehg tug yaog, awg lawn koz ver
Ghig sa ve muhd nuh maq muhd mig
Nawg hehd ve phehq se yaog.
21A sug te ghad ma koz Ghig sa ve thed se cawd se ha ghaq ca se chaw he lehq A sug te ghad ma koz
Ghig sa haq sax se haq he gad se he lehq Ghig sa ve awg bon haq he gad se chaw awr lehr gha ha lehg tug yaog Awg lawn koz ver Ghig sa
Nawg hehd pehg ca gua tug yaog
Nawg hehd A meha huhg chehd se liz ha lehg tug yaog,
Awg lawg koz ver nawg hehd gha ha lehg lehq gha ghig tug yaog.”
22“Chaw laex ghad Nawg hehd teq pa haq cand se te yand, Nawg hehq teq pa haq ghaq kog lehq, nawg hehd haq koz gid ghig gid lehq nawg hehd ve awg meh mad daq law lehd koz lehq koz tug yaog Awg lawn koz ver chaw yad ve yad phu haq te lehq nawg hehd gha ha lehg tug yaog.” 23Awg ni U ve khuhn phehq tuhaz ver nawg hehd duhd sa gad sa se he lehq ha lehg ha ka te-o awg lawn koz ver ngawx lor! Ghig sa nawg hehd haq laq sawnr pehar lehq muhd nuh maq muhd mig khuhn kha peh ghad cawg se yaog. awg lawn koz ver I hehd ve A pux A pi teq pa liq phu mar par cuh kar par haq liz U kheh te se yaog.
24“Kheh ma khuhd paw sa se nawg hehd teq pa gha lug gha sez tug yaog
Awg lawn koz ver nawg hehd A saq teq kig khuhn pehawr sa jad vehor
25A meha Nawg hehd awg ceng kha peg cawg vehr-o lehd duhd chehd se chaw teq pa haq Ghig sa ve kuhz jad se awg ti awg khuhn lo gha toq khanr tug yaog awg ceng che ve teq pa cawg liz mad lawq se haq nawg hehd sinr tug yaog
Ghig sa suhx jehg se mehz khuhd suhr chehd se te yand nawg hehd chehd sa tug mad cawg hawg
Nawg hehd gha meq gha kaz lehq gha lug gha sez tug yaog A meha gig chehd se chaw gha kuhz jad tug yaog awg
Lawn koz ver nawg hehd gha duhd har lehq
Gha huhg tug yaog.”
26“Nawg hehd gha lug gha sez tug yaog su nawg hehd haq daq se law lehd koz lehq chid muha se te yand awg lawn koz ver liq phu mar yaq par haq liz I hehd ve A pux A pi liz U kheh koz chehd se yaog nawg hehd teq pa liz liq phu mar yaq par phehq se haq gha mawg se yaog.”
Cand par haq haq se
(Mth 5:38-48; 7:12)
27“Kheh ma khuhd ngag awg lawn che teq pa haq koz se haq nawg hehd gha kad se, nawg ved cand par haq haq se cawg vid nawg haq nez nag se chaw haq daq se te vid-oz, 28Nawg hehd haq khen ded se chaw haq awg bon naq vid-oz kheh te lehq nawg hehd haq khawehd te gad te se chaw haq bon lawg vid-oz. 29A sug te ghad ma koz nawg ngawx bawg lehq nawg ved par loz te pawd-awr tha phehd ver te phawd kawq phuhz mawr vid lehq kawq tha vid kheh te lehq A sug nawg ved A poq awg thag ve haq lu yuag lehd te ver awg huh ve liz yawd haq kuhz pid-oz. 30Nawg hehd geh kha lawg se chaw teq pa haq pid-oz kheh te lehq ma thed ma cawd se awg khuhn lo A sug nawg hehd ve mend ngend yug ve lar se chaw haq tag ca koz yug khuhq. 31Su nawg haq tea vid gad se heh su haq liz U kheh te vid-oz.”
32“Kheh te lar lehr nawg hehd haq haq se chaw haq lehax nawg hehd haq ver nawg hehd A thoq awg bon cawg hawg le? awg lawn koz ver Ghig sa haq maq yonr se vend bax yad teq pa liz I hehd haq haq se chaw teq pa haq lehax haq se yaog. 33Kheh te lehq nawg hehd haq daq se awg ceng tea se chaw haq lehax daq se awg ceng kawq te khuhq vid ver nawg hehd A thoq awg bon cawg hawg le? awg lawn koz ver Ghig sa haq maq yonr se vend bax yad teq pa liz U kheh te chehd se yaog. 34Kheh te lehq nawg hehd su haq chid vid ver I hehd geh kawq khuhq gha tug lehax duhd law chehd ver nawg hehd A thoq awg bon cawg hawg le? awg lawn koz ver Ghig sa haq maq yonr se vend bax yad liz vend bax yad haq chid vid lehq kawq khuhq gha tug leha duhd chehd se yaog. 35Nawg hehd ve cand pa haq haq-oq I hehd haq daq se te vid-oz, I hehd haq phu chid vid lehq kawq khuhq gha tug haq ta duhd ngawx U kheh te ver Ghig sa nawg hehd haq laq sawnr Ir jad se pehar se haq gha haq yug tug yaog kheh te lehq nawg hehd har kax se awg ceng che haq gha mawg lehq Ir jad muh jad se Ghig sa ve yad phehq se yaog. lehd koz se yaog. awg lawn koz ver, ha kax se mad cawg se chaw he lehq haeg jad se chaw haq yawd ha kax vid se yaog. 36Nawg hehd teq pa te ghad le lea, ha kax pix se cawg vid-oz. nawg hehd ve A pa Ghig sa te ghad le lea haq ha kax pix se cawg se haq kha suar.”
Su haq suhx jehg se awg lawn
(Mth 7:1-5)
37“Yer suq Ghig sa kawq koz mar vid lehq koz se vend bax te se chaw haq taq ca suhx jehg kheh te ver Ghig sa liz nawg hehd haq maq suhx jehg hawg su haq taq ca koz Ghig sa liz nawg hehd haq maq gha koz vid tug awg pon su haq vend bax phehd kha vid Ghig sa liz nawg hehd haq vend bax hpehd kha vid tug awg pon. 38Su lonr se awg ceng su haq pid lor kheh te ver nawg lonr se awg ceng haq Ghig sa liz nawg haq pehar tug yaog duhd pi se tad kaq par te se heh te lehq Ghig sa liz nawg haq U kheh tea tug yaog kheh te lehq nawg hehd ve kawg tug khuhn kawg-ax lehq peh sez thad kha gag nex ke hiz ki-a tug yaog awg lawn koz ver nawg hehd su haq A thoq khuhn kawg vid lar liz Ghig sa nawg hehd haq U ve khuhn kawq kawg khuhq-ax tug yaog.”
39Kheh te peg lehq Yer suq Ghig sa I hehd haq tawd pa hax te lehq kawq koz vid se, “mehz cox se chaw mehz cox se haq ghawg seh maq gha hawg U kheh te ver I mag ni ghad mig kor nax jad se khuhn che geh tug yaog. 40Awg laq ghuhd awr lehr mar par kheh taw mag Ir hawg, kheh ma khuhd awg laq ghuhd U ve kha nehax kha peh kha luhq ghad gha hend peg ver yawd ved mar par haq kha suar phehq se yaog.”
41Khawehd te lehq nawg vix nawg nax ve vend bax nehax te se haq lehax nawg ngawx chehd seawg le? nawg vix nawg nax ve mehz kha khuhn mehz pux nehax huhz chehd se haq lehax nawg ngawx mawg chehd se haq kha suar, kheh ma khuhd A sug yawd khad vend bax nux te se haq vawr A yend maq te suhz theh nux A sug yawd khad ve mehz kha khuhn mehz pux nux huhz chehd se haq A yeg maq te se haq kha suar? 42Khawehd te lehq nawg vix nawg nax haq koz gha seawg le, A vix A nax o Awg bon te lehq ngag nawg ved mehz kha khuhn mehz pu huhz chehd se haq yug kha laq lehd koz vid pir seawg le? Nawg ved mehz kha khuhn suhz theh nux geh chehd se haq liz nawg ngawx mad mawg te lar lehq? ox awg thag ted ceng ni ma khuhn ted ceng te se chaw-o Nawg ved mehz kha khuhn suhz theh nux geh chehd se haq awg lawd ped yug kha ser kheh te peg ver nawg ngawx mawg vehr ver nawg vix nawg nax ve mehz pu haq yug kha gha se yaog.
Suhz cehg he lehq yawd ved awg sir awg lawn
(Mth 7:16-20; 12:33-35)
43“Suhz cehg daq ver awg sir liz daq se yaog kheh te lehq suhz cehg mad daq ver awg sir liz mad daq se yaog. 44Te thawz lehax che kheh te se haq te lehq suhz cehg ted cehg le lea awr lehr awg sir haq ngawx ver sir se yaog nawg hehd A chud cehg haq cir phuh sir maq gha sax jaw hawg kheh te lehq A chud bid haq A pehx med sir maq gha sax jaw hawg. 45Chaw liz suhz cehg haq kha kha suar phehq se yaog daq se chaw awr lehr A sug yawd ved ni ma khuhn lo daq se awg ceng tuhaz se yaog chaw haeg awr lehr A sug yawd ved ni ma khuhn mad daq se awg ceng tuhaz se yaog Aw lawn koz ver, ni ma khuhn A thoq ted ceng kha peg ghad cawg liz mawq kaw khuhn U kheh koz tuhaz tug yaog.”
Awg khi cuhz penr ve awg lawn nid ceng
(Mth 7:24-27)
46“A thoq te lehq nawg hehd ngag haq ‘Jawd mawd-og Jawd mawd-og’ lehd koz se-awg le kheh ma khuhd ngag koz lar se awg ceng haq nawg hehd mad ghaq te? 47Ngag nawg hehd haq tawd pa hax te lehq koz-ax laq chaw U ve te ghad A sug haq sur daq seawg le. Ted ghad le lea ngag chehd lo lag lehq ngag ve tawd khuhd haq na yug lehq yug ve lehq te se chaw te ghad sur daq se yaog. 48Chaw te ghad yawd yehg te se awg khiz per hawx meh dig thag lo dud ke nax jad se haq sur se yaog kheh te lehq A kaz neq lehq A kaz duhd ter se yaog, kheh ma khuhd yehg U ve kuhd taz kuhd yaq maq te awg lawn koz ver te daq jad vehr se haq te lehq yaog. 49A sug te ghad ma koz ngag ve taw khuhd haq gha kad lehq maq ghaq te ver yawd awr lehr yehg te se mig gig thag lo te se chaw haq sur se yaog awg khiz per kha nehax maq te A kaz duhd yehg U ve haq ter se te yand te thawz lehax kuhd vehr se yaog kheh te lehq lug se sez se yehg U ve lehr sax jad vehr se yaog.”
ទើបបានជ្រើសរើសហើយ៖
Luq kar 6: LHU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
Luq kar 6
6
Sinx ni haq soq saq lehq kanx cawg se awg lawn
(Mth 12:1-8; Mk 2:23-28)
1Sinx ni teq ni haq Yer suq Ghig sa ti mi khuhn phanr kae se te yand yawd ved awg laq ghuhd teq pa cag no chehz lehq pex cad se yaog. 2Phar rir sehd teq pa ted pehg Yer suq Ghig sa ve awg laq ghuhd U kheh te se haq gha mawg lehq koz se nawg hehd U kheh maq te cawd hawg! lehd koz lehq I hehd haq koz vid se yaog, “A thoq te lehq nawg hehd teq pa ngag hehd ve awg lid tawd khawd khuhn taq te lehd koz lar se haq sinx ni awg khuhn#6:2 Sinx ni awg khuhn Bon mar liq 23:25 lo te seawg le?”
3Yer suq Ghig sa I hehd haq kawq koz khuhq ved se, “nawg hehd teq pa maq gha vawn jaw la Dar viq yawd ved chaw awr meq huh#6:3 Maq gha vawn jaw la Dar viq yawd ved chaw awr meq huh 1Sar mor laq 21:1-6 yawd te se awg ceng haq mad mawg jaw la? 4Daq kehg se hawx yehg Ghig sa chehd kig lo yawd geh se yaog kheh te lehq paw khod ve awr paw neh#6:4 Awr paw neh A kor pi liq 24:5-9 Ghig sa haq tand vid lar se haq yug veha lehq cad lehq yawd ved chaw teq pa haq liz pehg car vid se yaog, awg lid tawd khuhd koz lar se paw khod teq pa mehz ver te gad leh-aq maq gha cad hawg lehd koz lar se yaog.”
5Kheh te peg lehq Yer suq Ghig sa I hehd haq koz vid se, ngag “chaw yad ve yad phu Ghig sa awr lehr chaw yad haq keh koz tug kand pax cawg se yaog sinx ni khuhn te cawg maq te cawg se haq yawd sinr se yaog.”
Haw khaz lag kuhr suh se haq Yer suq Ghig sa te khehnd vid se
(Mth 12:9-14; Mk 3:1-6)
6Sinx ni peg lehq Awg nuz awr teq sinx haq Yer suq Ghig sa phawng daq lehq bon lawg kig awg ti U ve khuhn lo gehe lehq chaw yad teq pa haq tanr mar vid chehd se awg ti U ve khuhn haw khaz te gad laq kuhr laq yaor-awr phawr suh veh se chaw te gad liz chehd se yaog. 7Liq buhq par teq pa he lehq phar rir sehd teq pa ted pehg U huh chehd se I hehd Yer suq Ghig sa te yaq tug Sinx ni haq yawd A nar nag se haq te khehnd ve chehd huh I hehd ghaq jaz ngawx se yaog. 8Kheh ma khuhd Yer suq Ghig sa I hehd duhd chehd se awg ceng haq sinr lehq haw khaz laq kuhr laq yar-awr phawr suh se chaw haq koz vid se, “tu hox lor kheh te lehq chor lo mehz khuhd suhr lo lar-o.” haw khaz U ve phad tu hox lehq U huh ca hox se yaog. 9Kheh te peg lehq Yer suq Ghig sa I hehd haq koz vid se, “ngag nawg hehd haq na ngawx sar, sinx ni ve awg lid haq ver A nig teq pa daq se awg ceng te cawd hawg la mehz ver mad daq se awg ceng haq te tuag la? A saq teq tug ga vid tu-awg la mehz ver A saq haq te khehnd vid tu-awg la?” 10Awg khad nuhr Yer suq I hehd teq pa haq kawr phuhz ngawx lar lehr lag kuhr suh se phad haq koz vid se, “nawg ved lag kuhr gawg che lor” lehd koz vid se te yand yawd lag kuhr gawg che lehq khehnd vehr se yaog.
11Liq buhq par he lehq phar lir sehd teq pa U kheh te se haq gha mawg lehq nez nag jad se yaog, kheh te lehq Yer suq Ghig sa haq dawz vehr tug khawehd te cawd lehq nar lehd jehg daq se yaog.
Yer suq Ghig sa cuh yad tiq chi ni ghad haq lez yug se
(Mth 10:1-4; Mk 3:13-19)
12Awg khaz nuhr maq muh tand teq ni huh, Yer suq Ghig sa med khuhn tuhez lehq keh khad ted mag lo bon lawg tug awg pon taez lehq awg ti U ve huh awg yand yehd lehq teq hax maq Ghig sa geh bon lawg chehd se yaog. 13Ted nag muhd pawd huh Yer suq cuh yad teq pa haq yawd chehd lo lar-o lehd koz vid lehq I hehd khuhn yawd teq chi ni ghad haq lez yug lehq awg laq ghuhd lehd koz lehq meh vid se yaog. 14U ve awr lehr Sid mor (Yer suq kawq meh vid se, “Per toq roq”) kheh te lehq, yawd ved awg nax var Anr dehr rehr, yar koq he lehq Yod hanr, phid lid poq he lehq bar thawd rar mehd. 15Mar thehr he lehq Thod maq,Yar koq Ar lar phehd ve yad, Sid mor ( Su kug se, “ser luz yaog.”) 16Yud daq Yar koq ve yad par he lehq Yud daq Id sar kar riq oq Yer suq Ghig sa haq huhnd cad var.
Yer suq Ghig sa mar vid lehq A nar nag se haq te khehnd vid se
(Mth 4:23-25)
17Awg yand U ve haq Yer suq Ghig sa he lehq awg laq ghuhd teq pa kehag lo yaq lehq mig tawg kig U huh saod lehq hox chehd se te yand yer suq ve awg laq ghuhd laex ghad haq gha mawg lehq chaw awg mor kha peh nux yud daq muhd mig he lehq Yer ruq sar lehnr med he lehq ghig nuh maq ox pax-awr lo tud ruz med he lehq six donr med lo ve teq pa lag se yaog. 18I hehd Yer suq koz mar se haq na tug awg pon he lehq Yer suq I hehd ve A nar haq te khehnd vid tug awg pon he lehq chaq chiz se ned haeg sar tanr I hehd teq pa haq soq saq chehd se haq liz te khehnd vid tug te vid se yaog. 19Chaw yad te ghad le lea liz Yer suq haq gha vad tug cud cad se yaog awg lawg koz ver kand pax yawd khuhn tuhaz lehq I hehd ve A nar teq pa haq te khehnd vid se yaog.
Ha lehq se he lehq lug tug
(Mth 5:1-12)
20U ve khad nuhr Yer suq Ghig sa yawd ved awg laq ghuhd teq pa haq ngawx lehq koz vid se,
“Ghig sa mehz khuhn suhr ni ma nud nehq se chaw he lehq Ghig sa haq yonr se chaw he lehq Ghig sa awg khuhn kha peg haq gad va se chaw teq pa awr lehr gha ha lehg tug yaog, awg lawn koz ver
Ghig sa ve muhd nuh maq muhd mig
Nawg hehd ve phehq se yaog.
21A sug te ghad ma koz Ghig sa ve thed se cawd se ha ghaq ca se chaw he lehq A sug te ghad ma koz
Ghig sa haq sax se haq he gad se he lehq Ghig sa ve awg bon haq he gad se chaw awr lehr gha ha lehg tug yaog Awg lawn koz ver Ghig sa
Nawg hehd pehg ca gua tug yaog
Nawg hehd A meha huhg chehd se liz ha lehg tug yaog,
Awg lawg koz ver nawg hehd gha ha lehg lehq gha ghig tug yaog.”
22“Chaw laex ghad Nawg hehd teq pa haq cand se te yand, Nawg hehq teq pa haq ghaq kog lehq, nawg hehd haq koz gid ghig gid lehq nawg hehd ve awg meh mad daq law lehd koz lehq koz tug yaog Awg lawn koz ver chaw yad ve yad phu haq te lehq nawg hehd gha ha lehg tug yaog.” 23Awg ni U ve khuhn phehq tuhaz ver nawg hehd duhd sa gad sa se he lehq ha lehg ha ka te-o awg lawn koz ver ngawx lor! Ghig sa nawg hehd haq laq sawnr pehar lehq muhd nuh maq muhd mig khuhn kha peh ghad cawg se yaog. awg lawn koz ver I hehd ve A pux A pi teq pa liq phu mar par cuh kar par haq liz U kheh te se yaog.
24“Kheh ma khuhd paw sa se nawg hehd teq pa gha lug gha sez tug yaog
Awg lawn koz ver nawg hehd A saq teq kig khuhn pehawr sa jad vehor
25A meha Nawg hehd awg ceng kha peg cawg vehr-o lehd duhd chehd se chaw teq pa haq Ghig sa ve kuhz jad se awg ti awg khuhn lo gha toq khanr tug yaog awg ceng che ve teq pa cawg liz mad lawq se haq nawg hehd sinr tug yaog
Ghig sa suhx jehg se mehz khuhd suhr chehd se te yand nawg hehd chehd sa tug mad cawg hawg
Nawg hehd gha meq gha kaz lehq gha lug gha sez tug yaog A meha gig chehd se chaw gha kuhz jad tug yaog awg
Lawn koz ver nawg hehd gha duhd har lehq
Gha huhg tug yaog.”
26“Nawg hehd gha lug gha sez tug yaog su nawg hehd haq daq se law lehd koz lehq chid muha se te yand awg lawn koz ver liq phu mar yaq par haq liz I hehd ve A pux A pi liz U kheh koz chehd se yaog nawg hehd teq pa liz liq phu mar yaq par phehq se haq gha mawg se yaog.”
Cand par haq haq se
(Mth 5:38-48; 7:12)
27“Kheh ma khuhd ngag awg lawn che teq pa haq koz se haq nawg hehd gha kad se, nawg ved cand par haq haq se cawg vid nawg haq nez nag se chaw haq daq se te vid-oz, 28Nawg hehd haq khen ded se chaw haq awg bon naq vid-oz kheh te lehq nawg hehd haq khawehd te gad te se chaw haq bon lawg vid-oz. 29A sug te ghad ma koz nawg ngawx bawg lehq nawg ved par loz te pawd-awr tha phehd ver te phawd kawq phuhz mawr vid lehq kawq tha vid kheh te lehq A sug nawg ved A poq awg thag ve haq lu yuag lehd te ver awg huh ve liz yawd haq kuhz pid-oz. 30Nawg hehd geh kha lawg se chaw teq pa haq pid-oz kheh te lehq ma thed ma cawd se awg khuhn lo A sug nawg hehd ve mend ngend yug ve lar se chaw haq tag ca koz yug khuhq. 31Su nawg haq tea vid gad se heh su haq liz U kheh te vid-oz.”
32“Kheh te lar lehr nawg hehd haq haq se chaw haq lehax nawg hehd haq ver nawg hehd A thoq awg bon cawg hawg le? awg lawn koz ver Ghig sa haq maq yonr se vend bax yad teq pa liz I hehd haq haq se chaw teq pa haq lehax haq se yaog. 33Kheh te lehq nawg hehd haq daq se awg ceng tea se chaw haq lehax daq se awg ceng kawq te khuhq vid ver nawg hehd A thoq awg bon cawg hawg le? awg lawn koz ver Ghig sa haq maq yonr se vend bax yad teq pa liz U kheh te chehd se yaog. 34Kheh te lehq nawg hehd su haq chid vid ver I hehd geh kawq khuhq gha tug lehax duhd law chehd ver nawg hehd A thoq awg bon cawg hawg le? awg lawn koz ver Ghig sa haq maq yonr se vend bax yad liz vend bax yad haq chid vid lehq kawq khuhq gha tug leha duhd chehd se yaog. 35Nawg hehd ve cand pa haq haq-oq I hehd haq daq se te vid-oz, I hehd haq phu chid vid lehq kawq khuhq gha tug haq ta duhd ngawx U kheh te ver Ghig sa nawg hehd haq laq sawnr Ir jad se pehar se haq gha haq yug tug yaog kheh te lehq nawg hehd har kax se awg ceng che haq gha mawg lehq Ir jad muh jad se Ghig sa ve yad phehq se yaog. lehd koz se yaog. awg lawn koz ver, ha kax se mad cawg se chaw he lehq haeg jad se chaw haq yawd ha kax vid se yaog. 36Nawg hehd teq pa te ghad le lea, ha kax pix se cawg vid-oz. nawg hehd ve A pa Ghig sa te ghad le lea haq ha kax pix se cawg se haq kha suar.”
Su haq suhx jehg se awg lawn
(Mth 7:1-5)
37“Yer suq Ghig sa kawq koz mar vid lehq koz se vend bax te se chaw haq taq ca suhx jehg kheh te ver Ghig sa liz nawg hehd haq maq suhx jehg hawg su haq taq ca koz Ghig sa liz nawg hehd haq maq gha koz vid tug awg pon su haq vend bax phehd kha vid Ghig sa liz nawg hehd haq vend bax hpehd kha vid tug awg pon. 38Su lonr se awg ceng su haq pid lor kheh te ver nawg lonr se awg ceng haq Ghig sa liz nawg haq pehar tug yaog duhd pi se tad kaq par te se heh te lehq Ghig sa liz nawg haq U kheh tea tug yaog kheh te lehq nawg hehd ve kawg tug khuhn kawg-ax lehq peh sez thad kha gag nex ke hiz ki-a tug yaog awg lawn koz ver nawg hehd su haq A thoq khuhn kawg vid lar liz Ghig sa nawg hehd haq U ve khuhn kawq kawg khuhq-ax tug yaog.”
39Kheh te peg lehq Yer suq Ghig sa I hehd haq tawd pa hax te lehq kawq koz vid se, “mehz cox se chaw mehz cox se haq ghawg seh maq gha hawg U kheh te ver I mag ni ghad mig kor nax jad se khuhn che geh tug yaog. 40Awg laq ghuhd awr lehr mar par kheh taw mag Ir hawg, kheh ma khuhd awg laq ghuhd U ve kha nehax kha peh kha luhq ghad gha hend peg ver yawd ved mar par haq kha suar phehq se yaog.”
41Khawehd te lehq nawg vix nawg nax ve vend bax nehax te se haq lehax nawg ngawx chehd seawg le? nawg vix nawg nax ve mehz kha khuhn mehz pux nehax huhz chehd se haq lehax nawg ngawx mawg chehd se haq kha suar, kheh ma khuhd A sug yawd khad vend bax nux te se haq vawr A yend maq te suhz theh nux A sug yawd khad ve mehz kha khuhn mehz pux nux huhz chehd se haq A yeg maq te se haq kha suar? 42Khawehd te lehq nawg vix nawg nax haq koz gha seawg le, A vix A nax o Awg bon te lehq ngag nawg ved mehz kha khuhn mehz pu huhz chehd se haq yug kha laq lehd koz vid pir seawg le? Nawg ved mehz kha khuhn suhz theh nux geh chehd se haq liz nawg ngawx mad mawg te lar lehq? ox awg thag ted ceng ni ma khuhn ted ceng te se chaw-o Nawg ved mehz kha khuhn suhz theh nux geh chehd se haq awg lawd ped yug kha ser kheh te peg ver nawg ngawx mawg vehr ver nawg vix nawg nax ve mehz pu haq yug kha gha se yaog.
Suhz cehg he lehq yawd ved awg sir awg lawn
(Mth 7:16-20; 12:33-35)
43“Suhz cehg daq ver awg sir liz daq se yaog kheh te lehq suhz cehg mad daq ver awg sir liz mad daq se yaog. 44Te thawz lehax che kheh te se haq te lehq suhz cehg ted cehg le lea awr lehr awg sir haq ngawx ver sir se yaog nawg hehd A chud cehg haq cir phuh sir maq gha sax jaw hawg kheh te lehq A chud bid haq A pehx med sir maq gha sax jaw hawg. 45Chaw liz suhz cehg haq kha kha suar phehq se yaog daq se chaw awr lehr A sug yawd ved ni ma khuhn lo daq se awg ceng tuhaz se yaog chaw haeg awr lehr A sug yawd ved ni ma khuhn mad daq se awg ceng tuhaz se yaog Aw lawn koz ver, ni ma khuhn A thoq ted ceng kha peg ghad cawg liz mawq kaw khuhn U kheh koz tuhaz tug yaog.”
Awg khi cuhz penr ve awg lawn nid ceng
(Mth 7:24-27)
46“A thoq te lehq nawg hehd ngag haq ‘Jawd mawd-og Jawd mawd-og’ lehd koz se-awg le kheh ma khuhd ngag koz lar se awg ceng haq nawg hehd mad ghaq te? 47Ngag nawg hehd haq tawd pa hax te lehq koz-ax laq chaw U ve te ghad A sug haq sur daq seawg le. Ted ghad le lea ngag chehd lo lag lehq ngag ve tawd khuhd haq na yug lehq yug ve lehq te se chaw te ghad sur daq se yaog. 48Chaw te ghad yawd yehg te se awg khiz per hawx meh dig thag lo dud ke nax jad se haq sur se yaog kheh te lehq A kaz neq lehq A kaz duhd ter se yaog, kheh ma khuhd yehg U ve kuhd taz kuhd yaq maq te awg lawn koz ver te daq jad vehr se haq te lehq yaog. 49A sug te ghad ma koz ngag ve taw khuhd haq gha kad lehq maq ghaq te ver yawd awr lehr yehg te se mig gig thag lo te se chaw haq sur se yaog awg khiz per kha nehax maq te A kaz duhd yehg U ve haq ter se te yand te thawz lehax kuhd vehr se yaog kheh te lehq lug se sez se yehg U ve lehr sax jad vehr se yaog.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.