Luq kar 7
7
Rod maq ta hanx awg hox ve ta hanx haq Yer suq Ghig sa te khehnd vid se
(Mth 8:5-13; Yh 4:43-54)
1Yer suq Ghig sa awg ceng U ve teq pa chaw yad teq pa haq mar vid peg se te yand yawd kar per ner onr med lo kae se yaog. 2Med U ve khuhn Rod maq ta hanx awg hox te ghad cawg se yawd haq jad se awg ceg par te ghad cawg lehq yawd nag Jad lehq suh vehr chehd se yaog. 3Kheh te lehq ta hanx awg hox Yer suq Ghig sa ve awg lawn gha kad se te yand yawd yud daq chaw-chaw awg mor khuhn chehd se chaw mawd chaw kehx ted pehg haq yawd i hehd teq pa haq Yer suq chehd lo kae pe vid lehq yawd ved awg ceg par haq te khehnd vid tug awg pon kae pe se yaog. 4Kheh te lehq I hehd Yer suq Ghig sa chehd lo gag vehr lehq i hehd teq pa Yer suq haq kha nehax lawg khawx lehq, “ta hanx awg hox che te ghad awr lehr nawg ga vid tug haq lonr se yaog.” 5Awg lawn koz ver yawd a nig ved chaw yad teq pa haq haq se yaog kheh te lehq yawd A nig phawng daq lehq Bon lawg kig awg ti liz tea se yaog.
6Kheh te se haq te lehq, Yer suq Ghig sa I hehd teq pa geh Rod maq ta hanx yehg lo kae se yaog Yer suq yehg lo gag veh lehd te huh ta hanx awg hox awg chawd teq pa haq Yer suq chehd lo ca koz pea se, “Sar lar-o nawg awg pon hpehq har tug tad phehq ved-oz ngag yehg lo tad lag lo awg lawn koz ver Nawg awr lehr ngag ved yehg khuhn lo maq geh cawd se yaog. 7Kheh te se haq te lehq yaog ngag gha mawg se ngag awg ton nawg chehd lo lag tug maq keg se yaog yag huh chehd lar lehq nawg tawd khuhd te khuhd pid ver ngag ved awg ceg pa liz khehnd vehr tug ngag sinr se yaog. 8Awg lawn koz ver, ngag che kheh koz se awr lehr awg hox ve awg lawn haq sinr se yaog ngag liz ta hanx awg hox huhx chehd lehq yawd koz khuhd na se yaog kheh te lehq ngag liz ta hanx cawg se yaog ngag huhx chehd se ngag che phad haq tawd pid lehq, ‘U huh kae’ lehd koz ver yawd liz kae veh se yaog ngag yawd haq tawd kawq pid lehq, ‘chuhr huh laor lehd koz ver’ yawd liz lag se yaog kheh te lehq ngag ved awg ceg par haq taw pid lehq, ‘nawg kanx che haq te lehd koz vid ver’ yawd liz te se yaog.” nawg awr lehr U ve haq keh kand pax Ir se yaog kheh te lehq nawg tawd khuhd pid ver khehnd tug yaog.
9Yer suq Ghig sa yawd U kheh koz se haq gha kad se te yand ta hanx awg hox che phad haq and se yaog Yer suq kawr phuhz ngawx lehq yawd khad nuhr gaq se chaw yad teq pa awg mor nux haq koz vid se, “ngag nawg hehd haq koz-ax laq Id sar rer laq chaw teq pa khuhn chehd se chaw te gaed liz yonr se che kheh taw cawg se mad mawg Jaw.” 10Kheh te peg lehq ta hanx awg hox lag pea lar se teq pa liz yehg lo kawq khaweq lehq awg ceg var U ve phad khehnd vehr se haq gha mawg se yaog.
Meh chuhd ma ve yad par haq Yer suq Ghig sa kawq te teq vid se
11U ve khad nuhr Yer suq Ghig sa nar Id naq meh se te med lo kae lehq yawd ve awg laq ghuhd he lehq chaw yad kha peh nux yawd kha nuhr ghaq kae se yaog. 12Kheh te lehq yer suq med ghaz mir khuhn pad huh gag se haw khaz te ghad suh veh se haq med khuhn lo ga chid tuhaz se yaog suh vehr se chaw U ve te ghad meh cuhd ma ve yad pa te ghad lehax phehq lehq med khuhn chehd se chaw yad mid ma U ve geh chaw kha peh ghaq tuhaz se yaog. 13Kheh te lehq Jawd mawd Yer suq yad mid U ve haq gha mawg se te yand yer suq yad mid U ve haq ni ma khuhn haq kax Jad lehq,yad mid U ve haq koz vid se, “tad huhg lor lehd koz vid se yaog.” 14Kheh te peg lehq Yer suq kawnd kor pad lo jiz gehe lehq vad lehq kawnd kor taz tod se chaw teq pa liz saod lehq hox chehd huh Yer suq koz se, “yad par-o, ngag nawg haq tawd koz ax lar tu lor.” 15Kheh te peg lehq te thawz lehax suh vehr se phad A saq kawq teq lehq tu mi vehr se yaog kheh te lehq tawd tanr ox se yaog, Yer suq Ghig sa haw khaz U ve awr ye chid khuhq pid se yaog.
16Yer suq Ghig sa hawz khaz U ve haq sir khuhq lehq A saq teq ved se haq Chaw yad teq pa gha mawg se te yand I hehd tez maq nuh te lehq and jad lehq I hehd teq pa A sug liz Ghig sa haq chi muh lehq koz se, “cuh kar par kand pax Ir jad se te ghad A nig chehd lo tuhaz vehr-oq chaw yad teq pa haq yug pong ax tug Ghig sa lag se yaog.”
17Kheh te se haq te lehq Yer suq Ghig sa haq caz daq se awg lawn yud daq muhd mig te kag le lea lo he lehq awg kiz awg naz lo kha nehax buhg kae veh se yaog.
Yod hanr A kaz tur par I hehd haq cuh lehq Yer suq Ghig sa chehd lo kae pear se
(Mth 11:2-19)
18Yod hanr A kaz tur par mig kor khuhn geh chehd huh Yod hanr ve awg laq ghuhd Yer suq Ghig sa te se awg lawn U ve kha peg Yod hanr haq koz vid peg lehq Yod hanr yawd ve awg laq ghuhd ni ghad haq kug vid lehq laor lehd koz vid se yaog 19Kheh te lehq awg laq ghuhd haq Jawd mawd Yer suq haq ca mawg daq lehq ca na ngawx pe se, “Nawg mir siz yaq Ghig sa kaq tiq te lar se lag tug yaog lehd koz lar se U ve te ghad yaog la mehz ver ngag hehd teq pa awg nuz awr ve te ghad haq gha kawq law lawg se hawg la?”
20Yod hanr ve awg lag ghuhd teq pa Yer suq Ghig sa chehd lo lag mawg daq se te yand yawd haq na ngawx se, “Yod hanr A kaz tur par ngag hehd haq ca na ngawx pea se yaog, ga lehq yug pong sehr phad mir siz yaq lag lawg lehd koz lar se U ve te ghad nawg yaog la mehz ver ngag hehd teq pa awg nuz awr ve te ghad haq ga kawq law lawg se hawg la?.”
21Awg yand U ve awg khuhn lo Yod hanr A kaz tur par ve awg lag ghuhd U huh chehd se yaog Yer suq Ghig sa A nar ted ceng le lea nag se chaw laex ghad haq haq sax vid lehq, ned haeg jad se teq pa haq liz yug pong vid lehq Meh cox se chaw laex ghad haq liz mehz kawq mawg vid lehq te khehnd vid se yaog. 22Kheh te peg lehq Yer suq Ghig sa Yod hanr A kaz tur par pea lar se awg laq ghuhd haq kawq koz khuhq vid se, “kaweq lehq Yod hanr haq ca kawq koz vid-oz nawg hehd gha mawg lehq gha kad se heh mehz cox se chaw mehz mawg gha lehq khi kuhd suh veh se chaw yaq kaw tod gha lehq khi toq A nar cawg lehq khanr chehd se chaw liz kawq daq lehq, nar puh bag se chaw liz gha kad lehq, chaw suh vehr se liz kawq teq lehq ha lehg se tawd khuhd liz chaw har chaw ghuhd yad U ve teq pa haq mar vid se yaog.” 23Awg land koz ver A sug te ghad ngag haq ni ma khuhn thawd duhd nawg duhd mag te lehq yonr se chaw U ve te ghad awr lehr Ghig sa ve awg bon gha lehq gha ha lehg tug yaog.
24Kheh te peg khad nuhr Yod hanr ve awg laq ghuhd ni ghad kawq kaweq veh lehq Yer suq Ghig sa yawd chaw yad teq pa haq Yod hanr ve awg lawn koz vid se, nawg hehd teq pa heh pir khuhn awg god khehz te lo kae ver A thoq ca ngawx gad seawg le? pund cehg haq muhd huh mez lehq, aw taz aw yaq te chehd se haq ngawex gad lehq la? 25U kheh mehz ver Nawg hehd A thoq haq ca ngawex seawg le? daq Jad lehq awg phuhd khaz jad se har A poq veq deh chehd se haq ca ngawex seawg la? awg cehg maq ver har A poq awg daq maq awg phuhd kha jad se haq veq deh chehd se chaw awr lehr,daq se awg ceng lae ceng cawg lehq ha lehg ha ka te lehq Jawd mawd chehd kig yehg khuhn leha chehd se yaog. 26Kheh ma khuhd nawg hehd A thoq haq ca tuhez ngawex seawg le? cuh kar pa haq ca ngawex seawg la? yaog mehr cuh kar par yaog kheh ma khuhd ngag nawg hehd haq koz ax laq Yod hanr U ve te ghad awr lehr cuh kar pa awg nuz awr ve kanx haq keh yawd vid kanx Ir jad se yaog. 27Kheh te se haq te lehq ca koz vid par Yod hanr ved awg lawn liq phu khuhn buhq lar se yaog, ngawx -lor
“Ngag ved awg ceg par ca koz mar vid par Yod hanr haq cuh lehq
Ga lehq yug pong ax sehr pa haq keh awg kawd ped kae pe lehq
Yod hanr chaw yad teq pa haq ca ghu teh pe lar se yaog.” yawd lag tug awg pon.
28Ngag nawg hehd teq pa haq koz-a laq, Yod hanr awr lehr yad mid geh pawa se chaw yad teq pa haq keh Ir jad se yaog kheh ma khuhd muhd nuh maq muhd mig khuhn I Jad se chaw awr lehr Yod hanr haq keh Ir jad se yaog.
(29Chaw te ghad le lea he lehq awg khawr saw par teq pa Jawd mawd Rud maq haq pid se yaog Yod hanr A kaz tur par mar se tawd khuhd A sug liz haq yug se yaog Ghig sa awr lehr thed cawd Jad se yaog awg lawg koz ver I hehd teq pa awr lehr Yod hanr geh A kaz tur peg se yaog. 30Kheh ma khuhd phar rir sehd teq pa he lehq awg lid tawd khuhd sinr par teq pa awr lehr Ghig sa I hehd awg pehg duhd law lar se awg ceng haq tawr tar lehq I hehd Yod hanr geha kaz tur maq gha tur ved tug awg pon.)
31Yer suq Ghig sa kawq koz se, “U kheh te ver, ngag chaw a meha ve teq co-e haq A thoq yug tehz daq tug awg le? I hehd A thoq haq sur se awg le? 32I hehd teq pa chaw yad nehax med ngend huhd kig awg kar lo ted peh mi lar lehq ted peh vawr ca ce gid chehd se haq sur lehq te ghad te ghad kug daq lehq koz se, ‘ngag hehd liq khuhd ka liz nawg hehd pawehd maq te ngag hehd duhd har lehq paz huhg liz nawg hehd mad huhg’ 33Awg yand U ve huh I hehd Yod haq he lehq ngag haq liz mad haq yug Awg lawn koz ver Yer suq Ghig sa koz se,Yod hanr A kaq tur par lag lehq cad tug liz ma cad A pehx med ghig juh mad dawg kheh ma khuhd nawg hehd koz se ‘yawd awg khuhn ned haeg sar tanr geh se yaog lehd koz se yaog’ . 34Kheh te lar lehr chaw yad ve yad phu lag lehq cad dawg se te yand nawg hehd koz se, ‘ngawx yawd lehq cad bar cad bawx te lehq buhz pix lehq vend bax yad he lehq awg khawr saw par geh awg chawd te se yaog.’ 35Kheh ma khuhd khawehd te maq te liz Ghig sa ve cud yig ma yig awg cehg maq phehq tuhaz tug yaog chaw te ghad le lea ve A saq khuhn yonr lehq haq yug se chaw geh.”
Six mor phar rir sehnd chaw ve yehg lo Yer suq Ghig sa awr ca cad se
36Phar rir sehd chaw te ghad cawg se Yer suq Ghig sa haq yawd geh awr ca cad tug laor lehd koz vid lehq, yawd U ve phad ve yehg khuhn geh lehq yawd mi se yaog. 37Med U ve khuhn mad daq se yad mid te ghad cawg se yaog. kheh te lehq yad mid gha kad se te yand, Yer suq Ghig sa phar rir sehd yehg khuhn awr lag cad se haq te lehq yad mid U ve awg phuhd khad se A kaw phua khuhn ke lar se nag mand huhx peh chehd se yug kae se yaog. 38Kheh te lehq Yer suq Ghig sa kuhr tehz huhr Yer suq khi pad lo hox lar lehr yad mid U ve huhg lehq mehz ghig sod yaq lehq Yer suq ve khi haq nehz se yaog kheh te peg lehq yad mid ma yawd ve cuhz kheh yug lehq Yer suq ve khi haq siz vid peg lehq bux vid lehq yawd khi haq nag mand huhx puhr vid se yaog. 39Kheh te lehq phar rir sehd chaw U ve Yer suq haq awg ca cad laoq lehd koz se phad awg ceng U ve haq gha mawg se te yand yawd ved ni ma khuh duhd se. “chaw che cuh kar par awg cehg mag ver yad mid ma che te ghad yawd haq vad chehd se A sug lehr nar yawd sinr tug yaog. yad mid ma U ve mad daq se chaw.”
40Kheh te peg lehq Yer suq Ghig sa Sid mor haq koz vid se, “Sid mor-o ngag nawg haq koz-ax tug ted ceng cawg se yaog.”
Sid mor kawq koz khuhq vid se, “sar lar-or koz pea lor.”
41Yer suq Ghig sa tanr koz se, “haw khaz var ni ghad cawg se I mag ni ghad ghad chaw te ghad geh Jeg cawg se yaog te gad vawr phu ngad lawehg thehq he lehq te ghad vawr phu ngad chi thehq Jeg cawg se yaog. 42Kheh te lehq te ghaed liz Jeg haq sehr vid maq gha he lehq yawd I mag ni ghad ghad ve Jeg haq phehd kha vid se yaog. chaw che ni ghad khuhn A sug te ghad le jeg phehd kha ve par haq haq jad se?”
43Sid mor kawq koz khuhq vid se, “ngag duhd se Jeg mad Jad se haq phehd kha vid se chaw te ghad yaog.”
Yer suq Ghig sa kawq koz khuhq vid se, “nawg duhd se cawd vehr se yaog.” 44Kheh te lehq Yer suq yad mid ma U ve haq kawr phuhz ngawx peg se te yand sid mor haq koz vid se, “nawg yad mid ma che haq mawg chehd-ag la? ngag nawg ve yehg khuhn geha liz kheh te lar lehr nawg ngag ve khi chuhd tug awg pon A kaz liz maq peha law kheh ma khuhd yad mid che te ghad yawd ved mehz ghig haq yug lehq ngag ved khi haq chuhad lehq yawd ved cuhz kheh yug lehq ngag ved khi haq siz ax se yaog. 45Nawg ngag haq maq vuhz cuhz ax, maq haq yug ax kheh ma khuhd yad mid che ngag tanr geha loar yad mid U ve ngag ved khi haq bux se ma phehd se yaog. 46Nawg sar lonr chu yug lehg ngag ved a kor haq ma puhar kheh ma khuhd yad mid che ve awg phuhd hkaz Jad se sar lonr chu yug lehq ngag ve khi haq puhar se yaog. 47Kheh te seaq te lehq ngag nawg haq koz ax laq, awg lawn koz ver yad mid ma che ve haq Jad seaq te lehq yawd te mar se awg ceng haq gha mawg se yad mid ve vend bax kha peg gha pong veh se yaog, kheh ma khuhd A sug te ghad ve vend bax haq A cehax lehax phehd kha liz U ve te ghad awr lehr A cehax lehax haq se yaog.”
48Kheh te peg lehq Yer suq Ghig sa yad mid ma U ve haq koz vid se, “nawg ved vend bax teq pa kha peg saw phehd kha vehr se yaog.” 49Awg nuz awr ve chaw teq pa Yer suq gheh teq gheha awr mi cad chehd se teq pa A sug liz ni ma khuhn duhd se, “chaw che phad A sug awg le vend bax haq phehd kha vid gha se?” Ghig sa te ghad lehax cawg se yaog U kheh te gha se.
50Yer suq Ghig sa yad mid ma U ve haq koz vid se, “nawg ngag haq yonr se haq te lehq nawg gha pong vehr-o ha lehg ha ka te kae lor.”
ទើបបានជ្រើសរើសហើយ៖
Luq kar 7: LHU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
Luq kar 7
7
Rod maq ta hanx awg hox ve ta hanx haq Yer suq Ghig sa te khehnd vid se
(Mth 8:5-13; Yh 4:43-54)
1Yer suq Ghig sa awg ceng U ve teq pa chaw yad teq pa haq mar vid peg se te yand yawd kar per ner onr med lo kae se yaog. 2Med U ve khuhn Rod maq ta hanx awg hox te ghad cawg se yawd haq jad se awg ceg par te ghad cawg lehq yawd nag Jad lehq suh vehr chehd se yaog. 3Kheh te lehq ta hanx awg hox Yer suq Ghig sa ve awg lawn gha kad se te yand yawd yud daq chaw-chaw awg mor khuhn chehd se chaw mawd chaw kehx ted pehg haq yawd i hehd teq pa haq Yer suq chehd lo kae pe vid lehq yawd ved awg ceg par haq te khehnd vid tug awg pon kae pe se yaog. 4Kheh te lehq I hehd Yer suq Ghig sa chehd lo gag vehr lehq i hehd teq pa Yer suq haq kha nehax lawg khawx lehq, “ta hanx awg hox che te ghad awr lehr nawg ga vid tug haq lonr se yaog.” 5Awg lawn koz ver yawd a nig ved chaw yad teq pa haq haq se yaog kheh te lehq yawd A nig phawng daq lehq Bon lawg kig awg ti liz tea se yaog.
6Kheh te se haq te lehq, Yer suq Ghig sa I hehd teq pa geh Rod maq ta hanx yehg lo kae se yaog Yer suq yehg lo gag veh lehd te huh ta hanx awg hox awg chawd teq pa haq Yer suq chehd lo ca koz pea se, “Sar lar-o nawg awg pon hpehq har tug tad phehq ved-oz ngag yehg lo tad lag lo awg lawn koz ver Nawg awr lehr ngag ved yehg khuhn lo maq geh cawd se yaog. 7Kheh te se haq te lehq yaog ngag gha mawg se ngag awg ton nawg chehd lo lag tug maq keg se yaog yag huh chehd lar lehq nawg tawd khuhd te khuhd pid ver ngag ved awg ceg pa liz khehnd vehr tug ngag sinr se yaog. 8Awg lawn koz ver, ngag che kheh koz se awr lehr awg hox ve awg lawn haq sinr se yaog ngag liz ta hanx awg hox huhx chehd lehq yawd koz khuhd na se yaog kheh te lehq ngag liz ta hanx cawg se yaog ngag huhx chehd se ngag che phad haq tawd pid lehq, ‘U huh kae’ lehd koz ver yawd liz kae veh se yaog ngag yawd haq tawd kawq pid lehq, ‘chuhr huh laor lehd koz ver’ yawd liz lag se yaog kheh te lehq ngag ved awg ceg par haq taw pid lehq, ‘nawg kanx che haq te lehd koz vid ver’ yawd liz te se yaog.” nawg awr lehr U ve haq keh kand pax Ir se yaog kheh te lehq nawg tawd khuhd pid ver khehnd tug yaog.
9Yer suq Ghig sa yawd U kheh koz se haq gha kad se te yand ta hanx awg hox che phad haq and se yaog Yer suq kawr phuhz ngawx lehq yawd khad nuhr gaq se chaw yad teq pa awg mor nux haq koz vid se, “ngag nawg hehd haq koz-ax laq Id sar rer laq chaw teq pa khuhn chehd se chaw te gaed liz yonr se che kheh taw cawg se mad mawg Jaw.” 10Kheh te peg lehq ta hanx awg hox lag pea lar se teq pa liz yehg lo kawq khaweq lehq awg ceg var U ve phad khehnd vehr se haq gha mawg se yaog.
Meh chuhd ma ve yad par haq Yer suq Ghig sa kawq te teq vid se
11U ve khad nuhr Yer suq Ghig sa nar Id naq meh se te med lo kae lehq yawd ve awg laq ghuhd he lehq chaw yad kha peh nux yawd kha nuhr ghaq kae se yaog. 12Kheh te lehq yer suq med ghaz mir khuhn pad huh gag se haw khaz te ghad suh veh se haq med khuhn lo ga chid tuhaz se yaog suh vehr se chaw U ve te ghad meh cuhd ma ve yad pa te ghad lehax phehq lehq med khuhn chehd se chaw yad mid ma U ve geh chaw kha peh ghaq tuhaz se yaog. 13Kheh te lehq Jawd mawd Yer suq yad mid U ve haq gha mawg se te yand yer suq yad mid U ve haq ni ma khuhn haq kax Jad lehq,yad mid U ve haq koz vid se, “tad huhg lor lehd koz vid se yaog.” 14Kheh te peg lehq Yer suq kawnd kor pad lo jiz gehe lehq vad lehq kawnd kor taz tod se chaw teq pa liz saod lehq hox chehd huh Yer suq koz se, “yad par-o, ngag nawg haq tawd koz ax lar tu lor.” 15Kheh te peg lehq te thawz lehax suh vehr se phad A saq kawq teq lehq tu mi vehr se yaog kheh te lehq tawd tanr ox se yaog, Yer suq Ghig sa haw khaz U ve awr ye chid khuhq pid se yaog.
16Yer suq Ghig sa hawz khaz U ve haq sir khuhq lehq A saq teq ved se haq Chaw yad teq pa gha mawg se te yand I hehd tez maq nuh te lehq and jad lehq I hehd teq pa A sug liz Ghig sa haq chi muh lehq koz se, “cuh kar par kand pax Ir jad se te ghad A nig chehd lo tuhaz vehr-oq chaw yad teq pa haq yug pong ax tug Ghig sa lag se yaog.”
17Kheh te se haq te lehq Yer suq Ghig sa haq caz daq se awg lawn yud daq muhd mig te kag le lea lo he lehq awg kiz awg naz lo kha nehax buhg kae veh se yaog.
Yod hanr A kaz tur par I hehd haq cuh lehq Yer suq Ghig sa chehd lo kae pear se
(Mth 11:2-19)
18Yod hanr A kaz tur par mig kor khuhn geh chehd huh Yod hanr ve awg laq ghuhd Yer suq Ghig sa te se awg lawn U ve kha peg Yod hanr haq koz vid peg lehq Yod hanr yawd ve awg laq ghuhd ni ghad haq kug vid lehq laor lehd koz vid se yaog 19Kheh te lehq awg laq ghuhd haq Jawd mawd Yer suq haq ca mawg daq lehq ca na ngawx pe se, “Nawg mir siz yaq Ghig sa kaq tiq te lar se lag tug yaog lehd koz lar se U ve te ghad yaog la mehz ver ngag hehd teq pa awg nuz awr ve te ghad haq gha kawq law lawg se hawg la?”
20Yod hanr ve awg lag ghuhd teq pa Yer suq Ghig sa chehd lo lag mawg daq se te yand yawd haq na ngawx se, “Yod hanr A kaz tur par ngag hehd haq ca na ngawx pea se yaog, ga lehq yug pong sehr phad mir siz yaq lag lawg lehd koz lar se U ve te ghad nawg yaog la mehz ver ngag hehd teq pa awg nuz awr ve te ghad haq ga kawq law lawg se hawg la?.”
21Awg yand U ve awg khuhn lo Yod hanr A kaz tur par ve awg lag ghuhd U huh chehd se yaog Yer suq Ghig sa A nar ted ceng le lea nag se chaw laex ghad haq haq sax vid lehq, ned haeg jad se teq pa haq liz yug pong vid lehq Meh cox se chaw laex ghad haq liz mehz kawq mawg vid lehq te khehnd vid se yaog. 22Kheh te peg lehq Yer suq Ghig sa Yod hanr A kaz tur par pea lar se awg laq ghuhd haq kawq koz khuhq vid se, “kaweq lehq Yod hanr haq ca kawq koz vid-oz nawg hehd gha mawg lehq gha kad se heh mehz cox se chaw mehz mawg gha lehq khi kuhd suh veh se chaw yaq kaw tod gha lehq khi toq A nar cawg lehq khanr chehd se chaw liz kawq daq lehq, nar puh bag se chaw liz gha kad lehq, chaw suh vehr se liz kawq teq lehq ha lehg se tawd khuhd liz chaw har chaw ghuhd yad U ve teq pa haq mar vid se yaog.” 23Awg land koz ver A sug te ghad ngag haq ni ma khuhn thawd duhd nawg duhd mag te lehq yonr se chaw U ve te ghad awr lehr Ghig sa ve awg bon gha lehq gha ha lehg tug yaog.
24Kheh te peg khad nuhr Yod hanr ve awg laq ghuhd ni ghad kawq kaweq veh lehq Yer suq Ghig sa yawd chaw yad teq pa haq Yod hanr ve awg lawn koz vid se, nawg hehd teq pa heh pir khuhn awg god khehz te lo kae ver A thoq ca ngawx gad seawg le? pund cehg haq muhd huh mez lehq, aw taz aw yaq te chehd se haq ngawex gad lehq la? 25U kheh mehz ver Nawg hehd A thoq haq ca ngawex seawg le? daq Jad lehq awg phuhd khaz jad se har A poq veq deh chehd se haq ca ngawex seawg la? awg cehg maq ver har A poq awg daq maq awg phuhd kha jad se haq veq deh chehd se chaw awr lehr,daq se awg ceng lae ceng cawg lehq ha lehg ha ka te lehq Jawd mawd chehd kig yehg khuhn leha chehd se yaog. 26Kheh ma khuhd nawg hehd A thoq haq ca tuhez ngawex seawg le? cuh kar pa haq ca ngawex seawg la? yaog mehr cuh kar par yaog kheh ma khuhd ngag nawg hehd haq koz ax laq Yod hanr U ve te ghad awr lehr cuh kar pa awg nuz awr ve kanx haq keh yawd vid kanx Ir jad se yaog. 27Kheh te se haq te lehq ca koz vid par Yod hanr ved awg lawn liq phu khuhn buhq lar se yaog, ngawx -lor
“Ngag ved awg ceg par ca koz mar vid par Yod hanr haq cuh lehq
Ga lehq yug pong ax sehr pa haq keh awg kawd ped kae pe lehq
Yod hanr chaw yad teq pa haq ca ghu teh pe lar se yaog.” yawd lag tug awg pon.
28Ngag nawg hehd teq pa haq koz-a laq, Yod hanr awr lehr yad mid geh pawa se chaw yad teq pa haq keh Ir jad se yaog kheh ma khuhd muhd nuh maq muhd mig khuhn I Jad se chaw awr lehr Yod hanr haq keh Ir jad se yaog.
(29Chaw te ghad le lea he lehq awg khawr saw par teq pa Jawd mawd Rud maq haq pid se yaog Yod hanr A kaz tur par mar se tawd khuhd A sug liz haq yug se yaog Ghig sa awr lehr thed cawd Jad se yaog awg lawg koz ver I hehd teq pa awr lehr Yod hanr geh A kaz tur peg se yaog. 30Kheh ma khuhd phar rir sehd teq pa he lehq awg lid tawd khuhd sinr par teq pa awr lehr Ghig sa I hehd awg pehg duhd law lar se awg ceng haq tawr tar lehq I hehd Yod hanr geha kaz tur maq gha tur ved tug awg pon.)
31Yer suq Ghig sa kawq koz se, “U kheh te ver, ngag chaw a meha ve teq co-e haq A thoq yug tehz daq tug awg le? I hehd A thoq haq sur se awg le? 32I hehd teq pa chaw yad nehax med ngend huhd kig awg kar lo ted peh mi lar lehq ted peh vawr ca ce gid chehd se haq sur lehq te ghad te ghad kug daq lehq koz se, ‘ngag hehd liq khuhd ka liz nawg hehd pawehd maq te ngag hehd duhd har lehq paz huhg liz nawg hehd mad huhg’ 33Awg yand U ve huh I hehd Yod haq he lehq ngag haq liz mad haq yug Awg lawn koz ver Yer suq Ghig sa koz se,Yod hanr A kaq tur par lag lehq cad tug liz ma cad A pehx med ghig juh mad dawg kheh ma khuhd nawg hehd koz se ‘yawd awg khuhn ned haeg sar tanr geh se yaog lehd koz se yaog’ . 34Kheh te lar lehr chaw yad ve yad phu lag lehq cad dawg se te yand nawg hehd koz se, ‘ngawx yawd lehq cad bar cad bawx te lehq buhz pix lehq vend bax yad he lehq awg khawr saw par geh awg chawd te se yaog.’ 35Kheh ma khuhd khawehd te maq te liz Ghig sa ve cud yig ma yig awg cehg maq phehq tuhaz tug yaog chaw te ghad le lea ve A saq khuhn yonr lehq haq yug se chaw geh.”
Six mor phar rir sehnd chaw ve yehg lo Yer suq Ghig sa awr ca cad se
36Phar rir sehd chaw te ghad cawg se Yer suq Ghig sa haq yawd geh awr ca cad tug laor lehd koz vid lehq, yawd U ve phad ve yehg khuhn geh lehq yawd mi se yaog. 37Med U ve khuhn mad daq se yad mid te ghad cawg se yaog. kheh te lehq yad mid gha kad se te yand, Yer suq Ghig sa phar rir sehd yehg khuhn awr lag cad se haq te lehq yad mid U ve awg phuhd khad se A kaw phua khuhn ke lar se nag mand huhx peh chehd se yug kae se yaog. 38Kheh te lehq Yer suq Ghig sa kuhr tehz huhr Yer suq khi pad lo hox lar lehr yad mid U ve huhg lehq mehz ghig sod yaq lehq Yer suq ve khi haq nehz se yaog kheh te peg lehq yad mid ma yawd ve cuhz kheh yug lehq Yer suq ve khi haq siz vid peg lehq bux vid lehq yawd khi haq nag mand huhx puhr vid se yaog. 39Kheh te lehq phar rir sehd chaw U ve Yer suq haq awg ca cad laoq lehd koz se phad awg ceng U ve haq gha mawg se te yand yawd ved ni ma khuh duhd se. “chaw che cuh kar par awg cehg mag ver yad mid ma che te ghad yawd haq vad chehd se A sug lehr nar yawd sinr tug yaog. yad mid ma U ve mad daq se chaw.”
40Kheh te peg lehq Yer suq Ghig sa Sid mor haq koz vid se, “Sid mor-o ngag nawg haq koz-ax tug ted ceng cawg se yaog.”
Sid mor kawq koz khuhq vid se, “sar lar-or koz pea lor.”
41Yer suq Ghig sa tanr koz se, “haw khaz var ni ghad cawg se I mag ni ghad ghad chaw te ghad geh Jeg cawg se yaog te gad vawr phu ngad lawehg thehq he lehq te ghad vawr phu ngad chi thehq Jeg cawg se yaog. 42Kheh te lehq te ghaed liz Jeg haq sehr vid maq gha he lehq yawd I mag ni ghad ghad ve Jeg haq phehd kha vid se yaog. chaw che ni ghad khuhn A sug te ghad le jeg phehd kha ve par haq haq jad se?”
43Sid mor kawq koz khuhq vid se, “ngag duhd se Jeg mad Jad se haq phehd kha vid se chaw te ghad yaog.”
Yer suq Ghig sa kawq koz khuhq vid se, “nawg duhd se cawd vehr se yaog.” 44Kheh te lehq Yer suq yad mid ma U ve haq kawr phuhz ngawx peg se te yand sid mor haq koz vid se, “nawg yad mid ma che haq mawg chehd-ag la? ngag nawg ve yehg khuhn geha liz kheh te lar lehr nawg ngag ve khi chuhd tug awg pon A kaz liz maq peha law kheh ma khuhd yad mid che te ghad yawd ved mehz ghig haq yug lehq ngag ved khi haq chuhad lehq yawd ved cuhz kheh yug lehq ngag ved khi haq siz ax se yaog. 45Nawg ngag haq maq vuhz cuhz ax, maq haq yug ax kheh ma khuhd yad mid che ngag tanr geha loar yad mid U ve ngag ved khi haq bux se ma phehd se yaog. 46Nawg sar lonr chu yug lehg ngag ved a kor haq ma puhar kheh ma khuhd yad mid che ve awg phuhd hkaz Jad se sar lonr chu yug lehq ngag ve khi haq puhar se yaog. 47Kheh te seaq te lehq ngag nawg haq koz ax laq, awg lawn koz ver yad mid ma che ve haq Jad seaq te lehq yawd te mar se awg ceng haq gha mawg se yad mid ve vend bax kha peg gha pong veh se yaog, kheh ma khuhd A sug te ghad ve vend bax haq A cehax lehax phehd kha liz U ve te ghad awr lehr A cehax lehax haq se yaog.”
48Kheh te peg lehq Yer suq Ghig sa yad mid ma U ve haq koz vid se, “nawg ved vend bax teq pa kha peg saw phehd kha vehr se yaog.” 49Awg nuz awr ve chaw teq pa Yer suq gheh teq gheha awr mi cad chehd se teq pa A sug liz ni ma khuhn duhd se, “chaw che phad A sug awg le vend bax haq phehd kha vid gha se?” Ghig sa te ghad lehax cawg se yaog U kheh te gha se.
50Yer suq Ghig sa yad mid ma U ve haq koz vid se, “nawg ngag haq yonr se haq te lehq nawg gha pong vehr-o ha lehg ha ka te kae lor.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.